ZKIZ Archives


搵腳睇戲 港男10萬元搞交友app

2016-09-22  NM

最近電影《屍殺列車》成為全城熱話,但喪屍片難免有血腥嚇人的情節,獨個兒去看必嚇到面青離場!曾於LinkedIn打工、今年三十三歲的梁焯輝(Eric)深明沒好戲伴的苦況,於是跟同是戲痴的朋友黃子健(Mike)投資十萬元用兩個月開發出手機交友程式「Filmate」,希望用電影作切入點,一改交友app給人「太黃」的形象,短短三個月就儲得五千名用戶,證明了以戲會友絕對可行!是次記者找來創辦戀愛教室的美國NGH註冊催眠治療師劉奇諾(Kino)實測此app的交友效率,他認為「Filmate」夠開宗明義,但使用上卻遇到很多不便;而Catalyst Builder聯合創辦人鄭思行(Alex)就指此app與著名交友程式「Tinder」有八成相似未夠獨特,到底「Filmate」要如何才能跑出,成為單身男女的首選交友app?我點sell?要找知音人而非SP!

市面上有數十個交友app,但當中又有多少個能找到交心之人?「Filmate」希望用戶以電影互相了解,從而建立一段健康關係而非只求尋得性伴侶(SP)。有別其他app只需名字及相片就能開賬戶的做法,「Filmate」須連接Facebook,用戶的名子及照片則與Facebook上相同不能更改。「咁做係想減少假人出現,大家可以堂堂正正認識對方,感覺都正經啲。」用戶須首先設定簡單的交友條件如歲數及地理距離,然後按興趣選電影後就能逐個看到玩家的資料,接着可選略過或按笑臉以示「like」對方,互「like」後則是配對成功,可正式開始對話,操作確與「Tinder」極為相似;「Filmate」現時每星期會促成二千宗配對,當中用戶比例是六成男四成女。「略過咗就無得返轉頭,因為我哋想用戶下每個決定前都有思量過。」成功配對也不代表可促成真正的約會,因此Eric計劃未來推出新功能「Ask Her Out」,用戶可直接發指定電影場次邀請已配對的用家,令一切更直接。為了改善用戶體驗,二人更會親自用app約會「戲友」外出,再表明身份收集意見。「上個月就成功約咗個用戶睇《危城》,直接問佢哋點睇。」

專家盤問:在社交媒體的世界不是頭三已經危!

Catalyst Builder聯合創辦人鄭思行(Alex),見證着不少Start up的成長,他指社交媒體是弱肉強食的世界,直言擔心「Filmate」未夠獨特,指要做就要做頭三名內,否則第四或是第十的分別也不大,同會被嚴重比下去。

A:鄭思行(Alex)E:梁焯輝(Eric)

A:打算何時開始會有收入?E:收入我是隨時可以有的,但那是很少,可能是一千元一個廣告,其實在選擇戲的頁面就已可做廣告,例如我去特別推介你這套戲,用不同顏色凸顯它出來,又或是在每一次用戶進入時也先去你套戲。A:戲院暫時反應如何?E:暫時也喜歡我的理念,但售票一體化方面不是我說可以就可以,他們的問題是IT部門不算強,會外判給第三方去做這事,所以這方面需時較耐,但已有戲院答應跟我們合作辦單身首映場,可有助宣傳。A:你覺得你們的獨有優勢是否足夠?你的競爭對手是無數那麼多的交友app,可能你排第四或第十也沒什麼大分別。你曾經在LinkedIn工作過,更明白勝者為王這道理,特別是社交媒體的新創企業,那你有沒有信心可以稱王?E:我們的特別之處是很容易跟電影公司或一些有較多預算的公司去合作及宣傳,而那一部分已經可以有收入,可加速我們成長。在交友概念上,女生會較易接受以戲會友,也感到較舒服去接受,因他們不需要真的談太多,大家就算合不來也可一同欣賞電影。普遍用家反映也願意用戲去約出來,往後再了解對方,因此這證明了我們的理念是成功的。

終極談判:要夠多人玩先有機會贏!

在投資者的角度,暫時我會給六分。交友app最重要是要夠多人,因一個人未必會同時玩二十個app,那首選一定是最多人玩的那個,但你現時用戶人數較少,提供的實在功能也不太夠,這我是有點擔心。加上現時很多不同社交網站已經歸邊,因此我認為你跟戲院之間要有更多融合、更細心關注用戶的約會細節,例如會不會推出「美好三小時」給用戶,以完整包攬他們一整晚的活動,這才能提高此app的獨特性,否則如果有天「Tinder」在選朋友前加多一個步驟,如選電影或音樂那就完全取代了你。

用家點評:無得留影評同睇人數不夠方便

創辦戀愛教室、是不少宅男老師的美國NGH註冊催眠治療師劉奇諾(Kino)指此app夠直接,不用轉彎抹角。「唔似其他交友app咁要查家宅,或問好多事先入正題。」他的學生試用過「Filmate」成功約到陌生人睇戲,但為數不多。「回覆率可能二三十個先有一個,個app唔夠方便,應該自動顯示每套戲有幾多用戶感興趣,最重要係應該有位俾玩家評價吓個app同留影評。」他指連接Facebook的做法雖能減少假用戶出現,但非每個人也喜歡。「好多人係想用另一個身份,唔希望咁容易俾人搵到咁多資料,特別係Facebook好多時會同工作有關。」他建議各位男士如想在新朋友前留下好印象,應在睇戲前做足「功課」。「如果你有準備到,個女仔可能會認為同你睇戲係有唔同有得着,下次先會想搵番你一齊睇戲。」

撰文:黃綺敏攝影:鄒潔珊、關永浩攝錄:廖健昌ed_bn@nextdigital.com.hk

搵腳 腳睇 睇戲 港男 10 萬元 元搞 交友 app
PermaLink: https://articles.zkiz.com/?id=217506

保鏢陪睇戲李嘉誠10歲長孫鍾情巴塞

2016-12-08  NM

香港首富李嘉誠擁有過千億資產,88歲的他近年積極將公司重組,似為長子李澤鉅接棒鋪路。而身為長子嫡孫,李澤鉅獨子李長禧(Michael),06年出世以來一直極少曝光,為收埋金笸籮,就連每年1月1日,李家總動員去拜祭李嘉誠亡妻莊月明的家庭活動,Michael都可以免役。日前本刊就發現已經十歲大的Michael,同媽咪王儷橋(前名王富信),以及幾個朋友仔去數碼港睇戲,李超人長孫出巡,保鏢金睛火眼,跟到實。長孫有特權

李嘉誠的長孫仔李長禧(Michael)已經十歲,一直以來,李家上下對這名長子嫡孫採取高度保護,由○六年出世至今,極少曝光;為免傳媒影到金笸籮的廬山真面目,Michael更獲爺爺李嘉誠特許,每年一月一日到柴灣香港佛教墳場,拜祭亡妻莊月明的重要家庭活動,Michael可以免役。「李生(李嘉誠)好重視太太(莊月明)死忌,每年一月一日都要全家人去拜祭,Richard(李澤楷)嗰三個仔,因為唔喺香港所以可以豁免,Victor(李澤鉅)三個女每年都要去,不過每次都戴晒眼鏡同口罩遮面,唔俾個樣曝光,唯獨細佬Michael仔可以唔出現,因為明知一定有記者,免得俾人影到個樣。」知情者說。

打扮樸實

Michael是千億長孫,但十歲大已有社交生活,日前他便與母親王儷橋,以及幾個朋友仔及家長,一齊去了數碼港睇戲。現場所見,Michael生得比同齡小朋友高大,已經高到媽咪的膊頭位置,樣子似老豆李澤鉅,只見他全程黐住朋友仔有講有笑,表現活潑。入場前,Michael先去買飲品小食,其中有個家長買了爆谷,王儷橋一粒接一粒,食唔停口,反而囝囝Michael唔心急,只攞住食物等入場。雖然是小朋友gathering,但全程都有保鏢貼身保護千億長孫。作為李家長子嫡孫,Michael打扮相當樸實,身穿一件自訂巴塞球衣,背後印了英文名字「Michael」,這件球衣大約需五百元,至於他孭的Fjallraven Kanken背囊是瑞典品牌,亦只需七百三十元,手上戴住隻粉藍色膠錶,亦非名牌貴嘢。

帶保鏢返學

據了解,今年在漢基國際學校讀P3的Michael,在學校都非常低調,甚少參加校內的課外活動,不過他鍾情足球運動,更是巴塞忠實粉絲。由於Michael身份特殊,所以學校特別批准他可以帶保鏢一齊返學,貼身保護。據知,當年李嘉誠為想乖孫同李澤鉅、李澤楷一樣入讀聖保羅男女校,李家曾經捐了九千萬給學校,但由於學校堅拒讓李長禧帶保鏢返學,安全至上的李嘉誠,才改變主意。

李家繼承人

要承傳李嘉誠的千億王國,李家兩子努力開枝散葉。長子李澤鉅和王儷橋先後誕下三女一子,而次子李澤楷亦不甘示弱,與前女友梁洛施,先後誕下三名男孫,令李家第三代繼承人增至七名。

三個孫女王儷橋(前名王富信),93年下嫁李家長子李澤鉅,96年誕下長女李燕寧(Michelle),00年再度有喜,誕下次女李思穎;04年幼女出世,愛孫深切的爺爺李嘉誠,更聘請廿多名保鏢,組成護「孫」團。

長孫「李長禧」連生三女,王儷橋一追再追,06年,成功為李家添丁,誕下第一個男孫李長禧,爺爺李嘉誠即向地政署申請擴建李家大宅,迎接長孫仔出世。

次孫「李長治」08年,李澤楷與梁洛施秘密撻着,拍拖年多火速造人成功,梁洛施一索得男,未婚為李家誕下次孫「李長治」。

孫起孖10年,梁洛施再為李澤楷誕下一對孖仔後,11年,二人發聲明宣布分手。

撰文、攝影、攝錄:娛樂組

保鏢 陪睇 睇戲 李嘉誠 李嘉 10 長孫 鍾情 巴塞
PermaLink: https://articles.zkiz.com/?id=227087

睇戲的特技效果

1 : GS(14)@2011-06-06 12:44:09

http://hk.apple.nextmedia.com/template/apple/art_main.php?iss_id=20110606&sec_id=4104&art_id=15316046
【本報訊】屯門康麗花園一間迷你電影院,昨午上映《變種特攻:異能第一戰》期間,天花一塊兩呎長隔音板飛墮,剛巧擊中座上一名女觀眾頭頂,當場大叫一聲,其他觀眾還以為是現場特別效果。事後女觀眾天旋地轉退出影院,送院治理。業內人士指出,在戲院內墮物傷人,十分罕見。記者:黃學潤
2 : 亞力士(1473)@2011-06-06 14:06:28

特效? 如果睇三級片 咪要好有手感
3 : GS(14)@2011-06-06 17:29:31

睇甚麼戲?
4 : 龍生(798)@2011-06-06 18:19:13

俾我實告佢...咁樣俾人扑頭, 咁唔抵
5 : fineram(806)@2011-06-06 19:50:45

4樓提及
俾我實告佢...咁樣俾人扑頭, 咁唔抵


唔知可唔可以賠到 30 萬.
6 : hsts(1521)@2011-06-06 22:21:29

係咪做到磁力王出場, 所以其他觀眾先以為是現場特別效果 smiley
7 : GS(14)@2011-06-07 21:53:18

5樓提及
4樓提及
俾我實告佢...咁樣俾人扑頭, 咁唔抵


唔知可唔可以賠到 30 萬.


賠到咁多咩,又無大礙
8 : 龍生(798)@2011-06-07 21:53:49

賠唔到.........
睇戲 戲的 特技 效果
PermaLink: https://articles.zkiz.com/?id=274657

韓劇燒:李昇基約前輩睇戲

1 : GS(14)@2014-09-09 12:20:01

韓劇《你們被包圍了》男星李昇基(右),前日被發現約會曾合作綜藝節目《花樣姐姐》的前輩尹汝貞在首爾睇戲。當日開場前,基仔把握機會和尹汝貞吃飯,其間他繼續表現出他在《花樣姐姐》中愛照顧人的性格,主動幫尹汝貞落柯打和斟水,二人有說有笑。而正在拍攝新片《今日的戀愛》的基仔更拿出劇本問尹汝貞的意見,尹汝貞亦大方過兩招給他,度過了愉快的時光。




來源: http://hk.apple.nextmedia.com/entertainment/art/20140908/18858893
韓劇 李昇 昇基 基約 前輩 睇戲
PermaLink: https://articles.zkiz.com/?id=285468

懶理祖名北京被拘留薛凱琪飛港鐵 陪方大同睇戲

1 : GS(14)@2014-10-18 22:49:47




【前日6:00pm】■Fiona散場時穿回長袖外套及戴上黑超,與方大同在另一層離開欲避開記者。




【圓方】現年33歲的薛凱琪(Fiona)入行10年先後和房祖名、方大同、澳門酒店黑人高層Reggie Martin傳緋聞,連同性的林二汶亦跟Fiona傳過斷背情,桃花超旺。早前舊愛祖名在北京因涉毒被捕目前仍被拘留,放監遙遙無期,曾聲言擔心的Fiona前日卻約會方大同,現身偷食之地圓方睇戲,電力十足的Fiona更不時向方大同露出嬌嗲表情,似乎把仍在監房中的祖名拋諸腦後。



過去Fiona傳出多段緋聞,當中與房祖名的緋聞炒得最熱,早前祖名於北京涉毒被捕,Fiona一度出言力撐,讚對方乖仔,又曾為對方祈禱送祝福,而仍被拘留的祖名將於下月初受審。不過,祝福別人之餘,當然也要為自己幸福着想,今年生日Fiona公開表示ready拍拖,又點名指方大同是她閨蜜,似有意將戀情浮面。前日本報發現兩人相約在圓方睇戲,同日Fiona把坐港鐵的相片放上網,原來,當日Fiona不惜飛港鐵,就是約了方大同睇戲。前日下午約3時半,本報發現穿性感小背心、牛仔褲及三吋高涼鞋的Fiona,戴口罩現身圓方戲院外,當時由女助手陪同,由於當時戲院人流不多,Fiona站了一會便把口罩除下,兩人一直站在自動取票機旁邊,等了大約5分鐘,頭戴賊仔帽加黑超的方大同終急步走來。



【前日3:00pm】■方大同遲到,Fiona則似在向他撒嬌。

■Fiona前日將戴口罩坐港鐵的相片放上網,原來是約了方大同睇戲。互聯網圖片


撒嬌甜笑

姍姍來遲的方大同,甫到埗即向Fiona耍冧,然後取出信用卡在自動取票機內取戲票,其時Fiona似在向他撒嬌再轉身行,方大同亦尾隨她入場,而Fiona女助手當然沒有做電燈膽,待兩人入場後便在戲院外把守,無私顯見私。



■Fiona跟着方大同急步走上保母車離開。

■薛凱琪懶理祖名仍被拘留,與方大同密會睇戲。資料圖片


見光即閃

Fiona入戲院時終於發現記者,一臉愕然的她尷尬向記者揮手,戴着黑超的方大同亦望向記者方向。約5時半,兩人散場離開戲院時更大玩聲東擊西,Fiona着女助手站在戲院門外等候,他們則用其他通道,轉到另一層離開,可是最終仍被記者發現,二人即跳上保母車,記者問他們看甚麼戲都沒有回答,而根據當時戲院場次,估計兩人看《被消失的影像》(The Missing Picture)。採訪、攝影:羅德光、吳燿輝




來源: http://hk.apple.nextmedia.com/entertainment/art/20141017/18902269
懶理 理祖 祖名 北京 拘留 薛凱 琪飛 飛港 港鐵 陪方 大同 睇戲
PermaLink: https://articles.zkiz.com/?id=286095

唔行山 睇戲都捕獲蒙面發哥出巡捧《五個小孩》

1 : GS(14)@2015-04-17 09:01:31

【蒙面發哥】■包到冚的發哥昨午運動裝束,單拖到又一城睇《五個小孩的校長》。








影帝級的周潤發平日十分親民,除會坐地鐵、逛街巿,跟野生捕獲他的巿民玩自拍,發哥還會到戲院支持本地電影,身體力行撐同業,前年曾到戲院撐勵志片《狂舞派》,發哥昨日再出動到九龍塘又一城睇由楊千嬅和古天樂主演的催淚片《五個小孩的校長》,他出動帽、迷彩面巾和黑超包到冚現身戲院,還親自排隊買票入場,《五》片截至前日票房突破4,000萬。



【野生捕獲】■親民發哥昨看戲後被途人野生捕獲,他都逐一應要求合照。

■呂志和昨晚到圓方睇戲,入場時撇下女伴。DV圖片


■發哥大讚《五》片的編演導都出色,每位演員都表現好。劇照

「編導演都好出色」

《五》片改編自「4,500元校長」呂麗紅校長的真人真事,寫實又感人,觀眾讚不絕口,五位小童星也精靈可愛。昨午近3時,發哥獨自出動睇戲,他把五官包到實,連身後的少女觀眾都完全不知道發哥就在左近,及至入場到散場,發哥都表現輕鬆,記者趁着發哥離開,準備去停車場取車時,上前問到他的看後感,是否覺得感動,他說:「好感人,編演導都好出色。」可有睇到少少喊?發哥說:「有。」覺得千嬅和古仔演得好嗎?發哥說:「所有啲演員都好好。」包到冚的發哥被記者追訪期間,有醒目的途人察覺後即尾隨追着發哥要求合照,親民的發哥要求一同坐電梯直達停車場後才合照,結果發哥脫下面罩,逐一滿足野生捕獲粉絲的合照要求,影完了才離開。此外,嘉華集團兼銀河娛樂集團主席、有「新賭王」之稱的呂志和昨晚與一女子現身圓方戲院,他入場時剛好有《五》片和《狂野時速7》(Fast& Furious7)播放,未知他看溫情片,還是追求刺激?最搞笑是當入場時,同行女子卻離開,他單獨入場。採訪、攝影:吳耀輝、羅德光、朱志聰





來源: http://hk.apple.nextmedia.com/entertainment/art/20150417/19115061
唔行 行山 睇戲 戲都 捕獲 蒙面 發哥 出巡 五個 小孩
PermaLink: https://articles.zkiz.com/?id=289659

吳千語睇戲唔預峯峯

1 : GS(14)@2015-10-14 08:03:18

吳千語和黃又南昨日在灣仔接受dbc數碼電台訪問,宣傳二人有份演出的電影《王家欣》,問千語會否和男友林峯一齊看?她說:「佢話自己買飛睇,我都鍾意自己睇。」又南的Shine組合拍檔徐天佑下月結婚,又南會負責迎賓,他笑言守了這個秘密都有一段日子。又南讚天佑是好男人,相信他的未婚妻一定不錯。幾時輪到又南結婚?他說:「我都想,但我估唔到天佑會快過我,因為我講過想30歲結婚,但點知最後分手,之後都有拍拖,不過好短暫,可能我傳統,想搵個孝順、心地好嘅。」千語笑謂早前去餐廳食飯,竟被餐廳經理催婚。採訪、攝影:黃曉妍





來源: http://hk.apple.nextmedia.com/entertainment/art/20151014/19331822
吳千 千語 語睇 睇戲 戲唔 唔預
PermaLink: https://articles.zkiz.com/?id=293175

阿佘Chilam睇戲狂喊

1 : GS(14)@2015-11-06 15:01:32

張智霖(Chilam)、佘詩曼和陳喬恩前晚在澳門出席電影《十月初五的月光》的首映,他們分別乘坐名車到場,惹來全場尖叫。Chilam在慶功宴上坦言雖然已經看了多次,但首映時亦忍不住哭,他還笑說:「好多女士都淚崩,家燕姐不停要用紙巾。」阿佘補充:「之前睇咗好多次,今日喊咗3次,笨豬跳嗰場估唔到再喊,加上陳潔儀唱首歌好似天籟之音,所以好感動。」因為與fans見面而遲到個多小時現身慶功的陳喬恩說:「今次第一次看電影,感覺好好。」莊思敏性感搶鏡,她稱只是尊重場合。採訪:張俊銘攝影:陳慧安



Chilam

■莊思敏性感拋胸出席首映禮,她稱只是尊重場合。



來源: http://hk.apple.nextmedia.com/entertainment/art/20151105/19359910
阿佘 Chilam 睇戲 戲狂 狂喊
PermaLink: https://articles.zkiz.com/?id=293751

【影人影事】又一城戲院6月初重開 推早鳥優惠睇戲$55

1 : GS(14)@2016-05-21 19:13:21

早前又一城AMC戲院結業,都喚起不少曾在附近讀書的人的集體回憶,講番自己當年响戲院過乜戲,懷緬下過去咁。其實結業消息通天後,好多人都知該舖會再開番戲院,MCL終於宣佈戲院會於6月初登場,名為FESTIVAL GRAND的戲院有8個影廳,座位數目有約1,200個。院方還公佈院內將有全港首個採用HI-FI級音響的貴賓影院,真係要開業咗先知係咪高音甜,中音準。戲院呢兩日搞early bird優惠,$165有三張戲票同小食優惠券,齋計戲票的話平均只係$55張,平時正價要$95,優惠都算抵。


MCL呢排動作多多,早前宣佈要搞「區區有戲院」計劃,3月已在海怡開戲院,又即將進駐又一城,並預計於今年第三季再開一家,似乎有意跟另外兩家戲院龍頭UA及百老匯爭長短。預購日期:20/5-22/5地點:九龍塘又一城LG2層,顧客服務處旁查詢:MCLCinemas Facebook專頁記者:葉青霞





來源: http://hk.apple.nextmedia.com/su ... t/20160521/19620993
人影 一城 戲院 月初 重開 推早 早鳥 優惠 睇戲 55
PermaLink: https://articles.zkiz.com/?id=301017

睇戲睇衫

1 : GS(14)@2016-06-06 02:54:52

【北京直擊】法國殿堂級時裝品牌Chanel的Metiers d'art工藝坊系列,每年指定一個城市作為主題,2016早秋Paris in Rome,大前晚移師北京藝術園區798舉行,新裝滿佈昔日電影工業細節,如以菲林片飾邊又襯電影攝錄機形手袋,時尚玩味不減。



■Soo Joo Park的黑白皮裙裝,在型格中不失女人味。

■Chanel早秋Metiers d'art工藝坊系列大前晚移師北京藝術園區798內展出。

■時裝騷重現黑白電影世界中看不到的色彩與層次感。



東京、紐約、倫敦、上海及愛丁堡等都曾是Chanel Metiers d'art工藝坊系列的舞台,Chanel每次行騷都將場地大變身,衝擊視覺,2016早秋Paris in Rome繼去年12月於羅馬電影城發表,大前晚移師北京藝術園區798內的751D Park展出,騷場佈置成羅馬片廠中昔日巴黎鄰里社區場景,街道、路燈、涼亭、噴水池串連一起,貼合以法國著名女星及意大利電影傳奇為靈感的主題。



■經典的tweed jacket以電影菲林片作裝飾。

■攝錄機手袋充滿fun。

■系列以法國電影女星及意大利電影傳奇為靈感。



攝錄手袋

時裝騷由中國超模奚夢瑤、韓模Soo Joo Park以及Nadia Bender、Catherine McNeil等領軍,老佛爺Karl Lagerfeld為配合主題,將經典tweed套裝特別以電影菲林綑邊裝飾,營造出看似連身裙或三件頭套裝的錯覺,又有外形如電影攝錄機的手袋,於細膩奢華的造型中增添幾分時尚玩味。品牌經典米白、灰及黑成為主調,以棕、橙及啡色等自然色調貫穿,結合tweed、絲絨、雪紡、喱士硂透明薄紗等多元化布料。每個造型均搭配一雙性感喱士絲襪,這神來之筆完美地塑造出巴黎優雅風尚與一抹意式華麗魅力。



■時裝騷場地將在羅馬舉行時的巴黎街景重現,浪漫情調滿瀉。

■拉起布幕,咖啡店、餐廳琳瑯滿目。



喱士裹體

此外,多個皮革造型包括孖襟短外套、迷你裙及窄身牛仔半截裙,再加上浮誇smokey eyes,型格中滲出點點punk味。尾段的晚裝,喱士薄紗若隱若現,性感非常,糅合女性化線條輪廓,完美展現出婀娜姿態。採訪、攝影:麥如成


■完騷後場景即時變身,嘉賓化身DJ打碟,氣氛高漲。

【音樂後樂園】

時裝騷結束後,本來黑白平面佈置中的櫥窗,突然拉起變身成咖啡店和餐廳等不同商店,意味派對正式開始。然後其中一塊佈景被拉起,瞬間響起強勁節拍,奚夢瑤、歐陽娜娜、白百何及陳偉霆化身DJ在台上打碟,配合炫目的燈光效果,推高現場氣氛。





來源: http://hk.apple.nextmedia.com/entertainment/art/20160603/19638611
睇戲 戲睇 睇衫
PermaLink: https://articles.zkiz.com/?id=301826

【馮仁昭四圍超】盧冠廷孖老婆睇戲

1 : GS(14)@2016-08-04 04:06:25

早前忙完6月紅館演唱會嘅盧冠廷,出名愛妻號,成日孖住老婆唐書琛過二人世界,噚日盧冠廷同老婆趁除咗風球,即刻出動,不過天氣唔多好,最好都係行商場、超市或者睇戲喇。佢哋就揀咗入戲院睇《星空奇遇記:超域時空》。兩人拍住拖到九龍塘又一城,見到孭住背囊嘅盧冠廷行路時,隻腳一拐一拐咁行,似乎有腳痛問題,老婆就全程傍住佢行。撰文:馮仁昭





來源: http://hk.apple.nextmedia.com/entertainment/art/20160803/19720233
馮仁 仁昭 四圍 盧冠 冠廷 廷孖 老婆 睇戲
PermaLink: https://articles.zkiz.com/?id=304317

陳倩揚孖老公睇戲

1 : GS(14)@2016-09-07 21:46:22

陳倩揚、夏尉喻、陳慧珊及貝安琪等前晚在銅鑼灣出席電影《C奶同學會》宣傳。陳倩揚拖老公睇戲,因為暑假期間重點照顧兒子,忽略老公。而夏尉喻性感現身,明顯清減不少:「之前因荷爾蒙失調,經過轉文職一年嘅調理時間就正常返。」陳慧珊現時就讀教育系的博士課程,所以短期內謝絕任何幕前演出,主力讀書和湊女。採訪:卓寶花攝影:沈健程




來源: http://hk.apple.nextmedia.com/entertainment/art/20160907/19762391
陳倩 倩揚 揚孖 老公 睇戲
PermaLink: https://articles.zkiz.com/?id=308014

同老公去睇戲杏兒灰爆着Opening Ceremony褸

1 : GS(14)@2016-09-30 08:09:06

胡杏兒與老公Philip Lee(李乘德)日前去奧海城拍拖睇戲,當日杏兒打扮好灰,一身衣着都死氣沈沈,穿Opening Ceremony灰、青綠色雙面bomber,反出其中的灰色那面,加上頭戴黑色cap帽,兼戴口罩,毫無神采。




來源: http://hk.apple.nextmedia.com/entertainment/art/20160930/19786273
老公 去睇 睇戲 戲杏 杏兒 兒灰 灰爆 爆著 Opening Ceremony
PermaLink: https://articles.zkiz.com/?id=310734

趙世曾拖女同事睇戲

1 : GS(14)@2016-10-24 04:21:01

卓能集團主席趙世曾於前日本港受到強颱風「海馬」吹襲,掛8號風球期間,偕同內地女伴Dora十指緊扣現身圓方商場的戲院,欣賞湯告魯斯(Tom Cruise)主演的《烈探狙擊:誓不回頭》(Jack Reacher:Never Go Back)。散場時,Dora默默緊隨在趙世曾身後,但由步出戲院開始,趙世曾一隻手拿手機講電話,另一隻手就拖實Dora。當發現遇上記者時,Dora顯得有點尷尬,即時鬆開對方的手兼彈開。當邀請兩人影合照時,怕醜的Dora再度避開,不願上鏡。趙世曾被問到Dora是否新女友時,他即時否認:「唔係,佢係我深圳同事。」採訪、攝影:羅慧敏




來源: http://hk.apple.nextmedia.com/entertainment/art/20161023/19809278
趙世 世曾 曾拖 拖女 同事 睇戲
PermaLink: https://articles.zkiz.com/?id=313295

阿倫陪睇戲氹Wendy

1 : GS(14)@2016-11-10 08:02:40

■阿倫日前陪Wendy睇戲,身旁卻有兩位友人做電燈膽。DV圖片



阿倫譚詠麟一向甚少提家事,但對情人知己Wendy及兒子譚曉風愛護有加,再忙也抽時間陪伴。日前他便與Wendy到圓方看電影《狙擊.309》(Battle For Sevastopol),同行還有「綠葉王」張智軒及一位外籍男士。



■Wendy性格低調,20多年來都甘心做阿倫背後的女人。

為避開耳目,阿倫與Wendy當晚刻意遲10分鐘入場,散場時則選擇較少人的路直入停車場。抵停車場後,阿倫才放下戒心,張智軒則似乎忘記甚麼,一支箭又跑離停車場,其時Wendy先坐上司機位旁座位,阿倫不時與Wendy對話,Wendy被氹得嘻嘻笑,約過了10分鐘,張智軒氣喘喘跑回來,阿倫才開車載各人離開。採訪、攝影:徐錦池、畢紹基




來源: http://hk.apple.nextmedia.com/entertainment/art/20161110/19828227
阿倫 陪睇 睇戲 戲氹 Wendy
PermaLink: https://articles.zkiz.com/?id=314899

杏兒睇戲狂食爆谷

1 : GS(14)@2016-12-31 01:06:37

■杏兒與老公趁入場前,買定爆谷熱狗睇戲。
DV圖片



胡杏兒和老公李乘德(Philip)前日結婚一周年,兩夫妻當日輪流在Instagram放閃,Philip情深留言:「多謝你嘅微笑,多謝你嘅決心,多謝你畀我嘅信心,多謝你嘅一切。一周年紀念快樂,李太。」杏兒亦寫上:「多謝你成為我一生嘅伴侶,一周年紀念快樂!」在結婚周年前一晚(大前晚),杏兒與老公拍拖到圓方睇電影,當時正值晚飯時間,兩人往買熱狗和爆谷,更忍不住企埋一邊除下口罩醫肚。問到杏兒怎慶祝紙婚?她昨日短訊回覆:「冇乜特別喎,出席咗朋友婚禮,之後去返上年結婚嘅酒店食飯,然後又再睇戲,今日返咗上海做嘢。」採訪、攝影:徐錦池、孔志豪




來源: http://hk.apple.nextmedia.com/entertainment/art/20161230/19880861
杏兒 兒睇 睇戲 戲狂 狂食 食爆 爆谷
PermaLink: https://articles.zkiz.com/?id=320673

曾同老公睇戲嗌晒交杏兒:佢唔畀我食爆谷

1 : GS(14)@2016-12-31 01:06:37

做得夫妻又點會唔冇爭執,就好似胡杏兒同老公Philip Lee(李乘德),佢哋9月嗰陣,某日唔使開工嘅胡杏兒坐七人車到中環接老公放工,之後仲齊齊去奧海城睇戲。佢到咗商場附近落車嗰陣,氣氛已經變得有啲尷尬,而入到戲院,老公Phil買完飛join番老婆,兩人密斟一分鐘,傾傾下突然好似有啲爭執,仲疑似嘈起上嚟。三句講唔埋,Phil突然嚟個180度轉身,頭也不回咁走咗去!而杏兒就呆咗企喺度,仲未回過神來,呆完之後,胡杏兒先至識醒,即刻衝落扶手電梯追番老公……雖然之後佢哋都好番一齊入場睇戲,不過就行到離行離迾。不過佢哋都係耍花槍啫,過咗兩日Phil就喺Ig晒同老婆嘅放閃相。之後杏兒出席活動都有回應事件,佢就話:「有時呢啲私人事唔需要解釋太多,同埋解釋都冇用。最緊要係我同我老公,同我屋企人知就得0架喇。」咁件事又係點o架呢?佢就解釋話:「我記得我嗰一日係同我老公講我想食爆谷,佢話:『你病呀,你唔好食啦!』都冇影到啲乜嘢,咁就變咗單嘢喇。」真係好sweet呀!




來源: http://hk.apple.nextmedia.com/entertainment/art/20161230/19881533
曾同 老公 睇戲 戲嗌 嗌曬 曬交 交杏 杏兒 佢唔 唔畀 畀我 我食 食爆 爆谷
PermaLink: https://articles.zkiz.com/?id=320674

大劉健步如飛 帶甘比睇戲

1 : GS(14)@2016-12-31 10:18:05

【精神飽滿】■大劉換腎後前晚同甘比去銅鑼灣睇戲,精神不錯。





【銅鑼灣】劉鑾雄(大劉)自上月中發聲明與呂麗君分手,之後在高士美道大宅接受本報訪問,承認已換腎,由於康復期間,大劉大部份時間深居簡出,最近一次現身就數到本月11日,即與甘比簽紙結婚後齊齊到深水灣道地盤視察愛巢建築進度。大劉康復進度理想,上次他「出巡」時,已精神飽滿,前晚他更現身公眾地方,到他華置旗下的銅鑼灣皇室堡睇劉德華、麥迪文新戲《長城》,同行有太太甘比、岳母及大女秀樺。他們約於7時許離開,他一向睇戲都大陣仗,加上近來流感高峯期,在公眾場所更加不能掉以輕心,隨行的三個保鑣均戴上口罩及準備白毛巾侍候。


身形飽滿

一行7人由保鑣開路,甘比在大劉右身旁扶實他,而大劉就一手拎枴杖,另一手就捉實保鑣的手臂借力,不過見他身形飽滿,體重回升不少,神色亦不錯,健步如飛,步行時亦沒有依重枴杖輔助,而甘比母親就拖實秀樺緊隨他們之後,循特別通道乘升降機到停車場離開。



【乖女隨行】■二人所生的大女秀樺亦有隨行,拖實外婆。DV圖片

【盡興返家】■眾人睇《長城》睇到七時多,就到停車場坐座駕離開。DV圖片

■由劉德華和麥迪文合演的《長城》前日開畫收119萬元票房。劇照

另外,《長城》前日開畫錄得119萬元票房,成為開畫及單日票房冠軍,在內地上映15日,票房收9億人民幣。另一部由梁朝偉和金城武主演、王家衛監製的《擺渡人》相對較慢熱,前日首日開畫票房有約23萬港元,不過內地上映8日,票房已有3.6億人民幣。採訪、攝影:吳耀輝、畢紹基




來源: http://hk.apple.nextmedia.com/entertainment/art/20161231/19881967
大劉 健步 如飛 甘比 睇戲
PermaLink: https://articles.zkiz.com/?id=320806

【動畫】睇戲著閃光燈影彭于晏大媽被打到變豬頭

1 : GS(14)@2017-02-07 05:15:45

據內地媒體昨日報道,廣西桂林一名39歲秦姓女子於1月29日(大年初二),帶着60多歲的母親和9歲女兒到戲院看電影《乘風破浪》,未料男神彭于晏出場時,她過於激動,拿出手機拍了兩張相,還開了閃光燈,結果招來了一頓打,還連累母親也被打得鼻青臉腫!秦女前日接受媒體記者採訪時,左臉、左眼和下巴還有明顯的傷痕,母女倆因臉上的傷,大過年都只能躺在家裡,根本不敢出門。秦女說,年初二下午,她們一行三人到位於市中心的天籟巨幕影院看《乘風破浪》,傍晚6時40分散場時,甫走出影院沒多久,就有兩名與她年齡相仿的女子衝了上來。「她們先是罵了幾句髒話,然後把我推到在地上,拿起一個鋁製的保溫杯劈頭蓋臉的就朝我臉上打過來。」而目擊全程的女兒則站在旁邊大哭,秦母想幫忙拉開兩名施暴的女子,結果也挨打了。從秦女提供的閉路電視畫面可見,兩名女子先走出影院,之後是秦女及其女兒,走在前方的兩名女子回頭看了秦女幾眼後,就轉身走回去,沒說幾句話,3人就扭打在一起,秦女被扯倒在地。整個打鬥過程持續了1分鐘,隨後戲院工作人員上前勸阻,兩名女子被拉開後很快離開現場。秦女稱,事後得知該兩名女子與她們是前後座。天籟影院的相關負責人就事件回應稱,事發後他們報了警,警方已到戲院調查取證,但員工和秦女的女兒溝通後得悉,秦女和打人者曾在影院內有爭執。而負責此案的榕城派出所警員則透露,據閉路電視畫面顯示,秦女和打人者在影院內一前一後就坐,電影播放期間,秦女曾兩次拿出手機拍照,且沒有關閃光燈,每次拍照時前面坐着的兩名女子都有回頭,但因為影院內燈光昏暗,看不出雙方是否曾爭吵。警員續指,事件仍在調查當中,會盡快找到打人者。秦女隨後也承認有拍照,她說:「彭于晏出來的時候我很激動,就拿出手機拍了兩張,如果這樣做違規的話,我願意承擔責任。」她希望警方能盡快找到打人者,並希望對方道歉。廣西《桂林晚報》




來源: http://hk.apple.nextmedia.com/international/art/20170207/19920638
動畫 睇戲 戲著 閃光 燈影 彭於 於晏 大媽 被打 打到 到變 豬頭
PermaLink: https://articles.zkiz.com/?id=325827

陳茵媺又拎Hermes新袋出巡同老公拍拖睇戲

1 : GS(14)@2017-02-18 09:51:49

陳豪和太太陳茵媺( Aimee)婚後三年抱三,Aimee就停工專心湊囝囝梓燁、浩鋒和細女凱婷,而陳豪就努力工作搵奶粉錢養家,工作再忙,兩公婆都會抽時間過二人世界,日前就趁情人節,現身九龍圓方拍拖睇戲。
Aimee婚後已甚少出席公開場合,不過每次出巡都是她用的包包都闊太最愛的Hermès,今次睇戲亦不例外,今次用了入門版的Garden Party粉紅色皮革手袋,之前都未見過她用這個顏色,未知是否愛妻號陳豪送她的情人節禮物?更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170218/19932411
陳茵 茵媺 媺又 又拎 Hermes 新袋 出巡 老公 拍拖 睇戲
PermaLink: https://articles.zkiz.com/?id=326893

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019