夏日求驗客：伯明翰走剩十幾件 馮奇跳船
1 :
GS(14)@2012-07-10 00:38:16http://hk.apple.nextmedia.com/sports/art/20120709/16495653
由港商楊家誠做主席嘅英冠球會伯明翰，上季響英冠升班附加賽準決賽輸咗畀黑池，爭取重返英超夢碎後，領隊曉頓暑期宣佈走人；而球隊前排由新任領隊李爾奇勒帶隊開操，但只得十幾位 A隊球員出席。我求大俠早輪收到消息，話球隊財務總監馮嘉奇已經向球會呈辭，稍後返英國處理埋球會嘅手尾就會正式同球會 say goodbye。
前季勇奪聯賽盃嘅伯明翰，最終護級失敗而降班，即刻冇咗成億鎊收入，惟有放走隊內大部份高薪球員；而球隊就搵咗曉頓領軍，仲後上攞到第4位，可惜響附加賽準決賽輸畀黑池，爭取重返英超功虧一簣。原先嘅球隊運動裝備贊助商特步，亦決定唔同伯明翰續約；好在佢哋已經搵咗意大利品牌 diadora贊助，仲簽咗3年合約㖭。
由楊家誠親自搵過去英國睇住球隊盤數嘅馮嘉奇，早排返咗香港，之後有傳佢準備辭職；我求大俠搵佢求證，佢話已經同楊生講咗，稍後返英正式同球會董事局遞信。至於點解要辭職，佢就唔多想講，而佢同有線仲有合約，所以多數返去講波。
[港商楊家誠（前排中）任主席的伯明翰，一隊成員只剩下十多人。資料圖片] 港商楊家誠（前排中）任主席的伯明翰，一隊成員只剩下十多人。
未計掂盤數或被扣分
求大俠睇番正停牌嘅伯明翰環球（2309）近排公告同球會新聞，原來呢間香港上市公司一再推遲公佈上年下半年嘅業績，最新話下個月尾先至出到；而除咗麥馬拿文已辭任執行董事外，執行董事兼首席執行官許浩略亦已辭職，佢離開前亦攞番借畀公司嗰500幾萬港元。
由於球隊財政狀況不明，如果下月尾個業績公佈冇辦法證明球隊財政正常，維持球會營運，分分鐘會被英聯賽會扣分；即係有可能重蹈樸茨茅夫因「莫財」被不斷扣分，輾轉搞到新季再降一級落英甲嘅覆轍。
伯明翰球會執行主席彭彼得早排公開話，唔會放售隊內兩個值錢新星中場列特文同門將畢蘭特；但伯明翰球迷依然好唔滿意，佢哋仲發聲明話，好懷疑伯明翰環球仲有好多嘢隱瞞。唯一好消息係，英聯賽會上周啱啱解除咗對間球會嘅轉會買賣禁令；希望新任領隊奇勒快啲借又好買又好，班多啲兵，喺8.18嘅英冠首輪戰，主場對查爾頓，有個好開始。
求驗客
2 :
dcdc(1215)@2012-07-10 09:57:52樣衰. 原班主會唔會心痛呢?
3 :
lam(884)@2012-07-10 11:55:06搵恆大個老細買起佢啦
4 :
dennis001(8614)@2012-07-10 13:08:36究竟馮奇一年拎幾多人工....CFO喎...
5 :
dcdc(1215)@2012-07-10 13:22:414樓提及
究竟馮奇一年拎幾多人工....CFO喎...
幾多錢都冇用, 佢算有義氣, 換轉是其他人一早跳船, 阿公比人話洗黑錢, 佢坐 CFO 而一個位, 你係佢你驚唔驚?
6 :
GS(14)@2012-07-10 21:40:355樓提及
4樓提及
究竟馮奇一年拎幾多人工....CFO喎...
幾多錢都冇用, 佢算有義氣, 換轉是其他人一早跳船, 阿公比人話洗黑錢, 佢坐 CFO 而一個位, 你係佢你驚唔驚?
他無可能走到?
康城影后首映失威全度妍新片趕客 走剩一半觀眾
1 :
GS(14)@2015-05-19 22:54:56【第68屆康城影展之深宵出事】韓國女星全度妍曾於2007年憑電影《密陽》在康城影展上奪得影后寶座，為韓國爭光，演技實力毋庸置疑。事隔八年，全度妍今年再憑新片《無賴漢》入圍康城「一種關注」單元，可惜電影上周五於當地播映時，有半數觀眾竟在中途突然離場，令全度妍即時嚇窒，只好死撐是因為播映時間太夜，才令觀眾離場。
■金南佶大讚全度妍的演技有魔性，連他回家也會回想。《無賴漢》劇照
由康城影后全度妍夥拍韓劇《鯊魚》男星金南佶的韓國新片《無賴漢》，講述刑警鄭在坤（金南佶飾）為捉拿殺人不眨眼的逃犯朴俊吉（朴成雄飾），決定跟蹤和朴俊吉唯一最接近的情人金惠京（全度妍飾），但期間卻發現自己漸漸愛上了這位純真的女人。《無賴漢》下周三才正式在韓國上映，但近日就入圍了第68屆康城影展的「一種關注」單元，全度妍和金南佶亦有飛到康城宣傳。全度妍於八年前曾憑電影《密陽》而成為康城影展的影后，今次新片《無賴漢》再次入圍影展的單元，外界都非常關注，不過新片上周五於康城首映時就反應麻麻，有一半觀眾更在播放中途捱不住而離場，令全度妍非常驚訝，她表示：「完結時，當我聽到掌聲後起身一看，竟然發現空位比我預期的還要多，有點意外。」
■全度妍於07年憑《密陽》獲封康城影后。
擔心老外難理解
全度妍死撐解釋：「後來聽說是因為首映時間比較夜，觀眾要回去休息才提早離場，而且我前三次來康城都是入選競賽單元，這次是首次入圍『一種關注』單元，也許這也是個分別，不過比起觀眾的反應，我來之前更擔心歐洲觀眾能否理解這部作品。」雖然身為康城影后，但全度妍就自爆至今仍未收到外國作品的邀請，又指去年當評審委員時，曾被幾個導演問她為甚麼不學英語，建議她這樣才可以做一個打響世界名堂的演員，令全度妍即時燃點起學習英語的動力。問到金南佶今次在新片跟康城影后合作有否感到大壓力時，金南佶說：「拍攝時沒有，因為她教了我很多，一直帶着我，感覺和她合作後我自己明顯成熟了不少。遇到一個好對手就像我做得更好，你就應該更加好，然後我又變得更好的那種感覺。」他亦大讚全度妍是個有魔性的對手，是個連回家都想着的對手。
■全智賢昨日以一襲低胸裝挽實Gucci的高層行紅地毯。台灣《蘋果日報》
全智賢性感現身
除了全度妍成為康城影展的焦點之外，憑神劇《來自星星的你》榮升亞洲女神的全智賢同樣引來關注。穿上著名時裝品牌Gucci連身低胸長裙的全智賢，昨日就挽實品牌的高層齊齊現身紅地毯，全智賢更不時揮手，及拉裙擺甫士，即時吸引在場記者的鏡頭。撰文：金美兒
■全度妍和李秉憲（圖）主演的《俠女》，因男方爆醜聞而上映無期。
多災多難：李秉憲累《俠女》上映無期
全度妍貴為國際影后，選擇角色時多喜歡挑戰一些高難度的角色，主演的電影亦一向甚具水準，不過近日一齣《無賴漢》，全度妍竟首嘗被觀眾嫌棄的情況，更有一半觀眾提早離場，令她始料未及。不過全度妍的另一部電影《俠女》同樣多災多難，電影早於去年已拍畢，但因男主角李秉憲去年涉及婚外情勒索醜聞，令電影上映無期。《俠女》原定去年12月在韓國上映，但延至今年5月仍未有確實的上映日期，據知內地方面就有望在今年8月上映。
來源:
http://hk.apple.nextmedia.com/entertainment/art/20150519/19152040
大台「奧運六星」變中坑 走剩馬明黎諾懿
1 :
GS(14)@2017-08-04 06:36:21大台大大話話都幾十年歷史，多年嚟薪火相傳嘅唔少得就係演員啦！佢哋嘅小生都係一代接一代，有唔少劇都係以老帶嫩，咁先至唔會青黃不接。不過去到近年，大台嘅小生主力都係由外邊簽返嚟，就好似一度簽過亞視嘅陳展鵬、歌手出身嘅王浩信，仲有做過有線同now嘅洪永城等等，佢哋都唔係正宗「親生仔」，睇到底最後一代嘅自家製小生又有邊幾個呢？就係04年大台為咗雅典奧運力棒嘅「奧運六星」林峯、馬國明、黄宗澤、吳卓羲、陳鍵鋒、黎諾懿，個個都係親生仔之餘，仲夠晒嫩口，當時佢哋仲拍過唔少劇集做男主角，不過嚟到o依家個個都變晒中佬咁滯。馬國明同黎諾懿多年嚟一直留守喺大台，其中馬國明o依家就喺大台擔大旗，而黎諾懿事業就載浮載沉，o依家做埋爸爸o添！至於黄宗澤就轉簽邵氏主力喺內地發展，吳卓羲就喺2015年約滿大台，不過佢就係今年回巢。最後就係陳鍵鋒同林峯，陳鍵鋒早年離開大台，仲力數大台小器，佢多年嚟都喺內地發展，都冇被搵過佢返「娘家」。另外，林峯喺14年約滿大台，有指因為唔肯續約仲搞到俾大台封殺o添！
來源:
http://hk.apple.nextmedia.com/entertainment/art/20170804/20111493
Next Page