ZKIZ Archives


潮媽熱捧日韓童裝店 月賺廿萬

2011-4-21  NM




又到換季時節,一眾年輕媽咪忙着 幫自己及年幼子女置裝。沒錯﹗童裝也講求潮流,麵包超人、多啦A夢等公仔衫已過時,與大人服裝款式相近的恤衫﹑牛仔褲等,才夠潮夠型。育有三子的 Billy及Joeie兩夫婦,睇中童裝潮服市場,六年前在佐敦廟街開設OTARU KID'S(小樽童裝店),主打日韓童裝,老公做買手,老婆睇鋪兼做形象指導,得到中產潮媽熱捧。創業一年多,已由百多呎小店搬至二千呎大鋪,每月營業額 達七十萬元。去年底,兩夫婦「再下一城」,在銅鑼灣開分店「賺到盡」,兩店上月盈利逾二十萬。

春夏交接,位於銅鑼灣加路連山路的小樽童裝店門口,已擺上鮮花盆栽配木欄杆,猶如一個小花園,再掛上一套套米白及粉色短裙﹑恤衫。上週四傍晚,住在附近的 王小姐接兒子上完游泳班,被小樽門口的「花園」吸引,老闆Billy馬上出迎道﹕「入嚟慢慢睇啦。」王小姐走進店內,由Joeie接棒招呼。七歲的小男孩 立即被沙發旁的玩具箱吸引過去﹐兩位師奶邊揀邊聊起湊仔經,最後王小姐索性回家把三歲女兒亦帶來試身。「你睇佢好瘦。」Joeie拿來一套黃色公主裙,分 析道﹕「囡囡唔可以著緊身衫,反而公主袖膊頭闊啲,加上傘形裙望落去身形肥啲,更加精神。」兩位小朋友在玩具箱旁玩得不亦樂乎,王小姐愈揀愈多,最後買下 三十多件衣服,合共逾八千元。「好多時都有呢啲客,睇完覺得靚便買晒一季嘅衫。」Joeie笑言。

不少客人更因此同Joeie做了朋友,當記者提及想找小朋友拍照時,Joeie馬上致電兩位熟客,兩位媽咪即時答應,雖住在九龍,亦專程陪小孩坐車來到港島拍照。能夠贏取一眾潮媽歡心,小樽的賺錢方程式,離不開湊客﹑入貨及揀鋪三方面。

湊客

★形象指導幫手扮靚★玩具區馴服小朋友正值換季,小樽不論總店或分店,都見到一個個白色四方膠盒,原來是Joeie為熟客預留的衣物。Joeie表示,客 人買滿一千元便可成為會員,有八折優惠,現有五千名會員。入會時,她會記下小孩的性別、年齡、衣服尺碼等。每有新貨到,就會按照熟客的喜好及子女的資料, 預留服飾,每人近三十套,再致電客人來挑選,付款後還可免費存倉,到天氣合適時才來取貨。上週六,住在奧海城的陳小姐,帶八歲女兒Chloe來拍照,順便 試穿Joeie為女兒預留的一大盒衣物。「以前以為買名牌實無死,但顏色沉,又下下要乾洗,細路仔好易整污糟,好麻煩。Joeie教我買日本花衫,令女兒 睇上去更活潑,佢揀嘅衫,我八、九成都會買。」已幫襯四年的陳小姐,每次轉季前兩個月,便幫女兒買定新一季服裝,每季消費超過二萬元。逢週末週日及放學 後,店鋪角落的玩具區,便圍滿小朋友,旁邊設有的紅色大沙發,方便家長幫子女試鞋。「以前帶個仔去買衫,試唔夠兩件就吵住走。小樽布置到好似幼稚園,個仔 有玩具玩無咁悶,我可以慢慢揀衫。」何太第一次幫襯,逗留近兩小時,埋單四千多元。

入貨

★獨家代理穩定貨源★提早一季落訂單★地震後增加韓牌老闆Billy做過大型潮流大人服飾的批發商,兩夫婦睇中日本牌子款式變化多,店內共有三十多個品牌 服裝,七成來自日本。「睇日本雜誌,如《Maria》,見到鍾意嘅品牌,會先發電郵予廠商要求拿貨,及參觀廠房。」Billy專挑中價品牌,現公司獨家代 理三個日本童裝品牌,包括Chip Trip、Whip Cream及Gemeaux。「三個牌子都經常係日本雜誌出現,根據合約,我哋每季都要買下品牌整個系列約五成至七成嘅款式,大約廿、三十萬嘅貨。」 Billy說。日本服飾要提早一季訂購,四月訂秋冬季,八月訂翌年春夏款式。「基本上睇住大人衫嘅款同色調,已估到童裝潮流,例如今年夏季女仔以喱士為 主,男仔興間條衫。」Billy指,三月日本發生地震,連累三、四月份的夏季貨源短缺,「地震後好驚,打去日本廠商無人接聽電話,我哋即時飛去大阪搵佢 哋,知道廠房冇受影響,不過而家係緩衝期,暫時缺貨。」夫婦馬上想對策,將韓國品牌所佔比例提升至一半,最近一個月更兩次飛去首爾採購。小樽的童裝售價由 二百元至逾千元,五至六歲尺碼最暢銷。「日牌質地出名舒服,近年韓牌冒起得好快,但手工細節如袖口、領位始終無日牌做得咁仔細。」他們亦試過「踩地雷」, 「入貨時無得試,望住張相覺得個款靚,入咗幾十件,每件過百元,返貨先知質地無彈性,小朋友個頭過唔到領口位。」Joeie惟有將三歲服裝賣給一歲小童散 貨。每逢轉季,店內都會減價去貨,最低七折。至於定價,Joeie指由於入貨量大,店內衣物定價甚至低於日本當地,毛利約四成六。

揀鋪

★「黐」住食肆吸人流★提早一年「碼」靚位Billy和Joeie都喜歡小孩,大仔已十三歲。○六年,Joeie提出開童裝店,Billy便辭職,夫妻檔 創業。第一間位於佐敦廟街,只有百多呎,「佐敦人流旺,西九龍發展後,由凱旋門到奧海城呢段,大部分是豪宅及中產屋苑,除咗Element,好多人會來佐 敦消費,成個區出名多嘢食多嘢學,附近有馳名的澳洲牛奶公司、九記煲仔飯,葉詠詩嘅葉氏兒童合唱團亦喺寶靈街。」食肆帶動人流,一年後,剛好隔壁逾二千 呎,上下兩層的鋪位騰空,便膽粗粗租下,下鋪上倉。Billy指,開業時賣潮流型格童裝的店不多,反而流行卡通、公仔的可愛型款式。但自進駐佐敦後,帶起 附近類似的日本童裝鋪開到成行成市,最近又有一間賣兒童服飾的店鋪開正對面,現正在裝修。面對激烈競爭,他信心十足道:「好多人以為賣童裝好容易,就算揀 啱位,但一時賣好貴,一時一百蚊兩件大減價,成本都蝕埋,好難撐得住。」睇住對手來打之餘,Billy一年前已「碼實」港島旺鋪,準備開分店。「做落發現 好多客喺港島過來嘅,有啲來食飯,有啲帶小朋友來學嘢,決定開分店後即刻搵鋪,如果等到『旺鋪招租』街招貼出來先至搵鋪已經好遲。」當時,他睇中銅鑼灣加 路連山路不斷有中高檔西餐廳進駐,包括泰式、日式及英式餐館等,人流暢旺,便聯絡地產經紀查詢租約到期日子。現鋪位約八百呎,每月租金四萬元,與佐敦店相 若,開業只四個月,已月賺五萬元。「有好多大陸、東南亞嘅公司走來問我,要加盟做特許經營店,但我唔想,鍾意自己夫妻拍檔做生意。」Joeie笑說。

銅鑼灣分店

開業資料(12/2010)租金*$138,000入貨$500,000裝修$300,000雜費$50,000總投資$988,000*兩個月上期,一個月按金

營業資料

(3/2011)營業額$300,000入貨$160,000租金$46,000雜費$10,000人工*$36,000盈利$48,000*包括三個長工

 


潮媽 媽熱 熱捧 日韓 童裝 月賺 賺廿 廿萬
PermaLink: https://articles.zkiz.com/?id=24331

潮媽開網 物資大交流

1 : GS(14)@2012-03-06 00:01:14

http://hk.apple.nextmedia.com/te ... 104&art_id=16126513


寶寶交享樂網站(
http://www.totswop.com/en/

主人是 33歲的潮媽 Carol,她 10歲時移民加拿大,生活和教育都很着重保護環境,環保意識很早就植根。她說:「當地人習慣循環再用物資,有好多二手店,自己經常到呢啲店逛,讀大學都選咗同環保有關嘅地理環境系統資訊科,又喺加拿大政府環境部門實習。 06年結婚後丈夫同自己都想返香港發展, 08年返港喺公關公司做市場推廣三年,直到個仔兒一歲後想花多啲時間照顧佢,所以就辭工。」
Carol的囝囝現年兩歲,她發覺寶寶三數個月已經大了一個碼,小小衣服和玩具都很快「用唔着」,見外國嬰兒物品交換網站很受歡迎,為了想在家照顧囝囝又想工作,靈機一觸成立這個網站。
潮媽 媽開 開網 物資 交流
PermaLink: https://articles.zkiz.com/?id=278105

【add】紅人主場:鄭希怡潮媽進化論

1 : GS(14)@2016-06-06 03:03:26

Ellery白色露膊top黑色裙


今年34歲的鄭希怡(Yumiko),2002年初以組合3T出道而為大家熟悉,轉眼已經十年人事,並於2014年結婚榮升人妻,去年Yumiko更誕下囡囡梁子柔(乳名:梁浸浸)變身人母。梁浸浸樣子精靈可愛,難怪Yumiko湊女亦不覺辛苦,更謂:「覺得每一日佢都畀到我好多快樂嘅片段」。統籌:林妙萍撰文及造型:陳蔚渝攝影:郭賢興化妝:Circle Cheung of ndnco.co髮型:Sing Tam of Pi4.com
Yumiko自從去年榮升為媽媽之後,除了家庭生活與心態上有轉變,也與另一半的關係有微妙變化。



怪獸家長No Way

梁浸浸出世後,Yumiko自言變得沒有以前般執着,相比以前更容易開心,面對各方面都更有耐性,「以前同小朋友溝通唔到,可能係因為我冇耐性,而家慢慢去學習,就算再同其他小朋友去相處,距離都近咗好多。」現今世代,不少父母都擔心子女會輸在起跑線,因而變成怪獸家長,問到Yumiko會否擔心自己變為一分子,「我唔擔心,亦唔可以咁,會叫朋友監視住我。」她更表示不期望梁浸浸讀書叻,只希望她在學校過得開心,「其實我好easygoing,我覺得要畀佢自己發展,而唔係幫佢plan好晒所有嘢,有時啲父母將小朋友睇得太過緊要,可能仲緊要過自己所有嘢,我好驚畀壓力小朋友,可能係因為自己都怕人哋畀壓力我。」



Ports1961條子恤衫條子長褲橙色外套



Ports1961立體花背心立體花長褲Burberry涼鞋Emporio Armani橙色手鐲粉紅色手鐲



與老公想法一致

由兩個人變成三個人的小家庭,Yumiko坦言與老公梁學儲的關係亦變得更加親密,「我哋而家有更加多共同話題,我哋各自出trip嘅時候,都會send好多小朋友嘅相或者片段畀對方,有咗小朋友之後又會經常一齊傾,將來畀一個點嘅環境佢,又或者遇到問題要點樣教佢,反而令我覺得大家嘅諗法都幾一致。」經常有人說女兒是爸爸上輩子的情人,Yumiko亦笑言梁浸浸對她與爸爸的分別很大,問到有否曾經因此呷醋,「我已經開始習慣,我原本都唔想再生小朋友,但我而家可能會因為呢樣嘢而再生一個仔,當我返屋企見到梁浸浸對我同爸爸嘅分別有幾大之後,我覺得應該要有一個細佬。佢望住爸爸嘅眼神係完全唔同,可能呢啲就係女同爸爸嘅化學作用,所以我成日都話可能幾年後先可以同佢做best friend,佢先會同我傾心事。」



■Yumiko不時都在Ig share梁浸浸的可愛相片。

■Yumiko笑言梁浸浸愛黐住爸爸。


■梁浸浸非常精靈可愛,人氣爆燈。

恨再做一次打女

Yumiko直至去年才與英皇娛樂結束15年的賓主關係,現在回復自由身,「而家呢個階段我好享受自由嘅感覺,做自己選擇嘅工作,可能有時覺得呢段時間想陪多啲小朋友,咁就唔接咁多工作,呢段有彈性嘅時間,我覺得係最適合我。」雖然工作時會掛住梁浸浸,不過Yumiko最希望自己可以做到同時兼顧家庭與工作,已經學了4年打碟的她,早前亦因為女兒漸漸長大,抽空到上海擔任DJ打碟,「我原本諗住好細個就train佢自己一個瞓,但因為而家成日要做嘢,可能返到屋企佢已經瞓咗,所以就決定同佢一間房,佢張床喺隔籬,咁變咗夜晚都有時間相處,可以望住佢。」全面復工的Yumiko,早前獲ViuTV邀請參加真人騷《G-1格鬥會》,雖然已學半年泰拳,不過因為另有拍劇工作而未能參加。她希望可以再拍到一套代表作,再做一次打女,「雖然以前試過一次,需要付出嘅時間同體力係好多,但係嗰種滿足感我覺得可以試多次。」


■Yumiko不時為自家的網上時裝店擔任生招牌。

熱愛時裝變工作

因為熱愛fashion,所以Yumiko在2014年開設了網上時裝店whysocool,「自己好鍾意襯衫同留意靚嘅嘢,off season又或者vintage嘅嘢,將佢哋改少少,變成而家用都靚嘅嘢,自己着完大家覺得靚嘅時候,有好大滿足感,所以好想將佢變成工作一部份。」Yumiko今年打算再落足力在時裝生意上,「會推出新collection,又會將網站不足嘅地方改善,因為之前陀BB到小朋友出世都冇時間去打理,覺得而家係時候,所以想再做好佢。」



更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20160602/19637153
add 紅人 主場 鄭希 希怡 怡潮 潮媽 進化論 進化
PermaLink: https://articles.zkiz.com/?id=301984

【add紅人主場】楊張新悅環保潮媽

1 : GS(14)@2017-05-13 02:04:19

「有時我會大叫shut up!」40歲的楊張新悅(Nicola)2007年結婚,生了三個活潑女兒,全家屬大自然戶外分子,親子日全線行山、游水,Nicola自認是規矩多多的惡媽咪,講環保禁浪費,一缸水三個囡囡輪流沖涼,廁紙亂用更要罰配給,「我唔使佢哋飛黃騰達,但要佢哋求生到,同人溝通到,同埋明白環保、資源的道理。」採訪:林妙萍  攝影:周樂恒髮型:Ling Chow of Mi Salon服裝提供:Tory Burch場地提供:香港外展訓練學校楊張新悅和老公、教育局前政治助理楊哲安結婚十年,出名愛環保、愛大自然,萬能阿媽經常一個帶三個女去街市買餸,但親子活動就全家出動。上周帶了三個女兒八歲Lucy、六歲Lily及兩歲半細女Leah,一家五口去外展訓練學校,試玩扒獨木舟。



■Nicola親子戶外扒獨木舟,幾歲的女兒都會主動幫手。

■楊張新悅和老公希望女兒們可以學懂求生技巧。


三女沖一缸水

「你唔好幫佢,等佢自己試吓先!」二女Lily出盡力都搬不郁獨木舟,Nicola堅持要先試後幫,而囡囡們亦非常獨立、自律,衫褲鞋襪自己換。全家感情好好,訪問時,囡囡走來走去,攬頭攬頸,溫馨又溫暖。Nicola說:「其實湊三個真係好辛苦,因為我得兩隻手,同埋一把聲,有時太嘈,我都會大叫shut up,媽咪要peace,平時又要諗吓,今日有冇車,有車就車邊個先?佢要學咩,條路線點行,好似一個電路板喺個腦度咁。」考學校不用煩,反而出埠去旅行最考難度,「好少酒店房有五人房,坐飛機又係要分開坐。」阿媽唔易做,Nicola坦言作為母親,不求女兒發達出名,只想她們有求生能力,珍惜資源,學懂自理自律,所以環保和大自然,是她教女兩大要求,「一講環保,我就好惡,唔熄燈、亂用水,我就鬧,試過大家姐亂咁拉紙巾,我同佢講,你唔可以再用,去廁所都唔准用,每日配給,等佢知道珍惜。」愛環保,2012年Nicola更在香港大學修讀環境管理碩士,楊家規定,刷牙只可以用一杯水,不能長開水喉;三個女兒用同一缸水沖涼,外出用餐,亦要求餐廳不要過度斟水,以免飲剩。「世界資源好有限,真係唔可以浪費。」面對現時小朋友人人手機iPad在手,Nicola坦言十分心痛,作為母親,希望每次一家人食飯,是有眼神接觸,用口溝通,「朋友話我係恐龍時代,大女八歲都唔畀佢睇iPad,我覺得,學識一件high tech產品好易,反而人與人溝通同禮貌,都係要自小開始訓練,同埋要灌輸正確嘅思想。」


樂觀環境長大

做了十年全職媽咪,未放過大假,今年更自認「空虛」重投職場,為有份創辦的「心靈雞湯兒童基金」做兒童慈善工作,「人越大,越明白到唔同時間都需要不同幫助,尤其是做父母這一關。我啲小朋友好幸運,冇乜病痛,每日有飽飯食,也有機會去玩,我更加覺得需要去幫助其他家庭。香港貧富差距好大,希望香港每個小朋友都可以有個樂觀嘅環境長大,我主要幫零至六歲,畀唔同資助佢哋,例如睇醫生,可以幫佢哋快啲睇到,唔好有藥醫,但冇錢買藥。」



■40歲的楊張新悅自認是個教女規矩多的惡媽咪。

母親節灌醉女兒

大後日周日就是母親節,楊張新悅最難忘的母親節,是自己灌醉女兒!「真係人生最尷尬,冇諗過第一個灌醉阿女嘅唔係男人,係阿媽。舊年佢哋好nice,一起身就同爸爸整咗個好靚嘅早餐畀我食,爸爸就開咗支香檳畀我飲。我打開雪櫃,見到支桃味嘅汽水物體,咪開咗一齊扮飲酒,點知係有氣嘅甜酒,醉到佢哋暈低咗。」至於今年的母親節禮物,Nicola最想放一天假,「我要行開一陣,不過我諗啲女唔會掛住我,因為老竇湊仲開心,可以夜瞓、不停睇電視同食糖囉!」


BB車都得的行山徑

楊張新悅鼓勵小朋友親近大自然,推介兩條適合六歲以下兒童的行山路線:


1.大帽山到天文台約2小時

「即係麥理浩徑第八段,大帽山起步,行到嗰度有個天文台,推BB車都推到,水泥地少少斜咁上上落落,同埋嗰度間中有牛牛出沒,小朋友見到動物會好興奮。唯一係太陽太猛時唔適合,因為冇乜瓦遮頭。」


2.香港仔水塘到薄扶林公園約1.5小時

「由騎術學校嘅路口入,起步,行一個幾鐘頭,嗰度有樹蔭、有風景,幾舒服,行到薄扶林公園出番嚟。」至於青少年,她則推薦外展訓練營,「因為係訓練你個人有幾tough,要爬得、跳得,又落得海,同埋team work,呢啲嘢喺市區學唔到。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170511/20017189
add 紅人 主場 張新 環保 潮媽
PermaLink: https://articles.zkiz.com/?id=332750

【玩得媽】58歲踩板潮媽陪女唱K 「我還未老!」

1 : GS(14)@2017-05-14 10:51:52

從小到大,米粉跟她的媽媽(娜娜)總是形影不離,今次米粉就專誠帶娜娜去一試踩板,最適合貪玩的媽媽。



從小到大,米粉跟她的媽媽(娜娜)總是形影不離,就連跟朋友的聚會都會帶她一起。如此親密的母女關係,皆因娜娜一點母親的架子也沒有,她從來不會強調自己是母親,亦從不會日夜叮嚀女兒甚麼該做、甚麼不該做。一大班朋友開派對、唱K喝酒是常識吧?但米粉卻是一個不會喝酒的女生,然後便是母親大人出場的時候—幫忙頂酒。問到娜娜是否特別愛喝酒,娜娜便替自己辯護說:「唔係我鐘意飲酒,而係我覺得咩都要去嘗試,思想開通既人先至唔會老!」娜娜跟女兒的朋友亦十分投契,米粉表示:「有時傾到我要截停佢,一大班人傾成人話題,聽到自己既阿媽都傾埋一份,感覺怪怪的。」娜娜聽罷,笑著插嘴:「有乜問題,全部成人嚟㗎嘛!」嗯,又有道理……娜娜雖然貪玩,但亦有母親對子女無微不至的一面。她閒時為家人做飯,聲稱煮得一手好菜。隨即,米粉擺出一副「當堂嚇一跳,然後得啖笑」的樣子,反應甚大:「嘩,最經典一定係『榨菜芝士腸炒青瓜』,聽到已經唔開胃,不過菜式都唔係最重要,係味道出咗事!」一聽菜式名,已十分好奇如何得出這配搭,再問到平日如何烹調,娜娜竟說是全靠味精,理所當然地道出煮菜當然是要用味精。不過,對於如此特別的一道菜,娜娜就再三否認:「緊係無煮過呢道菜啦!」媽媽煮的菜,米粉就未必懂得欣賞,但米粉卻認為:「邊個話媽媽就一定要煮菜好食?就算佢煮得唔好食,都唔係問題既,又要切、又要洗同煮,呢啲都係心機嚟㗎嘛,唔係奉旨㗎!」



如此親密的母女關係,皆因娜娜一點母親的架子也沒有,她從來不會強調自己是母親的身份。

娜娜跟女兒的朋友亦十分投契,每次跟朋友的聚會都會帶媽媽一起。

娜娜雖然貪玩,但亦有母親溫柔、安靜的一面。

部份器材提供:滑板城SkateCityShop記者:莊芷君攝影:王國輝2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170514/20020447
玩得 得媽 58 歲踩 踩板 板潮 潮媽 媽陪 陪女 女唱 我還 還未 未老
PermaLink: https://articles.zkiz.com/?id=332998

拆解潮媽機場lookBaby熱捧Balenciaga

1 : GS(14)@2017-05-18 01:10:58

時下女星進出機場猶如行catwalk一樣,即使已身為人母都繼續潮,如楊冪、Angelababy都經常示範潮流穿搭。
Baby大前晚就在慶祝完母親節後趕赴機場,前往捷克布拉格拍攝《奔跑吧》。戴cap帽近排已成女星上機的指定動作,Baby再加一副大膠框眼鏡,配搭鮮紅色唇膏,好sharp好搶眼。藍色條紋襯衫襯牛仔褲好casual,但露臂的長袖款一看便是有料到,是紅星名人追捧的Balenciaga本季出品,攝一邊衫腳也是潮興穿法。Baby還孭住Dior的Diorama手袋,今季品牌為這個經典款加入窩釘細節,淑女款變得更cool更有型。




來源: http://hk.apple.nextmedia.com/entertainment/art/20170517/20024202
拆解 潮媽 機場 lookBaby 熱捧 Balenciaga
PermaLink: https://articles.zkiz.com/?id=333161

【馮仁昭四圍超】蔣家旻孖潮媽行街

1 : GS(14)@2017-05-18 02:14:25

蔣家旻同媽咪噚日下午四點幾去中環置地行街,戴住黑超嘅蔣家旻,着住白色透視裝,束粗belt襯牛仔褲,而佢媽咪就戴住黑超兼大耳環,花衫襯貼身磨爛牛仔褲,非常之潮。當蔣媽媽發現太陽眼鏡展銷,即刻一馬當先上前睇,蔣家旻尾隨其後。蔣家旻噚日喺微博透露送咗小禮物畀媽咪:「親手做的花禮品by ME,Happy媽咪節。」撰文:馮仁昭




來源: http://hk.apple.nextmedia.com/entertainment/art/20170515/20021397
馮仁 仁昭 四圍 蔣家 家旻 旻孖 孖潮 潮媽 媽行 行街
PermaLink: https://articles.zkiz.com/?id=333397

58歲潮媽:每月都獲邀試鏡

1 : GS(14)@2018-03-12 02:04:53

【明報專訊】58歲的Regina透露,在她24歲時已有公司邀請她當模特兒。但當時她剛結婚一年,丈夫的家人十分反對,故她放棄了。之後她曾經從事時裝生意多年,涉及零售、設計和生產;亦曾在內地工廠擔任管理層。年前退休後,她透過電郵自薦而成為老正工作室的模特兒。

她接拍的第一個廣告,是為「好好生活百貨」拍攝一些新潮長者用品的硬照廣告。之後,她亦與老正工作室另外7名模特兒,一起參與中華基督教青年會舉辦的「耆‧翠‧賞」時裝秀,穿上理大紡織及製衣學系學生設計的環保時裝行Catwalk。另外,她還在國泰港龍航空的網上視頻廣告及雅虎香港的短片中擔任主角。

退休前從事時裝生意 自薦成模特兒

至今,她已接下了八九個廣告和演出,大部分都是網上短片或電視廣告。由於其外形比實際年齡年輕,有時因為劇情需要,她還要將頭髮染白。Regina表示,幾乎每個月都有廣告商或廣告公司邀請她試鏡。不過,因為家人分別居住在4個地區,她很珍惜家庭聚會的時間,所以有多次試鏡都因為時間不合而推卻。現時她最想接拍的,是時裝品牌的廣告,因為她半生人的工作都和時裝有關。

[行銷攻略]


來源: http://www.mpfinance.com/fin/dai ... 9236&issue=20180309
58 歲潮 潮媽 每月 都獲 獲邀 試鏡
PermaLink: https://articles.zkiz.com/?id=349650

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019