FFx Shirley 哭訴兩年怪奴血淚史
1 :
GS(14)@2016-08-03 02:24:152016-07-20 EW
幸福從來不是必然的。
早就輸在起跑線，卻還是命途多舛！
香港MK女子組合FFx本來就以「騎呢」著稱，四位成員楊澤怡（Shirley）、周葆諭（Christy）、李詩詠（Ceci）及潘穎琳（Mizaki），近日更爆發連串是非，四位成員之中唯一的大學生Shirley，七月初被另外三位成員大數三宗罪並被踢離隊，更指控Shirley帶隊出席飯局，有作不道德交易之嫌。
想不到事情峰迴路轉，早前Shirley接受本刊專訪，激動大爆被經理人何英傑（Sam）逼作性奴兩年的血淚史。
無論是否自願，Shirley卻從未拒絕，竟然是因為一個「很天真、很傻」的理由。
「我怕拒絕會被踢出FFx，我好喜歡唱歌跳舞表演，如果被踢出FFx，就會冇繼續做娛樂圈的機會。」Shirley嚎哭說。
自小父母離異，缺乏雙親關懷，在兒童之家長大的Shirley，天真的以為找到真愛，誰之卻被棄如敝屣，就連本來情同姊妹的三位成員，現在都恍如仇敵。最讓她傷心的，是不少人懷疑她入行後出賣身體搵快錢。
「我只係想做娛樂圈，但我唔係雞！」
兩行眼淚，從她赤紅的雙眼湧出。
洩慾工具
騎呢女子組合FFx，早前發聲明宣布拆夥，楊澤怡（Shirley）被踢出局，更被昔日好姊妹數臭，指她脾氣差鬧走贊助商、經常爭做主角扮大家姐，及安排飯局疑為搵快錢等三宗罪，其經理人Sam亦突然宣布離職，但原來這一切，當中都另有內情。
Shirley日前接受訪問，聲淚俱下地控訴，兩年來一直被四十三歲經理人Sam當作性奴，就連月經時都被迫上床，甚至被動粗，更試過迫玩車震。
「佢要我做佢女朋友，但其實只當我係性伴，鍾意就 ，唔鍾意就鬧，每次收工都帶我去大埔一間時鐘酒店開房，唔肯就話要踢我走，我太攰唔想做就被打，試過嚟M都要做。」
大量慾照
在Shirley與阿Sam「拍拖」期間，據知兩人曾在不同地點拍下大量親密「慾」照，近日就有兩張私密慾照流出，一張Sam和Shirley頭貼頭地親密互攬自拍，似乎當時兩人極之甜蜜，另一張Sam和Shirley更是親密狂啜，證明兩人的「親密」關係，而Sam亦承認兩人曾拍拖兩年，並有親密性關係。
對一個自小缺乏愛的少女來說，這段被扭曲的關係，或許正是她能夠繼續實現做明星志願的方法，讓這段關係持續了兩年多，最後於今年初結束，Shirley對本刊聲稱原因是，她發現Sam曾兩度因從事色情行業入獄，她即堅決斬纜。
「Sam一直隱瞞，原來他坐過監，我真係接受唔到，唔想再糾纏落去，於是決定分手。」但原來噩夢還未完結。
迷糊甩衫
今年五月初母親節當日，Shirley與Sam已經分手多月，但當日卻發生了一件讓Shirley至今仍然難以忘記的痛事。
「當日是母親節，我們表演完就各自回家和家人吃飯，本來已經送晒其他人返屋企，架車去到大圍時，Sam突然發脾氣，之後就去將軍澳接另一隊員Christy、元朗接Mizaki，Ceci在坪洲未能出來，Sam在車上不斷用粗口鬧我，鬧到凌晨點幾兩點，更要我下跪認錯，最後我頂唔順癲癇症發作暈低。到我醒番時，架車已經去到我大學宿舍樓下，我發現自己衣衫不整，胸圍扣甩咗、褲頭的鈕扣又鬆開，當時車上面只剩低Sam同司機，兩個女仔已經走咗。我當時好驚，於是即刻衝落車返上宿舍，發現原來已經凌晨四點幾，我即刻打電話問司機，車入面有冇裝cctv，我想知發生了甚麼事，司機說沒有。我好驚，之後就去睇醫生，仲驗埋孕，幸好最後並沒有懷孕。」
遇上如此恐怖經歷，為甚麼不報警求助，查個水落石出？「我好驚一報警，搞大件事會被人踢出FFx，我最大心願就是唱歌跳舞，若果被踢出去，我就沒有辦法繼續留在娛樂圈工作，所以最後都沒有報警。」
說時Shirley再度爆喊，眼淚不斷湧出，可知她受了多大的委屈，又面對多大的壓力，更曾因為此崩潰界手而入院，又試過服藥，甚至曾經意圖自殺。「我試過在海港城海邊大喊，差點就跳了落海。」
一王四后
就連FFx其餘三位女成員，都曾經與Sam有不同程度的親密關係，恍如一套一王四后成人電影。「我與Sam的關係，有和其他成員講過，發現原來Sam都係咁對佢哋，又攬又錫，又常常以女朋友來稱呼我們，Christy更自爆曾經俾Sam搞過，Sam係賤人！」
不過，Chirsty和Sam都對Shirley的指控予以否認，但Shirley曾在組合的群組留言，指Chirsty竟然早在十三、四歲時，就已經在酒吧工作。「其實好早就有人講過，Christy在十三、四歲時，就已經在銅鑼灣的酒吧工作。」Shirley稱更有傳言指另一成員Ceci有很多男朋友，私生活混亂。
兩年七千
對於三位成員指控的三宗罪，Shirley全部否認，更直言絕無帶Christy去卡拉OK跳艷舞和介紹男人給她。
「一定無！未加入FFx前我已識Christy，那時大家都係周圍去Casting，而且一定係去人哋公司Studio，唔會去卡拉OK。」對於Christy否認與Sam有關係，Shirley就大膽挑戰。「係Christy親口同我講Sam搞佢，佢夠膽就去驗下，睇下仲係唔係處女！」
Shirley更指Sam兩年多來，扣起她的登台騷錢，借她大學的Loan錢至今未還，害得她現在銀行只剩五百元，每日只能吃即食麵度日。
「FFx過去兩年來在國內登台三百場，但我們至今只分得每人七千元，Sam話幫我哋Keep住先，我大學的Loan出數，就問我借錢畀登台合約的保證金，到現在都未還。我大學已畢業，但無錢攞證書，宿舍亦無得繼續住，初時要去麥當勞過夜， 家暫住朋友家。」
我唔係雞
事件爆發至今，Shirley不斷收到各種message或短訊，明示暗示想找她出賣肉體搵快錢。「畀佢哋咁樣講我，真係好hurt，以前係好姊妹，我得一百蚊都買兩個飯盒四個人食，點知佢哋會咁對我。我唔係雞！我只係想做個正常女仔。」Shirley講到此，又再度痛哭。
本刊追訪另外幾位當事人，Christy全盤否認所有指控，Ceci及Mizaki亦不作回應。Sam則只以短訊回答本刊詢問，指希望事件平息，不要再繼續纏擾。
FFx於星期日凌晨，再於網上發表留言，指希望事件盡快告一段落，並祝Shirley日後發展順利。
無根孤女
可能所有人都有一個疑問，就是真的有人這麼「蠢」，被欺負至此竟然不懂報警反抗嗎？
或許Shirley的人生經歷可以作出解釋。自小父母離異，與母親相依為命，但卻常常被母親虐打，甚至懷疑因此被打致癲癇症病發。她接受本刊訪問時曾稱：「小時候常常被媽媽打，阿媽會喺屋企隨手攞嘢嚟打我，晾衫棍、門口鐵閘，會拉我出門口，用鐵閘嚟夾我，喊到拆天都冇人理，唔敢返屋企所以日頭喺圖書館、自修室過，夜晚淨係返屋企瞓覺。有一次打得好傷，社工帶我去檢查，住咗一個月醫院，最後被評估為不適合與阿媽一齊住，之後就去兒童之家住。」
準備報警
至於爸爸，就一直很少見面，有時過年過節至見到。「由細到大都冇人理我。」事發至今，其父母亦一直沒有聯絡過她。「對上一次見阿媽已經是入大學之前，爸爸就兩年前見過一次。」「其實他們年紀都很大，各自都很辛苦咁生活，所以冇聯絡。」
近日更有自稱是Shirley中學時教師的網民，於網上發表文章，指中學時已發覺Shirley常常被同學孤立，卻沒有甚麼特別理由，「只因感到她個人怪怪咁，都唔知幾多日冇洗頭。」
輸在起跑線上的Shirley，家庭背景如此，很多事根本從來都沒有選擇餘地。
不過，終於發現人心險惡的Shirley，於訪問最後，稱會打算報警求助，她的明星夢，完了嗎？
Shirley在接受本刊訪問時，談到如何被經理人Sam當性奴對待，多次大哭大喊，眼淚流個不停，期間更要多次停下來休息及平復情緒，才能繼續回憶慘痛經歷。
四十三歲FFx經理人何英傑（Sam），早前亦承認與二十一歲的Shirley曾經有親密性關係。
FFx四位成員因MV爆紅後，接了不少工作，早兩個月甚至成為某「長生店」的代言人，充滿MK本色。
與經理人Sam發生性關係後，Shirley曾單飛拍日本料理店廣告，當時明顯備受力捧。
FFx憑一首騎呢MK、低成本九百元拍成的MV《Sugar Baby》而爆紅，該MV網上點擊率超過三百萬人次，讓她們人氣急升。
慾照流出
據知Shirley和Sam曾拍下不少親密照，其中一張兩人攬實狂啜，另一張則頭貼頭狀甚甜蜜。
Shirley訪問時指示手上傷痕，界手的刀痕至今仍在。
界手血痕
被Sam逼上床的日子，Shirley多次因情緒困擾而界手自殘，有三次因此要入院治療，甚至試過服藥及想跳海自殺。
在FFx的私訊群組中，Shirley曾留言公開數臭Christy。
Shirley與Chirsty曾經情同姊妹，想不到現在竟然變成仇人。
Shirley指稱，Sam與FFx四位成員都有不同程度的親密關係，讓她感到十分混亂，亦因此決心分手。
Sam以短訊回覆本刊，稱希望stop事件，及後FFx又在網上發表留言，似想盡力平息事件。
兒童之家
香港有不少慈善團體幫助有需要的兒童，其中聖公會就在全港設有二十四間兒童之家，專為四至十八歲，因家庭問題得不到家人適當照顧，需要暫時離開家庭的兒童及青少年，提供二十四小時住宿照顧服務，直至他們可以與家人團聚或被安排到長期居住地方為止。
撰文 娛樂組 攝影 蔡豪 設計 美術組
【搵兩萬還萬四】Sing之天使菠蘿哭訴出唔到碟 做OL兼影相
1 :
GS(14)@2017-04-06 07:41:372009年郭穎橋喺庾澄慶主持嘅節目《耳分高下》你「Sing之天使菠蘿」(資料圖片)
郭穎橋呢個名你未必記起，但講你知佢係2009年綜藝節目《耳分高下》入面做「Sing之天使——菠蘿」，你就一定有聽過。
I have a camara, I am Pineapple, Uhh! Pineapple Camara.(陳慧安攝)
菠蘿呢個身份令佢多咗曝光賺多咗錢(資料圖片)
今年30歲嘅「菠蘿」，雖然當時嘅名氣唔及「藍莓」劉俐同「柑桔」蕊蕊，自言唔夠靚，但都賺到蚊錢，佢坦言行性感係work、多咗嘢做，不過佢話：「可以唔性感就唔好太性感，希望喺節目度攞到個曝光率，之後出番嚟做歌手，都唔會畀人哋覺得係一個o靚模囉。」搵到啲錢又點？佢嘅夢想係做歌手，喺2008年同一間經理人公司簽咗份「不平等條約」：「我當你賺兩萬蚊先，你嗰個月都還咗萬四啦。我係唱demo然後簽公司做歌手，我希望我熱愛嘅嘢可以唱到畀大家聽，但係派第一隻歌，唔係你鍾意唱嘅嘢。」當時出咗兩首歌《兩生花》同《好痛呢》都係行輕快活潑嘅歌曲類型，做唔到理想嘅歌手有遺憾嗎？佢突然眼泛淚光：「最遺憾係出唔到碟，覺得細個唔識嘢，所以搞到咁…」
但都令佢(前排右三)要成日行性感(資料圖片)
歌手事業多阻滯，令郭穎橋醒覺要腳踏實地。(陳慧安攝)
講到當年出唔到碟，郭穎橋就即刻感觸落淚。
唔撈大台、之後更因為唱片公司執笠，加上佢同經理人公司打解約官司，搞到佢喺娛樂圈冇晒蹤影：「官司花咗5年settle，耗盡咗青春。我返咗去做office，做老闆嘅助理(秘書)。」佢繼續話：「我唔係生於大富之家，亦知道唱歌唔可以一直去堅持，應該要腳踏實地去試吓轉型，所以去學一門手藝係學到老都用得到。」做OL嘅郭穎橋儲咗啲錢去台灣學攝影、同去英國進修影BB：「我鍾意小朋友，但影小朋友係俾我搵食嘅。我希望做到攝影家，希望可以周圍去影相，雖然呢樣嘢好遙遠，但你要有夢想，先令你可以向前行。」
轉做OL儲錢去台灣學攝影，由零開始。佢攞住張做學生時嘅作品。(陳慧安攝)
阿橋嘅作品多以黑白照同建築物為主。(圖片由被訪者提供)
夢想做攝影家，可以四圍去影相。(圖片由被訪者提供)
佢o依家繼續返緊office，兼做攝影師，無悔入過娛樂圈嘅佢，行呢條攝影路一啲都唔易：「我覺得我marketing太差，好似社交網絡入面有啲女仔影相叻到出event。喺我角度如果做一個全職攝影師，就係你會接商業嘅工作，可以出去接其他event，以攝影師個銜頭去做，你影嘅相係可以攞出去賣嘅。你有人際網絡，就好容易做得起所有嘢。」
台灣學成之後，阿橋去咗英國進修學影BB，今次動嬰兒Gianna就考吓佢。(陳慧安攝)
阿橋好細心同1歲嘅Gianna陪養感情，咁影相都容易啲。(陳慧安攝)
化妝: Milk Cheng場地：Mr& Mrs Fox採訪：懷鈺、嵐山攝影：陳慧安攝錄：馮峰、Neo郭穎橋 wedsite：
www.kiukwok.com
www.instagram.com/kiukwok
www.facebook.com/kiukwok photography
來源:
http://hk.apple.nextmedia.com/entertainment/art/20170406/19981017