影帝呀回航地球陪老婆 劉青雲出動草帽口罩
1 :
GS(14)@2015-05-14 12:26:332015-05-14 NM
《大時代》熱播，加上上月在金獎像頒獎禮中，再封影帝並發表太空船愛妻論，人氣升溫，搞到少有包出街的劉青雲，都要出動草帽、口罩。上週三（五月六日），劉青雲同老婆孖咇到銅鑼灣shopping，四十七歲的郭藹明素顏示範美魔女天然美；影帝老公則實Q上身，雙眼全程環迴掃射，一發現有記者，即啟動方展博守護慳妹（周慧敏）程式，第一時間通知老婆。老公緊張自己，郭藹明還以充滿愛的笑容，甜到冇朋友！四十七歲美魔女
喜歡獨自「漫遊到太空」的出爐影帝劉青雲，上個禮拜「回航」地球，陪老婆郭藹明到pat pat多過人的銅鑼灣shopping。一身黑色運動look，頭頂草帽面遮口罩，拎住袋Vivienne Tam的劉青雲，混在人來人往的時代廣場中，依然顯眼，途人更忍唔住叫：「個係咪劉青雲？真人都幾高喎！」對於途人的指點，劉青雲視而不見，只顧mark實郭藹明，猶如保鏢一樣，雙眼不停向周圍掃射；至於四十七歲、一樣大把貨賣的郭藹明，就一於好少理，繼續揀揀揀、買買買。
詐嬌老公
兩公婆在超級市場上糧二十分鐘，在收銀處等俾錢期間，影帝探測到有鏡頭瞄準自己，即時方展博上身，啟動保護慳妹（周慧敏）程式，第一時間通知老婆，準備速逃。每次都安全將太空船引領回地球的郭藹明，笑笑口繑住並輕拍老公背部，示意他毋須緊張。之後兩人走到時代廣場的候車處等司機接，對於記者提問，影帝皺晒眉頭冇回應，處變不驚的郭藹明則來一招甜笑詐嬌，嘗試分散青雲注意力。在街頭企了近十分鐘，七人車終於出現，上車後，青雲不忙揮手bye bye。劉青雲憑《竊聽風雲3》再做影帝，得獎當晚發表太空船愛妻宣言，令台下的郭藹明感動落淚，也令觀眾動容。娛圈模範夫婦，呢一對，坐亞望冠！
我Q你答問會：人人問Sam哥 幾時攞金像影帝
1 :
GS(14)@2015-06-15 01:08:33■參加《我Q你答問會》的吳鎮宇答問題時表情多多。攝影：林德雄場地提供：L19 Harlan's（The ONE）
人稱「Sam哥」的吳鎮宇出道逾30年，自言作為後輩，獲邀為即將慶祝20年報慶的《蘋果日報》，特別來挑戰《我Q你答問會》。鎮宇發揮當年《鬚根Show》的棟篤笑功架，將來自中環及銅鑼灣的13名讀者的問題以抵死的方式回應，幽默而不失真實。他還透露在演技方面跟劉青雲及黃秋生都在伯仲之間，但論長氣秋生就必定勝人一籌。採訪：何永寧、魏嘉琳
■鎮宇○○年憑《鎗火》封台灣金馬影帝，至今仍未能坐上香港電影金像獎影帝寶座。
■對於是否再帶囝囝Feynman拍《爸爸去哪兒》，吳鎮宇稱因囝囝功課忙，要睇緣份。
■吳鎮宇在《衝上雲霄》中扮演「Sam哥」，成為他的經典角色之一。
1.鍾小姐：你覺得你幾時會攞金像獎影帝呀？
鎮宇：喺我心裏面我攞咗好耐嘞，姐姐。唔好理啲形式嘢啦，好冇。畀個位我行返落嚟啦，你抬到我咁高。有時拍戲唔係為呢樣嘢，呢樣係bonus冇問題，緣份到就可以攞。
2.郭小朋友：Sam哥哥呀，如果再畀你拍《爸爸去哪兒》，你有冇興趣繼續拍落去呀？
鎮宇：可以㗎，但係BB要返學呀，如果上一次唔參加就冇機會，因為佢讀小學一年級，好麻煩好多功課，下一年係二年級更多功課，睇緣份啦，多謝你支持。
3.薛小姐：如果內地開《媽媽去哪兒》，你會不會畀你老婆參加？
鎮宇：如果內地有《媽媽去哪兒》要由媽媽去決定，我好怕去替人決定一啲嘢，就係咁簡單。
4.Barry：你覺得自己、黃秋生同劉青雲邊個好戲啲？
鎮宇：其實我喺佢哋面前，我係偶像派嚟㗎。佢哋先係實力派，好唔好戲真係見仁見智，但長氣一定係黃秋生。
5.Olivia：如果畀你揀多次你會做飛機師定演員？
鎮宇：揀多次？揀做飛機師呢就淨係做飛機師啦，如果揀做演員可以做飛機師、又可以做殭屍又可以做喪屍，又可以做廚師，我諗做演員着數啲噃。
6.Abbie：我想聽Sam哥唱《歲月如歌》，可以唱兩句來聽聽嗎？
鎮宇：我可唔可以下一個問題。頭嗰幾句點唱《歲月如歌》？我問頭嗰幾句佢唱中間，咁唔關我事，「天氣不似如期……（下刪數十字）」
7.Melanie：你有冇幫你老婆做家務？
鎮宇：我唔係幫呀，幫，係佢做嘅嘢我幫佢完成，但家務係工人做嘅。其實我有煮飯，煮飯係比較拿手啲。其他嘅嘢如果新工人嚟，我哋會示範畀佢哋睇點樣處理成間屋嘅嘢。其實兩個（兩公婆）都有做啲嘢，家務share做。
8.Shermaine：Hello，你點解要改藝名，唔用番吳志強呢？
鎮宇：咁做藝人要有一個特別啲嘅藝名，阿妹係咪？同埋嗰陣時都興藝名咪改一個囉。我唔係唔鍾意我個名，個名係阿媽改，好有紀念價值。因為一個唔識字女人生第一胎個醫生問『師奶，個仔叫咩名呀？』就噏『志強』兩個字其實都幾感動，亦都覺得阿媽對我期望。撈呢行阿媽期望冇用㗎嘛，要導演同觀眾對我期望，所以就用咗『鎮宇』呢兩個字，到而家都OK。
■吳鎮宇曾與張達明（中）及黃子華（右）合體搞《鬚根Show》，大獲好評。
■「僆坤」是鎮宇（右）的另一經典角色。
9.區先生：Sam哥你好，當年《鬚根Show》咁爆，有冇諗住再開呀？
鎮宇：嘩！呢個真係捧場客，《鬚根Show》你都睇過，咁出嚟搵食梗係要講口齒，講咗最後一次《鬚根Show》。但係我哋計劃過仲有個題材，係舞台用彈弓、威吔做棟篤笑叫《論盡金庸》，希望我哋三個可以再次喺舞台同大家見面。
10.Crystal：鎮宇你覺得圈中邊個chok過你呀？
鎮宇：圈中邊個chok過我？大把人啦，出名chok嗰啲一定chok過我啦，乜我好chok咩？唔係啩？少少啫，OK。
11.View：你有冇睇過沈震軒扮嘅「僆坤」？你覺得佢做成點呀，可唔可以用「僆坤」聲答呀？
鎮宇：（僆坤聲）唉，我冇理江湖事咁耐嘞，嗰啲細嘅，佢哋話點就點啦，算嘞，唔好重蹈覆轍嘞，撈番正行啦，軒仔。
來源:
http://hk.apple.nextmedia.com/entertainment/art/20150612/19180977
子丹耍詠春搶亞洲影帝林嘉欣爭影后再戰舒淇
1 :
GS(14)@2016-02-04 17:24:35第十屆亞洲電影大獎記者會昨日在尖沙嘴一酒店舉行，宣佈今屆入圍電影名單，大獎兩位評審劉青雲、杜琪峯及贊助商之一的前亞姐羅霖都有出席，頒獎禮定於下月17日在澳門威尼斯人劇場舉行。甄子丹憑《葉問3》爭最佳男主角獎（詳見附表），力戰中、日韓及菲律賓對手，影后方面林嘉欣去年憑《百日告別》力壓舒淇封金馬最佳女主角，今次二人再齊齊爭影后。劉青雲繼早前為香港電影金像獎記者會擔任嘉賓及將任頒獎禮司儀外，今次再為電影大獎任評審。他接受訪問時表示，任評審最大責任是看戲，他說：「個個都係朋友，都係好熟，好難講想邊個贏，不過就要睇好多部戲。」杜琪峯談到周潤發早前呼籲金像獎最佳男主角要「讓獎」給張學友時，他笑說：「咁學友咪好傷心囉，要人讓。其實佢遲早都中（獎）演技咁好。」
■舒淇的《聶隱娘》今次再與林嘉欣較量。
■甄子丹憑《葉問3》爭最佳男主角。
■劉青雲（右）今次會為亞洲電影大獎擔任評審。
舒淇開心獲認同
憑電影《百日告別》角逐最佳女主角的林嘉欣在回應時，共講了5次「好驚」：「好開心同時亦都好驚、好驚、好驚，因為話晒我仍然覺得喺電影路上，我仲有好多嘢要學習，再拍番戲，頭兩部就得到咁好嘅消息同肯定，係好開心，但係都好驚、好驚。」舒淇回應說：「好開心可以憑《聶隱娘》入圍，拍嘅時候好辛苦，入圍代表得到認同，特別開心。」翁子光導演的《踏血尋梅》亦入圍5個獎項，翁子光回應時不忘恭喜春夏及白只：「恭喜白只及春夏，也特別多謝杜可風、廖慶松、張叔平對《踏血尋梅》的貢獻。」再次入圍男配角獎的白只透過助手回應說：「仲有幾日就過年，再有一個男配角提名真係好開心，係今年過年嘅最佳禮物，有種豐收嘅感覺。」至於顏卓靈憑《尋龍訣》入圍最佳女配角，她以受寵若驚回應：「這是繼金馬金像後第三回受寵若驚，是前輩們給予我最美好的大學畢業禮物！」採訪、攝影：張俊銘
【亞洲電影大獎部份入圍名單】
最佳電影
《山河故人》（法國、日本、中國）《刺客聶隱娘》（香港、台灣、中國）《美人心計》（印度）《寂寞的戀人啊》（日本）《老炮兒》（中國）《燥底師兄生擒富二代》（南韓）
最佳導演
賈章柯《山河故人》（法國、日本、中國）侯孝賢《刺客聶隱娘》（香港、台灣、中國）是枝裕和《海街女孩日記》（日本）管虎《老炮兒》（中國）柳昇完《燥底師兄生擒富二代》（南韓）
最佳男主角
甄子丹《葉問3》（香港）永瀨正敏《甜味人間》（日本）馮小剛《老炮兒》（中國）李秉憲《寒冷黑金》（南韓）
John ARCILLA《盧納將軍》（菲律賓）
最佳女主角
趙濤《山河故人》（法國、日本、中國）舒淇《刺客聶隱娘》（香港、台灣、中國）綾瀨遙《海街女孩日記》（日本）金憓秀《Coin Locker Girl》（南韓）林嘉欣《百日告別》（台灣）資料來源：亞洲電影大獎大會
來源:
http://hk.apple.nextmedia.com/entertainment/art/20160204/19477997
賽後焦點：奧斯卡前夕激演插水雲高爾媲美影帝
1 :
GS(14)@2016-03-01 18:57:40■雲高爾（倒地者）親自上陣，向甸恩投訴阿歷斯山齊士插水。路透社
一年一度曼聯鉅製，周日英超迎戰阿仙奴，素來穩居幕後、屁股總貼住後備席椅子的領隊雲高爾隆重登場，於場邊「瞓身」演出。網民大呼驚喜，直言影星里安納度狄卡比奧贏取奧斯卡的最大勁敵，竟於頒獎禮前夕出現。
周日英超，雲高爾的曼聯如《復仇勇者》，傷兵滿營下盡遣拉舒福特、迪比及連格等年輕球員，孤注一擲，靠防守反擊主場以3:2力挫兵工廠，報了首循環慘吞三蛋之辱。
改編山神動作球證無視
自雲高爾執掌曼聯以來，就像大導演一樣，喜歡坐在椅子上指揮大局，但見慣費格遜在場邊臉紅耳熱地督師的魔迷總看不慣。不過，在75分鐘，這名64歲荷蘭主帥見到球證吹罰安達靴里拉侵犯阿歷斯山齊士，罕有地走到場邊，讓魔迷見識其激情如火及精湛演技──為了讓第四裁判甸恩更了解山神「插水」動作的神髓，雲高爾親自演一次，身體如戰甲飛車一樣騰空，轟然落地。儘管雲高爾年近古稀都「瞓身」演出，但沒有感動到甸恩及球證柏禾臣，靴里拉都是被吹罰，但他沒有被罰第二面黃牌，曼聯可續以11人應戰，最後守住3:2勝局，焦點繼續放在追擊第四位的曼城。曼聯現時以44分排第五，落後踢少一場的曼城三分。雲高爾賽後說：「我不是經常這樣做的，實在太激動了，但我知道這樣對裁判不禮貌。我已經向裁判道歉，希望大事化小，我會好好控制自己的情緒；我亦已經向球員交代了。我坐在後備席時，人們罵我；我今次不坐了，相信又會有很多人批評我。」在21年前歐聯決賽，時任阿積士教練的雲高爾試過李小龍上身，在場邊起飛腿。
■十八歲的拉舒福特（左一）入兩球，與朗尼並列英超史上最年輕梅開二度球員的第四位。路透社
雲格做配角網民紛讚好
作為其中一名最近的觀眾，雲格百味陳雜，真的玩轉他老人家的腦朋友，他賽後苦笑地說：「我沒有回應，你們去問雲高爾吧，我不想評論，因為我說甚麼，你們都會話我輸不起。」至於網民就普遍感驚喜，紛紛將雲高爾的動作改圖，融入到不同的電影場景，例如《復仇勇者》及《死侍：不死現身》；有網民更戲稱雲高爾演技出眾，有力威脅里安納度狄卡比奧影帝之位。文：咖喱
來源:
http://hk.apple.nextmedia.com/sports/art/20160301/19511129
二宮和也封影帝舊愛長澤露肉贈興
1 :
GS(14)@2016-03-06 16:12:17第39屆日本電影學院獎前日舉行頒獎禮，由著名導演是枝裕和執導的《海街女孩日記》奪四獎成大贏家（詳見附表）。最佳女主角由《100
劉德華獲粉絲撐爭影帝
1 :
GS(14)@2016-03-13 02:40:30今年《香港電影金像獎》下月3日於尖沙嘴文化中心舉行，當晚一如以往誕生影帝、影后，今年有份角逐影帝名單較往年激烈，除了幾位演員的演出勢均力敵之外，更難得有三位天王劉德華、郭富城和張學友同場。而劉德華的fans為了預祝偶像當晚旗開得勝，預早幫偶像做了幾條短片造勢，將他由1981年出道以來，主演過的14個造型，用電腦技術重現出來，短片放上網後點擊已經好高。另外，一班傳媒友人對他亦甚為痛錫，對他更看高一線希望他能獲獎，所以早前聚餐時，有傳媒就送了一座用Lego砌成的金像獎獎座，預祝他攞獎。撰文：李森
來源:
http://hk.apple.nextmedia.com/entertainment/art/20160312/19526044
家棟慢熱問鼎影帝
1 :
GS(14)@2016-04-13 17:09:07任賢齊、陳小春、林家棟、游乃海及兩位新導演許學文、歐文傑昨晚在尖沙嘴出席電影《樹大招風》舉行的慶功宴，在戲中演賊王的林家棟表示電影上映至昨日，票房已超過400萬已經有交代，他說：「啲人以為套戲會打得好激烈，所以都要慢熱同埋靠口碑等多啲人入場。其實有多啲呢類唔同類型片種，對觀眾係好事。」對於有人認為家棟今次絕對有資格挑戰影帝寶座時，他說：「多謝，其實小齊同小春都好好。」不過他表示最想電影可以攞最佳剪接獎。另一位賊王小春笑言拍這套戲時每日返家都很倦，因為角色永遠處於亢奮狀態。採訪：張俊銘攝影：仇志德
來源:
http://hk.apple.nextmedia.com/entertainment/art/20160413/19568424
李秉憲攜嬌妻紐約領獎攞完影帝「想轉基」
1 :
GS(14)@2016-07-09 06:46:55韓國人氣男星「憲哥」李秉憲以電影《寒流黑金》（Inside Men）奪得有「韓國金球獎」之稱的百想藝術大賞影帝寶座，本月又獲得紐約亞洲電影節頒發「亞洲之星大獎」，逐漸擺脫「腥聞」迎回人氣第二春。他本月6日帶着愛妻李敏貞親自到紐約領獎，受訪時透露，演技獲得肯定後，自己下一個最想挑戰的角色是「同志或變性人」。駐紐約記者：鄭柏齡、丁維莉憲哥兩年前疑似約砲小模被勒索，捲入桃色新聞，不過憑《寒流黑金》中精湛演出奪得多個大獎，人氣也跟之回升，尤其他這次到紐約領獎，妻子李敏貞也一路愛相隨，在頒獎典禮上他不忘特別感謝妻子對他支持，還特別邀妻子與觀眾見面，不過李敏貞出場不到30秒即快步走回後台，弄得李秉憲一臉尷尬。活躍於荷李活的李秉憲，今年2月受邀出席奧斯卡頒獎禮，成為首位韓國人頒獎嘉賓，最近又獲得美國演藝學院新會員邀請，談到荷李活和韓國拍片不同處，他說：「我在韓國電影多半飾演主角，不過在美國拍戲有機會作為配角，向不同演員偷師，而且荷李活電影圈相當制度化，上下班時間固定，韓國拍戲往往『不知道何時才能收工』。」儘管拿下韓國多個電影大獎，李秉憲認為自己演技其實開竅得晚，一直到1999年和全度妍合作《記憶中的風琴》才真正體會到演戲的精髓，他說拿下百想影帝後壓力變大，對於角色挑選也更慎重，下一個最想挑戰的角色是飾演男同志或變性人，因為兩種角色的內心戲相當具挑戰性，不過他目前沒有當自己導演的計劃。李秉憲在荷李活新戲《七俠蕩寇誌》（The Magnificent Seven）中，與多名型男包括丹素華盛頓（Denzel Washington）、基斯柏特（Chris Pratt）等大演對手戲「過足戲癮」。他對多位男星逐個點評，指基斯柏特最愛說笑，丹素華盛頓是最認真的演員，而伊芬鶴健（Ethan Hawke）則最愛說話:「他喜歡唸詩，甚至在沙上寫詩」。講述美國西部七名義士的《七俠蕩寇誌》，在攝氏40度沙漠環境下拍攝，過程相當艱難，但「患難見真情」，李秉憲說，在好萊塢工作多年，直到拍這部電影才首次體驗與其他演員打成一片「一齊喝酒、談私生活」，大家更成為好友。
來源:
http://hk.apple.nextmedia.com/international/art/20160708/19686735
Next Page