ZKIZ Archives


大台又抄橋?《潮流教主》勁似日劇《First Class》

1 : GS(14)@2016-03-05 01:26:31

喺大台孭得飛嘅花旦走一個、走下又一個,如果你屋企嘅公仔箱,因為家人而慣性常開,就會發覺啲女一角色,睇嚟睇去都係啲新晉力谷小花陳凱琳、蔡思貝等,即係連演技都唔可以叫好嗰啲,大台力谷仲有李佳芯同陳瀅,好似大台近日播《潮流教主》,講陳豪做時尚雜誌總編輯,帶領旗下一班女職員搞fashion,似就似係玩新嘢!不過啲劇情又係抄日劇《First Class》,當中被網民封為「世紀煩音達」嘅蔡思貝,亦繼續做一啲熱血努力角色,唔少網民都覺得佢慘被大台「定型」,就好似幾個女演員演開被強姦嘅角色,就長期喺劇中被姦,認真夠晒悽涼,認為蔡思貝可以演啲cool嘅角色。昨日有周刊稱大台劇《潮》係抄兩年前嘅日劇《First Class》,呢套日劇第二輯上年更喺J2台播過,蔡思貝演嘅「張逸寧」仲同《First Class》女主角「吉成千奈美」澤尻英龍華好似,又係講一個打扮好娘嘅女仔入行,喺最top嘅潮流雜誌社,點被公司啲人恰,個人點上進,角色同劇情都大致相同,報道更指,有一集更加離譜,連劇情都一樣,講有個model甩底,要臨時搵人頂上做model,蔡思貝著嘅背心裙,仲要同《First Class》嘅吉成千奈美差唔多款拍攝當中亦加咗好多內心劇嘅位,不過唔係用眼神去交代,而係用內心對白去演,呢個都係日劇最常用嘅手法,大台o依家先抄嚟當新嘢遲唔遲啲,另外,陳豪喺劇中成日叫啲下屬去天台,《First Class》亦有唔少重要場景喺天台拍攝噃!角色當然唔止抄一個喇,楊秀惠演嘅富二代角色都有「藍本」就係喺《First Class》由菜菜緒演嘅「千金高層」,又係女主角吉成千奈美嘅死敵,咁啱楊秀惠喺劇中又係蔡思貝嘅死敵,就係撞都冇咁橋!不過,成套劇最多人彈嘅係陳豪演戲,造型明扮時裝界名人「老佛爺」Karl Lagerfeld,咁陳豪本身夠高,絕對係model底子,但唔係「教主」feel,有網民覺得個角色如果由黃子華去演一定更好。





來源: http://hk.apple.nextmedia.com/entertainment/art/20160304/19516176
大臺 臺又 又抄 抄橋 潮流 教主 勁似 日劇 First Class
PermaLink: https://articles.zkiz.com/?id=296823

爆《潮流教主》抄東又抄西

1 : GS(14)@2016-03-16 16:14:02

2016-03-09 EW

其實,多年來無綫都不斷被網民狂插抄襲、沒有驚喜,例如:《實習天使》抄日劇《純白》,《談情說案》抄日劇《神探伽利略》等等。而上周首播的《潮流教主》,一見街就立即有網友指出,它是抄襲無綫J2台曾播出的日劇《First Class》(港譯:《霓裳風暴》)。一四年推出的日劇《霓》,故事講述女主角吉成千奈美(由澤尻英龍華飾演),如何由時尚雜誌《First Class》編輯部的見習生,一步步踏上總編輯之路,劇情與《潮》的蔡思貝飾演的角色張逸寧,於時尚雜誌《MODES》由助理編輯做起,然後不停向上爬,成為潮流教主葉朗(陳豪飾演)的接班人,兩者的遭遇何其相似。此外,蔡思貝與澤尻英龍華同樣經常被同事欺凌,而公司內的長舌婦勾心鬥角、力爭上游,模特兒失約影相,搞到她們都要親身上陣等等,兩套劇的內容就如同一對twins。

創意欠奉

另外,網民又大彈《潮》的場地取景與服裝都略欠誠意,作為一本頂尖時裝雜誌,但他們所影的模特兒,竟然沒有國際著名名牌上身;而全劇的場景不是在辦公室,就是在尖沙咀「The One」商場的天台拍攝,簡直慳水慳力。至於,服飾以黑白西裝為主的潮流教主陳豪,無論天黑、天亮都黑超不離身,擺明跟足時裝界凱撒大帝「老佛爺」;加上陳豪身為兩子之父,廿四孝爸爸的形象太深入民心,今次要他不停擺出一副chok樣,網民都大呼不習慣!而一眾在劇中扮明星的演員,清一色chok樣、囂張,以為戴副黑超就代表巨星,令觀眾感受到他們的演出很膚淺。據悉,《霓》的海報是由攝影名師Leslie Kee操刀;而《潮》劇的波點海報,雖然夠醒神又搶眼,但竟與荷李活影星佐治古尼,年前幫外國時尚雜誌《W》影的封面玩波點,不謀而合。還有,《潮》的大合照相畫面,整體的佈局、演員的排位,都與達文西的名畫《最後的晚餐》非常相似。整套劇,既抄東又抄西,炒埋一碟,網友睇劇之餘又可以玩photo hunt,雙重娛樂。

TVB上周首播的新劇《潮流教主》,一見街就被網友插到暈,指它狂抄日劇《First Class》(港譯:《霓裳風暴》),因為《潮》的女主角蔡思貝與《霓》的女主角,遭遇如出一轍,兩者都是新手入行,經常被同事欺凌,就連沒有model影相要親身上陣都一模一樣! 此外,由陳豪飾演的潮流教主,一身黑白造型,不用多說,簡直是「老佛爺」(Karl Lagerfeld)上身;至於,好似好有創意的波點海報,也與一三年荷李活影星佐治古尼(George Clooney)幫外國時尚雜誌《W》影的封面,極為相似。《潮》既抄東又抄西,兼收並蓄,難怪只播出一周,已經成功製造話題。

潮山聰被讚賞

在《潮》劇中飾演雜誌社公關的陳山聰,也是男主角潮流教主葉朗(陳豪飾)的軍師,同樣成為網友的焦點。媽媽是裁縫、曾經做過時裝設計師助手的陳山聰,一向走在潮流尖端,故有「潮山聰」的綽號,今次為了套劇,他就不惜出動大量私伙,他表示:「我有出啲自己有贊助嘅眼鏡同埋鞋囉;其實劇組嘅設計師,都花咗好多心機,喺我哋每個演員嘅服飾方面。」潮山聰如此用心,不少網民都有眼睇,他們竟然建議由潮山聰代替陳豪做潮流教主。如果有機會開續集,監製不如從善如流呀?

撰文☆武儀 設計☆黃潤群
潮流 教主 抄東 東又 又抄 抄西
PermaLink: https://articles.zkiz.com/?id=298203

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019