職場慧眼：上司卸膊點算好
1 :
GS(14)@2016-07-09 06:45:47「我在這裏工作了一年多，其實公司各方面人工福利我都係滿意，工作可以算得上清閒，幾乎日日都可以準時放工，個個朋友都羨慕我，但係有一個難題，就係我上司。他算得上是老臣子，最叻就是恃老賣老，成日點我做嘢都算。但一有甚麼事，就把所有責任推在我身上，總之就係我跟得、唔好、問得唔清楚，永遠乜嘢都唔關佢事。真係好激氣，我想問S姐你我有乜嘢方法可以令管理層知道事實，其實啲錯係佢錯唔關我事，但係唔影響我份工？因為我怕上司會秋後算賬，我份工都無埋！」
老老實實，你這份是否政府工？因為除了政府工，無論廢到如何不能還要hea做卸膊，日日無所事事、不事生產、準時放工依然可以保得住份工，除了政府工實在別無他選！言歸正傳，你都識講你上司是老臣子，他當然比你更清楚在這裏的生存之道，他是個怎麼樣的人管理層怎可能不知道？反而就是因為他是這樣的人，才可以在這裏苟且偷安，我完全看不出當中有你有任何資格條件去投訴。要不是要找個人來幫他做跑腿兼孭鑊，請你來幹甚麼？看來你連自己的存在價值和意義都不清楚。這世界從來沒有免費午餐，凡事總有代價，我知我可能厚多士，為你擔心你前途，因為你完全沒有為自己將來擔心過。在這裏嘆慣懶慣hea做慣，萬一有甚麼冬瓜豆腐你上司看你不順眼，要出來社會再重新找工作的話，你如何適應？又有甚麼競爭力？不過當然，叠埋心水等你上司退休然後接任，依樣葫蘆請個下屬返來點，亦未嘗不是一條出路。不過我會勸你好好學習如何做一個任勞任怨伺候主子的好公公，怕只怕你即使自宮，亦未必成功！張慧敏
http://www.facebook.com/HKcareerdoctor
來源:
http://hk.apple.nextmedia.com/financeestate/art/20160708/19685591