ZKIZ Archives


對沖人生:高頻交易講求快靚正

1 : GS(14)@2012-08-31 11:13:47

http://hk.apple.nextmedia.com/financeestate/art/20120831/18004458
港股成交持續低迷,難免令人提不起勁。其實在北美,現時七成股票買賣已進入高頻交易年代(High Frequency Trading),成交量低,永遠是走向「非效率」,要「成」一個交易,可以「慢到痺」。現時,如何再提高交易速度,減少市場衝擊(Market Impact),已成為每次業內交易高峰會的必談話題。在交易所及投行內互設高速共同位置作配合(Co-location),可減低交易系統的「遲鈍」(Latency)問題。
交易上的「遲鈍」,對機構投資者來說是一大障礙,所以要優化交易速度。現今,我們還活在毫秒(Millisecond)的世界,這是第二階段。我相信不久後,便走進第三階段,即微秒(Microsecond)世界。速度快是否有edge可言?在此,用英文會更貼切:「Supercomputers begin buying up XYZ shares and resell them to slower investors at high prices」。
在高頻交易的世界,講求極速地完成交易,在毫秒內「成」事,不斷交易,循環不停。話雖如此,現在依然還有不少機構投資者,長倉及絕對回報基金,依然喜歡和賣方交易員「吹水」(即Sell Side Trader),每單交易多付兩至三點子(Basis Point),得到另一種意見,當然不少人認為是物有所值!我也期待年尾,到新加坡參加另一屆Trade Tech World,看看高頻交易的優化及改良進展。
08海嘯主角無人受罰
另一話題,金融及地產霸權。除了9月9號立法會選舉我們要投票,9月15號,便是雷曼爆煲四週年。華爾街的貪婪,受爭議的監管力度,是不少人認為造成2008年金融海嘯的元兇。週一,本港的「佔領中環」被清場,再次引起外界對「佔領華爾街」到「佔領中環」完結的成效思考。
「佔領華爾街」由去年9月中開始,11月中完結。示威者集中關注金融霸權,不滿美國的「大國衰落」,更不滿意整個資本主義體制,以及社會狀態。過去四年,金融海嘯中有不少主角,如雷曼前行政總裁富爾德(Dick Fuld),至今也沒有被判罰,AIG、花旗、美銀等前舵手,無一遭檢控,極其量也只是提早下台。不少人問,是否「雷曼不再,貪婪永在」?由北美及歐洲的各大佔領行動,說到香港的「佔領中環」。清場那天,我也和幾組人「吹水」,瞭解到他們對資本主義體制的不滿,也有不少是反地產、超市,及不同形式的霸權主義。
青年人暫無望置業
說到地產霸權,不得不提及DBC數碼電台「被滅聲」前的最後廣播!兩位70、80後︰龐一鳴,一個世間罕有,一個對自己理念很堅持的傢伙!他是傳說中敢「一年唔幫襯大地產商」的香港人;勞證顯(Ivan),三項鐵人賽亞洲賽金牌得主,盼望2016出戰巴西奧運。這一集「對沖人生路」的節目話題,是「這一代,下一代,置業無望,前路迷惘」。青年人由置業困難,到現在差不多可說大部份人置業無望,莫非下一代,要同局長司長,租住籠屋劏房?祝平安!
錢志健
對沖 人生 高頻 交易 講求 快靚 靚正
PermaLink: https://articles.zkiz.com/?id=281330

子丹揀馬要快靚正

1 : GS(14)@2015-03-05 19:27:19





甄子丹昨以「打吡大使」身份與名模Jocelyn在跑馬地馬場出席打吡大賽發佈會,子丹坐名車出場,他笑謂一匹好馬要像自己,有速度、勇猛又靚仔。有意做馬主的他被問到馬名會否以「宇宙最強」定名?他說:「贏唔到就好瘀,謙虛啲好,抽到馬再諗。」子丹稍後開拍的《葉問3》被導演要求減三十磅,對此他說:「減咁多我怕要吊鹽水入廠拍唔到,仲要拍打戲,係冇可能。」同場的Jocelyn自稱是愛馬之人,即被取笑錯過馬年生小孩,她表示不介意BB將來是那個生肖。採訪:王連連攝影:沈健程





來源: http://hk.apple.nextmedia.com/entertainment/art/20150305/19063475
子丹 丹揀 揀馬 馬要 要快 快靚 靚正
PermaLink: https://articles.zkiz.com/?id=288231

【add】紅人主場:古天樂快靚正精神

1 : GS(14)@2016-09-01 06:24:35

Alexander McQueen刺繡恤衫



古天樂在今年暑期檔成為「戲霸」,5部電影輪住上,九月繼續有來。拍得多又準,古天樂覺得投入最緊要,「必須要投入,先可以達到快捷。」一眾港產片鐵腳中,劉青雲、張家輝等是愛妻號,古天樂身邊就長期有空位,「有幻想過結婚,但冇乜時間去處理,只係見到面,係冇用嘅。」談戀愛,真的冇得快靚正。採訪:林妙萍造型:顏英儀攝影:郭賢興攝錄:林德雄、周樂恆髮型:Dan@ Pi4化妝:Carmen Man古天樂專訪在極速的25分鐘內,換了三套衫、完成訪問、影相、拍片,破了add四年來影過100個明星的最快紀錄。影完相,古天樂即時自己搬椅坐定夾咪,一秒鐘也冇浪費,全程冇滲水,和「唔使急,最緊要快!」的港產名句,完全脗合。



Dior Homme幾何圖案polo黑色長褲

Saint Laurent黑色皮褸牛仔褲、波鞋 Dior Homme白恤衫


鐵膽:投入達到快捷

歷年大大小小訪問,古天樂總不忘提倡團隊精神,他覺得做任何事,團隊投入度是最緊要!「你投入,就會了解到好多嘢,無論工種、創作,你投入就得!好慶幸我哋香港團隊係比較快捷,所以,必須要投入,先可以達到快捷。」常和中韓台不同地區演員、單位合作,古天樂好自豪港隊「快靚正」的優點,「佢哋話,你哋香港人真係快到呢~呢樣真係好難得。」古天樂暑期檔十套華語片有一半有份演出,《三人行》做督察、《使徒行者》做卧底,今次《S風暴》演廉政專員,港產片總見到他:「香港演員為數唔多,其實唔止我一個係鐵膽,好多個都係。」新片講警廉矛盾,主題圍繞賭波操盤案,他坦言少睇波亦不賭錢,電影主攻抽絲剝繭式查案,無飛車、跳樓等動作場面,「ICAC呢,第一件事,如果要領槍,係要申請;第二件事,佢係有特定程序查案;第三件事,ICAC查案,係以資料搜集為主,所以,題材已經賦予咗部戲嘅難度。」



■古天樂在《S風暴》演廉政專員,抽絲剝繭查案。

■古天樂直言不會跟媽媽(左)交待工作事。


家庭:我冇時間拍拖

電影、時裝可以任講,提到拍拖結婚,無點名傳出緋聞的陳喬恩、陳妍希或誰,古天樂都會自動閂閘。「有幻想過結婚,但冇乜時間去處理。你要有時間去相處先得,只見到面係無用嘅。仔女?就更加需要多啲時間啦,有另一半先再講啦。」家事少提,古天樂出名孝順,近月傷眼、傷腰,媽咪可會擔心、失眠?「阿媽唔知我出面做乜,唔係報喜不報憂,係我直情唔話佢聽我做緊乜,拍緊乜戲佢又唔知,明天飛去邊佢又唔知,同埋我阿媽比較忙,朋友多又要唱戲。」


鍾意買衫不是潮男

「好多品牌都鍾意,Givenchy、Balmain、嘩好多喎,近期買咗好多McQueen啦,真係好多牌子,講唔晒。我鍾意買衫,但唔覺得我係潮男。」買衫精古天樂愛出埠買、愛上網買,自命網購成功率奇高,皆因所有新衫都會改完才着上身,「上網最大問題係唔知乜size,不過我好少退,因為買完都會改,唔啱都唔緊要,反正改完先有得着。」衫最緊要要fit身型,銀包內最重要又是甚麼?「銀包最重要係身份證,其次信用卡,八達通我都有,不過我冇用。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20160901/19755742
add 紅人 主場 古天樂 快靚 靚正 精神
PermaLink: https://articles.zkiz.com/?id=307054

街坊讚剪髮快靚正

1 : GS(14)@2018-01-22 05:29:04

【本報訊】大日子商場前身為大日子酒樓,2014年由「劏場大王」尹柏權拆售成220個劏舖,實用面積最細僅25方呎,標榜入場費低至約140萬元及首兩年有5厘租金回報保證,一星期沽清七成舖位,成劏場奇葩。事隔三年,記者再落區訪問街坊,龍同學表示,平日經常到大日子商場剪髮,基於價錢平,剪髮時間快,質素有保證,留下良好印象。即使商場正門的廣告牌有為商戶宣傳,龍同學仍說不出商場其他商戶,他指出「平時唔會行,冇咩睇!」,因商戶沒特色,店舖面積少,吸引不到自己逛,街客也不多,令商場人流很少。現居於區內街坊的表示,甚少到大日子商場,今次巧合到鄰近酒家吃飯,順便到這裏走一圈,發覺商場非常冷清,商戶沒特色,店舖很少,基本上沒有吸引自己的地方。他續稱平日逛商場找食店為主,認為大日子商場即使改建成美食中心,也不會增加人流。



來源: https://hk.finance.appledaily.co ... e/20180120/20280482
街坊 剪髮 快靚 靚正
PermaLink: https://articles.zkiz.com/?id=347053

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019