中環在線：拒港股加時 工會越搞越激
1 :
GS(14)@2012-02-08 23:33:51http://hk.apple.nextmedia.com/te ... 307&art_id=16051692
自從港交所（ 388）宣佈會喺 3月 5日實施第二階段延長交易時間，激嬲咗一班證券從業員，證券及期貨從業員工會搞過遊行請願，但係港交所好似冇乜反應，於是佢哋再出招。工會主席林德明噚日連同工聯會立法會議員王國興，約咗財經事務及庫務局副局長梁鳳儀見面表達訴求，林主席話，如果港交所堅持推行加時計劃，工會會再採取行動。佢話「港交所問都未問過我哋意見，幾過份？」
林主席見完梁副局後同華華講，政府好重視呢次事件，絕唔會忽視佔市場約三成嘅中小型證券商，但就冇承諾會有咩實際行動，唔通又係聽完就算？林主席覺得要再有其他行動，所以約咗港交所 CEO李小加喺星期四再見面，希望港交所可以用廣泛諮詢同理據，去說服工會同意加時交易，否則會再搞遊行抗議，甚至工業行動。