ZKIZ Archives


「矛盾都會完」陳志雲憂無以為繼

1 : GS(14)@2016-04-01 15:38:37

【本報訊】ViuTV以《跟住矛盾去旅行》打頭陣,坊間聲勢不俗,不過外間對此反應不一。YouTuber司徒夾帶相信新節目可以推動電視業創新,無綫電視廣播業務前總經理陳志雲卻質疑,這類話題節目會無以為繼;前電視人蕭若元亦不看好ViuTV可憑此動搖無綫的慣性收視。
YouTuber司徒夾帶表示,以創作人而言,欣賞ViuTV用心製作創新的節目,「我覺得ViuTV係刻意製作一啲無綫冇做過,甚至以前電視界冇做過,觀眾亦冇睇過嘅節目」。他認為,這些節目某程度是會令無綫綜藝節目製作人不能偷懶,有競爭作用,提醒他們不可能再製作出一個主持加幾個嘉賓聊天的節目來吸引觀眾。無綫前金牌編劇周旭明抱審慎樂觀態度:「梗係希望(電視台)啲嘢係越變越好……喺觀眾角度嚟睇,係多一個選擇,開台先再講,睇出街係乜嘢一回事,始終電視台係燒錢嘅生意,唔好咁快判人生死先。」但陳志雲對ViuTV的製作方向有所保留,「嗰類節目持續性好緊要,《跟住矛盾去旅行》個矛盾都會完㗎,睇落係咪無以為繼?ViuTV走呢條線,TVB執行董事鄭善強都曾經話:『佢哋其實做緊J2,J2都係得一、兩點收視,因而佢哋做乜嘢應該對我哋冇乜影響!』」。他認為縱使外地劇製作水準高,但香港觀眾也會愛看港劇,因有本地元素,反映本地文化面貌,令觀眾產生共鳴,「不過,多個人入嚟玩總好過冇,但對於佢(ViuTV)競爭力有幾大,就要睇佢肯投入幾多資源落去」。



蕭若元:5點收視已不錯

蕭若元的反應是:「有興趣睇吓。」但他估計ViuTV出擊都未必可動搖無綫慣性收視,ViuTV的節目若搶得5點收視成績已不錯。蕭若元指無綫擁躉守舊:「而家睇TVB嘅觀眾,多數係年紀大、頑固,生活習慣好難改變,佢哋好多都係開電視聽聲……有線同now出現亦搶咗啲客。」■記者張文鈴、楊潔雯、戴彩煥、王麗春





來源: http://hk.apple.nextmedia.com/news/art/20160401/19553542
矛盾 都會 會完 陳誌 誌雲 雲憂 憂無 以為
PermaLink: https://articles.zkiz.com/?id=298933


ZKIZ Archives @ 2019