ZKIZ Archives


上市公司主席為主持股東會中環在線:賣股還賭債 李華華

2008-03-10 Appledaily
政 府都有話,沉迷賭博同倒錢落海冇分別,連港台都拍番套《賭海迷徒》,用病態賭徒嘅親身經歷,去告誡沉迷賭海嘅小羔羊,等佢哋唔好因為賭錢,而搞到負債纍 纍。不過,呢個世界偏偏有人唔信邪,就算自己明明係輸緊錢,都覺得有機會可以一鋪過贏番晒返嚟。華華聽聞,有位上市公司主席曾經因為賭大咗,借落一身債, 搞到差啲連股東大會都主持唔到。不時失蹤過大海其實,呢位上市公司主席做生意好識得跟大趨勢,內房股熱時搞吓大陸地產,家陣又湊興轉型搞資源;但講到嗜好,佢就獨沽一味,就連身邊朋友都知佢得閒鍾意玩番兩手,仲久唔久就唔見人,查實係過大海玩一兩日,不過,呢位主席由於手風麻麻,因而欠咗幾百萬街數。怕蒲頭債主臨門不 過,假假哋都係上市公司主席喎,區區幾百萬銀好小事啫──你咁諗就錯!皆因佢間公司只不過係泥菩薩,業績連續幾年見紅,仙都唔仙吓,公司冇錢,主席就更加 唔掂,聽聞佢為咗避債,匿咗喺澳門幾個禮拜,電話又唔開,連公司啲人都搵佢唔到。正所謂避得一時,唔避得一世,咁啱佢公司要開股東大會,身為公司主席,又 唔係休假中,冇理由唔出席o架,但又怕一蒲頭就債主臨門,結果佢減持手頭上嘅公司股份套現,還咗部份街數,先可以安心出席公司股東會。計華華話,賭錢呢家 嘢,有時細細哋玩兩手,過吓癮咪算囉,如果賭到周身債,仲要匿埋避債,人生仲有咩意義呢?電郵:mailto: LiWaWa@AppleDaily.comgreatsoup:
冠x地產(一舊生)朱先生?據港交所資料,在十二月二十四日開股東會,十九日減持少量股份,套現一千多萬。
上市 公司 主席 為主 股東會 股東 中環 在線 賣股 股還 賭債 華華
PermaLink: https://articles.zkiz.com/?id=519

中環在線:汽車股高層上網識女仔 李華華

2008-03-12 AppleDaily
徵 友網頁嘅出現,除咗可以幫各位網友搵番個傾訴對象,仲間接撮合咗唔少單身男女。可能你覺得,呢樣嘢只係年輕人嘅玩意,但聽聞,某個已經離婚嘅汽車股高層, 都有喺內地一個好受歡迎嘅網站度徵友!呢位高層喺徵友網頁度,好誠實咁講明已經離婚,從事金融業。冇錯!佢的確自稱從事金融業,咁上巿公司董事應該都持有 自己公司股票,又或者炒賣吓,所以都算係金融業,佢仲喺自我簡介度寫咗首情詩。來自金融界,又識得吟吓詩,可謂有文采又有錢財,但佢嘅要求又唔係好高咋 噃,佢話想結識「單身、三十至四十歲、身形嬌小」嘅女士。愛單身嬌小中女香港人工作忙碌,連休息時間都冇,喺忙碌過後,都好 希望返到屋企可以搵個人傾訴。呢位高層日理萬機,放咗工之後,都係個普通人,都會寂寞,都會凍。上網搵個人傾吓偈,亦都係一個解悶方法。華華希望呢位高層 唔單止可以搵到傾訴對象,仲可以搵到共度下半生嘅另一半啦!不過,就千祈咪學前排《壹週刊》個封面古仔主角。好記性嘅都應該有印象,某上市公司總裁鍾意上 網識女仔,本來虛擬世界談談情、說說愛,無傷大雅,但嗰位總裁趁去上海開會,順道去轉北京,同網上識到嘅「虛擬女友」嚟趟「實際溫馨」,咁都唔緊要,最衰 係呢位總裁工作太忙,溫馨完就音訊全無,搞到「虛擬女友」將件事對外宣揚。電郵:mailto:LiWaWa@AppleDaily.com
中環 在線 汽車 高層 上網 識女 女仔 華華
PermaLink: https://articles.zkiz.com/?id=534

中環在線:李寧賣股為做善事 李華華

>2008-03-26 AppleDaily

啱 啱喺上個禮拜公佈咗靚業績嘅李寧(2331),勢估唔到一個屈尾十就伸手向市場攞錢,仲要成4億銀。市場消息話,李寧主席兼創辦人李寧以介乎19.3至 20.4元,配售2000萬股舊股,最多套現成4.08億,幫李寧配售嘅係內需股大好友瑞銀。用噚日升咗11.37%嘅收市價、即係21.45元計,配股 價約有介乎4.9至10.02%嘅折讓。原本揸住成35%集團股份嘅李寧,喺減持後嘅持股量將跌至約33%。


瑞銀位芬佬朋友同華華講,李寧減持所得嘅資 金,主要會用喺慈善用途,同埋佢嘅私人投資喎!大嗱嗱4億銀,真係幫得獎運動員每人打造一個半身像都仲得!有芬佬就好唔高興咁同華華講,李寧揀喺公佈完業 績、股價有番少少起色之際賣舊股,都係想反應掂。不過,佢究竟想話畀大家聽,北京奧運對集團冇影響?定係股價鶽家經已到咗頂呢?華華唔想作無謂嘅揣測,睇 吓今日市場點睇好過啦!
中環 在線 李寧 賣股 股為 為做 善事 華華
PermaLink: https://articles.zkiz.com/?id=579

中環在線:旺旺上市廣告費稱王 李華華

AppleDaily 2008-04-09

由 舊年到今年3月,一共有78隻新股上市,一眾有認購新股嘅小股民,可以話係有人歡喜有人愁,對於本地廣告市場嚟講,呢啲新股就係大財神,皆因有近半新股上 場之前,都有喺電視同報紙賣廣告,涉及金額有成3.77億銀。

舊年嘅新股當中,以上個月上市嘅中國旺旺(151)最揼本,期內足足用咗1.34億銀賣廣 告,佔總金額嘅35.7%,緊隨其後係亞洲女首富楊惠妍嘅碧桂園(2007),同臨門撻Q,上唔到市嘅恒大地產(3333)。根據香港廣告媒體監察機構AdmanGo嘅統計顯示, 淨係呢3隻新股,夾埋已經用咗2.56億銀廣告費,其中旺旺揼喺電視廣告上就用咗1.33億銀,另外100萬銀就落喺報紙度,大家之前成日睇/聽 「0151」,咪就係佢哋嘅廣告囉。之不過,揼咁多錢,上市後都係跌破招股價,呢鋪可以話係偷雞唔到蝕把米。

中環 在線 旺旺 上市 廣告費 廣告 稱王 華華
PermaLink: https://articles.zkiz.com/?id=695

中環在線:簡文樂十幾歲就鍾意支解 李華華

2008-04-15 AppleDaily



唔 少商界富豪細個都捱過世界,冠軍科技(092)主席簡文樂(圖)係其中一個,咪睇佢家吓身家豐厚,又係大馬主,原來佢細個嗰陣,同好多人一樣都試過喺街度 排隊輪米。佢話喺50年代出世,當時戰後冇耐,糧食短缺,唔係有錢就一定買到嘢食,家家戶戶都要配給,佢細細個就拎住「米票」去買米,屋企有7個兄弟姊 妹,買得米嚟,就冇乜錢買餸,餐餐都係得一兩碟餸咋。

喺咁嘅環境下,當時讀天主教學校嘅簡文樂一心諗住大個做神父打救世人,點知因為朋友嘅幾句說話改變主 意,後尾仲信埋佛教。簡主席話:「朋友知我想做神父,就話我未見識過呢個世界,最緊要係連女仔都未識過,拖又未拍過,第日有人因為感情事要你輔導,咪撞 板!」年少嘅簡主席,聽到呢番話覺得好啱,所以放棄做神父。

到咗十幾歲佢迷上科技,屋企嘅收音機、洗衣機,都逃唔過俾佢「支解」嘅下場。60年代末,佢見 到當時嘅政府請人寫電腦程式,仲有在職培訓,未學過電腦嘅佢,膽粗粗走去報考。佢話:「當時有幾千人考,主要考IQ同計數,我唔單止考到,仲係第二名。」
中環 在線 文樂 十幾 歲就 鍾意 支解 華華
PermaLink: https://articles.zkiz.com/?id=738

中環在線:快譯通譚偉豪理財得真傳 李華華

>2008-04-16 AppleDaily

以 快譯通打響名堂嘅權智(601)主席譚偉豪,唔單止搞科技產品耍家,原來對理財都掂,佢好自豪咁同華華講,理財心得來自位師奶。邊位師奶?咪就係譚媽媽 囉!譚偉豪話,細個家境窮,連佢在內屋企有五條化骨龍,靠譚爸爸一個養七個,好彩,譚媽媽係一個精明主婦,將租嚟住嘅500幾呎單位,間成四間房,一家七 口住一間,其他三間房就分租出去,收到嘅租金足夠補貼自己份租,亦係咁啓發咗譚偉豪諗計賺錢。識得搵亦要識得使,仲要用得其所!譚偉豪話:「細個周時有親 友問屋企借錢周轉,有次見阿媽為咗幫人,拎咗隻金戒指去當舖。」譚媽媽話,要將啲錢使喺有需要嘅人身上。
中環 在線 快譯通 偉豪 理財 真傳 華華
PermaLink: https://articles.zkiz.com/?id=755

中環在線:內房股老總異常表現 李華華

2008-04-22 AppleDaily
做內房股老總認真難,先要面對中央唔知幾時推出宏調,近排仲成日被人話「缺水(資金)」。唔知係咪呢個原因,以下兩位內房股老總表現似乎有啲異常,一個撩交嗌,一個就爆粗。碧桂園楊國強:銀行家信唔過碧 桂園(2007)主席楊國強冇跟到其他內房股老總去台灣考察,但就留番喺香港撩事鬥非。貴為亞洲女首富老竇,佢撩邊個?點解撩?咪就係恒生銀行(011) 副董事長兼行政總裁柯清輝囉!話說楊國強噚日出席貿發局個CEO論壇,同其他講者包括柯大班、紫金礦業(2899)董事長兼總裁陳景河、復星國際 (656)董事長兼首席執行官郭廣昌、國美電器(493)總裁陳曉,講中國企業嘅成長同挑戰。楊國強提到做生意嘅理念,話唔會只諗好事,一定預計埋最壞嘅 情況,好似「啲樓賣唔去會點?銀行唔借錢又點?」講到銀行唔借錢呢度,佢突然爆咗句,「大家唔好信晒啲銀行家,佢哋好多時話借(錢畀你),之後又唔借!」 前排有報道話,中央閂水閘內房股大旱,唔知楊總係咪有感而發。不過,正所謂言者無心,聽者……坐喺佢隔籬嘅銀行家柯大俠,亦反應速迅,回番句:「你講嗰啲 係國內銀行咋?」許榮茂激動爆粗內房股今年跌到四腳朝天,就連曾經當炒、交到業績嘅世茂房地產(813)都不能倖免,昨收報13.54元,比舊年11月歷史高位29.05元,唔見咗一半有多。難怪主席許榮茂一講到公司前景就非常肉緊,激動到爆粗,「仆街」二字衝口而出。彈起搶答為維護公司事 緣世房噚日開記者會講業績,順帶透露計劃明年將酒店業務分拆上市,今年會先出售部份股權,引入策略投資者,明年上市再賣部份股權,等兩年都有特殊收益咁 話。華華就奇怪,世房喺上海經營緊3間酒店,都未真正有錢賺,咁心急明年搞上市攞特殊收益,唔通賣樓生意有阻滯?但又話今年打算賣樓套現170億元人仔, 增長85%o架喎。許榮茂聽到條問題即刻彈起搶答,話公司未來賣樓前景秀麗,土地成本又平云云,講得激動,佢吐咗句:「唔係因為出年仆街,就將酒店業務分 拆上市補番條數。」分拆嘅主因,係酒店資產價值被低估,要透過上市反映出嚟咁話。其實大家都明嘅,許主席又使乜咁激動呢。電郵:mailto: LiWaWa@AppleDaily.com

中環 在線 內房 房股 老總 異常 表現 華華
PermaLink: https://articles.zkiz.com/?id=776

中環在線:國產神奇小子炒銅輸47億 李華華

>2008-04-29  AppleDaily

13 年前,「神奇小子」利森因炒燶期指,搞垮英國霸菱銀行。今年初,法興交易員克維爾炒歐洲股市期指,累法興輸約562億港銀。其實,祖國都有國產「神奇小 子」,佢叫劉其兵。話說05年底,國家物資儲備局期貨交易員劉其兵無故失蹤,當時有報道話佢喺倫敦金屬交易所沽空10萬至20萬噸期銅,涉及金額高達30 億至60億銀。最耐人尋味嘅係,國儲局對佢身份支吾以對,又話呢單屬純交易員個人行為,該局唔會孭上身,點知國儲局呢頭唔認劉其兵,嗰頭就非常高調沽出銅 庫存,似係補鑊。疑團終於喺噚日揭盅。

據大陸《財經》雜誌報道,呢位國產神奇小子當年38歲,係國家物資儲備調節中心進出口處處長,03年10月以國儲調 節中心名義,喺期貨市場大量沽空,點知銅價升,導致2.317萬噸保稅銅貨款虧損。佢仲玩埋結構期權,05年下半年,輸得仲甘,跟住佢就失蹤。06年6月 劉其兵被捕,舊年一審開庭,上月底判決劉其兵7年徒刑。當年如果唔係調用國家儲蓄實銅填氹,損失會由10.3億港銀增至超過47億。
中環 在線 國產 神奇 小子 炒銅 銅輸 47 華華
PermaLink: https://articles.zkiz.com/?id=817

中環在線:騰訊、電盈風水輪流轉 李華華

2008-05-15  AppleDaily

所謂風水輪流轉,華華今日想同大家分享一個故事。話說騰訊(700)成立之初,曾經面對財困,好在得電盈(008)主席李澤楷出手解困,喺99年底以110萬銀美金買入兩成騰訊,但後尾電盈要減債,將騰訊股權以1260萬美金賣咗畀美國傳媒公司MIH,獲利10倍。

當日捱沽今成新貴

聰 明嘅讀者應該知道舊事重提為乜?冇錯!電盈上個禮拜五被踢出恒指,相反當日俾人沽嘅騰訊就成為藍籌新貴。騰訊鶽家嘅股價係64.75蚊,市值高達1161 億,至於電盈嘅股價只係4.89蚊,市值331.5億銀。如果當年小小超唔係等錢使,仲揸住騰訊兩成股權,家吓就值232.2億銀。呢個故事證明,二少澤 楷的確有眼光,同時亦證明,莫財嘅話,幾好嘅嘢都要放棄。家陣感受最深嘅除咗澤楷,應該仲有騰訊主席馬化騰。
中環 在線 騰訊 、電 電盈 風水 輪流 華華
PermaLink: https://articles.zkiz.com/?id=906

中環在線:長情股東怨希慎股價升得慢 李華華

2008-05-15 AppleDaily


噚 日希慎(014)舉行周年股東會,有位長情嘅小股東向主席利定昌呻,批評希慎股價表現差。正所謂「愛之深、責之切」,呢位股東原來早喺81年希慎上市時, 已經拎5000蚊入咗手希慎,揸足27年,你話夠唔夠長情。不過,睇番希慎股價,噚日收23蚊,小股東嗰手希慎只係值兩萬幾銀,股價升唔夠4倍,難怪埋怨 主席辦事不力。希慎81年9月18號上市,當年公司主席係利銘澤,即利定昌伯父。華華以當日希慎經調整後4.35蚊收市價計,27年嚟升4.3倍,以複利 率計,每年增長6.4%,撇除股息唔計,淨睇股價,升幅勉強跑贏通脹。好多投資專家都會同你講,千祈唔好同股票談戀愛,作為投資者要表達不滿,就係沽貨換 馬。如果呢位小股東同期買嘅唔係希慎,而係另外嘅收租股,歷史便可以改寫。就以太古(019)為例,27年以嚟股價急升24.5倍,其次就係九倉 (004),股價錄得8.6倍升幅。

信利銘澤不如信超人

不過,呢位小股東都唔好咁谷氣,因為當年揸鷹君(041),到家吓仲 未放嘅,應該仲揼心,咁多年嚟鷹君股價都只係升咗2.7倍。或者小股東應該怨當年信錯利銘澤,如果佢信超人李嘉誠、股神李兆基,或者已故嘅郭得勝,回報會 比鶽家更好。新地(016)27年嚟股價勁升31.7倍,超人嘅長實(001)升22.4倍,至於四叔嘅恒地(012)亦升咗20倍。電郵: LiWaWa@AppleDaily.com

收租股及地產股表現

鷹君(041)昨收報:24.95元81年至今變幅*: 2.65倍希慎(014)昨收報:23.00元81年至今變幅*:4.29倍九倉(004)昨收報:41.25元81年至今變幅*:8.63倍恒地 (012)昨收報:59.35元81年至今變幅*:20.24倍長實(001)昨收報:122.2元81年至今變幅*:22.38倍太古A(019)昨收 報:95.50元81年至今變幅*:24.47倍新地(016)昨收報:137.4元81年至今變幅*:31.72倍恒指同期表現昨收報:25533點 81年至今變幅*:16.10倍註:變幅以81年9月18日收市價計算 資料來源:本報資料室
中環 在線 長情 股東 怨希 希慎 股價 升得 華華
PermaLink: https://articles.zkiz.com/?id=907

中環在線:瑩輝電筒照亮災區 李華華

2008-05-20 AppleDaily

大 地震之後,各大小企業都爭住捐錢賑災,專做燈飾嘅瑩輝集團(1163),就比較反傳統,賑災唔捐錢而係捐電筒,一次過捐咗五六千支咁多,諗真啲又係嘅,好 話唔好聽,災區嘅電力供應時有時冇,一點燈光比起一張百蚊鈔票,又確實係有用好多。瑩輝集團執行董事白秉臻話,佢哋嘅生產線喺東莞,而啲加盟商少有去到四 川咁遠,暫時都未收到受影響嘅通知,算係好彩。

勞動法傷過地震

地震冇震到佢哋,但一條勞動法就令白秉臻呻到樹葉都落!佢話以前養一個工人成本只係400幾人仔,家吓就升到千一二蚊,再加埋佔佢哋生意額85%以上嘅美國市場,經濟唔好,同埋人仔滙率高企,真係唔使地震,日日見到條數心都震。
中環 在線 瑩輝 電筒 照亮 災區 華華
PermaLink: https://articles.zkiz.com/?id=930

中環在線:趙世光為上市站起來 李華華

>2008-05-23 AppleDaily

喺 千禧年私有化、退出股海嘅老牌香港航運企業「華光」,最近打算歸來掛牌,近年因中風而甚少公開現身嘅公司揸弗人趙世光,即係卓能集團(131)主席趙世曾 細佬,噚日喺佢位千金、華光副主席趙式明陪同下,特登走出嚟同記者朋友分享呢份喜悅。現年六十有七嘅趙世光,曾經喺今年3月,坐住輪椅,由家人陪住去睇 Celine Dion喺澳門舉行嘅世界巡迴演唱會。噚日見佢雖然行動不便,需要乖女式明攙扶,亦有看護傍住,但起碼唔使坐輪椅,精神亦唔錯,仲同華華憶述當年私有化華 光控股嘅原委。趙世光話,嗰陣時啲投資者對航運股冇乜興趣,股價又唔掂,冇晒上市意義;但家吓時移世易,祖國前景美好,相信航運股亦會受惠。

趙式明打理家族生意

之 不過,當年趙世光結束華光27年上市地位嘅時候,曾經形容過當時心情,好似「脫苦海」,因為做上市公司壓力好大,蝕錢要同股東交代喎。唔通時勢好咗,壓力 都會少啲?華華就覺得係因為鶽家趙世光有乖女式明幫手打理家族生意,加上又邀得鷹君(041)主席羅嘉瑞、前怡和主席紐壁堅等猛人擔任獨立非執行董事,佢 老人家應該唔使再入苦海啦!電郵:LiWaWa@AppleDaily.com
中環 在線 趙世 世光 光為 上市 起來 華華
PermaLink: https://articles.zkiz.com/?id=976

中環在線:王忠桐又俾股東玩 李華華

>2008-05-27   Appledaily

王氏港建(532)噚日開股東會,曾經兩度提出私有化都失敗嘅主席王忠桐,又俾股東玩!好似舉手投票係例行公事,點知有手持6000幾萬股嘅代表,話投票一定要點票,反對就咁舉手了事,結果呢個動議,喺唔夠票嘅情況下被否決。

懷疑長毛搞鬼

解 決咗一個,跟手另一個股東又開炮,問做乜集團舊年嘅業績差咗,仲要有咁多存貨剩喺度?台上嘅管理層聽完,私底下商量咗兩三分鐘,先至話因為有幾單交易遲 咗,所以咪有以上嘅情況,但今年上半年,已經搞番掂。雖則全部議程最終都順利通過,但一開波就俾人窒,王忠桐懷疑同股壇長毛有關。王忠桐話,自從上次私有化失敗之後,以David Webb為首嘅反對派,冇任何新嘅建議方案提出過,而經過兩次失敗,佢話暫時都未有計劃再提第三次咯,淨係猛話家吓業務倒退,股價比舊年唔見咗六成,就算 家吓出價,都已經係另一條數,價錢一定唔同咗。
中環 在線 王忠 忠桐 桐又 又俾 股東 華華
PermaLink: https://articles.zkiz.com/?id=1002

中環在線:仰融再造風雲 李華華

2008-05-08  AppleDaily


遠 東金源(1188)上個禮拜五宣佈,以400萬人仔,收購大陸採礦公司吉林晟世全部股權,交易冇乜特別,其他行家都有報道,但篇幅唔大,但華華睇完大陸 《每日經濟新聞》嘅報道,就覺得呢單細新聞唔講得笑。首先,唔講大家可能唔為意,遠東金源主席,就係大名鼎鼎嘅仰融。仰融係華晨汽車(1114)創辦人兼 前主席,01年《福布斯》中國富豪榜排名第三,當時身家近70億銀,仰融最令人印象深刻嘅係,92年將華晨汽車喺美國上市,成為第一隻喺美國掛牌嘅中國公 司。

不過04年,仰融同內地政府因公司股權出現爭拗,搞到要出走美國,仲俾遼寧省發通緝令緝捕。美國遙控遠東金源家陣仰融係遠東金源嘅大股東,公司市值約 11億銀,遠東金源前身係歡樂天地,仰融98年收購返嚟。間公司都經歷過唔少變動,先後改名圓通科技同圓通控股。據報道,仰融仲喺美國,家吓遠距離遙控公 司業務,今次可以稱得上係復出,將遠東金源作為最後籌碼。
中環 在線 仰融 再造 風雲 華華
PermaLink: https://articles.zkiz.com/?id=1009

中環在線:兄弟內訌羅康瑞感同身受 李華華

2008-05-29  Appledaily

家有9兄弟姊妹嘅瑞安房地產(272)主席兼行政總裁羅康瑞,同樣經歷過兄弟爭拗,噚日佢好有同感咁話,香港好多家族式管理嘅企業,好有問題。雖然佢冇開名話講邊間,但新地(016)三兄弟決裂咁熱爆嘅新聞,好難唔令華華將佢嘅說話,同「郭家大事」對號入座嘅。

羅 康瑞噚日係應邀為香港上市公司商會任演講嘉賓講企業管治,呢位「上海姑爺」一開口就話父傳子、子傳孫嘅家族管理模式,有好多問題,搞到身為商會副主席嘅主 人家胡文新,面有尷尬之色。心水清嘅都知,胡文新都係接老竇胡應湘棒,喺合和(054)幫手。好彩羅康瑞補充話,家族管理都有好處。

人多爭拗多

羅 康瑞又話,人多就梗係多爭拗,尤其係當創辦人過咗身,更加難控制。華華問佢對新地郭家有乜意見?佢話唔方便評論。咁點先可以做好「公司管治呢又?」佢話: 「最好就梗係監、管分家,同埋令到員工對公司有歸屬感,好似瑞房茶水部連個阿嬸,都有認股權,而我就下放權力,支票都唔簽,公司有幾錢我都唔知o架!」咁 自己荷包有幾錢應該知喇啩。電郵:LiWaWa@AppleDaily.com
中環 在線 兄弟 內訌 羅康瑞 羅康 感同 身受 華華
PermaLink: https://articles.zkiz.com/?id=1024

中環在線:黃宏生老婆入貨時機準 李華華

>2008-06-02  Appledaily

公 司管理層增持股份,同埋公司回購番自己股份,獨立嚟睇唔係乜嘢特別嘅事,上市公司都時有發生,但差不多同期發生就會惹嚟不必要嘅遐想。

大陸《每日經濟新 聞》就對創維數碼(751)4月底起分十次回購咗1147.2萬股,用咗差不多974萬銀有質疑,因為創維執行董事喺公司回購之前,亦都分咗十次增持公司 股份。

華華睇番港交所(388)資料,執行董事林衛平,亦即係鶽家坐緊監嘅大股東兼前主席黃宏生(圖)位太太,喺2月1日至4月15日,合共用咗 315.37萬銀分十次增持421.6萬股,每股平均價約0.748元,以創維上星期五收市價0.88元計,鶽421.6萬股賬面大約賺咗55.65萬 銀。本來管理層增持股票係對公司投予信心一票嘅表現,華華亦唔係話嗰位執董趁公司回購撈番一筆,不過換轉華華就唔會喺咁敏感時候去增持,以免招人話柄啦!
中環 在線 黃宏 老婆 入貨 時機 華華
PermaLink: https://articles.zkiz.com/?id=1064

中環在線 揸深圳萬科17年散戶股神400萬變16億 李華華

>2008-06-03  AppleDaily

股 神畢菲特用價值投資法,長揸好股,其實,香港都有好多投資者係佢信徒,仲可以話係青出於藍。好似港商劉元生,手持內房股萬科股票17年,由當初市值約 400萬人仔(下同),暴升到今時今日賬面值約16億,升咗近400倍,比起畢菲特最掂嗰隻華盛頓郵報,30年都係升得128倍,睇怕今勻股神都要寫個 「服」字。

與王石早有淵源

講起呢位散戶股神,早喺91年萬科A股上市前已經入股萬科,話說王石未創辦萬科之前,同劉元生已經 係生意拍檔,88年尾,未上市嘅萬科為咗籌集資金,以每股一蚊人仔發行咗2800萬股,劉元生見銷情唔係咁好,於是幫對方認購咗360萬股,成本大概 400萬銀。萬科91年1月29日深交所上市,當時報14.58人仔,其後劉元生仲有增持萬科,據萬科資料,劉元生持有8253萬股,以噚日萬科收市價 計,市值近16億人仔。難怪內地傳媒封佢做「超級散戶」,喺3月舉行嘅萬科07年報告網上說明會,有萬科小股東要求親眼見一見偶像王石,同股東劉元生。

上市後不斷增持

據 報道,劉元生家陣係萬科最大嘅個人股東,王石有乜大動作,之前都會主動問吓佢嘅意見。除咗同王石熟絡,劉元生同萬科另一董事陳志裕應該都幾熟,因為據《提 問萬科》一書介紹,當年王石做錄像機生意時,係由劉元生嘅仁達國際(香港)供應日本貨源,而據公司註冊處資料,呢家公司仲有3位董事,其中一位正係陳志 裕。LiWaWa@AppleDaily.com
中環 在線 深圳 萬科 17 散戶 股神 400 萬變 16 華華
PermaLink: https://articles.zkiz.com/?id=1075

中環在線:黃栢鳴囝囝讀經濟玩電影 李華華

>2008-06-04   AppleDaily

本 地富豪陸續加插新一代入家族企業,為接班做準備,一啲上市公司都唔例外,好似電影人黃栢鳴創辦嘅東方娛樂(009),早幾年就安排千金黃漪鈞做執行董事, 噚日發通告,指委任黃栢鳴囝囝黃子桓做埋執行董事,每年收30萬酬金,一家人入晒東方娛樂嘅權力中心嘞。上個禮拜東方娛樂先出過通告,話董事黃潔芳同鄧啓 駒辭任,黃潔芳正係黃栢鳴個妹,即係黃子桓姑姐,通告話佢要處理其他事務,所以辭任,咁佢姪仔咪有機會入董事局囉。

姑姐辭任姪仔上位

現年29歲嘅黃子桓其實早喺02年就加入集團,家陣擔任創作總監,負責管理電影製作部門,佢喺電影工業都有超過6年經驗,做過編劇同剪接,不過佢唔係讀電影出身,據通告講,黃子桓喺加拿大安大略省麥瑪斯達大學主修經濟學,咁佢唔止喺電影工作方面幫到爹哋喎。
中環 在線 鳴囝 囝囝 囝讀 經濟 電影 華華
PermaLink: https://articles.zkiz.com/?id=1080

中環在線:旺旺股東成都來港捧場 李華華

>2008-06-04  AppleDaily

噚 日旺旺(151)舉行股東會,一向低調嘅主席蔡衍明一見攝記舉機,即刻耍手擰頭話「唔好」,但攝記盛情難卻,佢惟有拉埋班董事一齊影合照,一路影仲一路耍 手,同佢公司個旺仔logo相映成趣。股東會上,蔡衍明同其中兩位股東特別投契(小圖),雞啄唔斷,原來呢兩位係專程由成都飛嚟香港嘅小股東,難怪蔡衍明 特別招待。蔡衍明同華華講,地震之後,成都同埋隆昌兩個廠房停產咗兩日,由於啲食品存放期有限,加上進出兩地嘅公路又塞咗,所以索性將兩間廠房嘅存貨捐晒 去賑災,利人利己。噚日位位到場嘅股東,都有一大袋旺旺嘅產品做紀念品,唔少仲係香港冇得賣嘅,華華問蔡衍明最鍾意邊隻產品?佢即刻代言人上身,話所有旺 旺嘅產品都係佢嘅至愛,唔合佢口味嘅,佢係唔會賣。
中環 在線 旺旺 股東 成都 來港 捧場 華華
PermaLink: https://articles.zkiz.com/?id=1081

中環在線:霸菱神奇小子爆煲當日唔知自己係主角 李華華

>2008-06-04 AppleDaily

95 年拖垮霸菱銀行嘅神奇小子利森(Nick Leeson),噚日來港喺金鐘萬豪酒店做演講嘉賓,據佢講,今次已經唔係第一次嚟香港,但之前都係私人性質。前排法興都出咗位新一代神奇小子克維爾,華 華仲以為好多人會有興趣想知利森點睇呢位後輩,點知成場演講都冇人問利森呢個問題。

排場勁埋身唔易

其實,想問利森問題唔係咁 易,「一舉成名」嘅利森排場勁過唔少名人,華華曾經嘗試私底下問利森問題,但主辦機構負責人即時出面檔駕,話私人訪問可以通過佢哋,或者直接聯絡番利森嘅 經理人代為安排。講番噚日嘅演講,可謂座無虛設,仲有唔少人企足半粒鐘一睹佢嘅風采。利森喺台上講咗大概半粒鐘,大部份時間都係講番當年霸菱事件,佢仲話 當年出事嘅主要原因,係92至95年間,個部門得三個人,喺冇人監管下,件事咪越搞越大,錢亦越蝕越多,結果咪……

衰咗要求救

佢又話,當年自己都唔知件事穿咗,睇到報紙大大隻字報道,仲以為係有其他人做錯嘢,唔知個主角就係自己,做得最錯嘅係冇開聲「求救」,有事發生嗰陣冇搵人協 助同埋畀意見,亦係因為唔出聲,最終喺新加坡坐咗四年幾監。咁點可以防止歷史重演呢?佢話,梗係要加強內部監控,早啲發現有唔尋常嘅交易,早啲制止,咪少 好多損失囉!佢又話,好似香港呢啲發展咗嘅地區,唔會有太大問題,反而發展中嘅地區,好似印尼咁,就要加多幾錢肉緊去睇實啲。 LiWaWa@AppleDaily.com
中環 在線 霸菱 神奇 小子 爆煲 當日 唔知 自己 主角 華華
PermaLink: https://articles.zkiz.com/?id=1082

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019