📖 ZKIZ Archives

拍劇撻着：古仔郭羨妮失蹤16小時

1 : GS(14)@2015-05-14 08:29:07

■古仔和郭羨妮在北京拍《尋秦記》時，傳出緋聞。劇照


古天樂為無綫拍攝最後一套的劇集《尋秦記》，至今仍為人津津樂道，但原來戲外，古仔與戲中女主角郭羨妮的一段緋聞，也相當耐人尋味。當年攝製隊到北京取景一個月，戲份不多的郭羨妮，經常會專程乘外景車到牧場探古仔班，曾有人目睹二人於片場內態度親暱，古仔更當眾抱起郭羨妮，逗得女方哈哈大笑。其後再傳出女方神秘失蹤16小時，有指二人在外相聚。但郭羨妮向劇組解釋是陪前來北京傾生意的父親外出食飯，古仔對緋聞則例不回應，緋聞最後不脛而走。





來源: http://hk.apple.nextmedia.com/entertainment/art/20150514/19146563
PermaLink: https://articles.zkiz.com/?id=290299

郭羨妮遇郭政鴻黐纏

1 : GS(14)@2016-02-28 16:33:00

■郭羨妮與郭政鴻鏡頭前打情罵悄，鏡頭後就講湊女經。


郭政鴻和郭羨妮（Sonija）去年離巢無綫，最近在港台劇《女人多自在》再度合作。劇中二人飾演一對陷離婚邊緣的夫妻，昨日在中環街頭拍外景，兩人手拖手落樓梯，郭政鴻想偷吻對方，Sonija輕推打肚拒絕，打情罵悄表現甜蜜。郭政鴻昨日在電話中說：「我同Sonija今次係第4次合作，第一部《覆雨翻雲》都係演一對，我哋離開無綫後再見番面，真係好開心。」二人現在都有女兒，郭政鴻直言一路拍一路談湊女經，他說：「交流吓啦，因為我細女同佢囡囡差唔多大，講吓入學同啲曳曳嘢。」Sonija透過WhatsApp回應本報時說：「好鍾意個劇本，時間比較鬆，可以好好休息，個女話要陪我開工，好搞笑。」採訪：嵐山攝影：潘冠恩、畢紹基





來源: http://hk.apple.nextmedia.com/entertainment/art/20160228/19508433
PermaLink: https://articles.zkiz.com/?id=296327

郭羨妮樂做煮飯婆

1 : GS(14)@2016-03-05 01:26:34

郭羨妮自從與內地動作導演朱少杰結婚兼誕下囡囡Kylie，本來一家三口生活得好開心，最近她更復出拍港台劇，不過昨日有周刊報道指她的老公在內地工作量減少，屋企的生活開支集中在郭羨妮一個人身上，聽講為了節省開支，不單止開除工人姐姐，老公更變成助手陪她工作，同時更稱她收工之後又要趕回家煮飯，結果搞到個樣勁殘。向來百毒不侵的郭羨妮，昨日在微博貼了兩張家庭相兼留言，她說：「我常說，快樂是原於懂得知足和感恩，我的職業是演員，但我也只不過是一個人，生活上追求平淡低調，一家人一起健康快樂，懂我的人自然懂我，芝麻綠豆的事不解釋。」撰文：唐琛悠





來源: http://hk.apple.nextmedia.com/entertainment/art/20160304/19515244
PermaLink: https://articles.zkiz.com/?id=296833

朱晨麗租15萬栢舍郭羨妮有四小強護身

1 : GS(14)@2017-04-22 10:22:27

選港姐被指係入娛圈捷徑，但當中有唔少港姐出身嘅佳麗，喺大台捱騾仔搵萬零蚊之餘，衣食住行忽然離奇十級跳，收入與支出變成一個平行空間，究竟憑乜富泰？至今依然係一個謎！好似11年度港姐冠軍朱晨麗，前年被指喺無綫月薪僅得15,000元，但竟然出入有司機七人車接送，全身名牌，仲試過坐頭等機位歐遊，而且又由將軍澳寓所搬到當時月租15萬嘅金鐘太古廣場栢舍服務式住宅，再用700萬購入將軍澳The Parkside。有指佢由「麻雀變鳳凰」，全靠泊到「殼王」陳國強碼頭，舊年另傳佢同張玉珊百億舊愛劉紀明有戀事，所以變得富貴，仲喺淺水灣開畫廊。而99年港姐冠軍郭羨妮，就喺07年被指搭上殼王，有指佢旋即脫離拍劇捱日子生涯，Benz跑車兼進駐西貢獨立屋豪宅，更喺電影《臥虎》中擔任第一女主角，拍戲又有「四小強」保鑣貼身護駕，富貴氣焰迫人來。不過，有指郭羨妮嘅女王生活只維持短短6個月，之後就打返原形，重過平民生活，現已成為人妻人母。



緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170420/19995819
PermaLink: https://articles.zkiz.com/?id=331056

郭羨妮戥女兒孤獨

1 : GS(14)@2017-04-28 00:54:38

郭羨妮、陳鍵鋒等人昨日出席港台電視節目祝捷會，郭羨妮透露剛去完台灣旅行，但老公朱少傑未有同行。她指此行囡囡最開心有機會騎馬，她說：「囡囡興趣好多，跳舞、體操，又經常同iPad傾偈，好笑之餘又覺得佢好孤獨，所以都想生多過，但要去搵老公，因為佢好忙，等佢拍完劇又唔啱時間造人。」近年主力在內地發展的陳鍵鋒表示稍後拍真人騷，帶小朋友去馬來西亞找爸爸。另外，由港大民意研究計劃統計去年的「電視節目欣賞指數」，全年最高指數頭三名依次為港台《2016國際風雲大事回顧》、有線《文革五十年》和港台《鏗鏘集》，無綫則五甲不入。採訪：馬建華攝影：仇志德



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170427/20002588
PermaLink: https://articles.zkiz.com/?id=331577

郭羨妮靠囡囡見老公

1 : GS(14)@2017-05-19 05:28:02

郭羨妮和劉天龍昨到尖沙嘴出席護膚品牌活動，她透露平日在家中趁教囡囡Kylie做功課時敷mask：「敷住mask可以令心情平靜啲，其實有時教女都幾勞氣，所以要同自己講唔可以激氣。」她表示下星期一是Kylie生日，身在內地開工的丈夫亦會返港慶祝，她笑言：「我生日佢都未必返，但個女生日就一定要，個女仲要求爸爸一定要送花。」雖然郭羨妮坦言想追多個，但老公工作忙一直都未有時間，希望今年可以有好消息。採訪：曹家誠攝影：沈健程




來源: http://hk.apple.nextmedia.com/entertainment/art/20170518/20024455
PermaLink: https://articles.zkiz.com/?id=333559

郭羨妮笑老公烏龍示愛

1 : GS(14)@2017-05-21 13:17:37

郭羨妮和陳倩揚昨日到中環為女性體雕衣品牌宣傳。倩揚穿上比郭羨妮更性感造型出現，她指大會知道她沒甚身材，特別為她度身做體雕內衣，倩揚說：「今日感受番懷孕豐盛嘅身材。」郭羨妮的女兒Kylie今日5歲生日，她早已為女兒準備生日禮物，問到會否再追多個？郭羨妮說：「好難夾到時間。」她指老公前日想趁520取諧音向她說「我愛你」，可惜老公記錯日子，昨日才是5月20日。殼王陳國強日前於挪威乘直升機失事墮海，與他傳過緋聞的郭羨妮回應：「有睇報道，冇乜事嘛，我同佢冇聯絡，冇事就得。」採訪：張俊銘攝影：沈健程




來源: http://hk.apple.nextmedia.com/entertainment/art/20170521/20027848
PermaLink: https://articles.zkiz.com/?id=333897

郭羨妮帶女做善事

1 : GS(14)@2017-06-18 11:18:14

郭羨妮昨日在馬鞍山出席奧比斯活動，得知早前吳鎮宇帶同兒子參與探訪，她亦贊成女兒可參加。今天是父親節，郭羨妮指丈夫因工作不在港，她說：「之前已慶祝，食咗餐好味飯，我煮咗龍蝦湯，阿女整咗個獎盃送畀爸爸，讚爸爸係super hero。」她表示和丈夫想追多個仔：「我哋好welcome有多個，但唔會刻意。」採訪、攝影：王連連




來源: http://hk.apple.nextmedia.com/entertainment/art/20170618/20059522
PermaLink: https://articles.zkiz.com/?id=335776

拍劇暗媾郭可盈陶大宇咀郭羨妮人財兩失

1 : GS(14)@2017-06-22 08:03:24

今年53歲嘅陶大宇，初出道事業暗淡，直至92年喺《大時代》做益蟹、《壹號皇庭》系列飾演師爺Michael，到《刑事偵緝檔案》系列終於擔正。由於劇中多飾演痴情男角色，入屋之餘仲大受師奶歡迎，固有《師奶殺手》之稱。雖然陶大宇當年已有固定女友黃慧寶(阿寶)，不過拍劇時，陶大宇依舊艷福無邊，試過喺《刑》劇中，佢同拍檔郭可盈傳緋聞。直至多年後，二人一齊接受專訪時，陶大宇先自爆同郭可盈試過約會睇電影《侏羅紀公園》。當時陶大宇亦曾經問過郭可盈，如果自己媾佢會點？雖然雙方有過電，但礙於當時郭可盈已經同林文龍拍拖，所以最終冇同陶大宇行前一步。郭可盈喺訪問中話自己同大宇，性格都係「凸」，若果拍拖十足火星撞地球，所以好彩冇開始過。到07年，當時已同阿寶結婚7年嘅陶大宇，因同郭羨妮(Sonija)合作拍《學警出更》咀出真感情，老婆阿寶率先喺周刊宣布同陶大宇離婚，更親口講出第三者就係郭羨妮。當時郭羨妮多次呼冤話自己唔係第三者，而陶大宇亦解釋同老婆離婚，並非因為郭羨妮，但二人形象一夜間插水，大宇多年建立嘅好好先生形象崩壞，「師奶殺手」封號亦告除名！相反郭羨妮就多咗個新花名─狐妮。陶大宇當時拍完無綫劇集《和味濃情》後，就被迫返大陸拍劇過冷河；女方則被飛出新劇，又被廣告商臨時換走，收入接近零。為自保，有傳郭羨妮急撇陶大宇，強調二人冇發展機會。為避開對方，更遠赴加拿大。霎時間人財兩失嘅陶大宇，當年有指鳥倦知還積極翻撻前妻。除咗狂發短訊冧對方，更以愛犬做王牌，藉探狗為名，藉同前妻有多啲互動，令佢可以回心轉意。另一方面，疑因愛成恨嘅陶大宇，事後被問到郭羨妮捲入電視台「四朵淫花」傳聞時，大宇指對方榜上有名，唔會覺得意外，因為對方有太多類似新聞，句句有骨。遭隔空挑釁嘅郭羨妮，隨即還擊話：「如果係咁我覺得佢好無聊囉！」




來源: http://hk.apple.nextmedia.com/entertainment/art/20170620/20062388
PermaLink: https://articles.zkiz.com/?id=336352
Next Page
ZKIZ Archives @ 2019