爽視彈：蒙嘉慧最後一劇？ 朱國亮
1 :
GS(14)@2013-03-30 22:58:46http://www.sharpdaily.hk/article/entertain/20130313/180855
之前看《仁心解碼II》的宣傳片，已奇怪為什麼焦點放在蔣志光及蕭正楠身上，對女主角卻隻字不提呢？是徐子珊繼續抑或另有他人？直到蒙嘉慧公開表示收到無綫通知不用宣傳《仁心II》才恍然大悟，原來無綫又玩小器，怕約滿的蒙過檔王維基的香港電視，找她宣傳益了別人。
我的想法剛剛相反，應該反過來更要蒙嘉慧加多點宣傳，提醒各界觀眾粉絲有睇趁手，話唔埋《仁心II》隨時是蒙嘉慧在無綫最後一齣電視劇，萬一真係簽王維基，話就話今年發牌，否則，到時望穿秋水，真係不知何年何月。所以蒙嘉慧走人對《仁心II》只有得益，現在推她出來宣傳，收視兩三周就見效；她跳槽香港電視嘛，觀眾善忘，到時未必記得她拍過什麼劇，或者只記得「伊健嫂」罷了！
朱國亮
逢一、三、五
女星愛才：Figure王遭蒙嘉慧嫌棄
1 :
GS(14)@2015-11-12 08:34:58蒙嘉慧
於玩具界打響名堂的Figure王Eric So，成名前後與不少女星都扯上關係。
蒙嘉慧
95年，蒙嘉慧剛入行做模特兒便與Eric So拍拖，有傳當年女方嫌棄男方事業無成而分手，戀情長達六年。
盧巧音（左）
盧巧音
05年，Eric So於派對上與盧巧音撻着，盧巧音之後搬到土瓜灣傲雲峰共賦同居，更達談婚論嫁階段，但最後也結束三年情。
杜如風
杜如風
11年，杜如風被拍下由旺角搬到西貢大埔仔村屋同居，二人不時於微博上傳情，後有傳因王菀之介入而分手。
來源:
http://hk.apple.nextmedia.com/entertainment/art/20151112/19368834
蒙嘉慧斥領展不公
1 :
GS(14)@2016-05-26 17:39:49蒙嘉慧、鄭敬基、河國榮和艾威等昨日在港台為處境劇《有倉出租》開鏡拜神，她說：「每集都會有唔同嘉賓上嚟拍，我哋係主要演員，因為呢個係處境喜劇，貼近時事，因為咁我先肯拍。」她盼透過劇集為民發聲：「之前領展租咗一個地方畀慈善團體，合約定明唔可以加租，點知轉頭收一個天價管理費，咁嘅行為好過份，其實香港好好，有好多值得保留嘅嘢，所以我哋要去發聲。」另外，新婚鄭敬基早前在台北度蜜月時遇上地震，他說：「嗰一刻太太衝入廁所，我知道佢好擔心囡囡。」鄭敬基今年入行30年，他希望在11月25日、即求婚一周年舉行入行30周年演唱會。採訪、攝影：曹家誠
來源:
http://hk.apple.nextmedia.com/entertainment/art/20160526/19627282
伊健笑蒙嘉慧發福懶健身
1 :
GS(14)@2016-06-06 03:03:20鄭伊健昨日在北角出席手機活動，最近他教父母用電話應用程式方便溝通，經常傳送相片，他說：「因為長途電話費會好貴，而家易好多，拉近大家距離，有日阿爸仲教朋友用。」伊健對於太太蒙嘉慧被指發福，更被懷疑懷孕，他說：「係造型，而且睇相覺得係影相角度問題，係肥係瘦最重要健康。」至於會否覺得肥了的太太擁抱時更舒服？他說：「點都鍾意。」蒙嘉慧8月生日，他笑謂要送健身器材給對方，更指家中有健身用品，而自己則每天有做運動，問到可會介紹健身教練給老婆收身？他說：「佢有跟健身教練，不過佢唔係成日去做，幾個月先一次。」採訪：王連連攝影：葉君海
來源:
http://hk.apple.nextmedia.com/entertainment/art/20160602/19636998
娛圈情侶愛打羽毛球伊健蒙嘉慧打到結埋婚
1 :
GS(14)@2016-09-13 08:04:22睇奧運羽毛球大家都會識林丹、李宗偉等等，佢哋呢啲神級代表勁就當然啦！其實都有唔少圈中朋友好鍾意打羽毛球，佢哋仲要係夫妻檔。鄭伊健蒙嘉慧除咗打機叻之外，鄭伊健打羽毛球都出晒名勁！佢曾經主演嘅《全力扣殺》搵嚟羽毛球前一姐王琳出席，佢仲勁讚伊健犀利。而佢同老婆蒙嘉慧都係因為羽毛球呢個運動而定情。林子祥葉蒨文講到前輩級又鍾意打羽毛球就有林子祥同葉蒨文，佢哋除咗打之外，仲會一齊睇比賽，不時喺香港嘅羽毛球公開比賽入面見到佢哋睇波。郭偉亮葉佩文
Eric Kwok都係愛羽毛球嘅朋友之一，佢不時會約朋友打波，佢又曾經表示參加過公開賽。早年，佢仲有帶埋女友葉佩文打波，不過近排就少咗現身。
來源:
http://hk.apple.nextmedia.com/entertainment/art/20160913/19769026
蒙嘉慧外套遮肥肉
1 :
GS(14)@2016-09-17 16:15:51蒙嘉慧、王喜及黃修平導演等昨日於調景嶺出席港台《凝望香港30秒》導演分享會，各人以他們眼中的香港拍攝30秒短片。蒙嘉慧表示以香港食品作主題：「我至愛就係食，仲專程去咗大澳拍炭火雞蛋仔。」她表示有拍攝短片的經驗，但要製30秒短片甚有難度，感謝老公鄭伊健幫忙：「佢幫我搵咗陳光榮做音樂，雖然我無問佢意見，不過事後都有同佢分享。」早前被指發福不少的蒙嘉慧笑謂有努力買黑色衫：「我都有努力做運動，不過唔夠多，而家日日都着住外套。」她指將會接拍藝術電影，要學跳當代舞，笑言可以趁機減肥。提到老公指喜歡她肥，蒙嘉慧說：「佢喺屋企咪又係話我，咪以為佢nice咗。」採訪：盧妹攝影：沈健程
來源:
http://hk.apple.nextmedia.com/entertainment/art/20160915/19770821
蒙嘉慧叫舒淇馮太被鬧
1 :
GS(14)@2016-09-17 17:33:07蒙嘉慧、陳鍵鋒、廖子妤和河國榮昨日在港台出席節目巡禮。蒙嘉慧指每晚食半個月餅，體重高達130磅，被問到好友舒淇和馮德倫結婚返港？蒙嘉慧說：「我哋有通電話，我不停叫佢馮太，佢話我好嘈，遲啲天氣好就約行山。」《頭條新聞》主持人之一的曾志豪主動提到《頭條》在無綫被安排非黃金時段播放，他說：「呢啲係心魔，政治干預嘅嘢就好似黑社會咁，有人見到有人見唔到。黃唔黃金時段，其實係睇個節目黃唔黃金啫。如果佢（梁振英）繼續做特首，應該有大把新聞爆嘅。」他又搞笑呼籲觀眾「配票」，分別在無綫和31台收看節目平分收視。陳鍵鋒內地吸金，對於無綫主角相繼離開，他說：「商業機構新舊交替好正常。」採訪：盧妹攝影：陳慧安
來源:
http://hk.apple.nextmedia.com/entertainment/art/20160916/19771938
蒙嘉慧愛自由唔生B
1 :
GS(14)@2016-10-10 00:43:54■蒙嘉慧爆老公鄭伊健曾有十八年沒有搭過巴士。
蒙嘉慧（YoYo）的母親懷着她時已離婚，她自小由外婆湊大，所以YoYo不相信婚姻，但後來決定跟鄭伊健結婚，全因朋友的話：「如果其中一方有事，我哋即使幾親密，法律上都唔可以為對方做任何重要決定，我聽完又覺得好啱。」因幸福變成肥師奶而被傳有喜，YoYo澄清他們沒有生小孩的打算：「我媽媽比較任性，我睇到婆婆成日要擔心佢，就明白養兒女係一世嘅責任，如果生咗個小朋友好似我媽媽咁咪好慘？我鍾意兩個人自由自在多啲。」至於伊健因「奪麵雙琪」每年生日都成傳媒焦點，為避開追訪，他習慣生日待在家中，YoYo說：「有年我同伊健由後門出去，搭巴士去食飯慶祝，成功避開記者，嗰時先知原來伊健十八年冇搭過巴士。」撰文：非非
來源:
http://hk.apple.nextmedia.com/entertainment/art/20161008/19794311
蒙嘉慧拉伊健做義工
1 :
GS(14)@2016-10-18 08:15:33■早前因迷你倉大火而停播的《有倉出租》，下周一將足本播放。
蒙嘉慧（YoYo）、吳耀漢與河國榮等昨日到深水埗惜食堂當義工，兼宣傳他們有份演出的港台劇《有倉出租》。自掏腰包買來缽仔糕給長者添餸的YoYo，得知惜食堂最欠缺是義工，希望將來跟老公鄭伊健能定期來幫忙。早前被指發福疑有喜，YoYo透露努力收身中，由130磅減掉數磅，近日努力學現代舞。她說：「明年有部戲要跳一分鐘，我最初筋肌太硬做拱橋落唔到地，之後拉筋拉得多鬆番，點知早前同老公去旅行踩單車上山鬥快，返港後發覺做唔番啲動作，原來跳舞同踩單車啲肌肉係用相反力。」採訪、攝影：馬建華
來源:
http://hk.apple.nextmedia.com/entertainment/art/20161018/19804057
Next Page