ZKIZ Archives


信報高仁講財演:我拋磚引玉先

1 : GS(14)@2011-07-26 22:56:22

http://www.inv168.com/phpBB3/viewtopic.php?f=48&t=63939

公開「水佬」三大秘密
財圈識真假 高仁

高仁因為工作關係,認識到不少equity analysts,尤其是在中資行做的Moses,更加是老友鬼鬼。因為高仁的公司與Moses的公司只有一街之隔,經常在街上撞口撞面,大家「吹得水」多,關係自然熟絡。

日前,高仁甫踏出公司電梯大堂,見到超人在保鑣護送下入lift之後,便見到Moses在外面經過。Moses跟高仁講,佢間證券行愈來愈 aggressive,除了要出reports之外,連電視台財經節目都要撈埋,真是「得閒死,唔得閒病」!

其實,在金融圈裏面,有不少害群之馬的「水佬」(即係「口水佬」或「水皮佬」),經常在幕前忘情「演出」,對答看似頭頭是道,但實情是帶人遊花園。

高仁決定公開其「烽煙」節目必殺技、「水佬」師徒內訌的恩怨源頭,以及「水佬」與財經雜誌如何裏應外合替莊家散貨。

心靈慰藉的「水佬A」

先講在「缸湖」享負盛名的「水佬A」;「水佬A」屬於「缸湖」的叔父級人馬,深得各大媒體器重,經常接受散戶求神問卜,乃是「烽煙」節目的常客。以下是「烽煙」節目的部分節錄:

主持人:「以下我們將接聽觀眾的電話。你好!請問貴姓?」

羊太太:「主持人、水佬A,你好!我叫羊太太。」

水佬A:「羊太太,你好!想問邊一隻股票?」

羊太太:「我想問神仙控股。」

水佬A:「啊!神仙控股你在乜位買入呢?」

羊太太:「我在5元買入。」

水佬A:「神仙控股現價已跌至3.2元水平,10天線跌穿50天線,技術走勢轉差喎。」

羊太太:(聲音開始變得驚慌)「 咁樣點算好?」

水佬A:「你在5元買入的話,應該係去年12月高位的貨,係咪?」

羊太太:(對水佬A料事如神,打從心裏表示崇拜)「係呀、係呀!」

水佬A:「其實,神仙控股跌至4元,跌幅達到20%的時候,應該一早嚴守止蝕。不過,既然揸住咁耐,不妨等一等。」

羊太太:(以極尊重的聲調發問)「應該等到乜位呢?」

水佬A:「公司主要在香港從事廟宇管理業務,『綠仙子』求仁得仁深受善信擁戴,內地人亦會特地前來參拜,預計會受惠於自由行效應。我估計,在3元邊應該會有支持,等反彈至3.5元先走貨啦。」

羊太太:(幾乎感激流涕地回答)「謝謝!」

電話掛斷後,「水佬A」煙癮起,在西裝裏徐徐取了一口煙,錄影廠即時煙霧瀰漫。主持人不好意思阻止,惟有拉開話題。

主持人:「我都有買神仙控股,可唔可以俾一俾意見呀?」

水佬A:「你在乜位買入呀?」

主持人:「點解成日都問在乜位買入?」

水佬A:「細佬,如果我唔問你在乜位買入,點知你而家賺定蝕喎。」

主持人:「我在低位2.5元入了一手。」

水佬A:「即刻沽左佢啦!」

主持人:「你剛才不是對羊太太講,等反彈至3.5元先走咩?」

水佬A:「你手貨有超過兩成升幅,按道理要止賺啦。」

主持人:「唔係仲有得升咩?」

水佬A:「傻仔!神仙控股業務單一,又冇賣點,真是搵鬼買咩。散戶問股票都是想要心靈慰藉,我呢招叫做『見人講人話,見鬼講鬼話』。又塞錢入你袋細佬!」

在「水佬界」中,「水佬A」屬於一代宗師,而「水佬B」則是後起之秀。「水佬B」為人文質彬杉,談吐斯文有禮,樣貌青靚白淨。所以「水佬B」出道後迅即竄紅,成為C9(師奶)散戶殺手,也溝到不少妹妹仔。

與「水佬B」師徒恩怨

不說不知,「水佬A」與「水佬B」經常「面阻阻」,但兩人原來屬於師徒關係,而師徒交惡的的恩怨情愁,則要從「水佬A」的荒唐生活說起。

「水佬A」交遊廣闊,經常到夜總會逢場作戲,夜夜笙歌玩到癲,在房內亂叫大嗌四圍走。兩杯到肚之後,「水佬A」便經常「爆肚」,不慎揭露了其與「水佬B」的師徒關係。

對於「水佬B」極速竄紅,「水佬A」心有不甘,聲言「水佬B」以前是其徒弟,只是專門負責替其「挽」鞋,每月人工約3000元。

「水佬A」繼續譏諷「水佬B」,指「水佬B」能夠晉身一線「水佬」,又在內地以「極速」讀完一年制的PhD(市場戲稱為Permanent Head Damage),全憑「符碌」與「好彩」。

除了出席「烽煙」節目外,「水佬」亦會在財經雜誌「亮相」,為個別股票進行推介,以賺取「外快」。在香港出版界中,有兩大「水佬」財經雜誌,專門為上市公司進行專訪,去打造封面故事,目的是為了協助莊家於高位散貨。

「水佬」財經雜誌的運作模式是先由agent穿針引線,接洽有興趣當封面故事的上市公司(當然要收錢啦,介乎10萬至20萬元)。傾掂價錢後,雜誌便會安排記者與管理層進行專訪,有需要的話更可以參觀廠房。

雜誌指路明燈

其後,agent便會聯絡「水佬」,撰寫推介該隻股票的配稿,以便在上市公司專訪的文章中刊出。「水佬」在雜誌推介股票,一般收費也是介乎10萬至20萬元。

以其中一本「水佬」財經雜誌為例,最近的封面故事為一家從事內地公用事業的公司,在「水佬」的大鑼大鼓推介下,股價不升反跌,還要「升仙」收場,由毫子股變成仙股。

由此可見,經「水佬」財經雜誌推介的股票,絕對是散戶接火棒的指路明燈。

本欄逢周二刊出。
=============================================
2 : GS(14)@2011-07-26 22:58:31

不如回憶下先啦

水佬A:「傻仔!神仙控股業務單一,又冇賣點,真是搵鬼買咩。散戶問股票都是想要心靈慰藉,我呢招叫做『見人講人話,見鬼講鬼話』。又塞錢入你袋細佬!」

http://realforum.zkiz.com/thread.php?tid=20633
不管你喜歡不喜歡《財經演員》 , 要搞清楚演員是要給你看你喜歡看的戯,而不一定是什麽真知灼見。筆者99年在理工大學MBA 課程周年晚會問當時是嘉賓的陳永陸爲什麽要知道聽衆‘幾錢買’才回答對一隻股票的評論, 他直接了當回答, ‘唔係點知你想聽乜’.
3 : GS(14)@2011-07-26 23:00:04

「水佬A」交遊廣闊,經常到夜總會逢場作戲,夜夜笙歌玩到癲,在房內亂叫大嗌四圍走。兩杯到肚之後,「水佬A」便經常「爆肚」,不慎揭露了其與「水佬B」的師徒關係。

...
水佬B
「水佬A」繼續譏諷「水佬B」,指「水佬B」能夠晉身一線「水佬」,又在內地以「極速」讀完一年制的PhD(市場戲稱為Permanent Head Damage),全憑「符碌」與「好彩」。

http://www.irfp.org/about/committee
Vice-President
副會長  Kenny Tang BBus AAIBF (Snr), FIRFP  鄧聲興BBus AAIBF (Snr), FIRFP,博士研究生 (中國人民大學)
4 : GS(14)@2011-07-26 23:02:07

在香港出版界中,有兩大「水佬」財經雜誌,專門為上市公司進行專訪,去打造封面故事,目的是為了協助莊家於高位散貨。

「水佬」財經雜誌的運作模式是先由agent穿針引線,接洽有興趣當封面故事的上市公司(當然要收錢啦,介乎10萬至20萬元)。傾掂價錢後,雜誌便會安排記者與管理層進行專訪,有需要的話更可以參觀廠房。

....
以其中一本「水佬」財經雜誌為例,最近的封面故事為一家從事內地公用事業的公司,在「水佬」的大鑼大鼓推介下,股價不升反跌,還要「升仙」收場,由毫子股變成仙股。

http://fatlone.wordpress.com/201 ... %E8%82%A1%E5%83%B9/
破解鱔稿: 以《壟斷東江水處理 中國水業(01129)股價個(倍)升》為例
5 : GS(14)@2011-07-26 23:02:44

另外一本就是除investor外,近排一齊推1241那本,因為都要保住人塊面,唔講
6 : GS(14)@2011-07-26 23:03:32

http://www.inv168.com/phpBB3/viewtopic.php?f=48&t=63939
星星先生擁有澳洲Edith Cowan University 金融及財務管理學位及東亞大學副學士學位, 曾擔任香港大學校外進修學院證券分析課程導師, 香港理工大學專業進修學院及香港持續教育書院導師, 北京中國人民大學博士研究生, 研究方向為現代證券投資理論
...
由 bunacko » 週二 7月 26日, 2011年 4:42 pm

c徒關係就想唔到了..... 好似唔同公c..... 可能另有其人.... 「水佬」A 都唔知係咪 6 suck
7 : GS(14)@2011-07-26 23:04:13

http://realblog.zkiz.com/greatsoup38/1497

鄧聲興的十多年拍檔陸叔,則力撐怎也不信他眼中的「好男人」和「出色的分析員」偷食。九五年開始和鄧合作在電台做節目的陸叔,指鄧將家庭放在第一位,十分疼錫老婆。「佢又買車又買樓俾佢,佢老婆話想住寶馬山,方便佢返工,鄧聲興就即刻換樓買寶馬山花園。」他又指鄧孝順,有時在週末和週日,會碰到他在銅鑼灣跟母親、老婆和外父外母飲茶。但他指鄧絕少提及家人,他亦只見過鄧的老婆數次。
8 : 亞力士(1473)@2011-07-26 23:25:05

我記得佢地上節目時個名叫 股評人 而唔係分析員€
9 : GS(14)@2011-07-26 23:33:21

http://hk.apple.nextmedia.com/te ... 307&art_id=15464735
券商料友邦盈利無驚喜
2011年07月26日
10 : 龍生(798)@2011-07-26 23:42:55

好搞笑呀!!!

正到無朋友!!

第二應該係鄧星星, 第一係咪6叔?
11 : GS(14)@2011-07-28 22:24:03

two low b guy
12 : reference(1610)@2011-07-29 00:57:24

有供有求,只怪現實有太多羊生羊太
星星哥拋妻娵女公關
叔叔繼續同莊家食大茶飯
我有個做AE嘅朋友曾帶我去中上環一個樓上私竇飲嘢
見到叔叔攬女忘形吹水,好不威風
13 : 鉛筆小生(8153)@2011-07-29 01:14:39

12樓提及
有供有求,只怪現實有太多羊生羊太
星星哥拋妻娵女公關
叔叔繼續同莊家食大茶飯
我有個做AE嘅朋友曾帶我去中上環一個樓上私竇飲嘢
見到叔叔攬女忘形吹水,好不威風


邊間樓上私竇
14 : 拔刺者(4132)@2011-07-29 01:28:58

10樓提及
好搞笑呀!!! 正到無朋友!! 第二應該係鄧星星, 第一係咪6叔?
但是他不抽煙的
15 : GS(14)@2011-07-29 21:37:43

14樓提及
10樓提及
好搞笑呀!!! 正到無朋友!! 第二應該係鄧星星, 第一係咪6叔?
但是他不抽煙的


提番下
電話掛斷後,「水佬A」煙癮起,在西裝裏徐徐取了一口煙,錄影廠即時煙霧瀰漫。主持人不好意思阻止,惟有拉開話題。

咁又係邊個呢?
信報 高仁 仁講 講財 財演 我拋 拋磚 磚引 引玉 玉先
PermaLink: https://articles.zkiz.com/?id=275541


ZKIZ Archives @ 2019