ZKIZ Archives


三鬼攜手搞笑咒怨母子vs貞子 拍戲院宣傳片

1 : GS(14)@2016-05-08 02:56:18

日本電影《午夜凶鈴》同《咒怨》都係恐怖片中嘅經典,當中兩大惡鬼首次銀幕大戰,喺6月開畫嘅新片《貞子vs伽椰子》中上演鬼打鬼情節。雖然片商稱呢套係鬼片,不過宣傳策略上就絕對係同笑片無異。繼伽椰子同囝囝俊雄開Instagram玩溫情後,近日貞子、伽椰子同俊雄就齊齊為戲院拍攝幾段宣傳廣告,除咗硬銷唔同味道嘅爆谷外,三鬼仲提醒入場觀眾幾樣事項,例如唔好攝影、唔好發出怪聲、關掉手機、坐番自己購票座位,仲擺明針對貞子話請修剪好前額頭髮至好睇戲、切勿從畫面爬出等...認真搞笑。





來源: http://hk.apple.nextmedia.com/entertainment/art/20160507/19601533
三鬼 攜手 搞笑 咒怨 母子 vs 貞子 拍戲 宣傳片 宣傳
PermaLink: https://articles.zkiz.com/?id=299987

貞子伽椰子球場鬥波

1 : GS(14)@2016-06-06 02:54:54

日本經典恐怖片《午夜凶鈴》及《咒怨》系列長拍長有,當中的爆紅冤鬼貞子、伽椰子及俊雄,更合作拍新片《貞子vs伽椰子》,本月中將於日本上映,三鬼前日就大鬧棒球場,於札幌巨蛋球場參加開球禮,貞子做投球手,伽椰子做擊球手,二人於球場上對決,但伽椰子竟出茅招,她成功擊中貞子開的球之後,原本要走壘,但伽椰子卻趴地,由阿仔俊雄代為走壘,結果兩母子合作成功擊敗貞子。





來源: http://hk.apple.nextmedia.com/entertainment/art/20160603/19638568
貞子 子伽 椰子 球場 鬥波
PermaLink: https://articles.zkiz.com/?id=301833

貞子之父自稱了解女人

1 : GS(14)@2016-06-06 03:17:54

日本恐怖片王中田秀夫,今年與中港台三地導演合拍了電影《美好合一》,他拍攝的短篇是愛情故事,中田早前來港受訪時笑稱:「我會拍文藝片,但若不接拍鬼片又怕沒工開。」





他的電影都以女性為主,中田笑說:「我很了解女人,在片場只會留意女性。」中田的名作《午夜凶鈴》中的貞子近年常搞笑,他並不介意:「很多外國人都當鬼片是笑片般看。採訪、攝影:阮瑜





來源: http://hk.apple.nextmedia.com/entertainment/art/20160605/19641374
貞子 子之 之父 自稱 了解 女人
PermaLink: https://articles.zkiz.com/?id=302084

貞子大勝封鬼后 伽椰子認輸街頭執垃圾

1 : GS(14)@2016-06-20 05:45:21

日本新片《貞子vs伽椰子》前日喺日本開畫,片中主角之一嘅貞子近期頻頻現身,為爭取曝光率竟然連宅男市場都唔放過,仲學偶像拍攝一輯充滿少女味嘅清純寫真,為谷票房一於有殺錯冇放過。《貞子vs伽椰子》集合《咒怨》同《午夜凶鈴》三大邪靈上演鬼打鬼情節,貞子、伽椰子同俊雄當然要四出造勢,而開畫日撞正「第8屆AKB人氣總選」,貞子同伽椰子都效法AKB玩總選鬥人氣,結果貞子以6萬多票打敗伽椰子成為鬼后,慘成輸家嘅伽椰子,前日冇得出席《貞子vs伽椰子》嘅謝票活動,伽椰子果然牙齒當金使,仲履行承諾,同乖仔俊雄喺澀谷街頭幫手執垃圾,認真母子情深。至於貞子前日下晝以勝利姿勢現身戲院,出場時獲觀眾報以熱烈掌聲,又舉起雙手「萬歲」賀封后,連同片拍檔山本美月、玉城Tina、安藤政信都唔夠佢受歡迎。





來源: http://hk.apple.nextmedia.com/entertainment/art/20160620/19661876
貞子 大勝 封鬼 鬼後 椰子 認輸 街頭 垃圾
PermaLink: https://articles.zkiz.com/?id=302252

日本鬼后貞子伽椰子殺到香港鵝頸橋打小人

1 : GS(14)@2016-09-30 08:09:02

恐佈片《貞子vs伽椰子》下月喺香港上映,本地電影發行商近日派出貞子同埋伽椰子現身港九造勢。趁電影殺到香港,伽椰子同貞子繼續爭做當今鬼后,效法日本上映時以選舉形式鬥做人氣一姐,香港宣傳方面就幫佢哋起新朵叫「遊魂貞」、「孽樓屬椰」,呢兩隻女鬼更入鄉隨俗搭電車、鬧市Selfie,更去埋鵝頸橋底體驗打小人,仲搵來師傅傳授打小人心得。




來源: http://hk.apple.nextmedia.com/entertainment/art/20160930/19786218
日本 鬼後 後貞 貞子 子伽 椰子 殺到 香港 鵝頸 頸橋 橋打 小人
PermaLink: https://articles.zkiz.com/?id=310727

浪漫月巴睇女星 - 月巴氏 貞子式詛咒,不絕如縷…… 2016年10月07日

1 : GS(14)@2016-10-09 23:17:24

http://www.am730.com.hk/column-332321



「上個世紀末有一段我的短片,引起大家的興趣,問我是不是貞子?」

1.「片中人確實是我,因為家中有人壞了心腸……我當日被老竇掟落井,順便將自己的澎湃怨念灌注在一餅錄影帶。睇帶後的程序,是你先會失驚無神接到一個恐怖來電,收到來電確認後到第七日就死。睇過餅帶的人不少,人人都要死,應該的。」
2.以上,是貞子悲慘過去&《午夜凶鈴》基本設定的極度省略版。
3.1999世紀末你如何度過?我記得其中一天,是與沙田UA其中一間House的人共同度過——共同睇《午夜凶鈴》。
4.那是電影市道極度疲弱的年份。要坐爆一間戲院,比起政府搵地起公屋更難(事實證明,要搵地起公屋其實唔難,只要夠夾硬);但當日沙田UA播放《午夜凶鈴》的嗰間戲院,竟然全院滿座……除了集體撞邪,我想不到其他原因。
5.大家都中了貞子降。即使仲未有Facebook推波助瀾,唔知點解地,社會瀰漫著一股氣氛:一.定.要.入.場.睇.貞.子.啊。我應該是其中一個受詛咒的人,無奈太難買飛,結果拖到齣戲上咗幾星期後才買到飛。

6.而當我屏息靜氣一心期待之後的連場驚叫,Why我會keep住笑?而且不止我一個笑,係成場都笑?喂大佬這不是一齣恐怖片嗎?當大家千辛萬苦終於等到貞子千辛萬苦從電視機爬出嚟,成場人都冇乜反應——畢竟大家都預咗佢會出現,而且是用這種方式出現——當年各大雜誌早就將這一幕公告天下,大家亦明顯溫定書,有晒心理準備,所以冷靜到得人驚。但公道啲講,依然有兩個位真心寒:A.當畫面影住瀨嘢一家人那幅面容扭曲的相片,全場明顯有點騷動;B.(好靚女的)松嶋菜菜子睇了那餅被詛咒錄影帶後,電話失驚無神響起——嗰下電話鈴聲真的超級大聲,大聲到成場人都被嚇驚,有人被嚇到嗌出來,有人被嚇到不期然踢前面張凳(亦即我的椅背),亦有牛高馬大的成年觀眾被嚇到大聲爆粗:「嘩唔X係吖……」
7.一種離奇的共同體驗。一大群萍水相逢的人機緣巧合下,一齊欣賞一齣J-Horror,一齊驚(兼且一齊笑),一起經歷了一場(本應)恐懼的歷程。感覺,就像電影的設定:坊間流傳著一個都市傳說,相傳只要你睇過一餅被詛咒的錄影帶,就會收到一個來電,證明你瀨了嘢,七日後你就死……這個似層層但又難辨真假的都市傳說從此濃罩日常,社會上三唔識七的人均或多或少受到影響。

8.這也是《午夜凶鈴》成功地方。要找死,不需要你專程遠赴甚麼好猛嘅地方,只要你八卦,睇過餅帶(而錄影機又幾乎是居家必備)——貞子現身地方也很親民,就係你屋企——就算你住的明明不是凶宅,她也會親身上門再由你部電視機爬上嚟,等你唔使出門就可以撞鬼,非常方便。但電影同時提供了一個解咒良方:只要你將餅帶dub俾人睇,而對方又真係死去睇,你瀨的嘢,便可成功轉贈對方。這設定,性質同以前流行過的「幸運信」一樣——你有幸收到信,如不在限期內轉寄給十個人,你就注定不幸(你有冇收過?有人俾我睇過;當睇住信上的字,是真的會不期然心生寒意)。一種陰濕的恐懼,在暗地裡滋長、蔓延、擴散。
9.也像今時今日的我們。我們都在面對各種都市傳說:非繁忙時間(如果有的話)搭港鐵都切勿坐關愛座?身處人潮中無事無幹都隨時俾警棍扑?有幾日假好唔好去一轉泰國?……我們可能瀨嘢,也可能不瀨嘢,而最大鑊是我們都不能清楚明確把握瀨嘢嗰條界線。
10.貞子,只要我唔睇餅帶,就不會遇上妳。有啲人,平日明明不蒲頭,但又總會在某些特定時刻來臨前,不時閃出嚟,叫我避無可避。我好唔想見到你。


撰文:月巴氏
facebook: https://www.facebook.com/fatmoonba
blog: http://fatmoonba.blogspot.com/
email: fatmoonba@yahoo.com.hk
最自豪是能夠獨排眾議欣賞王小鳳的美。更自豪是夠膽獨排眾議周圍宣揚鄺美寶的美。
浪漫 月巴 巴睇 女星 巴氏 貞子 子式 詛咒 不絕 絕如 如縷 2016 10 07
PermaLink: https://articles.zkiz.com/?id=311100

全智賢扮貞子嚇走觀眾

1 : GS(14)@2016-12-03 05:12:41

韓國女神全智賢和「長腿Oppa」李敏鎬主演的SBS《藍海傳說》昨晚播出第六集,講到全智賢遇車禍受傷送院,性命危在旦夕的她在急症室進行搶救,體溫降到得29度,李敏鎬趕到醫院搵全智賢,奄奄一息的全智賢說了句:「我愛你」。


而前晚播出第五集,全智賢鬼馬扮貞子,收視微跌至16.8%,但仍穩坐同時段收視冠軍。KBS的《Oh My金雨》以5.2%排名第二,MBC《舉重妖精金福珠》就以4.4%墊底。




來源: http://hk.apple.nextmedia.com/entertainment/art/20161202/19851892
全智賢 扮貞 貞子 子嚇 嚇走 觀眾
PermaLink: https://articles.zkiz.com/?id=318125

隨行李跌入X光機大叔變貞子瘀到痺

1 : GS(14)@2017-04-09 10:49:27

安徽六安縣金寨火車站,昨日有一個人影突然出現在X光機顯示屏上,看似「貞子」在X光機爬出,所有警員都嚇了一大跳。大叔從X光機裏爬出來後解釋:「過安檢的時候,我覺得自己的包沒有放好,我就想扶一下,誰2道扶着扶着也沒站穩,就把自己帶進去了,我真不是要自己鑽安檢儀的......」幸好,大叔沒有受傷,而金寨火車站派出所官方微博回應:「不能這樣過安檢。」有網民隨即指摘安檢人員:「安檢員負主要責任,必須賠償輻射給對方造成的傷害。」不過,X光機真的有這樣大殺傷力嗎?網民就指出:「這是謠言,拋開劑量和時間談危害都是耍流氓。」內地傳媒引述專家指,行李X光機和醫學用途的X光診斷儀一樣,都是通過用X光照射被檢測對象以獲得物件和人體的內部圖像的。根據國家標準GB15208.1-2005規定,X光機的單次檢查劑量不應大於5μGy;而X光機的輻射都低於國家標準,不會對人體造成傷害。以上海地鐵所使用安檢設備為例,根據企業官方提供的數據,其單次檢查劑量為0.9μGy,外表面5cm處的輻射劑量為0.1μGy/h,遠低於國家標準規定。新浪微博/觀察者網




來源: http://hk.apple.nextmedia.com/international/art/20170409/19984842
隨行 跌入 光機 大叔 變貞 貞子 子瘀 瘀到 到痺
PermaLink: https://articles.zkiz.com/?id=329792

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019