ZKIZ Archives


【動畫】嚴父鞭策下文武雙全校園不公反成就希拉莉政途

1 : GS(14)@2016-11-10 07:39:34

希拉莉自小已是校園的優異生,大學時十分關心社會,領導學生運動,難怪有同學當時已預期,她或會成為首位美國女總統。她小學和初中是就讀公立學校,參加很多課外活動。她跟男生組隊打棒球,但初時投球也要爸爸教,爸爸認為男生做到得,希拉莉也做得到。希拉莉成績優秀,且是女童軍,拿過很多獎項。不過她的爸爸是個嚴父,反而指是學校不濟,才顯得希拉莉聰明,藉此激起希拉莉更加努力。高中時,希拉莉選學生會會長落敗。同學指純粹因為她是女生,覺得她做不到大事,亦為她日後致力爭取男女平權埋下伏線。希拉莉1965年入讀麻省名校衞斯理女子學院讀政治學,初時她是校內共和黨組織會長,不久越戰爆發,加上黑人民權運動,令她漸漸改變立場,三年級轉投美國民主黨。同年馬丁路德金被刺殺,當時是學生組織領袖的希拉莉,發起持續兩日的學生示威,亦向學校爭取要多聘請黑人老師和加收黑人學生。畢業後希拉莉升讀耶魯大學法律博士,二年級涉獵研究兒童發展,兼當義工幫窮人提供免費法律意見。之後選擇了一間立場偏左、支持民權運動的律師行當實習生。畢業後正式成為律師,再一步步踏上政壇之路。綜合報導緊貼選情即睇【美國大選】專頁:
http://hk.apple.nextmedia.com/uselection2016




來源: http://hk.apple.nextmedia.com/international/art/20161109/19828021
動畫 嚴父 鞭策 文武 雙全 校園 不公 成就 希拉 莉政 政途
PermaLink: https://articles.zkiz.com/?id=314681

【add時尚】打理家族生意兩難羅雪儀讚羅傑承嚴父

1 : GS(14)@2017-04-13 00:24:08

■自小唱合唱團的Cherry愛唱K,其K歌playlist廣泛,但最愛是身後的Coldplay舊歌《Fix You》。



羅傑承近年轉戰飲食生意,大女羅雪儀(Cherry)按部就班接手中。Cherry返到公司,要面對平時風趣的爸爸變身成為嚴謹的「老闆」,捱鬧兼交足貨已有心理準備,作為太子女面向同事,自言要做到200分,亦要做到開門有生意,並不是有「父幹」就會成功。採訪:梁錦雯攝影:林德雄羅傑承於92年投資拍攝的電影《家有囍事》,成為不少港人賀歲片的集體回憶,近年他轉搞足球隊、音樂會,又成立bma餐飲管理,現在逐步交給大女羅雪儀與二女羅欣儀(Gloria)接手。大女Cherry加入公司六年,由Catering officer從低做起,現在已晉升到管理層,出任執行董事一職。Cherry日前接受專訪,見她外形個子瘦削,聲線柔弱,與父親同日出世的她屬雙子座,有典型的動靜皆宜性格,她的Ig,可以見到不時去滑雪、攀石、行溪澗、跳瀑布等相片,相當好動。



■羅傑承與大女Cherry同月同日出生,齊齊切蛋糕慶祝生日。

■Cherry對自己要求二百分。


學日人嚴謹

未返家族打理生意前,Cherry已儲下工作經驗,她大學時在瑞士修讀酒店管理,18歲到了海景嘉福酒店實習,在廚房學整點心、做樓面和接待員等,「好記得當時做緊海鮮節,好多殼,不停咁行嚟行去收碟。第一份糧有2,500蚊,記得拎咗去請屋企人食晏,因為冇咁貴。」到第二年去了澳門星際酒店做人力資源,畢業後再留瑞士學法文,走去咖啡店做侍應驚落錯單試過避客人。回流返港前,Cherry再去日本大阪酒店工作一年多,認識到日本人嚴謹文化,「嗰種認真想像唔到,紮辮紮得好整齊,每日check絲襪、唇膏顏色,指定鞋款,好似學校咁。上司未放工,你都唔可以放工,我做嗰間酒店每年都有皇室嚟住,要戴晒白手套唔可以正視望等禮儀。」儲了數年實戰營運經驗,Cherry決定返屋企幫手打理餐飲生意,「爸爸同我講,『做嘢係好現實,唔會因為你係邊一個人個女就有生意,客人始終有選擇。」提到打理家族生意的兩難時,Cherry坦言:「爸爸好嚴厲,佢係一個生意人,睇人好準,比其他人更加了解我長處,好嘅係大家好信任大家,有磨擦大家都好明白,我會有建議,但唔係個個都會buy。」身為大女打理家族生意,Cherry認為有更大責任,「人哋要求做100分,我要求自己做到200分。」



■Cherry一星期要去餐廳試食三日。

■Red MR有不少party house主題房,打破黑漆漆的K房格局。


諗辦法留客

Cherry都算贏在起跑線,對於時下富二代常被批評成功須「父幹」,她表示:「我覺得自己幸運嘅,因為可以睇多少少唔同嘅嘢,細個有機會成日去旅行,不過我相信呢個世界好現實,冇捷徑,好似做餐廳,唔好食、冇gimmick,啲人係唔會嚟,呢度啲客人鍾意唔鍾意,好簡單,佢唔返嚟就代表唔鍾意。」



■三歲時的Cherry玩氣球一臉滿足。

■(左起)Cherry為羅家的老大,與老二Gloria、三弟Kenny及孻妹Eily感情要好。

更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170412/19987334
add 時尚 打理 家族 生意 兩難 羅雪 雪儀 儀讚 羅傑 嚴父
PermaLink: https://articles.zkiz.com/?id=330295

嚴父上身愛俾女圍

1 : GS(14)@2017-05-13 01:56:22

■已是兩女之父的陳曉東,十分愛錫老婆及一對女兒。微博圖片



陳曉東大前年與來自台灣、當時任職護士的王妤嫻結婚,現在與兩個女兒,一家四口定居北京,東東自言喜歡待在家給三個女人「圍」。問可會擔心成為「非常外父」?他說:「自己只係陪伴佢哋長大,之後嘅路佢自己揀。」但東東自言有一些硬指標一定要女兒遵守:「要學琴、跳舞,因為可以培養氣質,入唔入行冇所謂。」



■東東指會定家規,不准囡囡去男友家過夜。

東東否認是非常外父,但又即嚴父上身說:「我只會同佢講,個肚得三次機會,玩殘咗就以後唔使生!唔通我去問個男仔,你哋係咪真愛咩?」此外,東東還有一條家規,就是拍拖不可以帶男友回家,亦不可以去男友家過夜,他說:「如果男仔擺明唔好,會用我方法話佢知!」




來源: http://hk.apple.nextmedia.com/entertainment/art/20170512/20018490
嚴父 上身 愛俾 俾女 女圍
PermaLink: https://articles.zkiz.com/?id=332601


ZKIZ Archives @ 2019