ZKIZ Archives


中環在線:簡文樂十幾歲就鍾意支解 李華華

2008-04-15 AppleDaily



唔 少商界富豪細個都捱過世界,冠軍科技(092)主席簡文樂(圖)係其中一個,咪睇佢家吓身家豐厚,又係大馬主,原來佢細個嗰陣,同好多人一樣都試過喺街度 排隊輪米。佢話喺50年代出世,當時戰後冇耐,糧食短缺,唔係有錢就一定買到嘢食,家家戶戶都要配給,佢細細個就拎住「米票」去買米,屋企有7個兄弟姊 妹,買得米嚟,就冇乜錢買餸,餐餐都係得一兩碟餸咋。

喺咁嘅環境下,當時讀天主教學校嘅簡文樂一心諗住大個做神父打救世人,點知因為朋友嘅幾句說話改變主 意,後尾仲信埋佛教。簡主席話:「朋友知我想做神父,就話我未見識過呢個世界,最緊要係連女仔都未識過,拖又未拍過,第日有人因為感情事要你輔導,咪撞 板!」年少嘅簡主席,聽到呢番話覺得好啱,所以放棄做神父。

到咗十幾歲佢迷上科技,屋企嘅收音機、洗衣機,都逃唔過俾佢「支解」嘅下場。60年代末,佢見 到當時嘅政府請人寫電腦程式,仲有在職培訓,未學過電腦嘅佢,膽粗粗走去報考。佢話:「當時有幾千人考,主要考IQ同計數,我唔單止考到,仲係第二名。」
中環 在線 文樂 十幾 歲就 鍾意 支解 華華
PermaLink: https://articles.zkiz.com/?id=738

中環在線:美百萬富翁最鍾意炒股 李華華

2010-03-11  AD





 

近 排花旗國有幾個重要經濟數據上咗枱,華華咀嚼一輪,諗住嘆吓飯後甜品嗰陣,咁啱前日就有個關於花旗國百萬富翁嘅調查新鮮出爐,原來舊年美國百萬美元戶跟股 市一齊「V彈」,達到780萬個家庭,比前年多成16%,坐擁至少500萬美金身家亦有98萬個家庭,激增17%,個調查話明唔包自住物業,如果包埋升幅 肯定仲大。

780萬個家庭身家逾百萬

話晒係百萬富翁,梗係投資有道先會致富啦!華華忍唔住八吓佢哋本「發達秘笈」寫啲乜,發覺原來最有錢嗰班人o依家嘅投資首選係揸股票,其次係揸存款證之類嘅保本投資,咁即係話,佢哋睇好美股仲有得升喎!



中環 在線 美百 百萬 富翁 鍾意 炒股 華華
PermaLink: https://articles.zkiz.com/?id=14635

葡京黃金廳主談成功之道最緊要鍾意賭  李華華

2010-11-01 AD

賭王何鴻燊嘅得力助手李樹福(李伯),即係金利豐證券老闆娘朱太朱李月華阿爸,能夠做到澳博(880)葡京最大賭廳黃金廳嘅廳主,已經唔簡單,更重要係李伯係賭王知心友,一齊喺濠江打天下。

華華上周六有機會見到李伯,自然唔放過機會,向佢老人家請教成功之道,李伯話最重要係「自己都鍾意賭錢!」

李伯年輕時已隨家人由番禺移民至香港鴨脷洲,佢話回想當年喺鴨脷洲起家,係做漁民貸款生意,「啲漁民一出海就3、4個月,出發前要畀人工、買生財工具,我就借錢畀佢哋,等漁民回航時有豐富漁穫先還錢。」

朱太親父間中同賭王食飯

就因為漁民貸款生意,令李伯認識到水上賭船嘅人,為佢日後成為濠江廳主踏腳石。對於呢段歷史,李伯好少提。

懂得賭也可以賭出個未來,李伯個黃金廳喺多年前,已經係澳博主要收入,亦係澳門博彩主要收入。曾經有報道話,澳博與廳主係七、三分賬,但李伯就係五五對分。

講開澳博,一定想起賭王,李伯話何生仲喺休息時期,精神都唔錯,佢間中都有同賭王食飯。

當講起呢幾年澳門賭業嘅「華洋大戰」局面時,李伯話,做黃金廳已超過20年,起初澳娛係獨市生意,自從01年起澳門開放賭業,對佢哋係有啲影響,但唔算好大。

李伯話,賭博產品家家都一樣, 佢重申本身都好鍾意賭錢,所以知道晒賭客嘅要求,包括喺硬件、軟件以至交通安排,都為賭客提供貼身服務,咁先可以留住賭客歡心。力不到不為財果然是營商基本法。

李華華

LiWaWa@AppleDaily.com

 

葡京 黃金 廳主 主談 成功 之道 道最 緊要 鍾意 華華
PermaLink: https://articles.zkiz.com/?id=19043

霍老太唔鍾意阻啟山娶東歐Model

2012-9-27  NM




霍啟剛下月將結束八年愛情長跑, 迎娶國寶郭晶晶。未有正式公開戀情的霍家二公子霍啟山,原來亦有個收埋四年,現年二十三歲的東歐斯洛伐克籍模特兒女友Lea Tassova,為讓女友同家人搞好關係,他曾讓Lea隨霍家到北京睇奧運,但霍老太(呂燕妮)卻擺明唔受外籍女子做孫新抱,即使冇下令叫停,但Lea入 霍家無望。

北京睇奧運

與霍啟山秘密拍拖四年的Lea Tassova,十六歲由家鄉斯洛伐克隻身來港做模特兒,在香港工作三年多,二人在中環鬼妹蒲點DRAGON I相識,一撻即著。霍啟山一直將這段異國戀低調,平日見面匿埋私竇。「Eric(霍啟山)同Lea喺香港好小心,識咗第一年,Eric就帶佢同埋屋企人去 睇北京奧運,之後又去過加拿大同新加坡玩。喺香港反而唔會周圍去,多數喺Eric中環私竇,兩個匿喺間屋睇一日電視唔出街都得,就算肚餓,都係叫外賣 pizza或者茶餐廳,總之唔係外邊人咁諗,以為同富二代拍拖好富貴;最勁一次都係喺DRAGON I開咗十萬蚊香檳請朋友飲。「Lea最初都唔知Eric係咩人,後來聽朋友講,先知霍家喺香港咁出名,不過佢都係俾Eric性格吸引,佢話男友夠 smart,做嘢有條理,又細心,就算Eric身邊成日有好多女仔,佢哋大炒一鑊,又會好快喺番埋一齊。」知情者說。

返鄉下考試

拍拖四年,其間霍啟山不乏誘惑!前度章子怡跟美國時代華納大股東VIVI甩拖後,也曾主動出擊,企圖翻兜家族坐擁三百億的霍家二公子。雖然明知男友跟前度 有景轟,Lea依然死忍。「Lea好鍾意Eric,但每次Eric飛第二度搞project,一離開香港,就好難搵到佢。Lea因為要完成大學課程,要定 期返斯洛伐克考試,兩個人唔可以成日見面,Lea為咗呢啲事成日情緒低落,兩個間唔中就鬧交。今年暑假,Eric一家去英國睇奧運,本來有預Lea,不過 撞啱兩個冷戰緊,最後都冇去。」

16歲闖天下

現年23歲的Lea Tassova,來自東歐斯洛伐克。八歲時已經在家鄉做模特兒,十六歲隻身來港發展,成為Dreamodels旗下模特兒;身高五呎十一吋,擁有34吋上 圍的她,是不少時尚品牌的寵兒,經常為Chanel、Gucci、Valentino、Giorgio Armani行騷,也是著名內衣品牌的指定模特兒;也曾被邀往歐洲米蘭、倫敦、土耳其及日本東京等地行騷。目前Lea仍在斯洛伐克的大學修讀學士課程,常 放假返鄉下返學。

嫲嫲唔接受

日前,霍啟山在返上環信德中心公司前,相約Lea在商場內的Pacific Coffee飲咖啡,著西裝的霍啟山本來坐在Lea左邊,不過面向門口,謹慎的他即換位。二人坐唔夠四十分鐘,要趕返公司的霍啟山拎公事包準備走,但臨行 前不忘

老太 鍾意 阻啟 啟山 山娶 東歐 Model
PermaLink: https://articles.zkiz.com/?id=37932

職場點滴(28):你鍾意的未必是你的強項 笨發

http://notcomment.com/wp/?p=11525

「你鍾意佢,佢未必鍾意你」呢個係很多電視劇的爛對白。

在職場中,常遇到後生仔問的一個問題是「點解我做左幾年野,人工同發展好似都無乜突破? 會唔會一世都係咁?」

如果以坊間的職場之神言論,一個人職場中無發揮,一定是自己唔夠努力,無毅力,態度不夠堅定等等,筆者在這裡嘗試提出一些新觀點。

按筆者個人經驗(親手請過>100人),大部人最大的問題,不是態度不夠好,或者不夠勤力,而是分不清到底自己 good at(強項)和 wish to be(喜愛)什麼,也搞不清兩者的分別。

舉例,你問一個人為什麼做sales,很少會答你「我好鍾意錢」,原因多數是「自覺口才還可,喜愛對人,怕悶,想多D exposure」,然而這個只是一個人的「喜好」,而不代表他/她具備相關的能力或適合sales 的工作。

好的 sales 其實需要的技能有許多,簡單幾樣:

1. 超級抗壓力 – 每天都跑數,捽人(內部爭取資源)與被捽(客/老細)之間,抗壓力少D 都頂唔到

2. 近乎盲目的樂觀 – 做得長做得成功,往往有好強的正能量,才能抵受千百種麻煩局面

3. 應變快,表達力好 – 做前線往往要面對未遇過的辣手事情,許多時不會有足夠培訓或足夠準備

一個「喜愛對人」的人,如果不具備以上的特質,可以預期,越對得多人,便會越大鑊,那成績又怎會好呢?

筆者便曾把這類人開導,讓其明白佢的強項(細心,有耐性,顧人感受)有更好的發揮,轉型為客戶服務(customer service)後,結果表現得到大躍進。

來到這裡,又會有另一個問題,「我好清楚自己強項同鍾意D 乜,但只可以二擇其一,點揀?」

又舉一個讀書時代的例子,揀文科定揀理科是很多人讀書時的惡夢。

筆者對文史哲自小有濃厚興趣,但問題是極怕背誦及寫長篇大論文章( 現在還稿債有夠折磨),反之數理能力很不俗但沒有興趣,結果都亳不猶疑地選擇了理科,理由很簡單「操數操到悶,我可以閒來看中史當調劑,但如果要考寫字便一定大學都入唔到」。

筆者認為,一個人的興趣經常會變(特別隨著年紀變化),小時候很喜愛打機彈琴,不等於大個左都要一路玩落去; 反之,一個人的「強項」,如語文能力,或交際應酬手腕,或分析力,這些都不是容易培養出來的。

舉例,一個於善於做sales 的人,如果不想做極端跑數人(金融地產),有業績支持下可輕易轉型做管理(lead team 等人跑),或Business Development(人脈闊)什至轉行都不太難。但要進行一個相反操作便極度困難了。

因此,對年青人來說,最理想的局面是當然是找到你既想做又精於做的行業,那擔保一定非常出色,次之是選一項自己比較叻的,待建立起信心同基礎後再看有沒有轉型機會也不遲。

下回再談如何判斷自己的強項及喜好。

職場 點滴 28 鍾意 未必 是你 你的 強項 笨發
PermaLink: https://articles.zkiz.com/?id=88249

係咪好多人唔鍾意B仔涼粉呢?

1 : GS(14)@2012-02-01 21:38:55

http://www.inv168.com/phpBB3/vie ... 7f72ccd1a014699c275
由 whlo » 週三 2月 1日, 2012年 9:02 pm

http://proxy2.hkreporter.com/tal ... intable&tid=1305548
話說1987年左右,
有班軍裝差人收完工,
去呢間甜品店食野,
你知啦,以前d差人收左工最鍾意搵下著數,
呢間甜品店一向擺出街,
最怕差人告阻街,
當然熱情招呼呢班大帝,
老細就問其中一個差人食d乜?
以前冇咁多花款嘛,
但個軍裝又想食多幾味,
就同老細講:乜都要d,乜撚都有。

老細為左招巴班差人,
就用果盤乜Q都放落去,
涼粉西瓜密瓜......總之乜撚生果都隊晚落去,
再鋪d冰、糖水、奶....
整到"九"咁大盤,
慌死食佢唔死咁。

之不過個差人見到咁Q大兜...甜品,
反而好受落,
原因好簡單,
細碟甜品價食到特點,
你話開唔開心。

久而久之,呢位差人次次去到都order呢個"乜撚都有"既甜品,
仲帶埋其他同事黎,
對住呢班蝗蟲,老細有冇扁咀我唔知,
但日子耐左,
其他食客見到隔離枱有咁大盤既甜品,
有樣學樣,又要order,
而老細亦以呢個差人既綽號而改左呢個B仔涼粉個名。
十傳十,十傳百,加上個名易記又親切,
呢家甜品舖索性改埋名叫"B仔",
之後一輪都好好生意。

而呢個差人來頭唔細,
佢後來犯事革扯左,
而家係號碼字頭大佬。



有朋友話佢會回收d食餘的材料循環再用,唔知堅定流,我有次同個friend入去食, 食完揸車走, 未到屯門已經要落車嘔, 衛生程度可想而知
2 : 游浪潮(3792)@2012-02-01 21:47:14

聽講話係有人影到佢地有回收
3 : GS(14)@2012-02-01 21:49:39

2樓提及
聽講話係有人影到佢地有回收


咁恐怖
4 : dennis001(8614)@2012-02-01 22:47:53

元朗佳記甜品?

區內人唔多食B仔涼粉,多數叫其他架喎
5 : GS(14)@2012-02-01 22:48:33

4樓提及
元朗佳記甜品?

區內人唔多食B仔涼粉,多數叫其他架喎


例如?
6 : dennis001(8614)@2012-02-01 23:34:00

班戟,布甸,中式甜品呢類啦

但間中有人會叫B仔涼粉的,好唔好食見仁見智
7 : 龍生(798)@2012-02-02 01:14:17

發財前可能就會...發左, 而家唔駛回收啦
8 : 中年人(22009)@2012-02-02 04:31:41

5樓提及
4樓提及
元朗佳記甜品?

區內人唔多食B仔涼粉,多數叫其他架喎


例如?


B仔係元朗區最難食ge, 泛后好食d
9 : GS(14)@2012-02-02 21:29:47

6樓提及
班戟,布甸,中式甜品呢類啦

但間中有人會叫B仔涼粉的,好唔好食見仁見智


我真是想過來試下,不過...
10 : fineram(806)@2012-02-02 22:02:48

通常係食雞翼尖
係咪 好多 人唔 鍾意 涼粉
PermaLink: https://articles.zkiz.com/?id=277520

白紙:唔通連個天都唔鍾意我

1 : GS(14)@2012-04-30 22:53:08

http://www.sharpdaily.hk/article/sup/20120430/84434
多年前讀書時期經常乘搭巴士上學,後來誤墮社會,不是乘港鐵就是自駕,很少搭巴士了。可最近我又開始天天乘搭巴士上班的生活,也因此,一種久未來襲的感覺重臨了:同一個巴士站有三條巴士線,怎麼我等的那一架巴士總是最遲才到站?唔通連架車都唔鍾意我?我記低了這件事,決定要回家研究一下「連架車都唔鍾意我」的原因,然後再在專欄中跟讀者談一談這個相信也困擾大家多年的問題。
回到家,打開電腦,我像回了魂似的,才發現,研究個屁,不就是因為我自己心理作用嗎。明明巴士們有時是不喜歡我,但有時候也非常疼錫我呀,像私家車一樣,我一踏進候車亭它就衝過來接我呀。如果硬要我作出一個非科學統計,我乘十次巴士,它是第一架、第二架、第三架到來的次數不就是三次三次三次嘛,還有一次我等得睡着了所以不知道,但總而言之,若我們極為理性地去回顧我們等巴士的經驗,會發現它們還是來得非常平均的。
我們很容易就會有錯覺,以為我們搭的'車立'總是最慢,排的隊總是最長,娶的老婆總是最煩。唔通連個天都唔鍾意我?當然不是,只是我們的大腦就是慣於記取不愉快的記憶,然後把快樂的都拋在腦後。
像這樣簡單的道理其實我在讀書時期早已參透出來,到今天我還是誤以為被世界孤立。所以嘛,讀到這篇文章的你也不必上心,反正明天等巴士時,你又會忘記今天所讀過的,以為巴士公司在存心玩你。

電郵:email_linrixi@ymail.com

林日曦
白紙 通連 天都 鍾意
PermaLink: https://articles.zkiz.com/?id=279041

講膠所手記:連個天都唔鍾意佢!

1 : GS(14)@2012-09-07 09:54:11

http://www.sharpdaily.hk/article ... E%E6%84%8F%E4%BD%A2
被罰留堂冇得去APEC過嚇元首癮嘅梁振英,果然出嚟撲火救嚇自己,話畀大家知,落實推佢話救贖香港冇殼蝸牛嘅德政─港人港地。
噚日,思歪可謂非常用心良苦,特登出巡啟德,吹曬雞叫傳媒去地盤聽佢講話,又要威、又要帶頭盔嘅佢廢噏完一輪之後入正題,點知一開波講咗冇耐,個天即刻落雨,思歪即時好似嗰個電視廣告個o靚仔話「打波先嚟落雨,唔通連個天都唔鍾意我?」咁款。
其實,個天聽到思歪嘅「德政」為港人喊至真!佢話只限香港人至買得,30年內,轉讓亦限於香港人,但問題係未來呢30年,有幾多內地人會變成香港人?
政府樣樣都搞唔掂,民不聊生之下,唔夠錢買樓嘅繼續唔夠錢,有錢嘅繼續去搶貴曬啲樓,睇之前房協喜雅就知,咁兩幅啟德地個位仲正過喜雅啦,到時會點呢?
俾咁嘅政府領導,我哋應該唔使旨意好似嗰個廣告嘅Ending咁「希望在明天」!
YY
講膠 膠所 手記 連個 天都 鍾意
PermaLink: https://articles.zkiz.com/?id=281429

7歲囡鍾意咬指甲屙出10幾條蟯蟲

1 : GS(14)@2015-02-12 23:49:51





江蘇南京7歲女童小昕(化名),平日喜歡咬指甲。上周六(七日)晚,她開始喊屁股痕癢,還一直用手搔。母親為小昕檢查後發現:「剛開始看到肛門上有東西在動,拿手電筒一照,原來是十多條小蟲!」翌日,母親帶小昕到南京軍區福州總醫院兒科急診室,醫生任榕娜初步確診這些小白蟲是蟯蟲,估計小昕從小有喜歡咬指甲的習慣,意外吞下蟲卵,才會感染蟯蟲,開了殺蟲藥杜蟲。任醫生指,感染蟯蟲後,有人在夜晚肛門或陰部會痕癢,有人會出皮疹,大人會出現噁心、嘔吐、腹瀉、肚痛等症狀,還有些人會咬牙齒、易哭鬧、不愛吃飯,睡眠差,女童還會出現尿頻、尿痛等症狀。若蟯蟲數量多,還會影響兒童營養吸收與身體發育。她提醒,家長要定期為孩童剪指甲、洗澡,還要糾正吮手指的壞習慣。《福州晚報》





來源: http://hk.apple.nextmedia.com/international/art/20150212/19039386
歲囡 鍾意 指甲 屙出 10 幾條 蟯蟲
PermaLink: https://articles.zkiz.com/?id=287794

Sammi:鍾意大家庭

1 : GS(14)@2015-02-22 12:56:43





鄭秀文(Sammi)與吳鎮宇日前在西九龍宣傳新片《衝上雲霄》,Sammi被問到今年是否正式派雙封利是,她笑說:「傷風就乞嚏,年三十晚睇feel啦!」雖然對結婚話題總是避而不談,但Sammi承認已相約安仔家人團年,Sammi說:「佢屋企都傳統,佢有九兄弟姊妹,每次出嚟都幾十人好開心,我好鍾意啲家庭聚會。」此外,陪家人返新加坡過年的鎮宇透露,最希望兒子Feynman別為功課有太大壓力,他說:「希望幫佢減壓,成績越唔好,個人越快樂,成績好就想更好,得閒攞一次滿分就夠,我今年會多留港拍戲,感受吓送仔返學嘅感覺。」採訪:張俊銘攝影:仇志德





來源: http://hk.apple.nextmedia.com/entertainment/art/20150222/19050191
Sammi 鍾意 大家庭 大家
PermaLink: https://articles.zkiz.com/?id=287921

許鞍華趕開戲點名「好鍾意秋生」

1 : GS(14)@2015-04-22 01:28:26

許鞍華執導的《黃金時代》勇奪香港電影金像獎最佳導演及電影等多項大獎,前晚她與失落影后的湯唯,還有《黃飛鴻之英雄有夢》落敗影帝的彭于晏及九把刀等,在尖沙嘴出席慶功宴。許鞍華希望盡快開戲:「整緊劇本,搵資金唔難,想拍一部香港電影,都好想再同湯唯合作,不過唔會夾硬嚟。」她還點名想跟黃秋生合作,她說:「好鍾意秋生,想合作,想同啲未合作過嘅,梁家輝、劉青雲、梁朝偉、張學友都想合作。」


■爾冬陞舉起四隻手指,意思指自己入行四十年。

全新人拍《竊4》

至於爾冬陞(小寶)監製的《竊聽風雲3》為劉青雲及曾江帶來金像獎影帝及最佳男配角的榮譽,他另一部監製的《暴瘋語》也為李光耀帶來新晉導演獎,兩片的台前幕後人員,前晚在尖沙嘴舉行慶功宴,小寶另外舉行慶祝從影40周年派對,小寶透露《竊聽風雲》正構思開拍第4集,但會起用全新演員,尋求新鮮感,但起碼要籌備九個月。採訪:張俊銘、藍文浩攝影:陳慧安、沈健程





來源: http://hk.apple.nextmedia.com/entertainment/art/20150421/19119369
許鞍 鞍華 華趕 開戲 點名 鍾意 秋生
PermaLink: https://articles.zkiz.com/?id=289785

感冒未癒 開心玩通頂齊昕揀男友:要鍾意小動物

1 : GS(14)@2015-05-17 22:58:36

■梁齊昕昨晚一身黑色套裝,襯她的招牌「Chai」字訂做clutch bag,出席愛護動物協會活動。攝影:沈健程


特首女兒梁齊昕、傅明憲、郭秀雲及柳俊江等昨晚現身旺角,出席愛護動物協會微電影慈善活動,齊昕再度出巡公開場合成為焦點,一身黑衣及黑超打扮,由公關好友鄭紹康陪同前來,但她姍姍來遲,活動儀式結束才到達。公關表明齊昕不接受訪問,但她樂意同記者傾談,其間有紋有路,對答友善。



■傅明憲昨晚為愛護動物協會搞慈善活動,不少朋友前來支持。

■柳俊江昨晚現身支持微電影活動。



「拍戲都冇諗過」

早前齊昕曾透露身體不適,現場所見她精神不錯,她表示:「OK,仲有啲感冒,普通病,差啲嚟唔到。」記者問她有沒有其他病,她笑言:「冇,噚晚係friday night,朋友嚟咗屋企搵我,所以冇瞓。」提到特首父親現正外出旅行,問她為何不結伴出發,她表示:「冇,自己有嘢做。」記者問她會否再考慮娛樂圈工作,她表示:「冇,拍戲都冇諗過。」早前她曾聲言娛樂圈複雜,現在會否對人有信心了,她則表示OK。問到她有甚麼大計籌備中,她表示:「冇,全力照顧三隻狗,似湊仔,今晚都要返去湊佢哋,休息唔做嘢,未知道想做咩,be fabulous。」齊昕亦開腔談到感情狀況屬空白,問到她擇偶條件,她表示:「男性同鍾意小動物。」採訪:王連連



■齊昕現專心照顧家中三隻愛犬,更笑言似「湊仔」。資料圖片

■齊昕早前被爆與前男友Michael已分手,目前感情一片空白。資料圖片



來源: http://hk.apple.nextmedia.com/entertainment/art/20150517/19150170
感冒 未癒 開心 玩通 通頂 頂齊 齊昕 昕揀 男友 鍾意 動物
PermaLink: https://articles.zkiz.com/?id=290397

唔鍾意填顏色?可試吓創作禪繞畫

1 : GS(14)@2015-08-22 08:26:34

填色畫冊《Secret Garden》(秘密花園)被指有平靜心境之效,若天生不好「填顏色」,近年由美國傳入的禪繞畫(Zentangle)也有同樣功能。禪繞畫是用黑色針筆,以簡單線條在白色畫紙上繪出圖案。初學者繪畫後心情會變得愉快,有療癒功效。精神科醫生表示,禪繞畫與《Secret Garden》同樣可令焦慮症患者暫時放下憂慮,專注於藝術創作,建議因焦慮而失眠人士,可在睡前「畫一畫」,讓腦部得到休息。記者:伍雅謙禪繞畫有10年歷史,由美國一對夫婦Maria Thomas及Rick Roberts共同創作,近年在香港逐漸流行。一如Secret garden需要專心地細緻填色,禪繞畫也需集中精神進行,透過看似纏繞但其實錯落有致的線條,繪出精細而千變萬化的圖案。繪畫者只需一筆一紙,便能隨時繪畫,方便而隨意。精神科專科醫生趙珮瑜表示,當出現焦慮想法時,很多人理性上明白要放低,但越要放下,卻越會揮至不去,尤其不少焦慮症患者在入睡前,焦慮的思想會更加浮現,此時若能改變注意力,在睡前繪畫禪繞畫,將焦點集中在繪畫上,便有令人心境平靜的作用。趙指,在進行畫作時,心思會轉到構圖及創作上,一邊繪畫一邊發揮想像空間,不期然便會將擔憂暫且放低,讓繪畫者在畫畫的半小時或一小時內,思想能夠脫離焦慮,達到心境放鬆、減少緊張的平靜效果。此外,一般焦慮想法,多涉及自身無法處理或掌控的事情,禪繞畫圖案複雜,需自行決定構圖,完成後能成為一幅藝術作品,也能為作畫者帶來滿足及愉悅情緒。部份完美主義者及耐性不足人士,或認為已花時間繪畫但作品未符理想,會變得不耐煩及沮喪。趙指,《Secret Garden》及禪繞畫的目的,是要在過程中得到放鬆,應以輕鬆及隨意的心情進行,「唔應該執著於填色填出界,或者構圖效果唔理想」,若感到精神及專注力不足,可選擇繪畫較簡單的圖案,以便在較短時間內得到樂趣。砌圖及運動也能將憂慮思想暫時停止,與禪繞畫有異曲同工的效果。





來源: http://hk.apple.nextmedia.com/news/art/20150822/19266138
鍾意 顏色 可試 試嚇 創作 禪繞 繞畫
PermaLink: https://articles.zkiz.com/?id=292049

鍾意一日冚包散 嗜飲Dry Martini星爺想演八爪魚 俾小豬截糊

1 : GS(14)@2016-01-20 17:48:44

■星爺日前接受本報訪問,繼續發揮冇厘頭本色。攝影:陳志嵐



【《蘋果》專訪】周星馳的電影對白啜核,招數一大堆,「淫賤不能移」、「含笑半步釘」、「一日冚包散」,更有「Dry Martini」。日前星爺接受本報訪問,玩「人人問星爺」公開他最喜歡自己作品中的妙藥及飲料。今個賀歲檔,星爺新片《美人魚》延續爆笑風格,他透露今次原本想演八爪魚,可惜最終被羅志祥(小豬)搶走角色。撰文:何永寧


相隔3年,星爺周星馳再有新作,叫一班影迷非常期待,他的經典對白永不過時,本報讀者更透過「人人問星爺」來挑戰星爺,考考他爆笑對白來自哪一套戲!星爺多套戲內均會點Dry Martini,他承認:「其實我幾鍾意飲!」至於眾多作品中最愛哪種搞笑妙藥?他說:「《唐伯虎點秋香》嘅一日冚包散,最有意境!」



■大多星爺作品中都會出現一位「如花」,《美人魚》又豈會例外?劇照

■星女郎張雨綺拋胸上陣。


■星爺最想演的八爪魚,最終讓給小豬(圖)演。

「人破壞緊地球」

星爺自從08年自導自演電影《長江7號》後,就專注幕後,他日前在尖沙嘴一酒店接受本報訪問時表示,不排除再演出幕前,星爺說:「如果有啲角色我有興趣,當然有可能。第一自己本身幕後興趣大好多,又冇乜人搵我拍戲。唯一想做《美人魚》入面條八爪魚,又俾小豬做埋。因為佢唔使着衫,又唔使着褲,其實衫褲都唔使着,不過要花好多時間去化妝。我有好多嘢都未做過,好似八爪魚咁。坦白講吖,我問小豬『你做唔做先』,我諗住如果佢唔做就我就做,點知佢做,咁咪冇囉。」



星爺又大談拍《美人魚》用意,不過第一個問題前後不到10秒,他就打倒剛才的自己,他說:「今次《美人魚》同以往有啲唔同嘅,係一個童話故事,其實又真係冇乜唔一樣喎,最後都係愛情故事,但係今次擺喺現代環境,唔多唔少會加加減減,一個現實同超現實嘅結合。」拍《美人魚》緣起是星爺很喜歡童話,相信好人有好報:「我鍾意童話,其實我拍親都係童話,童話裏面一定有呢個世界係好美好嘅大原則,我信呢樣嘢,所以我拍嘅都有呢啲嘢喺度。」提到將童話故事題材改成電影上映,星爺目的是帶出一個環保訊息,他說:「同環保有啲關係,係一個地球嘅故事,點解要拍美人魚?基本上係一個愛情故事,但要再複雜啲,係一個異類物種交叉戀愛嘅故事。唔係人同人嘅戀愛,係人同一種未知物種,又唔係魚喎,佢(美人魚)係半人半魚。咁你假設真係有呢種生物嘅時候,係咪可以戀愛呢?當然你係歌頌戀愛偉大,你可以話呢個愛情,係超越所有界限,異類物種都可以發生嘅。係講戀愛之外,當人類破壞緊地球環境,想企喺唔係人類嗰邊去睇,從其他物種角度,去睇人類做緊啲乜嘢。」



【《唐伯虎點秋香》】■華夫人最強的毒藥為一日冚包散。

【《國產凌凌漆》】■凌凌漆(左)最愛飲Dry Martini。



又演又導嗌辛苦

星爺自言希望透過一個娛樂性的電影,帶出訊息等觀眾感受。雖然星爺很久沒有演出電影,但他想發揮的表達方式,會在不同演員上出現,就如上一套電影《西遊.降魔篇》中演孫悟空的黃渤,就是自己的化身:「又導又演兼顧到,不過好辛苦。雖然我冇演出,但我將好多我自己嘅諗法,擺咗喺其他演員上面,我覺得都好有趣。」場地:馬哥孛羅香港酒店





來源: http://hk.apple.nextmedia.com/entertainment/art/20160120/19458552
鍾意 一日 冚包 包散 嗜飲 Dry Martini 星爺 爺想 想演 演八 八爪 爪魚 俾小 小豬 豬截 截糊
PermaLink: https://articles.zkiz.com/?id=294632

索模的奇怪癖好Miranda:好鍾意擠暗瘡

1 : GS(14)@2016-02-15 18:04:00

被視為女神嘅澳洲索模Miranda Kerr平時對護膚好有心得,加上自己出埋護膚品牌,所以擁有完美肌膚。佢最近接受《Harper's Bazaar》訪問,自爆有一個同護膚有關嘅癖好,原來佢同好多人一樣都有擠暗瘡嘅癮!
Miranda話:「如果我生咗暗瘡,或者我見到人哋生咗暗瘡,我就好想擠咗佢。我係會注重衛生用紙巾。不過我真係好鍾意擠,特別係朋友或家人。」相信唔少粉絲都願意排住隊俾Miranda幫手擠暗瘡。





來源: http://hk.apple.nextmedia.com/entertainment/art/20160215/19491894
索模 模的 奇怪 癖好 Miranda 鍾意 暗瘡
PermaLink: https://articles.zkiz.com/?id=296009

祖兒撐環球:唔鍾意咪唔簽

1 : GS(14)@2016-05-21 18:29:43

容祖兒昨日到商台為下月拉闊音樂會宣傳,被問到無綫與環球傾續約時,要求可永久使用環球歌手的網上使用權,祖兒自嘲是樂壇大嫂,又反問記者:「咁英皇呢?不過傾嘢梗有yes同no,唔鍾意咪唔好簽囉。」祖兒近日忙於在內地工作,她說:「做完《我是歌手》,真係有啲機會把握吓,自己又未站得穩,好似返去做新人咁。」記者笑指她的普通話應該突飛猛進?祖兒自嘲謂:「我以我嘅港式國語為榮,不過俾佢哋笑我成日講錯嘢。」至於日前吳國敬爆劉浩龍做馬主,又戲稱祖兒是阿嫂?她笑言:「我受唔起,好似好老、好有輩份咁。」採訪、攝影:盧妹





來源: http://hk.apple.nextmedia.com/entertainment/art/20160520/19619576
祖兒 兒撐 環球 鍾意 咪唔 唔簽
PermaLink: https://articles.zkiz.com/?id=300842

爆Seed鍾意男仔 嘲CY唔認錯志雲擺敏之上枱 勸離TVB

1 : GS(14)@2016-05-22 12:16:11

■陳志雲硬拉陳敏之上台逼供,問她幾時離開TVB。


阮兆祥前晚在灣仔伊館舉行《硬食放題棟篤笑》首場,陳法拉、樂易玲、關楚耀與韓籍女友Miu Kim等撐場。一開場,祥仔扮花姨展示心口兩個螢光波波,玩盡娛樂圈及時事熱話,包括689、永恒亞視、方力申和Stephy分手、城城媾嫩模Moka以及G.E.M.的大媽尿片裝都照玩,又以「貧窮富珍」身份力證李國章講大話唔眨眼,噱頭十足。志雲大師粉墨登場,先扮已故舊老闆邵逸夫爵士,再與扮黎明的祥仔Chit Chat,祥仔講金句:「睇4D演唱會就好似撞鬼咁,要講緣份㗎,信則有,不信則冇,有啲人睇多啲啲,有啲人睇少啲啲囉,睇完ABC,一定見到D嘅!」志雲即說:「你唔好講ABC呀,呢輪好敏感,因為Anyone but CY。呢句話因為明明錯咗又唔認,而你處理所有事嘅公關技巧一流囉,你啲技巧喺邊度學㗎?等我哋嘅行政長官都學吓啦!」



■阮兆祥的棟篤笑即場解剖羅茲威爾。

■祥仔扮Juno維肖維妙,還貪玩跳上綱琴師膊頭。


■祥仔在台上玩盡娛樂圈及時事熱話,又與幾位好友在台上Selfie。

「我揀男仔得唔得」

志雲見觀眾好反應,忍不住說:「如果CY嚟到真係唔會咁多掌聲!」之後志雲再扮白韻琹講說話,又讚汪明荃揶揄港鐵主席馬時亨。其間祥仔和志雲表示要捉兩個台下觀眾上台玩摩天輪,祥仔先捉伍詠薇,志雲說:「我鍾意男仔,我要揀男仔得唔得先?」但最後都捉了舊將陳敏之,志雲逼供:「你哋幾時離開TVB呀,唔使傾啦!」見兩人冇出聲,大師續說:「乜你哋有言論限制嘅咩?」伍姑娘說:「我8月已經離開咗無綫啦!」大師繼續抽水:「無綫最近有套《殭》劇,但係收視未如理想,監製話觀眾水平低,我就想話呢,驚我哋攀唔到咁高,唔知幾時先睇到你。」一直冇出聲的陳敏之回答:「哎吔!師傅你唔好玩我啦!」大師最後說:「TVB啲確其實幾好睇嘅!」未知是否曲線!?



望發放正能量

去到尾聲,祥仔感觸地謂:「香港好似好多嘢都失去咗咁,好似公屋冇咗啲士多,香港人亦都好似冇咗將來,冇咗自己,冇咗自由。今晚其實我有個訊息想帶畀大家。」說罷即唱《前程錦繡》勉勵大家,全場一起拍和,與祥仔一齊參加新秀歌唱的張衞健則擔任壓軸表演嘉賓。完騷後,祥仔表示希望藉這個騷發放正能量予香港人,他說﹕「正如Leon(黎明)話齋思想價值係會植入個腦,所以將開心植入畀大家個腦。」他表示不擔心Leon和城城會嬲,亦不覺敏之會尷尬。問到Dicky看好他三年內在紅館開騷,他笑說:「進軍紅磡殯儀館咩!不過好多棟篤笑嘅奇才,譬如黃子華、張達明等,都係由伊館開始,等我儲多啲觀眾先再算。」採訪:王連連攝影:陳慧安





來源: http://hk.apple.nextmedia.com/entertainment/art/20160522/19622272
Seed 鍾意 男仔 CY 認錯 誌雲 雲擺 擺敏 之上 勸離 TVB
PermaLink: https://articles.zkiz.com/?id=301089

【馮仁昭四圍超】小巨肺鍾意返學

1 : GS(14)@2016-08-16 06:11:29

有小巨肺之稱嘅8歲小妹妹譚芷昀(Celine),噚日喺銅鑼灣舉行歌迷聚會及音樂會,吸引約200名粉絲到場。Celine由爸爸陪同下接受訪問,爸爸指有計劃喺聖誕節,或者明年初推出HiFi碟,但唔會影響返學,一切都以學業第一,Celine話:「我鍾意返學。」問到爸爸怕唔怕囡囡冇咗童年生活?爸爸話:「有游水、有去樂園,佢學嘅嘢比其他小朋友少。」撰文:馮仁昭




來源: http://hk.apple.nextmedia.com/entertainment/art/20160815/19736198
馮仁 仁昭 四圍 小巨 巨肺 鍾意 返學
PermaLink: https://articles.zkiz.com/?id=305966

【今日笑一笑】太鍾意新車 雪橇狗唔願扯

1 : GS(14)@2016-08-17 08:01:23

新車落地,做車主的當然滿心歡喜,但想不到連車主的愛犬也興奮無比,誓要留在新車上繼續一嚐坐新車的滋味。外國一隻雪橇犬坐主人的新車回家後,躺在車尾廂死內堅持不下車,任由主人三催四請也置之不理,更不斷向著主人嚎叫,像在懇求主人:「讓我在新車再坐一會兒好嗎?」但主人拒絕就範,最終雪橇知道還是鬥不過她,聽主人話乖乖下車。
YouTube




來源: http://hk.apple.nextmedia.com/international/art/20160817/19739886
今日 笑一 一笑 鍾意 新車 雪橇 狗唔 唔願 願扯
PermaLink: https://articles.zkiz.com/?id=306233

【馮仁昭四圍超】「佢嘅家庭唔鍾意我」李泳漢戰立會 怨鼎爺潛水

1 : GS(14)@2016-08-19 06:55:46

■李泳漢話媽咪施明都好撐佢選立法會,但老竇李家鼎就冇理佢。互聯網圖片





李家鼎同前妻施明生嘅一對孖仔,現年38歲的大孖李泳漢做過童星,曾聲稱同鍾欣潼(阿嬌)係宿世夫妻,不過佢今年初奉子成婚娶嘅係圈外女友嚴佩鈺,6月仲生埋囝囝。升呢做老竇嘅李泳漢最近以獨立人士身份,夥前泛民人士符偉樂出戰立法會九龍西選區,向「元秋」蔣麗芸、梁美芬、狄志遠、黃碧雲、毛孟靜、譚國僑、黃毓民、吳文遠、劉小麗、朱韶洪、何志光、林依麗、關新偉、游蕙禎挑機。



■李泳漢今年初奉子同圈外女友嚴佩鈺結婚,6月已升呢做埋老竇。互聯網圖片

李家鼎,資料圖片


經費有限呻好窮

李泳漢噚日話媽咪施明都好撐佢,但阿爸鼎爺就潛咗水:「佢(鼎爺)一直都冇打過嚟,佢有第二個家庭,佢嘅家庭唔係好鍾意我,我都唔鍾意佢嘅家庭,佢由細到大都唔係點理我,所以冇乜感覺。」李泳漢嘅政綱係反對特首梁振英連任,要求撤回人大831同反對港獨。有周刊報道身形發脹嘅李泳漢落區派傳單,但街坊反應唔大,佢都繼續打親民牌,佢噚日話:「街坊對我好好,特別係深水埗區,如果將來我當選,搵人派飯畀露宿者。」李泳漢今次冇政黨支持,經費當然有問題:「5萬蚊報名費仲可以畀,但選舉團好靠義工幫手,相信我喺15張候選名單裏面最窮嗰個。」撰文:馮仁昭




來源: http://hk.apple.nextmedia.com/entertainment/art/20160819/19741729
馮仁 仁昭 四圍 佢嘅 家庭 鍾意 李泳 泳漢 漢戰 戰立 立會 怨鼎 鼎爺 潛水
PermaLink: https://articles.zkiz.com/?id=306508

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019