ZKIZ Archives


好來好去黃百鳴出公告古天樂加監兩年

2013-06-27  
 

 

一向對演員出手闊綽的黃百鳴,當年開拍《葉問》,將甄子丹推向個人事業高峰;之後再開公司簽古天樂六年十部片約,更一炮過,給對方十部電影片酬,共四千八百萬港元。誰知最近兩個紅人均先後扭計,甄子丹被指開天索價拒拍3D《葉問3》、古仔則連續兩年推戲,黃百鳴最終要於六月尾出公告,向公司股東交代。延期還片債

同黃百鳴合作無間的甄子丹及古天樂,近日卻傳出關係有變。有指3D《葉問3》因甄子丹嫌棄電影由黃百鳴兒子黃子桓執導,加上片酬嗌價過高而開拍無期;而古天樂早於二○一○年,已收取天馬娛樂四千八百萬片酬,訂明六年內拍十部戲的合作協議,但至今協議期過了一半,這幾年片約不斷的古仔,卻只為天馬拍了三部電影包括《花田囍事2010》、《最強囍事》及《八星抱喜》,加上一一年古仔拉傷十字韌帶要辭演天馬有份投資的《忠烈楊家將》,其間卻撐着枴杖,出席內地的活動,有傳黃百鳴為此感到不快,曾向對方發律師信。「我同古仔其實冇乜計較,只係天馬始終係上市公司,我都要同股東交代。」黃百鳴說。據知古仔事後即主動提出,「加監」兩年還片債。

古天樂的片約有拖無欠,但天馬籌拍的3D《葉問3》亦遇阻滯。盛傳甄子丹講明若該片不是由葉偉信執導,便不會接拍,擺明車馬,嫌棄《葉問》系列編劇、黃百鳴兒子黃子桓,對此,黃百鳴表現無奈。「子丹有佢自己嘅堅持,葉偉信本身又忙,3D《葉問3》今年應該拍唔成,希望下年大家都度到期啦。」

左手入右手出

3D《葉問3》無葉偉信就無甄子丹,相對古仔「自動投案」,主動提出延期兩年還清剩餘七部片約的做法,黃百鳴稱在今年的股東年報上列明這項修訂,總算向股東有所交代。二○一○年黃百鳴爽手一炮過付清古天樂四千八百萬元片酬,黃百鳴稱因對方急需現金,以應付貝沙灣獨立屋的首期,但同時卻傳出有城中富商贈古仔貝沙灣獨立屋做禮物,然而黃百鳴就曾向身邊人透露,指古仔的的確確是收到與天馬簽訂十部戲的片酬後,才夠數應付貝沙灣獨立屋首期,絕不是傳聞中的富豪禮物。

人情債

從新人走上當紅搵錢路,花上十年八年時間等閒,為此,藝人跟經理人公司關係更加千絲萬縷,人情緊過債,上晒位都唔離巢,自願加長合作年期,時有發生。

謝霆鋒

16歲入行簽約英皇,當年年少氣盛的霆鋒曾在加拿大發生no show事件,令本來只剩四年合約的他,要加監四年謝罪。約滿後,成熟不少的霆鋒,做生不如做熟,加上有指楊受成以億元條件,留低效力英皇。

鄭嘉穎

95年出道的鄭嘉穎,被前經理人戴思聰放逐到台灣發展,至01年,才有機會由台灣回流返無綫拍劇,憑《天幕下的戀人》成為一線小生,戴思聰隨即要求他履行陳年舊約,要求分收入百分之二十,最後由樂易玲擺平事件,鄭嘉穎亦自動與無綫再加簽八年合約。

 

好來 好去 去黃 黃百 百鳴 鳴出 公告 古天樂 加監 監兩 兩年
PermaLink: https://articles.zkiz.com/?id=60370

古天樂半年狂斬6部戲

2013-08-08  NM
 
 

 

梁朝偉、吳彥祖一早講咗放假一年唔接戲;周潤發、甄子丹、劉德華又唔係個個請得起;因為如此,郭富城、劉青雲、張家輝、余文樂呢一層片酬唔過千,就算未孭到內地票房,都一樣拍到手軟!

至於有大陸票房證明,仲收緊千二萬嘅古天樂,農曆年打後至今,由《毒戰》、《逃出生天》、《掃毒》、《竊聽3》,同期拍緊嘅就有《曼珠莎華》、《單身男女2》,片約陸續有嚟,無他,老闆認為佢屬於抵用嗰隻。上個禮拜,幫完寰宇嘅《逃出生天》做宣傳,過兩日又蒲頭做東亞嘅《單身男女2》開鏡禮,簡直此起彼落!

《單身2》由古仔同內地女星高圓圓冧庄,冇咗放假吳彥祖,加入仔仔周渝民同楊千嬅,中港台齊晒人。東亞娛樂開戲,老闆林建岳一定蒲頭主持拜神大局。初次同杜琪峯、韋家輝合作嘅楊千嬅,當日亦收起大笑姑婆作風,不過把口就無收,竟然膽粗粗話自己仲未俾杜導鬧過。

杜琪峯喺片場會上晒身,但佢少鬧演員,係少,唔係冇!八珍勸千嬅,搏唔過!

古天樂 半年 狂斬 部戲
PermaLink: https://articles.zkiz.com/?id=73292

中環在線: 利信達加碼 搵古天樂續約

1 : GS(14)@2013-10-30 11:22:36

http://hk.apple.nextmedia.com/financeestate/art/20131030/18485173

利信達(738,Le Saunda)自從舊年搵咗黑黑實實嘅古天樂做代言人之後,生意有明顯改善,今年第二季同店銷售升近兩成,靚女CEO劉舜慧當然好滿意,噚日透露打算搵古天樂傾續約,仲一定有人工加。唔知古天樂續約收錢後,會唔會又買磚頭保值呢?


男星代言殺出血路

同樣賣女裝鞋,達芙妮(210)就搵咗「J女郎」李心艾做代言人,百麗(1880)嘅廣告亦只係會見到女模特兒,但係Le Saunda就搵咗古天樂代言,似乎真係殺出一條血路,原來搵男人賣女裝鞋真係得,難怪會有公司搵男明星賣化妝品啦。
劉舜慧話,古天樂喺內地好出名,喺唔同城市都有好多粉絲,可以提升公司嘅知名度,所以公司打算加人工同佢續約,「佢係一線演員,佢好清楚自己值得呢個價」。
咁呢個價究竟係幾多呢?劉舜慧就以商業秘密為由,無可奉告。
中環 在線 信達 加碼 古天樂 續約
PermaLink: https://articles.zkiz.com/?id=284059

古天樂爬牆搶婚

1 : GS(14)@2014-10-09 14:01:20



吳彥祖和高圓圓早前為新片《單身男女2》拍結婚戲,卻被古天樂從大廈外牆圖爬入婚禮現場搶婚,古天樂說:「戲入面我成日爬嚟爬去,呢場戲難度最高。」高圓圓戲中周旋於兩男之間,她坦言現實生活中只求平淡而穩定的愛情:「電影可將愛情美化,女生都希望有些浪漫,但浪漫是很危險的事。我擇偶條件選誠實和善良比浪漫重要,浪漫是錦上添花的事情!」撰文:麥萍萍




來源: http://hk.apple.nextmedia.com/entertainment/art/20141009/18893838
古天樂 爬牆 搶婚
PermaLink: https://articles.zkiz.com/?id=286004

古天樂打自己氹粉絲

1 : GS(14)@2015-01-30 08:50:21



來源: http://hk.apple.nextmedia.com/entertainment/art/20150130/19021494
古天樂 自己 粉絲
PermaLink: https://articles.zkiz.com/?id=287564

兒童節專題:古天樂開倉 組正義聯盟

1 : GS(14)@2015-04-05 23:45:36





■古天樂日前開放在火炭的萬呎玩具倉接受本報專訪,大細路上身慶祝兒童節。攝影:仇志德


要在今天兒童節數神級玩具迷,非古天樂莫屬。古仔購入火碳萬呎工廈,將之變成華麗的玩具倉,擺放近70個比例1:1的模型,當中全部是著名動畫及電影的角色,每隻都珍貴難求,部份更超過六位數字。古天樂儲1:1模型有近10年,他開設玩具倉源於一個舊版黑武士(Darth Vader)1:1模型,古仔說:「呢隻黑武士其實係咁多1:1模型之中,第一個搜集返嚟嘅。呢個Darth Vader其實係當年最舊嗰一集(《星球大戰》電影)嘅原版。亦都因為佢,先會開始有咁多模型出現。」



珍藏鐵甲奇俠

要數更珍貴的藏品,非《鐵甲奇俠》(Iron Man)系列的模型莫屬,古仔說:「呢度有Iron Man Mark I至Mark VII,係當時《鐵甲奇俠》喺香港上影時展覽過,我同當時負責人傾過,之後佢就讓咗畀我。」古仔表示十分慶幸能儲齊Mark I至Mark VII的1:1模型,全因每款只造了約10隻,一般收藏家難以擁有。撰文:張俊銘



■除了1:1模型,更有其他絕版玩具及飛船、戰機等模型。

【首個珍藏】《星球大戰》黑武士 約$70,000港元





來源: http://hk.apple.nextmedia.com/entertainment/art/20150404/19100969
兒童節 兒童 專題 古天樂 開倉 正義 聯盟
PermaLink: https://articles.zkiz.com/?id=289257

【壹週刊】靠古天樂背後發功崔建邦咸魚翻生

1 : GS(14)@2015-05-20 08:46:35

因為打女人、醉駕,搞到形象插水嘅提到崔建邦,搞到要做PA,挨咗一輪,終於可以撈番做幕前,兼且搞製作公司,事業有番起色,同Mandy Lieu師妹Kelly又拍咗大半年。事業愛情兩得意,趁住有空檔,崔建邦當然要同女朋友出去拍下拖。但係唔講知知,原來靠古天樂係背後發功!想知多啲?記住留意《壹週plus》,免費㗎!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150520/19153292
週刊 古天樂 後發 功崔 崔建 建邦 鹹魚 翻生
PermaLink: https://articles.zkiz.com/?id=290502

【馮仁昭四圍超】親身上陣槍戰戲 古天樂玻璃碎入眼

1 : GS(14)@2016-07-13 05:15:47

■古仔吊咗半日拍呢場拯救戲。








導演杜琪峯、游乃海聯合監製,趙薇、古天樂同埋鍾漢良等演出嘅電影《三人行》聽日上映。今次古仔飾演追捕悍匪鍾漢良嘅警察,其中一場講述鍾漢良喺醫院逃走,由高處墮下受傷,古仔基於警察救人天職所以最後都要救佢。嗰場戲講古仔一手捉繩索一邊落手銬捉鍾漢良,至於用嚟救命嘅消防喉忽然下墮,認真驚險。事實上拍攝背後都係好驚險,鍾漢良因為要長時間倒吊充血,搞到塊面第二日爆微絲血管,但點傷都唔夠古仔差啲盲眼咁慘。


■古仔因為拍呢場槍擊戲份,玻璃碎入咗眼而差啲盲。

趙薇虛脫

話說古仔有場同鍾漢良互相開槍戲,仲有玻璃破裂場面,古仔話:「拍完之後好似覺得有啲玻璃入咗眼,我用水洗,過咗四、五日再去睇醫生,要挑起眼皮攞番啲玻璃碎出嚟,醫生話都好彩係幾日,如果唔係會割傷眼球角膜。」唔好以為淨係兩位男主角辛苦,其實趙薇喺倒吊嗰場戲要拉住條消防喉救兩位男主角,之後佢都話好似虛脫咁。另外,今個暑假檔古仔有多部戲同時上映,其中《使徒行者》日前拍攝海報,演卧底釘姐嘅佘詩曼有多款揸槍造型。阿佘戲中又會同上司吳鎮宇有曖昧,不過鎮宇話拍之前話會有激咀戲,點知出嚟效果俾電視劇仲保守。撰文:馮仁昭





來源: http://hk.apple.nextmedia.com/entertainment/art/20160713/19692147
馮仁 仁昭 四圍 親身 上陣 槍戰 古天樂 玻璃 入眼
PermaLink: https://articles.zkiz.com/?id=303556

古天樂用阿媽做擋箭牌

1 : GS(14)@2016-08-07 02:03:52

古天樂和楊千嬅昨日在銅鑼灣出席Kiehl's活動,即場示範做沙律,古仔即興玩拋樽,問古仔平時會否下廚?他說:「西餐都整,媽媽都係好後期先學中菜,我喺牛扒、豬扒同薯條中長大。」他指中菜的先後次序太複雜,所以不太識煮,但大讚身邊朋友似大廚一樣:「整雞湯又元蹄嗰啲。」身邊人是男或是女?他說:「我啲朋友全部都係男仔。」問拍拖時,女朋友有否為他下廚?古仔即刻「扮聾」說:「乜嘢話?」再一次被追問有否為女友下廚,他繼續迴避問題:「乜嘢話?乜嘢箒?」提到女仔識下廚會加分,古仔卻拉阿媽落水說:「阿媽嗰啲就加分。」採訪:盧妹攝影:沈健程





來源: http://hk.apple.nextmedia.com/entertainment/art/20160805/19723333
古天樂 阿媽 擋箭牌
PermaLink: https://articles.zkiz.com/?id=304597

古天樂 張家輝 男人的浪漫 2016-08-03

1 : GS(14)@2016-08-07 02:27:43

http://skypost.ulifestyle.com.hk ... %AA%E6%BC%AB/224992
【晴報專訊】 劇集《使徒行者》前年熱爆全城,無綫去年尾開拍電影版,雖然劇中男主角林峯無得留底,但新片有古天樂(古仔)及張家輝拱照「釘姐」佘詩曼,兩大型男更具叫座力。二人在戲中大賣兄弟情,古仔更為家輝流下男兒淚:「那場戲我們拍了三日,大家都花盡心思希望演得好!」
電影版《使徒行者》將於下周四公映,早前戲中兩大男神古仔和張家輝大談拍攝點滴。劇集版在前年首播時掀起熱話,近日在午夜重播亦錄得最高十點收視,難怪不少劇迷對電影版引頸以待。古仔對此坦言冇壓力;家輝更指在深宵「翻煲」《使》劇。他說:「之前(首播)沒有睇,現在電視台重播我有晚晚追,覺得幾好睇,知道劇集咁受歡迎,反而沒太大壓力!」他戲言該劇首播期間收視高,因此對新片信心更大:「若當時有200萬人收看,電影版上映就算打七折,每人收80元買票入場,你計計有多少錢?所以沒壓力!」
重情家輝盲撑好友
今次《使》片着重男人的浪漫,飾演犯罪集團主腦的家輝與扮演其頭馬的古仔,以兄弟情召喚觀眾入場,家輝不諱言年紀愈大愈重情,更覺義氣的重要,即使對方做錯了,也要無限量支持。至於古仔亦承認,這是做人的宗旨,他在戲中更為家輝流下男兒淚,古仔直言要喊出感情,最終拍足三日:「家輝死這場戲,我們都想了很久如何演得好,導演(文偉鴻)給了不同意見,想帶出我們濃厚的感情,例如他(家輝)為我兩脇插刀,我又為他犧牲!」
古仔狂開槍手指累
戲中有不少槍戰戲,古仔卻直言未感吃力:「雖然開槍會令手指幾疲累,但動作都不算吃力,錢嘉樂(動作導演)都好保護我們!」另一方面,談到這是導演文偉鴻的電影處男作,古仔直言對他信心十足:「我在TVB年代已經與他合作,當時他仍是電視台副導演,至今相識20年,大家有默契,他又是劇集版的監製,我對此戲都好期待!」
古天樂
Hair:Dan Tam @ O2
Make Up:Carman Man @ Lemongrass
張家輝
Hair:Edmond Fung @ HH
Make Up:Midco Chu
場地:唐人館

撰文:Steven
攝影:梁細權
編輯:黃寶恩
設計:Alex
古天樂 張家 男人 浪漫 2016 08 03
PermaLink: https://articles.zkiz.com/?id=304725

【add】紅人主場:古天樂快靚正精神

1 : GS(14)@2016-09-01 06:24:35

Alexander McQueen刺繡恤衫



古天樂在今年暑期檔成為「戲霸」,5部電影輪住上,九月繼續有來。拍得多又準,古天樂覺得投入最緊要,「必須要投入,先可以達到快捷。」一眾港產片鐵腳中,劉青雲、張家輝等是愛妻號,古天樂身邊就長期有空位,「有幻想過結婚,但冇乜時間去處理,只係見到面,係冇用嘅。」談戀愛,真的冇得快靚正。採訪:林妙萍造型:顏英儀攝影:郭賢興攝錄:林德雄、周樂恆髮型:Dan@ Pi4化妝:Carmen Man古天樂專訪在極速的25分鐘內,換了三套衫、完成訪問、影相、拍片,破了add四年來影過100個明星的最快紀錄。影完相,古天樂即時自己搬椅坐定夾咪,一秒鐘也冇浪費,全程冇滲水,和「唔使急,最緊要快!」的港產名句,完全脗合。



Dior Homme幾何圖案polo黑色長褲

Saint Laurent黑色皮褸牛仔褲、波鞋 Dior Homme白恤衫


鐵膽:投入達到快捷

歷年大大小小訪問,古天樂總不忘提倡團隊精神,他覺得做任何事,團隊投入度是最緊要!「你投入,就會了解到好多嘢,無論工種、創作,你投入就得!好慶幸我哋香港團隊係比較快捷,所以,必須要投入,先可以達到快捷。」常和中韓台不同地區演員、單位合作,古天樂好自豪港隊「快靚正」的優點,「佢哋話,你哋香港人真係快到呢~呢樣真係好難得。」古天樂暑期檔十套華語片有一半有份演出,《三人行》做督察、《使徒行者》做卧底,今次《S風暴》演廉政專員,港產片總見到他:「香港演員為數唔多,其實唔止我一個係鐵膽,好多個都係。」新片講警廉矛盾,主題圍繞賭波操盤案,他坦言少睇波亦不賭錢,電影主攻抽絲剝繭式查案,無飛車、跳樓等動作場面,「ICAC呢,第一件事,如果要領槍,係要申請;第二件事,佢係有特定程序查案;第三件事,ICAC查案,係以資料搜集為主,所以,題材已經賦予咗部戲嘅難度。」



■古天樂在《S風暴》演廉政專員,抽絲剝繭查案。

■古天樂直言不會跟媽媽(左)交待工作事。


家庭:我冇時間拍拖

電影、時裝可以任講,提到拍拖結婚,無點名傳出緋聞的陳喬恩、陳妍希或誰,古天樂都會自動閂閘。「有幻想過結婚,但冇乜時間去處理。你要有時間去相處先得,只見到面係無用嘅。仔女?就更加需要多啲時間啦,有另一半先再講啦。」家事少提,古天樂出名孝順,近月傷眼、傷腰,媽咪可會擔心、失眠?「阿媽唔知我出面做乜,唔係報喜不報憂,係我直情唔話佢聽我做緊乜,拍緊乜戲佢又唔知,明天飛去邊佢又唔知,同埋我阿媽比較忙,朋友多又要唱戲。」


鍾意買衫不是潮男

「好多品牌都鍾意,Givenchy、Balmain、嘩好多喎,近期買咗好多McQueen啦,真係好多牌子,講唔晒。我鍾意買衫,但唔覺得我係潮男。」買衫精古天樂愛出埠買、愛上網買,自命網購成功率奇高,皆因所有新衫都會改完才着上身,「上網最大問題係唔知乜size,不過我好少退,因為買完都會改,唔啱都唔緊要,反正改完先有得着。」衫最緊要要fit身型,銀包內最重要又是甚麼?「銀包最重要係身份證,其次信用卡,八達通我都有,不過我冇用。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20160901/19755742
add 紅人 主場 古天樂 快靚 靚正 精神
PermaLink: https://articles.zkiz.com/?id=307054

古天樂開槍唔會貼面

1 : GS(14)@2016-09-09 05:37:01

古天樂和張智霖早前在太古為新片《S風暴》接受訪問,對於這部戲有好多動作場面,尤其飾演警察的張智霖既要開槍又要飛車,他說:「以前曾經拍過,但自己冇乜留心,爆破彈爆到眼眉,所以要打醒十二分精神,整到自己就抵死,但好驚整到人。」經常拍動作戲的古仔,亦試過不慎遭玻璃飛入眼,他說:「有時打醒十二分精神都冇用,意外就係意外,盡量小心啦,把槍盡量唔好貼住塊面開。」眾所周知,古仔好cool,其實另一主角周渝民(仔仔)亦出名cool爆,古仔說:「仔仔個人比較內斂,但佢好有禮貌,今次佢做一個好cool嘅殺手,好啱呢個角色。」採訪:黃曉妍攝影:仇志德場地提供:Mr& Mrs Fox




來源: http://hk.apple.nextmedia.com/entertainment/art/20160909/19764697
古天樂 開槍 唔會 貼面
PermaLink: https://articles.zkiz.com/?id=308364

鄧一君戲裡戲外都係古天樂嘅好兄弟

1 : GS(14)@2016-10-01 13:19:49

童星出身嘅鄧一君,雖然係05年退出呢個五光十色嘅演藝圈,但每逢講起他,大家就會諗起:「哦!鄧一君,佢同古天樂好friend㗎嘛!」咁點解鄧一君會同古天樂會成為摯友呢?原因好簡單,亦係好老土嗰隻,就係合作拍劇而成好友囉!9歲入行拍攝港台節目嘅鄧一君,96年轉投無綫,同剛出道不久嘅古天樂有唔少嘅合作機會。97年佢哋第一部合作嘅劇集係《美味天王》,翌年佢哋再合作《烈火雄心》,當時一君飾演劉海寶,而古仔就係做佢阿哥劉海柏,戲中古仔就悉心照顧智障嘅細佬阿寶,就係咁,佢哋戲裡戲外就成為咗好兄弟喇!之後佢哋都有好多合作機會,好似《刑事偵緝檔案IV》同《尋秦記》咁!但之後一君就覺得喺娛圈發展唔大,佢曾經接受雜誌專訪講過,唔甘心成世只做人阿仔,宣萱細佬、古天樂細佬同歐陽震華嘅徒弟,毅然咁喺05年退出幕前,轉行做保險,有傳聞古仔仲係佢第一個客仔o添!




來源: http://hk.apple.nextmedia.com/entertainment/art/20161001/19787746
鄧一 一君 君戲 戲裡 裡戲 戲外 外都 都係 古天樂 嘅好 兄弟
PermaLink: https://articles.zkiz.com/?id=310854

古天樂拋骨頭玩貓

1 : GS(14)@2016-11-26 13:51:12

古天樂參演的科幻喜劇《喵星人》昨日在北京舉行電影發佈會,主角外太空大貓「犀犀利」、馬麗,6歲童星劉楚恬和黃星羱都有出席。首次見記者的犀犀利,不時擺出多個萌樣呃like。古仔與觀眾大玩遊戲,將骨頭拋落台,要犀犀利衝落台找骨頭。而古仔介紹新戲時,犀犀利亦搞搞震,突然到台下跟觀眾擊掌,最後要導演親自落去捉「牠」上台,場面搞笑。




來源: http://hk.apple.nextmedia.com/entertainment/art/20161126/19845751
古天樂 骨頭 玩貓
PermaLink: https://articles.zkiz.com/?id=317103

麥明詩幻想嫁古天樂

1 : GS(14)@2016-12-11 14:12:52

麥明詩昨日穿上多套婚紗為婚紗騷做模特兒,首次行婚紗騷的她為了有浪漫感覺,就幻想是自己的婚禮,笑言對象是古天樂及劉德華,她表示將來婚禮會有舞池讓大家跳舞,嚴肅行禮後便可情緒高漲盡情狂歡。對於與林作現時的關係,麥明詩形容為有正常聯絡,追問是怎樣聯絡,她表示:「我同你嗰啲就唔正常,平時有嘢就講。」今日是她25歲生日,之前一晚跟朋友食飯慶祝,但不願透露林作會否在場:「一班朋友有男有女,得閒就嚟唔得閒唔嚟。」她笑言介紹圈中和圈外朋友互相認識,她更笑說:「生日願望係開開心心,爸爸媽媽嘅仔女孝順啲。」採訪:王連連攝影:仇志德




來源: http://hk.apple.nextmedia.com/entertainment/art/20161211/19861675
麥明 明詩 幻想 古天樂
PermaLink: https://articles.zkiz.com/?id=319213

古天樂5000萬購觀塘工廈

1 : GS(14)@2017-02-08 21:14:11

http://www.mpfinance.com/fin/dai ... 0428&issue=20170208


【明報專訊】在電影界極吃得開、屬娛樂圈吸金王之一的影星「古仔」古天樂,近年連環購入工廈單位,繼早年購入火炭工廈單位之後,近日又再購入觀塘鴻圖道潤承大廈部分樓面;土地註冊處資料顯示,「古仔」斥資5000萬元購入潤承大廈3樓全層,以面積8902方呎計,呎價5617元。

原業主為杜琪峯妻及助手

資料顯示,上址原業主的公司董事為黃寶玲及游乃海,前者為知名導演杜琪峯妻子,後者為導演及編劇,同時亦是杜琪峯得力助手。據了解,上述大廈亦曾是杜琪峯電影《PTU》、《放‧逐》的取景場地之一。

先後斥逾1億掃同廈樓層

原業主於2002年以1000萬元購入該廈地下至3樓合共4層樓面,其中1樓全層於2014年以5400萬元,售予天下一物業有限公司,買家公司董事為「古仔」母親李綺雯,換言之,連同上述成交,古天樂及有關人士已斥逾1億元購入該觀塘工廈的樓面。事實上,除工廈物業之外,「古仔」亦持有貝沙灣一幢獨立屋物業,市場估值逾2.8億元。

另土地註冊處資料顯示,由中國城建持有的灣仔東亞銀行港灣中心8樓B室,面積約4000方呎,成交8000萬元成交,平均呎價兩萬元;原業主2015年以6000萬元購入,帳面獲利2000萬元或33%。

翠華40萬承租中環檀島咖啡舖

舖位方面,有消息指翠華(1314)剛以月租約40萬元,預租中環皇后大道中88號,勵精中心2樓全層舖位,面積6470方呎,平均呎租約62元。上址現租客為檀島咖啡餅店,租約至今年4月屆滿。據了解,業主早前意向月租為42萬元,市場稱上址現時月租約35萬元,即新租較舊租加14%。

另外,美聯旺舖董事盧展豪認為,業主面對現實,現時一線街舖位租金已較高峰期回落35%至40%,預料一線街舖空置舖位將減少,但租金將繼續回軟,料今年一線街舖租及售價皆按年跌15至20%。

美聯工商舖行政總裁黃漢成表示,看好今年商廈及工廈市場,估計工廈租金、售價升幅將介乎10至15%,甲級商廈則升10%。
古天樂 5000 萬購 觀塘 工廈
PermaLink: https://articles.zkiz.com/?id=325898

杜琪峯賣工廈 古天樂半億接貨位處觀塘 《PTU》《放‧逐》曾取景

1 : GS(14)@2017-02-08 22:11:25

■古天樂剛以5,000萬元向杜琪峯購入觀塘潤承大廈低層全層單位。 資料圖片



【本報訊】近年密密拍戲吸金兼創辦電影製作公司的影星古天樂,剛以5,000萬元,向著名導演杜琪峯及有關人士購入觀塘工廈潤承大廈低層全層單位,連同3年前購入的一層,共斥逾1億元向杜琪峯購入工廈,料作自用。記者:程俊華

根據土地註冊處資料顯示,古天樂透過康栢國際發展有限公司,以5,000萬元購入觀塘鴻圖道77號潤承大廈3樓全層單位,面積8,902方呎,呎價5,617元。古天樂在2014年初,已透過母親李綺雯的天下一物業有限公司,以5,400萬元購入同廈1樓,是次為增購單位,3年內共斥1.04億元掃貨。



■觀塘潤承大廈

仍用懷舊拉閘升降機

潤承大廈樓齡已達56年,樓高只有8層,大廈仍用懷舊拉閘升降機。杜琪峯卻看中該廈,於2002年透過妻子黃寶玲等人,以1,000萬元購入該廈地下部份及1至3樓,有關單位租予杜琪峯旗下銀河映像作辦公室及片場。杜琪峯多部作品,如《PTU》、《毒戰》、《放.逐》等電影,都在潤承大廈取景拍攝。銀河映像近年已逐步棄用上址,當中1樓單位於2014年售予古天樂旗下天下一電影外,2樓亦在一年多前以每月12萬元租予天下一,3樓亦在最近售予古天樂。即杜琪峯在古天樂身上套現逾億元外,仍每月有租收。東九龍近年已成為電影業界開設辦公室或工作室的熱點,不少電影人都在區內買入工廈或商廈自用,包括導演劉偉強、陳可辛等。而古天樂雖然吸金力強,但不太喜歡揸磚頭投資,多年來都只是購入住宅自用。他在2002年,以2,800萬元買入何文田京士柏山單號屋,與家人同住,至2005年以4,700萬元售出,獲利1,900萬元。在售出上述洋房之前數月,他以6,638萬元已入市同屋苑另一幢單號屋,其後在2011年以8,600萬元售出,獲利1,962萬元。古天樂買賣京士柏山兩幢洋房,大賺3,862萬元離場。


古擁3億元貝沙灣獨立屋

古天樂現時仍持有薄扶林貝沙灣獨立屋,在2009年以1.26億元買入,目前市值已飆升至2.8億至3億元。除住宅外,他在2006年購入火炭豐盛工業中心3個低層單位,合共1,253萬元,共逾1.4萬方呎樓面,至今未售出,料市值升至逾4,100萬元,升值2.3倍。連同近年入市的潤承大廈單位,估計手持單位合共市值近4.5億元。至於杜琪峯妻子兩年前仍有入市,以2,000萬元購入潤承大廈附近鴻圖道42號華寶中心地下13個車位,平均每個車位約153.8萬元。




來源: http://hk.apple.nextmedia.com/financeestate/art/20170208/19921286
杜琪 賣工 工廈 古天樂 半億 接貨 位處 觀塘 PTU 取景
PermaLink: https://articles.zkiz.com/?id=325934

古天樂訂50本湯文亮新書

1 : GS(14)@2017-02-09 23:36:44

【明報專訊】港股經歷「大時代」之後,紀惠行政總裁湯文亮每當港交所(0388)跌至180元便大手吸納,然後升至200元以上便分批出貨,已多次獲利。去年12月尾他便又在180元大手買入港交所,該股昨天一度大升逾5%,最高見196.4元,與180元的入貨價高出約9.1%,並接近再次獲利水平。

湯文亮對股樓皆很有心得,且善於觀察經濟,他從公司及朋友年夜飯訂位難得出結論,香港經濟其實不太差。事實上,他的公司擁有上百間靚舖,自然可透過觀察租務巿場的變化了解經濟,從而對樓巿和股巿有獨到之見,他數月前在旗下一間米芝蓮食肆租戶遇上影星古天樂,言談間惺惺相識,昨晚兩人飯敍,古天樂(圖右)對湯文亮(圖左)的新書《破解樓巿之謎》讚賞不已,即時向湯文亮認購50本!

讀者如想得到湯文亮親筆簽名《破解樓巿之謎》,可報名參加《明報》下周六(2月18日)舉辦「2017股樓大作戰」投資講座暨新書發布會,同場還有曾淵滄教授和對冲基金經理陳德豪,為大家拆解最新投資形勢﹕link.mingpao.com/48982.htm

[小琴密語]


來源: http://www.mpfinance.com/fin/dai ... 6769&issue=20170209
古天樂 50 本湯 湯文 文亮 新書
PermaLink: https://articles.zkiz.com/?id=326050

兒童節目主持出身陳佩思簽古天樂公司

1 : GS(14)@2017-04-29 23:24:44

今年33歲嘅陳佩思(Pancy),可能你對佢個名有啲陌生,不過見到佢個樣就應該會認得,佢最出名就係拍榴槤月餅廣告,仲自封為「榴槤皇后」。其實Pancy做兒童節目主持入行,喺2004年被安排入第18期藝員訓練班,當時佢嘅同學仲有胡定欣、黎諾懿、鄭俊弘等。Pancy多年嚟除咗做主持之外,亦有份拍劇,不過做親都係閒角,去到2012年大台向兒童節目開刀「裁員」,而Pancy仲係首批講「byebye」嘅人。離開大台轉投港視旗下,不過港視不獲發牌,而Pancy亦甚少現身幕前,直至去年電影《三人行》佢有份扮演護士。原來現時Pancy喺姜皓文穿針引線下,簽咗畀古天樂旗下嘅天下一經理人公司。



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170428/20004009
兒童 節目 主持 出身 佩思 古天樂 公司
PermaLink: https://articles.zkiz.com/?id=331853

古天樂講明唔簽唐詩詠 理由係…

1 : GS(14)@2017-05-28 10:38:17

好耐冇喺無綫出現嘅古天樂,前晚現身電視城出席《2016香港藝術發展奬頒奬禮》,賀好友游乃海奪得「藝術家年獎-電影。原來古仔今次是專登喺深圳返香港出席,同場仲有林家棟、任賢齊等人現身支持。不少資深演員如林文龍、宣萱、張兆輝同陳松伶都人都返無綫拍劇,古仔同無綫仲有合約,唔知佢又有冇計劃返去拍劇呢?古仔話:「一直都有諗,我覺得有好嘅劇本會考慮,但係一定要時間配合,因為0依家都排到密麻麻。」之前宣萱話過最想同古仔再度合作,古仔就稱:「我都好想再同佢合作,其實拍乜嘢都好,電影又好、電視都好,都要睇吓有冇遇到好劇本。」但係之前古仔話會開拍《尋秦記》電影版,有傳宣萱同林峯都會再度合作,但係古仔話:「呢啲要問導演,我都係演員嚟㗎!」曾經有報道話唐詩詠約滿無綫之後,古仔有意簽佢做藝人,不過佢好肯定話:「唔會,我都只係演員,呢啲嘢要由導演去決定。」另外,詩詠近排頻頻孖住黃翠如傾偈散心,昨日翠如又係ig放片,見到詩詠好開心咁放風箏,終於現難得歡顏,之後仲一齊睇日落,好寫意。




來源: http://hk.apple.nextmedia.com/entertainment/art/20170528/20036528
古天樂 講明 唔簽 唐詩 理由
PermaLink: https://articles.zkiz.com/?id=334333

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019