中環在線：畢菲特為部車買比亞廸？ 李華華
2008-10-15 AppleDaily噚日先講過，曾經拒絕股神畢菲特入股嘅中國公司，原來係比亞廸（1211），其主席王傳福仲爆咗樣嘢，雖然全電動車仲研製中，但股神已經好恨玩，講到明希望係第一個揸呢款車嘅人。一向貪玩嘅股神，入股比亞廸背後嘅原因，會唔會係為咗買架玩具，同埋爭做最先玩嗰個呢？
希望第一部由他開
據 《上海證券報》報道，王傳福前日喺「中外CEO論壇」上講到佢哋研製中嘅電動車。之前都有報道話畢菲特入股比亞廸，係睇好佢哋開發新能源汽車嘅前景，只係 估唔到，股神自己對部車都好有興趣囉。王傳福話，最遲12月可以推出市場嘅係混合電動車，已通過10萬公里路測同安全碰撞測試，家陣只等國家批文；但股神 睇中嘅唔係呢部，而係全電動車，呢部預計明年下半年先推出，充電一次可以行400公里，據王傳福講：「畢菲特很喜歡這款車，希望第一部由他來開。」
笑到最後：畢菲特點解買蘋果
1 :
GS(14)@2016-05-24 10:41:49所以話，有啲嘢，現場睇，同睇直播，係兩回事。最近股神畢菲特旗下投資旗艦巴郡向美國監管機構提交的文件中披露買入蘋果公司981萬股，咁大件事當然好多本地股評界評論，點知一睇，發現大家都唔係太了解畢菲特做緊乜，又話睇好科技股又話蘋果估值，其實唔關事。
早已超越炒股票
今年巴郡股東會最精警的一條問題，要數第一條，台上女記者Carol Loomis代股東發問問題，話以往股神推崇細價股、小型資本，家陣買親都係資本密集，係咪轉咗軚？基本上，全個股東會，股神對收購有兩個睇法：一、擁抱資本密集股份；二、挑選贏家。《華爾街日報》記者問過畢菲特，後者話買蘋果單刁佢冇份決策。但高明認為，呢個反而唔係重點，因為喺得巴郡打工，理念同手法都相近，唔會無啦啦轉咗技術分析。而買蘋果，同係咪科技股無關，同上述兩項準則更有關係。蘋果係科技公司，生產線外判晒出去，唔需要重大資本投資機器同廠房，唔算得上資本密集，但有一樣特質同資本密集好似，就係新加入競爭唔易。資本密集公司因為投入大，通常競爭唔多，公共資源、電網、鐵路、基建，唔係想開就開，有一定程度壟斷。智能手機大戰都打得七七八八，贏家不外乎蘋果、Google同三星，小米可能已經係呢轉最後加入者，再新入行造Andriod手機好難賺錢，賺錢尾班車開咗。蘋果雖非資本密集公司，只要下一個喬布斯未出現破壞現有智能手機生態，蘋果都會坐擁壟斷地位。第二，只係佢選贏家，蘋果明顯係贏家，手執手機硬件同埋App Store，手機有「蘋果溢價」，App Store基本上係自成一個生態，比起Google好嘅地方，全線自己食晒，唔使畀其他手機生產商分咗手機嘅盈利。有人會話巴郡買蘋果，係錯過咗之前龐大升浪，食咗水尾先嚟買，唔符合價值投資精要。但係畢菲特喺股東會明言，股票師承格拉咸，做生意跟芒格學嘢，而巴郡嘅規模，早已超越炒股票，揀贏家嚟買，係佢嘅生意手法。再深層次啲，就係畢菲特對負利率嘅憂慮，同埋覺得美國會繼續繁榮，低息甚至負利率令現有企業唔會失敗，因為永遠有銀行借錢救，而經濟向好則傾斜現有贏家。至於應唔應該跟股神畢菲特一齊買蘋果，其實佢短線買嘢都幾燈，例如買IBM，都係科技股，平均入市價係172.8美元，周五收市報147.24美元，今年頭最低見過117美元，跌咗三成，無佢咁多錢，真係可以有啲耐性，等吓先跟。高明
http://www.facebook.com/bigricetea本欄逢周一刊出
來源:
http://hk.apple.nextmedia.com/financeestate/art/20160523/19623072
畢菲特為接班鋪路委任兩大主將入巴郡董事會
1 :
GS(14)@2018-01-15 03:09:49【本報綜合報道】「股神」畢菲特為投資旗艦巴郡接班鋪路！87歲畢菲特昨日接受美國財經頻道《CNBC》訪問確定，委任集團兩大「主將」入董事會是為接班部署。「股神」重申健康狀況非常好，若他身體出現問題將立刻向董事會匯報。
畢菲特昨在訪問確定巴郡接班計劃，集團兩大「主將」埃布爾（Greg Abel）和詹恩（Ajit Jain）獲晉升為業務副主席，並委任二人加入董事會。畢菲特沒有解釋為何現在部署巴郡接班安排，又指集團接班數年前應開始部署，現階段埃布爾和詹恩獲提拔，就時機上來看沒有甚麼「神奇」地方。
稱健康狀況非常好
畢菲特對二人擔當新重任感滿意，形容埃布爾和詹恩流着「巴郡的血」，對巴郡業務瞭如指掌。二人新職務安排不僅對巴郡有好處，對他而言是更好。畢菲特又指健康狀況非常好，又指身體若有任何異樣將立刻通知巴郡董事會。「股神」畢菲特又問到未來10年會否繼續掌舵巴郡，他回應指10年是很長時間後的事情。惟「股神」不失幽默本色，他向主持人透露每次看醫生後，冀醫生可向他保證「可以（活）多5年」。巴郡周三向美國證交會遞交文件披露，集團同意董事會人數將由12人增至14人。55歲埃布爾獲晉升為巴郡能源業務副主席，66歲詹恩則獲晉升為集團保險業務副主席，二人同獲委任加入巴郡董事會。
芒格續留任副主席
87歲畢菲特和94歲芒格則留任巴郡主席和副主席，繼續為集團執行重大投資決定。事實上，除埃布爾和詹恩外，巴郡兩位投資組合經理包括庫姆斯（Todd Combs）與韋斯勒（Ted Weschler）均屬熱門接班人選。埃布爾於1992年加入巴郡集團，2008年接掌巴郡能源公司（BHE），現職主席兼行政總裁，且表現優秀。據巴郡2016年年報披露，埃布爾前年領近4,050萬美元（約3.1億港元）報酬，當中包100萬美元薪金和1,150萬美元花紅外，還有2,800萬美元績效獎金。1986年加入巴郡保險業務的詹恩，現為巴郡子公司National Indemnity（NICO）執行副總裁。詹恩被喻為保險界「超級明星」，畢菲特曾於巴郡致股東的信中提到詹恩為股東開創數以十億美元計的價值。
來源:
https://hk.finance.appledaily.co ... e/20180111/20271266