ZKIZ Archives


暴打後首現身 莊思明認與陳司翰分手 2014年08月29日

1 : GS(14)@2014-08-30 23:13:01

http://www.am730.com.hk/article-224495\r\n\r\n\r\n\r\n莊思明、Alice B等,昨日穿上超低胸連身裙出席中秋節活動,莊思明自傳出遭陳司翰暴打後首次露面,與她談到此事時,莊思明稱要說的,都在微博寫了出來,並稱現在是單身,但有數位追求者。\r\n\r\n莊思明自「家暴事件」後首次出席公開活動,問她事件的真相,莊思明說:「我覺得傳媒報道對陳司翰非常唔公平,整件事好多情節都係編造出嚟,我要講嘅都響微博寫咗出嚟。」\r\n\r\n自稱有數位追求者\r\n問到她與陳司翰感情狀況,莊思明續說:「私人事真係唔想再多講,總之我依家回復單身,不過都有好幾個追求者,其實自己年紀都唔細,未來希望響工作方面努力啲。」
暴打 打後 後首 現身 莊思 思明 明認 認與 與陳 陳司 司翰 分手 2014 08 29
PermaLink: https://articles.zkiz.com/?id=285276

【壹週刊】家暴打唔走莊思明黐陳司翰買餸煮飯

1 : GS(14)@2015-02-26 22:20:33





【壹週刊】陳司翰莊思明拍拖四年,分分合合多次,最近兩人四度復合,今次兩人仲玩同居,日日匿係屋企玩煮飯仔。想知更多,記住Download壹週Plus手機app,免費架!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150226/19054654
週刊 家暴 暴打 打唔 唔走 走莊 莊思 思明 明黐 黐陳 陳司 司翰 翰買 煮飯
PermaLink: https://articles.zkiz.com/?id=288059

莊思明默認帶楊明見家長

1 : GS(14)@2016-05-21 17:49:42

■莊思明與楊明公開戀情後不時放閃。互聯網圖片


莊思明(Lisa)同陳慧琳胞弟陳司翰拍拖5年,二人於幾個月前再度分手,Lisa因為拍大台劇《愛.回家》時跟同劇的楊明撻着,之後兩人亦大方承認戀情,楊明更被指有望成為拿督8億女婿。熱戀中的人大都是「見少一秒都空虛」,昨日有周刊拍到楊明上周日剛從外地拍完戲回港後,即急急腳找女友Lisa,更當街咀嘴,之後送女方返山頂大宅。行程匆匆的楊明星期一要飛馬來西亞拍節目,同時有傳他會去見家長,Lisa昨日透過WhatsApp回覆稱:「佢(楊明)拍節目,我返嚟(馬來西亞)玩同見家人,冇刻意安排見面呀,佢好忙,我亦好多人要見。」雖然Lisa明言不會閃婚,但卻避談見家長一事。採訪:唐心悠





來源: http://hk.apple.nextmedia.com/entertainment/art/20160519/19617579
莊思 思明 默認 楊明 家長
PermaLink: https://articles.zkiz.com/?id=300733

莊思明等嫁楊明

1 : GS(14)@2016-05-24 10:27:38

莊思明、艾威、林熹瞳與張松枝昨日到屯門為電影《囧到洛杉磯》拍攝煞科戲,思明前晚從吉隆坡探完男友楊明班,兼探望父母返港,問到媽咪對男友印象如何?她說:「唔知呀,幾好啦。」她本人就給楊明好高分,最欣賞男友待自己好。思明多番表明跟男友認認真真發展,至於何時結婚就交由男友回應,她就會儲錢待嫁。父母未知她在街頭錫錫成為了封面相?她笑說:「可能遲啲會不停放閃,等大家唔會大驚小怪。」艾威首次擔任男主角,跟身兼監製、編劇及演員的林熹瞳對稿時經常爭拗,幸好兩人埋位後又沒有事,早前到美國取景近一個月,艾威指感覺像打入荷李活,林熹瞳坦言過程中獲益良多。採訪:馬建華攝影:陳慧安





來源: http://hk.apple.nextmedia.com/entertainment/art/20160524/19624541
莊思 思明 明等 等嫁 楊明
PermaLink: https://articles.zkiz.com/?id=301278

莊思明船P被富二代攬

1 : GS(14)@2016-06-01 11:36:58

■莊思明日前參加船P時貼相上Ig,莊思敏指胞妹會交代。


莊思明自戀上楊明後,經常放閃,但昨日有雜誌刊登莊思明撇低男友,同孖生姊姊莊思華、港姐彭慧中、何艷娟等,跟清洪契仔巫翊鳴、立法會前議員楊孝華兒子楊哲寧、告東尼兒子告崇恩(Sean)等富二代,坐遊艇出海的照片,莊思明更被契哥巫翊鳴從後熊抱。莊思明昨受訪時指:「只是朋友聚會,明天一次過回應。」


莊思敏


莊思明胞姊莊思敏昨晚在北角出席活動,提到妹妹跟富二代遊船河,她說:「契哥(巫)冇所謂,清洪係我哋幾姊妹嘅契爺,絕對冇問題,又唔係咩鬼祟船P,相信阿妹有同另一半交代。」採訪:陳以晴、卓寶花





來源: http://hk.apple.nextmedia.com/entertainment/art/20160601/19635511
莊思 思明 明船 被富 二代
PermaLink: https://articles.zkiz.com/?id=301608

莊思明嚇怕:唔敢出海

1 : GS(14)@2016-06-06 03:03:13

■莊思明昨日指男友楊明已見家長,還獲爸爸稱讚。


莊思明為麥德羅、王維德於明日假九展舉行的「霹克好德兄弟演唱會」擔任嘉賓,昨日他們在旺角進行綵排。思明早前被發現與清洪契仔巫翊鳴遊船河表現親熱,她強調契哥巫翊鳴認識男友楊明:「齋睇相冇問題,只係報道字眼話陪玩、人肉三文治有問題,當時係契哥想扯我落水,另一個朋友阻止。其實遊船河好陽光、好正面,而家搞到我唔敢出海。」她指爸爸曾與楊明食飯,還讚對方乖仔,但沒有催婚。


■莊思敏近日心郁郁想割雙眼皮。


此外,曾經隆胸的莊思敏最近想到韓國做微整形小手術:「好想割雙眼皮,6年前做過雙眼皮吊線,條雙眼皮開始耷,間中黐雙眼皮膠紙都黐到有啲煩,所以想年尾去割。」採訪:張俊銘攝影:陳慧安





來源: http://hk.apple.nextmedia.com/entertainment/art/20160602/19637141
莊思 思明 明嚇 嚇怕 唔敢 出海
PermaLink: https://articles.zkiz.com/?id=301953

勁有女人緣蘭桂坊夜蒲杏兒老公、莊思明飯後同車走

1 : GS(14)@2016-08-16 06:28:05

■婚後的李乘德似乎發福不少,着恤衫西褲明顯肚凸凸。





【蘭桂坊】胡杏兒老公Philip(李乘德),曾被封「港姐殺手」,其社交圈子一向非常廣闊,與圈中女藝人亦特別有緣,除了曾跟杏兒老友李施嬅相戀,低調拍拖一年,亦曾與陶枳樽、張曦雯等傳過緋聞,惟杏兒一直對老公百分百信任,每次都會替Philip澄清,如早前Philip去台灣出席友人婚宴,被發現有富貴巨乳台女Joy做導遊,杏兒事後亦撐老公,表示與Joy都認識,又經常與Philip在社交平台晒恩愛。


單拖赴會

不過,Philip上周五晚又再出動,今次更一箭雙鵰,撇甩老婆一次過約兩位靚女撐枱腳,其中一位更是已經名花有主的莊思明。當晚約8時,穿上露肩短裙晒腿裝的莊思明,單拖現身中環蘭桂坊,未有男友楊明陪伴左右的她,一個人登上一棟商業大廈,但明顯不熟路的她,登上樓又再落樓,最後要找人帶路才再登樓,原來她要找一間私房菜館。莊思明於樓上私房菜館大約吃了三個小時,約11時落樓離開,身旁更多了一位男士陪伴,原來她當晚約了人夫Philip,以及一位女友人吃飯。



【唔太熟路】■莊思明前晚撇甩男友楊明,約胡杏兒老公李乘德食飯。

【沿路傾偈】■李乘德同附近食肆的人熟絡,路過時不停打招呼。


專車接送

Philip與莊思明一樣悉心打扮,官仔骨骨穿恤衫襯西褲現身的他,未知是否婚後有「杏兒」滋潤,身形明顯發福不少,之後三人一齊行入一條後巷,原來Philip早已安排七人車及司機,接載兩位靚女離開。採訪、攝影:吳耀輝、潘冠恩


【後巷走人】■李乘德飯後帶莊思明及一位女友人穿過後巷上車。

■三人食完飯後,一起坐車離開。



來源: http://hk.apple.nextmedia.com/entertainment/art/20160816/19737555
勁有 女人 蘭桂 坊夜 夜蒲 蒲杏 杏兒 老公 、莊 莊思 思明 飯後 同車
PermaLink: https://articles.zkiz.com/?id=306094

【馮仁昭四圍超】莊思明懶理家姐戀事

1 : GS(14)@2016-09-02 05:49:49

莊思明(右)同莊思華呢對孖女,前晚喺上環出席清洪契仔巫翊鳴有份投資新餐廳開幕,大孖莊思華同細孖莊思明都蜜運,反而大家姐莊思敏就仲未有着落,莊思明話:「介紹咗好多㗎喇,我哋啲朋友佢全部都識,佢着重思想上溝通到,等佢自己處理。」同場孫佳君爆12歲囝囝有暗戀對象:「我睇佢電話,佢成日同啲女仔傾偈,我唔呷醋,不知幾開心,係佢成長過程嘛。」撰文:馮仁昭




來源: http://hk.apple.nextmedia.com/entertainment/art/20160902/19757147
馮仁 仁昭 四圍 莊思 思明 明懶 懶理 理家 家姐 姐戀 戀事
PermaLink: https://articles.zkiz.com/?id=307219

黃建東肉緊咀爆楊明唔敢俾莊思明睇?

1 : GS(14)@2016-09-06 22:51:03

前港男黃建東(東東),近日喺大台劇集《為食神探》飾演一個camp爆同志,同楊明仲有肉緊咀對咀場面。東東話:「記得當初同楊明討論會係借位定係堅咀,大家都覺得係劇情需要,所以決定真咀,希望令觀眾留下深刻印象。」東東話拍攝時現場工作人員嘩聲四起,個接吻鏡頭仲要NG咗好幾次:「原來拍咀戲,NG係一件好辛苦嘅事,因為好尷尬但係又要死撐,而我個角色又狼死又鹹濕。」至於問到東東怕唔怕被定型做呢類角色:「其實冇得怕,因為自己讀戲劇出身好鍾意演戲,同埋觀眾仲未記得我個名,好希望觀眾可以記得TVB有個演員好豁得出去叫黃建東。」不過東東笑言希望莊思明冇睇到呢場戲,因為好驚激嬲阿嫂。




來源: http://hk.apple.nextmedia.com/entertainment/art/20160906/19761159
黃建 建東 東肉 肉緊 緊咀 咀爆 楊明 唔敢 敢俾 俾莊 莊思 思明 明睇
PermaLink: https://articles.zkiz.com/?id=307836

【馮仁昭四圍超】黃建東向莊思明耍冧

1 : GS(14)@2016-09-07 21:46:21

莊思明、黃建東(東東)噚日喺會展出席名錶活動,之前東東同思明男友楊明拍劇咀嘴,東東一見佢就即刻道歉,笑話搶食頭啖湯,思明就搞笑話着得咁性感,係要畀個下馬威東東睇。問思明會唔會同男友喺銀幕激咀?思明話:「冇乜所謂,如果大家睇唔厭。」東東爆思明同男友每行5步就會晒恩愛,唔講以為佢哋結咗婚。思明話結婚已有共識,私底下溝通好。撰文:馮仁昭




來源: http://hk.apple.nextmedia.com/entertainment/art/20160907/19762616
馮仁 仁昭 四圍 黃建 東向 莊思 思明 明耍
PermaLink: https://articles.zkiz.com/?id=308011

龔嘉欣激嬲莊思明

1 : GS(14)@2016-09-23 08:10:00

■龔嘉欣和楊明出發時沒提及去參加婚禮,怎料令莊思明打翻醋埕。資料圖片



龔嘉欣和楊明上星期一齊現身機場出發到英國,出席陳智燊和宋熙年的秘密婚禮,由於嘉欣不想行蹤敗露,所以胡扯一番說:「我哋去馬來西亞咋,唔係去度蜜月呀,唔好亂寫呀!」怎料楊明女友莊思明莫名其妙地大動肝火,遷怒於龔嘉欣,莊思明爆楊明去英國,又指「楊明只會同我度蜜月」。雖然龔嘉欣出席陳智燊和宋熙年英國婚禮後,已經解釋清楚,但是事件仍是沒完沒了,昨日又有報道指莊思明相約家姐莊思敏訴苦兩個鐘,事有湊巧又被傳媒拍到,莊思明托腮又苦惱的樣子被攝入鏡頭,其間又拍枱,吐出「小三」兩字,離開時更楚楚可憐眼泛淚光。撰文:非非




來源: http://hk.apple.nextmedia.com/entertainment/art/20160923/19778709
龔嘉 嘉欣 欣激 激嬲 嬲莊 莊思 思明
PermaLink: https://articles.zkiz.com/?id=309725

返港即交人陪睇騷 楊明:冇傷害過莊思明

1 : GS(14)@2016-09-24 23:30:49

楊明同龔嘉欣之前就一齊去咗英國,參加好友陳智燊同宋熙年嘅浪漫婚禮,雖然龔嘉欣同楊明都係做陳智燊嘅兄弟,但唔知點解個婚禮就傳聞多多,首先傳出龔嘉欣向傳媒講大話;明明係去英國宣傳兼出席好友婚禮,龔嘉欣無厘頭話去大馬,之後再有傳媒報道指龔嘉欣改機票,有機會二人同行云云,搞到佢成功撇甩王浩信同朱千雪,同楊明孤男寡女飛英國,最後身為女友嘅莊思明就緊係嬲豬啦!正當傳言滿天飛嘅時候,好Man嘅楊明終於走出嚟喇,昨晚佢特別喺微博貼咗同女友莊思明嘅合照,向女友大派定心丸之餘,希望關心佢哋嘅朋友唔使再擔心同誤會。楊明寫咗篇好長嘅文,謂:「我們只想安穩地走之後的路,對於有些報道,我們本想一笑置之,但這幾天太多謠言滿天飛,思明和我都不想關心我們的朋友擔心同誤會,所以在這回應幾句。」佢再講:「我們現在真的安好,我從來沒有做傷害思明的事,她對我非常信任,所以不存在問題和生氣的言論,至於英國這次旅程是在大半年前已經定了,機票也是大半年前訂好,由頭到尾都是龔嘉欣和我同機去的,請大家也別想得太複雜,謝謝。」最後,楊明就話:「我要跟一些覺得欺負女人會比較容易得到成功感的人說,請你停止這個想法,停止傷害女人,不要再誣衊思明了,我是站在思明的前面,有什麼事就衝我楊明而來吧,本人隨時恭候。」而昨日楊明就同埋莊思明一齊去睇葉德嫻喺會展搞嘅演唱會。




來源: http://hk.apple.nextmedia.com/entertainment/art/20160924/19780490
返港 港即 即交 交人 人陪 陪睇 睇騷 楊明 傷害 過莊 莊思 思明
PermaLink: https://articles.zkiz.com/?id=309863

莊思明盼男友齊搵錢

1 : GS(14)@2016-11-08 05:54:11

■自與楊明拍拖後,莊思明經常被問及婚期。



莊思明昨日在灣仔會展行婚紗騷,分別穿上兩套婚紗現身,當中深藍色婚紗谷盡湯碗胸,她表示出場前其婚紗背部爆開,幸及時發現。自與楊明拍拖後,莊思明第一次在港行婚紗騷,兩人一直表現恩愛,鎖定對方為結婚對象,莊思明表示未有披嫁衣衝動,她說:「暫時hold得住,感覺未爆發出嚟,阿楊話我哋成日畀人問結婚答案都一樣,好冇新意,叫我不如第日答人係我未買戒指,我未求婚,搞笑啲,但真實絕對唔會,如果我真係咁做佢會笑我兩日。」莊思明歡迎各大小商家找兩人以情侶檔拍
莊思 思明 明盼 男友 齊搵 搵錢
PermaLink: https://articles.zkiz.com/?id=314585

莊思明短訊慰問岑杏賢

1 : GS(14)@2016-11-23 07:53:23

■莊思明坦言拍拖有壓力,但與男友坦誠相對。



莊思明、郭政鴻前晚在九龍灣出席「泰緣妙佛堂慈善團體」活動,思明提到和男友楊明拍拖會有壓力,她說:「兩個都喺呢行都好大壓力,大家支持而行唔到落去,唔知點交代,大家反對,但又想一齊又會諗點解唔接受。」她認為每段關係都建立於信任:「有乜都唔好擺喺心,有疑問就要提出嚟講,我哋都會嗌交㗎!通常佢讓我先。」好友岑杏賢剛和袁偉豪分手,思明表示有傳短訊問候,她說:「佢OK,兩個人嘅事,唔想講太多。」此外,岑杏賢昨日以短訊回覆:「多謝大家關心,我現在心情已平靜,大家不用擔心,細節唔多講,大家已交代好。」採訪:羅慧敏攝影:沈健程




來源: http://hk.apple.nextmedia.com/entertainment/art/20161123/19842263
莊思 思明 短訊 慰問 岑杏 杏賢
PermaLink: https://articles.zkiz.com/?id=316673

深夜作嘔入院楊明陪孕味濃莊思明睇醫生

1 : GS(14)@2017-01-09 08:11:30

呢排娛圈喜事重重,女藝人排住隊宣佈有喜同生B。舊年同楊明撻着嘅莊思明,日前就被指深夜由男友楊明陪同,到跑馬地一醫院求醫,疑似有喜。報道指喺醫院求醫期間,莊思明不時彎腰搓肚,作嘔作悶,要楊明不斷為佢掃背,加上莊思明當日着平底鞋喺醫院出現,有指佢孕味甚濃!對於陀BB一事,下個月就30歲嘅莊思明,昨日就答覆傳媒話:「其實嗰排唔舒服咗幾日啦,嗰晚放咗工,咪去醫院睇醫生囉!其實我同楊明都鍾意小朋友,亦都計劃結婚後一定生B,但o依家冇囉,如果真係有咗,就會肥啦!」




來源: http://hk.apple.nextmedia.com/entertainment/art/20170109/19891252
深夜 作嘔 入院 楊明 陪孕 孕味 味濃 濃莊 莊思 思明 明睇 醫生
PermaLink: https://articles.zkiz.com/?id=322040

【馮仁昭四圍超】莊思明搵家姐陪拍拖

1 : GS(14)@2017-01-18 22:21:32

莊思明噚日着住旗袍到灣仔會展出席時裝騷。佢自認係思想傳統女仔,家庭觀念重,所以鍾意一家人一齊住,但係偏偏屋企人要分開住:「所以我鍾意黐住家姐思華,佢細個拍拖我要黐住佢,我拍拖又要佢陪,佢都話覺得我變態。」早排有傳思明入院做產檢,佢澄清只係唔舒服,已計劃好先結婚後生仔:「想生一仔一女,但今年冇計劃結婚,男友(楊明)亦冇求婚。」撰文:馮仁昭




來源: http://hk.apple.nextmedia.com/entertainment/art/20170118/19900104
馮仁 仁昭 四圍 莊思 思明 明搵 搵家 家姐 姐陪 拍拖
PermaLink: https://articles.zkiz.com/?id=323092

【馮仁昭四圍超】楊明煮麵冧莊思明

1 : GS(14)@2017-01-24 03:00:23

莊思明同楊明拍拖唔夠一年,已經認定對方係結婚對象,熱戀中嘅呢對小情人拍拖夠晒甜蜜,仲經常喺個人網誌貼相晒恩愛。莊思明噚日又喺微博貼男友為佢下廚嘅相,仲留言話:「你肚唔肚餓呀?我煮個麵你食呀!咁經典嘅場面竟然發生咗喺我身上,多謝你第一次煮嘢畀我食。」雖然只係煮公仔麵,但話晒都係首次食到男友嘅手勢,當然要晒吓命啦!撰文:馮仁昭




來源: http://hk.apple.nextmedia.com/entertainment/art/20170123/19905654
馮仁 仁昭 四圍 楊明 煮麵 莊思 思明
PermaLink: https://articles.zkiz.com/?id=323837

莊思敏係阿妹五倍?莊思明被當玩具:這些錢我沒本事賺

1 : GS(14)@2017-01-26 07:44:03

莊思敏係阿妹五倍?莊思明被當玩具:這些錢我沒本事賺莊思敏日前喺微博話收到邀請,對方話「100萬玩一夜」,當時已經嬲嬲地,未夠一個星期,唔知係人有樣學樣,竟然有位叫內地網民,再向佢出飯局價,仲開到去「1000萬包夜」,價值十級跳,連莊思敏自己都唔相信值呢個價錢。無耐莊思敏阿妹莊思明亦喺Instagram貼咗張相,原來又係呢位網民搵佢,仲問莊思明:「可以花兩百萬找你玩嗎」。莊思明睇見就梗係嬲啦,佢喺Instagram留言:「不好意思,我是用多少錢都買不到的,因為我不是一件玩具!這些錢我真的沒本事賺,留給其他人吧!大家以後可以慳番唔使再問我!謝謝!」




來源: http://hk.apple.nextmedia.com/entertainment/art/20170124/19907252
思敏 阿妹 五倍 莊思 思明 明被 被當 玩具 這些 錢我 我沒 本事
PermaLink: https://articles.zkiz.com/?id=324007

莊思明傾掂嫁楊明

1 : GS(14)@2017-05-07 15:29:05

莊思明、周志文和姚浩政昨日在深水埗一間遊戲中心接受網台訪問,莊思明表示兒時愛到遊戲中心消遣,儲夠票便換心愛文具。對於男友楊明早前表示計劃在一、兩年內成家立室,莊思明說:「我哋係有共識,因為大家都唔細,呢個時候揀得同佢一齊都唔係玩玩吓。」周志文立即恭喜,莊思明笑說:「唔好恭喜我住!」而單身的周志文指擇偶條件要彼此給予空間。




來源: http://hk.apple.nextmedia.com/entertainment/art/20170507/20013025
莊思 思明 明傾 傾掂 掂嫁 楊明
PermaLink: https://articles.zkiz.com/?id=332402

傳楊明暗撻「白淨版Rosanne」莊思明得啖笑:邊有咁易呀?

1 : GS(14)@2017-05-18 01:10:55

浪子回頭係咪真係金不換?情史厚過演出史嘅楊明,舊年因拍《愛‧回家》,撻着同劇嘅大馬拿督千金莊思明,兩人好快就認愛,又不時喺社交平台孖住放閃,楊明早排接受訪問時又放聲氣話想成家立室,以為佢滾……係情場翻滾咗咁多年,又已屆36歲,終於肯修心養性,揀定一個伴侶,唔做浪子啦,點知一樣有是非流出。昨日有周刊報道楊明背住女友莊思明,暗媾現年28歲、貌似「白淨版Rosanne」嘅大台姐仔郭千瑜(Mina),報道指楊明喺自己擔正嗰套《抱佣情人》中,對Mina照顧有加,就算喺月前一場外景戲中,大熱天時困喺架開篷巴士上拍攝,唔使埋位個個落車唞氣期間,楊明同Mina都留喺車上,享受獨處時光。報道除咗話楊明除低頸巾畀Mina遮太陽之外,更指楊明對女方面部吹氣,又似想對女方晒肌騷quali咁,仲講到佢哋傾偈時,楊明用下身對正Mina頭部……吓?!周刊指其實好多人都見到楊明同Mina啲曖昧行為,但就當睇唔到。同晚劇組拉隊去尖沙嘴慶功,莊思明冇份演但卻有現身,楊明勁識做,攬實女友好sweet咁,周刊指Mina見到「正印」在場就扮冇嘢,楊明亦表現得比較收斂。睇番Mina個facebook,發現佢經常貼自己啲開工相上去,當中唔少得同楊明嘅合照;至於報道中提及嘅慶功宴,Mina除咗喺大合照中同楊明及莊思明同相現身外,仲有一張係莊思明同楊明包抄Mina影嘅合照,真係三個主角都喺齊度喇。報道稱,被蒙在鼓裏嘅莊思明,今個月初接受網台訪問期間,提及同楊明嘅婚事,佢承認兩人之間有共識,亦唔係玩玩吓,不過當同場嘅周志文送上恭賀時,莊思明又即刻閘住,其實莊思明係咪已經索到陣除……?對於背女友莊思明、暗撻Mina嘅報道,正身處越南拍劇嘅楊明昨日回應傳媒話:「其實我坐嗰個位,就係我要埋位嗰個位,而嗰個女同事企嗰個位,亦係埋位嗰個位,咁同事未埋位傾幾句就叫做『媾』,咁一日咪媾好多人?」至於莊思明亦對男友百分百信任,佢回應傳媒時就話:「哈哈,佢send咗段報道俾我睇啦,其實真係冇嘢、得啖笑咁囉,行過傾吓偈就話撻着,邊有咁易呀?如果係咁,每拍一套劇咪要換一個女朋友?」「其實佢係一個好有交帶嘅人,去到邊做緊乜,都會同我講,反而我自己唔算交帶,佢咁做,搞到我都要成日向佢報到。況且,千瑜我本身都識,咁就更加冇可能(撻着)啦!」問到同男友婚期,莊思明就話「在心中」:「冇呃你哋,婚期係未定,不過大家對呢樣嘢一早有共識。」而楊明頭先更喺Instagram貼咗一張佢瞓喺屋頂嘅相,仲留言話:「第一次到越南感覺非常好,天氣、風景和食物全部都好,還有謝謝劇組為我挑選的露台房間,讓我可以曬太陽。(我真的很喜歡睡覺的)」睇嚟未受周刊報道影響心情。至於莊思明就同家姐開工,兩姊妹仲輪流貼相上Instagram。




來源: http://hk.apple.nextmedia.com/entertainment/art/20170517/20024198
楊明 暗撻 白淨 Rosanne 莊思 思明 明得 得啖 啖笑 邊有 有咁 咁易 易呀
PermaLink: https://articles.zkiz.com/?id=333157

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019