ZKIZ Archives


暗示遭勸退「我一票都冇」曾俊華打硬仗

1 : GS(14)@2017-01-21 03:32:51

■曾俊華昨正式宣佈參選,並指現在一票也沒有,稱會積極拉票。易仰民攝



【特首戰開打】【本報訊】盛傳遭中聯辦力阻參選的前財政司司長曾俊華昨正式宣佈參選,以「信任 希望 團結」為選舉口號,他拒絕回應中央是否勸退他,只稱決定去馬是個人決定,現時一票都沒有,昨天起積極拉票,迎戰硬仗,會爭取包括民主派選委的支持,同時自詡較另一勁敵、前政司司長林鄭月娥較願意聽意見。有學者認為,曾俊華的入閘選情雖被吹淡風,但認為民望或有助扭轉敗局。 記者:姚國雄



苦等逾月、本周一始獲中央批准請辭的曾俊華,昨於中環冠君大廈一會議廳宣佈參選,針對梁振英治下掀起的再移民潮出擊,「我真係唔希望再聽到有人話要移民。移民嘅辛酸,我早就領會過」。14歲舉家移民美國、自稱「幾打得」的曾俊華憶述當年在美國受辱:「我曾經因為有人喺我面前侮辱中國人,而同人打架。」他稱猶記得1982年中英就前途問題談判,人心惶惶,有人考慮移民,但他於同年11月,和太太帶着兩個小朋友回到出生的香港,「30多年後嘅今天,移民又成為咗香港嘅話題。唔只係一啲年輕朋友,甚至有啲中年人都話考慮要遠走他方。聽到呢啲故事,我非常難過」。



提及習強調的民族復興夢

長達20分鐘的演詞,除了動之以情的感性說話,亦觸及社會刻下問題,並大賣本土情懷,接連指:「我懂得香港」、「一些非友即敵嘅心態,一些非黑即白嘅主張,深深地割裂咗我們嘅社會」、又讚揚「香港人係一群有同情心、有同理心嘅人,懂得其他人嘅難處,看到其他人嘅痛苦」。曾又解說選舉口號,指現時香港最急切是要建立信任、團結社會、重燃希望,因為若社會無信任,港人不團結,年輕一代不能對未來抱有希望,即使如何努力,亦不可能看見更好的香港。曾經獲國家主席習近平握手的他更在演詞中段,特別提及習近平經常強調的「偉大民族復興」中國夢:「我相信,任何一座偉大嘅城市,背後都一定有一個強大嘅國家。冇英國,就唔會有倫敦;冇美國,就唔會有紐約。香港可以變得更好,正是因為我哋背後擁有一個正在迎接偉大民族復興嘅祖國」。被問到是否想透過這句話表達與習同一路線、是習辦的人,曾強調,「偉大民族復興」是「好適合?家喺香港用」。


稱盼提名票來自不同光譜

曾指辭職後有朋友支持及鼓勵他,亦有朋友講其他意見,暗示遭勸退但拒透露「朋友」是否包括中央官員,稱現在一張提名票都未有。有傳港澳辦、中聯辦三申五令建制派選委勿提名他,但他一旦入閘,在暗票下部份選委會投票支持,讓他當選,曾聽罷只以「咁刺激?」回應,未有說明有否可能出現此情況。而商界選委、自由黨田北俊昨率先表明提名曾俊華,但相信曾俊華不能在建制派獲得150票,要泛民支持才能入閘。曾俊華昨坦言,希望提名票來自不同光譜及階層:「所以我唔單(止)係要尋求民主派支持,我要尋求建制派支持,甚至係全個政治光譜裏面嘅人支持」。中大政治與行政學系高級講師蔡子強指曾俊華的競選宣言寫得好,分析內容指演說把曾俊華被攻擊為「美國仔」的弱點,變成其從政初衷,有報效國家、民族的心志,及希望國家強大;他又指公眾雖然非選委、未能投票,但歷屆特首選舉,最終也由高民望的候選人勝出,故認為對曾俊華能否勝出選舉,毋須過於悲觀。




來源: http://hk.apple.nextmedia.com/news/art/20170120/19903199
暗示 勸退 我一 一票 票都 都冇 曾俊 俊華 打硬仗
PermaLink: https://articles.zkiz.com/?id=323314

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019