ZKIZ Archives


遮打樂人:賣食不如賣人

1 : GS(14)@2016-03-02 15:01:03

上星期跟一些老友敍餐,大家都是前Banker盤房交易員,或對沖基金經理,各人不是被公司請食肥雞餐,就是看淡金融行業而離開,席上大家高談闊論,無所不談,以前上班,每天二十四小時都覺得不夠用,現在不用上班,時間太多又毫無寄託,大家都開始討論有甚麼生意可以做,可以投資,有人提議搞飲食開餐廳,大家都是喜歡飲飲食食的,應該比較容易入手,只要請一位好廚師,好經理,找個舖位就可以,真的這麼簡單?怪不得香港到處都是食肆,差不多每隔幾天就有新食肆開張,飲食網站、雜誌一直都有新店推介、飲食blogger每日都有貼文,原來大家都覺得飲食容易做。筆者好幾年前曾經與朋友合資一間餐廳,現在想起都覺得辛苦,當初都是跟大家一樣覺得好容易,舖租貴,食材貴,人工高都是其次。怎樣管理員工,怎樣令他們幫公司賣力才是最困難,新餐廳、酒吧不停地開,侍應、廚師不愁出路,甚至只要你肯做,就有老闆請,嚴重缺人,有工無人做的情況經常發生,對服務質素及出品一定有影響,到最後好大機會損手離場。員工對一間公司或企業都十分重要,people management是一門非常高深的學問。



講開people management,有另一位朋友提議開獵頭公司,論成本,基本上有一部電腦、電話,甚至連辦公室都不需要,成本超低,佣金(commission)方面,如果是介紹入銀行當front office,一般都是全年薪酬(包括花紅)的20-25%,地產經紀又要考牌、車出車入帶客人睇樓,佣金都是樓價5%左右,扣除公司部份,實收可以只有2-3%,難怪大家都笑說打幾個電話安排見工,一年賣幾個人就夠。波叔
mailto:chaterhappyman@gmail.com





來源: http://hk.apple.nextmedia.com/financeestate/art/20160302/19512680
遮打 樂人 賣食 不如 賣人
PermaLink: https://articles.zkiz.com/?id=296546


ZKIZ Archives @ 2019