ZKIZ Archives


中環在線:華為猛人過檔百度 李華華

2008-10-08  AppleDaily


內地渴市求人,除咗金融人才,IT精英一樣難求,唔夠人就惟有挖角。百度就挖咗華為前副總裁李一男過檔,據《通信世界》報道,百度董事長李彥宏已向同事發出內部郵件,指李一男擔任百度嘅首席技術官(CTO)。

CTO呢個位查實都成年冇人坐過,上任劉建國06年辭職自己搞網站生意,今次李一男坐鎮,會帶領百度一隊IT勁旅,包括首席科學家威廉張及產品副總裁俞軍等。據報道,李一男將直接向李彥宏滙報。

27歲做副總裁

李 彥宏喺內部郵件度大讚李一男,話對方係中國創新技術領域嘅頂尖專家,喺全球領先嘅技術公司擁有傑出管理經驗。咁查實李一男又的確幾猛料,27歲就做咗華為 副總裁,管住超過5000人。佢00年跳出去創業,06年重入華為做首席電信科學家。之但係華為做通信技術為主,百度主力搞網站,呢次跳槽可以話係新挑 戰。
中環 在線 華為 猛人 人過 過檔 百度 華華
PermaLink: https://articles.zkiz.com/?id=2532

中環在線:過檔恒生接柯大俠棒滙豐一姐5月返新工 李華華


2009-03-03  AppleDaily





 

滙控(005)同恒生(011)兩母子噚日公佈人事變動,滙豐銀行總經理兼工商業務環球聯席主管梁高美懿將於5月接替即將退休嘅柯清輝,做恒生副董事長兼行政總裁(CEO)。噚日華華喺兩間行嘅記招上分別見到梁太同柯大俠,即刻恭喜佢哋。

藍籌股首位女CEO

滙 豐一姐更上一層樓,成為恒生首位女大班,兼係恒指成份股首位女CEO,梁太話呢個係好大榮譽,當初上頭向佢徵詢時,佢覺得係一個好好嘅發展機會,開心又興 奮。78年加入滙豐、由實習生做起嘅梁太,喺滙豐30幾年做過好多部門,連去澳洲做開荒牛都試過,今次佢話只係另一次調動,恒生有唔少滙豐舊同事,所以唔 覺得離開滙豐。梁太老實話新任務挑戰好大,金融業今年經營艱難,又要同中港監管機構打交道,呢方面佢經驗唔多,要好好學習。至於家人有同佢食飯慶祝,4月 初仲會放大假一齊去澳洲玩。雖然5月6號至履新,但佢會4月尾到恒生返工做準備,首要工作係跟同事磨合,跟住研究架構有冇改善地方。至於同梁太喺滙豐並肩 多年嘅柯大俠就唔肯評價梁太,話唔想令佢壓力太大,但有一件憾事──上年定下目標,5年內令恒生嘅商業銀行業務盈利貢獻倍升到20%,希望梁太幫佢達成 喎。

柯清輝拜託代達增長目標

佢又叫大家睇恒生今年嘅成績表,唔好只睇表面數字,應該比較同行,因為恒生上周五市值,已經由慣 常嘅全球50幾位,升到27位,令佢退休前都感到安慰。將屆60歲嘅柯大俠仲未計劃退休生活,佢話最好「頭半年乜都唔做,唞夠之後先從長計議!」李華華 LiWaWa@AppleDaily.com



中環 在線 過檔 生接 接柯 大俠 豐一 一姐 月返 返新 新工 華華
PermaLink: https://articles.zkiz.com/?id=6276

思捷前執董過檔後挖角 中環在線:MEXX又撬ESPRIT高層 李華華


2010-6-7  AD





 

歐洲啲國家近排 輪流出事,主業喺正當地嘅ESPRIT思捷環球(330),當然冇得倖免,仲要屋漏兼逢連夜雨,最近思捷又有高層被人挖走嘞!

回顧番舊年, 思捷嘅高層其實已經好似走馬燈咁樣,不斷有人走。喂,你估股東驚唔驚呀?都唔知係人事唔夾所以搞到最終各行各路,定係公司出手太低留唔住人才,講真,股東 最怕都係啲管理層管唔掂間公司唧。

好似一直被外界認定為思捷CEO接班人嘅前執行董事戈達(Thomas Grote),舊年3月辭職、之後跳槽咗去另一行家──MEXX嗰度,估唔到戈達原來一早已經向啲舊同事埋手,仲俾佢成功喺舊公司挖走咗兩個資深嘅高層轉 投MEXX旗下。眼見啲高層一個接一個咁走,思捷要請番人嚟補位,睇怕有排煩。

銷售主管品牌總監齊跳槽

根據麥格理發表嘅研究 報告講,跳槽咗去MEXX嘅兩位思捷高層,分別係銷售關係部門主管兼高級副總裁Volker Schmidt,同埋全球品牌總監Jim Nowak。佢哋兩個分別喺思捷做咗成16年及9年咁耐,算係老臣子啦!

Schmidt加入咗MEXX之後,會主管環球批發部門,同埋負責 喺德國、奧地利同瑞士等地區嘅業務發展;而Nowak就負責管理全球產品開發及設計。

麥格理話,思捷損失呢啲高級管理人員,會增加公司未來 嘅營運風險,而且唔排除MEXX會繼續喺思捷撬走人才。

唉……華華諗番起早幾年嘅思捷,不知幾風光,不過,自從前主席邢李『火原』離開公司 之後,高層就不斷變動,生意亦都俾金融海嘯蹂躪得今非昔比。早排邢生沽清思捷股份,唔通真係冇眼睇?

李華華

LiWaWa@AppleDaily.com



思捷 捷前 前執 執董 董過 過檔 檔後 後挖 挖角 中環 在線 MEXX 又撬 ESPRIT 高層 華華
PermaLink: https://articles.zkiz.com/?id=16028

中環在線:中銀羅康平過檔信置搞租務 李華華




2011-2-11 AD


 

銀行界同地產商向來關係密切,銀行佬變地產佬時而有之,最近又有一單嘞。

以前喺中銀香港(2388)做個人金融業務總經理嘅羅康平(圖),原來3個月前過檔信置(083),幫主席黃志祥手,擔任專責項目總經理一職。

之但係,究竟呢個係咩專責項目咁緊要呢?Lawrence(羅康平洋名)好口密,淨係話會幫吓手做租務……咁又係,信置有名你叫「地產大好友」,手頭咁多project,整番個專門團隊嚟搞吓啲租務,都係應該嘅。

喺銀行界打滾咗好多年嘅Lawrence,07年加盟中銀香港之前,喺獅子銀行做咗廿幾年,佢嘅強項係搞按揭產品,咁可以點樣幫到黃志祥手?大家不妨拭目以待!


中環 在線 中銀 羅康 平過 過檔 檔信 信置 置搞 搞租 租務 華華
PermaLink: https://articles.zkiz.com/?id=22309

11個月生意額 337億元 過檔中原 禁前高層原區賣樓 美聯敗訴

1 : GS(14)@2010-12-21 21:45:52

http://hk.apple.nextmedia.com/te ... 104&art_id=14788507

【本報訊】專門代理豪宅的美聯物業前助理營業董事羅文駒,今年過檔中原地產後,美聯入稟高等法院申請臨時禁制令,禁止他從事以往負責區域的物業代理業務及向美聯的地產代理挖角。
法官昨駁回美聯的申請,指羅的僱傭合約甚至限制羅接觸與美聯沒有關連的客戶,範圍太廣,認為美聯最後勝訴機會不大,而且羅未被指控曾接觸美聯舊客戶,故毋須頒令禁制。
原告為美聯商業管理有限公司及美聯物業代理有限公司,被告羅文駒離職前是山頂及南區豪宅組助理營業董事,負責山頂、紅山半島、淺水灣、深水灣、貝沙灣及赤柱等豪宅地段的美聯分行業務。
法官林文瀚在判詞中表示,是否頒佈禁制令,取決於案件正式審訊時,原告的勝訴機會。
要求半年不接觸客戶


法官指,羅的僱傭合約禁止他於離職後六個月內,在他以往負責的區域從事物業買賣或租賃的物業代理業務,是完全禁止羅接觸任何客戶,包括與美聯沒有關連的客戶,範圍太廣,相信案件正式審訊時,法庭會拒絕執行這些條款。
合約又禁止羅向曾經委託美聯買賣或租賃物業的客戶提供物業代理服務。法官認為上述條款已為美聯提供足夠保障,而且美聯在本案中並無指控羅違反此條款。
法官續指,僱傭合約禁止羅向所有原告的職員挖角,包括並非從事物業代理的職員,但沒有證據顯示原告需要如此廣泛的保障。
法官又指,原告申請禁制令是為了維持客戶與原告之間的聯繫,但沒證據顯示這種聯繫屬美聯獨有,相反,這些客戶多數會委託不只一名地產代理。
羅文駒今年 9月 3日離開美聯物業。原告指他之前負責的豪宅區域為原告帶來可觀佣金收入。原告去年在這個豪宅區域促成的物業交易總金額為 286億元,今年首 11個月則為 337億元。
案件編號: HCA1599/10
11 個月 生意 337 億元 過檔 中原 禁前 高層 原區 區賣 賣樓 美聯 敗訴
PermaLink: https://articles.zkiz.com/?id=272174

阮兆祥女友轟白色恐怖吳卓羲認被斟過檔

1 : GS(14)@2014-12-01 22:20:54





■吳卓羲直認明年約滿,至今仍未定去留。


無綫近年經常製作膠劇,又鍾意自我審查,促使台前幕後最近暗地裏「作反」。阮兆祥早前在棟篤笑騷明撐王維基開台,即觸動大台神經,傳祥仔為此被飛出《歡樂滿東華》演出。



「莫非得罪山姐」

祥仔雖然沒有直接承認「被罰」,但其女友Crystal卻看不過眼,近日連環在facebook炮轟大台搞白色恐怖,前日寫着:「特別報告,繼早前被指撐基基事件之後,大台白色恐怖立刻來臨,原定歡樂滿東華表演項目無故被抽起!莫非真的得罪咗《山》姐?請大家密切留意事態發展!」



■祥仔女友Crystal替男友不值,在fb斥大台搞白色恐怖。資料圖片

■昨日Crystal再發功,寫祥仔被飛出東華。



其實祥仔未被飛前,Crystal已早着先機說:「要小小小心山姐先好呀!」由於《東華》節目是由綜藝科揸弗人余詠珊負責,「山姐」之名呼之欲出。昨日Crystal又再貼出祥仔被飛出東華文章,並自己按讚,幸好祥仔未有被飛出新劇,昨日在微博貼出造型照。有傳祥仔明年約滿無綫後不再續約,也是明年約滿的吳卓羲,昨日與胡杏兒在將軍澳宣傳時,異口同聲表示有其他公司找自己,揚言仍未有決定。吳卓羲承認一直有中港公司斟過檔:「未決定,係朋友問起,當時仲有一年半載約,我話到時再傾啦。」被指冇獎令他心灰意冷?他說:「呢啲睇緣份,最重要角色同對手,錢都係其次。我亦認同林峯所講,每個人都係個體,冇人影響到自己決定。」同樣傳離開大台的胡杏兒則說:「想工作同生活攞個平衡,太辛苦會好快老。」


■準新郎祖藍提起婚事講不停,揚言要做一日白馬王子。

祖藍唔驚照肺

至於有離心的王祖藍,主演及度橋的《老表,你好hea》多番揶揄台慶頒獎禮,他昨日在沙田出席活動說:「合約仲有一段時間,暫時冇咁諗,其實
兆祥 女友 白色 恐怖 吳卓 卓羲 羲認 認被 被斟 斟過 過檔
PermaLink: https://articles.zkiz.com/?id=286633

補習天王林溢欣被誘8500萬過檔

1 : GS(14)@2015-10-09 07:39:03

本港補習學校遵理集團日前遞交上市申請,擬於主板上市。對手之一現代教育(1082,上市公司名為「香港教育」)今日於《信報》刊登全版廣告,以「致林溢欣老師的公開信」為題,開價年薪8,500萬港元,利誘該名中文科補習導師過檔。該公開信列出2013至2015年,遵理全年收益及「頂級名師」所佔部份。以2015年為例,收益3.278億港元,而「頂級名師」所貢獻收益約為1.33億港元,佔比約40%。現代教育指「數字亦顯示教育機構之收益高度集中於單一導師身上」。另一方面,現代教育亦開出初步條件,邀請林溢欣於2016年7月31日約滿後加盟,包括:4年合約;頂級導師可享最高分賬比率65%;每年100萬港元廣告及宣傳費資助;3,000萬港元簽約誠意金。現代教育指,如以每月課程獲25,000科次報讀計,林溢欣一年收入可倍增至8,500萬港元,成為香港甚至世界私立教育界的一個紀錄。其實林溢欣於四年前才開始補習事業,但具相當高的知名度,學界入面,有人更講過,十年後林溢欣會成為香港「九十後」集體回憶。而根據林溢欣的簡介,佢係高考3A狀元(中國語文及文化、中國文學、中國歷史)、中大中文系一級榮譽畢業、中大中文系哲學碩士畢業。有報讀佢嘅堂嘅同學仔就話,佢咁受歡迎,主要係因為佢會教好多考試技巧,上堂講嘢夠風趣幽默,而且會派好多額外嘅教材。加埋佢有facebook專頁同instagram,會同啲學生有互動。佢成日上載佢整筆記嘅相,營造一種好緊張學生嘅形象。另外一點係,有啲女同學話佢好靚仔。





來源: http://hk.apple.nextmedia.com/financeestate/art/20151009/19325799
補習 王林 溢欣 欣被 被誘 8500 萬過 過檔
PermaLink: https://articles.zkiz.com/?id=292939

1500人過檔I.T.界報道失實《頭條》終於道歉

1 : GS(14)@2016-09-04 15:45:25

《頭條日報》早前頭版報道,聲稱約1,500名教協會員由立會教育界功能組別,轉到資訊科技界(IT界),疑為IT界候選人莫乃光種票確保其當選。選舉事務處事後證實數字有錯,《頭條》終在A6版刊登文章,作出道歉。聲明承認報道資料純屬「推論」,決定撤回數字,但未有道歉,遭莫乃光及教協等批評要求向公眾道歉,《頭條》昨日在A2版刊登一小則聲明,表示日前就教育界選民轉到資訊科技界的現象作出「探討」,作出有約1,500名教育界同名同姓選民轉界的推論,其後透過查證選舉事務處的回覆,印證推論出現偏差,「本報相信有關同名同姓選民,大部份並非同一人士,故即時撤回報道」。聲明指該報報道旨在探討涉及公眾利益之議題,在採訪過程中,本著公平公正之態度,已適時向相關各方作出查證及報道。聲明結尾終為報道作出道歉,「本報對於在資料有限下得出與選舉事務處在對比全面資料後的數據有所偏差的推論,認為有改善空間,並表示歉意」。




來源: http://hk.apple.nextmedia.com/news/art/20160904/19759729
1500 人過 過檔 I.T. 報道 失實 頭條 終於 道歉
PermaLink: https://articles.zkiz.com/?id=307385

【中環人注意】文華總廚過檔去做包 羊肉漢堡$98有得食

1 : GS(14)@2016-09-27 07:15:18

文華東方酒店前行政總廚Uwe Opocensky,原來竟然去了Beef& Liberty做漢堡包。



甚麼!文華總廚竟然過檔去做comfort food?米芝蓮星級名廚Uwe Opocensky,早前辭任文華東方酒店行政總廚一職,原來竟然去了Beef& Liberty做漢堡包。究竟為何他甘願離開服務了已9個年頭的文華,而轉型做百多元一餐的漢堡包呢?



「我加盟Beef& Liberty,是因為它可以讓我做點不一樣的,而且有更多自由發揮的機會。我可以做一些比較廉價的食物,但仍然有我想要的元素,例如可持續發展、有機等,但以一個相宜的價錢提供這些食物。」現職Beef& Liberty集團行政總廚的Uwe說。Uwe以前主理的Krug Room,以及文華旗下的眾多餐廳,幾乎全部都走fine dining路線,一餐晚飯沒有一千元都難以結帳,但今次他選擇做漢堡包其實也是經過深思熟慮,「你知道一個大廚最常接觸的就是漢堡,這對我來說是最能體驗我信念的完美食材。」就像眼前這個羊肉漢堡,雖然價錢比起他以前做酒店時的菜式價錢便宜得多,但他依然一絲不苟,羊肩肉慢烤了8小時後再手撕,加上有機的醃蘿蔔、醃辣椒等材料,明顯貫徹了Uwe健康但好吃的想法。
Uwe併棄了做文華總廚,反而少了很多束縛,脫下大廚袍的他只穿了一件白色tee,簡單隨性,卻又有種魅力,正如他現在所做的菜式,不花巧,但每道菜都極之吸引,令人有想立即咬一口的衝動,「我們不是要做複雜的漢堡,我們只是想做全世界最好的漢堡。」Uwe充滿自信地說。
Beef& Liberty中環蘭桂坊德己立街32號加州大廈3樓記者:黃子卓攝影:劉永發


羊肉漢堡$98羊肩肉慢烤了8小時再手撕,肉質細嫰不韌,口感一流。

牛尾迷你漢堡$58牛尾是塔斯曼尼亞的草飼牛,加上有機的的醃蘿蔔、紅菜頭,配搭得非常好。

蔬菜沙律$58跟Uwe在文華時期的菜式Flower pot很相似,價錢相宜了不少,但用料仍然很高質素。



來源: http://hk.apple.nextmedia.com/su ... t/20160926/19781688
中環 人註 註意 文華 總廚 廚過 過檔 檔去 去做 做包 羊肉 漢堡 98 有得 得食
PermaLink: https://articles.zkiz.com/?id=310161

林峯過檔英皇冇戲拍樂易玲密謀佢回巢

1 : GS(14)@2016-10-13 08:09:35

一心想喺電影發展嘅林峯,前年就堅決咁要離開大台,搞到俾大台封殺,但日前出席好友楊怡同羅仲謙婚禮時,大台突然「解禁」訪問林峯,昨日就有周刊報道話,林峯再度於大台出鏡,全因樂易玲有意安排契仔歸隊。報道嘅知情人士話,林峯一直都好想喺電影方向發展,而當年英皇拉攏佢過檔時,就講明會開戲棒佢,但事隔兩年,林峯連客串嘅機會都冇,就算之前英皇開記者會宣佈開幾部大片,都係由謝霆鋒同陳偉霆孭飛,部部都冇預佢,咁一直好錫林峯嘅樂易玲,眼見佢被忽視,就密謀o氹佢返大台喇!咁樂易玲都唔係有籌碼,好似佢之前監製嘅電影《使徒行者》,喺中、港、星、馬嘅總票房逾七億,樂大媽即時把握機會,第一步就係解封契仔林峯,之後就再邀請佢出席十月中嘅邵氏大型活動。知情者仲透露,林峯同英皇仲有一年合約,樂大媽o依家開始同林峯傾,時間就啱啱好,如果成事,林峯就好似王祖藍咁,可以有自己嘅工作室,開自己嘅Label,呢啲條件都o氹得林峯好心動㗎!




來源: http://hk.apple.nextmedia.com/entertainment/art/20161013/19799092
過檔 英皇 冇戲 戲拍 樂易 密謀 佢回 回巢
PermaLink: https://articles.zkiz.com/?id=311849

【香港米芝蓮●新星】大廚大劉都「過檔」 嘉麟樓in福臨門out

1 : GS(14)@2016-11-10 08:03:51

半島集團旗下的嘉麟樓以奶皇月餅聞名,每年均引起搶購熱潮,開業近90年,今年才首奪香港米芝蓮一星。不過,今年6月嘉麟樓才換上行政主廚,邀得擁有超過30年烹調粵菜經驗、來自名人飯堂之稱的福臨門的大廚梁燊龍加盟;相對地,上榜多年的福臨門(灣仔)今年卻慘遭搣星,連出名是忠實粉絲、視福臨門為飯堂的華人置業前主席、「大劉」劉鑾雄亦轉軑幫襯嘉麟樓!不過,米芝蓮曾經透露,得獎餐廳要經過評核員多次評核,評審看似「嚴謹」,又未必趕得切試新菜,可能真是「有咁啱得咁橋」!加上福臨門(灣仔)年近70的總廚劉師傅今年5月退休後,幾乎整個廚房大換班,口味和以前不同是一定的。



記者:飲食籽


嘉麟樓開業近90年,以奶皇月餅聞名,每年均引起搶購熱潮。

福臨門(灣仔)年近70的總廚劉師傅今年5月退休後,整個廚房幾乎大換班。

出名是忠實粉絲、視福臨門為飯堂的大劉劉鑾雄亦轉軑幫襯嘉麟樓!



來源: http://hk.apple.nextmedia.com/su ... t/20161110/19828465
香港 米芝 芝蓮 新星 大廚 大劉 過檔 嘉麟 in 福臨門 福臨 out
PermaLink: https://articles.zkiz.com/?id=314938

【亞視過檔】田蕊妮捱出視后

1 : GS(14)@2016-12-07 08:01:00

不少前亞視女藝人投身無綫,際遇各有起落,亞視一姐田蕊妮加盟七年獲視后,萬綺雯知名度大增,有收視保證。


田蕊妮39歲

2006年加入無綫,捱足七年後憑劇集《巨輪》一箭雙鵰奪最佳女主角及最受歡迎電視女角色,亦不乏演唱劇集歌曲機會。



陳煒43歲

2012年轉投無綫,曾被傳加簽無綫十年合約,除了劇接劇,公司還為她度身訂做飲食節目《煒哥的味道》,亦將會拍攝重頭劇《深宮計》。


張文慈45歲

2010年約滿亞視後,一直在內地發展,有傳數年前開始向無綫自薦但不成功,早前終得償所願加入無綫,但上月台慶時卻淪為七線被安排企山頂。


萬綺雯46歲

2012年加入無綫,所拍攝劇集《老表你好嘢》及近日的《致命復活》等口碑收視均有佳績,令蚊蚊大受歡迎。




來源: http://hk.apple.nextmedia.com/entertainment/art/20161207/19857183
亞視 過檔 田蕊 蕊妮 妮捱 捱出 出視 視後
PermaLink: https://articles.zkiz.com/?id=318622

龐卓欣離無綫過檔Viu

1 : GS(14)@2017-04-30 15:22:21

2015年港姐亞軍龐卓欣因為不想與TVB簽長命約,去年11月回復自由身後,隨即為Viu Online做主持。龐卓欣受訪時不肯透露詳情,但表示很開心,可以選擇喜歡的工作,問她怕不怕激嬲TVB?她說:「唔會,佢哋對我好好,冇乜嘢,如果TVB想要番我,我都想客串吓,除咗做YouTuber同教小朋友唱歌外,都想試吓鏡頭前做多啲唔同嘅嘢,好開心今次ViuTV畀咗咁大嘅機會我。」問何解不簽約TVB?龐卓欣說:「咁我又唔係真係想全職做演員或主持,我都未試過演戲,根本唔知適唔適合,一嚟就簽咁長嘅話,我簽唔落手,哈哈。」採訪:嵐山



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170430/20006129
龐卓 卓欣 欣離 離無 過檔 Viu
PermaLink: https://articles.zkiz.com/?id=332067

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019