ZKIZ Archives


中環在線:中資券商圍飛出事C小姐後台有粒星 李華華

2011-7-20  AD




 

近嚟證監打老虎嘅心好似越嚟「紅」,新近仲打咗隻老虎乸!華華收到風,某家中資證券行近排亂到七彩,因為證監一早為佢哋開咗幾個files。

男友係股壇Twins大佬

話 說,前排個市仲未急轉直下時,新股排隊輪住上,而呢家證券行當時都有幫公司上市,做吓IPO。據聞,有位負責ECM(資本市場)嘅C小姐,涉嫌IPO圍飛 出事,俾證監捉到正。C小姐係邊個,華華唔方便開名,但喺行內唔少人識,皆因有傳聞話佢男友就係「股壇Twins」嘅大佬。

講開Twins大佬,其實同佢有關嘅新聞都唔少,除咗呢單紅顏知己涉嫌圍飛事件,前幾年有間上市公司曾經話佢向傳媒發放電郵損害嗰間上市公司嘅形象,要求佢賠錢。

不過,Twins大佬喺金融界打滾多年,做嘢梗知分寸,最後當然冇事。唔知今次Twins大佬有冇慰問吓呢位紅顏知己?

講得係亂,當然唔止C小姐圍飛出事一單咁少,據聞嗰間中資證券行有位負責人,涉嫌收受回佣俾證監查,嚇到先出走美國避風頭,後嚟索性返大陸柄埋o忝。

證監會短期內可以喺同一間證券行連打兩隻老虎,認真有效率!

李華華

LiWaWa@AppleDaily.com


中環 在線 中資 券商 圍飛 出事 小姐 後臺 臺有 有粒 粒星 華華
PermaLink: https://articles.zkiz.com/?id=26415


ZKIZ Archives @ 2019