ZKIZ Archives


【捱麥記女VS碩士生】兩爛口索女相遇 炒蝦拆蟹互爆粗

1 : GS(14)@2016-09-23 08:10:04

女仔講粗口會俾人鬧「妓女不如」,呢個係咩世界?將真性情表現,唔造假,係咪嚟得更直接更赤裸?爆粗港姐馮盈盈被起底fb用粗口留言,好似做咗千古罪人咁。今次蘋果動搞作搵嚟兩個九十後爛口索女,將最真嘅一面呈現觀眾眼前。女仔講粗口,其實又有咩大不了喎?記者:趙永傑 攝影:吉吉、馮峰
Sonia,25歲,建築系碩士學生,曾經喺英國留學,佢認為講粗口要睇場合,通常返工返學先講得較多。米曹,22歲,曾經拍過網絡爆紅短片《一生只想尋找肯捱麥記的女人》擔任女主角,換嚟網友以「娶得過」形容。兩位九十後外表斯斯文文,原來私底下粗口often,問到佢哋常用嘅粗口,米曹話:「我平時無論講乜嘢都會加粗口,常講嘅係關你X事、X你老X。」Sonia就話:「做乜X嘢呀?搞X錯呀。」講到女仔應該以真性情示人,總好過扮晒嘢懶靚扮淑女呢條題目,Sonia搶先答:「梗係真性情好啲啦!啲人第一眼望到你,都係睇你份人有幾真,同佢融唔融入到,做唔做到朋友。」米曹就講出好啱嘅道理:「做朋友甚至做情侶,係一世嘅嘢,你扮晒嘢自己又唔舒服,對方耐咗始終會知道真實嘅你係點。」唔知各位喺現實環境中,有冇遇過等lift嗰陣,明明自己排最前,但電梯到嗰陣俾人打尖搶先衝入去?又有冇試過行街俾人迎面撞膊頭,對方當冇事照行咗去?片中Sonia同米曹就玩案件重演,演繹出如果佢哋遇到上述情況,女生會點樣用粗口暗罵或明罵對方。快啲睇片啦!




來源: http://hk.apple.nextmedia.com/entertainment/art/20160923/19778678
捱麥 麥記 記女 VS 碩士生 碩士 兩爛 爛口 口索 索女 相遇 炒蝦 蝦拆 拆蟹 蟹互 互爆 爆粗
PermaLink: https://articles.zkiz.com/?id=309728


ZKIZ Archives @ 2019