周汶錡追女湊個好字
1 :
GS(14)@2016-02-28 16:39:25周汶錡（Kathy）和鄭希怡（Yumiko）昨日在尖沙嘴出席Tsumori Chisato時裝騷，大會各自送了一個刻有Kathy和Yumiko孩子名字的小飾物給她們。
Kathy穿上品牌七彩繽紛的服飾，甚有少女氣息，被問到會不會為兒子Jacques扮靚，她說：「因為BB唔係成日出街，平時喺屋企都係着啲舒服啲嘅衫，同埋男仔冇特別，都係戴吓帽，着下衫褲仔呢啲，女仔反而會多選擇啲。」提到陳慧琳曾經幫囝囝劉昇（蝦餃仔）打扮到成個囡囡咁，Kathy說：「冇諗過呢樣嘢，而家BB頭髮未生出嚟，如果佢鬈鬈哋，都會幾得意，比較可愛，未生所以唔知直定鬈。都想生個女，而家加油緊喇！」採訪：王連連攝影：仇志德
來源:
http://hk.apple.nextmedia.com/entertainment/art/20160228/19508483
【媾女功略】學功夫追女仔 打贏抱得美人歸
1 :
GS(14)@2016-03-05 01:12:12為了爭女仔，治昂(左)成日同時宇對打。《武林學校》截圖
【三個粉絲追韓劇】尹時宇（李玹雨飾）和王治昂（李弘彬飾）在KBS劇集《武林學校》愛上同一個女生沈順德（徐睿知飾），為了她用功習武，出盡全力打生打死，到底順德最後情歸何處？三個粉絲在追《武林學校》的同時，發現原來韓國有同樣以功夫為主題的舞台劇《JUMP》！
韓國有功夫電視劇，原來都有功夫舞台劇。
講一個「好打得」嘅男仔，想做功夫家族女婿，遇上賊仔，幫忙解圍，希望抱得美人歸。
劇中有好多同觀眾嘅互動環節。
動主播阿仙、viu韓劇導賞員阿愁和太成齊齊入場看功夫音樂舞台劇《JUMP》。故事是講一個「好打得」的男仔，想做功夫家族的女婿，遇上賊仔，幫忙解圍，最終能否抱得美人歸，當然留待你自己睇。
仲會請觀眾上台一齊玩，好似阿仙咁。
仲摸到「女婿」個胸......肌添呀！
劇中時宇(右)有順德教導。《武林學校》截圖
《JUMP》是長壽劇，每晚都在韓國上演，連續十三年無間斷，亦有在世界各地做巡演。製作人 Cara Han介紹，為了令全世界的觀眾都能享受此劇，全劇都不用台詞，由九個角色靠身體語言令笑聲四濺。導演Lee Jun Sang指，演員的武術都融合了功夫和雜技。而為了讓觀眾更投入演出，演員不時會與觀眾做各式各樣的互動，阿仙有幸被劇中的叔叔抽中上台玩，更親手摸到「好打得」的男主角，引來全場尖叫！想知過程幾有趣，立即去片。
治昂(右)有善雅幫忙。《武林學校》截圖
三個粉絲跟《JUMP》嘅爸爸、媽媽、叔叔學功夫，阿仙激到爸爸死。
正所謂「台上十分鐘，台下十年功」，學武夫不停練習是固然的，但有一位好老師亦相當重要。例如《武林學校》劇中，王治昂有黃善雅（鄭幼珍飾）幫忙，而尹時宇有沈順德教導，至於三個粉絲亦想一嘗習武滋味，便找來《JUMP》的爸爸、媽媽和叔叔指教。劇中飾演爸爸的Lee Won Young懂得劍術、棒術和中國武術，媽媽An Hye Ran最厲害的是跆拳道，而叔叔You Su Ho指自己六歲便開始學合氣道，而在劇中最善長的是玩雙截棍。面對三位猛人，三個粉絲能否好好學習？去片啦！
太成都係三腳貓功夫。
阿愁最叻！連叔叔都讚佢耍得好雙截棍。
主持：動主播阿仙、Viu韓劇導賞員阿愁和太成攝影：陳家文、李錦鏵、張宗光《武林學校》片段由Viu提供：
https://goo.gl/bRSBQU【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20160303/19513463
小春采兒努力追女
1 :
GS(14)@2016-05-08 01:56:24陳小春和老婆應采兒日前為雜誌影相，兩人結婚6年大談夫妻相處之道，小春說：「一句話，多一事不如少一事。」采兒為老公解畫：「我哋脾氣都比較火爆，每次有小矛盾，開始要發脾氣嘅時候，其中一個就會停落嚟退一步。小春性格唔太識表達，但我一定要講出嚟，佢都會耐心聽完我嘅說話。」自從兒子Jasper出世後，小春變得成熟穩重，他說：「而家遇到唔開心嘅嘢好少嬲，因為諗到囝囝就好爽好開心，其他都唔重要。」兩人還準備再生一個，采兒說：「而家一家三口，過年仲係覺得有啲孤單，有種三缺一感覺。」小春說：「如果有靚靚囡囡就圓滿嘞。」撰文：皓騫
來源:
http://hk.apple.nextmedia.com/entertainment/art/20160505/19597998
被傳只會等女媾馬國明：當然會主動追女
1 :
GS(14)@2016-07-06 08:11:29馬國明可以話係娛圈中嘅荀盤，不過就有個網站話佢好愛唐詩詠，仲叫洪永城好好照顧佢，之後又有雜誌搵返啲好舊嘅直播，指馬明真係講過鍾意唐詩詠，其實個直播馬明只係話唐詩詠呢類女仔佢都好鍾意，不過佢又真係講過叫叫洪永城好好照顧唐詩詠。之後網上又有指馬明有十幾條金句，其中一條仲話馬明唔會主動追女仔，要等女仔追，篇文仲叫啲女仔去追馬明咁話。前日馬國明、蔡思貝、楊明、梁崢等，出席新劇嘅拜神儀式，當然要問下馬明係唔係要等女仔追，佢就話：「沒說過啊，當然會主動追女生，男生就是要做主動啊。」除咗有金句嘅傳言，仲有傳好多女追馬明，但佢就話完全冇咁嘅事，仲覺得有啲對唔住啲女演員。至於被喻為新一代發電廠嘅蔡思貝就話希望今次合作都可以同馬明傳吓緋聞，唔傳就係唔畀面。而蔡思貝前晚被發現同一班《純熟意外》台前幕後食飯時，喺傳不和嘅李施嬅張大合照中「失蹤」，蔡思貝解釋話只係咁啱行開咗，又話佢哋係有合照嘅。
來源:
http://hk.apple.nextmedia.com/entertainment/art/20160706/19683324
【馮仁昭四圍超】憶做DJ俾爆粗女玩謝彭浩翔扮文青追女仔
1 :
GS(14)@2016-08-17 08:01:30■彭浩翔話中學時代曾經學人扮文青去投稿，目的就係追女仔。
導演彭浩翔、ViuTV《跟住矛盾去旅行》監製吳繼業、《蘋果日報》執行總編輯徐緣同品牌設計師李永銓，噚日出席一個由壹傳媒舉辦嘅「內容行銷講座會」，講到而家行銷戰場由主流媒體轉往網絡社交平台，說故事嘅方式亦都唔同。彭浩翔由98年喺商台做DJ，主持一個新構思嘅節目叫做《無人駕駛》，係任由聽眾打上去暢所欲言，佢話：「因為怕啲人亂講嘢，所以諗出一秒延遲播出，我就負責控制嗰『一秒』，嗰時安慰自己都好大權，因為可以隨時cut人。試過有一次有位好可愛、把聲高八度嘅女仔打電話入嚟，好開心話終於打通電話，佢一路講，講晒全班同學嘅名，跟住佢話『Vivian喺唔喺度呀……我X你XX呀！』估唔到佢真係一秒講晒4個字，第二日當然俾人鬧啦。」
諗計撮合曾梁
彭浩翔講到中學時扮文青追女仔，佢話：「用盡方法投稿去專欄，攝廿蚊紙試過、用公文袋又試過，務求sale到佢哋用我篇稿，做到最起眼，果然佢哋用我篇稿。」佢借呢啲古仔帶出唔同類型嘅行銷手法。吳繼業話當初構思《矛盾》嗰陣，用波蘭呢處地方打動曾鈺成同梁國雄一齊去。撰文：馮仁昭
■由壹傳媒舉辦嘅「內容行銷講座會」，噚日邀請咗（左起）ViuTV《矛盾》監製吳繼業、《蘋果日報》執行總編輯徐緣及設計師李永銓出席。
■當年彭浩翔喺商台做過DJ，唔講唔知佢負責過節目《無人駕駛》。
來源:
http://hk.apple.nextmedia.com/entertainment/art/20160817/19739012
周汶錡不設防追女
1 :
GS(14)@2016-09-04 18:03:47周汶錡、鍾麗淇、Mr.鼓手Tom及太太、楊鎧凝等昨日在銅鑼灣出席慈善活動，周汶錡的兒子Jacques已14個月大，她坦言想生多個女，問她與老公是否不設防？她細聲地說：「努力，加油，老公好鍾意小朋友，想生3、4個，本身阿仔爬嘅速度好快，今日佢學行幾步，其實我想佢行，又唔想佢行，好忐忑，因為佢唔識行可以抱住佢，但佢識行就要睇緊啲。」鍾麗淇表示想帶兩個女兒到場，但因為本身有工作，老公就提議她下次先。她指今年5歲多的大女，患有4號染色體缺損綜合症，現時行路不錯，可以單手扶住東西行路，故她想帶大女出來見人，問到囡囡會否怕陌生？鍾麗淇說：「之前去迪士尼佢唔怕，但唔知對住咁多閃光燈驚唔驚。」採訪：黃曉妍攝影：陳俊強
■鍾麗淇（右）開心指患病大女行路大有進展。
■Mr.鼓手Tom和太太帶囝囝參與慈善活動。
來源:
http://hk.apple.nextmedia.com/entertainment/art/20160904/19759157
【鷹巢重臨】名人夜總會變中菜廳 趙世曾吃乞兒雞追憶昔日追女事
1 :
GS(14)@2016-11-20 23:53:42趙世曾是昔日鷹巢的熟客，鷹巢最近重開，重溫昔日歲月。
Live Band、舞池是1960至70年代Night Club的必備元素，最有代表的是已拆卸中環希爾頓酒店頂樓的Eagle's Nest，即鷹巢，是當時香港最高級的夜總會。酒店於1961年開業，現址為長江集團中心，是當時香港一間五星級酒店，當時五星級酒店不多，幫襯的人大多非富則貴，何鴻燊和趙世曾等均是熟客。最近希爾頓酒店集團在旺角開新酒店，裏面有一間以鷹巢命名的中菜廳，請來趙世曾重溫昔日歲月。
「小時候，我如果和女仔跳貼面舞，心會跳，臉會紅。現在追女仔不同，不用貼面，跳舞都是多餘，連這一步都可以慳回。那時餐廳有現場樂隊又有表演，又可以跳舞，現在已經無這樣的地方。」卓能主席趙世曾說。「鷹巢」這個名字響噹噹，昔日是最高級的夜總會，別心邪！並非大家所想的風花雪月。「那時1960、70年代沒有太多餐廳選擇，大家請客只會想到去Eagle's Nest或者到半島酒店內的Gaddis，再不是便是跑馬地的Amigo（雅谷餐廳），Eagle's Nest以前是我最喜歡的一間餐廳。」長駐歌手有鍾玲玲、筷子姊妹花、潘迪華等等，「最難忘是鍾玲玲，人靚歌甜，以前Stanley Ho（何鴻燊）每個星期都會去，要數他最捧場。」舞池在正中間，愛跳舞的趙世曾一個月會幫襯三四次，對食物反而無深刻印象。「我只記得那時同時有西餐和中餐供應，到鷹巢主要都是跳舞，食物質素反而是其次。」
Eagle's Nest，即鷹巢，位於已拆卸中環希爾頓酒店頂樓，是當時香港最高級的夜總會。
當時有不少明星是長駐歌手，如筷子姊妹花。
鷹巢富貴雞，是昔日鷹巢的招牌菜，古法用泥封，現已轉為以麵粉封實。$428
他愛跳舞亦愛美女，不過，卻從未在Eagle's Nest識過女朋友。他咪着眼、笑哈哈說：「那裏不是識女仔的地方，我平日都是自己帶女伴去食飯，那時我是靠跳舞追女仔，傾偈熟絡後，便跳埋少少，之後再跳貼面舞，我那個年代流行一步一步去追女仔。」1995年5月希爾頓酒店正式結業，當時的和記黃埔以1.25億港元向希爾頓酒店管理集團，換取其提早解除管理合約，隨後酒店連同其西面的拱北行（即政府新聞處舊址）和停車場被一併拆卸，重建成今日的長江集團中心，鷹巢亦隨之結業。
鴛鴦大蝦球，以菠菜汁及沙律汁包實，賣相看起來較吸引。$348
萬壽果燉海中寶，原隻木瓜燉湯，配以蟹肉等材料，很清甜。每位$128
21年後，鷹巢重開，選址位於旺角豉油街，是希爾頓酒店集團二線品牌的酒店，在11月18日開業。新鷹巢定位為一間中菜廳，昔日在正中間的舞池不見了，昏暗、有氣氛的環境亦消失了。趙世曾搖一搖頭說：「沒有樂隊、沒有燈光，不是以前的Eagle's Nest（鷹巢），這間餐廳只是用回舊名而已。」餐廳廚師顧問是鷹巢昔日的大廚，刻意保留數個昔日招牌菜，都經稍作改良。趙世曾最喜歡是富貴雞即乞衣雞，因衞生問題，外皮原是用古法泥封改由麵粉，將以加飯酒、冬菇絲醃過的雞，以荷葉、錫紙包裹，外面用麵包封存熱力，吃時在客人面前以木槌扑下，芬香酒味隨之而來，雞肉焗得嫩滑，很吸引。還有蝦球，昔日是菠菜汁及白芡汁，後者已改為沙律汁，看起來賣相更吸引，昔日木瓜燉翅湯，則改由海鮮代替，陸續會推出昔日名菜。鷹巢旺角豉油街2號希爾頓花園酒店2樓記者：何嘉茵攝影：鄧鴻欣
來源:
http://hk.apple.nextmedia.com/su ... t/20161119/19838454
Next Page