ZKIZ Archives


劉心悠拍鬼片上癮

1 : GS(14)@2014-11-09 13:33:47



劉心悠昨日到米埔自然保護區出席環保及保育的活動,她表示自己平日都很喜歡戶外活動,除了於家中做宅女之外,就經常去行山,亦都試過被蚊蟲咬,不過情況不算嚴重。心悠又透露早前有個突然假期,更去了美國旅行:「嗰段時間本來有嘢做,突然又唔使工作,咁我就即刻買機票去咗美國,仲去咗大峽谷玩!」心悠又透露短期內冇假放,除了要宣傳跟周柏豪主演的新片《小姐誘心》外,她還會接拍一部鬼片,但詳情還未可以透露,她說:「初步構思今次都係做女鬼。」問到她是否上次於《盂蘭神功》做女鬼後上了癮?心悠說:「上次同張家輝合作好開心,覺得係自己嘅新嘗試。」採訪、攝影:文國駿



【三個粉絲去首爾】追星實錄,即上韓劇讀:http://hk.apple.appledaily.com/kstar




來源: http://hk.apple.nextmedia.com/entertainment/art/20141109/18928480
劉心 心悠 悠拍 拍鬼 鬼片 上癮
PermaLink: https://articles.zkiz.com/?id=286363

心悠除夕被迫拍拖

1 : GS(14)@2015-01-05 09:06:09





劉心悠昨日身穿薄紗長裙,在旺角出席時裝店開幕活動,正忙於宣傳電影《小姐誘心》和拍攝新片《有客到》的她,提到除夕夜媽媽於家中等自己收工晚飯,問到有否被催帶男友回家時,她笑說:「有催,不過多數都係討論下次去邊度旅行多啲。自己新年願望係順利完成第9次10公里跑,因為應承過自己要跑10次,總共100公里。」提到第二個新年願望,劉心悠指是新片於殯儀館取景拍攝的戲份順利完成:「本來嗰個地方唔俾拍,最後都拍得,所以連拍20個鐘。場戲係講我去番自己嘅喪禮,自己都諗第二日嘅喪禮會唔會真係咁,感恩拍攝好順利。」採訪、攝影:藍文浩





來源: http://hk.apple.nextmedia.com/entertainment/art/20150105/18991373
心悠 除夕 被迫 拍拖
PermaLink: https://articles.zkiz.com/?id=286963

Chilam奪心悠第一次

1 : GS(14)@2015-01-30 08:57:35





張智霖(Chilam)及劉心悠昨日以代言人身份,在又一城出席護膚品牌全新概念店開幕,Chilam表示有意找曾讀設計的心悠,為自己的演唱會DVD設計封面,他說:「佢初步答應咗,用佢嘅第一次喺設計上,都難能可貴。」問到DVD封面可會考慮如莊思敏般全裸上陣?Chilam說:「我諗要加操先,係操練個操,暫時冇咁嘅信心。」老婆袁詠儀會否將其屁股私有化?他笑說:「咁係我㗎嘛,到咗呢啲關口冇關係,佢成日話有好嘢要畀人睇。」採訪:譚倩宜攝影:陳順禎





來源: http://hk.apple.nextmedia.com/entertainment/art/20150130/19021578
Chilam 奪心 心悠 第一次
PermaLink: https://articles.zkiz.com/?id=287567

心悠BB跳繩腰馬合一

1 : GS(14)@2015-03-04 14:00:24





劉心悠去年成立工作室,更加忙於拍攝電影工作,亦不忘她愛運動的喜好,如今年亦有繼續參加渣馬10K跑步。心悠日前與薛凱琪為adidas拍廣告硬照,二人鬥做運動鬥流汗,自言運動狂的心悠在廣告中大玩跳繩,她笑言:「運動已經成為生活中一部份,無論興趣定工作上需要,都要以運動保持健美身段。拍呢個廣告嗰時,最難到我係跳繩同cardio fitness,平時我跑步教練都有要求我練習跳繩,要有好好嘅體能去應付呢個體力消耗量咁高嘅運動,陣先拍嗰時我踢腳要腰馬合一,難度非常高。」撰文:唐如





來源: http://hk.apple.nextmedia.com/entertainment/art/20150304/19062262
心悠 BB 跳繩 腰馬 合一
PermaLink: https://articles.zkiz.com/?id=288204

法拉、心悠徵男友

1 : GS(14)@2015-03-12 19:20:42





■女神陳法拉(右)及劉心悠同屬單身。


陳法拉、劉心悠昨日在尖沙嘴出席化妝師Annie G.新書記者會,二人即場作化妝示範。早前法拉去美國探望父母兼過農曆新年,她說:「過往喺香港十年,每年只係見得佢哋幾日,真係好內疚,
法拉 、心 心悠 悠徵 男友
PermaLink: https://articles.zkiz.com/?id=288420

劉心悠食嘢戙高腳

1 : GS(14)@2015-04-29 08:51:20

劉心悠、周柏豪、林德信(Alex)等前晚到旺角出席電影《我老婆係明星》煞科宴,三人在戲中有嗌交戲,心悠透露嗌到聲沙了,她說:「我演一個好粗魯女仔,自己平時喺屋企食嘢都戙高腳。」柏豪指心悠在片場好斯文,不過自己試過激嬲她,令她變成超級撒亞人。


■林德信自爆12歲開始飲酒,試過在學校飲醉要家長接走。


Alex表示把聲遺傳爸爸林子祥,嗌交唔使warm up。問有否跟爸爸嗌交?他說:「冇,反而同媽咪及沙麗(葉蒨文)嗌過,我細個好曳㗎,12歲開始飲酒,試過喺學校飲醉要家長嚟接,又試過同啲friend踢camp fire(營火),點知踢中我隻腳燒着咗,嗰次反而冇乜點鬧,可能見我入咗醫院。」採訪:譚倩宜攝影:仇志德





來源: http://hk.apple.nextmedia.com/entertainment/art/20150429/19128918
劉心 心悠 悠食 高腳
PermaLink: https://articles.zkiz.com/?id=290040

渣馬十公里賽男神失威心悠BB跣住跑 劉鳴煒包尾

1 : GS(14)@2016-01-18 19:00:13

■昨日第十次參加十公里賽的劉心悠,因天雨路滑以致今年成績稍遜去年。



【渣打馬拉松2016】【十公里】一年一度渣打馬拉松賽事昨日舉行,雖然今年「肯雅徐」徐濠縈、周柏豪、鄭融等全不見影蹤,但就有男神劉鳴煒、霍啟剛、女神劉心悠、陳嘉桓、胡定欣、崔碧珈、雨僑及陳山聰等分別挑戰十公里、半馬和全馬賽事。儘管昨日天公不造美,賽事舉行期間不停落雨,但一眾名人藝人總算順利完成。不過,在十公里賽事中,男神劉鳴煒以1小時47分完成,不但不敵女神心悠BB的1小時18分成績,就連負磅極重的36E崔碧珈,也以1小時40秒將劉鳴煒遠遠拋離,男神今趟認真失威。採訪:曹家誠、馬建華、小米攝影:陳慧安、仇志德


昨日參加十公里賽的名人藝人除劉鳴煒、霍啟剛、劉心悠、陳嘉桓、湯怡、麥子樂、陳家樂和陳安立外,還有首次參加渣馬的「崔Big瓜」崔碧珈、胡定欣及李施嬅等,由於天雨關係眾人成績大都比之前差,而陳安立就以50分鐘的成績成為跑最快藝人,湯怡則以54分06秒成女藝人之冠。近日獲封男神的青年事務委員會主席劉鳴煒,昨日帶領霍啟剛等二十多名青委會委員及職員出賽,他在facebook自爆將自己的防水外套給了一位女跑手,換來對方一件細碼女裝不防水又沒有帽的粉紅色外套給他。不過,一向有參加三項鐵人賽的劉鳴煒,昨日最終以1小時47分完成賽事,不但比霍啟剛約1小時慢,而且更被女神心悠BB、崔碧珈和陳嘉桓等一眾女將遠遠拋離,成名人藝人組,跑得最慢的選手。據悉賽事後劉鳴煒拉隊到銅鑼灣嘆茶,並笑言下次可以跑半馬甚至全馬。



■劉鳴煒(右二)昨帶領青委會成員霍啟剛等跑十公里,但成績強差人意。互聯網圖片

■完成十年跑一百公里的計劃後,心悠BB表示下次或挑戰半馬。





■崔碧珈未因36E上圍成負擔,昨日以1小時40秒完成十公里賽。微博圖片

崔碧珈

■陳嘉桓自嘲跑步時感覺自己似吸水海綿,波鞋完全入水。



36E崔碧珈負磅跑


今年是心悠第十次參加十公里賽,去年她以1小時12分完成賽事,但今年因天雨路滑,心悠最後以1小時18分完成,她說:「第一次全身濕晒,沿途見到好多人跣親,我都有少少。」她表示開心完成人生的一百公里,希望下次挑戰半馬及到外地參賽。擁36E逼爆上圍的崔碧珈,昨冒雨以1小時40秒完成賽事,她昨在電話中說:「第一次跑落雨路線,有少少辛苦,中間有好多水氹,成隻腳踩落去嘅時候對鞋又變咗好重,對腳又噏住,好似負磅咗去跑步,同埋地下好跣,見到好多人受傷或者拗柴。我一早準備咗頂帽,冇出現雨水打入眼睛或者唔舒服,成績都滿意。」可覺得自己身材帶來很大負擔?她說:「今日跑步又唔會有好大負擔,我自己比較擔心天氣問題多啲,始終有運動胸圍喺度,唔會唔舒服。」



■陳安立(後排中)以50分鐘成十公里賽中最佳成績的藝人。

■(左起)陳家樂、湯怡和麥子樂昨開心完成十公里賽事。




陳安立十公里贏晒

渣打香港馬拉松今年二十周年,昨日官方尚未公佈成績,各藝人已率先報上自己完成比賽的時間,心悠BB最後以1小時18分,完成其第十次十公里賽夢想,其他參賽藝人成績各異。





來源: http://hk.apple.nextmedia.com/entertainment/art/20160118/19456239
渣馬 馬十 公里 賽男 男神 神失 失威 威心 心悠 BB 跣住 住跑 劉鳴 鳴煒 煒包 包尾
PermaLink: https://articles.zkiz.com/?id=294486

心悠峇里陪嫁詩詩啜奇隆 鬼馬拍婚照

1 : GS(14)@2016-03-11 00:51:28

■45歲的吳奇隆猶如大細路,冧得劉詩詩向他獻吻。


現年45歲的吳奇隆與29歲的劉詩詩,因為合作內地劇《步步驚心》而撻着,去年兩人在北京領證結婚,並於本月20日在印尼峇里島濱海酒店舉行婚禮。小虎隊出身的吳奇隆,會找來昔日隊友蘇有朋及陳志朋擔任伴郎,其恩師張小燕亦會出席,至於伴娘則由劉心悠擔任。早在今年一月底,吳奇隆與劉詩詩專誠飛到新西蘭拍攝婚照,他們原本打算留待婚禮前夕才放發靚相,可惜二人在當地影相時被網民野生捕獲,相片在網上瘋傳。有傳吳奇隆因婚照提早曝光而不高興,更不滿連新娘子穿婚紗時背後夾住一排夾子的穿崩照片亦清晰可見。



■咬着花朵的劉詩詩散發優雅氣質。

■詩詩與吳奇隆一反傳統,男方更着波鞋上陣。



薯片汽水作道具

昨日吳奇隆與劉詩詩終於透過經理人公開數張婚紗照片,不過早前被曝光的系列就不在其中。昨日公佈的婚照除有必備的chok樣及攬啜拖手甫士外,其餘的照片都頗搞鬼,有薯片、汽水作道具,吳奇隆更拿起大型國際象棋扮型,劉詩詩亦一反傳統,露出婚紗下的深色長褲,她身上的首飾由De Beers提供,而露肩花花裙襬公主裙,出自法國品牌Delpozo2014春夏系列,穿在詩詩身上毫無過時的感覺。撰文:李森





來源: http://hk.apple.nextmedia.com/entertainment/art/20160310/19522781
心悠 悠峇 陪嫁 詩詩 詩啜 奇隆 鬼馬 馬拍 婚照
PermaLink: https://articles.zkiz.com/?id=297505

伴娘心悠赤腳搶花球

1 : GS(14)@2016-03-13 02:40:24

■劉心悠昨日收到蛋糕預祝生日,開心到笑騎騎。


吳奇隆和劉詩詩的婚禮進入倒數階段,擔任伴娘的劉心悠昨日在柴灣拍廣告,獲工作人員送上蛋糕預祝下月1日的34歲生日,被問生日願望是否快些結婚?她笑說:「冇諗過,順其自然啦。」


■小虎隊出身的吳奇隆,邀拍檔蘇有朋和陳志朋做伴郎。


心悠表示開始準備機票飛往峇里,並預早送上一對香檳杯給一對新人,問到時有沒玩新郎環節?她說:「未知,四爺(吳奇隆)都好忙,唔知有冇呢啲傳統環節,淨係知有PR Firm幫手搞婚禮。」心悠又笑言冇信心搶到花球,她說:「我着住高踭鞋冇乜戰鬥力,可能赤腳試吓搶花球啦。」除了吳奇隆昔日小虎隊拍檔蘇有朋和陳志朋擔任伴郎外,據悉他還邀請過百賓客到場,包括恩師張小燕、袁弘、胡歌、霍建華、謝霆鋒及太陽娛樂老闆周焯華(洗米華)等到賀。採訪:王連連攝影:陳俊強





來源: http://hk.apple.nextmedia.com/entertainment/art/20160312/19526295
伴娘 心悠 赤腳 花球
PermaLink: https://articles.zkiz.com/?id=297720

劉心悠揀啱玩閃婚

1 : GS(14)@2016-04-23 18:37:49

劉心悠日前接受有線節目《電影蒙太奇》訪問,宣傳和周柏豪及林德信主演的電影《我老婆係明星》,心悠在片中飾演與記者結婚的女明星,問到她現實中會否接受這種婚姻?心悠說:「我唔會因職業揀對象,更加唔想對方因為我係藝人而揀我。我鍾意憑感覺拍拖,最重要係兩個人嘅價值觀同想法一致,如果情投意合唔排除會閃婚。婚姻對每個人嘅定義都唔同,好多朋友都催我結婚,但我覺得自己唔喺呢條跑道度。」心悠希望將來有機會飾演殘障人士,以肢體去做戲,有更大的發揮,她笑說:「其實我都好想演動作武打片,其實我好打得,又唔怕被人打,只係一直冇人搵我拍。」撰文:陳以晴





來源: http://hk.apple.nextmedia.com/entertainment/art/20160423/19582448
劉心 心悠 悠揀 揀啱 啱玩 玩閃 閃婚
PermaLink: https://articles.zkiz.com/?id=299592

林夏薇夫曾戀長腿劉心悠

1 : GS(14)@2016-09-01 06:12:05

■林夏薇上月與丈夫Jason慶祝結婚一周年。微博圖片



林峯堂妹林夏薇去年與擁20億身家的金融才俊莫贊生(Jason)結婚後,只揀喜愛的工作,又搞飲食生意,優哉游哉。



■Donut前成員Caroline傳因拒婚與Jason分手。資料圖片

昨日有報道揭Jason白手興家,在美國完成大學課程,畢業後認識一班香港富二代,曾幫過百億富家小姐打工投資。提到情史,有指Jason曾追過陳慧琳及鍾嘉欣,但未有成功,反而與有「河南長腿劉心悠」之稱的Donut前成員Caroline拍拖3年,當時他大出銀彈攻勢捧她,又曾同居於西貢御花園獨立屋,送過Mini Cooper給女友,不過因他逼婚,令女方提出分手。有指二人拍拖時養了愛犬「金珠」,此「訂情狗」現由男方照顧,而林夏薇都不時有攬住老公同舊愛的「訂情狗」影相。撰文:唐如




來源: http://hk.apple.nextmedia.com/entertainment/art/20160831/19754657
林夏 夏薇 薇夫 夫曾 曾戀 戀長 長腿 腿劉 劉心 心悠
PermaLink: https://articles.zkiz.com/?id=306911

【馮仁昭四圍超】劉心悠第11次戰10K

1 : GS(14)@2016-11-11 08:10:38

劉心悠同紀嘉文噚日喺中環出席Adidas Runbase開幕,心悠現場喺跑步機上面跑咗一分鐘,嚟緊27日佢會參加adidas馬拉松,幫愛滋病童籌款,佢話:「我參加10K,第11次跑,講到好似好勁咁樣,夾埋跑咗110公里,其實係第11年嘅事,活動好有意義。」而家心悠拍緊陳果套戲,佢話:「有張晉,係動作戲,我都好有興趣,現場都有睇人拍打戲。」撰文:馮仁昭




來源: http://hk.apple.nextmedia.com/entertainment/art/20161111/19829724
馮仁 仁昭 四圍 劉心 心悠 悠第 11 次戰 10K
PermaLink: https://articles.zkiz.com/?id=315093

劉心悠扮病向中醫偷師

1 : GS(14)@2016-11-22 00:24:53

劉心悠、張晉、周國賢、原子鏸及巴西MMA綜合格鬥家Anderson Silva等,昨日在西貢拍攝陳果執導的新片《九龍不敗》,心悠戲中飾演中醫師,透露之前扮病去看醫生偷師。提到陳凱琳在台慶用詞不當,心悠笑說:「我都驚我有咁嘅可能,之前拍內地劇要連講四句成語,但係講唔到,最後都係配音。」張晉透露早前和Anderson拍了場打戲:「佢打MMA無所不能,拍戲經驗就少啲,但學得好快,大家都有捱對方拳,因為做戲要逼真,我叫佢大力打。」他稍後要到澳洲拍新片《悍戰太平洋2》,笑說:「我叫啲女教好我英文對白,佢哋啲英文好過我。」採訪、攝影:張俊銘




來源: http://hk.apple.nextmedia.com/entertainment/art/20161121/19840356
劉心 心悠 悠扮 扮病 病向 中醫 偷師
PermaLink: https://articles.zkiz.com/?id=316550

劉心悠遇拳王周身瘀

1 : GS(14)@2016-11-24 07:39:42

劉心悠昨日以大使身份於中環出席運動手帶活動,見她右手手臂有瘀痕,原來在新片《九龍不敗》中,被巴西MMA拳王Anderson Silva打至周身瘀,她說:「噚日同拳王有對手戲,見到佢咁大隻都有啲嚇人,但佢好sweet、好溫柔。場戲係佢搵刀攻擊我,但導演覺得把刀太假,所以轉用真刀,手、腳都瘀晒。」心悠指拍動作片預會受傷,已購買7位數字保險。採訪、攝影:羅慧敏




來源: http://hk.apple.nextmedia.com/entertainment/art/20161124/19843406
劉心 心悠 悠遇 拳王 周身 身瘀
PermaLink: https://articles.zkiz.com/?id=316846

Nike贊助渣馬 嚇走adidas幫心悠柏豪拒絕出賽

1 : GS(14)@2017-02-05 10:48:29

■劉心悠連續十年都有跑渣馬,但今年轉贊助商即停跑。資料圖片



一年一度渣打香港馬拉松將於本月12日舉行,連續十年都有參與的劉心悠今年不會現身,雖然心悠方面表示不參與是因為要入劇組,但據知除了是adidas代言的劉心悠不會跑之外,獲adidas贊助的藝人周柏豪、連詩雅、陳山聰等,同樣不會出席。


阿徐或落場

過去五年,渣馬由國產體育用品公司特步做指定獨家服裝贊助商,但今年開始連續四年,改由Nike成為指定獨家運動用品贊助商。據知這與多位跟adidas有關的藝人未能出戰有關,惟與Nike關係友好的徐濠縈,暫未回覆會否落場。除了心悠不跑,周柏豪和連詩雅的經理人公司昨回覆本報,發言人指二人屆時不在香港。至於由陳山聰、胡定欣、姚子羚、黃智雯、袁偉豪和胡諾言等人組成的「Crazy Runner」,過去亦是由adidas贊助,今年只有胡諾言會以個人身份報名參加。陳山聰回覆傳媒稱:「我今年會出埠去唔同地方跑,好似加拿大、東京馬拉松都會參加,報咗名喇,但要睇工作時間。」



■周柏豪昨日現身個唱記招,感謝楊千嬅等好友拍片支持。

■連詩雅和周柏豪巧合地在渣馬舉行期間不在港。資料圖片

■徐濠縈與Nike關係友好,今年有望落場跑以示支持。資料圖片


秘密練表演

此外,周柏豪昨日於銅鑼灣為4月28至30日的紅館演唱會舉行記者會,並獲不少圈中好友拍片支持,例如楊千嬅、蔡卓妍及許志安等,周柏豪說:「喺呢行做到朋友係幾難嘅事,感謝大家都好錫我。」他又透露:「正秘密練緊一樣嘢到時表演,希望試啲新嘢,唔好停喺原地太耐,至於騷肌,點都會騷到啲。」採訪、攝影:張俊銘




來源: http://hk.apple.nextmedia.com/entertainment/art/20170204/19917113
Nike 贊助 渣馬 嚇走 adidas 幫心 心悠 悠柏 柏豪 拒絕 出賽
PermaLink: https://articles.zkiz.com/?id=325431

心悠唔跑渣馬公司決定

1 : GS(14)@2017-02-11 18:38:02

劉心悠和曾志偉昨日在灣仔出席餅店旗艦店開幕,由adidas贊助的心悠被問及今年渣馬因Nike冠名贊助整個賽事,所以她不參加,她說:「決定唔參加時,知大概幾時拍劇,平時係公司幫我報名,我都想拍劇,又兼顧跑步,要多氣力。」傳聞有公司向無綫發文件擬作出收購,志偉說:「我打畀無綫高層朋友了解,佢哋話只收到信話有人想買,但因怕影響股價停牌一日,我覺得太兒戲,如果係咁想紅嘅可過橋出名,我都可以話就快買匯豐。」另外,曾國祥獲金像獎提名,太太先致電兒子女友王敏奕,他說:「我平時打畀阿仔,佢(太太)打畀未來新抱,可能易搵啲。」採訪:王連連攝影:沈健程




來源: http://hk.apple.nextmedia.com/entertainment/art/20170210/19923229
心悠 悠唔 唔跑 跑渣 渣馬 公司 決定
PermaLink: https://articles.zkiz.com/?id=326305

【馮仁昭四圍超】劉心悠出浴戲浸皺皮

1 : GS(14)@2017-04-22 10:43:46

劉心悠噚日以睡衣造型出席活動,佢話自己甚少着全套睡衣,不過近年睡衣裝變成時尚。問佢有冇着性感睡衣嘅習慣?心悠話:「會凍啲,我鍾意着多啲布。」而佢亦覺得着整齊睡衣瞓,對睡眠質數有幫助,但佢好少失眠。提到為無綫拍劇,心悠話體力上比較辛苦,至於之前拍出浴戲,佢指廠景靚到可以媲美日本溫泉,不過浸咗十幾個鐘浸到皺皮。撰文:馮仁昭



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170421/19996073
馮仁 仁昭 四圍 劉心 心悠 出浴 戲浸 浸皺 皺皮
PermaLink: https://articles.zkiz.com/?id=331223

【add時尚:紅人主場】劉心悠 我不懂撒嬌

1 : GS(14)@2017-07-01 09:53:50

Carven上衣Roberto Cavalli西裝褸、長褲Christian Louboutin尖頭鞋



溫婉靚樣,嬌滴滴外形,柔和聲線說着半鹹淡廣東話,36歲劉心悠堪稱擁撒嬌女人的完美package,惟她未有因此覓得另一半照顧。由台灣來港發展十多年,心悠自認或多或少傳承本地女強人的堅毅,不過密密拍電影的她偶爾也有軟弱、需要被關懷,「開工好早,當你搵唔到人同你傾偈、食早餐。覺得如果有人得閒就好喇,但又唔會覺得需要對方係男人。」總之,有人陪伴就好。



相比起「台妹」,劉心悠更適合「港女」稱號,所指的是女強人特質,「我從來都唔係溫柔嬌嗲!欣賞香港女仔獨立,同埋堅強,香港好多女強人,台灣比較少啲,我或多或少傳承到香港女人嘅堅毅。」心悠不覺得台灣女生特別懂得撒嬌,「係語言上嘅barrier,尾音有囉、呀,呢啲重啲,聽起嚟好似好溫柔,easy going啲,傾偈時唔會表達立場,好似順啲、圓滑啲,但香港女仔係,佢唔認同嘅,就會唔驚咁表態。」自己介乎兩者之間,「圓滑得嚟需要表達自己立場,女仔溫柔還溫柔,但唔可以失去自己個character,如果唔係就會矮咗。」



Rosie Assoulin格仔上衣Roberto Cavalli牛仔褲Dior頸飾、戒指Christian Louboutin尖頭鞋

Chloé連身裙


要同男人一樣

做人要有個性,心悠不論對着男或女,說話都堅持用同一聲線,撒嬌、講叠字的對象僅限長輩。她即場舉例,「長輩問呢排攰唔攰,我會話呢排攰攰哋。」我的天!原來她真的不懂撒嬌。不過工作太忙,有時都會變得嬌弱,「開工好早,當你搵唔到人同你傾偈、食早餐,覺得如果有人得閒就好喇,但我又唔會覺得需要對方係男人,其實係accompany去陪住我。」閨蜜們未必能隨傳隨到,「煞科後會call佢哋出嚟,佢哋覺得我消失咗半年,好擔心我得唔得,其實都好開心,只係?家係你available時,佢哋唔available。」在新片《女人永遠是對的》扮演事業成功OL一角,被傳整容而飽受委屈,影響工作機會,直至遇上方力申飾演的踏實型男士,才突破心理關口,自在過活,心悠覺得某程度上演回自己,「我覺得係我囉,如果將我擺喺呢個situation,受到critic時我都未必騷出嚟。」戲名非常女人主義,她亦堅信女權,「要時時相信自己係啱,先至有動力去push自己做到男人一樣。」



■心悠在檳城拍攝《女人永遠是對的》兩個月,與方力申飾演一對。

研究點咀小方

心悠認識方力申多年,合作拍戲卻是首次,喜劇手法自然多笑料,「開工第一場已經係吻戲,仲要係我主動kiss佢,導演唔想我一開場就kiss佢個嘴,就由其他地方kiss,同導演研究kiss呢邊好,定kiss另一邊好,唔當佢係個人。」回想起來才覺得尷尬,「但當時諗住營造好浪漫嘅感覺出嚟。」目前心悠正在橫店拍攝無綫古裝劇《深宮計》,之前已拍了三個月廠景。明知用三機製作,拍攝快、多產,搞到演員冇得瞓,時間調配上比內地劇緊湊,心悠亦敢於挑戰,原來是因為他!「記得以前成日睇到羅仲謙拍緊劇,好眼瞓,嗰時我就同自己講:『冇理由佢做到,我做唔到』,個個都話好辛苦,唔係自己去體驗,你唔會明白,做演員點都要試一次。」並笑說每個人見到她,第一句都問是否很辛苦,「唔係用辛苦嚟形容,係好開心,好多得着,我覺得非常值得,人生中難得可以chur三個幾月,瞓得好少。」



■除了飲蔬果汁,心悠捱更抵夜拍戲時還常吃水果。

【拍戲調理】

每次煞科後,心悠都會放假唞一唞,這次入劇組,日以繼夜拍攝多月,每日只睡幾小時,主要靠中藥調理、飲蔬果汁補充維他命C增強抵抗力,對長假訴求更強烈。心悠說:「想調整自己身體狀況,長期咁chur,內臟失去應有balance,盡快調整正常瞓覺時間、食嘢方法,如果唔係會病。精神好,玩都開心啲。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170629/20071837
add 時尚 紅人 主場 劉心 心悠 我不 不懂 撒嬌
PermaLink: https://articles.zkiz.com/?id=337232

心悠露肩騷事業線

1 : GS(14)@2017-07-09 03:55:29

■劉心悠晒肩露胸兼谷事業線,非常養眼。



劉心悠和王宗堯前晚在中環出席手錶活動,劉心悠穿上露肩裝晒事業線,她說:「第一次咁性感,夏天想少少改變,但今次已達我底線。」近日由橫店拍完無綫劇《宮心計2深宮計》的劉心悠,她謂開工時天氣熱致沒胃口。劉心悠自爆喜歡運動員林書豪,但卻抗拒對方做男友:「佢太高,望住佢似棵樹,我愛做運動嘅男人,覺得嗰份堅持好吸引。」但卻不接受追求者的堅持,她說:「唔使追,有緣份會一齊。」同場王宗堯透露兩周前與蔣祖曼副導老公踢波,兩人迎面相撞,兩敗俱傷,王宗堯說:「我塊臉腫到豬頭,當時斷片兼少少腦震盪,失志流口水,好彩冇失禁。」他表示蔣祖曼老公都扭傷頸看中醫。採訪:盧妹攝影:陳順禎




來源: http://hk.apple.nextmedia.com/entertainment/art/20170707/20081155
心悠 悠露 露肩 肩騷 事業
PermaLink: https://articles.zkiz.com/?id=338624

志偉笑心悠太乖

1 : GS(14)@2017-08-04 06:11:58

曾志偉和劉心悠首度合作為奇華月餅拍廣告,昨日兩人就現身尖沙嘴出席發佈會,心悠分享廣告中需要她彈古箏,不過心悠卻將古箏講成「古精」,志偉就笑她:「古精?古精真係好難彈㗎喎,點彈呀?」問到兩人廣告內是否飾演情侶?心悠稱導演沒詳細說明,但現實中自己都喜歡幽默的男士。問到志偉可曾介紹男士給心悠?他說:「我得兩種朋友,就係豬朋狗友,點介紹得落。」又讚心悠很乖,入行多年都零負面的新聞,並笑說:「都唔知佢係咪有病㗎,次次做完嘢就即刻返屋企。」心悠又透露中秋會和媽咪返台灣探親,更表示:「?家先知道原來啲月餅係可以切開食。」志偉就抵死地說:「你以前成個食㗎?係咪好多親戚要切片食。」在旁心悠尷尬儍笑。採訪:曹家誠攝影:陳慧安




來源: http://hk.apple.nextmedia.com/entertainment/art/20170803/20109772
誌偉 偉笑 笑心 心悠 悠太 太乖
PermaLink: https://articles.zkiz.com/?id=339565

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019