ZKIZ Archives


數據大時代賺多7位數

2015-07-30  NM


這天你放工打開電腦、在網站click一click。究竟你是男是女?十八定廿二?住山頂定深水 埗?用iPhone定小米機?都已經不再是秘密。這些資料,在商家眼中,是「大數據」(Big Data),他們可透過大量用戶的數據行為,準確分析客人的喜好。現時「大數據」在淘寶都有得賣!成為大小商戶的重要武器。曾被同輩取笑bad taste的黎文(Leon),分析時裝數據,請IT人多過sales,令他開設的mydress,生意額由兩年前的零變成數百萬元。而時昌迷你倉老闆時 景恒,用「大數據」在定價上「劫富濟貧」,給予窮客更多優惠,銷售增加賺得更多! 大家請做好準備,走入這個數據大時代。

「我第一日做呢盤生意,已經同自己講,我係做緊E-commerce,唔係單係賣衫!」時裝網站mydress的老闆Leon說。mydress代理韓國 及台灣時裝品牌,售價約二百多元一件,價錢平轉款快,成為OL界網上shopping新貴。但其實Leon只是「麻甩」一名,他說:「朋友個個話我著衫 bad taste,以前每季淨係識去izzue搞掂。」他試過親自去韓國入貨,但揀的衫無一件賣得出,被同事笑是「燈神」。不過「燈神」指今時今日入貨,已不用 靠老闆個人口味,睇的是「大數據」。「有一款bra,我睇落無乜特別,考慮將佢下架,點知同事睇完數據,發覺原來日本嗰邊好多人clicko架。最後重點 宣傳,再寫番多些介紹個bra的多重功能,最後賣咗幾萬件。」

推介網上無限loop

做生意開地鋪,「人流」都不夠網上世界多。mydress網站每日瀏覽人數達數萬,她們究竟喜歡哪件衫、哪件衫無人吼,或客人睇完這件,再看哪一件,老闆 Leon都掌握得一清二楚。數據來自自己網站、淘寶,甚至是台灣生產商及時裝網站,互相交換資料。由於網站每日要花五位數字賣廣告,能對準「單位」,才不 會虛發子彈。數據告訴Leon,晚上十時開始才是女士購物的黃金時間,這時賣廣告,命中率更高。「另外,mydress不時send折扣優惠俾客人,但每 個SMS要俾電訊供應商五毫子。如果send晒俾十萬個會員,已經要使五萬銀,但又唔係人人用。」他改變模式,將要清的存貨以款式及牌子分類,才再把折扣 優惠傳予target audience(目標客人)。「賣廣告要睇RI(return on investment),如果賣一萬蚊廣告,只賺到一萬蚊生意,本都回唔到。咁就死啦!至少要有二至四倍盈利。」記者在自己的手機,見到mydress的 廣告「老是常出現」。上facebook又有、上google search又有!某幾次終於忍不住買了幾件衫,Leon笑言這就是數據的「威力」,「你會喺唔同地方、見到唔同嘅mydress廣告。就係因為我哋見到 你嘅cookie,曾經入過mydress網站,睇過某一件衫,放咗落購物車,但最後又無check out。於是mydress電腦指明向你賣廣告,提你買!」

重點放首頁

靠「大數據」做生意,亦非零成本,Leon指要請程式員及分析員,但回報卻很大。因為從「數據」可知,一個女士看罷這件衫、會再看哪條褲,「多人咁樣瀏 覽,就可能分析到今期原來流行咁襯。我哋安排,每次有人看完A衫、下面就會列埋B褲、或者C袋,recommend佢哋點襯埋一套。」有OL便曾因不斷看 他們的「推介」,一次過買了數萬元衣服。Leon他們一日之內便把網站更新多次,「通常只有頭一、兩版先多人睇,我哋將愈多人click嘅放最前,無人 click嘅就放番後面,唔會浪費首頁。」mydress○九年創辦時,本來是一個時裝廣告網站,由讀者分享對時裝的看法,再找商戶落廣告,但一直無錢 賺。直至一二年,曾在淘寶任職海外業務及營運總監的Leon,認為mydress有發展空間並入股,再引入「大數據」。他把mydress改革,「初初都 係要試。連網站相片點擺先多人睇,都要不斷變。」靠「數據」來捉摸客人購物行為,生意愈做愈大,至今已有過百萬營業額。「如果data運用得好,搞完女性 時裝、再搞埋男裝、童裝,甚至將來搞百貨都唔係問題。」

迷你倉定價「劫富濟貧」

去年時昌迷你倉老闆時景恒,斥資過百萬整理網上租倉系統,希望從中搜集關於迷你倉的「大數據」,來制定生意策略。運行一年,生意有約一成增長,「只要相關 數據結果、重複三十多次以上,就夠statistics importance可以參考。雖然投資好貴,但長期用可以抵銷番。」數據告訴時景恒,六、七月是每年租倉的旺季,但原來大部分這段時間租倉的客都只是短 租,並不是他那杯茶,「可能係暑假多人搬屋,佢哋短租居多。行家淨係知道旺季賣廣告吸客,我偏偏呢段時間唔賣廣告。九月入嚟嘅先係長客,等行家的倉滿晒, 我八、九月先出招吸長客。因為出面無晒倉,我可以唔使俾優惠添!」收集了不同客人年齡、階層的cookies,他可預測客人可承受的租金開支,以釐定加價 幅度。

用Mac機無着數

時景恒還可以知道客人用什麼電話、及什麼瀏覽器進入網站、來自哪一區及哪段時間登入,分析後給予不同折扣,他說:「你係用Mac機上網,再加 Chrome,我會assume你係知識分子,係有錢一點,咁就唔需要咁多折扣啦。又如果你係凌晨一點先上網,我又假設你應該好趕住用,又會無乜優惠。相 反,見你睇過好多次都未決定,一定係格價專家嚟嘅;又或者顯示你住平民區嘅,相對我俾嘅package又會平啲。」他指這種價格差異在各行各業一直運行, 不怕客人詐型,「好似酒店、機票、保險咁,個個客都唔同價,近來好流行嘅Uber都係。」他指外國的迷你倉數據系統更詳盡,能知道每小時整個地區的貨倉空 置率,這就能隨時調整價格。他希望未來香港可以做到這樣。另外,外國的迷你倉公司亦會追蹤客人的網上行為,從而決定價格,「如果個客係喜歡周圍唱嘅人,把 口衰嘅,接咗你呢個客,都費事加你租。嚟緊我哋都會朝呢個方向做。」除了定價,這些資料亦有助他們改善服務,他指每個客人登入網頁的頁面設計都會有點不 同,「如果年長一點嘅客人,手機版會自動將啲字體轉大隻。而後生仔客,我哋假設佢哋無老人家咁多嘢擺,會優先介紹啲細倉俾佢哋。」

數據有售淘寶賣$90

早於一二年,淘寶已推出「淘寶指數」網站,用家可免費獲得大量數據。記者試於該網站,打入連身裙、低胸及白色這三個關鍵字,就可知道最喜愛這類衣服的年齡 群、性別、消費能力等。淘寶指數甚至分析出,愛好連身裙的原來大部分也愛好寵物,還發現搜尋「低胸衫」的,以二十五至二十九歲的宅男居多。淘寶數據亦有深 入版,每一季數據只賣九十元,入場費平,故有不少小商戶使用。「數據」來源,來自手機。我們下載app時,很多時會被要求取得個人檔案資料、使用裝置時的 位置、甚至是否啟用Wi-Fi,故在手機大時代,無私隱可言。香港互動市務商會會長方保僑說:「除非你不去下載那個app,才可避免出賣手機上的私隱。」 他以Google Map做例子:「Google Map能準確地告訴你,現時由中環去將軍澳要幾耐,仲識得計埋塞車時間,就係因為佢實時拿了很多人手機上的數據資料。這些數據,你我都有份 contribute,你唔願意俾資料人,咁你就享用不到Google Map免費俾你的交通資訊了!」

 


數據 大時代 賺多 位數
PermaLink: https://articles.zkiz.com/?id=155778

人工奀到冇朋友 北上賺多7倍杏兒密謀離無綫

1 : GS(14)@2014-09-01 18:03:20

■無綫花旦買少見少,胡杏兒亦考慮約滿後離開娘家。資料圖片



無綫近年出現小生花旦逃亡潮,皆因內地發展回報更可觀,繼楊思琦、李思欣和林峯紛紛離巢後,據知下一個離開的是一線花旦胡杏兒,她與無綫的合約於明年中屆滿,約滿後她打算向外闖,希望能夠有更大自由度主攻內地市場。胡杏兒近幾年來已經拍攝了6、7個內地劇,在內地已擁有一定知名度,據悉她在內地拍劇身價約15萬人民幣一集,相比在無綫拍一集劇僅能獲得不到2萬港元的酬勞,也難怪該台很難留人,不少約滿藝人寧願冒險向外闖,希望在內地能殺出一條血路。


友人贊成向外闖

其實胡杏兒在內地拍劇期間,很主動認識不同的製作人,在內地也有自己的人脈關係,故要決定離開無綫前,她也有諮詢內地製作人的意見,一般朋友都贊成和支持她離開娘家,轉移到內地市場謀求發展。而事實上北京確實有娛樂公司向她招手,希望在她約滿無綫後能北上發展。



■剛決定離巢的林峯,主演內地劇《衛子夫》收視不俗。劇照

■楊思琦離無綫後工作應接不暇。資料圖片


認多間公司接洽

由於胡杏兒距離約滿還有6、7個月時間,所以她也不心急作決定,希望可以再仔細考慮,到底選擇與哪一間內地公司合作對自己事業發展最有利。記者昨日致電胡杏兒求證是否約滿無綫後會北上發展?她表示:「其實公司同內地娛樂公司都有搵我傾偈,但而家講呢啲言之過早,因為我同無綫合約仲有一段時間,而且雙方關係好好呀!」採訪:鍾國仁




來源: http://hk.apple.nextmedia.com/entertainment/art/20140901/18851403
人工 奀到 到冇 朋友 北上 賺多 倍杏 杏兒 密謀 離無
PermaLink: https://articles.zkiz.com/?id=285302

返鄉下報喜吳若希賺多一倍 搵真.桃花

1 : GS(14)@2016-01-18 19:01:40

吳若希(Jinny)、Shine及黎美言(Winkie)昨日在大埔出席賀年活動,與粉絲提早賀年又唱歌表演。吳若希雖然是非多多,但今年收入勁升,她直言比去年多出一倍,會趁新年回鄉報喜,她說:「每年新年都有假期,因為我會同老闆講我唯一要求係要新年返鄉下,同家人一齊過,希望可以帶好消息返去話畀爺爺嫲嫲知。今年都算盤滿缽滿,都有一個double,利是都會封多啲,尤其係畀公司同事嘅開工利是,會封5位數字。」面對上年緋聞不斷,Jinny揚言希望來年可以行正桃花運,她說:「可唔可以正桃花,唔好爛桃花?我會畀心機,之前都唔係真,係流言,我都期待真,到時唔介意講。」



天佑利是有出冇入

Shine透露下月開始排練舞台劇,又南說:「今次對我係一個挑戰,因為劇入面要跳舞,係自己弱項,要放多啲時間練習。」而第一年派利是的天佑說:「以前派一封,而家兩封,但係冇得收,以前專登新年做嘢有利是收。」天佑笑言趕不及生小朋友討回利是。至於單身的又南表示要效法Jinny圍住桃花行圈,希望帶來桃花運,他說:「工作好密,對另一半唔公平,唔係好事,但有拖拍又唔係唔好,好矛盾。」同場的Winkie回應格鬥真人騷和唐紫睿鬧不和:「冇必要再提,不嬲都唔係朋友,觀眾眼睛係雪亮。」採訪:羅慧敏攝影:陳俊強



■網上曾瘋傳吳若希啜爆莊家彬的表哥蕭立莊。資料圖片

■吳若希、Shine與黎美言拜早年,齊齊行桃花樹拎好意頭。



來源: http://hk.apple.nextmedia.com/entertainment/art/20160118/19456178
返鄉 報喜 吳若 若希 希賺 賺多 多一 一倍 搵真 桃花
PermaLink: https://articles.zkiz.com/?id=294496

方健儀賺多咗夠供樓

1 : GS(14)@2016-01-19 23:06:38

方健儀、許廷鏗、黃修平及鍾景輝,昨日在炮台山舉行的Roadshow頒獎禮活動,獲頒最愛藝術文化大獎,方健儀說:「踏入16年,之前攞咗100毛,今次又有獎,好似發夢咁。」經過一年自由發展後,她坦言收入比以前好,足以餬口及供樓:「唔係要賺好多,唔使好奢華。初時跳出嚟未太適應,而家已經操控好,可以有生活質素模式。」談到南韓女團TWICE成員周子瑜道歉事件引發哄動,方健儀說:「我唔評論,但對奧巴馬講嘅說話我好記得,做所有事將來有機會俾人拎出嚟時要諗多步。」此外,許廷鏗自稱沒女友,求學時會視林心如為女神:「係我童年回憶,入行後就好欣賞劉嘉玲,好有風範同魅力,視佢為學習對象。」採訪、攝影:卓寶花





來源: http://hk.apple.nextmedia.com/entertainment/art/20160119/19457287
方健 健儀 儀賺 賺多 多咗 咗夠 夠供 供樓
PermaLink: https://articles.zkiz.com/?id=294583

熟女糖妹想賺多啲

1 : GS(14)@2016-09-30 08:09:08

糖妹黃山怡前晚在九展舉行音樂會,獲林奕匡、曾國祥、王敏奕、陳瀅、蔡思貝、賴慧玲和糖兄捧場。糖妹一身全黑長裙熟女打扮出場,在台上一脫由長裙變短裙又唱又跳,一班姊妹在台下落力打氣。糖妹感謝家人對她無微不至:「屋企人對我零埋怨,其實人越大越發現父母重要,想賺多啲錢等佢哋生活無憂。」任表演嘉賓的張繼聰表示跟糖妹有緣,曾經同一家唱片公司,又一齊出騷和拍劇。糖妹完騷後接受訪問,指自己換了三套歌衫,而為今次演唱會排舞,她相信自己可以搖身一變成跳唱歌手,將來可唱更多快歌和跳舞。採訪:王連連攝影:陳俊強




來源: http://hk.apple.nextmedia.com/entertainment/art/20160930/19785839
熟女 女糖 糖妹 妹想 想賺 賺多 多啲
PermaLink: https://articles.zkiz.com/?id=310742

Redholic攞獎賺多咗

1 : GS(14)@2016-12-31 10:18:10

獨立樂隊Redholic昨日到商台宣傳新歌《想做就做》,早前他們在新城頒獎禮獲得「街頭/獨立音樂人」獎,主音紫晴認為是一個好大的鼓勵:「街頭表演音樂始終喺香港都冇正式嘅牌照,好多音樂人表演時都俾人騷擾,呢個獎對獨立出身嘅我哋好大鼓舞。」他們指已經收到不少本地商場洽談商演:「價錢自動都有加畀我哋,有一個商場仲主動加咗一倍酬勞。」




來源: http://hk.apple.nextmedia.com/entertainment/art/20161231/19881980
Redholic 獎賺 賺多 多咗
PermaLink: https://articles.zkiz.com/?id=320831

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019