ZKIZ Archives


背負小三之名六年 忽現小四黃宇詩戀失婚男:視佢終身伴侶

1 : GS(14)@2017-04-04 08:55:58

■黃宇詩於2011年被爆戀上人夫Peter,其後女方斬纜,至大前年二人被影到拍拖睇戲。資料圖片



現年41歲的黃宇詩近年淡出幕前,轉戰賣內衣,2011年被指戀上人夫彭慶餘,當時她表示會與對方斷交,至大前年二人被影到拍拖,她才大方認戀失婚男,但強調感情發展在男方離婚後。昨日有周刊影到黃宇詩與男友拍拖,又以小三變正印形容她,黃宇詩接受本報訪問作出反駁,又表明已視男友為終身伴侶。



黃宇詩前日剛度過41歲生日,一向低調處理感情事的她,當年與鋼琴王子陳雋騫的短暫情緣,由開始到結束都甚少提及,直至2011年,她被本報影到與有兩女一子的測量公司董事兼人夫彭慶餘(Peter),拍拖買餸玩煮飯仔,即被懷疑當小三奪人夫,其後她公開表示會跟Peter斷交免誤會。不過,黃宇詩與Peter大前年再被影到拍拖睇戲,她終不避嫌公開認戀失婚男,表示與Peter拍拖兩年,強調與男友開始發展時,對方已經是單身,她亦知道男友有三子女。昨日有周刊報道指黃宇詩與男友在赤柱十指緊扣拍拖,形容她由小三變正印,她接受本報訪問時作出終極反駁,表明與男友雖未有結婚計劃,但已視對方為終身伴侶。



■2014年黃宇詩在Ig貼相,公開認戀Peter。資料圖片

■Peter與前妻育有兩女一子,離婚時小女兒只有一歲多。資料圖片

■黃宇詩昨在內衣店接受本報訪問時,反駁周刊指與男友Peter拍拖時,對方已與前妻分開一年。攝影:沈健程

「我哋光明正大」

對於再被形容為小三,黃宇詩昨日在位於上環PMQ元創方的內衣店接受本報訪問:「首先我唔係小三,冇需要負上莫須有罪名,我哋大概2010年認識,Peter喺2011年分居,同年年尾佢對我展開追求,後來被《蘋果》影到,我都有拒絕過,再慎重考慮過,約2012年先同佢正式開始。我冇問過佢幾時正式離婚,但知佢幾年前,法庭判咗佢哋正式離婚,咁多年嚟我都係光明正大,唔使避忌,我唔係小三,唔想負上莫須有罪名。」黃宇詩又嘆謂:「佢幾年前離咗婚,我哋光明正大,唔應該攞嚟再講,今次澄清得咁徹底,大家會知道晒所有嘢。但最唔開心係連我過身嘅爹哋(黃霑),都要摷番出嚟講,佢過咗身影響唔到佢啦,但真係唔想再影響到我媽咪(華娃),唔好拖我父母落水,呢個係我自己嘅事,我係好愧疚。」



■黃宇詩是黃霑與華娃所生的女兒,二人感情要好。

前妻:被迫離婚

談到Peter前妻陳小姐昨日回覆本報時,指當年是被迫離婚,以及贍養費及補償是「冇得到任何嘢。」黃宇詩說:「我冇問,但照我知唔係得唔到。」Peter可有照顧三名子女,每月有否給錢前妻?黃宇詩先點頭,然後說:「係,好肯定!」但對於陳小姐指是被迫離婚,黃宇詩則表示不知道。對於Peter用另一位陳女士登記車輛代步,疑似有小四,黃宇詩對男友充滿信心:「唔係,我係知咁多,嗰位女士我見過同識,咁講好黐線,總之係普通好朋友。」採訪:黃曉妍、嵐山、陳杰




來源: http://hk.apple.nextmedia.com/entertainment/art/20170404/19979142
背負 小三 之名 六年 忽現 現小 小四 四黃 黃宇 宇詩 詩戀 戀失 失婚 婚男 視佢 終身 伴侶
PermaLink: https://articles.zkiz.com/?id=329042

黃宇詩遭男友前妻責小三

1 : GS(14)@2017-04-06 07:41:35

■黃宇詩2011年被拍到與人夫Peter去街,背負小三之名。資料圖片



黃宇詩2011年被指戀上人夫、公司董事彭慶餘(Peter),大前日她受訪時否認是第三者,堅稱跟Peter發展時,對方是單身。不過,Peter前妻陳小姐同日接受本報訪問時,自稱是被迫離婚,並出示離婚書,反駁黃宇詩非第三者的說法。根據離婚書上顯示,Peter於2011年單方面申請離婚,法庭判決兩人2014年8月4日正式離婚。而黃宇詩聲稱跟Peter2012年正式交往,所以當時Peter未與陳小姐真正撇清夫妻關係。前日Peter前妻陳小姐接受本報訪問,揶揄黃宇詩善忘:「有圖有真相,事實勝於雄辯。之前我承受好大壓力,小朋友又細,怕對佢哋造成好大影響,每次傳媒影到佢哋拍拖,我哋都被傷害一次,我哋四母子唔係圈中人,想低調啲。不過今次講咗,好似解開心結一樣,個人都輕鬆咗。」採訪:陳杰




來源: http://hk.apple.nextmedia.com/entertainment/art/20170406/19981069
黃宇 宇詩 詩遭 男友 前妻 責小 小三
PermaLink: https://articles.zkiz.com/?id=329421

黃宇詩冇打算生B

1 : GS(14)@2017-04-29 23:41:43

黃宇詩昨日在柴灣錄影ViuTV節目《晚吹:總有一件喺左近》,她表示工作遇到難題,會詢問測量師董事男友Peter意見,提到他們的感情,她表示很穩定,早前被指是小三,又指Peter被迫離婚兼沒有給贍養費,宇詩都一頭霧水,之後她有問男友了解事件,至於會否考慮結婚生B?她說:「冇打算,我安於現狀,可能突然結都唔定,小朋友佢本身都有幾個。」難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170429/20005152
黃宇 宇詩 詩冇 打算
PermaLink: https://articles.zkiz.com/?id=331965

遭男友前妻上電視數臭黃宇詩哭訴受困擾 堅拒分手

1 : GS(14)@2017-05-28 10:38:14

■黃宇詩大前年等到男友Peter辦妥離婚手續,但二人未有結婚打算。資料圖片



黃霑跟前妻華娃生的41歲女兒黃宇詩,11年低調與人夫兼公司董事彭慶餘(Peter)發展地下情,Peter大前年辦妥離婚,兩人光明正大拍拖。Peter前妻陳小姐曾申訴被迫離婚,近日更接受無綫新節目《關你家事》訪問,爆seed講婚變始末。黃宇詩昨直認受困擾落淚,但決不會分手。



黃宇詩與Peter於11年被爆地下情,當時男方仍未辦妥離婚手續,Peter大前年才回復自由身,其前妻陳小姐卻要母兼父職照顧兩女一子,近日接受下月5日首播的無綫節目《關你家事》訪問,數臭黃宇詩。陳小姐表示答應接受節目訪問,是有感現今婚外情問題嚴重,希望以過來人身份分享自己的故事。她昨又在周刊訪問中哭訴離婚的辛酸,並用「第三者」形容黃宇詩。陳小姐憶述19歲奉子成婚,婚後當全職主婦,直認被第三者介入前,婚姻已亮紅燈。她當年為挽救家庭,與Peter一同報讀人生課程,想不到造就機會讓男方認識了同學黃宇詩。



■黃宇詩昨日在社交網貼新相自我鼓勵,充滿正能量。互聯網圖片

■黃宇詩把全副精神用來打理內衣店。資料圖片


前妻曾患抑鬱

Peter暗撻黃宇詩,甚至不讓陳小姐出席他們的小組聚會。陳小姐大爆曾發現Peter跟黃宇詩玩FaceTime,但當見到她行近即cut線。陳小姐又指第三者在對話中嗌Peter做「BB」,令她不能接受,並指黃宇詩的母親華娃當年因林燕妮介入而離婚,其實黃宇詩母女都是受害者,萬料不到黃宇詩也做第三者破壞別人家庭。陳小姐表示那段時間很痛苦,當時幼女只得歲半,婚變打擊令她終日以淚洗面,更患了抑鬱,甚至曾萌輕生念頭。被迫離婚的陳小姐早前曾向本報出示離婚書,反駁黃宇詩自稱並非第三者的時序。根據離婚書上顯示,陳小姐和Peter於98年9月28日結婚,男方於11年單方面申請離婚,法庭判決兩人大前年8月4日正式離婚。陳小姐去年做義工結交了新男友,子女都支持媽咪覓第二春,她不排除再婚,昨在電話中說:「我都想再擁有家庭。」並有感積壓4年的心結已解開,是否已除去離婚陰影?她說:「過晒。」問到她會怎形容那段黑暗期,她說:「係經歷,置諸死地而後生,我要活得比你好。」



■黃宇詩的爸爸黃霑當年雖因第三者拋棄家庭,但父女關係很好。

■黃宇詩指媽咪華娃很好,沒有因今次事件找她。資料圖片


沒和男友同居

黃宇詩昨在電話訪問中直認受困擾,並為事件喊過:「好down,唔想再講。」其母是否很擔心?黃宇詩說:「媽咪好好,冇搵過我。」對於陳小姐上電視爆大鑊,她無奈說:「係佢自由。」和Peter是否有結婚打算?她說:「冇。」據知陳小姐和Peter育有的18歲長女和17歲二子近年轉隨爸爸生活,只有7歲幼女跟媽咪相依為命。三父女同住,黃宇詩未有與Peter同居,黃宇詩說:「從來都唔係。」並透露每年只見Peter的子女一、兩次。有指陳小姐仍獲前奶奶力撐,黃宇詩說:「見過佢媽咪,唔想講咁多。」會否因壓力分手?她肯定地答:「唔會囉!」採訪:楊定、嵐山


■Peter與前妻陳小姐曾努力挽救婚姻,可惜失敗。

■最近上電視受訪數臭黃宇詩的陳小姐已解開心結。

■Peter前妻陳小姐跟前奶奶關係很好,不時帶子女前往探望。



來源: http://hk.apple.nextmedia.com/entertainment/art/20170528/20036075
男友 前妻 電視 數臭 臭黃 黃宇 宇詩 哭訴 困擾 堅拒 分手
PermaLink: https://articles.zkiz.com/?id=334320

黃霑為林燕妮離婚Peter前妻:點解黃宇詩要做第三者

1 : GS(14)@2017-05-28 10:38:14

黃宇詩再度因為與Peter彭慶餘的戀情成為新聞人物,皆因Peter前妻Cady接受無綫新節目之邀出任嘉賓,以過來人身份親述婚變之痛,稱是希望鼓勵同樣受此問題困擾的人主動求助。
Cady在昨日出版之周刊訪問中,表示黃宇詩的母親華娃是因為第三者林燕妮介入致離婚,既然本身都是受害者,萬料不到最後黃宇詩也做了第三者破壞別人家庭。Cady更稱,因為黃宇詩的介入,更萌輕生之意。其實今年四月,黃宇詩再成為新聞人物時,其父黃霑的情史再被重提。當年黃霑與華娃仍未離婚,但卻與林燕妮交往。林燕妮亦承認,與黃霑一齊八年之後,男方仍未與離婚。但最後陪著黃霑的,卻是林燕妮當年親自聘用的Winnie。04年黃霑離世,林燕妮未獲邀出席喪禮,當時她接受訪問時,指Winnie是第三者,又指對方多年來刻意扮低調云云。報道一出,霑叔紅顏知己白韻琹即為Winnie抱不平:「呢個女人好唔聰明,呢個時候數落霑叔同佢摯愛係唔應該,對Winnie好唔公平!有知識嘅人都知Winnie對霑叔嘅愛護,呢個女人永遠做唔到!」父母舊事因為自己而被重提,令黃宇詩深感內疚。她當時接受《蘋果》電話訪問時,重申並非第三者,稱同Peter一齊時,男方已同前妻分開大概一年。「最唔開心係連我過身嘅Daddy(黃霑),都要摷番出嚟講佢以前啲嘢,佢過咗身影響唔到佢啦,但真係唔想再影響到我媽咪(華娃),唔好拖我父母落水,呢個係我自己嘅事,我係好愧疚嘅,因為呢件事又再講我Daddy媽咪以前嘅事情,我係好唔開心。」




來源: http://hk.apple.nextmedia.com/entertainment/art/20170528/20036503
黃霑 霑為 林燕妮 離婚 Peter 前妻 點解 解黃 黃宇 宇詩 詩要 要做 第三者
PermaLink: https://articles.zkiz.com/?id=334324

《關你家事》過份渲染接投訴黃宇詩遭男友前妻爆喊公審

1 : GS(14)@2017-06-16 01:47:48

■彭慶餘前妻Cady在前晚播出的節目《關你家事》,重提第三者介入婚姻。互聯網圖片



黃宇詩被指搭上人夫測量公司董事彭慶餘(Peter),事件擾攘多年,於3年前,Peter和前妻Cady正式離婚,事件告一段落。但最近無綫的清談節目《關你家事》找來Cady舊事重提,前晚8號風球播出該集,錄得有17點平均收視,約110萬人次收看。



■Cady提到婚變,一度激動落淚。互聯網圖片

■黃宇詩於2011年被指搭上人夫測量公司董事彭慶餘。資料圖片


主持態度誇張

其實《關你家事》播出以來,已收到共16宗投訴,而前晚的一集,通訊事務管理局接獲共3宗投訴,主要投訴內容指該節目渲染負面訊息、刻意醜化社會某部份人、不滿把家庭問題放上電視公審、主持態度誇張失實、節目以送獎品鼓勵觀眾作出評論的做法令人反感。今集節目主題「小三危機」,雖然隻字不提黃宇詩和Peter名字,但是模擬片段中,重點提及第三者是公眾人物,矛頭直指黃宇詩。當Cady講述跟前夫的關係轉變,直指是有小三出現:「一隻掌拍唔響,經濟、溝通、處理小朋友上,都有問題。」Cady憶述當時在一個課程上,察覺到前夫和小三有感情進展,至於怎樣證實二人出軌,Cady激動爆喊說:「新聞出囉,報紙出囉。」、「雖然唔係拖手,點解咁多個唔影會影你哋呢?咁多巧合、咁多次。」


「始終要有新聞」

該集《關你家事》提到Cady半年前跟一位男士拍拖,模擬片段指Cady口中的小三,向傳媒舊事重提,將Cady照片公開,影響她的生活。Cady說:「作為一位藝人,始終要有新聞,好嘅消息係新聞,壞嘅消息係新聞。」而Cady提及在婚變期間,男方堅持要搬走,一對仔女給予支持,令她感到安慰,當時Cady亦不禁流淚。本報聯絡Cady對節目播出有何回應?她昨日以短訊回覆:「沒有。」而多年來被指是第三者的黃宇詩,透過Whatsapp表示:「不回應。」採訪:嵐山、陳杰




來源: http://hk.apple.nextmedia.com/entertainment/art/20170614/20054801
你家 過份 渲染 投訴 黃宇 宇詩 詩遭 男友 前妻 爆喊 公審
PermaLink: https://articles.zkiz.com/?id=335454

寸完黃宇詩炒作《關你家事》Cady喊住向女道歉

1 : GS(14)@2017-06-16 01:58:47

大台節目《關你家事》,顧名思義將人哋啲家事擺上枱,再畀啲現場觀眾、專家,甚至主持人嚟「參與」畀意見,但正所謂「清官難審家庭事」,節目截至9號下晝5點,通訊局已經收到共16宗投訴。日前節目搵嚟Cady——即係黃宇詩男友彭慶餘(Peter)前妻,上節目講第三者呢個話題,Cady講到聲淚俱下咁,話自己發現老公有第三者,有嘗試去溝通,仲話最擔心婚變會影響到自己三個仔女。然後到咗「最緊要」嘅谷淚時間,主持人問Cady知唔知個大女想點,話原來大女最想Cady同前夫可以平心靜氣坐低傾,唔好一見面就嗌交,Cady聽完眼濕濕咁話好少父母會同仔女道歉,最後佢就流住兩行眼淚咁望住鏡頭向個女道歉。




來源: http://hk.apple.nextmedia.com/entertainment/art/20170615/20056363
寸完 完黃 黃宇 宇詩 炒作 你家 Cady 喊住 住向 向女 道歉
PermaLink: https://articles.zkiz.com/?id=335588

甜蜜撐枱腳 前後腳返香閨黃宇詩拖男友睇床上用品

1 : GS(14)@2017-07-09 03:55:26

【放工合體】■黃宇詩日前在上環放工後,孖男友Peter行街拍拖。





【上環→銅鑼灣→中環】現年41歲的黃宇詩和測量公司董事彭慶餘(Peter)拍拖多年,惟男友前妻早前上電視控訴遭「小三」破壞婚姻,雖然飽受千夫所指,黃宇詩的日子還要繼續過。日前她返位於上環元創坊的內衣店睇舖,直至晚上8時許才關門離去,原來男友已駕駛Benz在樓下等收工,兩人甜蜜享受拍拖生活,沒受是非新聞影響心情。當晚黃宇詩與Peter到了一間越南餐廳撐枱腳,醫飽肚後由女方埋單,之後兩人到銅鑼灣行宜家傢俬,甫入店即拿購物袋預備大肆採購,他們先去試坐梳化討論一番,又攞資料單張慢慢研究,跟着轉戰床上用品部,對每類東西都似乎好有興趣,似乎有意想裝修愛巢。最後他們買了毛巾等日用品離開,由Peter駕車返抵黃宇詩位於中環蘇豪區一棟唐樓,惟兩人卻前後腳上樓,似乎十分避忌。



1.【擦越南菜】■黃宇詩與Peter先到一間越南餐廳醫肚。

2.【試摸被鋪】■入到宜家傢俬,黃宇詩到床上用品部選購,又伸手摸床單被鋪。DV圖片

3.【返上唐樓】■Peter和黃宇詩前後腳返女方的唐樓寓所。


舖頭添新品

日前記者致電黃宇詩,對於拖男友試床上用品和梳化,她說:「其實我哋係去試吓啲梳化,唔係真係買,主要因為新舖想睇吓有乜嘢可以添置,純粹係一個娛樂咁啫。」問到為甚麼要前後腳上香閨?黃宇詩解釋:「我哋係咁㗎,一直都係我行先,唔等佢,喺IKEA冇前後腳呀,都係拖住。」


「?家穩定」

黃宇詩否認跟男友同居,強調未有此打算:「其實都係正常拍拖,冇乜特別。」對於早前被男友前妻指控是小三,問到有否影響跟男友感情?黃宇詩無奈說:「係囉,之前嗰啲過去咗唔講咁多。?家開心嘅,穩定囉。」男友是否有安慰支持?她說:「大家支持大家,多謝你哋關心,我都唔想講咁多感情嘢。」採訪、攝影:黃曉程、梁繼光




來源: http://hk.apple.nextmedia.com/entertainment/art/20170707/20081219
甜蜜 前後 腳返 香閨 黃宇 宇詩 詩拖 男友 床上 用品
PermaLink: https://articles.zkiz.com/?id=338616

【動畫】黃宇詩遭鬧爆化妝師陳文輝:黃霑個女又點

1 : GS(14)@2017-07-09 03:55:27

現年41歲的黃宇詩,賣bra之前,曾挾黃霑女兒之名加入無綫,而且日子不短。佢有份參演嘅劇集,好似係《再生緣》較為人熟悉,其餘時間主力做主持工作,包括頒獎禮同《都市閒情》。在未嫁前的黃宇詩,主持了《都市閒情》8年,又做過《全線大搜查》,但唔係筍工,亦冇可能爆騷,因為一個禮拜開得一兩日工,一個月賺多幾千蚊。黃宇詩曾表示「不是沒有試過拍監製門,但冇用。」佢假假地都係加拿大卑詩大學畢業,主修亞洲研究,副修戲劇,又是名人之後,但在那個時刻,明顯無用武之地。而大家嗌佢都仲係「霑叔個女」、「黃霑個女」,但做黃霑個女唔一定有著數。02年黃宇詩就「成功見報」,因為被當年無綫首席化妝師陳文輝公開狂鬧。嗰陣黃宇詩做緊《全線大搜查》主持,一次佢自己落手化妝,企喺佢側邊嘅陳文輝突然嘈到拆天:「你做乜自己化妝,化到一撻撻,你睇吓自己似咩呀……我依家同你講緊嘢,你仲唔企起身!」嚇到黃宇詩即時成個彈起身。當時鬧足五分鐘嘅輝哥意猶未盡,仲即時問黃宇詩個藝員編號,然後打畀藝員科高層投訴。當知道黃宇詩係黃霑嗰女,輝哥更嬲,加多幾錢肉緊繼續鬧:「黃霑個女又點呀!黃霑咁有修養,但係生個女咁冇家教……。」事後黃宇詩被問及此事,佢只能夠話「其實係小事」,將成件事攬晒上身。




來源: http://hk.apple.nextmedia.com/entertainment/art/20170707/20081645
動畫 黃宇 宇詩 詩遭 遭鬧 鬧爆 化妝師 化妝 陳文 黃霑 霑個 個女 女又 又點
PermaLink: https://articles.zkiz.com/?id=338617

為哄黃宇詩開心霑叔欠債千萬仍帶女兒上福臨門

1 : GS(14)@2017-07-09 03:55:27

黃霑曾說黃宇詩是上天給他的恩賜,他最難忘是午夜拖着女兒的手,在深水灣漫步。後來宇詩跟母親華娃移居加拿大,大部份時間霑叔與女兒都是靠傳真及書信聯繫。90年黃霑因投資電影及股票失利,散盡家財,欠債數千萬。黃宇詩憶述16歲那年聖誕,從加拿大返港住兩星期。黃宇詩:「佢唔會吝嗇,周身債都買紮花俾我,帶我去福臨門食飯。嗰時佢好瘦好憔悴。我當時知道,只可以讀好啲書,去氹佢開心。」




來源: http://hk.apple.nextmedia.com/entertainment/art/20170707/20081477
為哄 哄黃 黃宇 宇詩 開心 霑叔 欠債 千萬 萬仍 仍帶 女兒 上福 臨門
PermaLink: https://articles.zkiz.com/?id=338618

【《蘋果》專訪】Bra店發大黃宇詩服務乳癌患者

1 : GS(14)@2017-08-04 06:36:19

黃宇詩記得多年前曾經分享,其父黃霑從小教導,她要每天進步,哪怕只是一點點,看來女兒黃宇詩真的做到了。5年前一手創辦內衣品牌me Me& ME,最初是以網店形式經營,由設計、製作以至零售,都是她一腳踢,她由毫無胸圍知識,經過嘗試和挫敗,阿詩點滴在心頭:「當初做網店真係唔容易,係有經歷低潮,但冇諗過放棄,維持嘅成本低,蝕嘅只係自己時間,賺咗數據。我哋要fit得好好,唔容許離罩,香港人習慣睇實物,做網店好困難。」


了解唔同胸型

品牌首兩年是網店,之後在元創方扎根,經過5年默默耕耘,今年進軍銅鑼灣設樓上舖,阿詩說:「網店同客人嘅距離好遠,雖然有客幫襯,但始終要試身,我哋唔係free size,所以實體店一定要,有咗實體店之後好唔同,我每日都會做fitting(度身),每日都會了解唔同女仔嘅胸型同size,嗰3年係好寶貴,真係覺得自己嘅產品係做到。」由網店演變為實體店,經營上最難是人手管理,習慣自己思考的阿詩認為自己並非管理人才,她說:「明白咗然後要解釋畀人聽係最大嘅學問,點樣令同事明白你嘅理念係困難嘅。」



■對於胸圍的要求,黃宇詩一絲不苟,堅持做一個合適的胸圍給客人。

■阿詩認為公司最值錢,莫過於能為客人做獨一無二屬於自己的胸圍。


設計改良產品

做生意,可以好機械化,但黃宇詩以人為先,在客人身上尋找更多靈感,她說:「做生意最困難,莫過於研製新產品,有個做咗乳癌切割手術嘅客人,搵唔到啱自己嘅bra,我哋就為佢研製,做資料搜集,產品改良,例如患乳癌嘅女仔,做唔到伸手到背後嘅動作,可能會痛,所以改良做前扣。」阿詩希望明年到美國做資料搜集,尋找更完善的生產方案。採訪:張俊銘攝影:陳俊強




來源: http://hk.apple.nextmedia.com/entertainment/art/20170804/20110674
蘋果 專訪 Bra 店發 大黃 宇詩 服務 乳癌 患者
PermaLink: https://articles.zkiz.com/?id=339673

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019