ZKIZ Archives


出口術犧牲姚盈盈陳庭欣搞掂黃子雄幫拖

1 : GS(14)@2015-01-30 01:39:43

2015-01-29 NM

做咗三年的長命劇《愛‧回家》,成功造就劇中藝人知名度提升,爆騷又有機會搵快錢;但有指大台計劃添食到七百集後就收檔。去年才加入,在劇中做路人甲飾演泌尿科醫生的陳庭欣,眼見機不可失,出盡嗲功收服對手「查生」黃子雄,令對方以同醫生才有感情交流做理由,說服監製,將在劇中跟前妻姚盈盈的感情戲,轉移到她身上。積極爭取拍劇

一○年港姐冠軍陳庭欣,長期做節目主持,到近年才有機會拍劇,去年《愛‧回家》大洗牌,有份入組的她被派演醫生閒角,間中出鏡幫律師樓員工睇病檢查身體,角色可有可無。「Toby(陳庭欣)係個好進取嘅人,佢發覺做主持機會唔多,大騷好多時又唔輪到自己,所以就向戲劇組拍門,只要收到風有監製要搵人,佢就會即刻自薦,試過同監製講話知道阿邊個唔得閒,啲期會好難度,叫人改用佢,總之出名積極。」一名劇組工作人員說。加入《愛‧回家》後,陳庭欣抓緊機會,重點向對手黃子雄埋手。「佢同黃子雄合作過《載得有情人》,嗰時已經氹得對方好開心,喺《愛‧回家》佢兩個又最多對手戲,開親工都會一齊自拍,Toby又會將啲開工相放上微博,比起姚盈盈,佢識做人好多。」

同前妻唔夾

據了解,跟陳庭欣合作將近一年的黃子雄亦經常同導演、監製說跟她合作好有默契,尤其拍感情戲,自自然然就有交流,比起同姚盈盈,效果相差好遠。「黃子雄成日提住同Toby有火花,叫監製加條感情線俾佢哋,早排監製終於答應咗佢,所以嚟緊查生唔會再翻撻前妻,因為佢同Toby會撻着,兩個人會拍拖多啲戲份。」劇組工作人員說。可惜《愛‧回家》收視近日已跌破二字頭落到十七點,有指無綫打算五月腰斬劇集止血,即使陳庭欣搞掂黃子雄爭取加戲份,也時日無多。

出出入入

《愛‧回家》女角出出入入,唔聽話又或者話事人珍姐曾勵珍唔like,一定冇得留低。

朱慧敏在劇中升呢做女一的朱慧敏,被指將是非當人情,工作態度不佳,更將劇組開大會的內容外洩,被珍姐再三警告後依然唔收斂,結果被掟出局。

湯洛雯港姐落選後雖然不斷有機會拍劇做主持,但開工成日發夢唔投入,叮走。

蔣家旻被安排飾演人見人愛的馬子妮,令人氣升咗唔少,不過前年因瞞住珍姐拍剝衫戲,結果角色被安排出國,守行為半年,去年底終於可以再回家。
出口 犧牲 盈盈 陳庭 庭欣 搞掂 黃子 子雄 雄幫 幫拖
PermaLink: https://articles.zkiz.com/?id=287548

湯盈盈笑Toby似奶媽周家蔚挺肚扮飛女

1 : GS(14)@2015-04-01 08:58:36





■洪天明夫婦昨晚出席演藝人協會慈善晚宴時,扮嘢搶鏡。


洪天明夫婦、成龍、梁靖琪(Toby)及溫碧霞等昨晚出席在尖沙嘴洲際酒店舉行的演藝人協會慈善籌款晚宴,晚會主題是「我們的八十年代」同時向一班藝人前輩致敬。協會會長成龍於6時許就到達,但沒有接受訪問。洪天明跟挺大肚的太太周家蔚稍後到場,家蔚表示目前已經36周,預產期在5月初。她表示一身飛女打扮是跟其他姊妹傾好一齊穿着,稍後她跟魚網低胸裝亮相的Toby、姚樂怡及湯盈盈影大合照,Toby被問到是否希望以性感吸引異性追求,好姊妹姚樂怡即搶着說:「唔使咁佢都多人追啦,唔使介紹。」Toby笑說:「整咗兩個鐘同班姊妹夾過晒。啱啱先喺內地拍完劇返嚟,冇識到男仔。」抵死的湯盈盈更取笑Toby最宜作保母餵奶。



■左起:湯盈盈、姚樂怡、梁靖琪、鍾麗淇相約作飛女打扮。

■左起:陳欣健、岑建勳及許冠文一起參與晚宴。



溫碧霞憶海潮感觸

同樣一身八十年代的溫碧霞真空鬆高鞋現身,她笑言這身打扮跟當年「海潮」造型有幾分相像,她說:「內地仲睇緊海潮套劇,睇番八十年代都好感觸。」她透露復活節跟老公會到日本過二人世界,囝囝會留在香港。另外,名譽會長曾志偉表示善款所得會幫助有需要的演藝人。採訪:溫敏芝攝影:陳志嵐



■溫碧霞表示復活節會跟老公過二人世界。

■羅霖打扮性感,輕露事業線。



來源: http://hk.apple.nextmedia.com/entertainment/art/20150401/19097072
盈盈 Toby 奶媽 周家 蔚挺 挺肚 肚扮 扮飛 飛女
PermaLink: https://articles.zkiz.com/?id=289187

周汶錡宣佈陀仔會追女湯盈盈懷第二胎照跳舞

1 : GS(14)@2015-04-05 22:29:55





■錢嘉樂與湯盈盈再有喜,前晚去睇鄭敬基及李逸朗演唱會,企定定任影。


錢嘉樂與太太湯盈盈已育有兩歲囡囡凱晴,日前再傳有喜,不過二人三緘其口。二人前晚與洪天明到九展,捧鄭敬基與李逸朗向張國榮致敬的音樂會,鄭敬基在台上玩踢爆,呼籲台下觀眾起身跳舞懷念哥哥時,望住盈盈笑言:「如果懷孕就唔好跳,或者有咗兩個月都唔好跳。」盈盈在台下笑笑口照跳。



■湯盈盈全場high爆,跳哥哥名曲《無心睡眠》時天明還捽盈盈頭的臉。




■周汶錡懷B六個多月腹部未算好大,穿上薄荷綠裙依然苗條。

天明加把口

到散場時盈盈慢行護肚,與嘉樂企定定給記者影相,在旁的天明又笑住大叫記者:「小心啲,你哋。」記者上前恭喜嘉樂再做老竇,他全程笑晒:「遲啲先講,係開心事。」另外兩位準媽媽周汶錡(Kathy)與Cara G.,前晚在銅鑼灣利園出席時尚活動,同場還有徐濠縈和樂基兒。已有六個多月身孕的Kathy腹部未算好大,她透露腹中BB性別:「噚日check咗,係仔。」有否失望?她說:「女可以扮靚,我有好多手袋物件留畀女,會追多個,下一步啦,搞掂呢個先。」記者讚她會生混血靚B仔,她笑言:「係咩,追吓女仔都好,健康就OK。」


■阿徐前晚出席活動力撐Eason與韓紅友情深厚。

阿徐讚韓紅

阿徐老公陳奕迅(Eason)早前與韓紅上《我是歌手3》,韓紅以「包租婆腔」飆高音唱陳奕迅飲歌《十年》,遭網民指糟蹋,阿徐說:「大家風格唔同,韓紅風格響亮,佢喺內地好紅要騷quali,Eason唔想搶佢把聲,佢哋感情唔錯,係為佢打氣。」採訪:溫敏芝、卓寶花攝影:陳順禎





來源: http://hk.apple.nextmedia.com/entertainment/art/20150403/19099692
周汶 汶錡 宣佈 陀仔 仔會 會追 追女 女湯 盈盈 懷第 第二 二胎 胎照 跳舞
PermaLink: https://articles.zkiz.com/?id=289242

胎兒分解被母體吸收 盈盈流產園方24小時監察 會否北上再繁殖待研究

1 : GS(14)@2015-10-08 07:13:10

■盈盈流產後仍有懷孕反應,須留在房內休息未能與遊客見面。海洋公園提供圖片


【本報訊】宣佈懷孕不足一周,海洋公園昨證實大熊貓盈盈流產。據最新超聲波相片顯示,盈盈體內胎兒已無心跳,身體結構受破壞並停止發育,部份結構更被母體吸收。四川大熊貓專家指現時未有科學證據解釋原因,僅指情況並不罕見,認為各項準備措施充足。園方稱會繼續24小時監察盈盈狀況,明年會否再北上參與繁殖計劃則有待研究。記者:佘錦洪



原預期本周內分娩的大熊貓盈盈前晚驚傳胎兒不保,海洋公園昨日下午急忙召開記者會,正式確認流產。海洋公園獸醫李富康表示,昨晨為盈盈進行超聲波掃描時,發現胎兒由日前見到清晰頭部及臀部形狀,變得不明確及明顯有分解現象。他指胎兒結構受到破壞並停止發育,亦再無心跳,部份組織懷疑被母體吸收,斷定胎兒已失去生命迹象。



獸醫稱之前無異樣


李稱盈盈一直由專人24小時監察,其間配合檢查,有定時抽血、驗尿及照超聲波,形容發現有問題前是「Nothing has gone wrong(之前無異樣)」。專程由四川來港協助分娩的卧龍中國保護大熊貓研究中心獸醫主管王承東亦指,多年來一直與海洋公園合作,認為整個團隊已為盈盈提供最好照料,「如果發現有問題早就指出了」。王承東引卧龍中心多年經驗指,母體吸收在大熊貓身上並不罕見,每年各國照顧大熊貓機構交流會上都有分享相關案例;但由只能在分娩前18天方可經超聲波檢查得到胎兒,他們現時仍缺乏足夠科學數據解釋母體吸收的成因,亦難有確實數字去界定發生機率。他又稱母體吸收不影響日後懷孕,胚胎能成功着床已證生育機能良好,將留港與海洋公園團隊密切監察盈盈情況。海洋公園動物及教育部執行總監蔣素珊指,盈盈從送往四川參加繁殖計劃到完成回到香港,一直由專家團隊作評估,確保盈盈無受任何壓力及保持鎮靜,不認為運輸過程是導致母體吸收的原因。她料盈盈可於短期內恢復,不會影響明年發情期,但會留港抑或再次參加繁殖計劃,則要由團隊與四川研究後再作決定。



繁殖期可至18歲


海洋公園動物部高級館長祝效忠亦指出,盈盈雖未能成功產子,但經繁殖計劃後已學習到自然交配經驗,算是完成其中一個目標。他又稱大熊貓一般繁殖期可至18歲,相信盈盈仍有機會懷孕,會繼續安排人手24小時照顧盈盈,惟因仍經歷懷孕反應,目前仍需留在後勤基地,亦會限制熊貓館人流使其靜心休養,但未知幾時可再與遊客見面。





來源: http://hk.apple.nextmedia.com/news/art/20151008/19324893
胎兒 分解 母體 吸收 盈盈 流產 園方 24 小時 監察 會否 北上 繁殖 研究
PermaLink: https://articles.zkiz.com/?id=292880

朱盈盈花名偉大「食我波餅都有啲尷尬」

1 : GS(14)@2016-06-06 03:17:49

朱盈盈(Zenia)日前在石澳穿三點式拍攝豐胸纖體廣告,擁有33C、25、35身段的她自爆,中學年代已經儲錢做豐胸療程:「我返學時花名係『偉大』,但我覺得唔夠大,想豐滿同着衫靚啲。隆胸始終涉及手術,風險高,又怕痛,而家都夠用。」
Zenia曾參選港姐、亞姐,及後參加中國小姐奪全國季軍,提到ViuTV正籌備實況選美節目《美選D.n.A》,問到有沒有興趣再參加選美節目?她說:「選美方面,我夠晒喇!但我呼籲身邊朋友,只要夠靚夠自信,不妨去試下。」此外,提到早前拍攝電影《神探》和何華超有情慾戲,她笑說:「好緊張,超哥食我波餅都有啲尷尬。」採訪:黃曉妍攝影:陳俊強





來源: http://hk.apple.nextmedia.com/entertainment/art/20160605/19641691
盈盈 花名 偉大 食我 我波 波餅 餅都 都有 有啲 尷尬
PermaLink: https://articles.zkiz.com/?id=302067

朱盈盈考慮玩半裸

1 : GS(14)@2016-07-09 07:09:52

朱盈盈昨日在油麻地為代言纖體豐胸產品宣傳,以吊帶背心裙現身的她說:「我諗住留番書展先,有對手先騷quali,今日都有露背㗎。」朱盈盈將在書展推出月曆,問孫慧雪是否她的勁敵?她說:「我唔係行性感,係玩造型多變,年年都性感好悶。比堅尼係底線,半裸就遲啲先考慮,睇吓銷量啦。」朱盈盈表示有很多追求者,但未有富二代追求:「我都等緊呀,最緊要體貼同細心。」採訪:盧妹攝影:陳志嵐





來源: http://hk.apple.nextmedia.com/entertainment/art/20160709/19687183
盈盈 考慮 玩半 半裸
PermaLink: https://articles.zkiz.com/?id=303148

朱盈盈全年行性感

1 : GS(14)@2016-07-12 22:08:17

有「嫩版李彩華」之稱的朱盈盈(Zenia),今年書展會搞搞新意思,主攻月曆,推出『盈.愛上』2017月曆,有12個性感造型,朱盈盈接受本報電話訪問說:「今年想出月曆先,有意思啲,月曆先至好,可以對足三百幾日,12個造型大部份都係唔同衫,其實每一個造型都好特別,有啲會sexy啲,以比堅尼為主,但唔會好似啲人咁飲奶、食香蕉,我最多係食曲奇餅。」





來源: http://hk.apple.nextmedia.com/entertainment/art/20160712/19690680
盈盈 全年 性感
PermaLink: https://articles.zkiz.com/?id=303435

出爐港姐冠軍撐傘運馮盈盈爆粗鬧梁特「愛之深 責之切」

1 : GS(14)@2016-09-13 08:04:20

■馮盈盈昨以出爐港姐冠軍身份與傳媒見面,她承認爆粗鬧特首梁振英是因為愛之深,責之切。



今屆立法會選舉結果,年輕人議政的勢力抬頭。22歲出爐港姐冠軍馮盈盈(Crystal)原來亦是性情中人,從她的facebook發現,前年她力撐雨傘運動,對反佔中的時任立法會議員和特首梁振英,都不留情面連環爆粗怒罵。昨日馮盈盈出席活動時,承認發表過有關言論,原因是「愛之深,責之切」。



應屆香港小姐三甲前晚誕生,馮盈盈大熱奪冠,亞軍及季軍分別是劉穎鏇和陳雅思。馮盈盈當選後,其facebook即被網民起底,指她在前年雨傘運動期間,不時以極流利的粗言穢語留言,更爆粗鬧特首梁振英,認為她有損港姐的優雅形象。翻看馮盈盈的舊貼文,當年食物及衞生局局長高永文指,沒有數字顯示佔領運動阻礙急救,馮盈盈爆粗鬧梁振英:「而家自己人都撐你唔落,再次X到冇眼睇!」又以「呢個人真係相當有嫌疑」質疑梁特收受澳洲公司回佣一事。


粗口流利順暢

馮盈盈對建制派的批評更是不遺餘力,特別對鍾樹根、蔣麗芸及葉劉淑儀等的言論,她不留情面以粗口侍候,例如問「全盛時期嘅tree gun(鍾樹根)到底要X幾多鑊先夠?」對於在雨傘運動中,有反佔中阿伯抓向女佔領者胸部,事後阿伯被警員帶離現場了事,馮盈盈感同身受在fb爆粗大罵「X你老X冚家X!條死鹹蟲大大力狂揸落去,個女仔不停喊非禮都唔放手……以後我出街俾人非禮,有晒證人有晒片捉埋個疑犯都唔X洗旨意告得佢入。」昨日馮盈盈在將軍澳電視城接受傳媒訪問,她直認曾在fb爆粗留言,指當時剛剛考入大學,受到當時整個大學的狂熱氣氛影響,她說:「我係香港土生土長嘅,好關心香港嘅時事,愛之深,責之切,所以特別有強烈嘅情緒,先會有啲較激嘅言論。」她強調自己平時言行絕對不會如此,只是會在比較私人的fb平台上,與最親的朋友抒發情緒,她說:「平時言行,同人日常交往,冇可能講呢啲嘢,女仔都要斯文啲,唔應該講!」



【鬧梁振英】

【五珠連爆】■馮盈盈前年在fb鬧梁振英,又寸鍾樹根。

【寸鍾樹根】


網友撐真性情

訪問期間,馮盈盈兩次表示以後會小心言論:「經一事長一智,始終畢咗業,個人投身社會,選完港姐成熟咗成長咗,明白到同一件事有好多睇法同真理,要有包容開放心態,總之抱住多啲正能量嘅態度就好!」另她接受無綫新聞部訪問時,問到作為港大畢業生,面對早前校委會風波及副校長任命時的衝突,馮盈盈認為要加強雙方溝通:「校委會增加多啲學生代表,採取開明包容嘅態度。」雖然有網友認為講粗口有損港姐形象,有亦有網友力撐「支持Crystal!香港人邊個冇講過粗口?對着不公義有氣憤填膺好出奇?咁都唔嬲一係人渣一係白癡。」前晚港姐決賽亦公佈香港先生結果,冠軍黎振燁、亞軍丁子朗及季軍鍾君揚。今年港姐觀眾票選,馮盈盈得票為36,679票,對比上屆冠軍麥明詩得票為166,659票,但上年及今年總投票人數都約為23萬人,馮的得票率不像麥明詩般一面倒。採訪:李森


【批評特首】■馮盈盈轉貼《蘋果》新聞後,批評梁振英的言論得罪好多人。

■馮盈盈揚言是土生土長的香港人,十分關心香港時事。



來源: http://hk.apple.nextmedia.com/entertainment/art/20160913/19768696
出爐 港姐 冠軍 撐傘 運馮 盈盈 爆粗 粗鬧 鬧梁 梁特 愛之深 責之 之切
PermaLink: https://articles.zkiz.com/?id=308900

馮盈盈認戀十優醫生

1 : GS(14)@2016-09-13 08:04:20

■馮盈盈男友現於公立醫院做醫生。


■馮盈盈強調單身後才與現任男友Martin發展。資料圖片

港姐冠軍馮盈盈前晚戴后冠,昨即被讀者連環爆新歡舊愛起底,馮盈盈舊愛姓呂,被指讀中學時是毒男,只顧讀書不修邊幅冇女朋友,想不到讀港大就追到女仔;至於新歡Martin姓鍾,於名校喇沙書院畢業,更是05年的十優狀元,現於公立醫院做醫生。對於被踢爆戀情,馮盈盈昨出席活動強調:「兩段感情冇重叠,同之前男友差唔多分手咗成年,先同而家男友發展。」至於有指馮盈盈現時外貌跟以前不同,她笑說:「梗係啦,女大十八變,呢個世上冇醜女人,只有懶女人,我有向朋友偷師,努力按摩、敷面,仲有飲食都注意咗。」採訪:皓騫




來源: http://hk.apple.nextmedia.com/entertainment/art/20160913/19768715
盈盈 認戀 戀十 十優 醫生
PermaLink: https://articles.zkiz.com/?id=308903

麥明詩寸馮盈盈:不要忘掉自己

1 : GS(14)@2016-09-14 05:52:13

■麥明詩當年曾撐佔中,卸任後寫感言「始終如一」。互聯網圖片



戴了港姐光環的馮盈盈回應官腔,相反麥明詩的卸任感言卻令網民激讚,前晚她在fb貼感言表示:「不要為別人忘掉自己,不要被困難所折服;要毋忘初衷,要一如既往。」有網民問是否暗寸馮盈盈被爆前年在fb爆粗罵反佔中,昨日及前日回應事件時,她即轉軚改口風自言少不更事呢?


拒企道德高地

昨日麥明詩亦寄語馮盈盈:「自己都遇過壓力亦崩潰過,希望大家畀多啲空間佢,呢個世界總有人鍾意或討厭你,唔使為其他人改變自己。」問到有否講過粗口?她說:「估到會咁問我,粗口當然識,呢個係廣東話文化,如果我話成世人唔講,你哋信唔信呀?我唔會企喺道德高地去批判人,中國文化博大精深,有啲話比粗口仲難聽。」




來源: http://hk.apple.nextmedia.com/entertainment/art/20160914/19770131
麥明 明詩 詩寸 寸馮 盈盈 不要 忘掉 自己
PermaLink: https://articles.zkiz.com/?id=309049

又爆粗 拍司徒夾帶喪叫「呆X咗」馮盈盈死撐聲畫趣味

1 : GS(14)@2016-09-17 16:15:47

■騷波罅的馮盈盈和司徒夾帶大講有味笑話,表現豪放。互聯網圖片



出爐港姐冠軍馮盈盈繼被揭曾於社交網上,用流暢粗口文字鬧特首梁振英和不公義事件後,昨日被揭疑又爆粗,今次更加是有聲有畫面,網上瘋傳馮盈盈跟Youtuber司徒夾帶到石澳玩滑翔傘的短片,扮假教練的她騷波罅和長腿,在半空中驚到喪叫,忽然爆句:「呆X咗!」



■馮盈盈玩滑翔傘驚到不停喪叫,還疑爆粗:「呆X咗!」互聯網圖片

■馮盈盈疑爆粗後對鏡頭說:「嘟咗佢!嘟咗佢!」互聯網圖片

■馮盈盈玩完後說好high,被司徒夾帶取笑:「所以你要講粗口㖭!」互聯網圖片

大講有味笑話

短片於今年2月上載YouTube,馮盈盈坐在真教練前面,她在降落時似古代情色片主角上身,喪叫:「三次啦,唔再要啦官人!」接着更high到疑似爆粗:「下面啲人望住我哋呆X咗!」知衰多口的她對鏡頭說:「嘟咗佢!」馮盈盈更在短片中表現豪放,被問到是否好多年輕人搵她玩滑翔傘?她大講有味笑話:「冇錯,我幫過好多年輕人起機!」昨日司徒夾帶接受電話訪問,他說:「我唔覺得佢講嗰句說話,係叫爆粗。現實中,亦冇聽過佢講過粗口,啲人話佢facebook講粗口,我覺得遇到不平事,覺得不忿,上網發洩吓冇乜問題。」




來源: http://hk.apple.nextmedia.com/entertainment/art/20160915/19770807
又爆 爆粗 司徒 夾帶 喪叫 盈盈 死撐 撐聲 聲畫 趣味
PermaLink: https://articles.zkiz.com/?id=309243

好驚粗口嘅黃翠如遇上爆粗港姐馮盈盈

1 : GS(14)@2016-09-17 16:15:47

■好驚粗口的黃翠如(左)昨日遇上爆粗港姐馮盈盈,兩人正襟危坐眼神沒交流。



而馮盈盈昨到將軍澳出席活動,被問到在短片疑似講粗口?她死撐說:「咁其實疑似呢,實際係冇嘅,係為咗整個節目效果,我哋做呢個少少效果出嚟增加趣味。」對於她在片中說「嘟咗佢」,馮盈盈支吾說:「當時我哋係為咗整條片加少少有趣嘅位。」


翠如讚有智慧

至於曾表示「好驚粗口」的黃翠如,昨日跟爆粗港姐馮盈盈同場,兩人並排而坐沒眼神交流,問到會否接受馮盈盈講粗口?黃翠如說:「唔會唔接受,呢啲嘢好個人,但自己就冇呢個習慣。」對於馮盈盈被揭爆粗,她說:「佢好勇敢,啱啱入行多人關注,依然處理得好好,好有智慧,自己都要同佢學習。」問男友蕭正楠有否講粗口?她說:「以我記憶就冇,我們好少會嗌交,唔會嬲到要講粗口,尤其佢而家身體好弱,我都唔捨得蝦佢!」採訪:王梓嫚




來源: http://hk.apple.nextmedia.com/entertainment/art/20160915/19770895
好驚 粗口 嘅黃 黃翠 翠如 遇上 爆粗 粗港 港姐 姐馮 盈盈
PermaLink: https://articles.zkiz.com/?id=309244

龐卓欣撐馮盈盈:爆粗好正常

1 : GS(14)@2016-09-17 17:33:05

龐卓欣、松岡李那、李月、日本AKB48前成員永尾瑪利亞昨日在尖沙嘴為日本時裝店任開幕嘉賓,松岡表示首次見永尾瑪利亞,不知道是哪個AKB,不過覺得對方好可愛。龐卓欣剛卸任港姐身份,未有跟無綫簽約,她說:「而家可以乜都試吓,唔簽無綫都係想乜都做吓,唔係只做演員或主持。」現時她教小朋友聲樂為主,獲男友支持。



■松岡指首次見永尾瑪利亞(左),覺得對方好可愛。

出爐港姐馮盈盈當選後被揭爆粗鬧政府,龐卓欣表示有留意:「如果我話我冇講過粗口你信唔信?最緊要唔喺台上面講,細個點講都好正常,大個咗可以用其他詞語表達自己會更好,大個咗會識諗。」採訪:卓寶花攝影:陳順禎




來源: http://hk.apple.nextmedia.com/entertainment/art/20160916/19771988
龐卓 卓欣 欣撐 撐馮 盈盈 爆粗 粗好 正常
PermaLink: https://articles.zkiz.com/?id=309395

馮盈盈母似蘭子掀罵戰

1 : GS(14)@2016-09-17 17:52:50

■日前有網民指馮盈盈的母親(右),樣貌似足陳淑蘭。資料圖片


■一向敢言的蘭子,主持ViuTV《晚吹》時討論不少大膽話題。資料圖片

今屆港姐選完後新聞比之前更多,全因冠軍馮盈盈當選第二日,即被人起底指她撐佔中及經常流利爆粗,除了即時被網民鬧爆,更有高登網民貼她當選後與媽媽合照,指其母樣貌熟口熟面,隨即有人說馮母似ViuTV《晚吹》一位女主持,暗指她似陳淑蘭(蘭子)。不過,由於有網民不認識蘭子,故話題好快便由馮母轉為恥笑90後網民。有網民留言:「正常一個香港人真係冇可能唔識蘭子!」有90後網民反擊:「遲出世有罪!就係呢班廢中,成日話90後點點點……自己識少少嘅,你唔識就扮大師父。」但亦有網民留言:「真係影衰我哋啲90後,話人蘭子曝光率低,仲要學人死兜爛兜博存在感,好心冇腦就咪上高登啦!」撰文:李察




來源: http://hk.apple.nextmedia.com/entertainment/art/20160917/19772851
盈盈 母似 蘭子 掀罵 罵戰
PermaLink: https://articles.zkiz.com/?id=309451

馮盈盈玩盧海鵬試咪

1 : GS(14)@2016-09-24 23:30:47

被封為「粗口港姐」的應屆港姐冠軍馮盈盈,昨日出席汽車贊助商頒獎活動,她在受訪時突然對着咪說:「試咪、試咪,盧海鵬試咪。」令在場記者大為震驚,在馮盈盈還未吐出粗口歇後語時,被問到知不知之後是一句粗口,她立刻解釋:「冇喇,冇喇,淨係試咪,冇下一句。」被問到是否提起「粗口」兩個字都驚?她否認並表示只是希望日後更小心處理粗口。馮盈盈透露跟麥明詩有私下傳短訊,麥明詩更教她如何面對負面新聞,其中最深刻是會受到很多負面批評,被人鬧離地。馮盈盈指自己沒想過會否做一個貼地港姐,只是朋友覺得她好貼地,她本身就是這樣,沒有特別塑造這個形象。撰文:非非




來源: http://hk.apple.nextmedia.com/entertainment/art/20160924/19780226
盈盈 玩盧 盧海 海鵬 鵬試 試咪
PermaLink: https://articles.zkiz.com/?id=309857

馮盈盈擘髀扮杯緣子

1 : GS(14)@2016-09-27 07:14:44

■馮盈盈被揭去年曾擘髀扮杯緣子,與杯色子(前)走勻港九。



被揭爆粗鬧政府和特首的出爐港姐冠軍馮盈盈,參選港姐前曾兼職模特兒工作,除了曾玩cosplay外,更試過擘髀扮日本人氣figure杯緣子!


去年尖沙嘴The ONE商場與杯緣子聯手舉辦「奇幻聖誕派對」,邀請了男扮女的「A貨杯緣子」杯色子由日本來香港宣傳,其間大會還邀請身為杯緣子fans的王貽興為杯色子影寫真,並安排了3位女模特兒扮杯緣子做杯色子陪襯拍照,馮盈盈便是其中之一。拍照當日一行人走勻港九及乘搭不同交通工具拍照,相中見馮盈盈不時玩擘髀,甚至可以向後拗腰再用雙手捉住雙腳,身體極為柔軟。採訪:魯吉




來源: http://hk.apple.nextmedia.com/entertainment/art/20160926/19781772
盈盈 擘髀 髀扮 扮杯 杯緣 緣子
PermaLink: https://articles.zkiz.com/?id=310130

朱盈盈出立體寫真

1 : GS(14)@2016-10-01 13:19:58

朱盈盈和許嘉浩(綠魔)昨日在九展為outlet拍攝廣告,朱盈盈表示計劃明年推出立體寫真,她說:「未pop up有衫着,pop up之後有啲嘢彈出嚟,我嘅底線係三點不露,但用泡泡搽滿身都可以。」趙哲妤自爆懷孕6個月,綠魔指之前陪她看醫生做產檢,一切正常健康,綠魔指經手人是超級低調圈外生意人,趙哲妤跟BB爸爸關係不太差,亦沒有經濟負擔。




來源: http://hk.apple.nextmedia.com/entertainment/art/20161001/19787161
盈盈 立體 寫真
PermaLink: https://articles.zkiz.com/?id=310880

【爆相爆片】拍拖去台灣馮盈盈男友做阿四 閃縮坐經濟艙

1 : GS(14)@2016-10-11 08:11:50

【遮到冚】■大前日搭經濟艙往台灣的馮盈盈,戴口罩外更戴上黑超。讀者提供圖片



現年22歲應屆港姐冠軍馮盈盈,當選後被揭曾於facebook爆粗鬧政府和特首梁振英而「一爆成名」。大前日,馮盈盈被發現與醫生男友Martin,搭乘經濟客位到台灣旅行,而為免被人認出,馮盈盈全程戴上口罩,而其男友由在航空公司櫃位排隊check in、抵埗後攞行李和到兌換店換錢,也如阿四般服侍得女友妥妥貼貼。



馮盈盈當選港姐冠軍後被連番起底,除被揭兩年前曾經力撐雨傘運動,以及於facebook爆粗鬧爆政府、特首梁振英及建制派官員外,更有指她因為戀上曾是十優狀元、現為瑪麗醫院內科醫生Martin Chung,所以狠撇大學時期結交的呂姓男友,惟其後馮盈盈澄清與舊愛分手一年,才與現任男友拍拖,兩段感情未有重叠。當選港姐前,馮盈盈不時在社交網放閃,大晒與男友Martin的甜蜜生活照,但當選後,馮盈盈為顧及形象,言行甚至拍拖生活也變得低調。日前,本報讀者發現馮盈盈與Martin飛往台灣旅行,但馮盈盈為免被人認出,惟有全程戴上口罩遮掩。



【搭膊頭】■落機時,Martin忍不住搭住女友馮盈盈的膊頭。

【等兌換】■Martin在機場兌換錢,馮盈盈站在一旁等候。


全程瞓覺

讀者張小姐前日透過本報「爆相爆片」報料,指大前日下午5時半,於香港機場的香港航空櫃位,碰見馮盈盈男友Martin排隊check in,但就未見馮盈盈同行,直至上機後始見到馮盈盈,同行還有一名女子。雖然馮盈盈是港姐冠軍,其男友又是醫生,但二人未有搭商務機位,而是跟普羅大眾一樣搭經濟艙,拍拖生活十分貼地。與馮盈盈搭乘同一班機前往台北的張小姐說:「到我上飛機嗰陣,就見到馮盈盈坐喺男友隔籬,馮盈盈全程戴住口罩瞓覺,飛機停定嗰陣,仲戴埋黑超,佢同男友講嘢都好避忌,好細聲,可能驚人認得啦!個男仔其實試過幾次想搭馮盈盈膊頭,不過舉起手,諗咗陣又放低番,試完左手,又試右手,搞咗一輪先搭到。到喺台灣機場攞行李嗰陣,馮盈盈又係坐埋一邊,等男友搞掂晒,先過去會合番。」



■馮盈盈當選港姐前,經常在社交網貼與醫生男友Martin的蜜照放閃。資料圖片

■馮盈盈曾當兼職模特兒,不時晒長腿及美好身段。

■馮盈盈男友Martin是十優狀元,現於瑪麗醫院任內科醫生。


從旁齋睇

攞完行李後,一行人到兌換店換錢,同樣是由Martin排隊換錢,馮盈盈則站在一旁等候,可見Martin如阿四般,服侍得女友相當周到。其實馮盈盈當選港姐後,要馬不停蹄出席應酬活動和亮相電視台的各大小節目,與男友拍拖時間大大減少,加上在香港拍拖,分分鐘會被傳媒發現,估計近日她索性趁周六、周日及重陽節假期,與男友出埠旅行,以便在外地可以毫無顧忌地跟男友享受甜蜜蜜拍拖生活。採訪:王梓嫚




來源: http://hk.apple.nextmedia.com/entertainment/art/20161011/19796972
爆相 相爆 爆片 拍拖 去臺 臺灣 灣馮 盈盈 男友 做阿 阿四 閃縮 縮坐 經濟艙 經濟
PermaLink: https://articles.zkiz.com/?id=311531

馮盈盈十優狀元男友任內科駐院醫生

1 : GS(14)@2016-10-11 08:11:52

馮盈盈(Crystal)係新鮮出爐港姐冠軍,仲喺facebook出粗口post鬧不公義嘅事,又試過拍片時爆粗,有「粗口港姐」嘅稱號。不過「粗口港姐」都有個醫生男友,可能係鍾意佢夠真性情。呢位醫生男友叫Martin,中學讀喇沙書院,係05年嘅十優狀元,之後喺港大讀醫,o依家喺公立醫院任職內科駐院醫生。Martin同Crystal喺ig都有啲放閃相㗎,佢哋喺夕陽做背景之下嘴對嘴,又有錫額頭嘅相,真係好sweet!不過亦有爆料指,Crystal喺港大讀書時,有一個姓呂舊愛,有指嗰位舊愛外形比較毒,中學時候不修邊幅,上到大學先拍拖,Crystal亦都刪晒同呂姓舊愛嘅合照。仲有話Crystal同呂姓舊愛拍拖時,嗰樣同o依家有啲唔同,不過有冇整過就唔知喇。




來源: http://hk.apple.nextmedia.com/entertainment/art/20161011/19796718
盈盈 十優 狀元 男友 任內 科駐 駐院 醫生
PermaLink: https://articles.zkiz.com/?id=311536

馮盈盈增十磅選華姐

1 : GS(14)@2016-10-26 08:03:10

港姐冠軍馮盈盈、季軍陳雅思及友誼小姐張寶兒昨日在荃灣仁濟醫院蔡百泰幼稚園出席「愛心曲奇暖萬家」記者會。馮盈盈在求學時期當過義工,到過幼兒園探訪,知道照顧小朋友或寵物需要愛心和耐性,隨即被問到有否想過生育問題,她直言生育對她而言是個遙遠的計劃,一切會順其自然。明年1月馮盈盈會代表香港參選「國際中華小姐競選」,她表示現在只有100磅,希望多吃甜品和飯等食物增磅,目標是110磅。季軍陳雅思表示十分喜歡小孩,亦有照顧弟弟的經驗。至於友誼小姐張寶兒表示有想過領養小孩,因為她覺得並不是每一位孩童同樣擁有幸福家庭。撰文:非非




來源: http://hk.apple.nextmedia.com/entertainment/art/20161026/19812000
盈盈 增十 十磅 磅選 選華 華姐
PermaLink: https://articles.zkiz.com/?id=313543

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019