ZKIZ Archives


白做!酒店短聚兩小時葉翠翠釣錯破產董事

2013-08-15  NM
 
 

 

挾港姐冠軍名堂,葉翠翠○八年搭上內地富商黃有龍(後娶了趙薇做老婆),結果一夜發達,竟然有能力一炮過用三千萬買入兩個賽西湖單位,變成富貴港姐。同黃有龍成為過去式,至今仍未發掘到新水喉,但葉翠翠釣金龜目標清晰,往後與她有來往的男性,絕大部分都是手頭揸住唔少之人,葉翠翠的新獵物,是中原地產副區域聯席董事李卓雄(Eric)。上星期五(八月九日),二人先到金鐘香格里拉酒店撐枱腳,之後再轉場到另一間酒店短聚,溫馨兩個鐘。激凸現身

釣金龜為本的葉翠翠,當日一副戰鬥格出現,化行妝的她著上粉紅色超貼連身短裙,露出四十二吋長腿,將34C激凸身材表露無遺。將Audi坐駕交予酒店職員後,葉翠翠先小心四周望,才慢慢行入酒店,金鐘香格里拉絕對是她的溝佬熱點,去年九月,也曾被撞破在同一地點,約會已婚德勤會計師樓合夥人唐業銓,撐枱腳燭光晚餐。為免東窗事發,葉翠翠與男伴刻意前後腳。開完餐,男方埋單後先行離開酒店,三分鐘後,葉翠翠才施施然出現酒店大門外攞車,臨上車時還打賞一百元給代客泊車。

轉酒店再玩

以為(食飯)完鬆,其實還有下場!
葉翠翠將車駛到位於太古廣場二期的奕居酒店,男伴早已在酒店接待處搞了一輪手續,等葉翠翠泊好車,兩人一齊搭扶手電梯上一樓大堂,再轉搭只供上房間樓層電梯。
在酒店短聚兩個多小時,凌晨一時,葉翠翠與男伴一同離開酒店,二人十分有默契,一步出門口,立刻分開保持幾個身位距離,葉翠翠上車撻匙後,男伴才極速坐上車。由於深夜時分路上車輛稀疏,葉翠翠駛至大坑附近時開始懷疑被尾隨車輛跟住,於是慢駛,等其他車輛爬頭後,才駛去另一方向。
無寶不落的葉翠翠,新獵物亦大有來頭。現年四十多歲的李卓雄( Eric),是中原地產豪宅(項目及投資部)副區域聯席董事,每年營業額以千萬計,在行內亦有江湖地位。


01:00

短聚兩小時後,兩人一齊離開酒店,他們非常避忌,彈開保持距離。
曾經破產

據業內人士稱,李卓雄把口相當了得,又愛自誇同城中超級富豪關係密切,葉翠翠更加以為執到寶,經常主動約會,表現積極。
但李卓雄只是外表風光,○二年更因為投資失利,被頒布破產令,直到○六年才解除破產令。他手上並無持有物業,與家人同租住舊山頂道曉峰閣單位。而且他爛蒲爛玩,不時與女星扯上關係,經常食散餐,出名花弗。
本週一(十二日),李卓雄中午放食晏,陪食的是另一名女友,二人在中環陸羽食完飯,之後女友還送他返回新世界大廈辦公室。
問葉翠翠同李卓雄的關係,當晚在酒店短聚兩個鐘情況,她在電話中反應頗大。「係男朋友嘅話就唔會俾你影到啦,不過咁,你鍾意點寫就點寫啦,你影到乜咪寫乜,千祈唔好屈我就得,我唔會就咁算㗎!」
釣金龜無可厚非,奈何葉翠翠眼光唔夠準,白費心機。


近年葉翠翠只會向有錢人埋手,所有被發現一齊的男人,全部都有番咁上下家底。(《忽然 1周》圖片)

12/8一方面同葉翠翠搭上,轉頭又同另一身材出眾索女食 lunch,李卓雄都算花弗。

去年九月,葉翠翠與另一條佬,已婚會計師樓合伙人唐景銓,在香格里拉撐枱腳。

葉翠翠同李卓雄密會的酒店,位於太古廣場樓上,是全球最好酒店第五位,大多數房間都可飽覽維港景色,房租每晚四千五百元起。
專吼女星

任職地產界的李卓雄,英文名 Eric,早年曾在上市公司慶金集團做總經理,專責物業買賣。 05年該公司主席涉詐騙被捕,公司清盤,他才轉投中原地產,現職中原豪宅山頂南區的副區域聯席董事; 09年,因營業額接近 3,500萬,獲公司頒發銀獅獎。有指李父在太子「金都商場」擁有多間鋪位收租,早年他亦有投資物業,先後購入太古城及干德道匯豪閣單位,但冇乜賺蝕。
屬蒲精的 Eric過去不時跟女星扯上關係, 01年曾與吳辰君拍拖, 97年又被拍到與孫佳君夜蒲蘭桂坊,其間二人手拖手,態度親暱。
向錢看

05年港姐冠軍葉翠翠,多年來積極執樣,又「打假波」,全副武裝釣金龜,但自從被趙薇撬甩大陸富豪後,已經卅二歲的她,至今尚未有新「油井」揸手。
 

黃有龍
08年,葉翠翠搭上內地富商黃有龍,獲對方財力支持,一口氣以 3,000萬掃入兩個賽西湖千呎單位,因對外宣稱是炒股票賺了錢,結果被嘲「港姐股神」,後來黃有龍為趙薇與她分手,有傳葉翠翠被追討千萬「掟煲費」。



○八年葉翠翠經常陪住「老細」黃有龍遊埠,連無綫安排的工作都推晒。

被黃有龍玩了唔夠兩年,黃有龍與趙薇結婚生女,終止了與葉翠翠的關係。
 

唐景銓
12年,葉翠翠睇中任職德勤會計師樓的唐景銓,二人被拍得在金鐘香格里拉酒店撐枱腳,全程雞啄唔斷,更有指葉翠翠主動出擊,不斷在對方 facebook留言,又發動 Whatsapp攻勢。
 


波子男
今年 2月,葉翠翠被發現收工時,由一名年約 30多歲,揸住百二萬波子跑車的男子接收工,斷正後葉翠翠的男友即時發難,開車門撞記者。
 


方振文
07年 6月,葉翠翠與經銷道地綠茶的匯泉國際董事方振文到中環歎法國餐,有指飯局是由寇鴻萍和陳淑蘭穿針引線。

白做 酒店 短聚 聚兩 小時 葉翠 翠翠 翠釣 釣錯 破產 董事
PermaLink: https://articles.zkiz.com/?id=73565

袁彌明話人翠翠點...咪一擔擔

1 : GS(14)@2011-10-10 22:25:33

無話邊個對,萬勿對號入座

http://hk.apple.nextmedia.com/te ... 104&art_id=15689907

細莊記得小時候,選美會係城中盛事,好多攞到名銜嘅靚女亦會嫁入豪門,飛上枝頭變鳳凰。時移世易,家選美會變咗選學歷,嫁入豪門好少見,反而被包養嘅多不勝數。
細莊認識一個曾參選嘅靚女。佢同最近動作多多、又傳過吓從政嘅「大塊面」靚女係手帕交,對於「大塊面」忽然自製結婚疑雲,細莊自然要八吓,又俾我八到啲趣聞喎。
靚女同細莊講,「大塊面」一向自視甚高,對同屆冠軍「忽然股神」甚為鄙視,認定對方係被包養忽然富貴。另一方面,「大塊面」認為自己比「忽然股神」更艷麗,奈何身邊出現嘅追求者都比唔上人,所以轉走才華路線,希望吸引到城中愛才華嘅大戶。

冇咗筆錢要休養生息

「大塊面」走才華路線,做節目主持人、寫作、賣美容用品都尚算 OK,但好鬥嘅心令佢涉足金、股、滙,之不過原來就係呢幾瓣令佢要考慮結婚。其實,「大塊面」嫌目前男友並唔係豪門級別,喺冇更佳選擇下只好騎牛搵馬。但人算不如天算,佢近來嘅期指同金都輸唔少,財困情況下自然想搵人分擔,男友亦可能知機不可失而喺呢個時候求婚,就係咁搞掂咗。
點解結婚要佈疑陣呢?靚女話因為找輸咗呢條數,令「大塊面」男友使咗一大筆,「大塊面」又要大場面先肯嫁,所以男友要先休養生息。而「大塊面」之前應承人從政亦只為吸大戶,情況有變就自然打退堂鼓,疑婚案就係最好下台階啦!


逢周一刊出
2 : 200(9285)@2011-10-10 22:32:35

賭咁大 抵x死
3 : GS(14)@2011-10-10 22:32:51

正一白痴的女人
4 : GS(14)@2011-10-10 22:33:08

咁鬼串抵你有今日,做人都是謙厚少少好
5 : 200(9285)@2011-10-10 22:35:59

翠翠也無講咁野啦 琴晚看 laughing gor 電影翠翠ok 的
6 : GS(14)@2011-10-10 22:37:16

http://realblog.zkiz.com/greatsoup38/24676
○五年參選港姐的袁彌明,會考二十四分,有六個B,在美國Tufts University修讀經濟。她的爺爺袁勃,經營攝影器材,是廣東道「科苑」相館的創辦人。父親袁弓夷又是做生意,其公司Teleart專替Casio製造手錶,並曾在Nasdaq上市。因此,她自問天生就是做生意的材料, 娛樂圈只是她從商的踏腳石而已。
7 : 200(9285)@2011-10-10 22:40:47

6樓提及
http://realblog.zkiz.com/greatsoup38/24676
○五年參選港姐的袁彌明,會考二十四分,有六個B,在美國Tufts University修讀經濟。她的爺爺袁勃,經營攝影器材,是廣東道「科苑」相館的創辦人。父親袁弓夷又是做生意,其公司Teleart專替Casio製造手錶,並曾在Nasdaq上市。因此,她自問天生就是做生意的材料, 娛樂圈只是她從商的踏腳石而已。


屌佢老味,本是有錢女常9唔搭8邊個on9男死埋去乎?
8 : 游浪潮(3792)@2011-10-10 22:44:11

6樓提及
http://realblog.zkiz.com/greatsoup38/24676
○五年參選港姐的袁彌明,會考二十四分,有六個B,在美國Tufts University修讀經濟。她的爺爺袁勃,經營攝影器材,是廣東道「科苑」相館的創辦人。父親袁弓夷又是做生意,其公司Teleart專替Casio製造手錶,並曾在Nasdaq上市。因此,她自問天生就是做生意的材料, 娛樂圈只是她從商的踏腳石而已。


係?但佢果舖爛賭似乎無人幫手填數喎,否則都唔會委身嫁入唔太豪門喎
9 : a22s(16719)@2011-10-10 22:44:16

佢真人真係好鬼串, 好一個 typical 港女
鍾意佢既男人都唔係善男信女
10 : 亞力士(1473)@2011-10-10 23:10:20

唔通功夫好 不過佢又唔似會擔擔抬抬 嗌人食達多d
11 : 游浪潮(3792)@2011-10-10 23:15:17

10樓提及
唔通功夫好 不過佢又唔似會擔擔抬抬 嗌人食達多d


亞力士兄:小弟不太明,是否叫人食益達?
12 : 亞力士(1473)@2011-10-10 23:25:26

唔好意思 食撻是也
13 : GS(14)@2011-10-10 23:33:26

食撻?
14 : 游浪潮(3792)@2011-10-10 23:57:20

13樓提及
食撻?


食腸舔撻,乃古今中外之著名美食也
15 : terryyim(13133)@2011-10-11 00:23:30

佢真係8婆格,是非精
16 : 龍生(798)@2011-10-11 02:10:52

或者該on9男無撻不歡, 唔夠蠔味都唔舐, 連邊邊都食得乾乾淨淨

袁小姐才考慮吧~~

順帶一提, 這便是袁氏勝天拳的主角....
17 : 草帽(1253)@2011-10-11 08:46:17

佢又真係幾好野既. 0個頭先話同個律師仔分手. 都唔夠一兩個月, 巳經話要結婚. 可能真係欠數太多啦.
18 : GS(14)@2011-10-11 20:22:10

現在想見佢威下都難
19 : 股股怪怪(15021)@2011-10-12 13:31:03

這個白痴女人, 貪慕虛榮又偏激, 都幾惹人討厭
20 : GS(14)@2011-10-12 20:17:30

我就是憎佢呢樣,我認為她亂咁來炒
21 : 龍生(798)@2011-10-13 01:34:10

5張大期的袁氏勝天拳...其實真係唔會輸的...

根本佢老豆副身家就夠食晒所有貨

但就係佢亂用屋企副身家, 而用低技術但高資源去扭曲呢個遊戲

屈機得勝卻沾沾自喜個下乞人憎....
22 : GS(14)@2011-10-13 20:57:18


但就係佢亂用屋企副身家, 而用低技術但高資源去扭曲呢個遊戲

太低能
袁彌 彌明 明話 話人 人翠 翠翠 翠點 咪一 一擔 擔擔
PermaLink: https://articles.zkiz.com/?id=276228

葉翠翠俾男友啜實

1 : GS(14)@2015-02-22 12:56:30





讀者提供圖片


羊年新娘葉翠翠有計劃地公開神秘男友身份,與男友兼建築師公司副董事周曉東(Raymond)情投意合,之後在微博宣佈結婚喜訊,收到不少親朋戚友的祝福。昨日有讀者爆料,傳來一張翠翠和未婚夫的幸福蜜照,相中周曉東輕吻翠翠面頰,翠翠昨接受電話訪問時,不怒反笑說:「其實都好普通,好平常,呢張相唔係香港影,其實係求婚個trip度影。」





來源: http://hk.apple.nextmedia.com/entertainment/art/20150222/19050162
葉翠 翠翠 翠俾 男友 啜實
PermaLink: https://articles.zkiz.com/?id=287920

葉翠翠宣佈七月擺酒

1 : GS(14)@2015-03-01 12:59:34





■葉翠翠昨出席活動時宣佈七月十一日結婚擺酒。


葉翠翠日前宣佈將於今年七月下嫁建築師兼公司副董事男友周曉東(Raymond),昨日她在將軍澳出席活動,宣佈婚期為七月十一日,屆時將會設宴三十多圍,翠翠說:「師傅擇日畀咗幾個好日子去揀,最後我哋決定用呢一日。」她表示擺酒地點將會在香港,但未必會去度蜜月,她說:「我覺得旅行幾時都可以去,唔一定結咗婚之後要即刻去,我哋工作都冇停過,所以唔會刻意請假,亦唔會刻意減產。」再問婚後會否立即造人,她笑說:「想過啲二人世界,所以未必想刻生,順其自然喇!」至於姊妹團方面,翠翠則說:「暫時預計有八個,有幾個選港姐啲朋友,可能要遲啲先落實。」撰文:張曦彤





來源: http://hk.apple.nextmedia.com/entertainment/art/20150227/19056199
葉翠 翠翠 宣佈 七月 擺酒
PermaLink: https://articles.zkiz.com/?id=288084

葉翠翠派帖等嫁人

1 : GS(14)@2015-06-10 08:39:04

■葉翠翠與男友Raymond下月擺酒,昨在微博大晒喜帖。


葉翠翠在今年2月宣佈嫁給建築師兼公司副董事男友周曉東(Raymond),昨日翠翠的喜帖終於曝光,準新娘翠翠在微博貼圖後留言:「我們的結晶終於到手了,踏入最後階段,心情開始有少少緊張!」


資料圖片


翠翠和Raymond的婚禮定於下月11日,假中環四季酒店舉行,喜帖以粉紫為主,帖上印有兩人的英文名字Tracy和Raymond,以及一組用紫色花環包圍住的RZCC四個英文名縮寫,相信是指兩人緊扣在一起。對於婚禮正式進入直路,翠翠說:「派咗帖好似突然間個感覺唔同咗,好似真係成事,有一種真係要同人結婚做人老婆嘅感覺。」採訪:張曦彤





來源: http://hk.apple.nextmedia.com/entertainment/art/20150609/19177223
葉翠 翠翠 翠派 派帖 帖等 嫁人
PermaLink: https://articles.zkiz.com/?id=290740

翠翠為未婚夫慳到盡

1 : GS(14)@2015-06-12 08:50:53

■葉翠翠的爸爸為女兒覓得好對象Raymond(圖)而開心,連50萬禮金都不要。資料圖片


葉翠翠將於下月11日與建築師兼公司副董事男友周曉東(Raymond)結婚,昨日有報道指向來都精打細算的翠翠,事事為未婚夫慳到足,婚宴在四季酒店筵開30席,每席約2萬,酒水全包,合共支出大約60萬左右,Wedding planner、場地佈置與及印帖都統統是友情價。雖然未婚夫Raymond曾提出給50萬禮金給葉爸爸,不過被他婉拒,反而為翠翠覓得好對象而開心。與此同時,雖然男方離婚兼有一個11歲女兒,不過Raymond與翠翠相識不久,已經坦誠向女方表明,結果更加令翠翠覺得對方真誠坦白,認定對方。撰文:張曦彤





來源: http://hk.apple.nextmedia.com/entertainment/art/20150612/19181089
翠翠 翠為 未婚夫 未婚 慳到 到盡
PermaLink: https://articles.zkiz.com/?id=290815

翠翠偷懶留港影婚照

1 : GS(14)@2015-06-17 08:45:49

■葉翠翠與未婚夫留港影婚紗照,亦有讓她的3隻愛犬參與。


準新娘葉翠翠將於下月11日成為人妻,下嫁圈外男友Raymond。翠翠昨日向傳媒廣發婚紗照,身穿低胸喱士婚紗的她大騷事業線。翠翠笑說:「結婚相係今年3月影,原本打算出埠影,但因為自己懶,唔想麻煩,所以最後決定留喺香港影,之後有時間先再到海外補影。」


■翠翠將在下月11日舉行婚禮。


翠翠透露今次影婚紗相帶同三頭愛犬同行,由於牠們都很合作,拍攝過程十分順利,唯一是天雨令拍攝安排稍為變更。她說:「影相嗰日幾乎全日落雨,雖然正式影相時停雨,但天氣好翳焗,我同Raymond都熱到流晒大汗。」撰文:小米





來源: http://hk.apple.nextmedia.com/entertainment/art/20150617/19186598
翠翠 偷懶 留港 港影 婚照
PermaLink: https://articles.zkiz.com/?id=291032

十指緊扣上庭翠翠遭老公前妻禁聽審

1 : GS(14)@2015-07-23 01:20:20

■新婚第6日,翠翠昨與老公Raymond手拖手抵達灣仔法院。


葉翠翠和老公周曉東(Raymond)新婚第6日,昨日手拖手到灣仔區域法院家事法庭應訊,處理有關Raymond與前妻Grace Lam的贍養費問題。Raymond前妻在翠翠辦婚事期間入稟家事法庭申請快期,令二人未能即時出發去度蜜月,翠翠昨日聆訊後,表示未有因上庭一事影響新婚心情,她說:「其實旅行幾時去都得,只係希望可以盡快解決件事。反而感覺好似平時會落雨咁,而家似打風,但我哋會握住對方隻手,話畀對方知唔使驚,我哋一齊面對。」聽到有老婆支持,Raymond低頭甜笑。不過,Raymond前妻在庭內卻向主審法官提出要求,不准翠翠聽審,並申請閉門聆訊,翠翠只好留在法院內的休息室等候老公。被拒入庭內聽訊的翠翠離開時被記者追問,她無奈說:「其實我而家同老公係直屬關係,但因為前妻堅持唔肯,所以冇得入法庭,我亦都冇見到佢(Raymond前妻)。」



■翠翠高舉與Raymond緊握的雙手,又表示「冇嫁錯呢個老公」。

■被老公前妻禁聽審的翠翠,稱如何都與丈夫共同面對。



覺得好尷尬

閉門聆訊結束,暫定9月再審,翠翠表示會與Raymond一齊面對官司,而Raymond婚前多次傳欠女兒的生活費,當時翠翠挺身而出為Raymond解畫,今次翠翠離開法院時,為表支持老公,高舉二人緊握的雙手,又甜蜜對望,翠翠說:「我哋一齊面對,一齊搵律師。」重提被拒入庭一事,她謂感覺好尷尬,不過她堅決下次聆訊會再陪老公出現,她說:「最多喺間房仔裏面等。」採訪:盧妹攝影:陳順禎





來源: http://hk.apple.nextmedia.com/entertainment/art/20150717/19222068
十指 緊扣 上庭 庭翠 翠翠 翠遭 老公 前妻 聽審
PermaLink: https://articles.zkiz.com/?id=291676

葉翠翠度蜜月冇造人

1 : GS(14)@2015-09-26 08:24:31

■翠翠與老公Raymond手拖手離開法院。


葉翠翠與老公周曉東(Raymond)昨到灣仔區域法院家事法庭,繼續就Raymond與前妻Grace因贍養費及女兒生活費問題閉門聆訊,二人十指緊扣現身法庭,不過翠翠今次亦沒有進庭聽審,只在房間等候。約下午一時半,翠翠拖住老公離開時,表示所有事交由律師處理,翠翠說:「呢個唔係打官司,而係大家搵一個位去解決呢件事,應該可以好快解決到。」翠翠與丈夫剛從土耳其及希臘度完蜜月回港,問她有否把握機會造人?她笑說:「冇呀,佢(丈夫)成日話如果我有小朋友就會唔理佢,可能遲少少先啦,我哋有計劃。」採訪:溫敏芝攝影:陳俊強





來源: http://hk.apple.nextmedia.com/entertainment/art/20150926/19310157
葉翠 翠翠 翠度 蜜月 冇造 造人
PermaLink: https://articles.zkiz.com/?id=292627

翠翠孖老公超市掃貨

1 : GS(14)@2015-10-07 01:43:26

■葉翠翠與老公周曉東前日在超市僅逗留了5分鐘,就買了兩大袋戰利品。


葉翠翠與老公周曉東雖然之前要為前妻贍養費官司奔波,但無損新婚心情,前日又見夫妻二人恩愛拍拖行街;下午約5時許,周曉東駕駛白色寶馬載住戴上口罩的翠翠,由銅鑼灣開車往北角雲景道,泊好車後,翠翠和老公拖手行去超市,翠翠一副小鳥依人模樣,不時和老公貼面細語交談。二人在超市內極速掃貨,買了洋葱、廚房紙、梳打水及汽水等物品,僅5分鐘時間,就拿着兩大袋戰利品離開超市,其時發現有記者影相,翠翠神情有點兒緊張,當她在停車場等候老公開車門時,還問記者:「你哋幾時開始跟㗎?」之後二人就開車駛回賽西湖寓所。採訪、攝影:羅德光、朱志聰





來源: http://hk.apple.nextmedia.com/entertainment/art/20151006/19321915
翠翠 翠孖 老公 超市 掃貨
PermaLink: https://articles.zkiz.com/?id=292775

結婚半年努力造人翠翠凸肚出巡 老公攬實

1 : GS(14)@2015-12-28 14:41:22

【細心陪】■葉翠翠老公Raymond十分細心,陪凸肚老婆搭扶手電梯時立即拖到實。DV圖片








【中環】現年34歲的葉翠翠,今年7月嫁給拍拖不足一年的建築師兼公司副董事男友周曉東(Raymond),正式成為人妻。翠翠曾表示婚後會先與老公享受二人世界,再慢慢調理身體生B,不過最近有消息指新婚半年的他們,原來已經造人成功,《蘋果》前日於中環發現翠翠與老公拍拖逛中環,明顯肚凸凸。



「一直都努力緊」


05年港姐冠軍葉翠翠,在情路上幾經風雨,多年來傳過不少緋聞,直至今年7月才與Raymond修成正果。原打算先享受二人世界的他們,婚後改變初衷,積極造人,有知情者更向本報爆料,得悉翠翠上月曾病倒,當時發現她吃的藥是專門給孕婦患病時吃的種類。前日下午5時多,本報發現着短裙、長靴加大褸的翠翠,孖老公Raymond在中環行街,翠翠跟老公sweet到爆,Raymond等過馬路期間發現老婆頭髮被風吹亂,立即替老婆撥好,而全程着褸遮凸肚的翠翠,先跟老公去文華東方酒店嘆茶,再去置地shopping,其間二人要乘扶手電梯往下層,本來翠翠自己大步踏上去,但Raymond即時捉住並拖實,不讓她獨自行,超級細心。《蘋果》昨日致電翠翠問她是否有喜,她沒否認,只笑着說:「吓!係,一直都努力緊嘅!」記者表示見到她肚凸凸行中環,問她是否怕小器未講得?她說:「唔知呢!咁呢排係有啲嘢遲到咗嘅!」採訪、攝影:羅德光、小米



【危險行】■肚凸凸的翠翠着住高踭鞋行街,老公似乎有點提心吊膽。

【連體嬰】■周氏伉儷超級恩愛,無時無刻都攬到實。

【包到冚】■翠翠為遮凸肚,在室內亦全程不脫大褸。



來源: http://hk.apple.nextmedia.com/entertainment/art/20151228/19428831
結婚 半年 努力 造人 人翠 翠翠 翠凸 凸肚 出巡 老公 攬實
PermaLink: https://articles.zkiz.com/?id=294040

翠翠講陀B:未知住

1 : GS(14)@2016-01-19 23:06:32

葉翠翠昨日在旺角出席美容產品活動,早前肚凸凸疑似有喜的她,穿上4吋高踭鞋現身,小腹位置略減,她說:「未住,唔係,未知住。」是否未夠3個月不能公開?翠翠即解釋:「女仔要到下次先知,而家未到,自己都冇嘔冇唔舒服。」翠翠承認和老公都想生猴B,除了不設防外,還服中藥調理身體,家中存有大量驗孕工具。翠翠表示不少玄學家均預測她今年隨時有喜:「不過佢哋叮囑我,有咗唔好咁快同人講,要起碼5、6個月先講得。」翠翠並謂現時是適量工作,將來有喜也會繼續工作。採訪:譚倩宜攝影:葉君海





來源: http://hk.apple.nextmedia.com/entertainment/art/20160119/19457362
翠翠 翠講 講陀 未知
PermaLink: https://articles.zkiz.com/?id=294581

葉翠翠蹺實老公上庭

1 : GS(14)@2016-02-02 15:58:06

葉翠翠老公周曉東(Raymond)去年被前妻Grace Lam因贍養費及女兒生活費問題而入稟家事法庭,昨午3點20分,身穿白色外套、頸巾、黑褲及長boot的翠翠挽着老公抵達灣仔法院,見到翠翠全程用手護肚。約下午4時左右,Grace獨自離開時見有記者顯得很避忌,對提問亦沒有回答。15分鐘後,翠翠與老公十指緊扣離開法院時,她表示可能要踏入正式法律程序,亦暗指有人不是純粹為錢。Raymond有否被影響心情?他笑說:「太太承受咗好多,我諗要補償番。」有傳翠翠懷孕,她笑謂未有喜訊公佈,但目標是生猴年BB。採訪、攝影:黃曉妍





來源: http://hk.apple.nextmedia.com/entertainment/art/20160202/19475410
葉翠 翠翠 翠蹺 蹺實 老公 上庭
PermaLink: https://articles.zkiz.com/?id=295074

馮仁昭四圍超:葉翠翠上海拜會老公親戚

1 : GS(14)@2016-02-09 12:33:28

葉翠翠雖然密冚孕事,但之前佢講明一到猴年會有好消息公佈,睇嚟佢都準備開金口宣佈呢個好消息!前晚年廿九,翠翠喺上海老公周曉東(Raymond)嘅鄉下省親。今次佢係以周家媳婦身份,首次見老公嘅親戚,佢仲話約定下年同老公再到上海拜年,不過到時應該係三人行囉!撰文:馮仁昭





來源: http://hk.apple.nextmedia.com/entertainment/art/20160209/19484492
馮仁 仁昭 四圍 葉翠 翠翠 上海 拜會 老公 親戚
PermaLink: https://articles.zkiz.com/?id=295662

娛圈富婆:葉翠翠股神上身

1 : GS(14)@2016-04-13 17:08:58

葉翠翠


時代不斷在變,藝人不會單靠臉孔搵食,投資有道足以致富。過去有多位身家暴漲的女星,有的靠入市、做生意或其他。



葉翠翠 身家升3千倍

08年靠萬多元月薪,卻連環購入兩個共三千多萬元的北角賽西湖豪宅,她聲稱靠炒股賺錢,因而被封為「港姐股神」。




趙薇 擁78億

與老公黃有龍前年獲得阿里巴巴影業集團的股份,成為僅次於阿里巴巴的第二大股東,估計擁有逾78億港元身家,並於《2016胡潤全球富豪榜》北京最富101人中首次上榜。



劉嘉玲 三個月賺過億

幕前減產致力從商,投資餐飲業、護膚品,推出自家品牌紅酒、香檳,去年嘉玲的護膚品公司獲高價收購,創辦僅三個月已賺逾億。



范冰冰 公司逾7億

去年成立愛美神影視文化公司,註冊資本僅300萬人民幣,唐德影視最近宣佈擬現金收購范冰冰的公司,估值將不低於7.4億人民幣,身家再度暴升。





來源: http://hk.apple.nextmedia.com/entertainment/art/20160413/19568396
娛圈 富婆 葉翠 翠翠 翠股 股神 上身
PermaLink: https://articles.zkiz.com/?id=299220

葉翠翠大肚大躉大胃口老公估係仔:BB要似我

1 : GS(14)@2016-11-08 05:45:48

【圓潤現肚】■肚凸凸的葉翠翠前日拖實老公Raymond出巡食自助餐,並承認已陀B四個月。




【中環】現年35歲的葉翠翠去年閃嫁拍拖十個月、任建築公司副董事的周曉東(Raymond)成為人妻,婚後揚言會努力造人的她,終於傳來喜訊。本報前日拍到肚凸凸的翠翠拖實老公甜蜜出巡食自助餐,見她身形圓潤不少,一人食兩份,相當好胃口!同日翠翠率先向本報證實懷孕近四個月,她指做產檢仍未證實BB性別,但想要男嬰的老公問中醫「貼士」後,十分開心,更笑言BB要似自己。



尚有兩個多月便踏入雞年,繼車婉婉、張名雅及楊愛瑾先後宣佈陀B後,去年7月嫁給拍拖僅十個月、任建築公司副董事周曉東的葉翠翠,前日宣佈造人成功,將於明年添「雞丁」,她說:「係有咗三個幾四個月呀!因為老公怕BB小器,之前全部人都冇講,屋企人都係上一、兩個星期先知道。」問婚後全力造人的翠翠,坦言等這天等了很久,她笑說:「屋企有好多驗孕棒,唔同牌子加埋有幾打,今次都用咗三個唔同牌子驗。」翠翠又說:「我一直都有調理身體,知道有咗好開心,呢個係上天送畀我嘅禮物,我喺生日前知道呢件事,而預產期就會喺老公生日前。至於呢個消息可以講得畀人知嘅日子,又咁啱係奶奶生日,所以呢份係送畀奶奶最好嘅生日禮物。」



【老公傍實】■穿平底鞋的翠翠,下身明顯圓潤不少,由老公輕扶上樓梯。

【勁擦Buffet】■陀B的翠翠胃口超好,吃自助午餐由頭吃到尾。

■翠翠今年7月於微博上載泳照,當時仍未知自己造人成功。

老公感動到喊

翠翠又爆老公得悉她陀B好開心,她每次做產檢都堅持同行,她笑謂:「有次去做檢查,明明BB只得2cm大,老公已經話BB似佢,連醫生都忍唔住笑。」為了給老公驚喜,翠翠指當日她驗孕得知「中獎」後,未有第一時間通知老公,她說:「我忍到黃昏6點左右,我呃佢唔舒服,叫佢即刻返屋企,同時已經喺廁咗set咗個壇,放好晒啲驗孕棒,再寫住「I am pregnant」,我叫佢幫我入去攞廁紙,點知佢幾次都見唔到,見到嗰時就以為我整蠱佢,當知道係真,佢即刻感動到喊。」採訪:小米攝影:黃曉程、朱志聰




來源: http://hk.apple.nextmedia.com/entertainment/art/20161108/19825827
葉翠 翠翠 大肚 大躉 躉大 胃口 老公 估係 係仔 BB 要似 似我
PermaLink: https://articles.zkiz.com/?id=314440

葉翠翠陀B 4個月老公話係人生最開心事之一

1 : GS(14)@2016-11-08 05:45:49

【甜餵雪糕】■對翠翠千依百順的Raymond,在街上餵老婆食雪糕。DV圖片



問到想生女還是仔?翠翠說:「最緊要係BB健康,仔女唔係最重要,不過中醫已經畀咗貼士我哋,老公好開心,話BB一定要似佢。」翠翠指老爺及奶奶都很開心,已下令要他們搬去一起住,老公亦有講愛的宣言,她笑謂:「老公話人生最開心兩件事,第一件事係同我結婚,第二件事就係我有咗BB!」



【體貼照料】■Raymond在用餐期間到便利店買紙巾給老婆抹嘴,相當細心。DV圖片

嘆完茶食雪糕

本報前日拍到翠翠與老公手拖手現身中環蘇豪區,當日穿露肩鬆身裙、平底鞋的她明顯肚凸凸,身形亦圓潤不少,老公上落樓梯時亦扶實她。二人入餐廳後即開turbo食不停,翠翠的胃口亦超級好,兩公婆食自助餐撐枱腳撐足45分鐘。離開時,翠翠再向老公扭計買雪糕,愛妻號Raymond當然滿足老婆,更在街上餵翠翠食雪糕,十分甜蜜,之後二人才拖實離開。




來源: http://hk.apple.nextmedia.com/entertainment/art/20161108/19826285
葉翠 翠翠 翠陀 月老 公話 人生 開心 之一
PermaLink: https://articles.zkiz.com/?id=314442

葉翠翠四個月現晒巨肚生完即追隨時退出

1 : GS(14)@2016-11-14 01:00:31

2016-11-10 NM         [table=100%]                                                           
                                                                                                                                                                                                                                                                                                                                                                                                                                                                [table=100%]                                     [td=3,1]

葉翠翠去年跟建築師兼公司董事周曉東(Raymond)結婚後,即不設防密密造人,雖然食過詐胡,但努力一年終於得米!葉翠翠已經有餡四個月,感動到喊的Raymond落令老婆停工;原來早前拍劇體力透支,一度病倒入院。為求老婆輕鬆佗B同繼續追,計劃生四個的Raymond決定落閘,要翠翠退出娛樂圈。幸福小女人

十幾日前,本刊拍到葉翠翠同老公周曉東在太古廣場拍拖入貨,著平底鞋鬆身衫的葉翠翠挺住四個月肚,人逢喜事,將升呢做老豆的Raymond邊揀食物,邊攬錫老婆,sweet爆。在超市轉了幾個圈,Raymond在凍櫃掃了大堆芝士,之後去買果汁,大部分都是適合孕婦的營養食品,放入手推車前,他必定細心做QC,睇清楚食物標籤及成分;有愛妻號把關,葉翠翠一於做幸褔小女人,一切交由老公決定。行了半個鐘,在雪糕櫃前徘徊了好一陣的翠翠,突然又改變主意走去買麵包和朱古力冬甩。

肥肚唔肥人

「翠翠同Raymond都話BB係上天送俾佢哋嘅禮物,因為翠翠喺生日前知道有咗,預產期就同老公生日日子好接近。有咗之後,大肚婆胃口不知幾好,但佢keep住做啲簡單運動,所以都係肥咗落個肚,手腳都冇乜長肉。」知情者說。為了做媽咪,葉翠翠年多前開始睇中醫調理身體,加上老公改變飲食習慣全面配合,兩公婆都十分謹慎,不過自從六月埋位拍《愛.回家之八時入席》後,早開夜收,體力透支,幾乎前功盡廢。

入院吊鹽水

「翠翠近年都係做主持多,已經有一段時間冇拍電視劇,就算拍,都係輕輕鬆鬆客串幾集,所以監製搵佢開新劇仲要個角色度身訂造,就即刻應承。但因為太耐冇試過咁長時間開工,朝早六點入廠,凌晨四點半要起身,跟住拍到夜晚八、九點;佢試過一個月內睇咗八次醫生,好容易就感冒,有次仲辛苦到要入醫院吊鹽水。「嗰次之後,翠翠同監製商量過決定辭演,一來身體真係頂唔順,加上Raymond唔想老婆捱得咁辛苦,兩公婆為咗生B做咗咁多準備,真係唔想身體又再變差。九月生日後翠翠足三十五歲,已經步入高齡產婦階段,所以愈早生愈有着數。」

望生四個

老公講明想生四個,葉翠翠全面配合,打算生完即追第二個,肚皮有排忙,生完仲要湊,Raymond早已游說老婆退出。「翠翠做嘢好上心,容易緊張,有咗之後,Raymond已經叫老婆即刻停工,最好就退出幕前唔好再做。翠翠雖然口頭應承,但同無綫仲有約,不過嚟緊呢一年就一定開唔到工。其實兩公婆傾好咗生完即刻又嚟過,最理想係一年一個,生夠四個先收工。所以之後會唔會再做娛樂圈,翠翠自己都唔敢講到咁實在。」知情者說。

養生全面睇

一追再追

藝人偏向遲婚,所以婚後都不設防趕造人,唔少更生完一個緊接再一個,追到夠數為止。

陳豪三年抱三13年,陳豪與陳茵媺奉子成婚,同年12月誕下長子陳梓燁,15年2月次子陳浩鋒出世,今年更成功追埋個女Camilla,三年抱三,證明陳豪造B能力超強、陳茵媺更好生養。

徐子淇好字起孖06年尾,徐子淇下嫁李家誠成為千億新抱。翌年7月先誕下長女李晞彤,09年再添一女李晞兒,11年長子李俊熹出世後,五年抱三,徐子淇休息四年,去年再誕下幼子李建熹,兩個「好」字在手,收得工!

林盛斌逢三進一阿Bob與老婆黃碧玲08年5月誕下大女林霏兒後,11年才誕下次女林熹兒,之後又係隔三年,14年誕下細細女林機兒,喜歡「逢三進一」的他坦言仲要追多個。

雞年旺生B

歌仔都有得唱,「雞,全部都係雞,全部都係雞……」冇錯,明年出生的BB,全部都係雞BB,無論雞仔還是雞女,總之雞年旺生B。

楊愛瑾今年四月下嫁永安太子爺郭永淳,結束八年愛情長跑,婚後不設防的Miki本月初在ig留言:「Hey little thing , you make us go wild!」公布有喜。

Angelababy去年十月和黃曉明結婚後,已多次傳出Baby懷孕消息,上月廿一日,黃曉明在微博上載與老婆的出海背影照,並寫下:「三個人的旅行,以後還要一起很多次,感恩,媳婦兒∼」,向外證實將為人父。

謝安琪育有一子張瞻的Kay,老公張繼聰一直想追個女,難得老婆願意停工配合,今年九月,宣布追女成功,湊成「好」字。

林心如四十歲的林心如於今年七月下嫁霍建華時已經佗B,雖然雙喜臨門,但因未夠三個月,九月才承認有喜。

陳嘉樺台灣女子組合S.H.E成員陳嘉樺(Ella),和老公賴斯翔結婚四年多,上月廿二日上載拿着驗孕棒的照片,親證好消息。

撰文、攝影、攝錄:娛樂組                                            

                                                                                                                                                                                        
葉翠 翠翠 翠四 四個 個月 月現 現曬 曬巨 巨肚 肚生 生完 完即 即追 隨時 退出
PermaLink: https://articles.zkiz.com/?id=315397

翠翠升Cup晒巨肚

1 : GS(14)@2016-11-29 00:14:35

■葉翠翠昨日在微博貼出大肚三點式相,見她上圍升cup。



葉翠翠去年嫁給建築公司副董事周曉東,近日造人成功,翠翠本月初親證陀B近4個月,更有老公錫到燶貼心照顧。翠翠不時在微博貼出煲靚湯等養胎相,昨日更貼吸睛的三點式泳裝照,相中她浸在水中享受日光浴,估計她正身處異地度假,挺着巨肚的翠翠上圍目測由選港姐時的32A,谷奶升到C cup,她留言:「肚子大了不少,就算旅行也不可以懶惰,每天做適量運動,對BB是十分有幫助,也因為懷孕後吃太多東西了,做些運動對身體也有益處。在這裏定了目標,每天游泳兩次,當然要避開猛烈太陽的時候。」撰文:楊定




來源: http://hk.apple.nextmedia.com/entertainment/art/20161128/19847661
翠翠 翠升 Cup 曬巨 巨肚
PermaLink: https://articles.zkiz.com/?id=317384

無綫減人工兼停Job35歲葉翠翠劈炮

1 : GS(14)@2016-12-18 11:04:23

■懷孕5個月的葉翠翠,自爆被無綫要求減薪三分一,終決定提前解約。



葉翠翠前晚與老公周曉東一齊在炮台山開聖誕派對,亦宣佈與無綫結束十一年賓主關係。挺住5個月大肚的翠翠透露原本與公司仍有兩年合約,但被要求減薪三分一,她說:「本身唔算多(薪金),但《姊妹淘》cut咗我之後就冇嘢做,自己都知唔夠數交畀公司,明白唔會白畀人工,咁不如完咗約啦,全職照顧家人同BB,我哋係和平氣氛下傾完呢件事。」



■葉翠翠老公周曉東前晚突然多了「二撇雞」,未知是生長速度快,還是黐上去呢?

翠翠減薪寧願解約

翠翠又笑言老公是她經理人,而自己是老公的工人,會否要求每年加家用?翠翠望實老公說:「你唔會減呀?」好冤氣!有傳翠翠之後會轉做KOL,但她強調只是網上分享資訊,並沒有取報酬。




來源: http://hk.apple.nextmedia.com/entertainment/art/20161218/19869019
人工 兼停 Job 35 歲葉 葉翠 翠翠 翠劈 劈炮
PermaLink: https://articles.zkiz.com/?id=319480

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019