ZKIZ Archives


發叔棄將林偉強醜聞、財困纏身

2011-6-2  NM




一直掌管新界大小事務的鄉議局週三換屆,愛蒲愛唱K的副主席林偉強在過去一年因官非、醜聞纏身,已遭主席劉皇發半放棄。本刊揭發,縱橫新界卅四年的「新界黎明」林偉強,近年還多番欠債,除了有財務公司追數,還要用爛地還債。

掌管新界大小事務的鄉議局週三換屆,做了副主席廿年的前立法會議員林偉強近來一改已往散漫作風,積極打電話、約飯局拉票,甚至在鄉事圈中德高望重的八十多歲林媽媽,也要出來為子拉票,又找發叔幫忙。

發叔不助選了

不過人稱新界王、鄉議局主席劉皇發已不像以前般撐林。過往選前,劉皇發總打電話給各鄉紳,為林偉強親自拉票,但有鄉委會主席透露,至今未有聽聞新界皇為林 拉票。本刊於週一問劉,他答得左閃右避:「等班議員自己決定啦,我唔方便加把口喇,到時咪知囉!」「佢當年喺政府支持下做離島區議會主席,加埋鄉議局副主 席,不知幾風光。」有鄉議局執委對本刊說:「佢懶就係人都知!林偉強幾十年做過乜?有人曾經當住班高層面前問佢,佢一件都答唔到。」新界皇早知這個幾十年 跟班一事無成,但勝在聽話,但這兩年林在自己地頭坪洲有兩件麻煩事,不得不叫發叔棄卒保帥。林偉強去年三月被坪洲鄉里揭發,在○三至○七年間,涉嫌用偽冒 簽名收據,向區議會申領近十萬元津貼,租用鄉事委員會辦事處,作為他的區議員辦事處。廉署已接手調查案件。 另外,○八年大班鄭經翰旗下的「香港數碼廣播有限公司」(前身雄濤廣播)要在坪洲建發射站,跟村民發生爭拗,但林在事件中竟不撐自己友村民,村民一怒之 下,去發叔面前告御狀,結果林在之後一屆坪洲鄉委會選舉中大敗,失掉主席寶座,因而無得做區議員。坪洲鄉委副主席黃開榆曾狠批林:「佢做咗廿年坪洲鄉委會 主席,乜都交俾我哋啲老嘅做,成日話好忙,極少返嚟坪洲處理會務。我哋一班老人家一直都忍,因為俾面佢死鬼老豆嘛!」

靠父蔭扶搖直上

曾自詡比劉皇發更年輕就當上鄉委會主席的林偉強,一生全靠父蔭。林父林樹春生前是地產商,曾協助開發愉景灣,他既是坪洲鄉委會主席,也曾是鄉議局副主席, 七七年癌病逝世。當年僅廿八歲的林偉強是家中獨子,由美國回港承繼父業,一眾鄉親父老包括劉皇發,視他如子姪,承諾林老太會提攜他。林在一眾鄉事大佬扶持 下,先接任坪洲鄉委會主席,後順理成章入鄉議局,多年來傍住喺發叔身邊,很快就紅遍鄉事圈。他於八八年獲港英政府頒太平紳士,之後進身立法局,兼當上離島 區議會主席,前後八屆。之後當上鄉議局副主席,回歸後在發叔力挺下,再循鄉議局議席當上立法會議員,才四十多歲,便一身公職。政壇得意,林亦承繼了父大筆 遺產。「林偉強幾十年前從美國回港都有做啲建築生意,即係幫人起村屋。」坪洲一鄉委向本刊說:「佢繼承咗樹春叔嘅遺產,連佢及佢阿媽在內,有四、五十幅 地,現金都有二百幾萬。七十年代有成二百幾萬,好多錢o架!」有鄉委說:「林偉強過去廿年最風光,每日要搵十幾人陪住佢一齊食飯,八十年代去尖東東海,一 晚開十支Lafite,埋單要成廿幾萬。九十年代就開始幫襯富臨,佢講明一定係去鮑魚名廚楊貫一嗰間富臨,先至夠富貴。」連發叔也形容他we we wet wet的林偉強,誰知他外表風光,多年來卻欠債纍纍。林現時當股東有兩間私人公司(見表),但他甚少向人提及公司業務,旁人亦搞不清楚他做什麼生意。由承 繼遺產後至今,他先後與母賣出近四十幅土地,現時剩下十七幅,有些是按了給銀行,另有一些爛地一塊,無人問津;○三年他更把坪洲祖屋按給銀行套現,至今仍 未贖回。

懸崖地還債

有坪洲鄉委向本刊爆料,林還曾向村民借錢,然後以名下土地還債:「當時佢係雙料議員,個個都信佢,譬如一名鄉委黃漢權,就念在一場鄉里,廿萬唔係好多,咪 借俾佢囉。點知一借無回頭,黃漢權後來去到鄉委會追數,林偉強就攞塊地嚟還。嗰塊地其實喺懸崖邊,但林實牙實齒同佢講,有辦法換番塊地落嚟平地,咁到時咪 可以起三層村屋囉!」「黃漢權當時都信佢,仲因為塊地價值五十萬,黃仲俾多三十四萬佢,以為等佢好消息。結果一等四年,乜地都換唔到,黃漢權咪㷫囉,又再 嚟追佢數,要俾番五十四萬現金算數。初時林偉強都拖,直至黃漢權話要報警,佢就去問第二個鄉里借錢嚟還番俾佢。」記者向黃漢權查詢借錢還地一事,他承認確 有此事:「嗰塊地係賣咗俾我阿媽梁細妹,你哋去田土廳查都查到啦,啲錢已經攞返,我都唔想重提舊事!」除了鄉里,財務公司亦曾向林追數。有鄉民帶記者到坪 洲鄉委會,在會內資料櫃中,發現大堆江庫財務公司向利恩置業有限公司的追數信件,利恩大股東就是林偉強,並發現林用利恩三塊土地作抵押。本刊翻查法庭資 料,發現兩年前江庫財務公司曾入稟,向林偉強追討三百二十七萬元欠債。江庫最後沒再追究,鄉事圈都知道,是劉皇發出面替他擺平的。記者再找到近日四出到不 同鄉委會拉票的林偉強,重提江庫財務追數一事,他承認,「我之前做生意,○三年間公司被人呃,有間有限公司走咗數,不過發哥(劉皇發)幫我settle咗 啦。」(係咪還清?)「總之全部債務已經settle晒啦!」林說。至於向鄉里借錢還地的糾紛,林亦承認:「都已經係陳年舊事啦,都唔明仲提嚟做乜?」儘 管林不欲面對追數事件,但自從三年前他失掉立法會議席、年初又輸了鄉委會主席,連區議員也冇得做,今次若鄉議局副主席也輸掉,就什麼也沒有了,所以他全家 總動員,希望力挽狂瀾。


發叔 叔棄 棄將 林偉 醜聞 、財 財困 纏身
PermaLink: https://articles.zkiz.com/?id=25491

阿信屋林偉駿:我好驚衰!

2013-11-28  NM
 
 

 

近日,日本電影﹑新版《阿信的故事》,在香港上畫,勾起港人不少回憶。另一邊廂,名字取材自這套電影的零食店759阿信屋,亦在股市上演了一齣好戲。持有一百七十多間阿信屋的CEC國際(759),宣布進軍化妝品業,店還未開,觀眾,即散戶,已蜂擁入場,股價十日內爆升一倍,市盈率抽高至七十五倍。野心暴露,以對抗霸權口號起家的阿信屋,如今被斥是新的「阿信屋霸權」。一切吹捧﹑攻擊同時直指向主席林偉駿。這一次。鏡頭下的他,招牌笑容仍在,手心卻捏了一把冷汗。戲碼進入高潮,劇本卻開始失控,林偉駿和散戶一樣,最怕爛尾收場。

上週五晚上,林偉駿原定要出席電影《阿信的故事》首映禮,卻臨時甩底。記者再三提他,這次活動宣傳噱頭十足。「無辦法啦,做生意緊要。」他略帶無奈道,原來有兩個韓國供應商,當晚就要離港,他趕着和他們開會。自從宣布開設化妝品店Kawaii Land,林偉駿的壓力與公司的股價一同颷升。鏡頭外,他收起笑容道:「依家我同班同事都捱到胃痛,每日都睇住啲貨,今個星期又派多六個女同事去日本掃貨,加埋有九個人做緊採購,真係全民皆兵!」林偉駿擔心不無道理。由工業股變零售股再變炒股,七十五倍市盈率(P/E),較持有零食物語的四洲(374),以及化妝品股龍頭莎莎(178),分別高出四點七倍及一點四倍。負面消息接踵而來。有美資分析員指阿信屋利潤率只得百分之一點五,萬一供應鏈出現問題,隨時蝕錢,「阿信屋債務成四億幾,一年利息都要千四萬,比零食嘅利潤仲要高,如果將來加息,佢又唔加價,咁點算?」他強調,阿信屋的估值沒有實質的業務數據支持,股價隨時會坐過山車。面對種種質疑,林偉駿不再推銷員上身,反而自潑冷水,同時幫散戶降溫。

炒股

記:記者林:CEC國際主席林偉駿記:股價十日內爆升一倍,變成炒股,你開心還是擔心?林:(合起雙眼,神情凝重)平時好少睇公司股價,因為我揸住就唔會放。(註:林持股約七成)自從話搞化妝品,外界反應咁大,炒到咁高,我真係好大壓力。啲供應商見我賣零食賣到有啲成績,咪俾我賣吓凍肉,見凍肉賣到,咪俾我賣吓家品,再到化妝品。如果賣唔掂,人哋會以為阿信屋冇料到,以前累積嘅優良記錄會冇晒,仲邊有供應商肯俾貨我?邊有業主肯租鋪俾我?記:根據現時P/E,公司一三至一四年的盈利起碼要倍增,投資者才收貨。對此,你有沒有信心?林:(想也不想)阿信屋依家要賺嘅唔係錢,而係規模,目標係三百間分店。冇規模嘅話,供應商點會俾面?日本仔仲會「冧(林)生」咁叫你咩?當你有親呀?純粹因為我有一百七十間分店,仲唔使上架費。今年九到十二月,達到每月一億一千萬嘅營業額目標,明年第一季希望每月做到一億三千萬。日後規模再大啲,物流採購成本平啲,希望將利潤率提升到百分之二點五。

轉型

記:新開分店主攻千呎以上大鋪,街坊式零食店已無得做?林:(指着一枱零食)阿信屋賣貨靠量多及快,四、五百呎嘅鋪,擺得三、四百款貨,啲客入嚟買幾包薯片,買支汽水就走啦,生意唔會多。依家我哋每日都有十一個貨櫃嘅貨,要大鋪先夠位擺,市場焗住你去做大。來緊會執咗部分細鋪,新開嘅分店,起碼要兩千呎。明年主力做整合,唔會開新店,後年會主攻開微型超市,目標係三十間。記:由賣零食,到微型超市,甚至化妝品。做得太濫,風險大增?林:我都要為租金去諗,先踩過界,賣吓呢樣嗰樣。有人幫我哋改名,叫「佳寶阿信版」﹑「日本城冇電器嘅阿信版」﹑「家興阿信版」。呵呵,但我唔係「萬寧」,冇藥賣吖嘛!我希望以一間微型超市做中心,帶住幾間細鋪嚟做。根據該區需求,某啲鋪會做特色店,如凍肉鋪。係北角至灣仔嘅街鋪,未來一年會轉做廿四小時營業。

記:明年將有三十間鋪約滿,如何應付加租問題?為何不買鋪?林:大部分新租約都傾得七七八八,加得唔算多。係商場嘅分店,租金係用營業額分成計算,部分好生意嘅,交緊嘅租金基本已多過底租兩成。如果要加租,我會叫業主俾我賣多啲產品,之前佢受到超市或日本城嘅壓力,唔俾我賣咁多嘢,好似日用品只可佔鋪頭整體產品約百分之五。我有時都係偷雞,擺多兩個衣架,咁樣慢慢變。阿信屋依家有六間自己鋪,都係四、五百呎嘅細鋪,唔再買係因為太貴啦,唔想冒險!記:阿信屋貨種急增,如何控制入貨及存貨?林:我每日都揸住部iPad睇即時銷情,每個月只會入七千萬左右嘅貨,種類可以變,但金額一定唔變。如果今個月生意額達標,毛利率不低過兩成七,就會七折減價清貨。所以無定時,有時係月頭,或第三個星期又會有。

霸權

記:你當年斥責超市霸權時,有本地大型供應商不肯供貨給你,如何解決本地貨源?林:(電話響起,掛線後笑說)大昌行朋友打來話:『四洲十二月會召開武林大會(採購會),實係針對你啦!』佢(四洲)搞咪搞囉,我試咁多新嘢,對人哋嚟講係敵意,但我都要交租o架。現時主要搵外國供應商,日本佔六成半、韓國佔一成半、歐洲佔一成。至於本地貨,我會搵啲細供應商。佢哋通常入唔到大場(連鎖超市),我唔收佢哋上架費,賣得幾多得幾多。

記:坊間有人批評你創造咗新的「阿信屋霸權」,與當年維護小店權益的形象相去甚遠。林:(攤開雙手,語帶無奈)阿信屋唔係霸權。如果有霸權,我就會同領匯(823)講:『喂!唔准嗰間士多賣呢啲嘢!咁到時你就寫(衰)我啦!而且,我冇㩒到供應商價,日本仔話賣幾錢,我就俾幾錢,保持到百分之一點四至一點六嘅利潤就繼續拿貨。規模上,人哋(百佳及惠康)超市加埋便利店,計埋華潤啦,有成二千間分店,我得百幾間分店,濕濕碎啦!人哋生意額幾百億,我得十億八億。佢哋仲係控制好大嘅銷售渠道,我哋未影響到任何嘢。氣氛上,我搞風搞雨,實際上我哋影響好微o架咋,得話題囉!我仔女將來唔會入公司幫手,阿信屋交俾手下打理,佢哋知我性格,即使我退休,公司都唔會變成賺錢機器。

阿信 林偉 我好 好驚 驚衰
PermaLink: https://articles.zkiz.com/?id=83450

阿信屋林偉駿:「已到極限焗住行!」

2015-03-12  NM
 
 

 

究竟CEC國際(759)在過去幾年,開咗咩鋪?阿信屋零食店、麵包店、車仔麵、凍肉、化妝品、茶餐廳、女裝、家電、床上用品……咁究竟老闆林偉駿仲想點?佢話:「嚟緊有便利店、點心鋪、鰻魚飯、西餐廳……同埋政府話推美食車,我都會整一架,裝飾得好靚嘅!」狂開分店,別人笑他太瘋癲,林偉駿今次訪問終於承認,是捱得好辛苦。「我睇到,阿信屋喺零食方面已到咗極限。如果唔喺其他零售層面發展,公司就會停低。所以新五年計劃,要繼續擴張,冇得停低。」翻開CEC國際的中期業績,半年賺一千七百多萬,平均每間分店每月只賺一萬二千八百元,低過請一個文員!開得多、賺得少,林偉駿已耗費精力、四年無放過一日假。這次由他娓娓道出、好可能愈行愈危險的759生意模式。

阿信屋在這四年來,不斷踩界賣非零食產品,最新是在大年初一開寢具屋,專賣床單被鋪,生意比想像好,令林偉駿深感興奮:「初一做咗七萬幾蚊生意,都幾得人驚!最好賣係印有英國國旗嘅被單。(冚國旗?)哈哈,又係喎。」不斷而來的新鮮感,是阿信屋給香港人的印象。由零食到化妝品店、家電、雲吞麵等等。林偉駿坦言做到一開即賺,但他發現生意及人流已走下坡,「齋賣零食嘅鋪,雖然仲有錢賺,但人流少咗好多!啲客鍾意行有凍肉賣嘅鋪頭,如果間鋪有埋電器同家品賣,生意會好好多。」他一年前已發現客源流失的問題,於是萌生開便利店、甚至百貨公司的諗法,希望挽回人流。

零食到極限

林偉駿坦承,賣零食已到極限:「阿信屋已去到極限。賣零食嘅零售市場已無乜空間,咁公司仲有咩動力去推動呢?惟有將零售層面擴大去做,否則間公司就會停低,好危險。」另一個林偉駿要狂開分店的誘因,是維持入貨量。阿信屋零售價較其他對手平,全因大量從日本直接入貨;但問題是,入貨量大,平均來貨價才能壓到最低。既然零食店已飽和,林偉駿索性將來貨用來開麵包店、粉麵店等等。一來散貨、維持入貨量;二來開在屋邨鋪,貨價租金有得計,一開有賺。不過此生意模式,卻帶來不少危機。其一,是耗盡了林偉駿精力。今年暑假,將是阿信屋成立五周年。這四年半以來,林偉駿無放過假,即使新年仍依舊上班:「每一日都要睇住盤數,要經常諗新嘢去變。」他用從前開工廠作比喻,公司發展就像工廠的產能一樣,要不斷增加:「例如一個大牌子今年賣一百萬元貨,你只能做到呢個數目。但如果人哋要增長,想賣二百萬貨,咁咪要搵其他廠去做,但品質未必做到兩間廠一樣,咁人哋為咗減低風險,咪可能將啲貨拎去一間大啲嘅廠做,唔俾你做啦。開零售店一樣,你分店少,接唔晒人哋啲貨,咁人哋咪拎去超市或其他鋪賣,咁你咪冇貨賣囉!」去年林偉駿得一位地產公司高層提點,暫停擴充分店,幸運地避過租金高峰期,最近本港零售增長下降,租金回落不少,阿信屋便再大舉擴充,目標是要開夠三百間分店,並將部分轉為便利店:「好多員工都喺其他超市過嚟做,佢哋睇中阿信屋係增長緊,如果停落嚟,士氣低唔使講,供應商都唔會俾面你。」

逼住面對現實

此路並不易行,一年前,林偉駿也說過阿信屋要走超市百貨路線,鋪頭要數千呎以上,但現實是,在寸金尺土的香港,要找到大型鋪位殊不容易。除了百佳、惠康、Aeon、city'super之外,有「阿媽」新鴻基地產「照住」的一田,亦是另一個崛起中的巨人。林偉駿坦言要開阿信屋超市好難,「我一直都搵緊鋪位,但大嘅已經俾百佳霸住,佢哋寧願交貴租都要霸住個位,啲業主又鍾意劏細鋪位收多啲租,我哋要搵位,都係搵華潤做唔起嗰啲屋邨鋪位咋。」林偉駿只好變陣,轉攻面積較細的便利店:「五百呎就開到。六成做熟食,賣豬皮魚蛋、點心同鰻魚飯,全部自家製作。全間鋪二百樣貨,全部重點產品,有三成係本地貨,同而家嘅阿信屋係有分別的。」目前面積較細的阿信屋街鋪,會變成便利店,他更指出早前開設的茶餐廳及麵包店等,都是為便利店鋪路:「我要學識點整熟食,原材料控制同運輸,要自己搞過盤生意先至會識。」不過便利店市場更似打仗,OK、7-11及華潤Vango,全港總共已有一千四百多家店,幾乎隔幾個鋪就有。上週六OK便利店特別舉行造勢大會,與日本熊本知事合作。利亞(831)行政總裁楊主彬向本刊說,不擔心阿信屋挑機:「我哋舊年開設日本零食專區後,生意額升咗兩成,今年會開多廿間OK分店。」據林偉駿所知,「七仔」上週一也舉行內部會議,迎戰阿信屋。

大超市留難

要擴張版圖,人工是另一隱憂。阿信屋人工成本不輕,為留人才,不惜較市價高一成底薪請店員,一般底薪約一萬二千元。另有營業額的銷售佣金,林偉駿說:「好多鋪都想入多啲熱賣產品,因為多佣金。銷情好嘅鋪,人工可以達萬六元。」除了租金,薪金成本亦佔了阿信屋收入一成四。另外,阿信屋曾因拒絕加價賣可樂,而遭太古等本地供應商封殺,但今次開便利店,卻要有三成貨品由本地供應,林偉駿要在價錢及貨源上與本地供應商角力,頭痛不已。「同維他奶傾,佢哋只肯供應大包裝375毫升飲品,細包裝嘅只喺超市賣,如百佳、惠康。因為大超市有佢哋嘅要求。大佬呀,女士們點飲咁大包喎!」貨源要妥協,售價亦要妥協,不能像阿信屋般賣平貨,他無奈指出:「供應商話啲嘢,唔可以平過七仔,咁我唯有標個價錢跟市價一樣。但我一樣會做九折,個客照俾全數後,折完嘅一成錢會係現金積分,留番嚟可去阿信屋零食店用。咁樣走灰色地帶,供應商可以向七仔交代。」林偉駿說不斷變通是逼出來的;表面風光,內裡陰乾,記者識了他幾年,他幾乎都是著同一件衫,因無時間買衫襯衫。日瞓四小時,樣子也很疲累,不過他說:「焗住要行,唔行公司就會死。但見咁多人跟我,我都有我嘅滿足感!」


阿信 林偉 已到 極限 焗住 住行
PermaLink: https://articles.zkiz.com/?id=135582

日圓租金夾擊759林偉駿:今年唔抖會玩完!

2016-04-28  NM

二○一一年,日本東北大地震,重挫日本經濟,造就CEC國際控股(759)阿信屋成名契機。短短六年間,隨日圓下跌,CEC由多年徘徊低位的「毫子股」,升至一三年歷史高位近五蚊,分店由一一年的四十間升至現時約二百七十間。同樣是日本,但今次卻可能是摧毀阿信屋的奪命符。阿信屋標榜對抗超市霸權,形勢卻在近年漸起暗湧。上年開始,日圓急升、租金高企、同行惡性競爭,加上近日熊本地震影響來貨,令零食王國地位岌岌可危,股價由高位再撻番落一元水平。壞消息相繼而至,老闆林偉駿直指今年要「抖一抖」:「一定要調整,唔係我哋會玩完!」

近日林偉駿接受傳媒訪問時,聽得最多的問題是:「今年執幾多間?」林偉駿坦言現時市場已不能與往年相比:「以前邊有咁多零食鋪?個餅愈嚟愈細,但仲多人去爭,唔縮皮真係無辦法!」翻開公司一五年半年業績,截至十月三十一日零售業務經營溢利為二千二百一十五萬,按年跌百分之三十二,而純利更跌百分之五十三至八百零九萬,平均每間分店每月賺得一萬多元。市道每況愈下,林偉駿近期放盡風聲指「今年真係要縮」,由四月初計劃今年關閉十四至十五間店鋪,到近期指最壞打算關閉三十間,「愈講愈衰!」他坦言曾受行家指責「唱衰個市」:「仲托住個市做咩!朋友有個仔嚟我度做開實習,近排突然話學校唔俾做兼職,唔嚟做啦。我問係唔係驚執,佢話唔係,但係大家心知肚明啦。」他續指:「跌咪跌囉,呢排特別多朋友走嚟安慰我,如果個個都為面子去死撐,死撐就真係玩完啦!」

加三十萬人工留人

不少光顧阿信屋的市民發現,以往較平的「正價」貨品愈來愈少,取而代之的是折扣較少的「公價」貨。林偉駿承認與近期市況有關:「真係平唔到咁多,除咗兌換率問題,其實日本貨本身有部分都加咗價。」他指出五月將有七成貨品換成公價:「公價嘅毛利率都係百分之三十五至三十七,有部分仲要得百分之三十,呢個仲要係入貨價嘅毛利,仲未包鋪租同人工嗰啲,加加埋埋要成百分之三十一至二成本,我哋控制成本已經做得好好,已經唔係話其他方面使多咗,但如果唔加人工,依家點請人?」他指單單在三月,人工開支已經增加了八十萬:「前線好難請人,依家周街都要店長,俾唔到好條件就走。」他坦承現時不少大財團入小量貨源,以低價來做噱頭搶攻營業額:「好似OK便利店咁,麵同啫喱特別平,呢兩款我哋照跟就死。」他又否認現時分店多能造就霸權:「五年前仲有可能,依家周街都係(零食店),水貨又大把,我哋根本無可能定價太貴。」

二百間是界限

很多人質疑阿信屋「點解行兩步就有?咁多間唔驚蝕?」原來林偉駿深知問題所在:「五十幾間就break-even,一百到百二間係最賺錢,因為唔使租倉,車四架就夠,過二百間就係一個界限。」雖然每間平均盈利減少,但他最終仍以四百間作為目標:「生意係分薄咗,但係穩定啲,預計要三年調整,但係奈何呢個時間遇到呢個情況,我哋惟有沉一沉,重整一下。」他指出,領展(823)及港鐵(66)的鋪租較貴,其中港鐵沿線鋪因營業額未如理想,年內最少結束五間,佔總數約一半。他坦言:「四五間無論點都會結業,其他都要等傾續租,但係地鐵鋪咁矜貴,點會平租俾你!」他直指細鋪的生意額遠比大鋪低:「好多旺區、四五百呎嘅鋪都係蝕錢,千五呎大鋪先有錢賺,屋邨啲婆仔情願行遠啲都要去大鋪。」

領展賣場搏減租

林偉駿直指領展租金加幅驚人:「沙田禾輋,原本七萬蚊租,依家仲要分利潤俾佢,夾夾埋埋十六萬,我附近仲開咗分店,分薄咗生意,點同佢續?佢點肯減咁多?」近日領展出售資產給炒家,他反而期望租金能夠受惠:「賣嘅多數都係啲邊皮鋪。啲炒家多數都係炒車位,最近有一間係轉咗新業主,反而有得講數。」領展「頭號」炒家之一林子峰,旗下持有零食店優品360°,他就指不怕被趕走:「佢都要租俾惠康百佳,啲炒家都係志在炒車位,租好定自己開好,有數得計,我反而唔擔心。」他反而擔心管理不善,令商場人流減少:「領展唯一優點就係管理做得唔錯,始終佢都要保持個形象,但係定時定候都會喺商場搞吓活動,炒家就未必咁落力做宣傳。」

無人再買日本貨

有報導指出,日圓再升,阿信屋就要按比例結束分店,林偉駿澄清:「其實條數唔係咁計,關鍵係再升啲,日本同歐洲貨就無人買。好似日本版可樂,依家賣七蚊左右,遲啲要賣到八、九蚊,但依家香港版都只係四個幾五蚊,到時仲邊有人買?日圓再升,啲貨就矜貴番,大家仲食合味道咩,都走晒去食康師傅啦。」他坦承現時大多新貨都來自日本以外地方:「好似急凍嘢咁,大部分都唔係來自日本,就係知道日圓無可能一直咁跌。」林偉駿指出,一年前日本零食商開始「出蠱惑」:「一係加價,但係佢哋覺得加價好大件事,所以多數都減量。」他透露生產商務求令消費者有錯覺,在生產時下了不少功夫:「好似即食麵咁,個包裝一樣,但係成個麵扁咗,但係睇落唔知,因為麵條同麵條之間空隙大咗,無咁實,無一間生產商唔係咁做。但係佢哋始終都有良心,唔會整化學嘢,佢情願偷減少少料。」

連環開副線之謎

除了日本零食,阿信屋最令人津津樂道的,就是副線種類繁多,由最初的急凍食品,到現時寢具、麵包店、雲吞麵店都有,林偉駿就指很多都只是無心插柳:「其實好多都係業主要求,第一間急凍食品,就係因為領展唔俾賣米,但係冷凍嘢就可以,可以開喺街市位。有啲就業主可以租多間鋪,但係無理由一個商場開兩間,惟有拆出嚟。」至於今年會不會有新的店種,他即答:「無啦,唔通賣雜誌咩,有新嘢都會放去鋪頭。」沒有新副線,林偉駿反而力谷糧油市場,擺明向惠康和百佳「挑機」:「以往都係經米商入貨,但係依家直接向泰國攞貨,可以平百分之十幾,個牌都等咗七個月先拎到。」他解釋:「經濟好唔好大家都要開飯,我知超市好緊張呢個市場,依家其實係擺到明同佢哋爭生意。香港人呢幾年係食少咗米,我哋賣一包即係佢哋賣少一包。」問到會否害怕大財團再打壓,他表示:「誠哥邊度得閒理我哋啲小兒科!」他補充:「同超市競爭,好過同士多鬥啦。」

網民挑機Q&A

上週五,林偉駿到本刊facebook fanpage直播,即時與網友對話,不少網民都提出尖銳問題。

問:為何好吃的零食常斷貨?答:啲貨賣完一(貨)櫃就要等下一(貨)櫃,有啲貨原本打算一直賣,但發現原來一段時間斷貨,生意更加好。

問:聽聞阿信屋七月會結束?答:最多都只係少開分店啫,上得市,爛船始終都有三斤釘。

問:你本人知唔知點分熱賣價、街坊價、超筍價、公價、正價?答:啲價我自己定,點會唔知啫!(記︰其實有咩分別?)其實無分別o架,正價就(較來貨價)mark高42至44%;街坊價40至42%;公價35至37.5%;熱賣價25至30%。有啲超底價見底嗰啲,仲低啲。

問:你會不會請零食試食專員?答:當然唔會啦,你過到來覺得試食好得意,可能試一次、兩次。如果你日日試食……我話你聽,我試嘢好有興趣,手淥到咁,就因為試壓力熱水鍋,噴到我手爛咗十幾廿日,日日食抗生素。

問:點睇759股價由2蚊4毫跌到1蚊?答:咁點解唔講佢由1毫升到5蚊呢?最緊要係由1毫升到5蚊的過程,我無利用呢個機會去集資、去呃佢哋。我專心工作,你話做老細做到你咁白痴,日日自己做。你可以話我無能,我接受,但炒股票,我真係無咩興趣。

問:最好生意係邊間?答:最好生意、一直保持係元朗,有個叫布殊嘅伙記,以前是7仔老闆,丟低老闆唔做,走過來做,所以就第一,做幾百萬o架。第二就係粉嶺聯和墟嗰間。

問:有無諗住減肥?答:我梗係無啦,我係270幾磅,即係你的兩倍幾。(記︰你又知我幾重?)我睇我個女都係一百磅。

問:不如做多啲唔同行業,例如寵物用品店。答:幫狗沖涼?梗係唔啱啦。去到依家經濟問題,專注番。小家電cut剩18間,日本城咪開心啲。

問:成日合埋眼,係咪好疲累?答:呢個係我習慣,呢個唔係唔尊重,係我習慣諗嘢。(編按:林早前接受本刊訪問指每日只睡四小時)

問:高登網民洪非凡係759邀請嘅「網上打手」?答:我真係唔識佢。佢幫我哋寫嘢?我無俾過錢喎。如果有人唔收我錢而幫我擺平啲嘢,真係要識吓佢。

撰文:梁延宇攝影、攝錄:財經組協力:黃嘉慧news@nextdigital.com.hk

日圓 租金 夾擊 759 林偉 今年 唔抖 抖會 會玩 玩完
PermaLink: https://articles.zkiz.com/?id=194438

賣零食蝕三千萬759林偉駿收縮就會玩完

2016-08-25

阿信屋今年公布了成績表,首度見紅,母公司CEC國際(759)全年蝕2972萬元。一包薯片賣十蚊,完全不計成本,要賣多297萬包,才可填回此數。由當初被指反超市霸權、贏盡掌聲,到現時被批評入強國貨、亂打折扣。評價「天與地」,百般滋味在心頭,林偉駿講到明再變陣︰「係有壓力,一定要控制住,唔可以再跌!」

他十多年前中過兩次風,講到詳情,林偉駿顧左右而言他:「其實就係唔使諗咁多嘢……做人唔好有呢啲包袱。」說完又合上眼。人家的老闆,站高一級指手畫腳,林偉駿連訂貨期都要親自目及實。這樣的上市公司老闆,你見過嗎?

林偉駿不是第一次經歷風雨。做電線圈工廠起家的他,○八年金融風暴期間,生意跌到谷底,須遣散四、五千名員工。對他來說,打擊很大。林偉駿說過,不能接受再遇危機時遣散身邊伙記,故他只求日後穩打穩紮。相比這盤鋼線上的生意,他更需要擔心的是自己的健康。他首次透露,十多年前曾經中風兩次,「日日好似食糖咁食薄血丸。」他指着手臂說:「我成手容易有呢啲一點點。」皆因薄血丸會降低血液黏度,可能會引起出血,亦即較容易瘀傷。對於中風他不願再多談;要擔心自己的健康,他也擔心父親,「我老豆就快九十歲,依家插緊喉。」或者對比之下,生意的包袱顯得不重,「如果一個人帶動到公司或對工作十分有熱誠,脫險機會始終最高!」

林偉駿明顯想做這個帶動者;六年以來,阿信屋首度見紅,他口說壓力不大,因為原本就不預期阿信屋賺大錢︰「除非輸到癲,呢個數仲係受控嘅!」一年蝕二千九百幾萬,薯片賣一包蝕一包,如果這叫受控,何不直接開善堂?六年前,阿信屋用平價打霸權,救贖小市民;由一間屋邨小鋪,開到全港十八區有二百七十一間分店,旗下有過千個職員,非他想退就退,「難得有呢份工作。呢份工作維持我好多嘢,唔好話工作滿足感,實際生活上都維持到,亦有咁多伙記。」林偉駿樂觀地相信阿信屋「有得救」。「善堂」繼續開,大家不如就幫他把把脈。

最關鍵命脈:不能跌的租金

近年高速擴充的阿信屋,梗有一間喺左近,並不是林偉駿特別有野心,他指太少分店,根本無供應商吼,「當我開店開到一百六十至一百八十間時,突然有很多供應商主動接觸,問啲嘢(貨)可唔可以俾你?唔得都打你阿信屋的名。」無可否認,平均貨價會平。他認為:「阿信屋一定要守穩二百至三百間分店,如果守唔穩,有機會兵敗如山倒。」毫無懸念,在香港租鋪賣貨,等於幫業主打工。打開759年報,三年間租金佔收益比重由9.8%上升至10.6%,再上升到最近11.8%,「脈搏」急速上升,即使近日零售市道下滑,租金亦無回落跡象。即係開得多又死,唔開得多亦死。林偉駿都知道這是死症,他說:「美孚新邨分店,被業主要求加租,仲有兩個月才結束租約,但鋪位已經有快餐店以更高租金承租。」他近日積極在各區找鋪位,樂觀的他無奈表示:「呢幾日傾(減租)都無得傾。」而經常搬鋪,亦需要大量現金去做裝修。肥,就減啦。但二百六十磅的他,對減肥有一套心得。「如果阿信屋得番一百三十間就玩完,就好似我突然體重暴跌至一百八十磅,身體好差先劇跌咁多!」他補充︰「成個營運機制、倉存、物流,整個布局即時全部削肉,先可以襯番啱佢。」肥佬林偉駿這樣說,就肯肯定他未見過營養師,做運動加控制飲食,減肥其實可以按步就班。但他選擇「食藥」爭取即時效果,「成本上升,我哋唯一辦法係加價。」

副作用:隨時加價

又再講番六年前,阿信屋之所以彈起,全因為一個「平」字。到今日,如果阿信屋沒有689折的時候,記者其實不會踏入半步(當然我不代表全部讀者)。但為了應付外匯問題,林偉駿指不得不加價。他指阿信屋由以前每一季度調整價格,轉為每來一櫃貨都調整價格一次,減少因日圓急劇波動而影響利潤︰「櫃櫃返來都同你對價!」做到咁貼價,客人有詐型嗎?林偉駿表示,這幾個月阿信屋已因外匯變化而加價,但生意並無因而損失,代表顧客接受到阿信屋因為成本上升而上調的價格。睇番轉頭,單計零售業務,經營溢利由去年的6,864萬,急跌至1,584萬。除開271間店,即每間每月僅賺4,871元。林偉駿身為老闆,每日凌晨一時才收工,訪問期間經常閉目養神。人家的老闆,站高一級指手畫腳,他連訂貨期都要親自實,「啲客話我哋賣賣吓無咗,唔得啦,日期一定要接啱。」他舉例,每個月訂貨一櫃,二十八日已經賣完,第二十九日就要來第二櫃貨︰「嗰幾日空框都唔好嘥咗佢,計得盡啲。我哋無,客就去咗人哋度買。」的確,記者過去曾在沙田連城廣場分店買冰鮮比目魚,買過一次,近幾個月已經無新貨,而且店內的冰櫃亦空置已久。作為曾經的忠實fans,記者也希望它可以改善。

由賣日貨轉賣陸貨港貨

阿信屋主打日本零食,今年要蝕入肉,致命傷當然是來自日圓升值。CEC國際錄得以日圓計值的採購匯兌損失,淨額達二千一百多萬元。林偉駿起初以為日圓上升會打擊日本供應商出口,減少利潤。不過由於日本供應商大部分原材料來自越南及內地,加上人民幣貶值,採購成本因此下降︰「所以日本仔不知幾開心!」故他要求日本供應商減價︰「我同善字腸啱啱傾完,鍊住佢5%。你賺多咗,梗係要減價俾我,我咁辛苦!」但為求安全,已減少日本貨,「我上年(日本貨)已經減咗額,如果唔係仲大件事!」阿信屋來自日本的商品佔比,已由二○一五年度的百分之四十三,降至上年度的百分之三十九。林偉駿的策略是,除了改部分由韓國及內地入貨外,亦賣更多「本土」出品,如家樂牌雞粉,不過他取貨量少,部分產品暫時只能向拆家入貨,毛利當然較直接向供應商入貨低。不過對於顧客來說,買的東西特色大減,走上「超市」之路,與大集團有何分別?頭痛醫頭,腳痛醫腳,這亦使林偉駿由一個被捧到上天的老細,狠狠地跌了一跤。但對林偉駿來說,只要不蝕本,已經心滿意足。

撰文:黃嘉慧攝影:鄭樹清攝錄:鄭樹清ed_bn@nextdigital.com.hk

零食 蝕三 三千 千萬 759 林偉 收縮 就會 會玩 玩完
PermaLink: https://articles.zkiz.com/?id=213855

飲檸檬醋養生 54歲林偉狂操防腐

1 : GS(14)@2016-06-20 03:36:50

2016-06-08 EW

昔日由模特兒晉身入娛樂圈的林偉,曾是無綫和亞視小生,但回復自由身便往內地和台灣發展,直至一二年才回巢無綫,近年不時演繹奸角,但搶鏡度卻比主角更突出。

入行三十年的他,雖然樣貌成熟不少,但體形依然弗爆,近廿年都保持住四十一吋胸肌及百五磅的體重,當中的養生秘笈原來是抄翁靜晶飲自製檸檬醋,日飲一杯, 縱使年過半百,依然睇得又打得。

烈日狂操

早前林偉在《EU超時任務》和《殭》的演出都惹人注目,鏡頭前要幾奸有幾奸,而打戲也不用替身,身手靈活。一直靠打泰拳操弗身形的他,即使年屆五十四都保持大量運動,一周操足四日,故身材多年如一。

日前在正午烈日下,他在寓所附近的籃球場做拉筋熱身,繼而將籃球架當沙包,進行一連串的拳擊及踢腳動作,打到砰砰聲,短短二十分鐘,已汗流浹背,忍不住除下背心,露出結實的胸肌。

稍休息一會,隨即再做五十下掌上壓,鍛煉出強而有力的麒麟臂,臨走前又繞圈跑步練氣,整整一粒鐘,絕不欺場。狂操一輪後,他前往茶餐廳歎下午茶,沿途不少街坊上前打招呼,他也揮手回應,十分親切。

食得奄尖

對體形十分重視的他,自言從小貪靚,「可能以前做模特兒,所以好貪靚,記得中四嗰年,明明係發育,但我都堅持着住四十一吋鞋碼嘅鞋,因為太大隻腳唔好睇,頂腳都照着。」雖然外形睇得,但原來早年曾因貪飲貪食,搞到膽固醇指數爆錶,身體響起警號,他說︰「以前成日覺得自己唔肥,可以食好多,試過一次食七個葡撻,結果膽固醇指數高達七點一,於是做運動外,還的起心肝改善飲食。」他自爆其養生之道是學翁靜晶飲檸檬醋,還根據對方網上的片段,自製了一大盅檸檬醋,每朝早一杯暖水後,便飲一杯檸檬醋,對清腸胃特別有效。他還指現在食得揀擇,「平時會飲五青汁,唔食煎炸嘢,食燒臘唔食皮,煙酒更加唔掂,好健康。」體力十足的他,也不時北上登台和拍劇,又正開發一些娛樂策劃的工作,認真有排忙。

撰文、採訪 娛樂組 攝影 何國豪 設計 吳俊彪
檸檬 養生 54 林偉 狂操 防腐
PermaLink: https://articles.zkiz.com/?id=302126

英皇加租七成 阿信屋變陣 林偉駿:Kawaiiland不再獨立開

1 : GS(14)@2016-06-21 07:10:53

【明報專訊】本港消費市道向下,759阿信屋近年新戰線Kawaiiland生意風光不再,旗下首家位於銅鑼灣駱克道的兩層舖位,業主英皇國際(0163)近日以月租約40萬元招預租、較現租加約74%,租戶阿信屋老闆林偉駿回應本報查詢時稱,該舖將「變陣」把地舖改為759阿信屋,兩店於未來5個月合併經營,並坦言「Kawaiiland歷史任務已完成,以後都唔會再開」。

明報記者 劉詠怡、邱曉怡

Kawaiiland銅鑼灣店設於駱克道476號地舖及1樓,於2013年12月開業,為旗下首家Kawaiiland,據悉現時月租約23萬元,租約期至今年11月。不過消息表示,業主英皇現時正於市場以月租40萬元推出該舖招租,面積共2960方呎,意向呎租約135元。有代理稱,如單一承租地舖連閣樓約1791方呎,意向月租約26萬元,平均呎租約145元水平。

地下連1樓40萬招預租

林偉駿回應時表示,鑑於駱克道Kawaiiland分店生意並不理想,暫未決定是否續租,公司現正嘗試在餘下約5個月租約期,把現有分店「變陣」,樓下地舖將改為阿信屋,1樓位置則保留作Kawaiiland。

就記者所見,該舖昨晚已陸續把有關設備及貨架遷入,「新店」最快日內營運。林偉駿又稱,兩者合併屬試驗階段,如新業務模式行之有效,公司亦會考慮續租;若試驗失敗,即使業主最後願意減租三成,亦無力再租下去。

「新店」最快日內營運

事實上,阿信屋整體營業額較高峰期時下跌最少四成,林偉駿解釋,個人護理用品市場競爭近年愈趨激烈,Kawaiiland貨品種類不足,加上最暢銷的護理產品於大部分阿信屋內亦有發售,顧客毋需特意前往Kawaiiland選購。他坦言「Kawaiiland歷史任務已完成,以後都唔會再開」,至於現時約30間Kawaiiland分店何去何從?林偉駿表示,現階段計劃把其中8至9間分店轉為阿信屋,Kawaiiland則改為併入分店,成為店內個人護理用品分部。

Kawaiiland併入個人護理部

雖然阿信屋分店數目已多達逾200間,惟林偉駿表示,Kawaiiland分店轉為阿信屋不會與現有分店構成衝突,「只要兩間分店距離有15分鐘路程就冇問題」。他強調,現階段Kawaiiland未有關店壓力,要靜觀店舖「變陣」效果再作打算,而表現較好的Kawaiiland分店會繼續獨立營運。


來源: http://www.mpfinance.com/fin/dai ... 4405&issue=20160621
英皇 加租 七成 阿信 屋變 變陣 林偉 Kawaiiland 不再 獨立
PermaLink: https://articles.zkiz.com/?id=302295

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019