ZKIZ Archives


胎死腹中 計唔掂數拒開喉 甄子丹即棄林建岳


2014-04-24  NM  
 

 

雄心壯志,想自己做埋電影公司老闆的宇宙最強甄子丹,去年三月被林建岳收歸旗下,合組開設「Super Hero超級英雄電影」公司,並敲定以郭子健執導的《九龍城寨》,作為公司頭炮作品。埋牙一年,礙於宇宙最強堅持開戲預算要一億五千萬,林建岳認為投資風險太高,難以回本,雙方拉鋸多時仍無法達成共識,甄子丹見金主咬極唔入,索性轉投荷李活最大經理人公司Creative Artists Agency(CAA),正式和林建岳分手,疊埋心水繼續搵街外錢。企硬億五打頭炮

林建岳愛廣收天下兵器,甄子丹又發夢要自己做埋老闆,雙方一拍即合,合組「Super Hero超級英雄電影」公司,投資開拍電影,並確保宇宙片酬由三千萬(人民幣)起跳。去年三月,新公司成立的記者會上,甄子丹透露將會「一年拍兩至三齣戲」,其中包括有馮小剛執導的動作喜劇,鄭保瑞執導、講述美國一個武術家如何成為一代宗師的《大師》,以及由郭子健操刀的《九龍城寨》三個項目。甄子丹的如意算盤是以預計今年開拍的《九龍城寨》,作為公司頭炮作品,電影雖以龍蛇混雜的九龍城寨作為背景,宇宙最強亦曾聲稱不會花錢重現九龍城寨:「搭景唔會啦,電腦特技搞掂就算。」話雖如此,但宇宙好胃口,預算愈計愈大,最終投資額高達億五。

有數得計蝕硬

據瞭解,雙方經多月磋商,最終林建岳以億二作為投資上限,但甄子丹依然企硬,不肯讓步。「部戲當大陸可以收得,收一億返三千三百萬,以子丹開億五嘅預算,要收五億,先叫做打和;仲未計宣傳發行嗰筆,投資過億嘅戲,宣傳費郁嚇幾千萬,子丹嘅《葉問》雖然有好口碑,啱啱賀歲嘅《大鬧天宮》亦收過十億,但靠佢自己孭嘅票房,隨時唔過兩億,億五開《九龍城寨》,幾乎蝕硬!」知情者說。

搵定靚位落台

搓波一年,《九龍城寨》最終胎死腹中,林建岳拒開水喉,令宇宙最強老闆夢碎;撞正美國經理人公司Creative Artists Agency(CAA)搵上門,有埋靚位做下台階,甄子丹決定同林建岳分手。唔做老闆,甄子丹六月中先開袁和平執導的《臥虎藏龍II鐵騎銀瓶》,緊接再拍《葉問3》,片酬四千萬人仔,新高!搵街外錢,免煩!

胎死 腹中 計唔 唔掂 掂數 數拒 拒開 開喉 甄子 子丹 丹即 即棄 林建
PermaLink: https://articles.zkiz.com/?id=96982

憂後遺大 發展商拒開低價

1 : GS(14)@2016-04-01 15:42:03

【拆局】三個何文田區樓盤一個月內連環開售,連同其他地區新盤,基本按市價賣樓冇得平,更高於同區二手樓兩成至四成不等,究竟是甚麼原因?其實因今日平賣後遺症更大,由2013年至2014年買入的貴價麵粉地皮豈能蝕賣。樓價自去年高位回落已超過一成,基本兩年前買樓已變成蝕本貨,更甚者那些天價買入的資助房屋更是走向負資產行列。其實話晒今年是散貨年,逾萬伙等住開盤,如果年初那麼快減價,更影響了下半年多個貴價貨的賣價,既然個市已經跌定咗,細價樓不再出現破底價,那麼鬥長命的話希望把減價潮拖延一點,否則更難回籠資金,影響公司盈利。睇番何文田三個盤,早年投地的成本地價分別為天鑄的每方呎12,540元、皓畋的每方呎10,233元和One Homantin的每方呎9,875元。以新地投資成本最高,但入伙期遠早於另外兩個樓盤,對於投資者和用家而言機會成本較佳,可租可用,因此銷情比其他兩盤好,惟由於樓價冇咁快見底,三盤入伙時才可以定成敗。





來源: http://hk.apple.nextmedia.com/financeestate/art/20160401/19553177
憂後 後遺 遺大 發展商 發展 拒開 低價
PermaLink: https://articles.zkiz.com/?id=298938

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019