ZKIZ Archives


愈跌愈要買? CKM001

http://hk.myblog.yahoo.com/ckm001/article?mid=40845

我寫網誌的其中一個主要目的,就是投資者教育,大部份散戶視股票買賣為賭博工具,並認為股票市場風險太高,股票只宜投機,絕對不適合長線持有,這種 錯誤觀念在香港根深柢固,為了讓大眾明白長線投資股票的正確心態與技巧,我決定花數年時間,在網誌上用實證說明,今天我又舉三個例子,說明股票愈跌愈買的 技巧。

坊間有許多教散戶炒賣股票的術語,例如溝上唔溝落、止蝕不止賺等等,賭場裡的賭徒有句術語叫「輸縮贏谷」,其實都是同一路的思維,這些金句的好處是 當市況逆轉時,令賭仔不至於輸掉身家,但長線投資人應該以基礎分析做買賣,要加碼溝貨或是要沽出,應該參考宏觀數據、行業分析與個股估值,而不是那些模稜 兩可的技術分析。

先舉第一例,08年平保(2318)在收購富通一役,賬面損失達二百多億人民幣,公司股價插水,跌幅遠高於中人壽,當時持有平保股票的散戶風聲鶴 唳,紛紛止蝕離場,但我當時判斷平保元氣未傷,在中國的金融與保險業務還是大有前途,於是我分三注在$52.7-$54之間撈底溝貨(圖一),之後平保股 價更跌穿三十蚊,我當然繼續持股,平保假期前收$74.5,比我的08年買入價有四成利潤,什麼什麼止蝕,又什麼什麼溝上唔溝落,全部都係廢話。

再舉第二例,同是保險公司,投資回報結果可以南轅北轍,08年買入美洲區保險公司如AIG、宏行等等,如果唔止蝕真係輸到反眼,其實又係宏觀數據、 行業分析與個股估值的考慮,08年頭,我有意撈底買入AIG,但見07年第四季的公司年報已經壞賬累累,結果我沒有買入AIG,並建議老婆沽出手上三百大 元一股的宏利股票,轉馬至廿幾蚊一股的中人壽,我又在09年用$10.08成功撈底在美國掛牌(MFC)與香港掛牌(945)有大折讓的宏利,並 在$13.5賺了三成多沽出(圖二),現價宏利股價還是低於我上年的沽貨價,買中國,沽美洲,其中的基礎分析我已經講過無數次,不贅。所以唔好以為我唔識 短炒,不過短炒一樣以基礎分析為本。

到第三例,唔好以為我叫散戶買大藍籌,就以為我唔識食二、三線股大茶飯,今年6月8日,我見隻基金股新奧液氣(2688)被各大行大手拋售,股價大 插水,投機賭徒大叫止蝕離場,我細心分析過去十年新奧的財務報表,發覺新奧是一間實力雄厚的公司,於是我在股價跌到$14.52那天放膽入貨,並建議 iPhone 的讀者買入(圖三),一天後股價跌穿14蚊,但之後公司謠言被澄清,股價反彈,假期前收$22.8,升幅近6成。

可能樹大招風,網上有許多博客都喜歡批評本人的持股,一時又話隻中人壽唔掂,一時又話阿里巴巴、瑞安房地產、中國動向點樣點樣無運行,其實以上都係 有實力嘅公司,未來股價必定拾級而上,請各位有心人放心放心,如果要自我檢討,我最失敗的個股投資係隻尚德太陽能(STP),太陽能設備供應商前景黯 淡,STP股價比我買入價已經跌超過五成,不過大家請放心,我唔會好似某人咁報喜不報憂,高價重注買入隻思捷(330),然後愈跌愈溝貨,之後更在更低價 沽貨,損失慘重,唔怪得現在更淪為投機賭徒,行止蝕與溝上唔溝落呢類廢招,可惜,根據巴黎兄的調查,交易文章已經被刪除,如果唔係,網友可以參考呢個反面 教材,引以為鑑。


愈跌 跌愈 愈要 要買 CKM 001
PermaLink: https://articles.zkiz.com/?id=18209

誠哥賣偉哥愈老愈要試

2014-10-16  NM
 
 

 

首富李嘉誠八十有六,仍有心有力,勇於投資新事物。由紅顏知己周凱旋打骰嘅私人投資旗艦——維港投資基金,先有人造蛋,又有複製動物皮。不過,除咗鬼佬嘅高端生物科技,誠哥對祖國傳統中藥療法都好有興趣。早於○五年,和黃(13)已同上市公司白雲山(874)合資,成立廣州白雲山和記黃埔中藥有限公司,至今開發超過一百四十種藥品,包括板藍根顆粒、六味地黃丸等。最近更有新突破,就係上月底,白雲山同和黃舉行發布會,宣布推出「中藥版偉哥」——「鐵瑪」!話係中藥,但內含嗎啡成分,仲有人參及黃精等藥材,講明男女通殺,主要針對三十歲以上、容易疲勞嘅男性,以及更年期女性,改善用家床上表現咁話。

同得誠哥合作,白雲山當然有咁上下來頭,大股東係國企廣藥集團,擁有十幾隻老字號中藥品牌,包括王老吉涼茶。近年白雲山紮行馬進軍抗陽痿藥物市場,除咗同誠哥合作搞鐵瑪,還自行研發大陸版偉哥「金戈」。按照白雲山嘅講法,呢兩款一中、一西嘅「偉哥」,可以令男士在床上表現猶如「金戈鐵馬」。講到咁把炮,上週五小宗即刻託朋友到深圳藥房搵貨,點知店員話最快要下個月先有得賣,「有心人」記得留意啦。

黃桂林隻揪三曲娛校友

國學大師錢穆等南下學人創辦之新亞學院六十五周年校慶,前個禮拜日喺會展擺六十五圍誌記其事。話就話由七點鐘開始,但到大家可以舉筷,已經係九點幾鐘矣。唔通文化學術機構都學得一般人搞婚宴咁,先來雀局?非也。只不過新亞辦學維艱,好多人都上台憶苦思甜一番;再加上熱情作各種宴前表演嘅校友眾多,咁就冇辦法唔搞出兩個幾鐘矣。呢,好似前美林猛人KL黃桂林咁,就隻揪唱咗三首歌。打你一首三分鐘,都成十分鐘啦!奉勸各位出席類似歷史性慶典盛宴嘅朋友,打定底就唔使怕個肚皮打鼓矣。

真正的黃金握手

689強辯,指收取澳洲UGL400萬英鎊嘅合約,屬「離職協議」。呢種協議,金融界俗稱「golden handshake」(黃金握手)。根據前BBC播音員Max Cryer撰寫嘅《Who Said That First》一書,「golden handshake」一詞最早出現於一九六五年,由英國《Daily Express》的編輯Frederick Ellis最早使用,意思是向離職員工提供優厚嘅一次性款項,換取對方承諾不會做對公司不利嘅事。為避免利益衝突,以689為例,佢任職嘅DTZ董事局,亦要知悉並同意協議內容。不過,時任DTZ主席嘅Tim Melville Ross,就話唔知有關協議,如果屬實,689真係水洗唔清。講番呢個金融俚語,由於廣受好評,衍生出其他詞語,包括「golden hello」(黃金問好),指公司在同行挖角時,向挖角對象提供一筆簽約款項作誘因。仲有「golden boot」(黃金靴),與香港嘅「肥雞餐」相近,目的係誘使年老嘅員工離職,而提供吸引嘅離職條件,包括現金、公司認股權等。最後有「golden parachute」(黃金降落傘),則是指在機構或公司嘅高層人員退休時,向佢哋提供生活費等津貼,咁退休後就如同有降落傘保護,唔會「一落千丈」咁話。

誠哥 哥賣 偉哥 愈老 老愈 愈要 要試
PermaLink: https://articles.zkiz.com/?id=115193

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019