ZKIZ Archives


密密做壓力爆煲樂仔試戰衣爭影帝 恨見女友

1 : GS(14)@2017-03-25 10:34:31

電影《一念無明》昨晚假圓方舉行首映,出席演員包括余文樂、金燕玲及方皓玟等。最近爆忙的樂仔臉帶倦容,他說:「啱啱趕返香港,最近忙緊《春嬌救志明》同呢部電影宣傳,4月又要開新戲。」問樂仔是否暫時未有機會放假?他苦笑謂:「有得瞓都好好,喺飛機瞓唔到,啱啱去台灣做宣傳,一日做咗二十幾個訪問,做到聲沙,最後幾個訪問差唔多開唔到聲。」


「提名已有交代」

樂仔自言最近精神壓力都大,連女友王棠云都有兩周沒見面,惟有通電話解相思之苦。提到他憑《一念無明》首度提名香港電影金像獎影帝,問是否已準備好戰衣?他說:「試咗衫,都冇乜緊張,未試過,可能去到先會緊張。」問他打算在鏡頭前擺出甚麼表情迎接結果及有否準備講辭?樂仔笑謂:「未去到咁有自信攞呢個獎,提名對劇組已有交代。」



■余文樂指近日忙於拍新戲,與女友王棠云已有兩星期沒見面。資料圖片

■導演黃進昨晚率領眾演員現身谷戲。

■王宗堯指自己與Heidi是正常社交,未有想拍拖。


籲關心特首選舉

昨晚到場看電影的男神王宗堯,早前被本報讀者影到與Super Girls成員李靜儀(Heidi)食飯,其間Heidi眼神似乎極冧他,王宗堯說:「正常社交,拍拖係雙方,同對方識咗三年,冇諗拍拖。」問他可有發展機會?王宗堯說正常人都可以拍拖,只要不一腳踏兩船,但最重要是感覺,他又謂:「?家好多嘢要更加關心,好似金像獎同周日嘅特首選舉。」採訪:張俊銘攝影:沈健程




來源: http://hk.apple.nextmedia.com/entertainment/art/20170325/19969056
密密 壓力 爆煲 煲樂 樂仔 仔試 試戰 戰衣 衣爭 影帝 恨見 女友
PermaLink: https://articles.zkiz.com/?id=328792


ZKIZ Archives @ 2019