ZKIZ Archives


【迎猴年】為囝囝變女強人林雅詩洗走負能量

1 : GS(14)@2016-02-08 03:24:48

■去年經歷老公疑似偷食兼婚變的林雅詩,日前提早去浸浴洗走負能量。攝影:陳志嵐


去年因老公疑似出軌斷正,決心斬纜結束10年婚姻的林雅詩(Grace),回復單身後一直努力工作賺錢,決意獨力撫養兒子,今日是年廿八洗邋遢,所以她提早跟足農曆新年習俗,實行浸浴洗走霉氣應節。雖然拍攝當日正值強烈寒潮持續襲港,不過Grace一於冇有怕,希望在猴年有一個新開始。撰文:何慧斯



還有兩日就是農曆新年,現時獨力撫養兒子的林雅詩,復出後馬不停蹄頴銀,但新年習俗仍會做到足,她說:「我會繼續派利是㗎!我覺得呢樣係開心事,今年我會安排一個family trip畀囝囝、媽咪同Uncle、細佬同埋佢女友,雖然我囝囝都試過同婆婆一齊去旅行,但係今年我想更加warm啲、熱鬧啲,亦希望囝囝唔會覺得有太大轉變,好彩佢都OK,我仲同囝囝講農曆年會陪佢多啲,希望可以有8、9日時間陪佢,所以新年前要趕晒所有工作。」



逃出離婚陰霾

由全職主婦變做身兼家庭和事業的媽媽,面對這個轉變,Grace努力工作賺錢的同時,亦不會忽略照顧囝囝,她坦言是自己和兒子的一個學習的好機會:「而家佢對我啲工作好有興趣,好似前排我上咗內地拍電影,我哋成日都視像,我都有畀現場啲嘢佢睇,佢都好似好奇同好有興趣。」她還說:「仲有一次我約咗一班好耐冇聯絡嘅小學同學聚會,我囝囝經過我食飯嘅地方,好開心話想上嚟搵我,仲要同啲auntie傾到唔捨得走,以前佢唔會咁樣,可能佢想我多啲時間陪佢,亦都想了解我做緊乜,所以你問我,而家對我哋嚟講,係一個好好學習,教識佢做嘢係咁樣,畀佢睇吓原來媽咪做嘢係咁。」



■浸浴前,林雅詩預先準備好浴鹽放進浴缸。

■林雅詩銳意過新生活獨力養子,希望新一年沖走霉氣。

■一向愛錫囝囝的林雅詩,上月被拍到帶兒子去掃玩具。資料圖片



已經走出離婚陰霾的Grace,無論在工作和生活態度上都明顯樂觀和積極,她有感而發地說:「經過呢個情況,嘗試過好唔開心,情緒好低落同失控、爆喊,仲要做啲好儍嘅嘢,但係我覺得係時候要企出嚟,做一個強壯啲嘅女人同媽咪,唔想畀小朋友有太多負能量。我真係好感恩,身邊好多朋友好錫我,又幫我搵工,嚟緊我會有啲大計,好似會出飲食書,教人做小朋友餐盒,又會做吓啲關於飲食嘅網上節目,仲有做飄移車手。」場地提供:VEGAS360





來源: http://hk.apple.nextmedia.com/entertainment/art/20160206/19481570
猴年 為囝 囝囝 囝變 女強人 林雅 雅詩 詩洗 洗走 走負 能量
PermaLink: https://articles.zkiz.com/?id=295491

【荷李活星談】瑪莉莎 保羅 捉鬼槍射走負評

1 : GS(14)@2016-07-17 15:41:40

■(左起)瑪莉莎、姬蒂、姬絲汀及萊絲莉在女版《捉鬼》擔大旗放笑彈。


【《蘋果》新加坡專訪】經典科幻片《捉鬼敢死隊》(Ghostbusters)自1984年及1989年上映第一、二集後,相隔多年由導演保羅菲(Paul Feig)炮製全女版,找來四位搞笑能手擔任女主角。本報記者日前於新加坡專訪保羅菲及女主角之一的瑪莉莎麥卡菲(Melissa McCarthy),二人未有被逾90萬個負評嚇親,更保證新片尊重原著。採訪:黃芷蔚香港上映日期:7月21日



電影《捉鬼敢死隊》事隔27年換上全女班演出,由瑪莉莎麥卡菲、姬絲汀慧(Kristen Wiig)、姬蒂麥潔諾(Kate McKinnon)及萊絲莉鍾斯(Leslie Jones)擔大旗。不過一眾《捉鬼》粉絲對女版不太受落,YouTube預告片有逾90萬個dislike。問到點睇負評不斷,導演表示自己相當尊重原著,細節都落足心機,如參考了經典標誌、質子捉鬼槍以及鬼口水,他更淡定地說:「我認為原著粉絲會享受這部電影,更加好的是新一代可以擁有這部屬於他們的《捉鬼敢死隊》。」



■瑪莉莎與保羅菲受訪時指新《捉鬼》在細節都落足心機。記者黃芷蔚新加坡傳真

■「雷神」基斯扮演男秘書,獲瑪莉莎大讚有喜劇感。



爭同雷神談情

以往《捉鬼敢死隊》有四位男性隊員加一個女秘書,今集就調轉,由四個女成員另加「雷神」基斯咸士禾夫(Chris Hemsworth)做男秘書。雖然雷神當日不在場,瑪莉莎都讚到他天上有地下無:「他是我合作過其中一個最擅長即興演出及最搞笑的男星,這個是我沒有預計到。」瑪莉莎亦表示恨與基斯拍愛情戲,她說:「腦海會有那個畫面,所以我好想與他再拍喜劇,有感情線那一種!」身旁的保羅都唔執輸說:「我都想同他拍愛情戲!」



■舊版可愛的棉花糖鬼已進化成面目猙獰的鬼。

■新版《捉鬼》中的惡鬼比舊版更加真實及兇惡。



女版《捉鬼敢死隊》的基地就由消防局變成一間叫「老朱食堂」的港式餐館,寫明是賣「正宗港菜」,保羅表示靈感來自他屋企對面的中菜館,他說:「其實是根據我在紐約的住所,我就住在一間中國餐廳的對面,我好鍾意食中菜!」瑪莉莎就表示極度想來香港,直言:「我準備好嚟喇!」瑪莉莎與保羅今次已是第四次合作,愛客串電影的保羅今次就只是出聲。





來源: http://hk.apple.nextmedia.com/entertainment/art/20160716/19696702
荷李 李活 活星 星談 瑪莉莎 瑪莉 保羅 捉鬼 鬼槍 槍射 射走 走負 負評
PermaLink: https://articles.zkiz.com/?id=303967

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019