📖 ZKIZ Archives

《中佬手記》世盃皇者之戰，半場未分高下 得個跑字

http://solelyrun.blogspot.hk/2014/07/blog-post_14.html
英文有句諺語：  "If it is not broken, don't fix it." 開波前一個鐘睇出場陣容同準決賽一模一樣，都知德國同阿根廷嘅兩位教練路維同沙比拿相當滿意球隊嘅表現，唔打算喺重要關頭作出調動。不過，人算不如天算，德國防中基迪拉熱身時受傷，要由克拉馬取代。即使話德國係踢整體都好，但冇咁個正選防中，始終會削弱咗防守能力同進攻嘅變化。尤其是，當對面有美斯嘅時候。
阿根廷有美斯，原先以為會用佢做 4-2-3-1 嘅進攻中場角色，但嚟到決賽，陣式更加傾向 4-4-2 ，美斯同希古恩聯手攻堅，角色更似 90 年代意大利名宿巴治奧嘅「 9 號半」。當然，阿根廷有兩位效率高嘅防守中場馬斯查蘭奴同碧利亞，防線絕對有足夠嘅屏障。

接戰之後，德國明顯佔有較多控球優勢，但阿根廷防守既深且密，時刻有八個球員包圍禁區，無論高路斯定湯馬士梅拿都難越雷池。由於美斯專門強攻德國左路，高大但轉身慢嘅賀維迪斯備受威脅，奧斯爾要頻頻回防助守，變相令德國左路攻勢薄弱，只能側重右邊嘅拿姆助攻。

更不幸嘅係，臨危受命嘅克拉馬喺一次爭波當中，畀從後殺到嘅加雷用膊頭撞頭，踢咗半個鐘左右就要退下火線。路維喺防中兵源將盡之下，起用攻擊火力更強嘅舒爾尼，一來壓制薩巴列達同拿維斯，唔畀佢哋從容助攻 ，二來將策劃能力較強嘅卻奧斯拉後拍返舒韋恩史迪加，等「小豬」可以專注防守。

講開卻奧斯，佢幾乎犯咗一個大衛雷斯喺季軍戰所犯嘅錯誤：頭槌將個波送去禁區頂，分別在於今次卻奧斯係中場回後迎頂去無人地帶，希古恩一聲唔該就單刀埋門，可惜面對紐亞個波射到離行離列，絕對大嘥。希古恩之後再有另一次機會，接應今場表現活躍嘅拿維斯右路傳中近門抽入，不過因為旁證示意越位而食詐糊。阿根廷之後再有另一次反擊機會，拿維斯走到門前接應但係畀謝路美保定解圍。

德國後防喺今屆賽事都未試過咁樣風聲鶴唳，前面亦尷尬地被迫重複地喺右路斬中，最有威脅嘅兩次埋門都只有奧斯爾靚轉身餵畀卻奧斯禁區頂施射，可惜射得太正中畀羅美路接到實一實；以及右路角球，賀維迪斯飛身迎頂中近柱。半場雙方互無紀錄，表面上德國攻勢較多，但論入肉，其實阿根廷更似會入波嘅一隊。美斯掂波唔多，但質素取勝。唯一嘅疑問，係阿根廷上場同荷蘭血戰 120 分鐘，下半場會唔會體力下降。
PermaLink: https://articles.zkiz.com/?id=107960

馬雲身家後來居上 雙馬去年各勝半場

1 : GS(14)@2015-01-08 00:26:58

http://www.mpfinance.com/htm/finance/20150107/news/ec_eca2.htm




【明報專訊】內地首富去年由兩個科網巨頭佔據，騰訊(0700)主席馬化騰於上半年遙遙領先，憑覑騰訊股價屢創新高，身家暴漲至千億以上。

然而，競爭對手阿里巴巴執行主席馬雲，於阿里巴巴上市後，身家已經一舉超越馬化騰，下半年「威盡」全球。近期騰訊股價重拾升勢，據彭博統計，馬化騰的身家增至1191.7億元，亞太區內排第13位。

馬雲擁逾2100億元資產

至於，亞太區內第二富豪的馬雲，其身家依然遙遙領先馬化騰。雖然近期阿里股價略為回軟，但馬雲仍擁有逾2100億元資產。由於騰訊及阿里的核心業務已發展成熟，遊戲及電子商貿的增速料較過去減慢，故兩者紛紛投資其他行業，由金融、娛樂鬥到「Call的士」。

蘇沛豐：騰訊用戶較忠誠

招銀國際研究部策略師蘇沛豐則認為，如以發展新業務計算，騰訊所擁有的用戶群忠誠度較高，比阿里更容易將用戶「變現」成利潤。「用慣微信很難會轉用Whatsapp，但到淘寶購物，如用戶見其他電商較便宜，則可能不用淘寶。」
PermaLink: https://articles.zkiz.com/?id=287043

營運總裁困升降機半場沒現身

1 : GS(14)@2016-02-04 17:16:36

【本報訊】窮途末路的亞視，昨日大樓內兩部升降機均故障，營運總裁馬熙一度困升降機。昨日亞視於早上11時半臨時召開員工大會，但因太匆忙關係延至12時舉行，惟僅得股東代表何子慧出席。她在會上向逾200員工表示要延遲30日出糧，員工震怒，並要求高層現身解釋，而馬熙遲遲沒現身。下午約12時45分，一架消防車抵達亞視，4、5位消防員進入大樓。保安向記者表示：「有人困升降機，唔知邊個。」消防車約20分鐘後離去。其後證實被困升降機內的確是馬熙。亦有亞視員工表示，因為有管理層被困電梯，所以於下午3點再開會。除了升降機故障，亞視日前更因沒錢支付費用，而令清潔公司暫停服務、新聞採訪車沒入油要停用、新聞部租用通訊社只餘路透社，甚至連大堂玻璃碎裂亦無更換。■記者余燕儀





來源: http://hk.apple.nextmedia.com/news/art/20160204/19478792
PermaLink: https://articles.zkiz.com/?id=295220
Next Page
ZKIZ Archives @ 2019