ZKIZ Archives


中環在線:楊思琦揼千萬買天晉IIIA

1 : GS(14)@2014-09-08 23:28:05

呢輪樓市咁旺,發展商個個搶住推新盤賣樓,好似新地(016)咁,拎完個山頂超級豪宅Twelve Peaks出嚟賣之後,又有接近千個單位嘅大型屋苑天晉IIIA,後市係點就無人知,發展商就一於「賣住先」,出貨至上。唔知係咪天晉近將軍澳TVB電視城,寧舍多藝人捧場,早排聽聞就有元華、康華、馮寶寶、錢國偉去過睇樓,個盤上個禮拜開始賣,「味之天使」其中一成員入咗市之餘,聽聞成日上內地搵銀嘅女藝人楊思琦,都買咗個單位噃,好似仲話個單位係3B座A單位,售價成996萬元㗎,單位實用面積都有成848呎,唔知用嚟投資定自住呢?之前,佢都有買下磚頭做業主,好似清水灣半島同埋荔枝角泓景臺,今年再入市唔通係咪睇好樓市前景?




來源: http://hk.apple.nextmedia.com/financeestate/art/20140908/18859375
中環 在線 楊思 思琦 千萬 萬買 買天 天晉 IIIA
PermaLink: https://articles.zkiz.com/?id=285437

楊思琦蔡少芬 湊女享天倫

1 : GS(14)@2014-09-08 23:36:07

■思琦前日帶同愛女與父母行圓方,又拍下全家福。DV圖片



獨力養女的楊思琦近年中港兩地走,近日她獲美容公司續約兩年,以七位數酬勞繼續擔任纖體代言人,可以減輕經濟壓力。前日思琦趁臨近中秋,帶同父母及兩歲多的囡囡楊卓穎(Krystal)到圓方嘆茶,4時多才離開,剛好商場有大量狗狗的造形擺設展覽,Krystal顯得很感興趣,思琦即為囡囡拍照,之後又拍了一張全家福。近日Krystal已開始返九龍塘的playgroup,上周四早上10時左右,思琦跟楊媽媽一起送女返學,不過活潑的Krystal有點扭計,要思琦軟硬兼施才肯入學校。



■蔡少芬一家四口到圓方行街享天倫。

至於蔡少芬與丈夫張晉,上周二則帶同兩女楚兒與信兒到圓方行街,信兒一見到商場內的狗狗擺設即表現興奮,不停走來走去,就算母親叫亦不願意走。之後一家人去到超市購物,兩姊妹十分雀躍,買了不少東西後滿意離開。採訪:楊浩賢、羅德光攝影:徐錦池、畢紹基、吳耀輝




來源: http://hk.apple.nextmedia.com/entertainment/art/20140908/18858941
楊思 思琦 蔡少芬 湊女 女享 天倫
PermaLink: https://articles.zkiz.com/?id=285441

思琦唔恨李泳豪

1 : GS(14)@2014-09-28 16:28:31



楊思琦日前接受商台節目《1圈圈星光背後》訪問,剖白離巢及當未婚媽媽因由。她提到雖然和前度男友李泳豪分手,但希望大家可以做朋友:「我對佢冇恨意,不過驚俾人亂寫,所以冇再聯絡。」作為單親媽咪的思琦表示會待女兒長大後,告訴她沒爸爸的原因:「肥姐(沈殿霞)、家燕姐(薛家燕)都係好正面嘅單親家庭例子,只要畀到佢足夠嘅愛,我諗佢會明白。」




來源: http://hk.apple.nextmedia.com/entertainment/art/20140928/18881815
思琦 琦唔 唔恨 恨李 李泳 泳豪
PermaLink: https://articles.zkiz.com/?id=285730

思琦戴蘊慧女人的痛

1 : GS(14)@2014-10-21 09:00:29



45歲便當上嫲嫲的戴蘊慧日前為楊思琦主持的有線節目《往事.並不如煙》擔任嘉賓,二人特地走到思琦的母校香港教育學院拍攝。節目中,戴蘊慧重提跟前夫由相睇到離婚經過,指嫁到新加坡後沒有朋友,天氣又熱,根本不適應當地生活,她說:「生咗大仔,前夫仲好錫我,後來開始管我,我覺得唔似佢太太,似佢寵物多啲,成日鬧交影響小朋友,所以我成日返嚟香港。後來我知道有咗BB,同前夫講,佢反應冷淡,我索性同佢離婚,前夫唔肯,我就大住肚同佢打官司。」思琦十分同情戴蘊慧懷第二胎時打離婚官司,因她懷孕時也面對不少壓力。撰文:魯吉



【三個粉絲去首爾】追星實錄,即上韓劇讀: http://hk.apple.appledaily.com/kstar




來源: http://hk.apple.nextmedia.com/entertainment/art/20141021/18906348
思琦 琦戴 戴蘊 蘊慧 女人 的痛
PermaLink: https://articles.zkiz.com/?id=286188

楊思琦唔擔心女兒撫養權

1 : GS(14)@2015-01-18 22:29:22





江若琳、楊思琦、雨僑及Jessica C.(JC)等一眾藝人,昨日在灣仔參與慈善籃球嘉年華。早前傳出吳帥回流與楊思琦力爭女兒撫養權,思琦在事件後昨首次公開露面,心情輕鬆的她否認說:「絕對冇呢件事發生,唔使擔心我,新聞出咗後好多朋友同傳媒搜括我,虛驚一場。」至於會否擔心吳帥真的爭撫養權?思琦則說:「唔擔心,冇呢個問題,希望女兒開心健康成長。」



■尹蓁晞與前度男友陳偉成前後腳到場,避免一同合照。




■(左起)江若琳、Jessica C和楊思琦昨日齊齊收起性感,以運動服示人。


另外,陳偉成(Avis)和舊愛尹蓁晞(Yumi)前後腳現身,但避合照。JC透露中學時曾當籃球隊啦啦隊,仍然記得當年的舞姿,現在會和男友安志杰一齊做運動,首個拍拖情人節期望可以一齊度過。採訪:卓寶花攝影:沈健程





來源: http://hk.apple.nextmedia.com/entertainment/art/20150118/19006413
楊思 思琦 琦唔 擔心 女兒 撫養權 撫養
PermaLink: https://articles.zkiz.com/?id=287280

楊思琦踢腿一字馬

1 : GS(14)@2015-04-12 16:37:37

單親媽咪楊思琦為照顧囡囡卓穎,離開無綫後密密接工作搵錢養家,最近接拍了內地抗戰劇《暗戰危城》的思琦妹,目前正在橫店開工。





思琦在戲中飾演抗日女軍人戚小玉,昨日她在微博放了兩張開工照,親身上陣的她,腳踢男對手時毫不錫身,其中一個踢腿動作,竟然可以將腿踢得高過自己的頭,認真犀利,思琦妹大可考慮走打女路線。





來源: http://hk.apple.nextmedia.com/entertainment/art/20150412/19109078
楊思 思琦 踢腿 一字
PermaLink: https://articles.zkiz.com/?id=289505

思琦想母女檔拍廣告

1 : GS(14)@2015-09-04 07:49:52

楊思琦昨日帶同3歲女兒楊卓穎(Krystal)到新城電台開咪,Krystal好動活躍,即場耍功夫踢腿擺出不同姿勢,思琦說:「囡囡返學好聽老師話,所以一講起老師Miss鄭,佢就會知道要聽話。」思琦透露囡囡鍾意唱歌,會否讓女兒做童星加入娛樂圈?思琦笑言:「我怕導演會叫我嚟話搵唔到個女,佢會周圍走。如果一齊拍廣告唔抗拒,之前都有人問過,但嗰時佢太細,而家大個啲會明白大家嘅要求。」思琦指女兒不怕陌生人,所以要經常提醒她不要隨便跟人。採訪:卓寶花攝影:陳俊強





來源: http://hk.apple.nextmedia.com/entertainment/art/20150904/19281456
思琦 琦想 母女 檔拍 廣告
PermaLink: https://articles.zkiz.com/?id=292117

馮仁昭四圍超:思琦認囡囡轉校

1 : GS(14)@2016-03-11 13:30:55

資料圖片








單親媽媽楊思琦去年成功幫囡囡楊卓穎(Krystal)考入德望小學暨幼稚園,不過噚日有報道話Krystal百厭試過狂搣媽咪同婆婆,老師擔心佢影響同學,搞到思琦要幫囡囡退學。思琦噚日透過短訊回覆,未有否認退學一事:「沒有這回事,女兒乖巧聽話是個好孩子,在學校老師從沒有投訴過她,只有讚她聰明乖巧活潑又聽話的孩子。只是為女兒找適合她的學校!」撰文:馮仁昭





來源: http://hk.apple.nextmedia.com/entertainment/art/20160311/19524541
馮仁 仁昭 四圍 思琦 琦認 囡囡 轉校
PermaLink: https://articles.zkiz.com/?id=297601

思琦三代同堂遊樂園

1 : GS(14)@2016-05-08 14:53:59

■楊思琦童心未泯,與囡囡Krystal玩了三次旋轉木馬。


楊思琦雖然是單親媽媽,但她將100%的愛給予囡囡楊卓穎(Krystal),日前兩母女與思琦媽媽三代同堂,一齊去到主題公園玩,預祝母親節。雖然Krystal都會扭計,但知道婆婆腳痛,她依然好關心婆婆謂:「係呀,我有㗎。我係星星寶寶,仲有星星婆婆、星星媽媽同星星公公。」問到Krystal有沒有問關於爸爸的事?思琦說:「暫時冇問呢個問題。」



■Krystal只對婆婆手上的朱古力感興趣,無視面前的熊貓美食。

■Krystal製作的黏土小狗酷似pizza。



錫晒湊孫楊媽媽

早前有報道指Krystal太百厭,思琦最後要幫囡囡另覓學校,她直言好心痛:「佢好乖,唔知嘅人以為係真,囡囡將來睇到都唔開心。」5歲的Krystal充滿童真,見到旋轉木馬即嚷着要玩,結果思琦比囡囡更貪玩,一口氣玩了三次。之後兩母女一齊玩輕黏土,最後思琦在製成品後寫了囡囡的英文名及心形圖案送給愛女,Krystal收到禮物開心謂:「Oh,Thank you媽媽。」問到最想收到囡囡送甚麼禮物?思琦說:「冇乜需要,只要佢健康開心,我就好安慰。」不過Krystal見到得意熊貓餐都只肯食朱古力,婆婆即攬住乖孫笑說:「咁唔夠營養,會唔夠力爬樹㗎。」思琦認為單親媽媽最難是分配時間,幸好楊媽媽一直幫忙照顧,思琦趁機會多謝媽媽:「做咗母親知做母親好辛苦,多謝媽咪咁多年照顧,辛苦你嘞!希望大家健康,成個family開心。如果唔係媽咪,我都好難抽身去工作。我送晒成個人畀佢,所以要錫佢多啲。」採訪:嵐山攝影:沈健程場地提供:海洋公園





來源: http://hk.apple.nextmedia.com/entertainment/art/20160508/19602311
思琦 三代 同堂 遊樂園 遊樂
PermaLink: https://articles.zkiz.com/?id=300075

01年港姐亞軍 羨慕楊思琦襟撈鍾沛枝退隱賣燒味

1 : GS(14)@2016-08-13 14:59:36

【上月 拍拖行街】■鍾沛枝上月與澳洲籍男友藍先生在中環置地廣場行街。DV圖片



現年34歲、01年港姐亞軍鍾沛枝,自從07年離開無綫後,恍如失蹤人口,在娛樂圈銷聲匿迹,之後做過國泰地勤、公關及美容等工作。退隱娛圈9年,鍾沛枝日前被拍到與拍拖3年的澳洲籍男友藍先生在中環置地行街;沛枝透露半年前已辭工,暫時幫屋企打理燒味飯店,但未準備嫁人,她笑說:「可能我未ready有小朋友,想咁樣單身,都幾自在。」



台灣《自由時報》日前有報道題為「人前風光人後哀傷那些年沒那麼幸運的港姐」,被指貌似朱千雪的01年港姐亞軍鍾沛枝榜上有名;另網上有篇文題為「落魄港姐轉當航空公司地勤」也是說鍾沛枝。在無綫默默耕耘7年,仍寂寂無聞,07年決意不當藝人,轉職做國泰地勤,現在閒時幫家人打理燒味飯店。



■01年港姐亞軍鍾沛枝辭任地勤後,幫忙打理家人開的燒味飯店。資料圖片

【選美出道】■鍾沛枝坦言羨慕同屆冠軍楊思琦(中)和季軍朱凱婷(右)工作機會多。資料圖片

【轉任地勤】■離無綫後,鍾沛枝曾任職國泰地勤,並為公司拍了多輯廣告。資料圖片


拖富男友行置地

日前下午3時許,本報記者拍到穿上藍色連身褲的鍾沛枝,與同穿藍色衫的男子在中環置地廣場行街,兩人沿途有傾有講,大部份時間都是window shopping,之後便乘港鐵離開。據悉該男子是鍾沛枝的男朋友,經常都會在沛枝的微博孖公仔般出現。事後記者致電沛枝,她透露男友姓藍,是澳洲華僑,屋企做生意;近年男友為她留港並自立門戶賣紅酒,沛枝笑說:「拍咗拖3年幾,佢好人嚟嘅……對比之前男朋友。佢唔算高大,但OK啦,我唔好着高踭鞋囉。」覓得筍盤,到問幾時結婚?她說:「佢有計劃,但有小朋友要犧牲好多嘢,可能我未ready,過多幾年啦。」盛傳當年沛枝做國泰地勤,底薪僅得7,000元,她說:「當年喺TVB人工,做港姐啲騷亦比一般藝人高,算幾好彩。」沛枝自爆當年決意離開的真相,她解釋:「我臨走嗰年啱啱係收費台開,我都有四、五個節目做,最尾嗰年仲爆騷,但自己想做翡翠台。因為收費台做咗又冇乜人知,嗰陣諗住又後生,就去咗國泰,仲拍得多咗廣告
01 年港 港姐 亞軍 羨慕 楊思 思琦 琦襟 襟撈 撈鍾 鍾沛 沛枝 退隱 賣燒 燒味
PermaLink: https://articles.zkiz.com/?id=305660

跟JC比堅尼鬥靚 思琦現媽媽肌

1 : GS(14)@2016-09-17 17:52:52

■身穿比堅尼的楊思琦(左二),露出結實的腹肌。



楊思琦、唐紫睿(Hazel)、鄧麗欣(Stephy)和警鐘胸Jessica C.(JC)等早前去馬來西亞拍電影《辣警霸王花》,眾女齊齊飾演特警新丁,在泰國泳池邊放蛇,等待時機逮捕恐怖分子。JC、思琦妹及Hazel穿比堅尼大騷身材,當中JC更噴血騷警鐘胸,而飾演主角Madam「細方」的Stephy較為失色,只穿碎花白背心及紅短褲。



■Jessica C.要演特警新丁,在戲中要大騷警鐘胸身材。

■楊思琦親自拍踢腳打戲,搏到盡。

■去泳池邊取景時,Stephy相當錫身搽防曬。

夾到手指


已是一女之母的思琦妹不錫身,極罕穿黃色比堅尼上衣襯短牛示人,更要親身拍攝出拳、起腳的打戲鏡頭,由於她打得投入,更不慎整傷手指,她說:「我夾到手指,係痛到好似冇咗手指咁滯。嗰時我係成班女仔中唯一嘅媽媽,監製Charlie仲話好好,唔覺呀,睇落好後生,我嘅自信心即刻番晒嚟。最好笑係Hazel話我有腹肌,原來我真係有啲,可能抱得我個女多,成日都用力。」另外,Hazel拍此片時未拍《G1格鬥會》,不過已有打女功架,但身形有點肉地:「梗係啦,嗰時肥得交關,冇乜運動,睇番啲劇照都好滴汗,起碼同而家爭5、6磅啦,反而JC就真係幾弗,同埋楊思琦都幾好身形,生咗BB都keep得好好。」撰文:唐如




來源: http://hk.apple.nextmedia.com/entertainment/art/20160917/19772782
JC 堅尼 鬥靚 思琦 琦現 媽媽
PermaLink: https://articles.zkiz.com/?id=309459

思琦湊女同美心妹妹去玩

1 : GS(14)@2016-09-30 08:09:07

楊思琦早前帶囡囡卓穎到海洋公園玩,同行還有囡囡前幼稚園同學兼好友美心妹妹Keicy及其媽媽,兩家人一齊玩旋轉木馬,又到海洋館和熊貓館參觀,順道為思琦補祝生日。思琦受訪時表示囡囡轉校前跟Keicy是同學,她說:「佢哋感情好好,之前卓穎轉校見唔到佢哋都好唔慣,成日問去咗邊,加上我同佢哋媽咪都好熟,今次趁同我補祝生日,約埋一齊去玩。」



■楊思琦囡囡(右二)與美心妹妹Keicy(左一)是舊同學,兩家人相約去玩。

思琦透露在海洋館午餐兼切生日蛋糕,她笑說:「話就話同我慶祝,但其實佢哋仲玩得開心過我,不過無所謂,最緊要佢哋高興。」雖然囡囡已經轉校,但依然與Keicy姊妹一齊上興趣班,所以感情十分要好。採訪:曹家誠




來源: http://hk.apple.nextmedia.com/entertainment/art/20160930/19785897
思琦 琦湊 女同 美心 妹妹 去玩
PermaLink: https://articles.zkiz.com/?id=310738

【單親媽咪】思琦慳家養女

1 : GS(14)@2016-11-29 07:55:25

現今社會事業型女性越益普遍,要維繫一段婚姻亦見困難,單親媽咪獨力撫養子女的女藝人亦越來越多。


楊思琦

11年與李泳豪結束9年情後,火速撻着前跳水隊隊員吳帥更未婚懷孕,錯愛的思琦,分手後為獨力撫養女兒楊卓穎,過着節儉生活。


孫佳君

09年孫佳君和富貴男友劉貴喬分手,育有兩名兒子,母兼父職復出拍戲搵錢,堅持照顧一對兒子。


何婉盈

何婉盈於07年意外懷孕,36歲時誕下一女,由於當時未有結婚打算,BB出世後,和BB生父和平分手。


江希文

03年為資深大律師兼全國政協胡漢清產女,二人並未有註冊結婚,江希文曾入稟家事法庭追討女兒生活費。



吳綺莉

吳綺莉與成龍發展婚外情,於99年誕下私生女吳卓林,多年來吳綺莉獨力照顧女兒。




來源: http://hk.apple.nextmedia.com/entertainment/art/20161129/19848631
單親 媽咪 思琦 琦慳 家養
PermaLink: https://articles.zkiz.com/?id=317507

楊思琦忘恩怨道賀

1 : GS(14)@2016-12-28 08:12:16

■楊思琦被指跟鼎爺的新歡似樣。資料圖片



李家鼎覓得第二春,女友被指貌似兒子李泳豪的舊愛楊思琦,昨日記者向思琦查詢知否鼎爺再婚?她說:「係呀?我唔知道,冇睇雜誌。」對於鼎爺女友跟她似樣被封「厚唇思琦」,她笑說:「係咩?多謝你,其他嘢唔講喇!」



■江若琳跟鼎爺學騎馬,昨避答師傅傳再婚一事。資料圖片

當年思琦和李泳豪結束9年情,雙方分手後再見不是朋友,鼎爺為挺兒子跟家人聯手圍插思琦,事隔多年,思琦聞對方喜訊表示:「恭喜鼎爺,不過我?家都冇同佢哋聯絡喇。」至於去年向鼎爺拜師學騎馬的江若琳,被問到知否對方再婚時就避答:「師傅嘅私人事就留番畀佢回應啦,我作為徒弟,唔方便同佢回應。」採訪:非非、小米




來源: http://hk.apple.nextmedia.com/entertainment/art/20161228/19878482
楊思 思琦 琦忘 恩怨 道賀
PermaLink: https://articles.zkiz.com/?id=320334

單親媽媽生活一樣精采楊思琦為囡推job慶聖誕

1 : GS(14)@2016-12-28 08:12:16

感情從來都係睇緣份嘅,有時夫妻緣盡都不能勉強。雖然夫妻情不再,但子女喺自己身邊,生活仍然可以活得精彩。王菲96年王菲與竇唯結婚,並於97年誕下大女竇靖童,到王菲與竇唯99年離婚。05年王菲與李亞鵬結婚,06年誕下二女李嫣,到13年王菲與李亞鵬離婚。王菲與兩位囡囡感情要好,今年8月三人一同慶祝生日。楊思琦11年與李泳豪結束9年情後,極速撻着前跳水隊隊員吳帥兼且未婚懷孕,最後更有分手後為獨力撫養女兒楊卓穎(Krystal)。楊思琦好重視囡囡嘅成長,所以因為囡囡一句「唔好出去做嘢啦」,楊思琦就寧願賺少啲推job放長假。梁洛施08年與「小小超」李澤楷相戀,09年為小小超誕下兒子長治,翌年誕下一對孖仔。不過二人於11年協議分手,並共同撫養3個兒子。梁洛施更講過對住囝囝們好嚴謹,因為佢好緊張;仲話照顧小朋友已經用晒自己啲時間,冇時間拍拖。李麗珍96年與許愿結婚,被喻為「美女與野獸」,婚後誕下一女(許倚榕);可惜,二人於00年離婚。李麗珍與許愿離婚後,同填詞人潘源良撻着,不過二人於今年四度分手。




來源: http://hk.apple.nextmedia.com/entertainment/art/20161228/19879246
單親 媽媽 生活 一樣 精采 楊思 思琦 琦為 為囡 囡推 job 聖誕
PermaLink: https://articles.zkiz.com/?id=320339

未婚單親也精采楊思琦撇空心吳帥獨養女

1 : GS(14)@2017-01-06 02:07:51

大家還記得電影《求戀期》入面,古巨基迷戀嘅Amy嗎?Amy即係張沅薇,退出娛樂圈嘅佢,多年前曾同音樂人王雙駿相戀,二人仲育有一子,可惜未能開花結果,早年已經分手。其實娛樂圈亦有不少藝人,相戀後生兒育女,但最後都唔能夠步入教堂,分手收場。梁洛施08年與「小小超」李澤楷相戀,先後超誕下長子長治和一對孖仔。不過佢哋喺11年協議分手,共同撫養3個兒子。梁洛施話照顧小朋友已經用晒自己啲時間,冇時間拍拖。楊思琦11年懷有前香港跳水代表運動員吳帥的骨肉,但二人最終分手收場,翌年3月喺美國誕下女兒楊卓穎。關淑怡一直未婚嘅關淑怡,02年秘密產子,多年來其子嘅生父身份存疑,直至14年,佢突然喺Instagram揭盅其12歲兒子關浚賢嘅生父原來係不丹寧波車。吳綺莉99年吳綺莉未婚為成龍懷孕,同年誕下女兒吳卓林,一直由吳綺莉照顧。




來源: http://hk.apple.nextmedia.com/entertainment/art/20170105/19886557
未婚 單親 精采 楊思 思琦 琦撇 空心 吳帥 帥獨 養女
PermaLink: https://articles.zkiz.com/?id=321505

湊返學食飯消磨思琦部署囡囡讀小一

1 : GS(14)@2017-01-14 12:25:39

■沒工開的思琦日前與母親送女兒返學。





【清水灣】單親媽咪楊思琦雖然要努力搵錢養4歲囡囡楊卓穎(Krystal),但未有因此而忽略對囡囡的照顧。日前素顏的思琦於中午時分駕駛其白色Range Rover接載Krystal到清水灣一國際學校上學,思琦媽咪亦有同行。思琦送囡囡返學後,便與媽咪前往將軍澳新都城中心食米線醫肚。不過,食飽飽後思琦繼續在食肆玩手機,前後逗留了約個半小時才結賬離開。之後思琦陪媽咪到藥房買藥後,再到銀行理財,忙至下午3時許才折返學校接囡囡放學。Krystal放學見到媽咪表現得十分開心,全程笑晒口拖實媽咪,又一路行一路搖頭擺腦,十分可愛。


「面試要乖」

日前記者致電思琦,她指早前聖誕節及除夕均忙於返內地商演,難得在港,會盡量抽時間陪囡囡,她說:「佢返學就開心,又好鍾意媽咪接佢㗎。」為何送囡囡返學後不回家稍作休息?思琦說:「趕住送佢返學都未食過嘢,所以要快啲食,唔係就冇力啦!」思琦指Krystal快將升讀小一,現正為她報學校而緊張,她說:「都係揀番啲銜接嘅學校,但唔係報咗好多間。佢嘅基本常識我唔太擔心,因為每朝起身都會開定電視畀佢睇新聞,希望佢面試時乖啲,老師叫佢要有反應、有禮貌,唔好唔應人,有時小朋友都要睇吓心情,先可以有好表現。」採訪、攝影:羅德光、朱志聰、嵐山


【十指緊扣】■思琦日前專程去湊放學,4歲Krystal全程十分開心。DV圖片

【折返學校】■在商場消磨幾小時後,思琦再返學校湊女放學。

■思琦與媽咪湊完女兒返學後去醫肚。



來源: http://hk.apple.nextmedia.com/entertainment/art/20170114/19896109
湊返 返學 學食 食飯 消磨 思琦 部署 囡囡 小一
PermaLink: https://articles.zkiz.com/?id=322647

鼎爺爆粗鬧為錢變心楊思琦分手一年即誕女

1 : GS(14)@2017-01-14 12:25:39

楊思琦係地地道道嘅屋村妹,不過有幸喺01年贏到港姐冠軍、最上鏡小姐在內嘅6個獎項,一登龍門,成為咗炙手可熱嘅大台花旦。思琦妹人氣唔錯又形象入屋,05年就獲頒「最佳女配角」,不過翌年拍嗰套《人生馬戲團》就失蹤咗兩個鐘頭,傳聞四起,甚至有指思琦係遭到性侵犯。前年思琦妹講番起件事,話係唱完K見到一大班兇神惡煞嘅人衝出嚟,嚇到佢哋要搵地方匿埋,仲話係最接近死亡嘅一次。至於思琦妹嘅感情生活,傳過嘅緋聞唔多,02年佢拍劇邂逅咗「鼎爺」李家鼎嘅公子李泳豪,拍拖9年後,11年6月思琦妹單方面提出分手,有指當時港隊跳水隊成員吳帥介入,成為分手導火線。之後李家上下不滿大數思琦不是,尤其係鼎爺爆粗大鬧思琦為錢變心,只係當個仔係司機咁使喚。同一時間,吳帥好快被起底,絕非有錢之人。分手未夠一年,思琦妹喺12年3月宣佈已經誕下女兒Krystal,冇透露爸爸係邊個,只係講咗BB女會跟母姓楊。思琦妹5年嚟都係獨自湊女,絕對係單親媽媽嘅模範。




來源: http://hk.apple.nextmedia.com/entertainment/art/20170114/19896424
鼎爺 爺爆 爆粗 粗鬧 鬧為 為錢 變心 楊思 思琦 分手 一年 年即 即誕 誕女
PermaLink: https://articles.zkiz.com/?id=322648

屋邨妹升呢港姐實錄 楊思琦慳家買豪宅

1 : GS(14)@2017-01-31 03:13:28

屋邨以往畀人嘅印象,大多係低收入家庭住嘅地方,但係,英雄莫問出處,好多時喺屋邨都出過唔少名人明星,其中「屋邨港姐」人數唔少,仲有好多都入到三甲,一啲都唔失禮。


楊思琦

01年港姐冠軍楊思琦,係著名嘅「屋邨港姐」,小時候居於石硤尾大坑西邨,楊思琦係圈中出名嘅慳妹,佢平日賺埋賺埋,儲錢置業,現時手上已有數個物業揸手,當中包括至少3個千萬單位,有傳合共市值半億。


林莉

05年港姐季軍林莉,於青衣邨出身,佢當選後喺大台發展平平,做吓主持同綜藝節目咁,直至10年,佢挾住「港版林志玲」之名,喺模界大展拳腳,出寫真集同拍廣告,又去台灣同韓國發展,更喺唔聲唔聲之下,原來已行天橋行到去巴黎,升呢國際名模,佢舊年更走上巴黎高訂時裝周天橋,展示法國名師Julien Fournié嘅新裝。


陳庭欣

10年港姐冠軍陳庭欣早年被揭自其任職公務員嘅爸爸退休後,一家人被安排入住九龍灣啟晴邨,由於佢始終係港姐冠軍,所以佢出入上址時,都顯得十分低調,而佢亦不時放聲氣打算「上車」做業主。


張秀文

同陳庭欣同屆選港姐、並獲得亞軍名銜嘅張秀文,同樣係公屋出身,佢曾經向傳媒表示過唔會為住公屋而感到自卑,亦唔覺得會輸蝕畀其他人,而佢亦坦言想盡快搵到錢買樓。




來源: http://hk.apple.nextmedia.com/entertainment/art/20170130/19913072
妹升 升呢 呢港 港姐 實錄 楊思 思琦 琦慳 慳家 家買 豪宅
PermaLink: https://articles.zkiz.com/?id=324704

鼎爺拍思琦怕尷尬

1 : GS(14)@2017-02-05 10:39:45

■鼎爺相信公司不會安排他與思琦合作。



現年71歲的李家鼎去年憑《阿爺廚房》人氣急升,早前他被問到不少網民希望他跟楊思琦做第二輯《阿爺廚房》時,鼎爺表示一切由公司安排,不過補充說相信公司不會這樣儍,暗示不想跟兒子泳豪前女友合作。



思琦

鼎爺又謂如果表示不想與思琦合作,會給人小器的感覺,但思琦是否願意亦是另一問題,他舉例在錄影時,假如自己言詞過重令對方落不到台,大家都會非常尷尬。鼎爺強調他與泳豪都不會怪責思琦,感情事合則來不合則去。撰文:李森




來源: http://hk.apple.nextmedia.com/entertainment/art/20170203/19915886
鼎爺 爺拍 拍思 思琦 琦怕 尷尬
PermaLink: https://articles.zkiz.com/?id=325316

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019