ZKIZ Archives


中環在線:彤叔撐楊受成純官話睇定先 李華華

2008-07-22  AppleDaily

英皇鐘錶(887)噚日上市,夜晚就喺君悅搞慶祝晚宴,華置(127)大劉劉鑾雄、賭王何鴻燊、有線(1097)吳天海同黃玉郎都有到場,不過最畀面係新世界(017)彤叔鄭裕彤同純官鄭家純兩父子,佢哋先後腳到。

純官一早到場,有記者問純官有冇抽英皇鐘錶,佢回應話冇,因為諗住多人抽,佢唔會抽中。華華心諗,純官要貨,英皇鐘錶大股東楊受成點會唔畀,使乜同街外人爭?當記者繼續追問佢會唔會喺市場掃貨時,佢就話要睇定啲先,要睇大圍經濟先諗入唔入,純官買嘢明顯冇老父彤叔咁爽手。

後 尾到場嘅彤叔,華華問佢有冇入股英皇鐘錶,佢好爽快咁話「有。」咁入咗幾多呢?「有幾多入幾多囉。」賺得多唔多呀?「未賺夠,諗住長揸。」問佢點睇個市? 佢答話:「今日個市升,都係因為英皇鐘錶上市。」仲話:「你哋問英皇鐘錶好唔好,我實話好o架。」得喺佢身邊嘅楊受成鬼咁開心。不過英皇鐘錶招股書冇講 到彤叔係策略性股東,咁即係彤叔揸住英皇鐘錶唔夠5%股權,唔使披露確實股數,可以隨時沽貨。問到點睇後市?彤叔只係話會一路平平穩穩,至於睇幾多點?佢 話:「呢啲問四叔啦。」彤叔同楊受成不嬲老友鬼鬼,好似彤叔嘅周大福,06年尾就曾經以1億銀入股英皇國際(163)。

電郵:LiWaWa@AppleDaily.com
中環 在線 彤叔 叔撐 撐楊 楊受 受成 成純 官話 睇定 定先 華華
PermaLink: https://articles.zkiz.com/?id=1448

要股票唔要人工 中環在線:彤叔掌櫃算盤打得響 李華華

2008-07-30  HKEJ



蒙 古能源(276)主席魯連城,一向有彤叔鄭裕彤掌櫃嘅稱號,做得彤叔掌櫃,數口梗係精,就睇佢點樣將前身係新世界數碼嘅蒙能,轉型成為基金愛股就知。噚日 蒙能刊發最新年報,魯連城08年薪酬急升近兩倍,咪以為佢加自己人工,其實佢呢三年都冇收董事袍金同薪金,只係攞福利收入,而呢兩年福利收入都冇變,只收 64.8萬銀,至於佢今年人工大增,係因為以股份為基礎嘅收入多咗127.9萬銀。據年報顯示,今年蒙能向魯連城授出嘅認股權,可以每股7.284蚊行使 價換購69萬股蒙能。

持有股份市值92億

收股份唔收cash,魯連城嘅算盤當然打得響。舊年食正潮流喺蒙古開煤礦,由科網股 變身煤礦股,股價短短幾個月急升三四十倍,其間雖然有傳媒質疑佢嘅煤礦,令股價急跌,但無損蒙能氣勢,今年5月,蒙能仲俾大摩睇中,納入MSCI香港指數 成份股,刺激股價急飆,PE一度高逾2000倍,雖然家吓市況唔就,但PE仍有341倍,神話依然未滅。華華仲記得,舊年散戶愛股阿里巴巴 (1688),PE都曾經去過300幾倍,成為一時佳話,但家陣得番43倍,神話早就幻滅。家吓魯連城揸住19.44%蒙能股權,以噚日收市價7.86銀 計,市值92億銀,計埋若行使認股權有嘅69萬股蒙能,市值542萬銀,人工多少唔重要,最緊要係蒙能股價掂。電 郵:LiWaWa@AppleDaily.com
股票 要人 中環 在線 彤叔 掌櫃 算盤 打得 得響 華華
PermaLink: https://articles.zkiz.com/?id=1549

中環在線: 蒙能跌兩成彤叔掌櫃告急 李華華

2008-09-02 AppleDaily

彤叔鄭裕彤持有嘅蒙古能源(276)再度告急,噚日蒙能股價急跌22%,仲攞埋20大股份跌幅之冠。計埋上個禮拜四、五嘅跌勢,蒙能股價短短三個交易日急挫37%,市值蒸發近200億。

彤叔掌櫃、蒙能主席魯連城一停止公佈增持蒙能,股價即刻腳軟,所以佢即時做嘢,噚日用咗1130萬銀,再度增持200萬股蒙能,仲嗱嗱臨公告天下。

主僕齊出手

話 說8月27號嗰次入市,佢都第二日先出通告,噚日佢即日入市,即日出通告,仲係黃昏六點零五分就上到港交所個網站,咁趕,唔知係咪驚今日再跌過,所以早啲 提醒大家,有掌櫃撐住,大家今日唔好亂掟貨呢。魯連城由上個月19號至噚日,多次入市掃蒙能,合共增持1629.6萬股,使咗差唔多9000萬銀。掌櫃力 托都咪話冇用,話說蒙能喺8月中慘遭洗倉,8月18號股價急跌28%,得番3.5蚊,19號嗰日再跌,淨番3.1銀,當時市場傳出彤叔為撐蒙能,急 call好友入市,當然彤叔自己亦有親自出手,佢喺19號就以635萬銀,掃入200萬股蒙能,而魯掌櫃更連續幾日增持蒙能,將蒙能股價由低位三個幾,托 起反彈超過一倍,到上個禮拜三嘅8.95蚊。

賬面唔使輸

魯掌櫃入市撐蒙能,雖然使咗唔少錢,但由19號到家,蒙能由3.1蚊,升返到噚日5.65蚊,魯掌櫃賬面暫時睇落未使輸住,仲有大把本錢繼續再托股價!李華華電郵:LiWaWa@AppleDaily.com
中環 在線 蒙能 能跌 兩成 彤叔 掌櫃 告急 華華
PermaLink: https://articles.zkiz.com/?id=1996

中環在線:彤叔乖孫米蘭「獵艷」 李華華

彤叔乖孫、新世界百貨(825)執董鄭志剛(Adrian)下個禮拜會飛去意大利睇名牌。金牌運動員啱啱先嚟香港掃名牌,華華心諗,做得香港富豪第三代,要掃名牌梗係去米蘭啦,吓嘩!

香港頭炮唔衰得

不 過問多句,原來Adrian飛意大利係為檔生意。因為尖沙嘴河內道發展項目個商場K11由Adrian擔大旗,雖然佢喺內地負責過一啲項目,但呢個 project話晒係佢喺香港嘅處男作,自然想有好表現。Adrian噚日向傳媒介紹佢呢個項目嘅發展大計,記招之後,呢位水造嘅男人連灌兩杯水,跟住先 同大家講嘢。原來佢諗頭多多,話要搵啲有生活品味嘅租戶,又話宣傳要搞藝術提高文化,目的都係希望將個場打造成「精品式商場」,所以下個禮拜咪親自飛去意 大利同潛在租客斟生意囉。咁親力親為,可以話係2字頭嘅人辦,難怪阿爺咁錫佢!之但係,精品式酒店就聽得多啫,精品式商場即係點?Adrian解釋,就係 商場嘅品牌要有「lifestyle concept」(生活品味概念)、要有生活態度,佢最希望搵到啲有創造力兼領導市場嘅品牌,仲要係香港未出現過嘅新品牌,咁先畀到人新鮮感,所以佢會同 嚟自意大利及法國嘅品牌代表傾吓……果然有要求噃!

精品商場要揀客

除咗租戶要有態度、宣傳活動亦要有品味,一向鍾意藝術嘅 Adrian話,會安排本土藝術團體,喺個場度搞活動,實行將藝術融入購物文化咁話。咁高格調,怕唔怕同附近舊建築、購物點格格不入呢?佢就唔多擔心,話 新舊對照好吖,紐約都係咁。李華華電郵:LiWaWa@AppleDaily.com
中環 在線 彤叔 叔乖 乖孫 米蘭 獵艷 華華
PermaLink: https://articles.zkiz.com/?id=2004

中環在線:福布斯選最佳亞洲企業彤叔乖孫交足貨 李華華

2008-09-22  AppleDaily

過周末,《福布斯》公佈「200家最佳亞洲企業榜」,上榜包括自中、港、台華資上市公司,合共88家,佔個榜44%。個榜係按企業過去3年,營業額、盈利增長等選出,其中條件係過去1年營業額10億美金樓下(即78億港銀)。當中市值最大係阿里巴巴(1688),市值65.36億美元(509.8億港銀),雖然阿里巴巴股價唔生性,上個禮拜五市值得番407.7億港銀,但無損佢呢個榜市值一哥地位。至於盈利最高企業,係合景泰富(1813)。

理文李文俊踢出榜

華華留意到,香港有個富豪新一代入榜──彤叔鄭裕彤旗下新世界百貨(825)今年上榜,呢檔百貨雖然由阿仔鄭家純做主席,但近年都由乖孫鄭志剛(Adrian)擔大旗,今次佢都算交到成績畀阿爺睇。同人唔同命,同係新一代富豪李文俊,檔理文造紙(2314)就被踢出榜。據《福布斯》講,佢市值由上年30億美金(即234億港元),跌到得番5.88億美金(即45.86億港銀)。今年踢出榜,仲有上年營業額仲係6.93億美金、市值216.95億美金港交所(388)。美國金融企業巨無霸逐一檔,睇怕當地經濟有排衰。香港勝在背後仲有大陸頂住,一靠做內地生意上市公司,受影響反而冇咁大,有更加受惠北京奧運,好似李寧(2331)同內地運動服裝品牌鴻星爾克,都齊齊入榜。

福布斯200佳企業榜部份香港上市公司

‧港上市公司:李寧(2331)07年營業額:45‧港上市公司:合景泰富(1813)07年營業額:42‧港上市公司:信義玻璃(868)07年營業額:28‧港上市公司:阿里巴巴(1688)07年營業額:24‧港上市公司:稻香(573)07年營業額:21 ‧港上市公司:新世界百貨(825)07年營業額:10‧港上市公司:味千中國(538)07年營業額:9‧港上市公司:現代美容(919)07年營業額:8‧港上市公司:安東油田服務(3337)07年營業額:5單位:億港元電郵:LiWaWa@AppleDaily.com
中環 在線 福布斯 最佳 亞洲 企業 彤叔 叔乖 乖孫 孫交 交足 足貨 華華
PermaLink: https://articles.zkiz.com/?id=2274

中環在線:彤叔二孫終於有嘢做 李華華

2008-10-09  AppleDaily

噚 日新創建(659)公佈業績,華華記得今年3月新世界發展(017)嘅業績記招,台下坐咗個重要人物,今次梗要金睛火眼,『目及』實呢位重要人物有冇到 場,結果冇令華華失望,見到彤叔鄭裕彤第二個孫仔,亦即係彤叔長子嫡孫鄭志剛個細佬鄭志明(洋名Brian)。Brian今次由新創建執董、彤叔外孫杜家 駒陪住,同上次一樣好靜咁坐喺台下。華華記得上次見Brian時,佢只係入咗公司冇耐,仲係觀察同學習階段,未有具體嘢做,張卡片上只係寫「特別項目」經 理,今次再見面,梗要睇吓佢有冇進展。

當華華上前問Brian有嘢做未?佢好開心答話:「有喇!」仲即刻摷張卡片畀華華,原來係新卡片,「特別項目經理」 變咗「基建經理」。不過Brian都係怕醜,未有話畀華華知負責乜嘢基建項目囉。
中環 在線 彤叔 叔二 二孫 終於 華華
PermaLink: https://articles.zkiz.com/?id=2554

中環在線:彤叔乖孫撐人和逆市升 李華華

2008-10-23  AppleDaily

金 融海嘯之下,噚日再有一家公司逆境中成功上市,就係人和商業(1387)。好多人都知,新世界(017)旗下嘅新世界策略係人和第二大股東,所以噚日新世 界發展執董鄭志剛都有出席掛牌儀式,唔知係咪因為咁,隻股走勢一開始都唔錯,大跌市中股價一度逆流而上;不過第二大股東代表(即係鄭志剛囉)一走,股價就 腳軟,臨收市先再發力,最後高招股價4.4%。

人一走 股價跌

有經紀同華華講,雖然人和公開招股時只有672人認購,又喺跌 市日上市,但都冇話跌穿招股價,真係要多謝彤叔乖孫鄭志剛。噚日乖孫鄭仲當場唱好人和o忝。作為人和聯席全球協調人嘅中銀國際董事總經理凌瀚燊,就梗係唔 認同口痕經紀嘅講法啦,佢話新世界做股東對上市係有幫助,但最重要都係人和本身嘅業務夠「堅實」,而且好多機構投資者支持,雖然散戶出現公開認購不足情 況,但只係佔整個集資金額6.6%,唔太重要喎。
中環 在線 彤叔 叔乖 乖孫 孫撐 人和 逆市 華華
PermaLink: https://articles.zkiz.com/?id=2799

中環在線:彤叔外孫加薪1.6倍 李華華

2008-10-28  AppleDaily



鄭 裕彤外孫杜家駒都係新創建執董,08年加薪1.6倍,839萬銀;購股權福利佔一半,達420萬。但人工仲未追到老竇杜惠愷嘅1017萬銀,身兼副主席 兼執董嘅杜惠愷,今年薪酬升兩倍。杜家駒律師出身,03年主動提出,加入新創建幫外公彤叔同老竇手,05年12月晉升為執董。06年杜家駒收289萬銀人 工,第二年加薪11%至321萬銀;唔計420萬購股權福利,今年佢嘅實際人工係419萬,升幅三成,絕對跑贏通脹。家吓杜家駒主力負責新創建嘅港口、物 流同水務業務。
中環 在線 彤叔 外孫 加薪 1.6 華華
PermaLink: https://articles.zkiz.com/?id=2883

中環在線:彤叔攞獎鮑威爾、董建華撐場 李華華

2008-11-06  AppleDaily

噚 日中環金融圈熱門話題,梗離唔開花旗總統「變色」,奧巴馬當選新一任總統,不過,花旗前國務卿鮑威爾,竟然連總統大選都唔理,山長水遠飛嚟香港,出席灣仔 君悅酒店一個頒獎禮,究竟乜嘢事咁緊要?咪係為咗頒獎畀鄭裕彤囉,彤叔獲加拿大西安大略大學(University of Western Ontario)頒發傑出商界領袖獎。

長孫唔跟家族傳統

加拿大西安大略大學嘅Richard Ivey School of Business商學院香港分校,噚晚慶祝成立10周年晚會,仲頒咗個商業領袖獎畀彤叔,又專登搵嚟鮑威爾親自見證,都咪話唔巴閉。唔單止咁,大公子純官 鄭家純好識做,見老竇同前特首董建華老友鬼鬼,專登搵老董嚟幫老竇打氣,有個咁有心嘅公子,彤叔唔止攞晒彩,仲好窩心o忝。呢間西安大略大學因乜無端端畀 個獎彤叔呢?查實彤叔家族同呢間大學有深厚淵源,唔少鄭家成員都喺呢間大學畢業,純官同三妹鄭秀霞當年就係讀Richard Ivey商學院,二妹鄭麗霞同第三代接班人鄭志恒,即彤叔細仔鄭家成嘅大公子,亦係呢間大學嘅畢業生。不過,純官大仔鄭志剛就冇跟隨家族傳統,而係走咗去 花旗哈佛讀東亞研究文學。10年前西安大略大學喺香港開設分校,向校友籌募捐款,聽講當時彤叔都出咗唔少力,大開水喉射住幫助分校成立。彤叔家族上下咁撐 母校,母校又試問點會唔醒水回報,送個傑出商界領袖獎畀彤叔。李華華LiWaWa@AppleDaily.com
中環 在線 彤叔 鮑威爾 鮑威 董建華 撐場 華華
PermaLink: https://articles.zkiz.com/?id=3098

中環在線:彤叔潮look波鞋會股東 李華華


2008-12-03  AppleDaily


潮人配潮鞋,唔少後生仔屋企梗有一兩對潮款波鞋傍身,新世界發展(017)主席鄭裕彤噚日出席一年一度股東會,除咗西裝打呔配西褲呢個正常過正常嘅Look之外,佢仲腳踏花旗國一剔牌波鞋,黑身、黃邊配白底,非常搶眼。

自己買定有人送?

彤叔一到股東會場,行路健步如飛,進出開會場地加埋去廁所都非常敏捷,唔講都估唔到佢老人家已經年過80。睇番一剔牌嘅香港網頁,對鞋原來公開發售都未夠3 個禮拜,公價承惠港紙699銀,價錢相宜。據介紹,對鞋嘅特點係鞋身輕巧,加強前掌推進力,可以提升速度表現。啲網上討論區仲話,呢個系列嘅鞋舒適好着,鞋身透氣,唔怪得彤叔行得特別快,又特別開心啦。華華最想知道係,呢對新款波鞋究竟係彤叔自己買,定係邊位有心人送贈o架呢?

代言運動股有市場

國務院總理溫家寶喺四川地震災後,着住一對灰色NEW記波鞋跑遍災區山頭,宣傳效果仲好過畀幾億真銀簽個代言人。華華認為,祖國波鞋商再嚟香港上市,不如直接搵大孖沙入股兼做埋代言人,着住對波鞋走嚟走去,認購反應應該唔錯。

新年快到,問彤叔有乜新年願望,佢話希望股票起番晒,唔好咁多人失業,個個平平安安啦!大老闆咁講,新世界員工可以安心過年啦!
中環 在線 彤叔 叔潮 look 波鞋 股東 華華
PermaLink: https://articles.zkiz.com/?id=4331

中環在線:彤叔乖孫分工接棒 李華華

2009-01-14  AppleDaily


 

新世界發展(017)主席鄭裕彤上周被誤傳身體抱恙入院,搞到公司股價下跌,華華茶餘飯後同股市中人傾偈,大家都有一個疑問:彤叔畢竟已經83歲,對新世界嘅影響力有幾大呢?究竟有冇人可以接到班呢?

孫女負責酒店業務

其 實,彤叔近年已經陸續安排三位孫仔孫女喺新世界系內返工。大家最熟識嘅,係長子嫡孫鄭志剛(Adrian),佢07年負責分拆新世界百貨(825)上市, 之後負責埋新世界中國(917)。基本上,佢主力搞中港兩地百貨同地產生意。聽聞,Adrian二妹鄭志雯(Sonia)讀完書涉足過金融業,喺創投基金 華平投資做過一段時間。半年前,加入新世界負責酒店業務,難怪佢爸爸鄭家純上次公佈業績時提過,嚟緊睇吓酒店業有冇得大搞,原來想畀個女多啲發揮空間。三 弟鄭志明(Brian)舊年已經喺新創建(659)返工,負責基建業務。至於四弟Chris,聽講讀緊大學,即係話幾年後先出身。

三個孫仔洋名ABC排序

鄭家純四名子女,三位已經喺新世界系內,各就各位,假以時日,應該可以獨當一面,彤叔同純官真係唔使憂呀!吖,喺度要讚一吓純官,有冇留意佢三位公子,英文名係用A、B、C開頭呢,估唔到純官咁有諗頭。李華華LiWaWa@AppleDaily.com
中環 在線 彤叔 叔乖 乖孫 分工 接棒 華華
PermaLink: https://articles.zkiz.com/?id=5260

中環在線:彤叔嫡孫年底小登科 李華華


2009-01-23  AppleDaily


 

新 世界發展(017)主席鄭裕彤前排俾人誤傳佢抱恙入院,真係大吉利是。不過唔緊要,事關鄭家今年底將會有喜事──彤叔嫡孫鄭志剛(Adrian)噚日透 露,計劃今年11月同未婚妻拉埋天窗喇。Adrian舊年中已經同女友Jennifer Yu訂婚,噚日同傳媒行家食晏時,公佈今年底就會結婚,婚禮形式未定,但一定喺香港舉行,唔係灣仔會展就係君悅酒店,話晒係自己地頭嘛。佢哋舊年喺君悅搞 咗個casual嘅訂婚禮,結婚應該隆重好多啩!不過Adrian實在太忙,中港百貨、內地地產同私募基金都係歸佢負責,嚟緊仲要去歐、美同日本周圍睇投 資項目,所以佢話,結婚去邊度度蜜月都未諗好。前排市傳彤叔入院,當時佢身在北京,收到電郵即刻打電話落香港搵阿爺問清楚,先知係流料。
中環 在線 彤叔 嫡孫 年底 登科 華華
PermaLink: https://articles.zkiz.com/?id=5437

中環在線:黃偉常拉埋彤叔北上 李華華


2009-01-29  AppleDaily


 

俗 語話同行如敵國,之不過,世界上沒有永遠嘅敵人,自從03年CEPA落實後,幾間香江品牌嘅珠寶金飾公司揼本到大陸插旗,加埋開咗過千間零售店,有份飲頭 啖湯嘅六福集團(590)CEO黃偉常話,其實行內競爭對手都係好朋友,平時佢一搵到靚舖位,會叫埋彤叔嘅周大福,同埋周生生等行家,一齊開喺隔籬左右, 帶旺人流,實行齊齊北上搵真銀。今年香江零售業境況係好係壞冇人知,無論神州能否「保八」,話晒都叫做有增長啦,所以黃偉常話未來一年唔會改變大陸開店步 伐,每年差唔多開10間自營店,相信祖國可以容納上千間六福o忝(舊年9月底有384間零售店)﹗

六福CEO後繼有人

另外,黃偉常位公子黃浩龍,同埋千金黃蘭詩喺六福都打滾咗幾年,終於喺舊年「開學日」獲委任為執行董事,阿爸話希望啲仔女可以乜嘢都學吓,不過佢本人就冇諗住因為後繼有人而退休,打算學到老做到老喎!
中環 在線 黃偉 常拉 拉埋 埋彤 彤叔 北上 華華
PermaLink: https://articles.zkiz.com/?id=5561

中環在線: 恒大「畀面派對」 彤叔、大劉、張松橋現身 李華華

2009-10-20  AD





 

本 周四隻內房新股齊發,喺市場競逐資金異常激烈嘅情況下,要突圍而出,真係要考心思。噚日開始喺香港路演嘅恒大地產(3333),除咗係當中業務規模最大之 外,竟然能夠搵到一班城中大孖沙畀面現身推介午宴,仲做埋綠葉陪襯主人家恒大主席許家印影咗張大合照,氣勢認真先聲奪人。

彤叔:恒大減價更抵買

噚 日有份出席畀面午宴嘅大孖沙,可謂星光熠熠,有新世界發展(017)主席鄭裕彤(彤叔)、甚少喺公開場合露面嘅華人置業(127)主席劉鑾雄(大劉)、星 島新聞(1105)主席何柱國、長實(001)執行董事葉德銓、英皇集團主席楊受成、資本策略(497)主席鍾楚義、中渝置地(1224)主席張松橋、有 「殼王」之稱嘅陳國強、金利豐董事總經理朱李葉華等,總之排名不分先後。彤叔又再成為傳媒追訪對象,記者問佢點解買恒大(佢旗下周大福入股5000萬美元 作為基礎投資者),彤叔話「我鍾意買恒大」,皆因佢銷售額夠大,減價後更抵買。咁佢怕唔怕要坐艇?佢就回應話,「唔會啩」。李華華 LiWaWa@AppleDaily.com
 



中環 在線 畀面 派對 彤叔 叔、 大劉 、張 張松 松橋 現身 華華
PermaLink: https://articles.zkiz.com/?id=12219

新股首日破底兩老輸三千萬老虎仔累四叔彤叔 李華華

2010-10-12  AD




 

究竟係四叔(李 兆基)流年不利定係老虎仔(邱達昌)唔夠殺氣呢?老虎仔嘅麗悅(2266)噚日上市,Uncle輩嘅彤叔(鄭裕彤)同四叔都用咗行動去支持,分別豪掟1億 元認購,仲高調咁俾大家報道,希望引嚟名人效應,認真唔話得;可惜點撐細姪都無用,麗悅噚日全日無浮過上水面,老虎仔除咗報答唔到細叔伯知遇之恩,兼夾令 老人家坐艇,結果累埋兩老喺今年投資新股至今,係表現至差勁嘅一隻呢!

兩老今年最差新股投資

麗悅噚日全日潛水,最後 收$1.88,較招股價$2.2低成14.5%;即係話兩位叔父每人賬面蝕成1450萬蚊!一千幾百萬對兩老嚟講等如跌咗兩蚊,但面子事大嘛,難怪講到股 價表現,連老虎仔自己都話「好唔開心囉!」不過佢希望大家用長遠目光睇公司發展前景。

講番兩位叔父今年戰績,四叔除咗麗悅,已認講嘅仲有農 行(1288),動用資金約10億元,7月中上市至今升咗成28.4%,市場亦曾傳出佢會用1億美元入股金風(2208),呢隻股上星期掛牌至今亦升成 12.1%,傳聞佢入股嘅永暉(1733),上市至今,已較招股價潛水8.6% !彤叔方面,傳聞佢掟4000萬美金認講金風,升咗12.1%。唔通...彤叔先係股神?

李華華


新股 首日 破底 底兩 兩老 老輸 輸三 三千 千萬 老虎 仔累 累四 四叔 叔彤 彤叔 華華
PermaLink: https://articles.zkiz.com/?id=18580

中環在線:彤叔快做太爺四代同堂 李華華

2010-10-20  AD

假如華華呢排有機會見到新世界發展(017)主席彤叔,第一句一定唔係問「你捐幾多億俾政府個關愛基金呀?」而係「彤叔,恭喜你就快做太爺,四代同堂喎,粒曾孫幾時出世呀?會唔會請我食紅雞蛋呀?」

華華剛收到風,彤叔位長子嫡孫鄭志剛(Adrian),將會今年底升呢做爸爸!咁佢阿爺彤叔同阿爹鄭家純(純官),就分別升呢做太爺同阿爺,真係恭喜哂!。而華華更佩服係Adrain精力過人!

乖孫鄭志剛結婚未夠一年

唔係講笑,Adrian舊年11月先同Jennifer結婚,而過去呢11個月裏面,Adrian係不停咁周圍飛飛去睇實新世界同周大福生意,估唔到,佢生產大計絕無因而被拖跨!不過,就算咁大單喜事都好,一向低調Adrian繼續低調,尤其係唔想引傳媒追訪,影響太太安胎,所以成單無乜人知。

仲記得年過80彤叔,舊年Adrian結婚日,講到明想快抱曾孫,希望佢生夠一支足球隊咁話,咁Adrian今年31歲,Jennifer先至29歲,呢條生產線仲有大把capacity,一隊足球隊就可能誇,但係一麻雀應該毫無難度喇!

李華華

LiWaWa@AppleDaily.com

中環 在線 彤叔 叔快 快做 太爺 四代 同堂 華華
PermaLink: https://articles.zkiz.com/?id=18720

幫彤叔40年畀機會後輩新世界開國元老梁志堅榮休 李華華

2010-12-8  AD





 

家族式大型企 業,規模仲大到上市嗰隻,絕對係需要一個開國謀臣幫手打江山。香港老牌地產商新世界發展(017)嘅掌舵人─鄭裕彤(彤叔),咁多年東征西討,全靠背後有 個「殿堂級」嘅謀臣梁志堅(堅叔)幫忙。唔好搞錯,呢個唔係奸人堅,而係喺地產界打滾40幾年嘅老江湖,佢經驗老到,由新世界未上市,做到o依家集團市值 近600億,可謂功不可沒!不過呢位開國元老,噚日就宣佈明年退休嘞!

作風硬朗 紅灣一役經典

講到堅叔,人如其名,堅到 爆!佢70年代已經同彤叔打工,幫彤叔手建立新世界,雖然40年嘅青春就咁畀晒彤叔,但係睇住新世界一日一日長大,一定好有成就感同歸屬感。至於戰績喇 喎,新世界搞地產起家,堅叔既然係彤叔頭馬,又係公司參謀大臣,所有同土地有關嘅事,無論收購地皮、併購舊樓、官地拍賣、買賣現成物業,統統都關佢事。聽 聞89年落成嘅荃灣海濱花園塊地皮,就係當年堅叔親自飛去美國同油公司加德士傾返嚟嘅。而新世界唔少品牌豪宅,好似西半山學士臺、中半山嘉富麗苑、前身係 學校嘅俊傑花園等,都係佢一手打理。近年最經典嘅,就非04年新世界有份參建嘅紅磡紅灣半島(現稱海濱南岸)重建風波莫屬。當年,堅叔一句話「廁所(紅灣 半島)連大肚婆都入唔到去」一度成為城中佳話。近年政府諸多留難地產商,多多規條要地產商遵守,堅叔不時代表地產界出頭,狠批政府各樣花招,作風硬朗。

噚 日華華去新世界總部樓下等堅叔,佢話:「退休之後仍然係公司顧問,只係日常嘅工作唔跟,假期唔會返工。不過,一個星期仍然會返5至6日工,我個人喜歡返 工。」佢仲話:「喺新世界已經做咗40年,咁啱今年新世界又係40周年,我都覺得係時候(退休),其實公司法定退休年齡係70歲,我已經超過咗年幾,而公 司(業務)已經上軌道,亦都有好多人跟(工作),所以選擇退休。」

「o依家選擇退休冇乜特別嘢,我已經超過70歲,公司畀咗好多機會我,o依家係時候畀返啲機會後輩,等後輩上,而事實上公司工作量亦都好大,但係我仍然會每日返工,直至工作完全有人接手,arrange好啲嘢先告別,特別係joint venture嘅嘢會先交代清楚。」

至於顧問無任期,佢話:「我鍾意做到幾時就幾時。」佢仲話有同老闆傾過,彤叔話:「我都80幾歲,都未退休。」不過佢都尊重我嘅選擇。」而地產建設商會就因為就快遴選,「到時再睇吓大家意向,商會嗰邊唔成問題。」

李華華

LiWaWa@AppleDaily.com

 


幫彤 彤叔 40 年畀 機會 後輩 新世界 開國 元老 梁誌 誌堅 堅榮 榮休 華華
PermaLink: https://articles.zkiz.com/?id=20084

中環在線:彤叔幾粒孫幫手睇生意 李華華

2010-12-8  AD





 

早兩三年,香港 十大富豪之一嘅彤叔,就已經着手將幾粒未夠30歲嘅孫仔、孫女,逐個逐個擺入自己嘅事業王國。其中,長子嫡孫鄭志剛孭最重飛,身兼新世界發展(017)、 新世界中國(917)、新世界百貨(825)執行董事之餘,仲有份睇埋周大福,暫時領先佢啲細佬妹同堂細佬。

佢細佬鄭志明同細妹鄭志雯有咩 搞作?前者喺新創建(659)做執行董事,後者就負責睇新世界啲酒店業務。而由鄭家誠所出嘅鄭志恒,暫時就主力負責打理周大福。彤叔幾粒孫,除咗幫阿爺手 打理屋企生意,相對好多富豪二代,佢哋都比較定性,好似鄭志剛咁,舊年已經拉埋天窗,仲聽聞好快會做人爸爸o忝,彤叔就快四代同堂喇!


中環 在線 彤叔 叔幾 幾粒 粒孫 幫手 生意 華華
PermaLink: https://articles.zkiz.com/?id=20085

中環在線--彤叔:有大事堅叔要出手 李華華

2010-12-9  AD




 

噚日同大家八完「堅叔」梁志堅榮休之後,好多老友問華華,「彤叔」鄭裕彤自己都未退休,點解咁快就放堅叔走呢?呢啲咁高層次嘅問題,試問華華邊有資格代答呢?梗係打返畀堅叔個老闆彤叔,等佢自己答喇!

彤叔一開口就話:「佢(堅叔)係一個不可多得嘅人才,好唔捨得,畢竟大家一齊喺商場打拼咗幾十年……」明嘅明嘅,足足40年喎,堅叔似彤叔個影,又似彤叔嘅左右手,冇堅叔喺身邊,彤叔都應該要啲時間適應吓嘅。

「佢係不可多得嘅人才」

但唔捨得還唔捨得,彤叔最後都好理性接受現實。「我尊重佢自己嘅意願,佢做咗咁多年,係享受人生嘅時候……希望佢真係要好好哋過退休生活,休息吓!」但彤叔你仲留住堅叔做顧問喎,咁咪等於叫人退而不休?有啲矛盾,彤叔又點解釋呢?

「做MD(董事總經理)無時無刻都要掛住做嘢,o依家就係重要時刻先大顯身手。」咁又係呀,新世界發展(017)上上下下都知堅叔係工作狂,仲要係返咗工唔識放工嗰種,佢本字典裏面係冇「放假」呢兩個字o架!

就憑彤叔用好肯定嘅語氣講出以上呢一句,華華相信,堅叔畀咗彤叔嘅40年青春(唔好意思,係光陰至真),係冇白費嘅。唔計金錢嘅回報,淨係佢喺彤叔心目中嘅地位就已經值喇!之不過,華華有啲疑惑……到底咩先叫重要時刻呀彤叔?

李華華

LiWaWa@AppleDaily.com


中環 在線 彤叔 大事 堅叔 叔要 出手 華華
PermaLink: https://articles.zkiz.com/?id=20086

中環在線:彤叔乖孫入福和董事局 李華華


2011-1-5  AD




 

新世界發展(017)主席鄭裕彤嘅私人公司周大福,年中投資唔少新股同股票,但係認真到搵乖孫鄭志明(圖)坐入董事局嘅,近排可能只有福和集團(923)。

福 和係內地最大嘅廢紙管理同環保生活用紙生產商,舊年4月上市,招股價2.3蚊。周大福就喺10月用8.79億入股福和大約15%,每股作價2.4蚊。市場 當時都覺得奇怪,點解福和上市幾個月先至引入周大福做策略股東,而周大福又願意拎接近9億出嚟,睇嚟應該都幾睇好間公司啩。

福和前日宣佈,委任鄭志明做非執行董事。鄭志明今年28歲,早幾年加入新世界集團,主要打理新創建(659)。今次佢代表彤叔入福和董事局,幫手睇住吓,可見彤叔幾咁重視福和!


中環 在線 彤叔 叔乖 乖孫 孫入 福和 董事局 董事 華華
PermaLink: https://articles.zkiz.com/?id=21076

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019