ZKIZ Archives


軒仔巡演唱到喊

1 : GS(14)@2015-11-09 08:37:38

張敬軒前晚在廣州舉行巡唱,他兼任演唱會的創作總監,着有立體蝴蝶戰衣的軒仔,以白馬王子look出場唱《櫻花樹下》、《找對的人》等情歌,又在性感舞蹈員伴舞下演繹快歌。之後擔任嘉賓的王菀之與軒仔在一雙大型鏡面手掌中對彈合唱,軒仔笑問觀眾:「鍾唔鍾意呢梳銀色大蕉?出年係猴年,所以造嚟同大家拜早年。」至於在香港站由譚玉瑛參演的小劇場,前晚就換上廣州節目主持陳揚演出,穿插《笑忘書》、《過客別墅》及《青春常駐》等歌,在廣州土生土長的軒仔份外感觸,禁不住邊唱邊落淚,氣氛感人。撰文:皓騫





來源: http://hk.apple.nextmedia.com/entertainment/art/20151109/19365113
軒仔 巡演 唱到 到喊
PermaLink: https://articles.zkiz.com/?id=293805

待嫁王菀之追軒仔

1 : GS(14)@2015-11-20 08:43:47

王菀之(Ivana)今個月28日跟Figure王蘇卓航(Eric)結婚,不過她近日仍然馬不停蹄為有份配音的動畫《小王子》宣傳。而在Ivana結婚前3日(25日)會繼續跟有份聲演的張敬軒,一同出席在金鐘太古廣場舉行的小王子展覽,相信是Ivana婚前最後一次出席公開活動。近排的電影都喜歡以飛行作引子來談理想,例如導演黃修平的新作《哪一天我們會飛》戲中其中一位主角的夢想就是飛行,而《小王子》亦同飛行有關。Ivana在《小王子》聲演一名小女孩,身邊有一位怪獸媽咪替她鋪排了人生路,一向好聽話的小女孩因為一隻紙飛機,引發她去追尋張敬軒聲演的小王子。撰文:李森





來源: http://hk.apple.nextmedia.com/entertainment/art/20151119/19378052
待嫁 王菀 菀之 之追 追軒 軒仔
PermaLink: https://articles.zkiz.com/?id=293860

王菀之同軒仔攬攬錫唔畀Eric So捧場

1 : GS(14)@2015-11-23 08:30:32

■軒仔與Ivana演出時攬完又錫,完全不怕Eric So呷醋。


張敬軒和王菀之(Ivana)前晚在會展舉行《拉闊音樂.劇場版》,今次找來林嘉欣擔任特別嘉賓,軒仔和Ivana飾演一對情侶,雖然Ivana即將成為人妻,不過她在台上不避忌地與軒仔打情罵俏,其中一幕Ivana與軒仔面對面兼被錫額頭,甚至被軒仔從後攬實唱情歌和錫面,感覺溫馨。未知是否待嫁心情太興奮,Ivana演出時多次出現甩漏,結果當然又被軒仔取笑:「叫咗你開騷前唔好食咁多飯喇!知你結婚喇,都唔使咁開心,呢幾日綵排見到你個樣好似烚熟咁。」不過Ivana解釋只是為兩人十年後再合作而感開心。最後他們合唱《老了十歲》時,因歌詞提到「被別人狂追更成為伴侶」因太過應景,軒仔搞笑地說:「呢首歌道出我心聲!」



■準人妻王菀之與張敬軒前晚在會展舉行婚前最後的音樂會。

■Ivana全晚被軒仔取笑,更被指樣子好似烚熟了。



聞蘇太冧爆

完騷後接受訪問,聽到大家稱她做蘇太的Ivana,表現冧爆,但她透露未婚夫Eric So沒有來捧場:「佢都有問我嘅,但係我覺得有啲尷尬,因為知有好多朋友嚟。」問她是否怕台上打情罵俏激親男友?Ivana笑言:「我哋平時喺佢面前仲sweet!我好鍾意同軒仔演出,好放心。」軒仔亦說:「佢男友點激都唔嬲。」再問到婚禮詳情,Ivana說:「軒仔話我請唔請佢都會到,我哋都係一切從簡,只係屋企人食餐飯,會有簽紙儀式同向雙方家長斟茶儀式。」另外,今次只負責演出的林嘉欣,坦言很開心,問她為何不唱歌?嘉欣笑說:「一定唔會唱,唱歌對我係太遙遠嘅事。」至於金馬獎的準備工作,她則說:「好期待,希望完咗頒獎禮可以食餐勁,不過老公唔會去,佢喺度反而有壓力,留喺屋企睇電視,我會平常心出席,當朋友敍舊。」採訪:王連連攝影:沈健程



Eric So(右)資料圖片

■林嘉欣透露老公不會陪她出席金馬獎。



來源: http://hk.apple.nextmedia.com/entertainment/art/20151120/19379843
王菀 菀之 之同 同軒 軒仔 仔攬 攬攬 攬錫 錫唔 唔畀 Eric So 捧場
PermaLink: https://articles.zkiz.com/?id=293871

軒仔再病取消工作

1 : GS(14)@2016-03-11 13:31:20

張敬軒早前因為流感引發肺炎,要入院而取消演唱會,雖然他事後放了一個悠長假期休養,不過似乎軒仔的身體仍然相當孱弱,本來他昨與盧冠廷等錄歌,不過再因身體不適而取消。軒仔昨日在社交網貼了一張戴上口罩的病相,又留言服食特敏福後全日喪瞓,他叮囑大家去人多的地方時要乖乖戴口罩,他還說:「呢個本命年想點先?家下去買紅底先,唔畀再話我渣斗,我已經做番運動㗎喇,不過未見效住咋嘛,到時見效嗰時嚇死你吖老老竇竇,有冇人有太歲嘅contact?等我搵佢講吓數先!」撰文:唐琛悠





來源: http://hk.apple.nextmedia.com/entertainment/art/20160311/19524562
軒仔 仔再 再病 取消 工作
PermaLink: https://articles.zkiz.com/?id=297609

【馮仁昭四圍超】軒仔聽盧冠廷失眠

1 : GS(14)@2016-03-28 14:16:15

張敬軒(左)噚日喺佐敦為盧冠廷(右)寫嘅電影主題曲《一步一面貌》錄音,軒仔一向自己做監製,今次改由盧冠廷做,佢話前一晚失眠:「我1點上床瞓,點知到4點幾仲未瞓着,心情好緊張,成晚不停聽盧Sir嘅歌,想搵番佢啲歌曲嘅感覺。」盧冠廷就叫佢放鬆,又讚佢對音樂認識令佢驚嘆,軒仔即乘機邀請盧冠廷再寫首浪漫歌畀佢,不過盧冠廷話要忙埋演唱會先。撰文:馮仁昭





來源: http://hk.apple.nextmedia.com/entertainment/art/20160328/19546930
馮仁 仁昭 四圍 軒仔 仔聽 聽盧 盧冠 冠廷 失眠
PermaLink: https://articles.zkiz.com/?id=298658

軒仔自揭搭港鐵過海

1 : GS(14)@2016-05-24 10:27:34

張敬軒昨日到香港站東涌綫大堂參加港鐵「開心搭生日獎」抽獎活動,席間他表示多在佐敦站搭港鐵過海,他更透露首次搭地鐵是他1996年來港時。早前汪明荃為平民發出心聲,指希望港鐵減價,軒仔說:「唔同消費者面對不同服務商有不同條件,對我嚟講可以接受,經濟負擔得到就搭。我去過外地倫敦、巴黎等坐地鐵,覺得港鐵無論速度、準確性同安全都好好。」軒仔還提到年初的生日好難忘,病之餘收到粉絲送13條紅底,大讚粉絲們夠體貼:「以前我唔會收,覺得太私人,但今年犯太歲,佢哋又目測到我size同品牌。有啲款中間有個倒轉福字,攞意頭。」採訪:羅慧敏攝影:沈健程





來源: http://hk.apple.nextmedia.com/entertainment/art/20160524/19624536
軒仔 仔自 自揭 揭搭 搭港 港鐵 鐵過 過海
PermaLink: https://articles.zkiz.com/?id=301277

軒仔開降兩度直播騷

1 : GS(14)@2016-09-04 18:03:45

張敬軒(軒仔)、吳業坤及鍾舒漫等前晚出席在灣仔live house餐廳開幕禮,軒仔最近在網上假扮新人,將音調降兩度唱歌,兩日內累積過百萬點擊,他說:「呢期好似精神分裂咁,今日嘅張敬軒又係降兩度,雙重身份嚟恭賀,呢排登台都係用降兩度。」軒仔打鐵趁熱,自資在本月7日舉行降兩度直播音樂會:「會有live band,係降兩度嘅首個音樂會,網上歌迷見面會。而家網上世界最緊要快,都幾好玩,唔可以再用我出道嗰陣嘅嘢套落去呢個行業。過去一、兩年,好多香港樂壇話題都係由網民帶出,網民即係歌迷,所以無論好與壞嘅comment,我哋都要有心理準備去承受同把握機會。」採訪:王連連攝影:沈健程




來源: http://hk.apple.nextmedia.com/entertainment/art/20160904/19759224
軒仔 仔開 開降 兩度 直播
PermaLink: https://articles.zkiz.com/?id=307465

軒仔要睇阿Sa全相

1 : GS(14)@2016-09-06 22:50:57

張敬軒和Twins昨日出席港台廣播劇《結婚.花.車》記招,軒仔指台上DJ的面相應該明年結婚,蔡卓妍(阿Sa)即問軒仔自己面相如何,軒仔說:「你要睇全相先知。」鍾欣潼(阿嬌)補充話:「睇吓你好唔好生養。」阿Sa當場失控喪笑。



■軒仔大講有味笑話,表示要睇阿Sa全相。

軒仔解釋只會跟相熟好友說笑:「我係跟校長(譚詠麟)學嘢令工作環境輕鬆開心,但我冇學到真傳,只係偏門學壞。」對於軒仔睇全相建議,阿Sa說:「My pleasure!」又指讀書時都似劇中角色主動追男仔,問試過食檸檬嗎?阿Sa說:「真係未囉!」她亦不介意向男性求婚,但補充說希望有求婚這部份。採訪:馬建華攝影:葉君海




來源: http://hk.apple.nextmedia.com/entertainment/art/20160906/19761484
軒仔 仔要 要睇 睇阿 Sa 全相
PermaLink: https://articles.zkiz.com/?id=307823

王菀之減40磅軒仔質疑

1 : GS(14)@2016-09-27 08:02:24

王菀之(Ivana)與張敬軒昨日於尖沙嘴宣傳明年2月的紅館演唱會,Ivana指跟軒仔多年來不論磅數、事業都共同進退,軒仔即爆:「係呀!130磅。」Ivana更正是136磅,並指有信心開騷時減40磅,引來軒仔質疑。
Ivana成人妻後,大家都關心何時帶來喜訊,問軒仔是否要叮囑她開騷前勿有喜?他笑說:「咁唔會,不過佢喺屋企就唔好做咁多劇烈運動喇!」門票昨日公開發售,軒仔呼籲歌迷勿買黃牛飛。提到他們近日號召歌迷上載二人多年來的照片,軒仔說:「我發現當年皮膚好黑,因為化妝師要用深色粉底遮我黑眼圈。」採訪:馬建華攝影:陳俊強




來源: http://hk.apple.nextmedia.com/entertainment/art/20160927/19782854
王菀 菀之 之減 40 磅軒 軒仔 質疑
PermaLink: https://articles.zkiz.com/?id=310291

軒仔續約唔睇錢

1 : GS(14)@2016-10-10 04:28:32

張敬軒昨日在尖沙嘴舉行新碟分享會,許靖韻和羅力威獻唱他的舊歌。軒仔自言重視質素,希望保持一年推一張唱片,他自爆與英皇續約,承認續約費有增加,但不肯透過有幾多。被問續約費可跟李克勤相近?他說:「梗係冇,我輩份細啲,其實我係求發展,簽約費畀幾多之後要還,係要睇前景,之後會發展電影,舊年拍嘅戲今年會上。」採訪:王連連攝影:仇志德




來源: http://hk.apple.nextmedia.com/entertainment/art/20161009/19795169
軒仔 續約 唔睇 睇錢
PermaLink: https://articles.zkiz.com/?id=311299

軒仔講關智斌:當局者知

1 : GS(14)@2016-10-18 08:15:32

張敬軒昨日到商台宣傳新碟時,先澄清日前並非迴避跟關智斌(Kenny)情變報道而婉拒訪問,當晚原定趕往錄音,但因監製仍有工作而取消通告,才回家玩直播,他解釋現時不能只靠傳媒及公司宣傳,要好好經營社交平台自我宣傳。對於跟Kenny情變,他無奈說:「變條命,咁多年完全係生安白做,講埋今次封口唔講。」他表示跟Kenny是多年好兄弟,一直互相幫助兼友情不變,亦不會為相關新聞而有所避忌不見,他說:「日前佢屋企人先攞咗我啲碟,叫我簽名畀佢屋企啲小朋友,好多嘢都係當局者先知。」採訪:馬建華攝影:沈健程




來源: http://hk.apple.nextmedia.com/entertainment/art/20161018/19803829
軒仔 仔講 講關 關智 智斌 當局者 當局
PermaLink: https://articles.zkiz.com/?id=312586

G.E.M.軒仔曾唱《Hallelujah》

1 : GS(14)@2016-11-12 05:54:59

Leonard Cohen的音樂不乏對社會、政治及宗教的反思。60年代越戰期間,其作品《Story of Isaac》就成為反越戰的名曲。收錄在84年大碟《Various Positions》的《Hallelujah》,更先後被超過二百位歌手用各地語言演繹,包括Jeff Buckley和John Cale等,香港的鄧紫棋(G.E.M.)與張敬軒也曾於音樂會上合唱此曲。



另外,Cohen的歌曲也出現在不同電影及劇集中,如李志毅執導的電影《天涯海角》就採用他的《Dance Me To The End of Love》,名導奧利華史東的電影《天生殺人狂》則用了的《The Future》和《Waiting For The Miracle》。撰文:哥羅


■電影《天涯海角》,用Cohen的作品作配樂。





來源: http://hk.apple.nextmedia.com/entertainment/art/20161112/19831068
G.E.M. 軒仔 仔曾 曾唱 Hallelujah
PermaLink: https://articles.zkiz.com/?id=315216

【馮仁昭四圍超】軒仔MV被追版權費

1 : GS(14)@2016-12-01 08:06:52

張敬軒噚日喺新城宣傳新碟《Vibes》,軒仔表示新歌《羅賓》曾出現一段小風波,佢話因歌詞版MV有個蝙蝠俠背影,後來收到美國版權擁有人嘅信件,佢哋最終要以六位數字買版權,軒仔話:「成日呼籲大家要尊重版權嘅時候,我哋都要以身作則。」提到黃秋生未能連任藝發局戲劇範疇,軒仔話:「佢好有責任心,我諗佢會用其他方式支持香港嘅藝術事業。」撰文:馮仁昭




來源: http://hk.apple.nextmedia.com/entertainment/art/20161201/19850873
馮仁 仁昭 四圍 軒仔 MV 被追 版權
PermaLink: https://articles.zkiz.com/?id=317850

【馮仁昭四圍超】軒仔減肥冇得食

1 : GS(14)@2016-12-31 01:06:42

明年2月合體舉行「The Magical Teeter Totter演唱會2017」嘅王菀之(Ivana)同張敬軒,近來正密鑼緊鼓咁練歌同排舞,不過佢哋就投訴對方嘅歌好難唱又難編曲。不過最大挑戰其實係減肥,軒仔話:「冬至、聖誕、新年、情人節都係美食節日,但公司就日日幫我準備白烚雞柳青菜!」Ivana就話:「因為我鍾意煮嘢食,個餐單為自己設計,所以我唔係食呢啲。」撰文:馮仁昭




來源: http://hk.apple.nextmedia.com/entertainment/art/20161230/19880745
馮仁 仁昭 四圍 軒仔 減肥 冇得 得食
PermaLink: https://articles.zkiz.com/?id=320691

Eason搞鬼扮錫錫軒仔「自首」:係我迫佢嘅

1 : GS(14)@2017-01-05 08:01:09

前晚叱咤頒獎禮,Eason(陳奕迅)的《四季》摘叱咤樂壇至尊歌曲大獎,佢出場領獎時,全場驚喜興奮尖叫。喺慶功宴上,Eason仲變成「郵王」,瘋狂被集郵。軒仔(張敬軒)就喺Instagram貼咗一張Eason扮錫錫佢嘅相:「真係唔恨得咁多!」打hashtag「神之吻」、「係我迫佢嘅」,二人表情相當搞鬼。




來源: http://hk.apple.nextmedia.com/entertainment/art/20170103/19885103
Eason 搞鬼 扮錫 錫錫 錫軒 軒仔 自首 係我 我迫 迫佢 佢嘅
PermaLink: https://articles.zkiz.com/?id=321248

軒仔愛國論捱鬧

1 : GS(14)@2017-01-12 08:03:26

■張敬軒不但參加內地節目《歌手》,前晚更在微博發表千字文的愛國論。



張敬軒日前宣佈參加《我是歌手5》,成為其中一位選手後,有香港網民為此翻查軒仔兩年前,否定《我是歌手》的個人看法,軒仔曾說:「呢啲專業推介比賽有啲危險,我冇勇氣參加。」又謂內地喜歡飆高音,他已經不嗌得,更加不想打爛自己貞節牌坊。不過,前晚軒仔又在微博發文表白愛國心迹:「家鄉給予我的力量一直在我的血液裏流淌。這是中國人的血液,是我無論走到哪裏都不會忘記……我想再次重申,我是一個中國人,我由始至終都不是『港獨』,我堅決反對一切分裂國家的行為,這是我的原則。」惹來香港和內地網民留言批評:「未紅時選擇做香港人,在事業上了位,選擇做回中國人。」「對你好失望,完全係今天的我打倒昨日的我!」撰文:非非




來源: http://hk.apple.nextmedia.com/entertainment/art/20170111/19892645
軒仔 愛國 論捱 捱鬧
PermaLink: https://articles.zkiz.com/?id=322187

前日遭撤出《歌手》軒仔晚飯慰勞夥伴

1 : GS(14)@2017-01-17 01:55:20

■張敬軒前晚到金鐘食飯,但對內地封殺一事未有回應。





張敬軒曾撐雨傘運動傳被內地封殺,兩年前曾揚言不會參加湖南衛視《我是歌手》,日前卻轉軚宣佈加入《歌手》,更於微博發表簡體字千字文,表白愛國心迹,卻兩邊不討好被中港網友狂轟。


逐一抱抱道別

前日有消息指軒仔被《歌手》臨時飛起,錄了第一集節目不能播出,鏡頭全被刪或打格,徹底被消失!直至昨日,事件發生已兩天,軒仔和所屬的英皇仍未有回應,而前晚當事人軒仔現身金鐘,與在微博發文撐自己的英皇廣州總經理周峰飯敍,不知是否共商對策。前日事件擾攘了整天,軒仔保持沉默完全沒表態,晚上約10時30分,記者在金鐘發現軒仔的行蹤,剛巧跟周峰等人飯敍離開,着紅黑衫的軒仔在樓下等司機時,軒仔跟友人逐一抱抱道別,似答謝大家的支持,他全程都笑笑口,看來心情沒太受影響,之後由司機接載返山頂屋企。周峰前日在微博留言撐軒仔:「沒有難過,只有憤怒」,是英皇唯一對此事有反應的高層,可見兩人情非泛泛,不過數小時後周峰卻將帖文刪除。至於同被內地封殺的何韻詩,早前被爆背女友鄧九雲跟女助手方迦南在貝沙灣激咀,之後鄧九雲在社交網貼黑白相疑分手,前日下午阿詩終於蒲頭,撇新歡約音樂人馮翰銘和黃馨一家三口在上環嘆下午茶。素顏一身黑look的阿詩有說有笑心情不俗,久未露面的黃馨是前歌手,03年由王菲御用監製梁榮駿提拔加入樂壇,初出道被指聲線似王菲。



【談天說地】■軒仔疑被內地節目《歌手》飛起,但仍有說有笑。

【高層飯敍】■前晚飯局力挺軒仔的英皇廣州高層周峰(右)也在場。


何韻詩撩細路

直至傍晚他們才埋單,馮翰銘抱着兩歲囝囝馮靖在門外繼續和阿詩傾偈,阿詩邊講邊向馮靖摸頭掃背,其間店員拿小物品走出來遞給馮靖,估計是之前留下的。最後阿詩駕駛其白色七人車,接載他們一家三口離開。採訪、攝影:畢紹基、吳耀輝、朱志聰


■何韻詩(左)爆激咀新歡後,前日蒲頭約馮翰銘夫婦嘆茶。

■前歌手黃馨退出樂壇多年,嫁馮翰銘後現育有一名兩歲兒子。

■阿詩全程開懷大吃大喝,心情靚爆。



來源: http://hk.apple.nextmedia.com/entertainment/art/20170116/19898145
前日 撤出 歌手 軒仔 晚飯 慰勞 夥伴
PermaLink: https://articles.zkiz.com/?id=322807

【馮仁昭四圍超】軒仔被飛英皇解畫

1 : GS(14)@2017-01-18 22:21:23

資料圖片





張敬軒日前被爆疑遭內地封殺,喺湖南衛視節目《歌手》被消失,事件擾攘3日,噚日英皇終於有回應,指一直同電視台跟進中,外間聲音對歌手同電視台造成巨大壓力,搞到軒仔無法專心比賽:「今早經過與電視台商討,雙方決定終止這次合作。未來軒仔會做好音樂和鍛煉身體應付繁忙工作,最後感謝湖南衛視的誠意邀請,軒仔希望歌迷支持並理解他的決定。」撰文:馮仁昭




來源: http://hk.apple.nextmedia.com/entertainment/art/20170118/19900096
馮仁 仁昭 四圍 軒仔 仔被 被飛 英皇 解畫
PermaLink: https://articles.zkiz.com/?id=323071

【馮仁昭四圍超】方皓玟籲網民尊重軒仔

1 : GS(14)@2017-01-18 22:21:30

方皓玟噚日喺機場富豪酒店出席保良局活動,方皓玟老友張敬軒最近疑被《歌手》踢出局,佢力撐話:「踢出嚟咁唔識貨?係咪佢氣管敏感咋?我唔信,以佢嘅才華會俾人踢出嚟。」被指係因為政治因素,受到網民攻擊,方皓玟話:「佢咁好,冇乜邊方面唔正確嘅事,有時意見唔同就一定要攻擊人,我覺得要互相尊重,點都好,我識佢為人,永遠為佢感到驕傲。」撰文:馮仁昭




來源: http://hk.apple.nextmedia.com/entertainment/art/20170118/19900098
馮仁 仁昭 四圍 方皓 皓玟 玟籲 網民 尊重 軒仔
PermaLink: https://articles.zkiz.com/?id=323087

被退出《歌手》壓力爆煲軒仔傳抑鬱復發

1 : GS(14)@2017-01-23 07:45:16

■張敬軒為湖南衛視錄影了第一集《歌手》後,就突然被飛。資料圖片



張敬軒傳被內地封殺,早前參加湖南衛視的歌唱比賽節目《歌手》,豈料只錄影了第一集,就突然「被退出」該節目。近日有報道指,軒仔因為今次事件深受壓力,令他的抑鬱症再度復發,但軒仔下月將與王菀之在紅館舉行一連四場「The Magical Teeter Totter演唱會2017」,所以情況令人擔心。而軒仔「被退出」事件當晚,曾被本報獨家拍得與英皇高層晚膳,表情輕鬆。雖然之後未有公開亮相,但就在Instagram留言睡到自然醒,亦未見異樣。



■張敬軒被退出當晚,曾與英皇高層晚飯,神態輕鬆。資料圖片

幕後代寫愛國宣言

由軒仔爆出參加《歌手》到「被退出」期間,曾出現了一封公開信,軒仔透過微博發表了篇全簡體字的愛國宣言,堅決反對一切分裂國家的行為,又謂:「我想再次重申,我是一個中國人,我由始至終都不是『港獨』。」近日有周刊報道,傳聞該篇宣言是由湖南衛視幕後代筆,又指軒仔曾考慮過修改,但最後都是原文照錄,結果內地網民傳了逾三千封電郵轟炸湖南衛視,揚言杯葛。但軒仔所屬的英皇高層霍汶希,則聲稱不實報道不作回應。撰文:葉綠悠




來源: http://hk.apple.nextmedia.com/entertainment/art/20170122/19904705
退出 歌手 壓力 爆煲 煲軒 軒仔 仔傳 抑鬱 復發
PermaLink: https://articles.zkiz.com/?id=323680

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019