ZKIZ Archives


廿四孝老竇做司機學友哼住歌 接細女放學

1 : GS(14)@2016-02-08 03:00:11

【親自接送】■張學友前日下晝5點鐘,包到冚喺擺花街等細女放學。








【中環】今年張學友同羅美薇踏入結婚20周年,二人先後育有15歲大女張瑤華同10歲細女張瑤萱。向來好注重家庭同私隱嘅學友夫婦,多年嚟為咗保護愛女,甚少一家四口高調出巡,以至兩女極少曝光,細女樣貌更係從未俾傳媒影過。近排學友除咗忙宣傳新戲,原來佢亦趁空檔,每日做柴可夫接女兒返學同放學。前日下晝5點,記者發現駕駛着黑色Range Rover嘅學友,頭戴cap帽面戴口罩,包到冚喺中環擺花街現身。而一直坐喺車廂入面聽着headphone嘅學友,嘴郁郁似哼住歌。其間曾經有途人向學友座駕行注目禮,但坐喺車入面嘅學友依然氣定神閒耐心等候。



【步行上車】■張學友細女張瑤萱(右)上車之前由一個中年女人帶住。DV圖片

【五官標致】■只得10歲嘅張瑤萱,同媽咪羅美薇有幾分相似。DV圖片


■張學友同羅美薇一向注重家庭同私隱,甚少全家高調出巡。資料圖片

五官標致似媽咪

學友足足等咗25分鐘,着上學校運動服嘅細女張瑤萱,就由一個中年女人帶住步行上車。現場所見,呢位從未曝過光嘅張家二小姐,雖然今年只得10歲,但已長得亭亭玉立,眼大鼻高,標致五官仲有幾分似媽咪羅美薇。佢臨上車前,好眼利咁望到記者影相,於是即刻快速縮入車廂。學友曾講過因為自己太錫囡囡,搞到屋企多咗兩個公主:「佢哋連洗衣機都唔識開,將啲衫拋到周地都係,我仲要幫佢執,真係自作自受,我都有份寵佢哋,我教女好渣!」其實兩個女兒有廿四孝爸爸照顧周到,就算做公主又何妨?採訪、攝影:梁繼光、黃曉程





來源: http://hk.apple.nextmedia.com/entertainment/art/20160205/19479978
廿四 四孝 孝老 老竇 竇做 司機 學友 哼住 住歌 接細 細女 放學
PermaLink: https://articles.zkiz.com/?id=295409

【飲食籽】廿四孝老竇因女之名 新蒲崗串燒店滿載溫馨

1 : GS(14)@2017-10-29 23:39:32

爸B燒創辦人黃景洋(阿洋)與女兒。



【飲食籽:識飲惜食】「我叫阿洋,是新蒲崗一間串燒店的老闆,至今開了四個月。」新蒲崗是工業區,區內不少藍、白領,亦不乏餐廳。而「爸B燒」創辦人黃景洋(阿洋)的目標,不單是開一家串燒店,而是希望把整條街打造成消夜街。「消夜街望落競爭較大,其實不是一件壞事。就像波鞋街,整條街賣波鞋,還是可以做得下去。」阿洋道。每到晚上,這條街就會熱鬧起來,是附近上班族的「搵食勝地」。



「讀完書以後,做了12年廚房,當時已經積極部署開店。以前曾經主攻西餐,做過中菜,亦在澳洲的日本餐廳工作過。」阿洋開店不是一時衝動,多年經驗練得一身好廚藝,確立了開店的決心。他曾在慈雲山開過串燒外賣小店。當時店舖只有80呎,他一邊工作、一邊研究不同菜式。「都是心口抱着個勇字。」阿洋笑說。除了實現小時候的夢想,女兒亦是他開店的動力。阿洋看上去年紀不大,原來已經有一個女兒,舖頭名字是為愛女而改。「為何會叫『爸B燒』呢?女兒出生,我成為了爸爸,加上英文名也是叫『Bar B Q』,有BBQ的意思。」新店主打串燒,其中「爸B豬仔髀」更是他得意之作。「這間店為了我女兒開,看見女兒大髀很像豬仔,就決定將菜式叫『爸B豬仔髀』。」成為父親,阿洋肩上責任重了,為了女兒,他毫無怨言地堅持着。看着女兒和店舖一齊成長,他也感到很滿足。店舖特意安排在女兒滿月當日開張,象徵着實現兒時夢想、承擔長大後責任,在同一天開始。



香茅燒雞全翼,每串$14。

爸B豬仔髀,每隻$22。

燒茄子,每條$28。


泰式生菜包,每份$52。


主打晚市消夜時段 川味串燒+泰國菜殺出重圍

初開張時有做午市。「當時每日做17小時,沒有放假,不斷工作,一天只睡3小時,鐵人也累倒。」自覺分身不暇,加上母親提醒,阿洋決定重整計劃,主打晚市及消夜。「每一樣菜式都是用心去做的,找最新鮮的食材。」他在菜式上有不少想法,推出受港人歡迎的港、川味串燒外,亦加入泰式串燒及泰國菜。生菜包中的米碎由他親自調味、烘乾、打磨成碎,吃下去味道一流,口感不錯。另一菜式古法燒鰂魚亦有學問,要將魚清洗處理後雪藏兩小時,才能做到鰂魚不連皮、肉汁豐富鮮美的效果。「自己認為好食的菜未必是好,客人吃清光、給予讚賞才是好的菜式。」阿洋滿足地說。



古法燒鰂魚,每條$98。

阿洋選用最新鮮的食材,望客人吃清光。

串燒即叫即燒,風味十足。


店內裝潢以工業風作主調,有別於一般的串燒店。

阿洋很疼愛女兒,連店名也是為了她而改的。

爸B燒新蒲崗富源街19號地舖



採訪:溫曉華、歐陽嘉傑@Foodcaptain.hk攝影:徐振國編輯:陳慧玲




來源: https://hk.lifestyle.appledaily. ... e/20171024/20192100
飲食 廿四 四孝 孝老 老竇 竇因 因女 之名 新蒲 蒲崗 串燒 滿載 溫馨
PermaLink: https://articles.zkiz.com/?id=343357

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019