ZKIZ Archives


唐詩詠單拖去飲 開到口想嫁

1 : GS(14)@2015-06-02 08:24:16

■唐詩詠坦言想結婚,不過未知對象是否男友洪永城(小圖)。


梁烈唯前晚與任職娛樂公司的太太Tina(駱保雯)在尖沙嘴洲際酒店補擺喜酒,筵開52席,不少圈中前輩和好友到場祝賀,沈嘉偉和邱淑貞拖細女、佘詩曼、歐陽震華、馬德鐘,陶大宇等盛裝出席,可見梁烈唯在圈中的人緣不俗。婚宴上,有不少前輩上台爭咪高歌,曾志偉更被兒子稱為咪霸,曾國祥說:「搞咁耐未完,我老竇係咪霸,今次老竇冇醉好勁。」至於過氣情人黃宗澤和胡杏兒刻意被安排坐在相隔較遠的圍桌,黃宗澤跟樂易玲、苗僑偉夫婦等坐近主家席。晚上約10時許,黃宗澤因翌日搭早機,先行離開,胡杏兒則在11時半離開,她拒絕接受訪問。之後見黃柏高(Paco)全冇醉意笑着離開,在場的人大感奇怪,他笑說:「冇醉冇酒飲,請人飲冇酒飲。」



■梁烈唯前晚與太太筵開52席補擺喜酒,大批圈中人到賀。

■邱淑貞與老公沈嘉偉及細女亦有出席婚宴。

■梁烈唯(左二)陪嘉賓在台上高歌。



急急獨自離開的唐詩詠表示要駕車,所以未有飲酒,記者問為何未見男友洪永城?她說:「都冇請佢。」問她有否想結婚時,她說:「每次參加好開心,自己向住呢個目標進發,不過冇咁快。」被問到對象是不是洪永城?她說:「唔知呀!希望盡快搵到。」採訪:譚倩宜攝影:沈健程





來源: http://hk.apple.nextmedia.com/entertainment/art/20150531/19166473
唐詩 詠單 單拖 拖去 去飲 開到 到口 口想 想嫁
PermaLink: https://articles.zkiz.com/?id=290638

【想嫁Oppa?】住慣細屋係優勢「好彩你係港女」

1 : GS(14)@2017-07-07 01:33:00

港女Ariel加Oppa Joo,喺大阪學日文結緣,因工作定居泰國,佢哋係用日文傾計。



【尋找首爾的香港】一段四國戀情,港女Ariel加Oppa Joo,喺大阪學日文結緣,o依家因工作定居泰國。
Ariel上個月揼低Joo,自己喺泰國飛返嚟香港探父母。佢話自細就鍾意日本文化,點知無緣識到日本男仔,反而喺日文班識到Oppa。未識Joo之前,Ariel對韓國零認識,淨係知道大長今同喊晒口韓劇,當然,韓文程度都係零。Joo亦都唔識廣東話,所以佢哋溝通係用日文!



自細鍾意日本文化嘅Ariel話,莫講話韓文,識Joo之前對韓國零認識。

Joo會帶Ariel感受韓國地道文化,好似掃街,

又會教佢講韓文單字。

透過視像同Joo做訪問,問佢識幾多廣東話,佢就一連串咁爆晒出嚟,「黐線、正仆X、洗手、我愛你、掛住你、殺死你......」Ariel聽到佢講「洗手」就笑,「佢嚟香港,嚟我屋企,我媽咪次次都嗌佢洗手、洗手,所以佢記住咗!」不過,要用第三語言溝通傾計,少不免會詞不達意,或者產生誤會。Ariel舉例話,「我成日話Joo鬧我,鬧嘅日文我哋用『叱る』,Joo對『叱る』嘅定義係指住人哋個鼻嚟鬧,但係我覺得大聲講嘢就係鬧,當大家都唔理解對方意思,就會冷戰!」有時雞同鴨講,有時生活文化唔同,又會產生拗撬,Joo第一時間就諗到「酒」!Joo解釋,「韓國人鍾意飲酒,有時工作上都有需要飲,但係Ariel自己唔飲,佢父母都唔飲,就唔明點解我要飲酒。」Ariel坦言最唔鍾意見到Joo飲醉酒,「真係會飲醉酒嘅,係飲醉,嗰陣就會鬧交喇!」



Ariel話有時好似置身韓劇,Joo會好似啲男主角咁,摸吓佢個頭,又會踎低幫佢綁鞋帶。

Ariel話Oppa係大男人,但其實係顧家孝順,會買架大啲嘅車載佢屋企人喺泰國四圍玩。

拍拖兩年,慢慢磨合,減少衝突,其實當中Sweet嘢仲多!Ariel話有時Joo會令佢好似置身韓劇,「我睇韓劇嗰陣會好冧,就會望住Joo,Joo就話『假㗎!講大話㗎!唔好信呀!』但係我諗返,啲男主角會摸吓女朋友個頭,Joo又真係會摸吓我個頭,都冧㗎!仲有踎低綁鞋帶嗰啲,係真係有㗎!」除咗咁,Joo仲會不其然咁撒嬌,好似問佢喺四個國家中最鍾意邊度,佢就擺出一副想冧香港人嘅樣,話係「香港~」Ariel即刻篤爆佢話「講真話!」佢先笑住話順序係韓國、日本、香港,最後係泰國。唔知你想唔想搵個Oppa男友,Ariel就話身邊嘅朋友都無話好羨慕,只係個個都問佢,「Oppa係咪好大男人?」Ariel無否認,但係認為Oppa嗰種大男人係顧家孝順,因為Joo喺好多事情上,都會主動諗埋佢屋企人。Ariel以喺泰國買車為例,「喺泰國得我哋兩個人,其實佢可以買架型啲嘅兩座位車,但係佢就諗埋我屋企人同佢屋企人,預埋佢哋嚟旅行,要載佢哋周圍去玩,所以買架七人車。」



Joo喺泰國做生意,Ariel做Model,齊齊定居泰國。

佢哋喺泰國租2、300呎嘅屋,Joo覺得細,Ariel覺得ok,Joo就話好彩Ariel係港女,唔介意住細屋。

佢哋定居泰國,係因為Joo喺當地做生意,做Model嘅Ariel又簽咗公司,可以派佢去泰國做嘢。Ariel話喺當地搵屋,Joo就發掘到港女大優點,「我哋喺曼谷租2、300呎嘅屋,Joo覺得好細,但係我就話ok,咁佢就同我講,『你係香港人真係好,我唔洗畀咁多錢租間大屋,將來無錢,買間細屋畀你都會好滿足!』我話係呀,我哋香港人住慣細屋!」嚟緊佢哋搬去芭提雅,一樣租返2、300呎嘅屋。嚟到訪問尾聲,正當Ariel同Joo講bye bye,Joo就大嗌:「等等!」原來「bye bye」令佢諗起多一個港韓文化差異,「喺韓國,收線唔會講『bye bye』,係講『哦~知道了!』但係Ariel成日要講『bye bye』!」Ariel偷笑話,如果Joo唔講「bye bye」佢會嬲,「開頭唔知㗎嘛,我覺得好似無啦啦就cut咗線咁,咪嬲囉!」所以o依家Joo都習慣咗講「bye bye」!アリエル泰國曼谷的韓式・生活
https://www.facebook.com/jooooting/記者:鄒倩婷(阿仙)攝影:峰、Neo剪接:Roy編審:Kaman




來源: http://hk.apple.nextmedia.com/entertainment/art/20170706/20080292
想嫁 Oppa 住慣 慣細 細屋 屋係 優勢 好彩 你係 係港 港女
PermaLink: https://articles.zkiz.com/?id=338195


ZKIZ Archives @ 2019