撇伍允龍短裙劉佩玥耍功夫情挑黃子恒
1 :
GS(14)@2017-07-07 02:42:20今年27歲嘅前港姐季軍劉佩玥(Moon)，舊年同伍允龍合作《城寨英雄》撻着，不過日前有周刊就話，Moon因為男友伍允龍長期返大陸拍劇，喺芳心寂寞下，同圈中「花王」周志文暗交。而伍允龍事後就透過經理人回應，話最近的確同Moon少咗聯絡，講到咁樣樣，睇嚟「玥龍」戀都係凍過水。雖然Moon就話自己o依家係單身冇拖拍，不過拍劇有收兵前科嘅佢，最近就同之前搭上人妻裕美嘅黃子恆拍新劇。日前，二人喺中環皇后像廣場拍外景，劇中飾演情侶嘅佢哋，鏡頭前都好合拍，唔使半個鐘冇乜點NG，話咁快就拍完一組戲。至於鏡頭後又點樣樣？當晚着住通花藍色短裙嘅Moon，俾劇組安排同黃子恆喺公園石壆上談心調情，原本氣氛好浪漫吓，弊在石壆嘅高度有番咁上下，着短裙仲要對腳吊吊揈，就好易出事。現場所見，Moon死命用雙手㩒實條裙，而雙腳亦夾到實一實，以免走光。其實，早喺舊年9月，Moon已經同過黃子恆合作拍另一齣新劇。有指識食嘅黃子恆好快就瞄中Moon，仲做柴可夫送女方返君臨天下香閨。難怪佢哋再合作會咁合拍。而《蘋果》當晚就見到二人未埋位前，Moon不時以電眼電黃子恆，又主動向對方切磋武功，迷到黃子恆一陣陣，話時話，唔知Moon嘅功夫，係咪前度伍允龍教落呢？
來源:
http://hk.apple.nextmedia.com/entertainment/art/20170705/20079311
出道4年緋聞未停過劉佩玥曾獲猷亨做外賣仔
1 :
GS(14)@2017-07-07 02:42:22劉佩玥（Moon）於2013年獲選港姐季軍入行，星途同佢同屆嘅陳凱琳及蔡思貝有別，但緋聞數量呢，就同有「發電機」之稱嘅蔡思貝有得揮。出道4年，Moon嘅緋聞男友數量，平均嚟計，每年肯定多過一個，即睇佢張「收兵清單」。何猷亨貴為賭王何鴻燊四房公子嘅何猷亨，喺同陳瀅拍拖之前，曾經於前年被目擊買外賣送去片場畀阿Moon，可以獲賭王之子紆尊降貴做外賣仔，應該唔係朋友咁簡單。（順帶一提，Moon同陳瀅係好姊妹，會一齊去旅行講心事嗰隻。）周志文同樣係戀事多嘅「巨聲幫」大孖周志文，亦同Moon扯上關係，前年有傳Moon同周志文唱K時狂咀，當時周志文同吳若希一齊，Moon變相做「小三」，佢哋段「戀情」一度冷卻，但近日回復單身嘅Moon喺月前被指暗達周志文，亦有報道話周志文趁住伊人芳心寂寞，以細心照顧嚟打動女方，仲講到佢哋不時以band夾嚟做藉口，成班人約會，Moon日前孖住周志文等人做直播時，有指兩人忍唔住眉來眼去。呢兩個人，真係相當有可疑……黃又南都係前年嘅事，當時Moon被目擊喺收工後，上咗又南架Audi戰車，兩人其後喺車廂中談心，其間有錫錫，當又南出手點煙時，Moon伸手去搶，勁耍花槍。伍允龍伍允龍自從同鍾嘉欣終結愛情長跑後，感情去向備受關注，因合演大台劇《城寨英雄》而傳緋聞，其後Moon同伍允龍更不避嫌互相出席對方與朋友之間嘅聚會，令二人戀聞甚囂塵上。不過，有指Moon嫌男方專注事業，少理自己，所以棄龍覓兵。黃宗澤喺拍大台劇《幕後玩家》時，有傳Moon迷上對手黃宗澤（Bosco），更周圍放聲氣話自己回復單身，更主動出擊追Bosco，可惜神女有心，襄王無夢，最終Moon追仔失手而回。
來源:
http://hk.apple.nextmedia.com/entertainment/art/20170705/20079315
劉佩玥代陳瀅否認復合
1 :
GS(14)@2017-07-09 12:16:11■劉佩玥（右）昨日與歐鎧淳出席活動時，自稱不是娘娘不用收兵。
劉佩玥與歐鎧淳昨日於將軍澳出席「Summer Breeze」揭幕禮，劉佩玥剛與好友陳瀅到泰國旅行，一同買睡衣做直播節目，在床上典床典蓆，問到會否令人有遐想？她說：「唔係奇怪嘅，話畀大家聽我哋平時玩乜，着得好密實，唔係着吊帶，呢啲少女情懷，總係好吸引大家。」提到早前跟黃子恆拍節目傳緋聞，劉佩玥笑言自己不是娘娘，不用收兵。問到有指好友陳瀅買樓及跟何猷亨復合？她代為澄清：「一定冇，佢係想買樓，但係會喺加拿大買畀婆婆。」另外，歐鎧淳表示以游水為正職，因幕前工作太累，連教練也有微言。採訪：羅慧敏攝影：仇志德
來源:
http://hk.apple.nextmedia.com/entertainment/art/20170709/20083300
組團唱歌內訌 劉佩玥窒慣麥明詩
1 :
GS(14)@2017-08-04 06:36:24■劉佩玥（左）穿短裙現身活動，否認與陳安立有戀情。
劉佩玥（Moon）與翟威廉成立了「Happy Live」合唱團，近日頻頻邀請藝人朋友開live，當中大部份時間都是Moon自彈自唱多，但就坐正中間兼做咪霸，更嚴防其他女嘉賓搶鏡。昨日有報道指Moon的港姐師妹麥明詩獲邀做嘉賓，但她見對方彈錯即藐爆，更爭住唱。
■周秀娜自言酒量差，曾試過醉倒中環街頭。
■周秀娜昨日打扮性感出席活動。
「係幾好朋友」
Moon昨日與周秀娜在尖沙嘴出席一個啤酒活動，她否認有此事：「我同麥明B，我唔會叫佢麥明詩，我同麥明B平時出活動都會夾吓啲衫，都係幾好朋友，我諗呢啲斷章取義嘅報道唔需要啦。」問到平時與朋友是否習慣互窒，Moon表示：「其實冇乜朋友唔會互窒，如果講嘢都要就住對方，講嘢前要諗過度過，呢啲唔係真正朋友啦。火就冇，火花就有，講到咪霸，就留番唱K先做。」對於她與陳安立傳緋聞，Moon表示對方是她的大學師兄，僅屬好朋友，亦不是收兵。麥明詩昨晚在圓方出席電影欣賞會活動，她承認當日彈錯琴：「好耐冇彈過生晒銹，我唔覺得佢藐我，其實嗰時冇表情唔代表藐人，我都試過中招，俾人話我藐麥美恩，我感同身受。」
■劉佩玥與麥明詩唱live，被指藐爆彈錯琴的麥明詩。互聯網圖片
■麥明詩昨晚表示和劉佩玥是好朋友。
「有人有是非」
自言與Moon是好朋友的麥明詩，亦不覺得對方在節目收兵，對於她捍衞主持地位，她表示：「主持得一個，係翟威廉，佢喺屋企做東道主，唔覺得佢對女仔起弶，有女仔仲好，如果得男仔好齋，有人嘅地方就有是非，如果下次有時間會繼續去，我個人唔避忌，自己想做一樣嘢會正常去做，唔考慮人哋點睇。」採訪：盧妹、張俊銘攝影：陳順禎
來源:
http://hk.apple.nextmedia.com/entertainment/art/20170804/20110746
Next Page