ZKIZ Archives


【每日健康】廚房越亂 會食得多零食?

1 : GS(14)@2016-03-11 00:52:12

做做吓嘢,突然面前出現薯片同爆殼,就算明知自己已經食得太多,偏偏都係忍唔到口,結果又再開懷大食。如果呢個情況經常出現喺你身上,或者係時候執執家企廚房同公司Pantry。近日有研究發現,家企廚房越亂,人就越易食得多零食。研究人員將98位實驗參與者分成兩組,一組被安排到一個整齊潔淨嘅廚房,另一組被安排到一間堆滿未洗碗碟嘅髒亂廚房,兩間廚房都放咗一碗碗曲奇、紅蘿蔔同餅乾。結果發現,相比喺整潔嘅廚房,身處髒亂廚房嘅參與者吃多一倍曲奇,在短短10分鐘已吸取多53卡路里。點解有咁大影響?研究人員解釋身處亂廚房,會驅使人放低對自制力,「反正所有嘢都亂晒龍,咁我又何必理自己呢?」如果家中廚房同公司Pantry髒亂,我哋又幾乎唔係喺屋企就係喺辨公室,咁我哋究竟全年食多咗幾多?為健康計,大家都要勤力啲,執執個廚房啦。資料來源:Time, Clutter, Sage Journal記者:黃力





來源: http://hk.apple.nextmedia.com/su ... t/20160310/19522827
每日 健康 廚房 越亂 會食 食得 得多 零食
PermaLink: https://articles.zkiz.com/?id=297523

【紫薯芝士泛濫 】後生仔開「劣鳩飯堂」抗劣食「垃圾我係唔會食!」

1 : GS(14)@2017-01-09 08:11:54

為抗衡現在很多食肆都亂加紫薯、芝士的文化,五個後生仔女早前開設了名為「劣鳩飯堂」的Facebook專頁,短短一個月已吸到萬多個Likes。



近期越來越多餐廳食肆玩創新同Crossover,不論是雞蛋仔、豆腐花、麵包、蛋撻等小食,抑或是火鍋、拉麵、煲仔飯,總要加入紫薯芝士紫薯芝士紫薯芝士……相信地球上已經冇嘢可以阻止到紫薯同芝士入侵,但其實芝士混入煲仔飯,紫薯變成雞煲的湯底,真係會好食咩?


要數最恐怖的食物配搭,他們首推海膽麻婆豆腐配竹炭烏冬。

最近 Facebook有個名為「劣鳩飯堂」的專頁彈起,專門批評市面上越來越多食物亂加紫薯、芝士,而且越來越濫,還賣得不便宜,原來該page有五個版主,有男有女,其中兩位Gab和Ali早前接受了我們訪問,他們聲稱雖然自己不是食家,但對食物都總有些要求,「紫薯加芝士這些垃圾我係唔會食」,為免以後出街食飯被人認得趕走,他們拒絕上鏡。他們說,開設這個專頁,源於經常在Facebook看到有女性朋友會tag人,一按入去就是林林總總的飲食post,幾乎全部都標籤「#極邪惡」、「#隱世小店」、「#爆漿」、「#芝士」,Ali說:「其實紫薯芝士本身很正常,但好多餐廳做出的配搭係完全錯晒,根本唔夾,夾硬放埋一齊,之前見到Facebook都有個Page「猛鳩語錄」,抗衡少女語錄,我們就諗到不如開個Page抗衡這種飲食文化。」專頁開了一個月,已吸到有一萬四千多個Like,成績算很不錯,還有很多讀者與他們分享自己的中伏經歷,他們發覺其實有很多志同道合的人。他們認為這個現象泛濫,是因為供求問題,「老實講,有啲人買來都唔係為咗食,食完又唔會寫食評,只係為呃Like,當食肆將紫薯芝士放埋一齊,港女見到就會覺得很正,會諗又可以呃Like,就會狗衝去食,食肆就會覺得很好賣,之後就繼續研發更加多類似的奇怪產品。」Gab補充:「我哋開呢個Page,就係為咗撥亂反正,將呢種歪風變返正常。」到底這些「創意料理」有幾恐怖?兩位版主又會點評價?請睇片。記者:黃子配攝影:伍慶泉




來源: http://hk.apple.nextmedia.com/su ... t/20170109/19890631
紫薯 芝士 泛濫 後生 仔開 劣鳩 飯堂 抗劣 劣食 垃圾 我係 係唔 唔會 會食
PermaLink: https://articles.zkiz.com/?id=322065

【靠臉吃飯】日本奇怪研究:照鏡食飯會食多啲

1 : GS(14)@2017-07-01 10:30:14

日本人喜歡自己一個人吃飯,已經是人人皆知的事,日本的「一蘭拉麵」之所以能夠走出國際,除因拉麵美味外,確實不得不提他們的「味集中」座位,絕對適合自己一個人吃拉麵。根據最新一期學術期刊《Physiology& Behavior》一份有關照鏡吃飯的日本研究指,原來在鏡子或者自己的照片前吃飯,可以令食物變得更好味,還可增加食量。



雖然研究結果非常古怪,但這是由曾經產生過6名諾貝爾獎得主的日本名古屋大學完成的。兩位日本學者進行了三次實驗,在第一個實驗,有16個平均約68歲的日本公公婆婆參與,他們分別對着一張牆的照片,或者對着鏡吃飯,而結果發現,對着鏡吃飯的人表示食物更好味,而且食量亦較大。為了解當中原理,學者在第二個實驗中,以公公婆婆自己的照片代替鏡子,最後得出同樣的結果。在第三個實驗,學者在當地大學找來16個平均約22歲的年輕人進行同一個實驗,最後亦得出同樣的結果,故研究人員相信,這個效應並不受年齡影響,所有人在鏡或者自己的照片前吃飯,食量都會增加。學者解釋,這與社會促進效應(social facilitation effect)有關,即人在做某件事的時候,如果有其他人在場,人會有更好的表現,因為照鏡食飯彷如有其他人在場一樣,故能解釋為何照鏡吃飯食量會增加。資料來源:
Ryuzaburo Nakata, Nobuyuki Kawai. The“social” facilitation of eating without the presence of others: Self-reflection on eating makes food taste better and people eat more. Physiology& Behavior,2017;179:23 DOI:10.1016/j.physbeh.2017.05.022記者:盧逸文2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170628/20070653
靠臉 吃飯 日本 奇怪 研究 照鏡 食飯 飯會 會食 食多 多啲
PermaLink: https://articles.zkiz.com/?id=337396

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019