ZKIZ Archives


夜蒲app蒲點蒲友一「Clink」就搵到

2016-11-03  NM

「單對單約陌生人出嚟會有錯覺好似我『like』咗你呢個人,就係明溝你咁,相反一班人對一班人就會輕鬆啲,感覺係單純識班朋友。」今年三十歲的李崇基(Ken)在美國讀書,蒲開玩慣,眼見回港夜蒲經常認識不到「新血」,因此開發了集蒲點資訊及交友程式於一身的「Clink」,用家需先跟朋友組隊,再相約另一群組的用家們一同外出,以打破只有兩個陌生人在夜場內「你眼望我眼」的尷尬場面。

StartupHK聯合創始人兼總監蘇頌禮(Gene)指蒲友市場絕對有潛力,但擔心用戶投放了時間會得不到回報。「就好似Uber啱啱開始咁,就算佢唔夠司機,都會自己出錢俾獎賞令多啲司機加入。」知易行難,到底「Clink」可如何吸引更多人加入,以增加用戶配對成功的機會?我點sell?預早約朋友 避免「食白果」

「一班人約另一班人,某程度上係安全同可靠啲,有事唔對路都可以互相照應。」「Clink」需用家連接Facebook賬號才可正式使用,一來可預防假人,二來用家需在Facebook上邀請朋友組隊,每次最多四個人。接着程序跟一般交友app相似,組與組之間「互like」後就可成為一個大群組,開始聊天。「我哋個app仲有地圖功能,會展示不同地區在該星期有嘅派對同熱點詳情。」用戶間可就着活動更方便快捷地約人。「Clink」目前只有iOS版本,計劃在明年上半年內推出Android版本。未來希望透過所擁有的夜蒲大數據,吸引酒商及夜場在app中落廣告從而賺取收益。

「去蒲嘅人可能會用成萬蚊包張枱,梗係唔只想同自己朋友飲,更加想識到另一班人大家一齊飲。」Ken指雖然可以即晚認識在場人士,但不一定每次也有得到回應的運氣。眼看市場只有單對單的約會程式,他在去年決意辭退了私募基金的正職,預備了二百萬的積蓄夥拍一位IT朋友一同開發「Clink」,讓有心人可透過app早點認識,減低蒲友「食白果」的機會。以薪金及投資股票得來的二百萬,有人可能會留起當作買樓首期,有人認為Ken此舉異常地捨得,他指:「無話捨唔捨得,高風險高回報啫。」輕輕的一句,已完美展示出搞startup應有的決心。

專家提問

StartupHK聯合創始人兼總監蘇頌禮(Gene)大讚「Clink」洞悉到夜蒲交友問題非常好,但擔心用戶使用此app也會經歷「食白果」,從而影響他們留低的意慾。

G:蘇頌禮(Gene)K:李崇基(Ken)

G:暫時你的平台不算多人,會否有用戶投放了自己的時間,但又約不到人?K:有這樣的現象,現時我們的平台是配對到人的,但配對得不夠快。最關鍵是因為我們未達到Critical Mass(群聚效應),我們認為需要多約一萬個用戶,先可以更流暢去運作。

G:(續問)一萬個有沒有說是某一個性別的用戶?K:沒有的,一萬個是建基於我們現有的資料去預計。我們暫時有九千個用戶,配對成功的有四千五百宗。我們發現配對到、跟對方見過面的留低機會就較大,但有些可能不好彩,要兩個星期後才成功配對,那時用戶可能已經放棄了使用個app。

G:其實你們有沒有想過自己去搞活動?K:有的,我們有跟酒吧合作,會幫他們宣傳某些活動,一個月會有約二百個活動展示在我們的app上。而我們在活動列表中有個功能是可以發送入場券給用戶,即是酒吧可透過此功能邀請用戶參與活動。形式可能是免入場費、一杯免費飲品或特別優惠等等。

G:未來有什麼目標?K:如果件事是成功,成功的定義是人們在這個app中認識到人,接着我們就會到其他城市發展,例如台北及韓國。香港人喜歡到台灣玩,因為夠近,可能只有數天假期也會飛過去。而去到當地人生路不熟,就能透過此app知道哪裡有派對,就可以認識到當地人,跟他們交流一下。

終極判決:要向用戶「派甜頭」增加配對成功率

十分滿分我會俾七分。可改善的地方是用戶評價的部分要放在app的當眼處,因為那些是很有價值的資源,會隨時影響一個新加入的用戶決定去留。另外,app現在本身可能因人數不夠多而幫不到全部用戶配對,可考慮對新加入的用戶給予誘因,增加整體使用的人數,或是以人手安排的方式幫用戶配對。將來最理想的當然是個app自動運作,就好像現在我找Uber車會立即有車接我一樣。

夜場點睇?

Magnum Club旗下的蘭桂坊夜場「Zentral」跟「Clink」合作已有一段時間,負責該夜場市場推廣的Zoie指合作有助增加人流。「真係有客向我哋出示個app提供嘅免費入場券,效果唔錯。」問及如果有一日app發展成熟需要向夜場收費時,她指也會考慮。「大家都係互惠互利,佢可以定期幫我哋推廣活動,當係宣傳費。」

撰文:黃綺敏攝影&攝錄:關永浩ed_bn@nextdigital.com.hk

夜蒲 app 蒲點 點蒲 蒲友 友一 Clink 就搵 搵到
PermaLink: https://articles.zkiz.com/?id=222295

【馮仁昭四圍超】彭浩翔招募蒲友救《春嬌》

1 : GS(14)@2016-09-27 08:02:25

彭浩翔導演嘅《志明與春嬌》系列,不經不覺已經開到第3集《春嬌救志明》,之前講過有機會搵奧斯卡影帝里安納度狄卡比奧(Leonardo DiCaprio)客串。而《春》片亦已經落實下月底開鏡,上星期三彭浩翔喺facebook公開招募客串。阿彭喺網頁分咗4類合適人士,包括日用文青、夜用潮人同動感運動人,就算唔係以上3種,都仲有歸類為特長嘅奇葩類別。阿彭喺網頁講到明「我們也召集各種奇人異士。如果你覺得自己能人所不能,來吧。」



■余文樂同楊千嬅主演嘅《春嬌》系列,彭浩翔而家喺fb招募新演員。劇照

傾影帝客串

噚日阿彭接受電話訪問,佢話招募宣傳出咗唔夠一個星期,已經收到幾百個應徵,佢話:「開始公佈到而家有幾百人嚟報名,其實4欄係分類,啲人成日問我『入唔到4類咁點算呀?』冇乜所謂,方便大家分吓類啫。最缺係啲潮人囉,跳舞呀、索嗰啲囉,永遠都缺、夜場蒲友我哋永遠都要搵。」阿彭又透露仲有唔少海外人士報名,佢話:「有啲海外嘅影迷應徵,話自己買埋機票酒店都得,只要我哋畀到個日期佢哋請假。但係拍戲個期成日改,搞到我哋好大壓力。」阿彭話因為劇本改動,所以余文樂喺戲中演志明嘅爸爸暫時未出場,之前講過屬意周潤發飾演,至於里安納度方面,阿彭仍然保持聯絡傾談中。撰文:馮仁昭




來源: http://hk.apple.nextmedia.com/entertainment/art/20160927/19782637
馮仁 仁昭 四圍 彭浩 招募 蒲友 友救 春嬌
PermaLink: https://articles.zkiz.com/?id=310296

蒲友爆李潤庭稱只做兩種運動上床同滑雪

1 : GS(14)@2016-12-09 00:03:44

03年李潤庭回流返港,分別效力有線及亞視,後來跟余詠珊過檔去無綫,並主持《東張西張》。私生活上,李潤庭愛蒲不是秘密,婚前已經周圍獵女。據蒲場花生友爆料,李潤庭曾經同蒲精朋友講自己只會做兩種運動,分別係上床同滑雪。




來源: http://hk.apple.nextmedia.com/entertainment/art/20161208/19858279
蒲友 友爆 爆李 李潤 潤庭 庭稱 稱只 只做 做兩 兩種 運動 上床 滑雪
PermaLink: https://articles.zkiz.com/?id=318763

巨舖毗鄰蘭桂坊 「蒲友」醫肚勝地

1 : GS(14)@2017-06-21 07:39:29

【明報專訊】中環威靈頓街翠華,由於鄰近蘭桂坊,加上是區內少有的24小時營業茶餐廳,故多年來除了是中環白領一族的「蛇竇」外,亦是「蒲友」的聚腳點和醫肚勝地。

據說不少蒲友在夜場認識新朋友後,都會到翠華醫肚,原因是該處燈火通明,可以望清新朋友的「真面目」,故該店亦被蒲友形容為「照妖鏡」。

24小時營業 區內少有

事實上,不少娛圈名人,如吳彥祖、郭富城、關之琳、張栢芝、黃耀明及余安安等都曾光顧,就連日籍女星常盤貴子來香港亦有到該店捧場,至於政經界名人食客,則有前財政司長梁錦松、娛樂大亨林建岳等。


來源: http://www.mpfinance.com/fin/dai ... 7861&issue=20170620
巨舖 毗鄰 蘭桂 蒲友 醫肚 勝地
PermaLink: https://articles.zkiz.com/?id=336059


ZKIZ Archives @ 2019