ZKIZ Archives


劉錫賢主持《ATV這一家》

1 : GS(14)@2015-01-06 01:06:51





亞視拖欠員工薪金問題仍未解決,要花費的節目暫不製作,娛樂節目《星動亞洲》大前日播完錄影存貨即叫停,為了定軍心兼搞噱頭,亞視即構思了特備節目《ATV這一家》,每晚6時35分在本港台及亞洲台播出。10分鐘的節目內容,如同佔中期間警察公共關係科總警司許鎮德(許sir)向傳媒匯報每日最新情況一樣。《這一家》已獲廣告商冠名贊助,節目由劉錫賢和蔡國威輪流主持。首集主持劉錫賢昨日在電話中說:「聽日我返亞視錄影,首集訪問七朝元老、亞視執行董事葉家寶,第二集係朱慧珊。」據知主持每集可計一騷。亞視現在播出可觀性節目買少見少,最值得看是直播的《六合彩》和《賽馬直擊》。採訪:陳杰





來源: http://hk.apple.nextmedia.com/entertainment/art/20150105/18991353
劉錫 錫賢 主持 ATV 一家
PermaLink: https://articles.zkiz.com/?id=286993

劉錫賢父跌傷入院

1 : GS(14)@2016-03-02 15:16:56

亞視一哥劉錫賢對亞視拖糧已達忍無可忍,他原訂昨日要返大埔總台頂替袁潔儀錄影節目《天南地北》,並打算工作後便返家㩒電腦啟動《僱傭條例》10A條終止僱傭合約,可是德勤前日在亞視搞大龍鳳,劉錫賢對亞視完全失望。劉錫賢前日缺席亞視員工大會,原來他的89歲老父早前在家中跌倒弄傷盆骨,並需進院做手術,劉錫賢連日忙於照顧爸爸,他昨在電話中說:「爸爸一直有工人照顧,但嗰晚半夜去洗手間,工人冇留意到陪佢,爸爸就跣親,漏夜叫白車入咗醫院。」醫生建議劉爸爸接受手術治療,現正留院休養,劉錫賢說:「爸爸情況穩定,醫生讚佢生命力好強。」採訪:楊定





來源: http://hk.apple.nextmedia.com/entertainment/art/20160302/19512194
劉錫 錫賢 賢父 跌傷 入院
PermaLink: https://articles.zkiz.com/?id=296599

忠臣劉錫賢:痛都應該放棄

1 : GS(14)@2016-03-05 01:15:31

劉錫賢在亞視服務了28年,由廣播道做到大埔總台,至大前日才忍痛引用《僱傭條例》10A條申請自動遣散,跟亞視一刀兩斷,昨日劉錫賢接受本報專訪時說:「亞視去到已經病入膏肓,而且佢而家係極度痛苦,被德勤翻咗個底出嚟,得番廿幾萬嘅cash flow(現金流)喺度,而家就算係掹掣都唔可惜,當然對佢有50幾年歷史,28年嘅感情,梗係會覺得好心傷、好痛。」



「股東對唔住員工」


被稱為「亞視忠臣」的劉錫賢,認為痛都應該選擇放棄,他說:「最近見到太多無賴嘅事發生,就算德勤話而家好體諒,都應該有個方案畀我哋,炒晒你哋但係我哋唔出糧,你哋去勞工處追囉!呢樣嘢係完全冇辦法接受,由上次員工大會開始我嬲到而家,所以我覺得佢而家提早結束係啱㗎!」對於堅持做到最後一刻的員工,他說:「我知道有好多員工有亞視情意結,話亞視不死,我都有講,我哋唔係對唔住亞視,只不過而家呢班管理層同股東對唔住我哋呢班員工,係佢哋對唔住亞洲電視。我哋唔係跳船,只不過隻船開始沉,我哋係自保,唔通攬住隻船沉落水底,大佬!Titanic(鐵達尼號)啲人都走喇!」■記者楊潔雯





來源: http://hk.apple.nextmedia.com/news/art/20160304/19516012
忠臣 劉錫 錫賢 痛都 應該 放棄
PermaLink: https://articles.zkiz.com/?id=296753

當年被封毒瘤明冇得撈劉錫明泯恩仇 影YES!卡

1 : GS(14)@2016-05-08 02:56:15

■劉錫明廿年來首次回港工作,就幫有過仇口的《YES!》影Yes!卡。


曾經有劉德華接班人之稱的劉錫明,在90年代因為公開承認欣賞周慧敏而令其當時男友倪震不滿,最後倪震在自己旗下的《YES!》雜誌,連續三年以「毒瘤明」抹黑唱衰「情敵」,令劉錫明事業插水,最終被迫轉到台灣發展。直至08年,倪震終於對劉錫明表示歉意,劉錫明亦大方表示接受這個「遲來嘅歉意」。


■倪震當年為了周慧敏,利用《YES!》唱衰劉錫明。資料圖片

為囡囡出山

昨日在《YES!》的fb專頁上,上載了一條劉錫明接受訪問的短片,原來今次他應在下月3日舉行「YES!25周年演唱會」的主辦單位邀請回港拍攝,目前雙方正努力度期,希望到時可以參與演出。今年7月便52歲的劉錫明,外貌未見有太大改變,談到今次首次影YES!卡,他說:「我記憶當中應該係冇,今次覺得好開心,其實呢次嘅YES!卡係為咗囡囡,希望佢可以扭吓扭吓,見到爸爸噃。我最想自己嘅相可以印喺支筆上,囡囡返學嘅時候用到,寫寫下就會見到爸爸。」他亦透露如果今次成事,將會是20年後再度在港演出。撰文:唐琛悠





來源: http://hk.apple.nextmedia.com/entertainment/art/20160507/19601295
當年 被封 毒瘤 明冇 冇得 得撈 撈劉 劉錫 錫明 明泯 恩仇 YES
PermaLink: https://articles.zkiz.com/?id=299977

劉錫賢月底為父設靈

1 : GS(14)@2016-05-21 13:13:44

劉錫賢、洪金梅(祥嫂)、田啟文前晚於北角新光戲院出席《夢想合伙人》首映,劉錫賢指亞視欠薪本來有望出糧,但最終落空:「上星期達成協議,司榮彬喺法庭話願意出5,000萬買番亞視員工欠款,原定前日發放,但早上收到消息蔡衍明叫成件事hold住。現時大家要透過德勤了解件事,員工欠薪呢個方法可以解決,唔明點解唔肯咁做。」劉錫賢的父親早前逝世,他透露會於本月27日在香港殯儀館設靈,翌日出殯,劉錫賢慶幸很多朋友相助,經濟尚可,稍後他會到薛家燕開設的學校教書及開拍微電影。另外,祥嫂被問到近況及如何度過母親節時,她只說:「平淡是福,都係咁過,祝大家工作愉快。」採訪、攝影:曹家誠





來源: http://hk.apple.nextmedia.com/entertainment/art/20160518/19615930
劉錫 錫賢 月底 為父 父設 設靈
PermaLink: https://articles.zkiz.com/?id=300567

【《蘋果》專訪】17年恩怨 最想祝倪震身體健康劉錫明被叫毒瘤明:有嬲過

1 : GS(14)@2016-06-06 02:54:37

■劉錫明昨日接受本報專訪時,提到在街就算被人叫「毒瘤明」,他都不介意。攝影:陳俊強



惡毒說話猶如利刃,90年代演藝事業發展如日中天的劉錫明,因公開承認對周慧敏有好感,被周慧敏男友倪震公器私用,以旗下暢銷雜誌《YES!》連續三年唱衰,更冠以「毒瘤明」之名,最後被迫敗走台灣發展。膠着的17年恩怨,由倪震2008年表達歉意而淡化,到劉錫明接受《YES!》邀請出騷而化解。劉錫明昨日受訪時表示當年被叫毒瘤明的確有嬲過,假如有機會見到倪震,會跟他講「祝佢身體健康。」


現年51歲的劉錫明今晚應邀在灣仔會展出席「YES!25週年演唱會」,重踏香港舞台,更會大唱當年經典金曲,昨日他在會展接受《蘋果》專訪,大談當年跟周慧敏一段情的「秘密」,他說:「當年周慧敏係玉女,好多人都對佢有好感,我有好感完全唔奇,我當年二十幾歲,都係小鮮肉,有少男情懷,好正常,但撻着就真係冇嘅,追求都要講緣,我哋之間完全冇嘢發生過。」



未見過倪震

劉錫明覺得情侶拍拖好講timing,他始終覺得台灣籍太太張齊玲跟自己最有緣,所以可以共諧連理,結婚生女,目前囡囡已經13歲,一直在台灣生活接受教育。在整個訪問中話題都離不開當年「情敵」倪震,劉錫明全程都處之泰然,畢竟是二十多年前的事。他回想當年突被叫「毒瘤明」的感覺:「當年有嬲過,我都年少氣盛啦,但我自問係冇隔夜仇。我反正身體OKay,仲未有惡性腫瘤。」倪震早年跟周慧敏結婚時,曾公開對劉錫明的歉意,假如跟倪震重遇,心底的說話原來只是這樣一句:「祝佢身體健康,有健康就乜都唔使擔心,唔使愁。」劉錫明自爆事情發展到今日,跟倪震是未見過一面,亦根本不認識對方,他說:「我未見過倪生,純粹係美麗誤會。」在事情發生後,劉錫明甚少在港露面,回來都只是探望母親聚天倫,完全沒有機會接觸倪震跟周慧敏兩夫婦。



■昨日綵排,劉錫明只花了十多分鐘便完成。

■90年劉錫明與周慧敏拍《烏金血劍》後,便開始「毒瘤」噩運。劇照



「人生冇如果」

自言是「Yes Man」的劉錫明,凡事都很順得人,永遠不會托人手踭,他說:「做人蝕底少少唔怕,最緊要係蝕得起,我乜都只會向前看。」如果有一日在街給人大叫「毒瘤明」,他笑言不會因此不開心,更會跟對方說:「Hello,多謝。」多年閱歷令劉錫明更睇得化,他說:「何必要介懷,人生仲有好多重要事。」問到有否覺得如果當年沒被倪震玩殘,今日在香港的演藝成績一定不止於此,他無悔說:「人生冇得如果,有早知就冇乞兒,即使plan好,分分鐘都會因為一件事,甚至一個電話打亂晒,做嘢最好順其自然。」而昨日劉錫明綵排時,他都唱得非常認真,接連唱出《是緣是債是場夢》和《你怎麼捨得我》兩首歌,綵排十多分鐘便完成,樂手即拍掌向他致意。採訪:楊定攝影:陳俊強



■倪震以旗下刊物(右圖)連續攻擊劉錫明三年,到與周慧敏結婚時,才向劉道歉。資料圖片



■轉往台灣發展後,劉錫明落地生根結婚生女,組織幸福家庭。資料圖片



來源: http://hk.apple.nextmedia.com/entertainment/art/20160603/19638639
蘋果 專訪 17 恩怨 最想 想祝 祝倪 倪震 身體 健康 劉錫 錫明 被叫 毒瘤 有嬲 嬲過
PermaLink: https://articles.zkiz.com/?id=301785

以毒瘤明出場包含歡樂劉錫明:好彩唔係惡性

1 : GS(14)@2016-06-06 03:17:42

■劉錫明曾被《YES!》冠以「毒瘤明」的外號,他前晚破冰為《YES!》登台,唱功仍在。


劉錫明闊別香港舞台多年,前晚在灣仔會展舉行的「YES!25週年演唱會」重登香港舞台,其他演出嘉賓還有譚詠麟(阿倫)、草蜢、孫耀威、王灝兒(JW)、Super Girls(SG)及林德信等。捧場藝人有錢嘉樂夫婦、梁靖琪、文頌嫻及周家蔚等。場內入座率9成,場外還有各演出嘉賓的1比1人形紙牌公仔,又擺放了20部《YES!》扭卡機,讓觀眾重拾當年扭卡的美好回憶。



■草蜢為演唱會打頭陣又唱又跳,活力常在。

■Super Girls穿高踭鞋跳舞,姿態撩人。



阿倫壓軸

演唱會由草蜢打頭陣,蔡一智、蔡一傑兄弟大爆蘇志威當時儲下不少劉小慧閃卡。而林德信、JW、SG、顧芮寧、孫耀威及內地女子組合S.I.N.G等相繼出場,雖然台下反應一般,但每人也很落力演出,其中SG穿高踭鞋又唱又跳殊不容易。至於當年因公開承認對周慧敏有好感,而被倪震在《YES!》公開唱衰了17年的劉錫明,當時更慘遭起名做「毒瘤明」,致人氣急跌敗走台灣。是晚大會司儀竟繼續以「毒瘤明」之名介紹出場,唱功依然的他在台上說:「我哋好耐冇見,我諗都有20年。好多朋友都擔心我嘅健康,好多人都擔心我真係有毒性,託賴,我身體好好。」譚詠麟則以壓軸身份出場,演唱了多首金曲。



■沒有在香港工作多時的劉錫明,仍獲歌迷送花。

■譚詠麟(右)和劉錫明展示各自的最新《YES!》卡。



有意回流


完騷後劉錫明接受訪問,他表示相隔二十多年重踏舞台,一切以平常心面對。有否想過可能會遇見倪震?他說:「冇諗呢個問題,隨緣,見到就見,見到冇乜好尷尬。」他坦言已經有廿幾年沒和周慧敏聯絡。談到大會以「毒瘤明」作介紹,他笑說:「我係坦然面對呢件事,我喺台上解釋得好清楚,因為呢個名令到好多人記得我,亦都帶出好多歡樂,始終仲有呢代人記得我,好彩我唔係惡性。」劉錫明直言有意回港發展,只要有聽眾,絕對願意再出碟開演唱會。
SG受訪時指小時候有儲《YES!》卡,想不到現在會成為主角。採訪:盧妹攝影:仇志德



■(左起)孫耀威、葉佩雯、顧芮寧及林德信在樂壇代表着不同年代。

■場外擺放約二十部扭卡機,好有舊情懷。

新《YES!》卡



來源: http://hk.apple.nextmedia.com/entertainment/art/20160605/19641389
毒瘤 出場 包含 歡樂 劉錫 錫明 好彩 唔係 惡性
PermaLink: https://articles.zkiz.com/?id=302055

【馮仁昭四圍超】劉錫賢做舞台劇中伏

1 : GS(14)@2016-11-08 05:45:59

劉錫賢噚日去到商台宣傳舞台劇《獨坐婚姻介紹所》,佢話:「收到劇本見到有19頁讀白,覺得有啲中伏,因為冇對手冇人幫,要自己做晒,有少少壓力,廖啟智都做過呢個角色,覺得自己唔可以衰。」肥仔賢完成咗舞台劇之後,會投入拍攝八両金投資嘅網絡電影,佢話:「齣戲八両仔做主角,我做佢爸爸,係勵志喜劇,八両金做監督,佢只會客串。」撰文:馮仁昭




來源: http://hk.apple.nextmedia.com/entertainment/art/20161108/19826075
馮仁 仁昭 四圍 劉錫 錫賢 賢做 做舞 舞臺 劇中
PermaLink: https://articles.zkiz.com/?id=314469

【馮仁昭四圍超】劉錫明演皇帝收視好

1 : GS(14)@2016-12-07 07:41:21

劉錫明喺90年公開表示欣賞周慧敏,激嬲咗當時周嘅男友倪震,被對方喺雜誌《Yes!》唱衰,搞到事業插水要走去台灣同內地發展。為咗生計長期漂泊異鄉,佢最愧疚係冇時間陪年事已高嘅媽咪。最近劉錫明演皇帝嘅《錦繡未央》喺北京收視唔錯,噚日問佢近況如何?佢話:「幾好呀,啱啱拍完電視劇《龍珠傳奇》,呢排喺內地巡迴做騷搵銀,過年會返香港陪媽咪。」撰文:馮仁昭




來源: http://hk.apple.nextmedia.com/entertainment/art/20161206/19856046
馮仁 仁昭 四圍 劉錫 錫明 明演 皇帝 收視
PermaLink: https://articles.zkiz.com/?id=318528

肥施最驚劉錫賢病

1 : GS(14)@2017-02-05 10:48:35

施介強(肥施)在電影《審死官》跟車保羅合演肥龍瘦虎,而肥施跟身形不相伯仲的劉錫賢為香港電台第五台合作主持《電影乾坤》節目已達八、九年,前日大年初六,二人為節目錄音,好兄弟順便拜年,祝大家身體健康。肥施昨說:「我同劉錫賢係同期入亞視,當年佢冇?家咁肥,我離開亞視之後,大家再合作《影城大亨》時撞番。劉錫賢係我好朋友,我哋節目冇乜budget,但佢都肯幫我做節目,真係友情搭夠㗎。我哋仲係靈肉相通,我哋一個病完,跟住第二個就會即刻病,所以每次佢病完我都好驚。新一年我哋都有互祝身體健康。」採訪:魯吉




來源: http://hk.apple.nextmedia.com/entertainment/art/20170204/19917116
肥施 施最 最驚 驚劉 劉錫 錫賢 賢病
PermaLink: https://articles.zkiz.com/?id=325446

劉錫明西貢巡地產舖

1 : GS(14)@2017-02-05 10:48:35

劉錫明早年失意香港,隻身到內地發展,更成功掘到一大桶金。專注在內地做登台商演的他,因為去年接拍內地劇集《錦繡未央》而再次人氣攀升,工作排到下半年,還要推掉不少工作。本身是歌手出身的劉錫明,原來一直都想繼續唱歌,還打算在年中推出黑膠唱片。劉錫明衣錦還鄉,日前還被拍到帶同太太和女兒到西貢行地產舖,似乎有意在香港置業投資。




來源: http://hk.apple.nextmedia.com/entertainment/art/20170204/19917204
劉錫 錫明 西貢 地產
PermaLink: https://articles.zkiz.com/?id=325448

【馮仁昭四圍超】劉錫賢檔期忙到出年

1 : GS(14)@2017-02-18 00:51:28

劉錫賢(左)日前接受有線娛樂邀請,同星級導師羅天池學打拳。劉錫賢份量十足,學打拳非常認真,初時表現幹勁十足,但打一陣已大汗叠細汗。羅天池大讚劉錫賢有資質,但體能始終有限。兩人又分享各自離開無綫同亞視之後嘅生活,羅天池話:「太太當初都擔心我搵唔到食,?家淨係擔心我無時間畀屋企!」劉錫賢話估唔到啲工作已排到2018年喎!撰文:馮仁昭




來源: http://hk.apple.nextmedia.com/entertainment/art/20170217/19930452
馮仁 仁昭 四圍 劉錫 錫賢 檔期 忙到 到出 出年
PermaLink: https://articles.zkiz.com/?id=326766

劉錫賢瞓棺材嫌窄

1 : GS(14)@2017-04-05 23:56:57

劉錫賢日前為ViuTV拍電視劇《詭探》,被導演要求站入棺材取景,他自嘲是梁思浩接班人,甘願為劇集犧牲:「從來未試過瞓棺材,不過原來幾窄,真係逼逼哋。」劇中他飾演變態降頭師,會與各式神像及布偶做對手戲,他說:「邵仲衡拍拍吓話撞邪,我就冇見到,可能個樣比較福相冇事啦!所以我都同佢講,有乜恐怖嘢搵我頂晒佢。」撰文:葉綠悠




來源: http://hk.apple.nextmedia.com/entertainment/art/20170405/19979931
劉錫 錫賢 棺材 嫌窄
PermaLink: https://articles.zkiz.com/?id=329296

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019