ZKIZ Archives


老豆一萬變100億神話 黃翠如:內疚益咗炒家

2016-04-21  NM

本週最「勵志」的故事,一定非黃翠如爸爸黃永華的神話莫屬。本來做賣魚佬、住公屋的翠如爸、九八年與兄長每人夾一萬蚊開設建築公司,上週這間建築公司聯旺(8217)在創業板上市。一日之間,由市值不足一億、一躍炒上百億,由無乜人識的建築公司,變成師奶散戶眼中的明星股。

本刊發現,去年底翠如爸才向政府的中小企貸款計劃借入四百萬,條件是「不可上市」,不足一年就改變計劃。揭開這隻股票的背後人脈,聯旺的保薦人為天財資本,天財資本同時為其他建築股如前進控股(1499)及日成控股(3708)上市,這類股份大部分一上市就離奇暴炒,而且幾乎用同一班律師擔任法律顧問。無論性質、重組過程、盈利模式都很相近,猶如「啤」出來。

過去這類公司的股價,最後只有一個結局——由高位跳降傘,散戶屍橫遍野。黃翠如於本週日,接受本刊訪問時多次表示:「益咗炒家好內疚!」

翠如爸的聯旺自上週二上市後,股價一度升到唔見頂。黃翠如久未開腔,原來她為此困擾多日,本週日終接受本刊電話訪問,坦言不想幫炒家做宣傳,現在已經好內疚,「我都唔知點同你講!你可能唔會信我,但我是覺得有點無助。我判斷能力好差嘅,我都唔係一個頭腦好清晰嘅人,我係諗到咩就講咩嘢。我好驚,唔知咩嘢事呀!開始時對爸爸的支持,到最後變成影響到家人,我覺得很內疚!」

她稱對股票毫不認識,「買過一次股票,而且蝕晒。」自此沒有再沾手股票,她擔心炒風是由她而起,「其實呢樣嘢,係唔係叫炒家呀?佢哋玩數字遊戲?我成日諗係唔係我的緣故呢,咁多新聞炒作,大家先有興趣去玩,這樣我很內疚的。所以我盡量乜都唔講,唔想變成替嗰班炒家做宣傳。」

賣殼賺過億

事實,炒作亦因黃翠如而起。於聯旺掛牌前,這隻股票根本無人認識。不過上週掛牌當日,在早上約十時,黃翠如於ig貼出與爸爸在港交所的合照後,令這隻股票成為整個星期的炒作焦點,股價由開市兩元,一度升穿十四元,比配售價$0.26,高出五十多倍!市值超逾一百億。但短期股價升跌對翠如爸並無直接關係,因為根據招股章程,上市申請人有六個月禁售期,黃翠如說:「我爸爸作為股東唔可以買賣,你哋一定好清楚,所以對我哋屋企人,呢啲數字完全無意義,爸爸仲係每日落地盤工作,我唔明點解引起咁大回響。」而根據中央結算系統,現時在證券行的街貨為總股數兩成半,正好是聯旺配售出來的股數。雖然無份炒股,不過成功上市的翠如爸,一年後如能成功賣殼,也能一鋪賺過億。尤其是現時殼股有價,價錢還要是二至五億。一名中小型租務公司老闆向本刊透露,曾有中間人表示可出資讓他上市,「有人約我上遊艇,摸住紅酒杯,話幫我出埋錢。佢哋有團隊一條龍去搞,到賣殼時才七三或者六四分賬。上唔到市都係只需俾番一半行政費。」

賣魚佬轉行做建築

記者上週五,曾前往翠如爸位於沙田石門的辦公室找他,不過他並不在。其辦公室可謂無門面可言,招牌細細塊,亦無接待處,只有兩個「妹」職員打躉,她們應門時說:「佢好少返來的,基本上喺地盤!」黃永華公司由裝修判頭做起,直至近年承接多個香港大型土木工程項目,包括西鐵線高架橋及港珠澳大橋。看似好勁,但其實只是二判,大部分項目都是由中國港灣、俊和及中國建築等大公司外判予他,有建築界老行尊表示根本未聽過他們的名字。而事實上,翠如曾於訪問中提及爸爸多年前曾於九龍灣經營魚檔,後來跟伯父、即聯旺的主席黃智果做建築,算是半途出家。記者曾到黃永華做魚販的街市及所住屋邨尋找他過去的足跡,但已無人記得他。黃氏一家現時報住馬鞍山聽濤雅苑,但多年前他們是住在馬鞍山恆安邨,○○年黃永華用三十幾萬買入這個屋邨單位,至今仍然持有。黃氏一家亦偶有投資,不過眼光就麻麻。如○五年黃永華用七百多萬買入一個沙田皇御居單位,一○年以五百多萬賣出,蝕一百八十萬;而一○年用一千三百多萬買入大圍名城一個單位,一五年又以一千二百多萬沽出。相反黃永華太太黎小娟以個人名義買的商廈單位包括葵昌中心及新貿中心等,分別有百幾萬「斬獲」。

借中小企禁上市

翠如爸九八年才與哥哥每人夾一萬元開公司,來到今天終於成功上市,但原來這個上市計劃,一直不是在他預計之內。翻睇上市文件,翠如爸的公司,去年中才透過香港按揭公司的中小企貸款計劃,借入四百萬元做公司的營運資金。根據這個貸款協議,聯旺並不可以將其股份於香港內外的主板或創業板上市。直到今年初,聯旺向銀行借錢,把從中小企借來的四百萬還清,亦即「債冚債」,「不可上市」這個協議才解除。去年才承諾不上市,又突然改變主意,中間當然有「高人」指點。聯旺的保薦人是天財資本,天財同時是其他建築股如前進控股(1499)及日成控股(3708),以及中國糖果(8182)、冠輝保安(8315)等的保薦人。這幾隻股份都離奇暴炒,而且全部都以毅柏律師事務所,作為開曼群島法律顧問,除了聯旺,上述幾間公司的香港法律顧問,都是龍炳坤及楊永安律師行。行內人士透露,保薦人除提供一條龍服務,幫公司籌備上市,又安排律師班底。去年一間叫大有融資的保薦人,先後替八間建築公司上市,當中有四間又是與龍炳坤及楊永安律師行合作,其中一間震昇工程(2277)的秘書胡遠輝,亦同樣是聯旺的公司秘書,可見各人是合作無間。有資深人士指,找建築股上市,是貪他們資產少,他日賣殼乾淨利落。「好多建築商搵唔到錢,毛利只有百分之三。上一次市,股價有得狂升,殼價有幾億喎!」 他指近年香港的確多了很多基建,要谷收入較為容易,只要用低過行家的價錢搶標,有一定生意額。而事實上,創業板對公司盈利並無要求,只要接夠生意,即使是蝕錢都可以上市。

背後玩家起底

聯旺上市後,炒到百億市值,以其截至去年三月底全年盈利一千八百幾萬元計,市盈率達六百倍。不過做過多宗大型基建的惠記集團副主席兼行政總裁單偉彪指,這類建築股,市盈率最好那一間亦只是七、八倍,「現在香港的建築公司大部分PE比較低,好似我們做地基也只是四倍多。即使是前景很好,都是七倍、八倍。如果間公司一年賺一千萬的話,他的公司最多都係市值七千萬囉,唔會多過這個數,除非前景無限好啦,不過又唔似。」如果以市盈率七倍計,聯旺市值最多值一億二千幾萬,亦即股價要跌近九成九!不過炒家玩創業板玩到出神入化,公司的業績如何、基本因素如何、根本無需理會,上到市,貨源歸邊,背後庄家就有方法舞高弄低。根據中央結算系統持股記錄,聯旺由鼎成證券持倉最多,達百分之八點七六,其次是海通證券、六福證券及貝格隆證券。當中鼎成證券及貝格隆證券持有聯旺街貨超過四成五,據知已引起證監會關注。持有貝格隆證券的隆成集團(1225),去年八月以一供三比例供股,當時的包銷商就是鼎成證券。隆成供股,令持股達百分之八的獨立股評人David Webb不滿小股東股份被攤薄,去年曾寫過一篇文章,一層層揭開隆成背後的網絡,文章中出現過的股票名字,包括中國環保能源(986)、新確科技(1063)及中國汽車內飾(48)等。而據知這幾隻股票,與近年在財經界冒起,並與多個細股玩家有交往的紅人葉志輝(Steven Ip)大有關係,其兄葉志明曾任新確科技的執董。據一名有出席當日上市儀式的市場人士指,Steven Ip於聯旺上市當日都有現身支持。

恐成中國集成翻版

過去股份被炒高後,就會有一班「懵盛盛」的散戶接貨,之後的故事當然是大庄家散水,散戶坐艇。事實上,上星期聯旺股價炒上,成交最多的包括滙豐、中銀及恒生等散戶常用的證券行,而股價急跌當日,又是這類證券行出貨最多,相反持股最多的幾大證券行,就仍然按兵不動。現時聯旺的股價已被夾至高到上太空,每手要八萬元,令散貨難度大增。有熟悉庄家玩法的市場人士指近年流行一個新玩法,「唔使靠散戶,一個庄家手上面有好多隻殼,佢可以用手上其他上市公司的錢,去接咗呢批貨,唔使多,每隻殼公司出幾千萬,每單銀碼細,亦根本唔使公布。」睇番往績,同時由鼎成證券及貝格隆證券持倉較多的股份,還包括中國集成(1027)(前身是集成傘業),早輪這隻股份的股價如跳降傘一樣,跟風的散戶已屍橫遍野。一個又一個的悲慘案例,究竟大家幾時先醒?

撰文:梁佩均、孫樂祈資料:梁延宇news@nextdigital.com.hk

老豆 一萬 萬變 100 神話 黃翠 翠如 內疚 益咗 炒家
PermaLink: https://articles.zkiz.com/?id=193616

對面台特約: 黃翠如,黃翠如

1 : GS(14)@2013-05-19 17:04:56

http://www.inv168.com/phpBB3/viewtopic.php?f=5&p=1801429

47秒那個位
2 : GS(14)@2013-05-19 17:05:57

http://hk.apple.nextmedia.com/enews/realtime/20130519/51417072


「我的第一次出鏡機會是在鼎鼎大名的《鏗鏘集》。不是科學偉人,不是政治要人,不是教育強人,不是醫療聖人,《鏗鏘集》竟然選擇了我這個渺小的中六生成為其中一角,說的是我的戲劇,我的夢想和我當年只有十六年的人生。」

這個當年只有17歲的主播,姓黃名翠如,暱稱翠如BB,前有線娛樂新聞台主播,如今是無綫力捧對象。當年BB拍咗其中一集《鏗鏘集》,名為《青春萬歲》,以一個預科中六學生身份(片中報稱自己係17歲),初挑大樑做今集主角。

Opening翠如BB介紹自己時話:「黃翠如,黃翠如,所以大家都叫我『水魚』,我今年17歲,讀緊中六,我有兩個死黨,一個李卓傑,一個黎玉清。」原來三人都是演話劇發燒友,夢想齊齊入演藝學院。片中還有很多翠如BB綵排話劇的片段。Pure,真是pure。當時友人更笑她為人依賴,包括常常依賴朋友,和男朋友。



除咗睇pure BB,還有何特別之處?就是片中,翠如BB提到六四。當時是1999年,六四十周年,當年7萬人參加維園燭光晚會。

17歲的翠如BB,在1989年那一年,7歲;17歲,佢參演咗學校一個話劇,名為《我歌華夏情濃》,故事以日本侵華做背景。而翠如BB的校園——五旬節林漢光中學內,還貼有不少五四運動的歷史圖片。當時翠如BB語帶哭音說:「五四運動,六四運動,好無奈,真係好無奈。呢種感覺…我哋好傷心。你見到不斷咁有人死,死傷嘅人係無數。自己嘅軍隊,將自己國家未來嘅棟樑一個一個咁殺死,佢哋應該反思番以前五四運動發生啲乜嘢,唔應該再俾呢個歷史,再循環返嚟。」

「依家一個著普通嘅中學生,佢唔清楚五四運動,我哋唔會覺得好奇怪囉。中國以前有好多,好純潔,好有思想嘅學生,佢哋係會為國家付出;依家嘅社會,乜嘢嘢都係講錢,好似變咗其他嘅嘢都被鄙視。如果你同人講愛,講民主,人哋會話你係老古董。」

同一個黃翠如,今天卻被安排以「港女」身份,主持《走過浮華大地》,物質,虛榮……仍然相信,這個翠如BB,不是同一個翠如BB。

順帶一提,翠如BB後來沒有進演藝,而是去了浸大,公關及廣告系畢業。曾於廣告公司做客戶服務的暑期工作,2003年加入香港有線電視,更曾因為訪問周星馳一舉成名。後轉任有線娛樂新聞台主播,2012年跳糟無綫,備受力捧。
3 : GS(14)@2013-05-19 17:06:23

生果真是抽水無限次
4 : GS(14)@2013-05-19 17:07:25

http://m.hkgolden.com/view.aspx?message=4424585&type=ET
黃翠如就好似1支來自82年既Lafite, 飲一枝就少一枝
就算比你擁有, 你都唔會捨得飲佢
同樣係紅酒,點解82年既Lafite係晒令人回味?我唔知,我只係知當大家追逐緊心目中既飲品時就會諗起佢
82年既Lafite就好似黃翠如咁你要有一定既年齡先會識得欣賞。點解?
因為當係嘗試過d塊面既防腐劑比可樂更多既港女,同d只係識得跟風既starbucks mk妹
你就會明白你唔再想飲呢零內涵既飲品

但有一日你發現黃翠如又pure同ture, 又獨立思想,又帶點傻氣,又唔自我中心, 又有氣質,又笑果時又甜,
佢就好似一枝82年既Lafite放係你面前,你會沉迷,你會愛上
但你會可恨自己點解永遠都擁有唔到呢枝82年既Lafite, 又或者呢個年份既Lafite只應天上有

當有一日你同d港女傾計佢同你講頭先杯gap不千奴好正時
你會抬起頭, 笑一笑, 腦海中出現82年Lafite既味道
回想起地平線上這個世界那些人既黃翠如,你會慢慢唔再想見到前面個港女

對我地呢D浪子黎講,佢既真係值得回味既療傷系列,唔係個個人都識品嘗,
唔識品嘗既你係因為太年輕,仲停留係睇AV打J既階段。
當你長大左之後,你唔會再想飲可樂,王老吉,益力多,starbucks 而係一枝來自82年既Lafite。
5 : VA(33206)@2013-05-19 17:09:34

翠如BB有冇仔? 洪永成?
6 : GS(14)@2013-05-19 17:16:12

5樓提及
翠如BB有冇仔? 洪永成?


2:06 玉清把口講左
7 : VA(33206)@2013-05-19 17:21:07

6樓提及
5樓提及
翠如BB有冇仔? 洪永成?


2:06 玉清把口講左


睇得好仔細
8 : GS(14)@2013-05-19 17:21:21

就是bold 左那段,肯定是她

https://zh.wikipedia.org/wiki/%E9%BB%83%E7%BF%A0%E5%A6%82
黃翠如
黃翠如(英文名:Priscilla Wong,1981年10月23日-),香港新聞從業人、節目主持人,是香港電視廣播有限公司旗下經理人合約女藝員。黃在2000年預科畢業於五旬節林漢光中學,大學畢業於香港浸會大學傳理學院公關及廣告系,曾於廣告公司做客戶服務的暑期工作,2003年加入香港有線電視,擔任有線娛樂新聞台主播,2012年轉職至無線電視(TVB),並於同年7月開始拍攝劇集,亦是監製李艷芳的御用演員。

簡介

在有線娛樂新聞台兩年間,由於經常獲得訪問周星馳的機會,被喻為「周星馳御用主持」[2]。2007年,毅然放棄主播的工作,轉而擔任有線娛樂台的節目主持[3],曾聯同蘇民峰拍攝全新真人Show旅遊節目《40日峰狂嘆世界》及《活得很滋味》等旅遊節目。而黃翠如亦獲驕陽電影力捧為女主角,拍攝電影《妙狗仁心》[4]及《奪標》。

《活得很滋味》完結後,黃翠如於2010年過檔有線電視的主要競爭對手——now寬頻電視旗下now香港台的《Lifetival》及《一個地球》(第四季)節目主持,並參與另一節目《老虎都要 party》的演出。同年7月開始,她亦開始於頭條日報寫專欄。就在now寬頻電視於同年計劃進行革新的時候,她毅然決定回歸有線電視擔任主持工作[5],並取代了潘杰寧於娛樂台的工作位置。

黃翠如於2012年4月正式加入無線電視(TVB),她在微博上公開了無線的工作證。[6][7]對於她的「過檔」,無線外事部副總監曾醒明就說:「黃翠如是娛樂新聞台出身,是可造之材,有出鏡經驗、說話淡定。過往很多人都說,TVB好像來來去去都是那幾個人,我們希望能夠增加一些新面孔。」[6]。''

http://clementnet.wordpress.com/ ... %E7%BF%A0%E5%A6%82/
我不是甘比 黃翠如
早兩期訪問張衞健,他這樣形容電影《奪標》裡的拍檔黃翠如:
「都未見過咁古怪o既女仔。以前拍戲,o的女仔點都走o黎獻下殷勤,同你傾下偈,食下o野。佢完全無睬我,只係坐埋一邊。」
把這番說話告訴黃翠如,她哈哈大笑,「我比較蠢,唔知o的前輩點諗,少做少錯,唔做唔錯嘛!」
張衞健形容得一點沒錯,黃翠如的確比較「怪」。明明是有「周星馳御用主播」之稱的娛樂新聞台當紅姐仔,卻自我放棄,走去曝光率低一大截的娛樂台主持旅遊節目,跟蘇民峰吃喝玩樂。
埋星爺堆好還是跟蘇師傅有so,前兩年可能很難說準;今時今日,師傅半退休,星爺卻一手把當年娛記愛將變成另一富豪的愛將。他何止懂趨吉避凶,直頭能改變命運!
事到如今,只能認同黃翠如說法:比較蠢。
算了吧,那邊廂富豪的金枝慾孽才剛剛揭幕,甘比是福是禍還有待商榷;這邊廂的黃翠如,不用被人質疑「上進心」,也高高興興做了電影女主角。
呂麗君教落,做女人最緊要做「阿一」。係無得住Mayfair o者,但黃翠如返到屋企,都有湯飲。

上鏡就緊張
在浸大讀傳理系的黃翠如,畢業那年,正值SARS。
「本來想做廣告公司,寄了幾十封信,沒有一封有回音。有線娛樂新聞台到大學來招募,台前幕後所有post我都申請。」
甚麼製作助理、初級攝影師、撰稿員等黃翠如都申請,最後做了主播,負責採訪和報道娛樂新聞。這不是少女發明星夢的故事,只是黃翠如在應屆同學之中外形較好,工作揀了她。
「做落才知大鑊,一上鏡就緊張。我轉數慢,經常dead air,無記性又多懶音。出外採訪藝人更加驚,連採訪出名好人的周啟邦先生夫人,都怕得要死!」
娛樂新聞而已,觀眾對主播要求根本不高,但黃翠如居然接到投訴信。
最初接拍《奪標》,黃翠如一直不敢告訴人自己是女主角。「萬一做得唔好俾人換角,咁咪好瘀?」
「是個浸大師姐寫信去公司,批評我咬字不清,不夠專業,應該炒o左我。我知道後喊o左好耐。」
主播之中冒起得最快是陳貝兒,其餘衛志豪、陸浩明等也漸漸為人熟悉。很多主播做了幾個月便往外地採訪,陳貝兒老早去過康城,其他人也常去日本、韓國、台灣。黃翠如做了一年多,才被派往無錫做「太陽計劃」。
「其實都知道自己是表現最差那個。像梅艷芳出殯,新聞台連續四十八小時直播,我被派做早上六時至九時那個最無人看的時段,挫敗感很大。」
黃翠如性格害羞怕事,又是虔誠基督徒,連問方力申與鄧麗欣的緋聞,都覺得尷尬。
「人o地都答o左好幾次,再追問落去覺得自己似八婆。有次陳奕迅用廣東話同我做訪問,遭TVB封殺了幾個月,我好內疚!」
黃翠如是近年難得周星馳會俾面的記者。

御乜鬼用o丫
這樣一頭小羔羊,何以成為「周星馳御用女主播」?太匪夷所思吧?相比起早年成功埋周星馳身的甘比,黃翠如是那種連「手段」兩個字都不知怎樣寫的人。
「那次可能是Janice(陳貝兒)放假,公司派我去東京採訪電影節。星爺一早講好只做日本和大陸媒體訪問,我帶著湖南電視台的咪牌,成功混了進酒店,打算『(舌累)』他講一兩句而已。
「其實,知道要訪問星爺,我驚到震。一方面好想做到,但另一方面,又好希望佢真係拒絕。」
黃翠如在周星馳下榻酒店等了一天,每次對方身邊的工作人員走過,她都不厭其煩地『(舌累)』人家,人家見她楚楚可憐,終於給她安排。
「估唔到星爺第一句就同我講:『我知你叫黃翠如o丫嘛!』好受寵若驚。」
周星馳那次宣傳《功夫》,黃翠如問了大概「你身形咁fit,係練番o黎定電腦效果」這類自以為「幾有point」的問題,周星馳也居然頭頭是道地答了幾分鐘。
片段出街,黃翠如猶如立了大功。「出trip無o野返好大鑊,我都係怕俾人炒,先死(舌累)爛(舌累),其他記者當然唔會咁做。」
或許是傻人有傻福,之後幾次再做周星馳,公司再派她,她都成功而回。也有說周星馳見到黃翠如才肯接受有線訪問,「御用」兩字不脛而走。
「御乜鬼用o丫,今時今日諗起,都仲好驚!」
與蘇民峰環遊世界四十日,好多人恨都恨唔到。

自斷米路
黃翠如的懶音,後期改善了不少,但不等如她適合做娛樂新聞主播。
「新聞台的工作一直做得不開心,是我主動提出轉去做旅遊節目。如果公司不批准,那就索性轉行。」
新聞台曝光率高,主播個個有商場騷;黃翠如提出轉做旅遊節目,等如自斷米路。
「同事都勸我諗清楚,離開新聞台,會少好多曝光機會,但這些外快,我根本賺不來。有次做個簡單到不得了的『大角嘴街坊福利會聯歡晚會』,明明準備好,上到台都可以將嘉賓名字全部讀錯!大半年後才收到錢,他們應該對我很不滿。」
黃翠如沒有語言天分,做主播也欠台型,但勝在有自知知明。○六年正式轉做《活得很滋味》主持。
「出外介紹風土人情,我覺得很自在。自己搵資料和寫稿,好有滿足感。」
塞翁失馬,誤打誤撞走出一條更好的路。去年夥拍蘇民峰環遊世界,算是代表作。
黃翠如是女主角,但去到那裡都拉著吳天瑜合照,她說:「佢不嬲行性感路線,有佢o係身邊,就唔會點影我,我就唔使煩。」
「後尾至知,公司俾o左好多女仔蘇師傅揀,師傅睇到我張相,覺得我易相處,先揀我。」
她有宗教信仰,連叫師傅「贈兩句」都費事,將來能否大紅大紫一概不問,一於樂天知命到底。今年被徐小明揀中做《奪標》女主角,除了再說多一次傻人有傻福,真的不知可以說甚麼。
「我知自己不是最標青那個,講樣靚,公司有Zoe(譚凱琪);講sexy,有吳天瑜;講高貴,又有Janice。我都有問過徐生為何揀我?他說:『我就係貪你平凡,似o舊木頭,而我就係木匠,可以將你雕刻成一塊靚木。』」
「木頭人」黃翠如做了女主角,也沒有多大的興奮,只是多了少少自信,不再動不動妄自菲薄。
「中學時我是演drama的,參加過校際話劇比賽,還拿了獎學金去倫敦上了一個暑期班呢!」
唯一一單緋聞,是與國內演員王凱。王凱為黃曉明同門師弟,兩人被拍得在尖沙嘴互餵雞蛋仔。「佢係同我一齊拍戲o架,o黎到香港,搵我做導遊咋!」是但啦,又唔係咩巨星,真定假都無乜所謂!

主角身邊那個
原來是入錯行而已。黃翠如最初,的確是想考演藝。
「演戲無保障,都係揀傳理。」
黃翠如來自低下階層,父母生了五個女兒,她排第二。童年往藍田木屋區,一家七口睡兩張床。
「爸爸是潮州人,我們幾個女他其實好錫,但親戚壓力,點都想追個仔。」
母親在醫院生第五胎時,她和家姐在家中祈禱,希望是細佬。
「外人不會明白我們一家的求子心切。當爸爸打電話回來說『又係女』,我和家姐都哭了。
「那時好嬲上帝,想要個仔o者,咁都唔得?但現在慶幸那個是女,一家人才會開開心心,注意力不會集中在一個人身上。」
她信教,不過是因為小時候家裡負擔不了托兒所,母親便把姊妹們送到教堂代為照顧。黃父早年做小販,有幾年在九龍灣街市賣魚,黃翠如便經常流連街市。
小時候口齒不清,差點被送往弱能學校。「媽咪送過我去做評估,話只係小小語言障礙,慢慢改得番,唔係弱智,可返正常小學。」
「執人o地唔要o既番薯,o係天橋底點著報紙,玩燒番薯。屋企雖然窮,但都可以好多o野玩。」
中學唸沙田五旬節林漢光中學,中四開始,父親轉做裝修判頭,環境開始改善。她也開始打扮,同學都認為她靚女,玩話劇預她一份。
「我又高又瘦又寒背,成日覺得似一排骷髏骨頭在行路就真!」
依然自信欠奉。或許,娛樂圈自以為是自信爆棚的人太多,這類「擔屎唔偷食」的鄰家女孩,符符碌碌反而熬出頭來。
「做不做女主角其實無所謂,主角身邊那個位對我來說更好,不會被人抨擊,但又影到我喎。」
與世無爭,但偏偏從事競爭最大的行業。
「以我這樣性格,只可以在有線生存,去到其他要跟人social的電視台,肯定死梗!」
「做新聞台時一o舊飯,做旅遊節目主持先係真正開心!」我o地睇相都知。

娛記
黃翠如是我見過之中最不像藝人的藝人。不是指她甫士不pro,也不是說她詞不達意,是指她的性格。
「咁多年一直當自己只係記者,出去採訪,要同其他記者一樣爭位、攝咪,一樣俾實Q推開,如果當自己係藝人,會好尷尬。況且,我覺得『記者』呢個職業好型,過海關一定填reporter,官員對你特別尊重。填artiste?只會覺得你扮晒o野。
「早幾年大劉同王穎妤拍拖,我都有o係福臨門等過佢。當年同我一齊等o既行家,有o的最近訪問番我,我反而覺得好唔舒服。」
有娛記想盡辦法飛上枝頭,有的起飛了又想變回娛記……
看到這裡,讀者應該可以放心,不是個個娛記,都是甘比。
留言集
我不是甘比 黃翠如
撰文:林蕾
攝影:袁家樂
協力:陳兆基
化妝:AngelWong
服裝:Guess
(摘自「我不是甘比 黃翠如」 – 《忽然一周》 – 694期)
9 : GS(14)@2013-05-19 17:22:15

http://hk.apple.nextmedia.com/entertainment/art/20120424/16275339


之前喺有線娛樂新聞台做主播嘅黃翠如,做做吓走咗去主持旅遊節目《這個世界那些人》,攞起背囊走遍世界好多地方。做完個騷黃翠如終於有新工作,前晚佢喺微博貼咗張無綫工作證,正式宣佈加盟,咁又係,無綫俾人挖走唔少人,梗係請番啲救兵。黃翠如留言:「拿了新的工作證,悠長假期結束,告訴自己勇敢向前走吧……」唔少有線舊戰友好似區永權等留言為佢打氣,以前喺有線做過、家喺無綫嘅梁嘉琪仲話有機會一齊做嘢相當開心。
10 : GS(14)@2013-05-19 17:22:33

7樓提及
6樓提及
5樓提及
翠如BB有冇仔? 洪永成?


2:06 玉清把口講左


睇得好仔細


大概睇左一次啦
11 : GS(14)@2013-05-19 17:24:12

講野的某部分特徵無變到
12 : GS(14)@2013-05-19 17:26:24

到呢段特徵仲在
13 : GS(14)@2013-05-19 17:27:34

到近期,那個特徵少左,改左抖啖氣至講,所以講野就好似無咁緊張啦

不過把聲真是無變得好多,只是抖左啖氣之後,講野輕左
14 : GS(14)@2013-05-19 17:42:40

跟到前幾日先,把聲真是都是那個習慣,通常唔夠大份的女仔都有呢個現象
15 : ant2012(35387)@2013-05-19 17:51:32

湯兄好似好like咁
16 : GS(14)@2013-05-19 17:58:41

幫她做個紀錄,起個底,好似做股票功課咁之嘛
17 : ant2012(35387)@2013-05-19 18:02:54

16樓提及
幫她做個紀錄,起個底,好似做股票功課咁之嘛


由晤見妳幫其他人做?


Okay wor,我都like
18 : GS(14)@2013-05-19 18:04:43

17樓提及
16樓提及
幫她做個紀錄,起個底,好似做股票功課咁之嘛


由晤見妳幫其他人做?


Okay wor,我都like


因為這個是可以在十幾年前電視上找到細個樣,又唔算是藝人的人物
19 : ant2012(35387)@2013-05-19 18:06:14

18樓提及
17樓提及
16樓提及
幫她做個紀錄,起個底,好似做股票功課咁之嘛


由晤見妳幫其他人做?


Okay wor,我都like


因為這個是可以在十幾年前電視上找到細個樣,又唔算是藝人的人物


Gem bb
20 : GS(14)@2013-05-19 18:09:21

GEM 好似有
21 : GS(14)@2013-05-19 18:10:11

不如你搞個GEM 出來,我無咁多片
22 : ant2012(35387)@2013-05-19 18:11:21

21樓提及
不如你搞個GEM 出來,我無咁多片


Later 啦,搵錢先
23 : GS(14)@2013-05-19 18:18:28

唉,真是我得閒就做啦,我仲趕緊文
24 : VA(33206)@2013-05-19 18:20:41

我要未變壊的嘉欣bb
25 : GS(14)@2013-05-19 18:25:52

http://evchk.wikia.com/wiki/%E9%8D%BE%E5%98%89%E6%AC%A3


26 : VA(33206)@2013-05-19 18:28:14

印證娛樂圈是大染缸
27 : GS(14)@2013-05-19 18:30:36

睇睇
28 : GS(14)@2013-05-19 18:38:58

22樓提及
21樓提及
不如你搞個GEM 出來,我無咁多片


Later 啦,搵錢先


http://realforum.zkiz.com/thread.php?tid=46143
記得啦,之前有貼過
29 : GS(14)@2013-05-19 18:41:29

http://www.tudou.com/programs/view/HRUrl3Bxuxc/
當選那段
30 : GS(14)@2013-05-19 19:16:44

http://tvb4life.pixnet.net/blog/ ... -%E8%9F%B9%E8%B2%A8

唔好想到下一句呀
31 : greatsoup38(830)@2013-05-21 16:39:03

http://www.sharpdaily.hk/article ... 6%E8%BD%89%E8%BB%9A

【本報訊】黃翠如14年前為《鏗鏘集》講六四片段被熱炒,拍《舌劍上的公堂》和田蕊妮又被指爭做主角鬧不和,前晚一班《舌劍》人員在佐敦搞煞科宴,翠如和阿田零交流,但之後他們在微博貼攬頭攬頸相。提到六四片熱爆網,翠如說:「以前自己嘅想法好誠實,人長大咗,睇法會唔同,而家我嘅睇法就唔會講。」
32 : greatsoup38(830)@2013-05-21 18:47:02

http://hk.apple.nextmedia.com/entertainment/art/20130521/18266182


黃翠如呢期紅爆,除咗深得高層余詠珊寵愛外,連14年前為《鏗鏘集》講六四嘅片都被人拎番出嚟,加上最近又同田蕊妮傳不和,仲話杜汶澤睇唔過眼老婆由第一女主角淪為第二女主角,所以喺網上鬧爆無綫,翠如BB真係樹大招風。
前晚翠如BB同田蕊妮等一班無綫新劇《舌劍上的公堂》嘅演員喺佐敦出席煞科宴,翠如BB喺現場同阿田冇乜交流,只係應傳媒要求合照,不過之後佢哋喺微博又上載攬頭攬頸相,都唔知係真friend定假friend。
阿田唔唱老公歌

提到翠如BB段講六四嘅片熱爆網絡,佢避重就輕話:「好得意,睇番以前嘅自己,好想講以前自己嘅想法好誠實。人長大咗,睇法亦會唔同,而家我嘅睇法就唔會講嘞。」唔通怕政治敏感?佢話唔關藝人身份事,只係怕睇法會影響其他人,佢亦唔驚會影響內地工作:「當時自己係16歲,未到17歲嘅小朋友。」不過一問到佢會唔會再拍同類片時,翠如BB就支吾以對話:「始終好感激當時有呢個機會,要去接受同了解當時嘅自己,因為我唔記得咗嗰一年嘅我。」
阿田自爆嚟緊會同無綫請長假做一件人生第二次大事,嗰件事就係錄歌出碟,佢話:「係黃柏高同我出大碟,會翻唱其他男人嘅歌。」不過佢就無意翻唱老公嘅歌,仲拒絕話:「嗰啲係佢人生污點,唔好再翻唱佢污點,會令佢蒙羞。」
版主:陳基征


33 : ant2012(35387)@2013-05-21 18:50:57

32樓提及
http://hk.apple.nextmedia.com/entertainment/art/20130521/18266182


黃翠如呢期紅爆,除咗深得高層余詠珊寵愛外,連14年前為《鏗鏘集》講六四嘅片都被人拎番出嚟,加上最近又同田蕊妮傳不和,仲話杜汶澤睇唔過眼老婆由第一女主角淪為第二女主角,所以喺網上鬧爆無綫,翠如BB真係樹大招風。
前晚翠如BB同田蕊妮等一班無綫新劇《舌劍上的公堂》嘅演員喺佐敦出席煞科宴,翠如BB喺現場同阿田冇乜交流,只係應傳媒要求合照,不過之後佢哋喺微博又上載攬頭攬頸相,都唔知係真friend定假friend。
阿田唔唱老公歌

提到翠如BB段講六四嘅片熱爆網絡,佢避重就輕話:「好得意,睇番以前嘅自己,好想講以前自己嘅想法好誠實。人長大咗,睇法亦會唔同,而家我嘅睇法就唔會講嘞。」唔通怕政治敏感?佢話唔關藝人身份事,只係怕睇法會影響其他人,佢亦唔驚會影響內地工作:「當時自己係16歲,未到17歲嘅小朋友。」不過一問到佢會唔會再拍同類片時,翠如BB就支吾以對話:「始終好感激當時有呢個機會,要去接受同了解當時嘅自己,因為我唔記得咗嗰一年嘅我。」
阿田自爆嚟緊會同無綫請長假做一件人生第二次大事,嗰件事就係錄歌出碟,佢話:「係黃柏高同我出大碟,會翻唱其他男人嘅歌。」不過佢就無意翻唱老公嘅歌,仲拒絕話:「嗰啲係佢人生污點,唔好再翻唱佢污點,會令佢蒙羞。」
版主:陳基征



湯兄真係好like
34 : greatsoup38(830)@2013-05-21 18:54:44

好得意個樣
35 : ant2012(35387)@2013-05-21 19:39:34

34樓提及
好得意個樣


30 la wor
36 : greatsoup38(830)@2013-05-21 19:44:27

真是覺得他無30
37 : greatsoup38(830)@2013-05-23 13:53:03

http://hk.apple.nextmedia.com/entertainment/art/20130523/18268425
受無綫力捧的黃翠如在大晒冷中獲安排站在第二排,位置雖然不錯,但翠如BB一臉愁容,原來因為她讀中六時在《鏗鏘集》談對六四事件的看法最近被翻舊賬,令她心情受困擾。
昨日再提起此事,翠如眼紅紅表示說話被扭曲:「我當時唔係講六四,只係講女仔嘅夢想俾人套喺六四事件上。」是否怕敏感而要「跳船」玩失憶?翠如說:「俾人咁講好奇怪,我都係香港人,呢件事唔會忘記,每人有唔同諗法同表達方法,點解硬要套入我度?唔好將大罪名放喺我身上。」另她表示有興趣做世界盃主持,但不會自薦。
38 : greatsoup38(830)@2013-05-24 17:46:02

http://hk.apple.nextmedia.com/entertainment/art/20130524/18269463

黃翠如十多年前接受《鏗鏘集》訪問講六四,最近被舊事重提,昨日她與梁烈唯到旺角出席財務公司活動,翠如BB表示心情良好,她說:「今日起身見到有陽光,所以個人充滿晒正能量,公司完全冇叫過我唔好講敏感話題,我係唔會變嘅,我係黃翠如,係一個好開心嘅人」。
翠如BB又提到會學習安靜以免講多錯多,她說:「我想將安靜兩個字寫喺手上面,唔只係講嘢方面,連做人態度都係。」梁烈唯則自爆當年初入行因自己過度花費而要向信貸公司借貸。
採訪、攝影:藍文浩



39 : greatsoup38(830)@2013-05-25 14:57:43

http://evchk.wikia.com/wiki/%E9%BB%83%E7%BF%A0%E5%A6%82
d人是好無聊
40 : ant2012(35387)@2013-05-25 16:26:05

39樓提及
http://evchk.wikia.com/wiki/%E9%BB%83%E7%BF%A0%E5%A6%82
d人是好無聊


咁似你整出嚟既
41 : greatsoup38(830)@2013-05-25 16:32:35

40樓提及
39樓提及
http://evchk.wikia.com/wiki/%E9%BB%83%E7%BF%A0%E5%A6%82
d人是好無聊


咁似你整出嚟既


我無整呀
42 : greatsoup38(830)@2013-05-25 17:13:45

http://www2.news.sina.com.hk/news/20130525/-18-2977698/1.html

翠如被拍得買平價衫。

黃翠如自認慳家

【東方日報專訊】新紮姐仔黃翠如自有線過檔無綫後工作不斷,人氣急升,但昨日卻被《好報》獨家踢爆只是表面風光,原為有線一線主持的她,全盛期月入近六萬,但加盟無綫後收入大減,要節衣縮食的翠如BB日前直闖尖沙咀加連威老道執平價衫及化妝品,並以80元買下波點頸巾,之後即披上頸巾「變裝」,出席新劇《舌劍上的公堂》煞科飯局,慳得就慳。

對於被指加盟無綫後收入減少,翠如昨接受電話訪問時不願多談,只避重就輕說:「收入呢啲私人嘢唔好講喇,賺幾多我一向冇乜概念。」她強調在無綫工作愉快:「多謝公司畀咁多機會我,我會繼續努力。」她又笑謂自己慳家眾所周知:「節儉係美德。」
對面 特約 黃翠 翠如
PermaLink: https://articles.zkiz.com/?id=282890

電視撈飯: 翠如BB招風雨 踎街等開工

1 : GS(14)@2013-08-06 23:31:25

http://hk.apple.nextmedia.com/entertainment/art/20130806/18365194


喺有線過咗嚟無綫嘅黃翠如,呢期熱到爆,雖然《師父˙明白了》收視唔算太理想,但得到巨星發哥周潤發點名話翠如BB幾好,即刻人氣再升啦!
呢排翠如BB忙緊為新劇《愛我請留言》開工,上星期五(2日)下晝四點幾,翠如BB同好拍檔黃浩然,仲有個約六歲嘅小妹妹一齊喺灣仔星街拍外景,場戲好簡單,只係講浩然抱住小妹妹喺街度行,搭緊的士嘅翠如BB經過見到。
不過由於當日天氣唔穩定,間中會落雨,所以佢哋趁冇雨時好快拍咗一次,拍完翠如BB、浩然等一齊睇帶,咁啱又開始落雨,原本佢哋想停雨再拍,點知越落越勁,最後被迫收工,翠如BB就坐公司車走,浩然則自己揸車走,浩然見記者都友善揮手。
電視 撈飯 翠如 BB 招風 街等 開工
PermaLink: https://articles.zkiz.com/?id=283621

黃翠如做好被遺忘的準備 2015-01-12

1 : GS(14)@2015-01-18 02:39:07

http://www.skypost.com.hk/featur ... %96%E5%82%99/166421去年一月,「女神」黃翠如拍《師奶Madam》與蕭正楠戲假情真,二人愛得高調,多次外遊,亦頻頻微博傳情。是戀愛大過天?「不是,不是,不是。」她一再強調,然後笑笑口補充:「生活的每一方面,我都感恩,每一刻有好的東西,我都想好好珍惜,更何況人生要每一面都兼顧到才算完整,我們只是嘗試過普通人都過的生活,吃飯、睇戲、旅行。」
過去一年,翠如愛情甜蜜,事業有沒有兼顧到就見仁見智,畢竟,自《師奶Madam》後,她已有一年未拍劇。幸好伊人深得網友歡心,去年在Yahoo舉行的電視劇「最佳女主角」選舉中竟打敗佘詩曼、李心潔排第一。「哈哈哈,沒估到,也理解不了,我覺得應該是網站系統出現錯誤。」停頓數秒,她繼續說:「我覺得這是TVB的力量,入行以來,一直都是那樣做,來到TVB才發現,原來一套劇,或一個節目的滲透力可以這麼強。很幸運,我能在旅遊節目中展露真性情,而觀眾也都接受我真實的一面。」
落街買菜的衫
真實的翠如予人鄰家女孩感覺。「很感激,可能從小到大,我都是在一個群體中生活,有一個姐姐、三個妹妹,變成大家的焦點永遠不會落在我身上,所以很習慣做一個自在的普通人。」入了行,她也不會當自己是明星,穿衣打扮沒有太多講究。「以前說明星,指的是哥哥、梅姐,遙不可及,你會有很多幻想;現在大家接觸藝人太容易,逛街、吃飯都會遇到,加上有很多社交網站,變成大家更像是朋友或家人。」
翠如說,在這一行,她很清楚自己的位置。「如果用衣服來作譬如,我一定不是去飲、去參加宴會的衫,也不是有很多功能的運動衫,而是大家都需要的、每天落街買菜的衫。」又坦言自己缺點多多。「譬如不進取,也代表我不會很努力,累了就休息,我對所有事都不執着,除了健康,事業盡力就好;而且我還有選擇困難症,能不用腦就不用腦,一家人出去旅行,照理我去過那麼多地方,應該是我去計劃,但我全程不用腦,由妹妹決定一切,我永遠是很開心在後面跟着的那一個。」
蠢BB的福氣
野心,她真的沒有。「我從來沒有設過目標,接下來要怎樣,我自己都不知道,可能是宗教影響吧,我是基督徒,從小到大都覺得路是被安排好了的,我只能跟着走,唯一能控制的就是心態,保持開心、自在的心態就夠了,我一直相信,蠢的人及愛笑的人,總會有一些福氣。更何況,做藝人是『海鮮價』。我唔輸得,但也不喜歡贏,贏與輸之間有很多位置,那些位置最舒服,所以,我不需要變得進取。」做人,難得自在,而她輕輕鬆鬆做到了。
服裝:Jessica
撰文:黃艷
攝影:林良明
編輯:黃寶恩
設計:Alex
黃翠 翠如 做好 遺忘 準備 2015 01 12
PermaLink: https://articles.zkiz.com/?id=287253

43歲樊奕敏扮學生妹翠如BB靚定佢靚?!

1 : GS(14)@2015-05-10 23:42:31

樊奕敏最近忙住拍劇,但就唔係以真面目示人,而係扮到好醜。昨日李子雄就喺微博貼咗幾張相,相中見到樊奕敏真係扮到幾醜,真係犧牲大呀。43歲嘅樊奕敏化咗一個成面雀斑嘅妝,戴上一副大圓框眼鏡,頭髮又亂,仲要著住校服扮學生…都幾有喜劇感。不過,樊奕敏應該都好滿意呢個妝,因為佢自己都喺微博貼咗張自拍,仲話:「今天突然找回孩童感覺。」咁講到扮學生妹,又點可以唔提黃翠如,日前翠如BB都貼咗幾張校服相,雖然佢都33歲,但係扮學生妹都勉強合格。





來源: http://hk.apple.nextmedia.com/entertainment/art/20150510/19141936
43 歲樊 樊奕 奕敏 敏扮 學生 妹翠 翠如 BB 靚定 定佢 佢靚
PermaLink: https://articles.zkiz.com/?id=290241

翠如BB收蕭正楠二手Mini

1 : GS(14)@2015-05-18 08:38:32

蕭正楠(Edwin)和黃翠如拍拖一年,最近有報道指兩人疑同居,翠如進駐男友的華景山莊寓所。雖然兩人最近各有各忙,Edwin為新劇《公公出宮》趕戲,翠如則要拍《為食神探》,但會爭取時間見面。翠如被影到在男友家幫手打掃,當Edwin用吸塵器吸地時,翠如就幫手搬開枱椅,兩人默契儼如新婚夫婦。Edwin早前更用公司名義送了一部價值12萬、與舊女友何傲芝都擁有的二手Mini給翠如。翠如昨日電話否認急住結婚生仔並笑說:「唔係呀,純粹大家有時間,咪傾吓偈囉。生BB真係冇認真諗,佢enjoy拍戲多啲,大家開心就夠。」採訪:嵐山





來源: http://hk.apple.nextmedia.com/entertainment/art/20150518/19151062
翠如 BB 收蕭 蕭正 正楠 二手 Mini
PermaLink: https://articles.zkiz.com/?id=290418

【壹週刊】徐子珊拒降呢黃翠如執三攤拍愛回家

1 : GS(14)@2015-06-04 08:46:08

【壹週刊】收視持續插水的《愛‧回家》,已鐵定拍到804集七月六日正式摺埋,大台原本篤定香香(岑麗香)接力孭正,點知香香原來早已被戲劇組其他監製徵用,女角懸空,製作部總監於是急call徐子珊幫拖;但做慣黃金檔女主角,徐子珊認為拍處境劇形同降格,一口拒絕。無計可施下,唯有起用余詠珊愛將黃翠如。黃翠如加張繼聰,叫座力有限,為保錢途,大台決定換血不換藥,接棒新劇,繼續沿用《愛‧回家》吊命。
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150604/19171017
週刊 徐子 子珊 珊拒 拒降 降呢 呢黃 黃翠 翠如 如執 執三 三攤 攤拍 拍愛 回家
PermaLink: https://articles.zkiz.com/?id=290666

捱義氣 徐子珊唔肯降grade 黃翠如執三攤拍新版《愛.-回家》

1 : GS(14)@2015-06-11 12:43:59

2015-06-11  NM




收視持續插水的《愛•回家》,已鐵定拍到804集七月六日正式摺埋,大台原本篤定香香(岑麗香)接力孭正,點知香香原來早已被戲劇組其他監製徵用,女角懸空,製作部總監於是急call徐子珊幫拖;但做慣黃金檔女主角,徐子珊認為拍處境劇形同降格,一口拒絕。無計可施下,唯有起用余詠珊愛將黃翠如。黃翠如加張繼聰,叫座力有限,為保錢途,大台決定換血不換藥,接棒新劇,繼續沿用《愛•回家》吊命。廣告部詐晒型

一度是收視保證的《愛•回家》,由全盛時期的二十七點最高收視,跌至十七點,風光不再!為了吸納年輕觀眾層,大台原本安排岑麗香夥拍張繼聰,加埋一班奀到爆新人接棒,陣容卻因太弱,令外出
義氣 徐子 子珊 珊唔 唔肯 肯降 grade 黃翠 翠如 如執 執三 三攤 攤拍 新版 回家
PermaLink: https://articles.zkiz.com/?id=290794

馮仁昭四圍超:黃翠如話蕭正楠霸道

1 : GS(14)@2015-08-14 09:08:51

黃翠如噚日喺尖沙嘴出席手錶活動,講到有報道話佢逼蕭正楠同居,佢話:「大家有時間聚吓,點解啲人咁有興趣?其實只係喺街嘅相。佢(蕭正楠)霸道啲,大家難得一齊,會互相尊重同珍惜,唔明點解次次都寫我唔寫佢。」佢亦都否認男友丟咗舊愛何傲芝啲嘢:「娛樂新聞只係得啖笑,大家都唔係對方初戀,難道要將對方過去delete?」撰文:馮仁昭





來源: http://hk.apple.nextmedia.com/entertainment/art/20150814/19254656
馮仁 仁昭 四圍 黃翠 翠如 如話 話蕭 蕭正 正楠 霸道
PermaLink: https://articles.zkiz.com/?id=292002

與洪永城疑幻似真翠如BB解畫:他要鬆開手

1 : GS(14)@2015-10-28 23:19:08

■洪永城和黃翠如的拖手相,令不少巴打和絲打暗自落淚。資料圖片


洪永城和黃翠如曾經是大家眼中襯到絕的一對,如今二人都心有所屬,洪永城找到入得廚房的唐詩詠,黃翠如又找到敢言上進的蕭正楠,洪永城和黃翠如的疑幻似真的關係亦到此為止。怎料日前洪永城和黃翠如這對舊拍檔在獅城手拖手行紅地毯,有不少網民大呼「好襯」,洪永城接受訪問時,表示拖黃翠如女友唐詩詠不會呷醋,還說:「唔知翠如有冇後悔揀咗Edwin(蕭正楠)!」一張拖手相,加一點點醋意,網上隨即瘋傳一篇關於黃翠如和洪永城的潮文《我諗每個男人心裏面都有一個黃翠如》,有不少網民看到都大呼「感動」,紛紛代入角色,將自己變成黃翠如和洪永城。



■蕭正楠在獅城的頒獎禮上,身旁的是岑麗香而非女友翠如BB。

■黃翠如回應潮文明示蕭正楠就是她找到的那個他。資料圖片


■洪永城和黃翠如在螢幕前的合拍和默契,令他們成為大家眼中的一對。微博圖片

洪永城升呢「男神」

潮文瘋傳之後,一度被高登網友唾棄的洪永城,被指在爛劇《張保仔》演出差強人意,劣評如潮,卻在一夜間扭轉劣勢,竟然被封為「高登男神」,成功吸引一群宅男膜拜,真是始料不及。昨日潮文女主角翠如BB終於出手,她在facebook寫下千字文解說《我諗每個男人心裏面都有一個黃翠如》,她表示:「每個人心裏面都有對黃翠如同洪永城,太平實普通,太易代入……然後有一天,洪永城說,他已經找到他的她,要鬆開手,先上台,黃翠如有點感性,送上祝福;然後,黃翠如繼續一個人在紅地毯上走呀走,有一天,她跟洪永城說,她好像也找到了她的他。洪永城說:乜自閉都會拍拖?」翠如BB真摯回覆感人潮文,卻無意間露了玄機,根據以上的先後次序,洪永城應該是先找到他的唐詩詠,然後,黃翠如再遇上她的蕭正楠,誰棄誰,太明顯了吧?撰文:非非





來源: http://hk.apple.nextmedia.com/entertainment/art/20151028/19349850
與洪 永城 疑幻 幻似 似真 真翠 翠如 BB 解畫 他要 鬆開
PermaLink: https://articles.zkiz.com/?id=293520

翠如盲年唔嫁住

1 : GS(14)@2016-01-18 01:32:23

黃翠如和韓國女藝人李河璘昨日以婚紗造型在中環出席禮服公司宣傳活動。黃翠如被問到何時真正披嫁衣?她說:「婚紗已經着過好多次,今年冇諗結婚,聽講盲年冇咁好。」她又主動指日前到店舖為這個活動試衫時被狗仔隊偷拍了,澄清並非結婚。同場的李河璘被問到韓國女團TWICE台灣成員周子瑜因被黃安檢舉做「台獨分子」,遭內地網民狙擊,令子瑜要拍片道歉一事時,李河璘隨行繙譯及工作人員為免話題敏感,拒絕回應,而李河璘則透過繙譯表示不認識周子瑜,對事件亦不了解。而問到她現時的感情狀況,李河璘說:「目前未有對象,亦沒追求者,因大部份時間除了工作就留在家中。」採訪、攝影:卓寶花





來源: http://hk.apple.nextmedia.com/entertainment/art/20160117/19455356
翠如 如盲 盲年 年唔 唔嫁 嫁住
PermaLink: https://articles.zkiz.com/?id=294409

蕭正楠黃翠如預演婚禮

1 : GS(14)@2016-02-04 17:24:32

蕭正楠昨日與女友黃翠如在淺水灣為新劇拍結婚戲,同場還有黃宗澤(Bosco)及張繼聰等,二人被取笑是預演婚禮,翠如直言不想有預演的感覺,她笑說:「如果咁講就唔係太好,因為劇情話我結完婚之後,會同Bosco有親密接觸。」蕭正楠則笑說:「我已經打咗佢(Bosco),佢搶走我老婆。」他坦言感到尷尬,結婚是一生人一次,不想在戲內演了出來。


■Bosco(右)自爆近日黑氣纏身,頸骨移位又撞傷肋骨。


Bosco自爆近日黑氣纏身,繼早前頸骨移位後,前日又不慎在浴室跣腳撞向浴缸,撞傷了肋骨,之前做運動又弄傷手肘。另外,張繼聰被問到老婆謝安琪(Kay)內地巡唱被取消,是否已回復心情?他說:「心情冇咩,希望佢好好享受呢兩場演出,之後好好休息喺屋企做金絲雀。」撰文:陳以晴





來源: http://hk.apple.nextmedia.com/entertainment/art/20160204/19477954
蕭正 正楠 楠黃 黃翠 翠如 預演 婚禮
PermaLink: https://articles.zkiz.com/?id=295281

創板再癲 黃翠如家族股飈14倍 父黃永華身家單日暴漲18億

1 : GS(14)@2016-04-13 15:12:06

http://www.mpfinance.com/htm/finance/20160413/news/ea_eaa1.htm


【明報專訊】繼去年一輪瘋炒後,創業板新股近期又見「鑊氣」,昨天兩隻以配售方式於創板上市的聯旺集團(8217)及思博系統(8319)首日雙雙錄得逾10倍的升幅,為今年以來首日表現最癲的創板新股(見表);其中建築股聯旺的大股東兼行政總裁黃永華正是「翠如BB」藝人黃翠如的父親,黃翠如昨日更帶同男友蕭正楠出席上市儀式撐場,聯旺股價亦不負所望,收市爆升14倍,帶挈黃翠如家族身家升至19億元。另一「癲股」思博亦錄得11倍升幅。

土木工程建築商 市值衝近50億

據招股書資料顯示,聯旺主要從事道路及渠務、起橋及擋土牆石屎結構、地盤平整工程等,截至2015年3月底年度,純利為1807.9萬元;不過昨日在創業板首日掛牌,股價升勢凌厲,全日收報4元,較配售價0.26元升14倍,公司市值達到近50億元,超過不少主板公司。以黃永華持有聯旺4.68億股,持股比例37.5%計算,其手上股票帳面價值已達到18.72億元,一天內暴漲17.5億元,吸金能力隨時厲害過「翠如BB」伙男友蕭正楠組情侶檔拍劇。

同日以配售形式於創業板掛牌的還有香港資訊科技基礎解決方案供應商思博系統,全日收報3元,較配售價0.25元升11倍;以今年9隻創板新股的首日表現比較,聯旺與思博名列冠亞,就算連同去年細價股熱潮期間上市爆升的創板新股比較,這兩隻新股首日表現也在前列。至於前日創板掛牌的潮網股Hypebeast(8359),繼首日升7倍後,昨日早段也一度再飈高三成,不過其後升勢有所回落,收市報1.13元,升7.62%。

Hypebeast昨曾再飈三成

翻查紀錄,不計昨日的聯旺及思博,去年5月以來共有10隻創板新股首日升幅逾10倍,而同日兩隻新股雙雙升逾10倍的情况僅出現兩次;另一方面,大多數新股升幅只屬曇花一現,首日股價已是最高位,與昨日收市比較,不乏從高位累跌逾九成。

分析:遠期合約多 建築股易通過審批

信誠證券聯席董事張智威認為,近期不僅創板新股再現炒風,早一輪主板細價新股已見異動,例如盈健(1419)、劍虹(1557),加上大市目前氣氛牛皮,炒家轉瞄更易大上大落的創板新股並不出奇,相信創板炒風短期內還會持續,但他提醒散戶,以全配售形式上市的創板新股始終存在貨源歸邊問題,散戶極容易高位接火棒,最好還是不要沾手。

此外,聯旺已是今年第5隻建築新股,張智威稱去年開始陸續有本地中小規模的建築股上市,相信原因是這類公司的生意多為遠期合約,未來盈利前景有保證,容易過上市審批,保薦人食髓知味,自然會發掘更多同類公司。

明報記者 陳子凌
創板 板再 再癲 黃翠 翠如 家族 14 父黃 永華 身家 單日 暴漲 18
PermaLink: https://articles.zkiz.com/?id=299138

收市閒情:翠如BB股譜出勵志故事

1 : GS(14)@2016-04-13 16:59:57

聯旺(8217)上市,喺「翠如BB」加持下,單日乾挾14倍。事實上,新聞標題「黃翠如家族身家19億」背後,譜出一個又一個動人嘅勵志故事。話晒財經版,當然先講黃翠如……個爸爸,亦即係聯旺大股東之一、CEO黃永華。話說黃永華本來係小販,有幾年仲喺九龍灣街市賣魚。翠如BB都講過,自己細個住木屋,好窮,人生轉捩點睇怕都去到96年,當時黃翠如讀中四,翠如爸爸就毅然轉行,加入聯旺另一大股東黃智果嘅裝修公司做判頭,自此屋企環境就開始改善。往後嘅故事,就係翠如爸爸同黃智果夾份開公司,捱到今日上埋市!白手興家故事冇錯係好多,不過更勵志個位係,在於翠如爸爸轉行時,已經40歲!一個男人去到中年,仲有一家大細,毅然轉行係要有幾大嘅勇氣,仲要由零學起!翠如BB都話,佢爸爸有今時今日,係由手板被冰壞到腳板被地盤釘刺穿捱出來!呢份勇氣,係絕對令人敬佩!再講聯旺其中一個董事趙智宏。簡歷顯示,趙生04年中學畢業,07年做過幾年警察。去到12年又係毅然轉工,入咗聯旺做見習工程師,上年先升做正式工程師。去到兩個月前,至喺IVE讀完土木工程文憑。中學畢業,做到警察呢份薪高糧準嘅工,仲要當年香港社會冇咁多衝突,警察都算係優差,但佢放棄份工轉搞工程,之後仲做埋上市公司董事!所以,任何事只要肯學肯捱,就算只係中學畢業,都可以做到工程師!講埋翠如BB,03年加入有線電視做主播,大家都話佢個樣入屋。咩叫入屋?有電視台前輩講過,「入屋者,即係個樣靚靚哋,順眼得來啲師奶覺得佢唔會搶走你老公」,咁就叫入屋啦,That's why就算佢喺收費台,都Keep住有節目,喺收費台捱足十年,喺冇靠任何緋聞,亦冇傳過負面新聞下,終於捱出知名度,捱到做埋女主角,捱到識到個提起都會甜笑嘅男朋友蕭正楠,捱到成為「女神」!一個後生靚女,用十年青春喺娛樂圈打拼,呢份毅力反映到翠如BB有外在美之餘,亦有內在美。上面三個人嘅故事,聽完都覺得熱血,不過,現實係殘酷:原來就算紅褲子用雙手打天下,最後都要啤殼上市;而當你睇到趙生查實係大股東黃智果個女婿,人又不其然會灰咗;最遺憾嘅係,翠如BB個樣幾入屋都好,都係要過咗大台先真正入屋。一台獨大呢樣嘢,幾時先打破到?所以綜合而言,蕭正楠先係真正贏家!拍戲唔少但未算好紅,不過自從成為翠如BB的男友,已經令唔少男士大感葡萄;家陣翠如BB仲做埋上市公司千金,一眾男士聽到後,真係一陣陣酸味傳出嚟!咁樣,仲唔夠勵志?最灰嘅係,隻股炒起,但又有幾多人知間公司係做乜嘢?業績點樣?條數靚唔靚?假如你想講一句:「Who cares?」時,咁證明,港股係大輸家。千頌C本欄逢周三刊出
http://fb.com/winbigwok





來源: http://hk.apple.nextmedia.com/financeestate/art/20160413/19568458
收市 閒情 翠如 BB 股譜 譜出 出勵 勵誌 故事
PermaLink: https://articles.zkiz.com/?id=299180

老竇生意上市 股價全日升14倍翠如BB激變19億富千金

1 : GS(14)@2016-04-13 17:08:57

■黃翠如昨日現身撐父親,忽然變19億千金的她,與父親同樣笑到見牙唔見眼。攝影:李潤芳



黃翠如貴為余詠珊愛將,近年劇接劇做到冇停手,成為無綫當家花旦之一。翠如BB撈到風生水起,原來其父黃永華也真人不露相,昨日成為上市公司老闆,旗下土木工程公司聯旺集團(8217)於創業板配售上市。除翠如一家撐場外,準女婿蕭正楠亦現身到賀。而聯旺午後越升越有,越挾越高,全日股價暴升14倍,收市時黃翠如家族身家賬面暴漲近19億元,翠如BB搖身一變富千金。



■黃翠如(左二)與母親(左一)及三位姊妹與男友蕭正楠,昨日均穿得四四正正現身港交所。


港交所昨日最惹人注目的,相信是黃翠如一家,以及跟她情侶檔現身的蕭正楠。昨日黃翠如爸爸黃永華旗下的土木工程公司聯旺集團(8217),於創業板配售上市,股價中午收市報2.7元,較配售價0.26元急升9.38倍,以其持有的4.68億股計算,黃永華家族身家已達12.64億元,午後升幅更厲害,收市報4元,比配售價暴升14倍,身家賬面達18.7億元,翠如家族一日間暴發成19億元戶。翻查招股書,翠如BB父親、58歲的黃永華從事香港土木工程業逾19年,是聯旺集團的創辦人之一,現任執行董事及行政總裁。他在98年和另一創辦人黃智果,每人夾了一萬元成立公司,聯旺的主要業務是在香港承接土木建築工程,包括道路及排水工程。


■黃翠如父親黃永華的建築公司昨日正式上市,收市報4元,全日勁升14倍。互聯網圖片

讚父親好叻仔

昨日翠如BB偕蕭正楠執到靚靚撐爸爸場,事後她在facebook貼出父親的照片,並留言道出爸爸的勵志故事:「老爸由賣魚小販做到地盤工人,由手板被冰壞到腳板被地盤釘刺穿,苦了很多很多年,前幾年老爸說要退休,我第一個舉腳贊成,然而,他卻沒有停下來,今天是爸爸的大日子,不再是你為我們驕傲,而是我們為你驕傲,老竇,好叻仔。」翠如BB一家現時住在馬鞍山聽濤雅苑,雖然是私樓,但市值不過800萬,並非大富人家之宅,加上翠如BB以往被影到出入乘搭火車港鐵,跟鄭裕玲去旅行時買化妝品亦要狂格價,一直予人屬圈中慳妹一名。而且翠如BB早年在訪問中,曾透露自己出身低下階層,家中五姊妹和父母住藍田木屋區,當時一家七口睡兩張床,而黃父早年做小販,有幾年在九龍灣街市賣魚維持家計,因此黃翠如童年時經常流連街市。到她讀中四時,父親轉做裝修判頭,環境才開始改善。因此,不少人對於翠如BB父親公司上市,而且身家億億聲,均感到嘖嘖稱奇。



蕭正楠未入市

從草根變富戶,翠如BB昨日回應本報時表示:「好開心,多謝關心,冇乜回應喇!」繼續保持一貫低調。女友忽然成億萬千金,有讀者爆料指翠如BB今次亦帶挈男友蕭正楠和其家人進賬不少,但據知翠如BB和蕭正楠因拍劇拍通宵,昨日臨急臨忙趕到現場時,蕭正楠才得知黃父公司的上市編號,因此蕭正楠並未能因此發橫財。採訪:王梓嫚





來源: http://hk.apple.nextmedia.com/entertainment/art/20160413/19568387
老竇 生意 上市 股價 全日 14 倍翠 翠如 BB 激變 19 億富 千金
PermaLink: https://articles.zkiz.com/?id=299217

翠如BB拍拖出埠

1 : GS(14)@2016-05-21 13:13:36

■黃翠如(左)和蕭正楠昨現身機場㩒錢,預備出埠去旅行。讀者提供圖片


【爆相爆片】黃翠如爸爸的建築公司上月在港交所上市,翠如BB的男友蕭正楠獲邀見證未來外父的大喜日子,足見蕭公子在黃家的地位備受重視。


資料圖片


雖然翠如BB有個富爸爸,激變19億富千金,但是她和蕭正楠感情不變,昨日讀者黃小姐透過本報「爆相爆片」爆料,指在香港機場捕獲翠如BB和蕭正楠拍拖出埠去旅行。昨早約7點多,黃小姐見到二人雙雙行入禁區。戴着鴨嘴帽的蕭正楠和翠如BB一直低着頭行,經過安檢時又刻意分開排隊,當翠如BB完成安檢後,到櫃員機㩒錢。早前蕭正楠帶同一家人和翠如BB一齊去日本旅行,相處融洽,又感情大增,據知今次二人同行準備到韓國小休,靜靜地過二人世界。採訪:非非





來源: http://hk.apple.nextmedia.com/entertainment/art/20160518/19615949
翠如 BB 拍拖 出埠
PermaLink: https://articles.zkiz.com/?id=300549

翠如BB股夾出深長事業線!

1 : GS(14)@2016-05-24 10:22:14

「翠如BB股」聯旺(8217)上市一個月就發盈警,由於股權集中造成超低成交,聯旺昨日上演「護盤戰」,遭人推低至3.75元,半日以33萬成交蒸走25億市值,午後不斷出現6元瘋狂買入護盤,聯旺全日收報5.91元,跌15%,全日成交31萬股,只需193萬元即可令聯旺「又越過高山又越過谷」!聯旺早前遭聯交所警告過股權高度集中,街貨少之又少,股價可隨意舞高弄低,昨日全日成交不夠30單,99%均排隊沽買1手,90%為「護盤價」6元或以上,力阻上半日忽然出現3.75元的超低價成交,令股價跳水。午後護盤不斷,跌幅由46%曾大縮至一成。上午11時48分,有人以3.75元沽出1萬股,為自4月12日以來最低價,令股價跳水,旋即再有人以4元買入1手救主。聯旺昨早半日成交得6萬股,用33萬元已經可以將聯旺市值由84.1億大挫至58.7億,市值半日蒸發25.4億元。聯旺2015年度全年賺1810萬,不過,今次上市涉及費用高達1030萬,預期令截至三月底止年度盈利按年下跌50%至70%。





來源: http://hk.apple.nextmedia.com/financeestate/art/20160524/19624712
翠如 BB 股夾 夾出 深長 事業
PermaLink: https://articles.zkiz.com/?id=301240

蕭正楠貼身做阿四 黃翠如開工大晒

1 : GS(14)@2016-06-12 02:51:15

2016-06-01 iM

黃翠如與蕭正楠自兩年前拍劇撻着後,一直愛得高調,隨着翠如BB激變億萬千金,身份升呢,蕭正楠對女友更為着緊,新劇一煞科便孖住到韓國預支蜜月,慶祝拍拖兩周年。

日前兩人為新劇《幕後玩家》拍外景,由於戲內外同是情侶,攞正牌拍拖,蕭正楠如貼身阿四服侍翠如BB,惜女友唔爭氣,演技依舊麻麻,NG不特止,還大擺千金小姐款,幾乎玩殘全劇組。

霸位攞飯

自ViuTV開台後,無綫收視備受追擊,即擺蕭正楠、黃翠如上枱,安排他們於新劇《幕後玩家》飾演情侶,企圖搶收視。愛得纏綿的二人相當受落,蕭正楠大讚女友着婚紗省鏡。晉身為「億萬駙馬」的蕭正楠,不但把口 女友,行動更實際,日前到粉嶺和合石墳場拍外景,自動波替翠如BB打點一切,甫到場便匆匆下車,打算幫女友霸定位化妝,惜張繼聰早一步坐低。眼見翠如BB只得罰企任由化妝師為她整頭,身旁的蕭正楠一臉不悅。

由於當日是重頭戲,蕭正楠跟其他演員在烈日下對劇本及試位,相反熱到溶的翠如BB只顧住妝容,手執名牌粉盒不停補粉,搞足半粒鐘。直至夠鐘放飯,蕭正楠又一馬當先為女友揀定啱口味的飯盒,繼而「同車」共食享受二人世界。

升呢錫身

不但獲男友呵護備至,且又屬無綫高層余詠珊黨的翠如BB,備受力捧,雖然已升上一線地位,但演技麻麻,縱使蕭正楠在場教路,仍頻頻NG,她也未有歉意。

加上今時今日已是億萬千金,翠如BB份外錫身,因位處郊外開工,蚊患嚴重,拍到半路,被惡蚊咬到一撻撻,又熱又攰下,忟爆的她鏡頭外一言不發,做獨家邨;相反其他女演員龔嘉欣、劉佩玥、莊思敏等有講有笑,相映成趣。臨收工前,因見男友在拍攝,備受蚊叮的翠如BB,忍不住點龔嘉欣替她搽止痕膏,繼而又懶理小演員在旁也照噴蚊怕水,嚇得龔嘉欣即時出手保護小演員雙眼,令台前幕後側目,敢怒不敢言。

撰文、採訪☆娛樂組 攝影☆何國豪 設計☆美術組
蕭正 正楠 貼身 做阿 阿四 黃翠 翠如 如開 工大
PermaLink: https://articles.zkiz.com/?id=302108

大台衫無限loop翠如:都係唔知着邊個件衫

1 : GS(14)@2016-06-21 07:39:08

無綫慳家就係人都知,除咗蔡思貝、陳凱琳面孔喺啲劇無限loop,道具、戲服等等,亦時不時俾眼利網民,發現循環又循環咁,用完再用。咁今次主角係邊個呢?咪係同樣喺有線過檔大台嘅好姊妹梁嘉琪同黃翠如囉!有網民昨日貼咗翠如BB同梁嘉琪做節目嘅相,就問翠如BB究竟係邊個着咗邊個件衫。相入面,梁嘉琪同翠如BB,同樣着咗件超sharp醒嘅彩色間條衫,直頭離一條街都見到嗰隻。通常呢個情況,俾人篤爆咗,大部份藝人都保持緘默或者hea住答,偏偏翠如BB就好鬼認真咁回覆呢位網民:「我都係唔知着邊個件衫!」仲引用番梁嘉琪個句:「只能說公司D衫好耐穿。」





來源: http://hk.apple.nextmedia.com/entertainment/art/20160621/19662829
大臺 臺衫 無限 loop 翠如 都係 係唔 唔知 著邊 個件 件衫
PermaLink: https://articles.zkiz.com/?id=302385

黃翠如想穿妹妹製婚紗

1 : GS(14)@2016-07-09 06:36:06

黃翠如、朱千雪與馮允謙昨日於銅鑼灣出席活動,休息9個月去讀書昨日正式復工的朱千雪說:「年尾先行禮,希望可以繼續讀,不過要做工先至有錢。」


■朱千雪昨日正式復工,但表示想繼續讀書。


翠如表示家中5姊妹會輪流交換衫着,自細養成慳家習慣,妹妹更愛自製服裝。會否考慮結婚時穿妹妹製的婚紗?翠如說:「好提議,屋企人親手做,好sweet。」她謂沒和男友蕭正楠討論過結婚計劃。採訪:羅慧敏攝影:陳志嵐





來源: http://hk.apple.nextmedia.com/entertainment/art/20160707/19684066
黃翠 翠如 如想 想穿 妹妹 婚紗
PermaLink: https://articles.zkiz.com/?id=302917

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019