📖 ZKIZ Archives

File#595 諗唔島新一輪家訪之《廣東爆谷下集》

原載《東Touch》1061期 (29Sep2015)
PermaLink: https://articles.zkiz.com/?id=176866

File#585《廣東爆谷》免費試讀篇：#032. 《破蟄》

原載《東Touch》1051期 (21Jul2015)
PermaLink: https://articles.zkiz.com/?id=176876

【簡易食譜】止口痕香口小食　椰菜花爆谷

1 : GS(14)@2016-03-08 00:13:45

近一個月美加椰菜花失收，加上人們對這種蔬菜追求若渴，弄得在美國買個拳頭大小的椰菜花也要港幣成六十多元！椰菜花近兩年行情水漲船高，皆因它是超級食物，含有豐富膳食纖維、維他命C和K、胡蘿蔔素，還有鉀和鈣含量都很高，而且最重要的是熱量低，1杯份量只有29卡路里，加上食法可以多變化，由做薄餅到煎椰菜花扒都得，這種外型酷似爆谷的做法亦是外國很流行的小食，星期日在家煲劇時做小食就最正，起碼比一杯有幾十匙糖的甜爆谷健康，一樣可以過口癮！記者及攝影：謝翠玲



食譜卡

如果真的覺得蔬菜爆谷不過癮，好吧，那配上鹹爆谷一起吃，這個加了小紅莓的鹹爆谷熱量三百多，總比牛油焦糖口味健康。$22（759阿信屋）



來源: http://hk.apple.nextmedia.com/su ... t/20160307/19519241
PermaLink: https://articles.zkiz.com/?id=297174

杏兒要食爆谷同老公嘈

1 : GS(14)@2016-09-30 08:09:01

■胡杏兒昨日為吵架事件解畫，指老公不准她吃爆谷。



胡杏兒與才俊老公李乘德（Philip）日前拍拖去奧海城看韓片《屍殺列車》，但二人落車後面左左，Philip買完戲飛後會合老婆，二人傾了一分鐘突然吵起來，完全不理途人眼光，後來Philip嬲到發火轉身走，杏兒定神後先識衝落電梯追回老公，最終都氹到老公回戲院看戲，不過沒有再交談。胡杏兒昨日傍晚在中環出席化妝品活動，全盤否認戲院吵架事件：「我知你想問乜，係冇啲咁嘅事，我同老公好開心。」



■胡杏兒日前被影到和老公Philip睇戲鬧交。資料圖片

■陳瀅與何猷亨分手後，昨晚出席化妝品活動時也變得低調。


老公留字大罵

明明見Philip一怒之下轉身走，她衝落電梯追老公，胡杏兒對此說：「追老公，冇啲咁嘅事，你哋都知傳媒支筆好厲害，咁樣寫咗就係真。其實嗰日好小事，我想食爆谷，佢叫我唔好食。」雖然杏兒這樣解畫，但當日他兩夫妻一落車已經面黑黑，好像途中已吵嘴。昨日Philip在Instagram留千言書大罵記者是垃圾，問杏兒是否認同老公看法，會否考慮退出娛樂圈？她說：「佢有佢諗法，每人都有權宣洩不滿，傳媒亦有自己角度寫嘢，但我覺得佢只不過係話狗仔，唔係鬧晒所有記者。做呢一行，你永世都係呢行，我諗好難講到話退出囉！」



■蘇麗珊簽了林建岳公司一段時間，昨日扮到靚靚出席活動。

■林俊賢女兒林鈺洧一直想證明給父親看，自己在娛樂圈會有一番作為。

■性感現身的莊思敏談到前情敵胡定欣的新戀情，非常不屑。

莊思敏講定欣

問杏兒老公是否很火爆，之前其座駕幾乎撞到記者，她為夫辯護說：「大家唔好做得咁過份，能互相尊重就冇嘢。」此外，莊思敏、陳瀅、蘇麗珊和林俊賢女兒林鈺洧等都有出席活動，問莊思敏當年情敵胡定欣被傳與好友陳展鵬相戀，她表示：「有睇新聞，但唔知真定假，下次見到展鵬會問吓佢。」見到定欣會否八卦？她說：「都冇傾過偈，唔會啦！」採訪：羅慧敏攝影：陳俊強




來源: http://hk.apple.nextmedia.com/entertainment/art/20160930/19785954
PermaLink: https://articles.zkiz.com/?id=310723

施嘉莉開店賣爆谷

1 : GS(14)@2016-10-24 06:12:25

「黑寡婦」美國女星施嘉莉祖安遜（Scarlett Johansson）除了忙於拍電影，還要照顧與法籍記者丈夫Romain Dauriac所生的囡囡，近日她更踩過界開爆谷店。施嘉莉與丈夫在巴黎開了一間名為Yummy Pop的爆谷店，她指將美國小食帶到歐洲城市是她與家人一直以來的夢想。Yummy Pop前日已經開業，引來大批顧客於門外大排長龍，施嘉莉與老公親身到店舖巡視，她還充當店員做生招牌吸客。




來源: http://hk.apple.nextmedia.com/entertainment/art/20161024/19810045
PermaLink: https://articles.zkiz.com/?id=313455

【動畫●開P小食】自製高纖爆谷　食得盡興仲可以通便便

1 : GS(14)@2016-12-24 10:56:24

爆谷由粟米粒抽乾水份而成，保留着粟米的纖維，是高纖的食物，有助排便。



每逢聖誕都大魚大肉，容易令腸胃不舒服，有甚麼小食既有派對氣氛，又唔怕食完便便不暢順？「家營營養中心」營養師陳筠霖（Krista）就推介大家吃原味爆谷，「爆谷由粟米粒抽乾水份而成，保留着粟米的纖維，是高纖的食物，有助排便。」



坊間常見的爆谷有焦糖味、牛油味，味道雖好，但營養價值就比原味遜色，Krista說：「每100克原味爆谷有14.5克纖維，而每100克焦糖味爆谷有5.2克纖維，至於每100克牛油味爆谷則有9.9克纖維。」另外，根據食物安全中心的營養資料表，焦糖爆谷的糖份比原味爆谷多約53倍，而牛油味的爆谷脂肪就比原味多出約9.5倍。要自製健康爆谷，只需一個鑊或鍋，還有爆谷豆就可以，一滴油都不用，非常簡單。首先冷鑊落爆谷豆，然後一直用小火煮，期間要不斷攪拌，避免爆谷豆燒焦。等約5至10分鐘，爆谷豆便會開始變得深色，並開始爆開。繼續攪拌，直至爆谷豆全部爆開即可。Krista最建議吃原味，若不想太單調，亦可以加辣椒粉、蒜鹽或蜜糖稍作調味，比焦糖或牛油健康和低卡。爆谷製作方法簡單，又高纖維，不過營養價值始終不及新鮮粟米，Krista解釋：「始終爆谷抽乾了水份，裏面的維他命、礦物質都流失了，所以不可以完全取代新鮮粟米，建議只當作零食。」另外，爆谷並非人人適合進食，Krista提醒，「老人家和小朋友的消化功能較弱，所以比較難消化粟米，而一些有較多胃氣的人士亦不宜進食太多爆谷。」她又補充：「進食任何高纖食物後，要喝足夠的水份，才有助腸胃消化。」記者：李煒汯攝影：許先煜


根據食物安全中心的營養資料表，焦糖爆谷的糖份比原味爆谷多約53倍，而牛油味的爆谷脂肪就比原味多出約9.5倍。　網頁截圖

毋須下油，冷鑊落爆谷豆。

一直用小火煮。


其間要不斷攪拌，避免爆谷豆燒焦。

「家營營養中心」營養師陳筠霖（Krista）



來源: http://hk.apple.nextmedia.com/su ... t/20161224/19875333
PermaLink: https://articles.zkiz.com/?id=320027

杏兒睇戲狂食爆谷

1 : GS(14)@2016-12-31 01:06:37

■杏兒與老公趁入場前，買定爆谷熱狗睇戲。
DV圖片



胡杏兒和老公李乘德（Philip）前日結婚一周年，兩夫妻當日輪流在Instagram放閃，Philip情深留言：「多謝你嘅微笑，多謝你嘅決心，多謝你畀我嘅信心，多謝你嘅一切。一周年紀念快樂，李太。」杏兒亦寫上：「多謝你成為我一生嘅伴侶，一周年紀念快樂！」在結婚周年前一晚（大前晚），杏兒與老公拍拖到圓方睇電影，當時正值晚飯時間，兩人往買熱狗和爆谷，更忍不住企埋一邊除下口罩醫肚。問到杏兒怎慶祝紙婚？她昨日短訊回覆：「冇乜特別喎，出席咗朋友婚禮，之後去返上年結婚嘅酒店食飯，然後又再睇戲，今日返咗上海做嘢。」採訪、攝影：徐錦池、孔志豪




來源: http://hk.apple.nextmedia.com/entertainment/art/20161230/19880861
PermaLink: https://articles.zkiz.com/?id=320673

曾同老公睇戲嗌晒交杏兒：佢唔畀我食爆谷

1 : GS(14)@2016-12-31 01:06:37

做得夫妻又點會唔冇爭執，就好似胡杏兒同老公Philip Lee（李乘德），佢哋9月嗰陣，某日唔使開工嘅胡杏兒坐七人車到中環接老公放工，之後仲齊齊去奧海城睇戲。佢到咗商場附近落車嗰陣，氣氛已經變得有啲尷尬，而入到戲院，老公Phil買完飛join番老婆，兩人密斟一分鐘，傾傾下突然好似有啲爭執，仲疑似嘈起上嚟。三句講唔埋，Phil突然嚟個180度轉身，頭也不回咁走咗去！而杏兒就呆咗企喺度，仲未回過神來，呆完之後，胡杏兒先至識醒，即刻衝落扶手電梯追番老公……雖然之後佢哋都好番一齊入場睇戲，不過就行到離行離迾。不過佢哋都係耍花槍啫，過咗兩日Phil就喺Ig晒同老婆嘅放閃相。之後杏兒出席活動都有回應事件，佢就話：「有時呢啲私人事唔需要解釋太多，同埋解釋都冇用。最緊要係我同我老公，同我屋企人知就得0架喇。」咁件事又係點o架呢？佢就解釋話：「我記得我嗰一日係同我老公講我想食爆谷，佢話:『你病呀，你唔好食啦!』都冇影到啲乜嘢，咁就變咗單嘢喇。」真係好sweet呀！




來源: http://hk.apple.nextmedia.com/entertainment/art/20161230/19881533
PermaLink: https://articles.zkiz.com/?id=320674

戲院內女上男下互餵爆谷Coffee坐男友大髀：等去廁所

1 : GS(14)@2017-05-18 02:08:22

■Coffee以女上男下方式和男友一齊坐，毫不介意戲院開晒燈。讀者提供圖片



【爆相爆片】林芊妤（Coffee）大前年離開無綫，工作量不跌反升，拍電影之餘，又替其他電視台做節目，還有教瑜伽，收入比以前在無綫更穩定，最重要是愛情同樣發展順利，經歷「廁格」事件後找到真愛，目前與任職銀行的爆肌男Weng Chak打得火熱，愛情事業兩得意。



■男友餵爆谷，Coffee合作地張開口。讀者提供圖片

「唔係雙連座位」

日前讀者邵小姐透過《蘋果》「爆相爆片」指日前晚上10時許，遇見Coffee和男友拍拖睇戲。邵小姐表示當晚二人去銅鑼灣總統戲院看周秀娜及鄭欣宜等主演的電影《29+1》。邵小姐形容當時情形：「當時戲院仲開晒燈，行入去見Coffee同男友『女上男下』一齊坐，雖然冇咀嘴，但就攬到實，仲互餵爆谷。」邵小姐續謂：「嗰度唔係雙連位，所以都幾奇怪，後來啲人陸續入場，Coffee都唔好意思再坐喺男友大髀，最後坐番自己個位睇戲，關燈之後做乜，我就真係唔知喇，我個位睇唔到，只係散場時見到佢哋拖住手走。」



■Coffee解釋在戲院內坐男友大髀，因為多人排隊等去洗手間。資料圖片

■Coffee與任職銀行的爆肌男Weng Chak打得火熱。資料圖片


「費事再爬出嚟」

Coffee昨日接受《蘋果》電話訪問，問她坐男友大髀一事？她說：「其實冇乜特別，因為戲院個洗手間係喺戲院入面，好多人排晒長龍，我坐住喺佢大髀度等去洗手間之嘛，我費事之後再爬番出嚟，但之後都仲係好多人排隊，所以我散場先去。」採訪：嵐山




來源: http://hk.apple.nextmedia.com/entertainment/art/20170516/20022348
PermaLink: https://articles.zkiz.com/?id=333280
Next Page
ZKIZ Archives @ 2019