【《蘋果》獨家專訪】賭王之子承父訓唔認輸猷啟百萬搞手遊 超蓮畀99分
1 :
GS(14)@2016-11-22 00:24:43■賭王之子何猷啟用百萬私己錢開發手機遊戲App，他揚言要腳踏實地做生意。攝影：郭賢興
賭王何鴻燊身家千億計，其子女雖贏在起跑線，但亦要比別人更努力才能跳出「成功需父幹」的安全區。三房孻仔何猷啟當然不能倖免，近日以百萬私己錢創業搞手機遊戲（手遊）生意，成功與否言之尚早，《蘋果動新聞》日前追訪他一天的工作行蹤，猷啟透露堅持「唔認輸」的心態，當日親力親為做足全日，猷啟更獲龍鳳胎家姐超蓮打99分作鼓勵。
賭王何鴻燊的三四房子女多是90後，現在已20歲出頭，大學畢業後開始工作，三太陳婉珍的三名子女何超雲、何超蓮及何猷啟，均有協力打理家族生意，行着一般富二代的「守業」方程式。今年25歲的猷啟，大前年在美國本特利大學畢業後回港幫母親打理生意，兩年前決定創業，自小熱愛打機的他看中正在爆發手遊的市場，以百萬私己錢與友人斥資開發手遊。猷啟在其手遊發佈活動當日，與《蘋果動新聞》共度他一天的工作，活動前他與兩位拍檔開會作最後準備，因前一天太緊張睡眠不足，猷啟頻撲整日顯疲態，不過都會堅持打boxing減壓。猷啟創業，其龍鳳胎家姐超蓮當然現身撐場，二人一直感情要好，日前一碰面就似大細路般鬥嘴，超蓮更給細佬99分作鼓勵，她笑言：「畀1分進步空間佢。」
擺脫做自閉毒男
提到創業鎖定開發手遊的原因，猷啟笑言皆因自己是毒男：「細個鍾意打機，覺得有市場有空間發展，以前我係毒男比較悶，起身返學上堂、放學做功課、打機，每日都repeat，而家好好多，會應酬出去食飯，唔會咁自閉。」
■猷啟日前為遊戲App舉行發佈會，其胞姊超蓮當然現身撐場。
■在發佈會上，猷啟認真為遊戲講解。
以前在母親公司打工，同事總會處處呵護，困難的工作總輪不到他，現在創業，凡事邊學邊做，處處碰釘，也要自己闖過，全因賭王父親遺傳「唔認輸」的性格，猷啟說：「呢個性格不嬲都係，係阿爸教，唔好認輸嘛！啱啱開始，希望一年回本，做好呢個game賺錢先再諗下一樣嘢，腳踏實地，一步步嚟。」
怕被標籤何公子
家底豐厚的猷啟贏在起跑線，他坦言亦有壓力：「唔會抗拒係賭王個仔，不過我只係想人哋認識係我，而唔係何公子，實際上，金錢同所有其他嘢都係分開。」問賭王有否教路？他表示：「爸爸係嚴厲，叫我做嘢認真要上心，管好啲數，唔好咁易放棄。」談到家人，猷啟直言媽媽三太是嚴母，他說：「佢教我哋要謙虛、低調，做人要踏實，簡單嘅禮貌一定要有。」他表示一家人好和諧：「我屋企人對我好好，我好lucky喺呢個家。」採訪：吉吉、倩宜、羅慧敏攝影：卓振輝、馮峰服裝提供：Harrison Wong場地提供：greyhound cafe＠cwb、The Fighters Club HK
■猷啟女友Angelika客串做模特兒支持，猷啟親自幫她整理服飾。
■猷啟與超蓮今年25歲生日時，一家人齊齊切蛋糕慶祝。資料圖片
來源:
http://hk.apple.nextmedia.com/entertainment/art/20161121/19840230
猷啟女友自爆同居
1 :
GS(14)@2016-12-21 23:42:02賭王何鴻燊兒子猷啟的模特兒女友Angelika與「翻版宋承憲」Xavier，昨日於太古出席一站式野遊裝備旗艦店Go Wild開幕禮，以色列籍的Angelika現時以香港為基地，她更自爆已跟猷啟同居，她說：「我們現在住在一起，不是跟他的家人同住，跟他的家人分開的。」Angelika更謂已見過家長，大讚猷啟家人友善。問是否已視大家為結婚對象？Angelika笑說：「還未想到這麼遙遠，猷啟是一個很好的男生。」
■猷啟與模特兒女友相戀半年，不時高調拍拖。資料圖片
Angelika在現場看中一個有全球定位功能的旅行篋送給男友作聖誕禮物，問她是否經常查男友行蹤？她笑說：「我相信他，不是經常，只是有時吧。」而聖誕節他們將與一班朋友到日本滑雪。採訪、攝影：羅慧敏
來源:
http://hk.apple.nextmedia.com/entertainment/art/20161221/19871696
猷啟乘機冧索模
1 :
GS(14)@2017-01-02 11:51:09■Angelika在Ig貼相後，猷啟即趁機留言冧女友。
何猷君與CoCo熱戀難捨難離，三房孻仔何猷啟亦不甘示弱，他與以色列索模女友Angelika拍拖半年，長期旅行拍拖，上月Angelika索性搬來港與猷啟過同居生活。前日，Angelika在Ig貼了比堅尼出海曬太陽相，回顧去年及展望今年，猷啟不放過打情罵俏機會，以英文留言：「遇上你是去年發生的最好事情。」認真識冧女友。其實，二人公開戀情後不時放閃，剛於聖誕便在澳門二人世界，更貼了撐枱腳相，當中Angelika取笑猷啟愛吃甜品。撰文：唐如
來源:
http://hk.apple.nextmedia.com/entertainment/art/20170102/19883919
機動遊戲欠刺激猷啟猴擒啜女友
1 :
GS(14)@2017-02-07 05:15:52【拋波?女】■何猷啟與索模女友日前拍拖到中環AIA歐陸嘉年華玩，他帶女友玩掟波仔，但就失威沒中獎。
【中環】賭王何鴻燊三房孻仔何猷啟跟以色列索模女友Angelika Nikolaeva打得火熱，日前兩人拍拖到中環AIA歐陸嘉年華玩樂，被本報讀者李先生透過「爆相爆片」分享，戴鴨嘴帽的猷啟陪女友玩機動遊戲，李先生說：「當時係4、5點，佢哋玩完機動遊戲落返嚟，何猷啟就即刻上前攬咗女友一下，兩個都笑得好開心。」
弗爆着窄褲
李先生指同行還有兩位外籍男女友人，雖然猷啟和女友沒拖手，但兩人表現好有默契，明顯看出他們是情侶關係，着窄身褲的Angelika身材弗爆，猷啟不時望着女友笑瞇瞇，完全不介意友人做電燈膽。當本報記者到場後，發現兩人去了玩海盜船，排隊時已情難自禁表現煙韌，旁若無人晒恩愛，兩人不但有說有笑甜絲絲，其間Angelika更體貼幫男友整理衫領，享受服侍的猷啟突然猴擒當眾啜爆女友，兩人嘴對嘴錫了一啖，愛得癡纏。
【扯衫依偎】■Angelika撒嬌拉着男友衣領，猷啟明顯十分受落。
【當眾咀嘴】■猷啟與女友在排隊期間情不自禁咀嘴。
掟波仔失手
到玩海盜船時，猷啟和女友坐在最尾那行，本來應該是最刺激的座位，兩人全程握實扶杆，但表情卻一點也不驚，更不時笑着對望，十分甜蜜，坐在他們身旁的女孩更興奮舉高雙手，就知這遊戲非常小兒科了。當兩人玩完海盜船後，天氣轉差開始下微雨，他們轉戰玩攤位遊戲，看了幾個遊戲後，才揀了玩掟波仔，不過猷啟似乎手氣不佳，掟了三個波都贏不到公仔。之後雨勢越來越大，猷啟即召司機接載他們離去。採訪、攝影：吳耀輝、畢紹基
■玩海盜船時，猷啟與女友互望甜笑。
■下雨關係，猷啟急召司機跟女友和友人離去。
來源:
http://hk.apple.nextmedia.com/entertainment/art/20170207/19919837
【馮仁昭四圍超】行超市傾生意猷啟：做嘢好大壓力
1 :
GS(14)@2017-04-13 00:23:59■猷啟喺超市邊行邊傾電話，仲提起有關資金嘅問題。DV圖片
賭王何鴻燊三房公子何猷啟雖然好投入同以色列索模Angelika嘅戀情，不過並唔係只掛住拍拖，冇心工作嘅富二代，相反佢好努力幫手打理家族生意，上年仲開始創業，同朋友合股推出手機遊戲。日前猷啟喺銅鑼灣city'super超市買嘢時，就一路推住購物車，一路講電話傾生意，全程唔係講電話就係撳電話，投入到完全冇留意過身邊嘅環境。
■猷啟見到伸縮裝嘅糖果玩具，拎上手玩咗一陣。
玩糖果玩具
當日戴住cap帽襯一身運動街坊裝嘅猷啟，撇低索模女友，一個人行入超市買嘢，見佢架購物車放咗幾盒粟米片、穀物類嘅健康食品，推住架購物車，漫無目的咁漫遊超市，邊行邊講電話，不停兜圈，仲對周遭環境冇乜防範，聽到佢向電話另一頭呻：「做嘢好大壓力！」又提及有關資金嘅問題，相信同生意有關。之後猷啟又將電話駁上免提裝置，再行去糖果區，見到個伸縮裝嘅糖果玩具，仲玩咗一陣，童心未泯。大約半個鐘之後，佢就去排隊畀錢，一手拎住購物袋，另一隻手就係咁撳電話，全程耷低頭，到上扶手電梯，至發現佢個樣有啲愁。撰文：馮仁昭
來源:
http://hk.apple.nextmedia.com/entertainment/art/20170412/19987407
CoCo斷言拒猷啟女友合照靚仔教授捉實麥明詩手仔
1 :
GS(14)@2017-05-13 02:04:14■麥明詩昨日主動要求靚仔教授Pietro Boselli捉手砌畫。
麥明詩、梁詠琪（GiGi）、何猷啟女友Angelika Nikolaeva、何猷君女友袁紫僑（CoCo）及全球最靚仔數學教授Pietro Boselli昨日在尖沙嘴齊齊出席餐廳活動。最近忙於拍劇集《跨世代》的麥明詩，日前被影到與同劇拍檔余德丞一杯雪糕兩份吃，而且對戲時又主動依靠到男方心口，昨日她回應說：「冇乜嘢，平時同朋友食飯都一碟餸大家夾啦，而且我哋係用公羹，絕對唔會你一啖我一啖。」
■猷君女友CoCo（右）與猷啟女友Angelika同場，卻互相避開。
■GiGi透露母親節會帶囡囡去新加坡探楊采妮孖仔。
咖啡豆砌畫
至於為何挨落對方心口？麥明詩解釋：「冇計呀，佢質我個頭落佢心口㗎，係監製要求嘅。我冇心跳呀！但聽到佢有心跳囉，咁心係一定會跳嘅。」有報道指男方在等埋位時不停講笑話逗她開心？她說：「佢係幾搞笑幽默，做開主持轉數快。」問到兩人有否發展空間？她立刻落閘：「我睇唔到有，唔係我嗰type。」問到靚仔教授Pietro Boselli有否可能？麥明詩說：「咁唔加分都唔會減分，不過等佢嚟香港發展先得，異地戀好難維繫！」麥明詩與教授在活動上用咖啡豆砌畫時，更主動向司儀要求要教授幫她砌畫，於是教授就捉着她玉手砌畫。
GiGi探楊采妮
GiGi透露母親節會去新加坡，探望剛誕下雙胞胎兒子的好姊妹楊采妮，她說：「之前一路都冇機會探佢哋，趁住母親節今次就帶埋囡囡過去同佢慶祝，而且佢湊兩個仲要餵母乳，係辛苦啲。」問何時再追多一個？GiGi表示：「其實有嘅，不過要等工作完晒先。」另外，猷君女友CoCo與猷啟女友Angelika昨日同場，惟記者邀兩人合照時被CoCo拒絕，她解釋：「唔想訪問焦點出嚟去咗第二邊。」採訪：曹家誠攝影：陳順禎
來源:
http://hk.apple.nextmedia.com/entertainment/art/20170511/20017210
猷啟被索模刪合照「我哋和平分手」
1 :
GS(14)@2017-05-21 00:59:13■猷啟與Angelika相戀一年，其間甜蜜，女方曾盛裝接男友收工。資料圖片
賭王何鴻燊三房孻仔何猷啟與外籍女模Angelika拍拖一年，不時公開晒甜蜜，女方上年12月更到香港與他同居，二人於3月才拍拖一周年，食燭光晚餐慶祝，當時Angelika都有在Instagram貼片放閃。
分開仍是朋友
昨日凌晨，猷啟在微博貼了一張水滴的照片，突然公告與索模女友Angelika閃分消息，他寫上「Thank you for everything, it was an amazing and memorable year. Wish you all the best and reach your goals」，意思大概指謝謝對方的一切，過去一年值得紀念，充滿驚喜，祝對方一切安好。記者昨日曾致電雙方，猷啟就回覆：「我哋係和平分手，大家一齊都覺得應該分開，都想低調處理，顧及對方感受，所以一直都冇講出嚟，冇任何嘢，直到?家浮上面，講畀傳媒知。」另一邊，Angelika就透過模特兒公司Primo代回覆：「二人分開是大家共同決定，分開仍然是朋友，二人都不想講太多，給點空間大家，多謝關心。」
■猷啟昨日凌晨在微博忽然公佈二人分手。
■Angelika在Ig刪走今年的拍拖相，最近期只剩下去年二人在澳門過聖誕的相片。
生日孖超蓮過
據悉，猷啟與Angelika上個月分手，其實更有迹可尋，之前二人拍拖愛在Ig互貼圖放閃，如聖誕節、情人節、女方生日都例必貼相，但猷啟近日已取消了自己的Ig戶口，顯然不想睹物思人，而Angelika亦刪走了今年與猷啟的所有合照。猷啟今個月初過26歲生日，回復單身筍盤的他首度過生日，都是與孖生家姐何超蓮的朋友一齊過。採訪：唐如
■今年2月，猷啟在中環嘉年華玩機動遊戲時，當眾啜Angelika。資料圖片
■18歲的Angelika是索模一名，不時在Ig貼火辣泳衣相。
來源:
http://hk.apple.nextmedia.com/entertainment/art/20170520/20026856
「超蓮超雲叫我唔好難過」甩拖猷啟 同前度冇偈傾
1 :
GS(14)@2017-06-10 13:30:44賭王何鴻燊三房兒子何猷啟昨晚在北角新光戲院出席「東華三院慈善粵劇晚會」，猷啟代表患感冒不適的媽咪陳婉珍到場，是晚的《俠盜胭脂》粵劇演出由其母三太首席贊助，同場還有馬清揚、王賢誌（Vinci）及韓君婷等現身。上月和以色列索模Angelika分手的猷啟，回復單身後首度現身公眾場合，他坦言忙得沒時間多想分手的事，現正專注手機遊戲及家人的工作，但仍然有和前度女友聯絡，他說：「再見亦是朋友，不過都冇傾乜嘢。」
■猷啟上月在Ig宣佈與索模女友Angelika分手。資料圖片
■王賢誌昨日爭取時間邀韓君婷到場敍舊。
■猷啟指三太、家姐超雲（左一）及超蓮有出言安慰。資料圖片
爆媽咪話超蓮
至於分手原因，猷啟直言沒時間陪女友，聚少離多也是分手原因之一，他並強調當中不涉第三者。對於被指太傷心而刪掉女友在Instagram的照片，猷啟起初指沒有刪相，後來又承認怕觸景相情：「唔開心一定有，係有少少唔開心。」媽咪和姐姐超蓮及超雲有否安慰？他說：「有，叫我唔好難過。」至於有否機會復合，猷啟自言現在不多想這個問題，只想專心工作：「媽咪都咁叫我，?家搏殺期。」講到超蓮早前到泰國度假大晒比堅尼相，猷啟即笑謂：「佢身材幾好嘅，佢OK嘅，個個女仔游水都着比堅尼㗎啦，媽咪都有話佢呀。」
韓君婷逼港鐵
此外，同場的韓君婷現時任職醫學美容，朝九晚五工作，有時要加班，工作時間較長，她表示現每天放工都會逼港鐵，生活平淡。Vinci表示約了韓君婷飲茶敍舊，平時約兩個月才見一次面，互相支持，由於時間緊逼，所以邀請她一起到場，邊行邊聊。採訪、攝影：羅慧敏
來源:
http://hk.apple.nextmedia.com/entertainment/art/20170609/20049253
何猷啟接手家族生意要等
1 :
GS(14)@2017-07-02 14:19:32何猷啟、連詩雅和張敬軒等昨日在金鐘添馬公園出席「香港英雄．港島歡騰慶回歸音樂嘉年華」，猷啟透露現時打理家族和自己的手機遊戲公司各佔一半時間，大部分時間都在國內工作。談到何超瓊早前接棒，成為信德集團行政主席，猷啟說：「呢啲我都唔清楚，你問番家姐。」問他可有興趣接手家族生意？他說：「暫時都係幫媽咪手先，等我累積多少少工作經驗先再算。」連詩雅日前生日，獲周柏豪和老闆為她舉行生日會，生日願望是希望新一年可以找到如意郎君。張敬軒則透露近日為三隻愛犬做私家看護，「廣州嘅狗有心臟病，而香港其中一隻仲全身癱瘓，所以不停香港、廣州兩邊走。」採訪：曹家誠攝影：陳俊強
來源:
http://hk.apple.nextmedia.com/entertainment/art/20170702/20075773
Next Page