ZKIZ Archives


中環在線:「小股東」咬住新地唔放 李華華


2009-01-13  AppleDaily


 

新鴻基地產(016)小股東真係好緊張新地嘅企業管治問題。繼上星期三有人以「新地小股東」名義喺報章登廣告,寫咗封公開信畀新地董事局,要求公開企業管治檢討報告後,噚日再登廣告,要求4位新地獨立非執董跟進單嘢,並再次促請新地董事局公開份報告。

促公開企管檢討報告

點 解小股東咁鍥而不捨?事緣前主席郭炳湘舊年質疑新地嘅招標同買地程序,新地跟住搵會計師行做企業管治檢討,執行董事黃奕鑑上月喺股東會後主動話,個報告做 好嘞,公司企管冇問題咁話。呢位好有心嘅新地小股東,上周三首次喺報章登廣告,要求新地公開份報告後,新地只做咗個簡單回應,基本上冇理佢。於是佢再登多 次廣告。今次新地直情唔回應o忝,話唔再評論。唉,農曆新年就快到,唔知單嘢要拖幾耐呢?
中環 在線 股東 咬住 住新 新地 地唔 唔放 華華
PermaLink: https://articles.zkiz.com/?id=5256

中環在線:瑞銀咬住利豐唔放再出報告插一刀指投資者失望 李華華


2011-6-30 AD




 

寃寃相報到底何時了,UBS瑞銀大戰利豐(494)到底幾時完?

瑞銀分析員梁裕昌Spencer早排出報告,插利豐兼叫人沽利豐,罕有地令向來低調嘅利豐即刻還手兼還口,喺聯交所出通告反駁兼搞壇大龍鳳策略日同分析員解話。

股價應聲跌3%

策略日上利豐仲號稱有5單收購嚟緊,真情剖白打動咗好多大行分析員輪流出報告「挺豐」,但似乎瑞銀同Spencer真係不為所動,噚日竟然再出招突擊!

噚日嗰份新鮮熱辣嘅報告話,「部份大型供應商考慮離開會拖累產品質素」,去到最後附錄嘅Q&A,再插多一刀「投資者對管理層冇直接回答問題感到失望……」,而佢哋畀利豐嘅目標價繼續係得9蚊!

相比起瑞銀第一次狠插利豐嗰份報告,話「併購表現如果唔達標,反而可帶來豐厚嘅非現金賬面收益」同「併購模式無法持續……」,呢份報告嘅殺傷力都唔輕。

噚日,利豐股價就應聲跌咗3%,收$15.78!

「瑞豐鬥」唔知幾時完

雙方拳來腳往到底發生咩事,相信只有佢哋自己至知,而照o依家最新嘅發展嚟睇,瑞銀應該係咬住利豐唔放,而利豐又應該諗緊計還手,咁搞落去,呢單「瑞豐鬥」分分鐘長命過娛樂版嘅「鋒芝變」都唔定呢!

李華華


中環 在線 瑞銀 咬住 利豐 唔放 放再 再出 報告 插一 一刀 刀指 投資者 投資 失望 華華
PermaLink: https://articles.zkiz.com/?id=26014

咬住唔放黃國強黃偉強

2014-11-20  NM
 
 

 

香港電視的開台劇《選戰》,予人諸多幻想:香港人終於可以一人一票選特首,而且是有競爭、有選擇那種。香港第一個女特首,是李心潔,而非林鄭或葉劉。公仔箱本應是個夢工場。做這場春秋大夢的,有兩兄弟。大哥黃國強是總導演,細佬黃偉強是編審。兩人自小電視撈飯,八九年齊齊加入TVB。大台深似海,一編一導廿多年來從沒相遇,直至跳槽到港視,《選戰》是他倆首度合作。「TVB無論拍醫生律師飛機師,都係同一個tone:輕輕鬆鬆鄧梓峰。我哋(港視)成日強調,套劇要講乜?要咬住嚟講,唔放過佢。」黃偉強話,李心潔老公有小三之類的枝節,不會在劇中出現。咬住唔放,本來就是《選戰》的命運。劇本早在去年九月完成,但到十月,港視便失落免費電視牌照。隨之而來是裁員、未啟動的製作全部煞停。及後王維基以流動電視將港視借屍還魂,再失敗,《選戰》的命運亦隨之而起落。但黃國強誓不低頭:「一次又一次turn down。只不過係我死唔斷氣,成日都走去chur王生。《選戰》個古仔搞咗咁耐,冇理由一疊紙咁擺喺度。」香港人那場選戰也爭取了多年,若佔領過後沒成事,誰又會心息?

港視搞公投,《選戰》以超過十萬票成為開台劇。劇情設定在二○二二年,屆時香港變成怎樣,誰也說不上,但創作人至少能規劃公仔箱內的世界。黃偉強筆下的《選戰》是一則預言:「今日唔知聽日事。不如就以現時的大趨勢做遊戲規則。」他眼中的「大趨勢」很灰:香港人可以一人一票選特首,但提名委員會仍有四大界別,候選人要取得過半數支持,方能出閘,「戲劇上,如果已經有個好完善的選舉,其實冇咁好睇。喺一個咁有限制、咁唔公平——呀,唔好咁講……」偉強陷入劇透邊緣,由國強補上:「係艱難重重。」「喺咁嘅情況下,(李心潔)都爭取到一個位置,大家相信佢有機會改變政局。」第一集講述二○一七年有大事發生,令李心潔投身政壇,並於五年後突破篩選,取得特首選舉的入場券,與廖啟智對壘。他倆本非政治動物,「搞政治」純為填補市場缺口。英美日韓均有政治劇。連中共高層王岐山都要追看《House of Cards》、小日本又有木村拓哉在《Change》中扮首相,唯獨華語世界一片荒涼。三年前,黃偉強任職壹電視,看見台灣總統選舉波譎雲詭,正籌備把它寫成劇本:「可惜公司好快收咗檔。」那邊廂,黃國強剛剛加入了香港電視,狼豬之戰正打得火熱,「不如講政府內部的權鬥,像《West Wing》之類?」兩兄弟一拍即合,卻發現立法會和政府總部的場面難以用實景拍攝,遂把戰線畫在選舉上:「唐營、梁營日日喺報紙上都有古仔,咪當電視劇嚟做。」黃偉強從台灣撤退後,曾反攻大陸,轉投北京一間製作公司。一年後回歸本土,只為心中那一場《選戰》:「除咗王維基,又有邊個肯拍?」

田雞

二人首先要惡補政治。「做咗廿幾年創作,點會接觸到政治題材?好多嘢都係由《選戰》開始。」黃偉強在TVB寫過《烈火雄心2》,但不同的制服,骨子裡都是兩幫男女在溝來溝去。跳出離地的廠景,他有新發現:「其實我都係咁愚昧,今次先知道要幾多提名(特首候選人)先入到閘。」「唔只你,美術組做一件道具,都搞清咗啲嘢。」黃國強說。李心潔的選舉辦公室有一幅提委會的「成分表」,羅列了各個界別的勢力範圍,「佢哋做落先知道漁農界佔咁多票,哈哈。」黃偉強自詡「有少少政治盲」,忽然發現自己是隻熟到快甩皮的田雞,「原來喺分組點票下,代議士根本唔可以循正常途徑反映我哋嘅聲音,我明白班友點解要掟蕉。唔拉布,又可以做啲乜?冇。知道咗,唉,咪感慨囉。」他把這感慨轉化成對白,成了預告片中鏗鏘的一句:「公民抗命,竟然講到變成顛覆政府。因為我哋嘅政府、我哋嘅立法會,被一班爛人把持住。」《選戰》既然教育了劇組上下,出街後難保不會感化牛頭角的順嫂們。這才是港視不獲發牌的最大理由。

死咬

去年十月十五日,黃國強如常跟王維基開會。秘書中途告知:「開記招啦喎。」大家才望向電視。政府宣布港視不獲發牌,全場鴉雀無聲。當時他的另一套劇集《歲月樓情》剛好煞科,看着同事陸續被遣散,他仍未想到作品若不能出街,會留在倉底腐爛,還是怎樣,「我淨係問『點解』。原來你幾條友喺行政會議嘅決定,唔話得俾人知點解?」黃偉強亦寫完了《選戰》的劇本,「老闆講過,啟動咗嘅劇本會照拍。成班人用咗半年時間去寫,都係成本。」其後,王維基宣布港視改為提供流動電視服務。到今年一月,又被指會觸犯《廣播條例》,啟播無期,所有劇本正式宣布死亡。但黃國強日哦夜哦,終於獲王維基首肯。一向堅拒與中央對着幹的王老闆,是因為發牌無望,故意挑戰政治題材?「我覺得又唔係『盡地一煲』,佢本身都鍾意個劇本。開得成,第一,係我應承佢要喺budget內完成;第二係因為李心潔願意接拍。」兄弟倆都覺得李心潔柔弱得來有一團火,不作他選。但剛剛扑槌,又爆出離奇過選戰的枝節:李心潔丈夫偷食斷正、小三的爸爸開槍殺人再自殺。「開頭都擔心佢應付唔到。但開鏡前佢來香港,一坐低,十五集都做好晒筆記。」

《選戰》終於在七月底開鏡,拍了三個月。其間雨傘運動遍地開花,超出了黃偉強的預期,「冇講點收科,當時連佔中點發生都未知。」但劇中仍會提及一四年秋天的那場革命。往年六四、七一,他偶爾會跟朋友去「圍威喂」,「行完出年又嚟過,究竟有乜意思呢?」所以他落旺角支持佔領,「見到啲學生,我真係覺得,原來係要咬住唔放,先有一線機會。」現實黯淡,但二人心存盼望。黃偉強說:「我哋塑造一個香港人認同的、第一個女特首,就等同製造希望。」黃國強和應:「我哋比較樂觀,這可能只係基於一個信仰,我講唔到任何理由俾你聽。」「因為知道(香港)有問題的,唔係得我同你。既然咁多人仲肯去做嘢,其實一定行到,就算樂觀都好正常吖?」

審查

正如港視和《選戰》可以無限復活,香港應該未死得。王維基聲稱開台前已收到八位數字的廣告費,但與每集一百萬的拍攝成本相比,仍有一段距離。「我諗係《選戰》啫,其他應該OK。」黃國強以為廣告商在商言商:「香港是個理性的地方。多人睇,多曝光,不就是多人會買你個節目?」但自動歸邊的人多的是。另一邊廂,騰訊已獲得港視的獨家播放權,悉數購入港視所有節目。「我都想問,大陸係咪會睇到《選戰》?」「每集要剪幾多呢?如果要河蟹,就十五集都唔使播。」他倆有一籃子疑問。在騰訊搜尋「佔中」,只會得出《環球時報》的負面報導;搜尋「六四+天安門」,則有「六十四年來天安門毛主席畫像的N個版本」。《選戰》被「國有化」,大有機會要留給馬化騰獨自欣賞。正因為「理性」,才有自我審查這回事。選舉少不了中聯辦的份兒。王維基對此的態度是:「冇必要唔寫,既然係大家都知道嘅嘢。」但經過發牌事件,黃國強有感港視惹火,「除咗滿足我哋嘅創作、令套戲好睇,都要考慮到公司嘅情況。我哋唔知會有咩影響。」黃偉強接上:「成個項目都已經放任咗你,收斂少少係責任。」「開頭我哋直頭想唔講中央。但又覺得實在太過……」「失真。」「寫得好subtle,唔會落重墨啦。」劇中會有中聯辦要員的角色?「唔……你要自己睇,我哋用咗一啲戲劇方法去處理呢個人物。」「但我唔認為咁係『自我空間收窄』。如果你本住良心都係咁決定,OK。但如果基於利益,係另外一回事。」

1137

三年前,王維基在半島酒店咖啡室,拿着TVB近年最高收視劇集的工作人員名單,逐個約見,兄弟二人都沒有即時過檔。黃國強考慮了十天:「我都幾傻,用咗好多角度去研究。一百萬一集拍唔拍到? 嗰陣我已經做budget。」當時他拍的《法證先鋒Ⅲ》剛出街,收視不俗。某日跑步時他忽然問自己:「唔試過點知唔得?」至於黃偉強,則選擇了向北京靠攏:「王生口才好好。但佢愈吹,我愈驚。」一年後,還是因為《選戰》而回歸。如今《選戰》終於出街,他倆的疑慮亦已釋除。為了清洗TVB的餘毒,王維基曾叫整個劇組停工,齊齊睇美劇。「冰姐(港視行政總裁杜惠冰)見到我哋成班人坐喺度,話:呢度好多錢。」黃國強心想:「呢個老闆真係癲嘅。」王維基又愛到拍攝現場「探班」:「由朝坐到晚,但佢唔係齋睇咁簡單。個衰嘢蠱蠱惑惑,第二日叫咗我入房,問咗好多嘢。」由鏡頭如何處理,以至行內的專有名詞,每事問。「呢種學習精神真係好黐線。」到黃偉強加入時,王維基已經不再外行:「佢由燈光、布景、演員各方面,竟然都可以與部門的人溝通。我喺TVB咁耐,都冇一個上司,可以了解到咁。」

九二八那天,黃國強在金鐘吃了催淚彈。眼淚鼻涕一齊來之際,竟收到公司來電,說攝製隊會出動,記錄歷史性時刻備用,要他指揮云云。接近午夜,老闆急call:「開槍啦,你仲唔走?」「我入到政總門口了。」「仲去政總?行遠啲,拍wide shot咪算。」「好啦好啦。」收線後繼續開工。數日後,他與攝製隊去了旺角,港鐵站上蓋早已針插不入,「我哋冇做開新聞,唔多識走位,有好位都俾人霸咗。」但群眾得悉他們來自港視,都自動讓路:「佢哋話,如果係TVB我就撐番你落去。好好笑!」其實單看股價走勢,已知民心所向。自今年以來,港視命運懸而未決,股價仍升了近百分之十六;TVB繼續一台獨大,卻跌了百分之二十六。黃國強也曾經持有港視股票,「總之就蝕咗啦。」黃偉強也呻笨:「但公司條路太崎嶇了。老闆我哋精神上支持佢。」黃國強更正:「我哋係身體力行支持佢。」

咬住 住唔 唔放 放黃 國強 黃偉
PermaLink: https://articles.zkiz.com/?id=120408

JJ攬實樊少皇唔放

1 : GS(14)@2012-08-24 11:51:08

http://hk.apple.nextmedia.com/entertainment/art/20120824/16630397
賈曉晨與沈震軒上月分手後,火速搭上二線打星樊少皇,不過二人拍拖一個月,樊少皇即被踢爆原來早有妻兒,他十多年前跟女友陳少霞結婚,生下一對子女,現時大女15歲,細仔10歲。樊少皇前日在微博承認自己有一對子女,但強調從沒跟孩子母親結婚,又堅稱自己四年前已跟孩子母親分手,力洗 JJ小三之名。不過,據悉樊少皇跟陳少霞雖無夫妻之名,但有夫妻之實,二人十多年來從沒分開,直至樊少皇結識了 JJ後才拋妻棄子。由於樊少皇一直向 JJ隱瞞有妻兒一事,令她無端端背上小三之名。
2 : drbull(3010)@2012-08-24 17:34:34

JJ而家講嘅野同佢喺電話訪問講嘅野好唔同
一開始講到好似比人呃咁
而家就話一早知道樊生嘅事,既然係咁,一開始點解唔講?

對佢好失望
3 : 自動波人(1313)@2012-08-24 18:06:58

我想攬實JJ唔放smiley
4 : 太平天下(1234)@2012-08-24 22:38:23

JJ TVB drama 係睇得出比以前老左...3張了..儘管依然是索的,但真係2張果陣時有分別
5 : GS(14)@2012-08-25 00:07:00

4樓提及
JJ TVB drama 係睇得出比以前老左...3張了..儘管依然是索的,但真係2張果陣時有分別


JJ 成熟左...但是成熟的味道唔同左,無咁靚模...之前好靚模
6 : 自動波人(1313)@2012-08-25 01:03:13

講野又正左,完全無姑味
7 : GS(14)@2012-08-25 01:17:25

6樓提及
講野又正左,完全無姑味


升左值
8 : 自動波人(1313)@2012-08-25 01:22:21

好配服佢,廣東話好難學
反而一大堆abc BBC cbc真係唔掂
9 : GS(14)@2012-08-25 01:24:26

講到一舊舊咁唉
JJ 攬實 實樊 樊少 少皇 皇唔 唔放
PermaLink: https://articles.zkiz.com/?id=281231

【飲食籽】咬春 咬住唔放喜迎春

1 : GS(14)@2016-02-04 17:25:50

立春有咬春習俗,即吃春卷,其中福建春卷皮薄、餡料豐富,被視為春卷之冠。兩條$26


【飲食籽:廿四節氣】立春,立即始建也,有開始之意,亦是農曆二十四個節氣的開端,代表春回大地、萬物重生。古人以務農為主,立春之日會大事「迎春」,乃中國最隆重的傳統活動。據說在周代,立春前三日,周天子便要開始齋戒,待到立春當日,親率文武百官到郊外迎春,祈求來年豐收。


老闆阿珠是廈門人,從家鄉運來特製春卷皮,地道得很。


以往人們講究在立春時分要「咬春」,「咬」即是吃的意思,當日有吃春餅(現稱春卷)的習俗,取牢牢咬住春天的意思。嚼一嚼春,滿口清香,留住春天的暖意及愛意。已故食家江獻珠曾在專欄寫道,福建春卷乃春卷之冠,皮薄如紙,餡料講究,切工精細。因工夫繁多,全港只有少數地方提供,位於土瓜灣的廈門風味阿珠小吃店是其一。老闆駱寶珠是廈門人,專程從家鄉帶來特製春卷皮,它和一般春卷皮不同,白色的、薄薄的,有點像潮州小吃糖葱餅的外皮,但少了一點煙韌。福建春卷餡料豐富,當地家庭都有不同配方,隨意配搭,阿珠的配方則由媽媽傳授,約有十款材料,蠔仔、荷蘭豆及紅蘿蔔等,要逐樣切絲切粒,分別炒好,再拌勻調味。「每逢過年過節我們都吃春卷,自己吃自己包,在春卷皮撒上海苔、芫荽、花生糖粉,再抹點辣椒醬後,便滿滿地放上餡料。」立春吃春卷這個習俗,仍在中國北方地區盛行。古時立春還有一項特別活動,名為「打春」。在漢朝時代,會用泥塑立土牛及耕人,並將其打碎,象徵春天來臨,取鞭策老牛下地耕田的催耕之意。另有民間傳說,據說在立春當日可以把雞蛋豎起,代表一年行好運,何解?「春」即雞蛋,立起雞蛋,不就立春了嗎。





福建春卷材料豐福,寓意財富豐盛,多有豆乾、蠔仔、肉碎、椰菜、筍絲、蒜仔、紅蘿蔔絲及荷蘭豆。

包上餡料前,會先放上海苔、芫荽、花生糖粉,再抹上辣椒醬。





廈門風味阿珠小吃店土瓜灣美景街44號安福大廈



記者:何嘉茵攝影:劉永發編輯:陳國棟美術:孔文彬





來源: http://hk.apple.nextmedia.com/su ... t/20160204/19477723
飲食 咬春 咬住 住唔 唔放 喜迎春 喜迎
PermaLink: https://articles.zkiz.com/?id=295303

【動畫】疑被撬牆腳兼咒到病乳癌女劏閨蜜扯腸唔放

1 : GS(14)@2016-11-13 11:32:29

「女人心,海底針」,這句話有幾真?山東濟南一名女子與閨蜜發生金錢糾紛,再加上自己患乳癌,又懷疑對方與男友有染,竟持刀斧上門,在閨蜜肚上捅開一道幾十厘米的傷口,導致腸子外露。情緒激動的她居然還狠狠抓着閨蜜的腸,不肯鬆手,警員要強行把她的手鬆開。行兇女子姓柴,濟南市長清區張夏鎮人,今年46歲。受害人則姓薛,43歲。警方指,柴女與薛女是閨蜜,兩人於14年至15年一起經商,其間柴女認為薛女賺了錢,但她卻虧損了七、八萬(人民幣‧下同),於是懷恨在心,並曾多次上門找薛女討錢。另外,柴女又因于姓男友與單身的薛女有來往,懷疑二人有染。柴女指,今年初確診有乳癌,但上月19日晚,她到薛女家門口偷聽到她在打電話,內容提及「要上西天」,令她懷疑薛女詛咒她,萌生殺死薛女的想法。上月30日下午,薛女準備出門辦事,柴女拿着刀衝上去捅向她肚子。有路過鄰居幫忙奪下柴女手中的刀。但柴女又從手袋裡掏出斧頭,朝薛女劈去。鄰居怕受傷,即跑下樓報警。兩女扭打,從三樓打到二樓。警員到場時,被柴女壓着的薛女大叫「肚子,肚子」,原來薛女的肚被劏開,柴女竟抓着她的腸!警員趁柴女不注意時,奪下斧頭,惟她仍緊抓腸子不放,警員只好用棍頂她的腰,才得以掰開她的手。薛女的腸被扯出一大堆,非常惡心。昏迷的薛女隨後被送院救治,醫生指她頭上有4處傷口,身上的傷口較多,且腹部傷口長達十幾厘米,腸子有破裂,目前已脫離生命危險。柴女已被依法刑事拘留,此案正在進一步調查中。《齊魯晚報》




來源: http://hk.apple.nextmedia.com/international/art/20161113/19832366
動畫 疑被 被撬 牆腳 兼咒 咒到 到病 乳癌 閨蜜 蜜扯 扯腸 腸唔 唔放
PermaLink: https://articles.zkiz.com/?id=315308

艾維樂宣佈選紐約市長拉攏亞裔咬實白思豪唔放

1 : GS(14)@2016-12-21 23:41:56

紐約市資深議員艾維樂(Tony Avella)宣佈,競逐明年民主黨黨內初選,爭取成為11月紐約市市長選舉候選人。艾維樂競選宣言大打「中產牌」,包括要求為房產稅漲幅設定上限,又抨擊現任市長白思豪隨意安置流浪者做法,獲得不少華裔市民站台支持。駐紐約記者:鄭柏齡現為紐約州參議員、今年65歲的艾維樂宣佈,角逐明年民主黨初選,以爭取成為下任紐約市市長候選人。任內積極參與流浪者庇護中心問題的艾維樂,特意挑選皇后區一間被用作收容流浪者的酒店Holiday Inn Express Queens Maspeth外,朗讀其競選宣言。該酒店早前被紐約市政府租下,把部份房間收容流浪者,引起社區極大反對聲音。艾維樂在記者會上,大力抨擊現任紐約市市長白思豪處理流浪者做法,「隨便把他們(流浪者)拋棄(dumping)在酒店、汽車旅館內,完全沒有地區諮詢參與,也沒有長期政策支援」。他續指,白思豪2014年上任後,紐約流浪者數量創歷史以來最多,居民住屋負擔亦愈來愈重,皆為他成為市長後首要處理任務。艾維樂舉例一旦當選,將設定房產稅每年2%漲幅限制,同時取消現時「一刀切」徵稅政策,為各類房型訂出不同房產稅稅率,以降低中產家庭負擔。他又建議為市內水費及排污費設上限,推動法案扶持中小企業等。長期在移居聚居的皇后區工作的艾維樂,獲不少亞裔居民如華人、印度裔、韓裔等市民站台支持,但未見重量級政客。由香港移民紐約多年的黃友興,認為艾維樂關心華人權益,聽到艾維樂有意參選市長後,自發跨區為其站台打氣,「艾維樂不是我們地區的議員,但他是社區福利委員會成員,經常提寫法案、撥經費予全市,凡事皆親力親為」。「聯合艾姆赫斯特」(United Elmhurst)主管朱亞薇,過去兩年為地區流浪者庇護中心問題發聲。她表示,艾維樂是其中一位熱心處理流浪者問題的紐約州議員,「他不像其他議員只為選票工作;就算不是自己的選區,他(艾維樂)認為對的就會去做」。除艾維樂外,現時已表態參與下屆紐約市市長初選的民主黨人還包括前紐約市議員Sal Albanese、商人Bo Dietl、社區人士Josh Thompson,以及爭取連任的白思豪。曾於2009年參與市長初選鍛羽而歸的艾維樂,則對自己勝算充滿信心,「看看市民對白思豪的不滿程度,我覺得自已很有機會」。




來源: http://hk.apple.nextmedia.com/international/art/20161221/19872599
艾維 宣佈 紐約 市長 拉攏 亞裔 咬實 實白 白思 思豪 豪唔 唔放
PermaLink: https://articles.zkiz.com/?id=319661

【今日笑一笑】喵星人坐電單車 驚到抓住唔放

1 : GS(14)@2016-12-30 02:57:23

雖然傳說指貓有9條命,但若果讓貓坐電單車尾座,毫無安全帶固定下,多多命也不夠賠呢!
Instagram用戶animalsshot分享一段貓貓坐電單車的片段,片中貓貓看來毫無懼色,坐在電單車後座,零安全措施下,只靠兩隻前爪捉緊主人的上衣,在馬路上風馳電掣。貓貓不時在左右張望,似乎想從主人背後,偷看前方馬路情況。有網友說雖然片中貓貓乖乖地坐在尾座,看得出牠頗信任主人,但這做法危險,絕不應鼓勵。
Instagram




來源: http://hk.apple.nextmedia.com/international/art/20161229/19880452
今日 笑一 一笑 喵星 星人 人坐 坐電 單車 驚到 抓住 唔放
PermaLink: https://articles.zkiz.com/?id=320494

【今日笑一笑】見到網球當係寶貓頭鷹抓住唔放周圍舞

1 : GS(14)@2017-01-06 02:07:43

動物看見新奇的東西時,便會用手、用腿、用口去測試。外國一隻貓頭鷹與友伴發現網球後,便抓着不放,又啄又咬,就算同伴飛走,牠也不捨得放爪,抓着網球一拐一拐追着友伴。
YouTube




來源: http://hk.apple.nextmedia.com/international/art/20170105/19887312
今日 笑一 一笑 見到 網球 當係 係寶 貓頭鷹 抓住 唔放 周圍
PermaLink: https://articles.zkiz.com/?id=321484

【今日笑一笑】堅持做跟尾貓拉走3次都唔放爪

1 : GS(14)@2017-02-03 03:10:18

有貓奴要扭盡六壬才成功帶主子上街,但外國有主子不用囉嗦,只消看見人家穿鞋預備出門,便自動跳上人家肩膊同行。但麻煩的是,貓奴不是天天也能帶着牠。貓咪被人從肩膊抱走後,卻又折返,拉鋸了3次後,貓咪更緊抓着主子背脊不放。貓奴惟有投降,圍着這條暖頸巾上街去。
YouTube




來源: http://hk.apple.nextmedia.com/international/art/20170202/19915666
今日 笑一 一笑 堅持 做跟 跟尾 尾貓 拉走 次都 都唔 唔放 放爪
PermaLink: https://articles.zkiz.com/?id=325111

【今日笑一笑】咬住奶咀唔放口北京狗扮B萌爆

1 : GS(14)@2017-04-08 19:39:46

居於南韓的這頭北京狗,其實已2歲多,但天生童顏加身型偏細小,驟眼看像不足1歲的狗B般,尤其牠咬住奶咀不放的樣子,實在萌爆。
instagram




來源: http://hk.apple.nextmedia.com/international/art/20170407/19982925
今日 笑一 一笑 咬住 住奶 奶咀 咀唔 唔放 口北 京狗 狗扮 萌爆
PermaLink: https://articles.zkiz.com/?id=329547

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019